رواية الخامس من أكتوبر الفصل السادس عشر 16 - بقلم دانيا

رواية الخامس من أكتوبر

الفصل الخامس عشر15

بقلم دانيا

الصباح بدري ابوعبيده صحى مشى صلى في الجامع وجاء راجع عمل الشاي وصحى الأولاد عشان يشربوا الشاي ويجهزوا للمدرسه ... كانت الساعه جات 6 ونص اتصل للممرضه " سندس " سألها من ماما فاطمه قالت ليهو في تحسن كبير في صحتها الحمد لله بس لسه مخلينها تحت تأثير المخدر عشان م تتصدم بعدم رجعة ولدها وتسوء حالتها ،، وانت عملت شنو في الموضوع ؟ قال ليها بجهز الأولاد وبوصلهم المدرسه وبمشي بشوف المحقق وبجيكم بهناك ، انتي زاتك تعبتي معانا والله ومن حقك بعدا تمشي ترتاحي ... قالت ليهو تعب شنو مافي اي تعب م تفكر فيني حالياً ركز على حل المشكله وإن شاء الله تنحل باقرب وقت يارب ،، قال ليها إن شاء الله يارب .

بعد خلص من المكالمه خشى جوا لقى البنات ومجتبى شربوا الشاي وجهزوا للمدرسه ، عاين ليهم وقال في نفسه انا قلت ليكم امكم بتجي الليله إن شاء الله عبدالله يظهر عشان نقدر نطلعها من المستشفى .... جاهو مجتبى اثناء ماهو واقف بفكر بينو وبين نفسه قال ليهو نحن جاهزين ، لمن نجي من المدرسه ح نلقى عمتي فاطمه قاعده منتظرانا صاح؟ وهو بعاين ليهو منتظر الإجابه ،، ابو عبيده حس بحسرة كبيرة في قلبه لكن سريع غير ملامح وشو من الحزن للفرح وخت يدو على راس مجتبى وعاين ليهو وعاين للبنات الكانوا بعاينوا عليهو بترقب ومنتظرين اجابتو وقال ليهو اكيد ح تلقوا ماما فاطمه وعبدالله الإتنين منتظرنكم في البيت هنا انتوا بس ركزو في قرايتكم .

من الفرحه البنات بقوا ينططوا وقالوا هيي واخيراً ، طوالي ابو عبيده غير الموضوع وقال ليهم يلا ورح بسرعه عشان م نتأخر .... ساقهم وطلعوا قفل البيبان وراهم وغطى الركشه بالمشمع وقفل باب الحوش ومشى وصلهم المدرسه ،، وبعدها اتصل للمحقق بس م رد عليهو عاين للساعه لقاها سبعه ونص قال ياربي المحقق دا نساني ولشنو؟ تاني اتصل خشى كم جرس وم رد كان واقف قدام المدرسه قال خلاص احسن امشي المستشفى من هناك لو اتصل لي بركب اقرب ركشه وبمشي عليهو وطوالى اتحرك مشى .

فتحت عيوني حسيت جسمي كله واجعني وراسي تقيل عاينت فوق للسقف وبقيت بحاول اتزكر الحاصل شنو ؟ اتزكرت اخر شيء انا كنت طالع الرجعني هنا شنو ؟ عاوز ارفع يدي م قدرت عاينت ليها لقيتها مربوطه مع يدي التانيه ، عاينت لرجليني نفس الشيء مربوطات مع بعض .... بقيت بتلفت حوالي مافي اي شيء جنبي المكان عباره عن غرفه فاضيه غيري م فيها حاجه ، دا ما نفس المكان الكنت فيهو ياربي الحاصل شنو؟ اتزكرت اول ما طلعت من المكان داك سمعت صوت جاي من وراي اتلفت وراي عشان اعرف البتكلم منو .... لقيت زول لا كبير ولا صغير يمكن شاب في الثلاثين من عمره كان واقف وراي واظنو طلع من نفس المكان رغم إنو انا لمن طلعت المكان م كان فيهو غير البت واقعه دا جاء من وين ؟ عاينت ليهو وكان في عيونو نظرات حاده وغير كدا م بتزكر تاني الحصل شنو ول جابني هنا شنو والشاب داك كان منو واختفى وين ؟.

اثناء ما انا مترمي في الأرض وم قادر اقوم فجأة الباب فتح عاينت على إتجاه الباب .... شفت اقدام واقفه قدام الباب رفعت راسي عاينت كان نفس الشاب الشفتو اخر شيء ،، بقيت بعاين ليهو مصدوم وفي راسي الف علامة إستفهام حاولت اقوم م قدرت لأنو ايدي ورجليني مربطين ،، جاء وقف قدامي وكان شايل في يدو دفتر كبير

الفصل السادس عشر من هنا