رواية القلب تواق لك يا خليفة الفصل السابع 7 - بقلم بَحر

اليوم المنتظر وصل
اليوم العرس
كانت توق هاديه على غير العاده
ما كنت حاسه بتوتر على عكس امها الي كانت كل شوي تدخل عليها الغرفة

عايشة بتوتر : ها توق خلصتي ؟
توق تنهدت : امايه خلاص كم مره تدخلين و تسألين ... شوي و بجهز ... شوفيج متوتره هالكثر

عايشة خذت نفس عميق عقب طلعت
بعد نص ساعة توق جهزت
كانت توق مسويه ميكب فخم بس خفيف
لان فستانها كان عليه وايد شغل فقالت حق الميكب ارتست انها تخلي الميكب خفيف
كانت الساعه 10:15
نزلت و و قفت عند البوابه
توق بدت تحس بتوتر شوي
بدت الحان الزفة
شوي و انفتح الباب و توق دخلت
كان شي وايد ناس فالقاعه
بسبب كثرة معارف احمد هو عزم كل الناس الي يعرفهم على العرس
كان العرس كبير و فخم
بدت توق تمشي مع الحان الزفة
كانت تمشي ببطئ لان فستانها شوي كبير و منفوش
كانت تبتسم حق الكميرات شوي و تبتسم حق المعازيم شوي
مع انها ما كانت تعرف معظم المعازيم بس ابتسمت لهم
وصلت للكوشة و وقفت شوي عشان تتصور عقب يلست
ييت صوبها اريام و هي مبتسمه و حضتنها

اريام : مبروك حبيبتي
توق بهدوء : الله يبارك فيج
ييت بعدها عايشة و حضنت توق بقوة : مبروك حبيبتي

تصورو توق و اريام و امهم شوي عقب يوو المعازيم
عشان يسلمون على توق
بعد ما راحو
ييت وحده متأخره عنهم شوي
كانت لابسه فستان اسود خفيفه و لابسه عبايه ساده
استغربت توق من منظرها

البنت ببرود : مبروك
توق ابتسمت : الله يبارك فيج

لفت البنت و عطت ظهرها حق توق و مشت
توق كانت مستغربه من اسلوبها

توق في نفسها : "هاذي شفيها ؟ ... لا اعرفج ولا تعرفني على الاقل باركي لي بأسلوب حلو"

توق لفت و تمت تدور اريام بعيونها
لمحتها اريام و هي تأشر و صارت صوبها

اريام : ها شو فيج
توق اشرت بعيونها على البنت : منو هاذي
اريام لفت : منو اي وحده
توق : هاذي الي لابسه اسود
اريام : ما ادري بس اعتقد انها من اهل خليفة ... من صوب امه يعني
توق : اها
اريام : ليش
توق : ماشي بس اسأل
اريام عقبت حواجبها : قالت لج شي ؟
توق : مادري بس اسلوبها ... ما كان حلو
اريام : ويت

راحت اريام و خلتها
تمت توق تطالع المعازيم و هم يالسين يسولفون و يرقصون
كان الكل مستانس
توق كان للحين بالها مع البنت
صارت 11:45 و بدو يتغطون الحريم لان المعرس بيدخل
غطو توق بعد
بدت زفة المعرس و انفتح الباب و دخل خليفة
معاه ابوه و عمه و خواله و عيال خواله
لما وصل خليفة عند الكوشه لف على توق و باسها على راسها
عقب سلم عليها علي و باسها على راسها بعد
تصورو عقب طلعو و تم خليفة
فصخت توق الغطا الي كانت لابسته

خليفة كان منزل راسه طول الوقت
لبس خليفة توق الدبله و توق بعد لبسته
باس راسها مره ثانيه و عقب يلسو يتصورون شوي
بعدها بدو المعازيم يخفون
لما كل حد راح
تمو بس الاهل
طلعو خليفة و توق و راحو الغرفة
كملو هناك جلسة التصوير لان ما مداهم يكملون لما المعازيم كانو موجودين
بعد ما خلصو
نزلو توق و خليفة و ركبو السيارة و حركو
رجعو البيت
وصلو و نزل خليفة اول
لف صوب باب توق
و فتح لها الباب و ساعدها تنزل
بعدها دخلو داخل و توجهو لغرفة خليفة الي غيرو ديكورها
كانو مغيرين الاثاث و لون الغرفة و كل شي
عشان تناسبهم هم الاثنين

خليفة بهدوء : تفضلي

قعدت توق على السرير و قعد خليفة عدالها
تمو ساكتين شوي و عقب خليفة تكلم

خليفة : انا ... انا قلت حق ابوي انه ماشي شهر عسل....
توق لفت صوبه : ها ؟
خليفة : قلت حق ابوي انه ما نبي نروح شهر عسل

توق سكتت و تمت تفكر

توق : احسن ... انا مابي اروح شهر عسل اصلا
خليفة : متأكده ؟ عادي اذا تبين بخبر ابوي و بنحجز لاي مكان انتي تبينه
توق : لا مابي ... نتم فالبلاد احسن

خليفة تنهد و تم ساكت
توق تلفت و شافت الغرفة كيف
كان الاثاث كله ابيض

توق بصوت خفيف : هاذي غرفتك ؟
خليفة : هيه ... بس انا قلت لهم خل يغيرون الاثاث و اللون
توق : اها
خليفة : ما عرف انتي شو الالوان الي تحبينها .. فخليت كل شي ابيض ... تقدرين تغيرين كل شي لو تبين
توق : لا عادي ... حلو

قام خليفة و فصخ البشت الي لابسنه
راح صوب الكبت و شل له ملابس و عقب لف على توق

خليفة : الساعة وحده ... الوقت تأخر لو تبين تبدلين و تنامين

عقبها طلع خليفة و سكر الباب وراه عشان تاخذ توق راحتها

قامت توق و فتحت شنطتها و خذت لها ملابس نوم
بدلت و عقب دخلت الحمام
تمت واقفه قدام المرايه تشوف نفسها
تنهدت و عقب ابتسمت

توق في نفسها : "ماعليه ... هذا نصيبي الي الله كاتبنه ... ان شاء الله خيره"

غسل توق ويهها من الميكب و بعدين فَلت شعرها من التسريحة
كانت شوي مصدعه لان التسريحة كانت شوي شاده على شعرها
شوي و طلعت توق من الحمام
شافت انه على الارض في فراش
راحت عند السرير و يسلت عليه
اندق الباب و دخل خليفة راسه من ورا الباب

خليفة : انا قلت حق لينا اتيب لي فراش و تفرشه على الارض ... عشان تاخذين راحتج على السرير
توق : تمام

دخل خليفة و انسدح على الفراش
توق انسدحت على السرير و سكرت الابجوره الي عدال راسها
.
.
مرت ساعات و توق بعدها ما رقدت
خليفة كان راقد و معطي توق ظهره
كان ظلام بس في ضوء خفيف ياي من الدريشة
توق كانت يالسه تطالع ظهر خليفة و يالسه تفكر
مع انه ما يعرفها لكن احترم خصوصيتها و رقد على الارض عشان هي ترتاح على السرير
توق ابتسمت

توق في نفسها : "وايد محترم"
.
.
.
قامت توق على ضوء الشمس الي داخل من الدريشة
فتحت عينها بشويش
اول شي استغربت من المكان الي هي فيه بس عقب تذكرت
قامت من السرير و شافت انه خليفة مب موجود
لفت عند الساعه و كانت الساعه 10:30 الصبح
راحت الحمام و غسلت ويهها عشان تصحصح
طلعت و بدلت ملابسها
لابست مخوره بسيطة و لبست شيلة بيت و طلعت من الغرفة
نزلت تحت
شافت نور (مساعدة) تمشي فالممر
نور اول ما شافتها ابتسمت

نور : صباح الخير
توق ردت الابتسامه : صباح النور ... وين عمي احمد ؟
نور : مستر احمد طلع عشان الدوام
توق بحيا : و..و خليفة ؟
نور ابتسمت على خجلها : مستر خليفة فالصالة ... تبين فطور ؟
توق : هيه

كانت نور بتمشي لكن وقفها صوت توق

توق : لحظة
نور : نعم
توق : خليفة تريق ؟
نور : مستر خليفة بالعاده ما يفطر ... الا اذا مستر احمد قاله ينزل عشان يفطر
توق : اها ... تمام
نور : تفضلي غرفة الطعام و الحين بيب الفطور
توق : تمام

راحت توق غرفة الطعام و تمت يالسه تنتظر

خليفة كان فالصالة يالس
شاف نور طالعه من المطبخ و فإيدها اكل

خليفة : توق قامت ؟
نور : ايوه انسة توق قامت و الحين يالسه في غرفة الطعام
خليفة : انزين روحي

نور مشت شوي بس خليفة نادها مره ثانيه

خليفة : اء ... نور
نور : نعم
خليفة : ايبي بعد لي فطور
نور : بتفطر بعد انت ؟

خليفة هز راسه "هيه"

نور : تمام

قام خليفة و راح غرفة الطعام و شافت توق يالسه بروحها
دخل و يلس مقابلها

خليفة : صباح الخير
توق : صباح النور

تمو ساكتين لين دخلت نور فإيدها اكل
حطت لهم الاكل على الطاولة

نور : بالعافية عليكم

و طلعت
تمو ياكلون بصمت

كانت توق كل شوي ترفع عينها على خليفة
لاحظت انه مب يالس ياكل
بس منزل راسه و يطالع الاكل

توق في نفسها : "ليش ما ياكل ؟"

تمت تطالعه

توق : ما بتاكل ؟
خليفة رفع راسه : ها
توق : اكلك بيبرد
خليفة : هيه ... الحين باكل ما عليج

توق رجعت تاكل

خليفة : انا بسير الدوام بعد شوي
توق استغربت : ليش
خليفة : مش ماخذ اجازه من الدوام انا ... و تعرفين ابويه كيف يعني
توق : تمام

خلصت توق اكلها و قامت
طلعت من غرفة الطعام و راحت فوق عشان تشل تلفونها
كانت بتطلع من الغرفة لكن تلفونها رن و كانت اريام

توق : الو هلا اريام
اريام : ها حبيبتي شخبارج
توق : الحمدلله
اريام : ها كيف الاوضاع
توق : ماشي ... كله عادي
اريام : وين عمي و خليفة
توق : عمي طلع من الصبح و خليفة بعد شوي بيطلع بيروح الدوام
اريام : اوكي عمي طالع ما قلنا شي ... بس خليفه ليش بيروح الدوام
توق : اظن عمي ما خلاه ياخذ اجازه
اريام : ليش ؟
توق : مادري ... بس ما بنروح شهر عسل ولا شي
اريام : امبيه ليش
توق : احسن ... انا ما ودي اروح مالي خاطر اسافر ولا شي
اريام : الي يريحج حياتي ... بس متى بتردين الجامعة
توق : ورا باجر برجع ... ترا بس مستأذنه اني اخذ ثلاث ايام
اريام : هيييهه اوكي ... انزين انا بسكر ... كلاسي بيبدأ بعد شوي
توق : تمام باي
اريام : باي

سكرت توق و نزلت
صادفت لينا و هي نازله

توق : did mr khalifa eat ? (مستر خليفة اكل ؟)
لينا : no he just left like 2 minutes ago (لا توه طلع من دقيقتين)
توق : but he was sitting with me at breakfast  (بس هو كان يالس معاي على الريوق)
لينا : yes i know but he left his food as it is he didn't touch it (هيه ادري بس هو خلا اكله نفس ما كان ما كلا منه)
توق تنهدت : ok thanks  (تمام شكرا)
لينا : welcome (العفو)

راحت لينا
توق راحت و يلست فالصالة