رواية الخامس من أكتوبر الفصل السابع عشر 17 - بقلم دانيا

رواية الخامس من أكتوبر

الفصل السادس عشر16

بقلم دانيا

ابوعبيده قبل يصل المستشفى تلفونو اتصل طلعو من جيبو عاين ليهو لقاهو دا نفس رقم الراجل"عم سندس" رد عليهو بسرعه ،، الوووو كيف الحال يا سعادتك ... رد عليهو وسألو انت وين ؟ قال ليهو في طريقي للمستشفى كنت متصل ليك لكن م رديت قلت امشي اشوف امي فاطمه بقت كيف ... قال ليهو امك فاطمه خليها م تشغل بالك بيها مش سندس معاها انت تعال لي جنب مصنع البلاستيك الفي طرف المنطقه خلينا نشوف الموضوع دا ونحلو بأسرع وقت لأنو التأخير م لصالحنا ،، ابوعبيده قال ليهو تمام ربع ساعه وبكون عندك وقفل الخط على كدا ووقف جنب الظلط وبقى يأشر للركشات.

في رقدتي في الأرض ديك م قدرت اقوم لأنو يدي ورجليني مربطين الشاب جاء وقف قدامي رفعت راسي بقيت اعاين ليهو كان واقف وشايل في يدو دفتر كبير ،، قبل افتح خشمي بي حرف فجأة من دون مقدمات قعد جنبي في الأرض وكان ماسك الدفتر قدامو زي الزول العاوز يقرأ ... عاين لي ورجع عاين للدفتر قال لي انت اكيد مستغرب وبتسأل نفسك " انا وين وجيت هنا كيف ودا منو ؟" طيب اول شيء ح اعرفك عن نفسي انا " فارس " لمن جيت اول مرة كنت زيك م فاهم حاجه ورافض كل حاجه بس بعدين قدرت اتقبل واتأقلم ... قال كلامو دا وانا ساكت عاين لي وابتسم ،، قلت ليهو رضيت بشنو واتقبلت شنو ودايرين توصلو لشنو اصلاً وانتوا منو ؟ .

عاين لي مسافه وخت الدفتر في الأرض وقام على حيلو مشى مني خطوتين ودخل يدينو في جيوبو وقال لي سؤال جميل لكن هسي انا اجاوبك على شنو بالأول ؟ وسكت وبقى يعاين لي تاني قال لكن مامشكله خليني اختصر ليك الموضوع بفهمي الخاص عشان تقدر تستوعب .... طلع يدو من جيبو ختاها على خدو نظام بفكر يبدأ كيف ،، وبعدها قال لي شوف ركز معاي انا إنسان زي وزيك جابوني زي ما جابوك وعلموني زي ما حالياً بحاولو يعلموك وبي كدا انا بقيت ساحر كبير وممكن تقول اقوى من البت ديك " زينوبه" لأنو هي مهمتها تصطاد ونحن مهمتنا نعلم عشان كدا م عرفت تتعامل معاك .

وانا بسمع في كلامو دا حسيت بقشعريرة سرت في جسمي من جاب لي سيرة سحر وساحر ومن الكلام دا ... قلت ليهو كيف يعني لا حوله ولا قوة إلا باالله العلي العظيم ، حسبي الله ونعم الوكيل منكم من كل عقلك اتعلمت السحر يامشرك ،، بقى يعاين لي بس وم ادى اي اهميه لكلامي ، جاء قعد جنبي ورفع الدفتر من الأرض وقال لي م تتسرع بالحكم شوف ... عاينت ليهو وهو بفتح في الدفتر وتاني رجعت عاينت للدفتر ،، وجهو علي بعد ما قلب في الصفحات وقال لي عاين عاينت للدفتر كان فيهو اسماء كتيرة مكتوبه قلت ليهو دي شنو ؟ قال لي دي اسماء الناس الوصلنا ليهم منهم السمع الكلام واصبح سيد ويمتلك جن خدم عند رجليه ومنهم من رفض واصبح في خبر كان ... انا من سمعت خبر كان دي جسمي كله نمل قلت ليهو قصدك شنو ،، عاين لي وبقى يضحك قال لي ما تكون بريء كدا خبر كان دا ما معروف " انقرض" .

ابو عبيده وصل مصنع البلاستيك ونزل من الركشه وحاسب تباع الركشه ودور مشى وهو بقى واقف عاين حواليهو مسافه مافي اي زول طلع النظارة ومشى وقف جنب باب المصنع .... طلع التلفون واتصل للزول قال ليهو وصلت المصنع قال ليهو خلاص دقيقتين وبكون معاك ،، قفل وبقى يعاين للمصنع من جوا والعمال شغالين ، واقف كدا سمع صوت جاي من وراهو اتلفت لقى زول واقف قال ليهو ابو عبيده صاح؟ قال ليهو ااي انا سلم عليهو وقال ليهو يلا ورح ودار ظهرو ومشى وابوعبيده مشى وراهو .

امي نايمه في المستشفى اثناء ماهي نايمه بدأت تشوف في مكان مظلم كان في مجموعه من الناس لابسين لبس اسود وواقفين وعاملين حلقه وكان في صوت صريخ جاي من نص الحلقه الدائريه دي وهي كانت جايه عليهم من بعيد وبتنادي " ياعبدالله ، عبدالله" لمن لمحتهم واقفين استغربت ديل بعملو في شنو جات عليهم عاوزة تسألهم ماشفتو عبدالله ؟ واول ماوصلت هم كانوا واقفين وبهتفو بكلمات غريبه وفي صوت جاي من نصهم عاينت في النص عاوزة تعرف الحاصل شنو شافتني قاعد في الأرض وبقول ليهم لااا لاا واول ماشافتني صحت مخلوعه لمن سندس الكانت قاعده جنبها في العنبر حارساها اتخلعت وقالت ليها بسم الله ... قامت مشت عليها قالت ليها خالتو فاطمه انتي كويسة؟ بقت تعاين ليها بإستغراب لأنو اول مره تشوفها قالت ليها انا وين ؟ بقت تتلفت وقالت ليها انتي منو؟

الفصل السابع عشر من هنا