رواية الكسار (سلاسل الغوث) الفصل التاسع وثلاثون 39 - بقلم لـ ميامي

تسوه سنين العُمر إللي مضت و تتلاها . .

قراءة ممتعة 🤍
...............................................................

دموع:كاعدة احاول اگمط حسوني بس متضبط وياية ومحد يمي يساعدني ويعلمني كل ما اشدة ينفتح ويكعد من النوم يبچي وعلى الواهس صرت ابچي ويا

دخل الكسار يضحك
الكسار:مشتااااااق لوليدااااتييي

سكت ثواني واجاني يركض خايف علية كعد يمي وسحبني لحضنة
الكسار:شبيچ ليش تبچين متأذية؟

باوعتلة ابچي
:مديتگمططططط مديتگمط

صفن بوجهي ممستوعب
الكسار:ها؟

:كل ما الفة زين ينفتح كلة منك

الكسار:اني شعلية

بس كال هيچ عصبت ضربتة ابچي بحرگة
:شنووو شعلييييك هااااا

ابتسم وباسني براسي
الكسار:تمام بابا تمام اوكفي اني اعرف شوفيني شلون اسوي

مسح دموعي وباس خدي واخذ حسوني فتحة وصار يگمط بي واني اباوعلة واسمع كلامة الحنين

الكسار:يروح البابا يعيونة حبيبي ابن دمعتي

لفة بشكل كلش حلو وحطة بأيدي
الكسار:ها شلونة؟

:هاي شلون تعلمت؟

ابتسم ودنگ باس رجل الحسنين
الكسار:تعلمت من الحنينة وروان چانت الحنينة تعرف بطب الأعشاب وتعرف للأطفال يا طفل يجي لأمي اني وحسن الله يرجعة بالسلامة ومَلِك الله يرحمة نكعد يمها ونتابعها شلون تگمط الطفل وروان چان غيث صغير واني وحسن نكعد يمها ومرات اني وحسن نگمطة

ابتسمت وخليت ايدي على خدة
:علاقتكم حلوة الله يرجعة الك سالم غانم

غمض عيونة وكال بتنهيدة
الكسار:امين يارب

بچة حسنين هو عدل كعدتة ومد ايدة لصدري بسرعة دفعتها
:هااا خير؟

الكسار:متسمعي يبچي رضعي خليني اساعدچ

ردت احچي وخزرني رافع حاجبة لأن ما اعرف يخاف يختنگ
طلع صدري وحطة بحلگ حسوني وهو صار يرضع

همست بصوت يرجف
:كسري قرب وجهك

عگد حواجبة مستغرب وقرب وجهة علية طبعت بوسة عميقة بطرف شفتة وابتعدت اباوعلة عيوني مدمعة

:شكراً الك

الكسار:على شنو؟

هزيت كتفي ودمعتي نزلت
:احتاجيت أب انتَ صرت ابوية احتاجيت أخت وأخ وانتَ صبرتني على غيابهم وهسة داحتاج ام وانتَ دتقوم بواجب الأم دتعلمني على اشياء اني جاهلتها ماعرف البس الطفل اخاف لا اوجعة وانتَ علمتني ماعرف ارضعة وانتَ وياية تعلمني بشي متعرفة المهم متتركني وحدي تعرف حسنين محظوظ بيك؟ حسنين مراح يعيش الي عشتة اني وفرح ووهيب

حط ايدة على خدي وعيونة بعيوني مبتسم
الكسار:اني محظوظ بيچ انتِ كل اهلي احنة العوض لبعض وحسنين هم محظوظ بيچ انتِ راح تصيرين ام عظيمة وحنونة

مسح دمعتي وهمس بأذني
الكسار:تصيرين زينة وأخذكم انتِ وحسنين لوهيب خلي وهيب يشوف أبن اختة وحسون يشوف خالة البطل

باوعتلة وكلت بحماس
:خلي نروح باچر؟ مشتاقة اشوفة واريدة يشوف حساني

الكسار:ميصير والله الجو برة حار خطية يحتر وانتِ متكدرين تمشين زين

باوعتلة بدلع واني ارمش
:حباب

عض شفتة باوع للطفل ورجع باوعلي
الكسار:ارحمي حالي لتدلعين مابية حيلچ ولا بيچ حيلي

:هسة تاخذني لولا؟

الكسار:تدللين بس خلي تخف الناس من بيتنة لأن هالنملة مصارلة يومين من اجة والناس كلها تجي تريد تشوفة وتباركلي بي

ضربتة بأيدة خازرتة
:لتكول نملة

الكسار:نملة ونص بس نملة سمينة نفس نملتي

:اذا احنة نملات ف انتَ بغل

صار صمت بالمكان باوعتلة عاضة شفتي بتورط وهو ابتسم من ابتسم اطمئنيت بس ويا ابتسامتة گرصني بخصري

:اخخخ شبييييك ترة مقصدي

الكسار:المستگودة تچفص وتكول مقصدي

:بس أذيتني

مرر لسانة على شفتة السفلية وهمس بصوت يدوخ
الكسار:ابوس؟

بقيت ارمش دخل ايدة من جوة الدشداشة وحطها على منطقة الخصر
الكسار:شوكت ترجعين تميلين بهالچتال

دفعت ايدة بتوتر
:كسار وخر الطفل ديرضع

رفع نفسة باس زندي وتمدد يمي يباوعلنة
كملت رضاعتة ونام كمت امشي بصعوبة لأن بعدني متأذية حطيتة بچربايتة والتفتت مبتسمة فتحلي ايدة وكال

الكسار:هلا يبعد روحي هلا بيچ بحضني

رحتلة فرحانة ودخلت بحضنة چنت نعسانة هواية بسرعة نمت محاسة بشي

بعد فترة كعدت على صوت بچي حساني فتحت عيوني شفت الكسار شايلة ويهز بي

الكسار:اششش حبيبي النملة نملتنة السمينة خلي امك تنام تعبانة اروحلك فدوة

كعدت وكلت واني اتثاوب
:انطيني ارضعة جوعان يمكن

اجة حطة بحضني وهم طلع صدري وصرت ارضعة وهو راح طلعلة غير ملابس وحفاضة والكلينكس المرطب وخلاهم يمي

من كملت حطيتة كدامي والكسار كعد يمي فللتة ونزعتة ملابسة وغيرتلة الحفاضة والملابس واجة دور الكسار هو گمطة وشلع گلبنة يلا نام

ثاي يوم كعدت من وكت شفت الكسار نايم على بطنة غطيتة وكمت شفت حسونتي لكيتة هم نايم اخذت ملابسي وطلعت من الغرفة اتسحب

رحت للحمام قفلت الباب وسبحت زين ماريد الكسار يكعد واني اسبح اعرفة حيدخل وياية

طلعت من الحمام المع لمع دخلت للغرفة لكيت الكسار حاط حسنين على الچرباية ومفللة ويلعب ويا رغم الطفل ميفهم شي احسة هواية متونس علية

رحت كعدت يمهم دنگت بست الحسنين وبعدها بست الكسار بخدة باوعلي رافع حاجبة

الكسار:لازم اني تبوسيني اول؟ من هسة دموع من هسة نسيتيني

رجعت بستة بوسة قوية
:شنساك متگُلييييي ابو الحسنين الغالي

سكت يهز براسة ويضحك كمت مشطت شعري ورجعت كعدت يمهم اباوع للطفل بخوفة

:كسار عادي اكول شي بس مو تخاف لو تضوج؟

عگد حواجبة ولزم ايدي باسها
الكسار:كولي؟

باوعت لحسنين بحيرة
:خلي ناخذ الطفل نسويلة تحاليل؟

كال ممفتهم
الكسار:تحاليل شنو؟

تنهدت ومديت ايدي لخد حسون
:خايفة يطلع ورث الصرع مني وخايفة ورث العمى مني هم ماريدة يورث امراضي اخاف يتأذة وهو طفل

سحب راسي باسة بعمق
الكسار:لتوسوسين حبيبي ان شاء الله مابي شي

سكتت وهو رجع لفة واني رضعتة ورجعتة نيمتة
تركتة بالغرفة وطلعت چان الكسار ديسوي ريوگ جايبلي گيمر وكاهي وعسل لأن سمع العسل زين للمرضعة حتى يصير حليبها حلو أي شي يسمعة ديطبقة براسي

كعدنة نتريگ ومن كملنة هو غسل المواعين ماخذ اجازة من دوامة اسبوع واني ورة ولادتي بيوم چان الدوام واخذلي اجازة هم

كمت للغرفة عدلت نفسي حتى اذا احد يجي يشوفني بأحسن حالاتي وصدك بس صارت الساعة 10 دخل الكسار ودخلو ورة ابو ومرتة وخواتة عدلت كعدتي مبتسمة اجة ابو باسني براسي وباركلي بالطفل ومرت ابو وخواتة تحمدولي السلامة من بعيد

حط حسنين بحضن ابو وابو صار يباوعلة فرحان بي
اياد:الله يحفظة الك ويقر عينك بي

الكسار:مشكور الله يفرحك بأبنائك وبناتك وتصير جد

اياد:لعد وهسة اني مو جد؟ اني جد حسنين ترة

سكت الكسار يهز برجلة واني لزمت ايدة مبتسمة
مجروح جرح چبير من ابو وما اظن يشفى

باسة وحط فلوس بملابسة واخذتة من ايدة سلوى من ورة خشمها دلعتة وشوفتة لبناتها وكامت حطتة بحضني

سلوى:يتربى بعزكم بس ليش هيچ سمين؟

فتحت عيوني على وسعهم وحضنتة وهمست
:اعوذ بك يا الله الله يفگس عينچ

الكسار:دصلي على محمد كولي ما شاء الله

سلوى:عمي ما شاء الله شبيك اكلتني بگشوري

اياد:سلوى كافي حقة يخاف على ابنة بلا كلام زايد

سكتت تنافخ واني اقرة معوذات بگلبي خفت على ابني من عينها
راحو واني والكسار حطينة الطفل كدامنة وصرنة نقرة قرأن ومعوذات مصدكنة نخلص من الحسد الي صار بينة

اجة العصر اخذت الحسنين ورحت للصالة انتظر خوالي يجون
بهالأثناء طلعت صورة فرح وحسن وخليتها بوجه حسنين

:شوف حبيبي هاي خالتك ملاك وهذا ابنها حسن

طلعت صورة لوهيب وهو بالمصحة وهم شوفتة وهيب چنت اتمناهم وياية يشاركوني فرحتي بأبني

اجو خوالي وياهم سيدرا وداني لبست حجاب لأن باهر وياهم وصار الحسنين يتنقل من ايد لأيد

باوعتلي سيدرا مبتسمة
سيدرا:من أيد لأيد يكبر ويزيد

ردت احچي وكال باهر
باهر:اي سديرة عمي شوكت الزواج؟

جناح:انچب ولتكول سديرة احترمها وكللها مرت عمي

باهر:مو باب الحارة حتى اكللها مرت عمي مو زين ومحترمها واكللها سديرة

جناح:انچب

باوعلي وكال رافع حاجبة
باهر:وانتِ دميعة الكسار شوكت تسافرون؟

:بسم الله غير نطلع جوازات ونطلع جنسية لحسوني

باهر:من تروحين ادعيلي اتزوج مليت مليت اريد مرة بغرفتي اقصد ببيتي

:ان شاء الله ادعيلك تتزوج جمان

بس گلت هيچ تغير لونة اخذ تلفونة وجگايرة وطلع معرفت شبي باوعت لخالي

:خالو شبي باهر؟

فهد:مندري صارلة ايام على هاي الحالة

سكتت بس قلقت علية
شوي ودخل زياد يطگ اصبع وبدون لا سلام ولا كلام اخذ حسنين من حضن خالو وصار يبوس ويشمشم بي

زياد:اححححح ريحتك ريحة نسواااااالن نظيفة

جناح:لا يا مطي

رجع يشم بي
زياد:ريحتك ريحة وحدة حاتة اريدك انتَ تفيدني لبنتي

:اتركككك ابني ليصير ابو نسوان نفسك

باوعلي من فوك لجوة معاجبة
زياد:شرف اله يصير نفسي اني وحيد فريد لا اقارن

الكسار:اسويلك زيج بالطريقة الموسيقارية

باوعت للكسار عبالي بعدة طالع سكت عنة زياد وكعد بحضنة الطفل يبوس بي وحسنين ينزعج من شواربة

اخر شي اخذة الكسار من ايدة يدردم حطة بحضني وراحلة
الكسار:وين غيث وروان ليش ما اجو اني مو وصيتكم تجيبهم؟

انتچى على القنفة وحط رجل على رجل
زياد:لعد مدريت؟ غيث البارحة اخذ الاجازة والسنوية هو راح يجيب امة بالسيارة مالتة

ابتسم الكسار يمسح بلحيتة
الكسار:سبع على حسن

بچة حسنين رحنة اني وسيدرا للغرفة اني ارضع بي واحچي وياها

:شوكت تسون العرس

سيدرا:بعد تحسني بالأول والله كريم لأن اريدچ وياية بكلشي

:زين شوفي انتِ متخافين وهاي؟

عگدت حواجبها مفاهمة
سيدرا:اخاف من شنو خالچ ميعض

:لااااا شوفي اقصد اذا يريد يتقربلچ متخافين؟

نزلت راسها
سيدرا:كال اصبر عليچ

:شوفي ترة خالو يحبچ هواية مبينة نظراتة هايمة بيچ وهو اكيد مراح يجبرچ على شي

عضت شفتها وصارت تتلفت رغم محد موجود تقربت علية وحچت بهمس
سيدرا:حسوي عملية ترقيع

فتحت عيوني علو وسعهم
:شنووووو

حطت ايديها على عيونها تبچي
سيدرا:ماريدة يحس بية نقص اريدة يحس هو اول واحد لمسني

سحبت ايديها من عيونها وصرت امسح بدموعها
:بس انتِ مبيچ نقص سيدرا انتِ مظلومة وبريئة يحقلچ تعيشين كـ باقي البنات وحدة عاقلة وشريفة كلشي صار غصباً عنچ

سيدرا:اعرف والله وبصعوبة قنعتة بهالشي چان رافض حتى تعارك وياية بس اني صرت ابچي وزعلت يلا وافق

:ممجبورة سيدرا

دنگت راسها تمسح بدموعها
سيدرا:ممجبورة والله حابة هالشي وحتى حجزت عند دكتورة بعد يومين تتم العملية ومحد يعرف حسوي عملية غيرچ

ابتسمت وعصرت ايدها بحنية
:تكومين بالسلامة خلص هذا قرارچ وانتِ حرة الله يريح بالچ

ترك حسنين صدري اخذتة سيدرا گمطتة ونام كمت خليتة بچربايتة ورجعت كعدت يمها

:شلونكم انتِ وخالي هم بيناتكم بوس وحضن وغزل مو

عضت شفتها متحلفة بية وضربتني بخفة على زندي
سيدرا:طالعة عينچ ولچ

فركت زندي اضحك
:اوي شبيچ دحچيلي

نزلت راسها خجلانة
سيدرا:خالچ منحرف اني معلية

هزيت ايدي
:مدام صديق كويسر اكيد منحرف المهم يبوسچ وهاااااي

كلت اخر كلمتين احرك بحواجبي وكتفي وهي صار وجهة طماطة
سيدرا:اي هنا على خدي وعلى شفتي هم

ضرب ايد بإيد بحماس
:العببببب حبيييييت

رفعت راسها تباوعلي مستغربة
:الي يشوف حماسچ يكول الكسار ميبوسچ ابد مو 24 ساعة يمطگ بيچ

:اوي هذا متعودة علية تعرفين اتذكر اول بوسة النة؟

سيدرا:صدك؟

غمضت عيوني اتذكر كلشي
:چنت ضايجة اخذني نتمشة وبعدها صرنة نركض من تعبنة كعدنة على جذع نخلة بالشارع وچان الطريق مضلم وباسني اول بوسة چان عمري 15 سنة

سيدرا:اووووي الله يديمكم

ذبيتلها بوسة بالهوى تركنة حسوني نايم وطلعنة يمهم چان زياد يحچيلهم عن النسوان وشلون حلوات وكل شوي واحد ضربة

كعدنة يمهم نضحك علية دخل باهر ريحتة دخان كعد يمهم ضايج ومهموم

اندگ الباب كام الكسار يفتحة ثواني ودخل غيث يحرك بالسويچ مالتة ويمشي بغرور

غيث:سلامي للجميع

ردو السلام دخلت روان خجلانة هم سلمت واجت كعدت يمنة وصرنة احنة نسولف وحد والزلم وحد ومن صار وقت العشة كمنة نتعشة كلنة سوية وحسنين بحضني لأن چان يبچي

من كملنة اجة الكسار اخذة من حضني وحطة بحضن غيث
الكسار:تعلم على شيل الاطفال حتى من نزوجك تعرف ومسيطر

روان:يا خوية وين تزوجة هسة يلا دخل 18 سنة

الكسار:اي عادي شكو بيها ابو هم تزوج وهو عمرة 18 سنة اريد افرح بي ابن العزيز هذا

تقرب للكسار عاض شفتة
غيث:وعلي فد اكو نسوان حلوةةةةة بس اني انسان ثگيل ما انطي مجال ولو ابنك بنية چان تزوجتة

طبطب على كتفة مبتسم
الكسار:والله لو بنية متصير لغيرك شكم غيث عندي اني بس بعد لتحچي على اعراض الناس وتكول اكو نسوان حلوة عيب لتصير نفس خالك المطي

زياد:شبيةةةة مطيييي مو احسن منك انتظرت هاي ونسيت تفسك واني عشت حياتي كل يوم بنية شكل

باوعلة من فوك لجوة لعبانة نفسة
الكسار:وهسة انتَ مفتخر بهالشي امداك وطاح حظك مطي

كعد حاط رجل على رجل
زياد:هسة بس اطلع من العدة اروح اتزوجلي روسيا واجي

جناح:هسة مال العدة مشيناها الك لأن يمكن تحققت دعوة دموع وصرت حامل مندري بس تروح تجيبلك روسيا بهالغليان الي بالعراق الله محمد يقبلها

زياد:اجيبها بالشتاء وارجعها بالصيف عادي وانصحك تتزوج الثانية يخبلن ولكككك

باوعت لسيدرا شفت عيونها على خالي ورافعة حاجبها وهو باوعلي وكتم ضحكتة

جناح:اي شكو بيها اخذتلي عراقية وبعد روسيا وبعد اماراتية واخر شي باكستانية لأن يكولون حلوات

خزرتة سيدرا
سيدرا:لعد اذا تريد تثني وتثلث وتربع طلگني من هسة وخليتي اسافر واتزوجلي واحد اجنبي

جناح:احممم لا وين اكو مثل العراقية تخبل شو ماريد غيرها

ضحكنة عليهم وهي متحلفة بي اني لزمت قميص الكسار وهمست
:اكلك طلگني حتى اروح اتزوج اجنبي؟

باوعلي من فوك لجوة معاجبة
الكسار:اشتعل ابوك زياد

ضحكت يموت من هاي السالفة

بالليل راحو واحنة نمنة

بعد شكم يوم چان المفروض نسويلة حفلة طهور بس حبيت ازور وهيب قبل كلشي
لبست حسنين واني لبست چان اول يوم انزع الأسود بي بعد توسل الكسار وخوالي كشخت ورحنة لوهيب متحمسة اشوفة حيصيرلة سنة بالمصحة

وصلنة وكعدونة بنفس الغرفة انطيت الحسنين لأبو واني بقيت واكفة اباوع للباب وگلبي يريد يطلع من مكانة

شوي ودخل حبيب گلبي وروحي ركض لحضني فرحان
وهيب:دمعة مشتاقلچ

بادلتة الحضن امسح على ظهرة
:واني هواية حبيبي انتَ

ابتعد عن حضني يبوس بخدودي وبعدها راد يسلم على الكسار بس تجمد بمكانة من شاف الطفل باوعلي مصدوم

وهيب:ولدتي؟؟

هزيت راسي مبتسمة وابچي بانت الفرحة بوجهة سلم على الكسار واخذ حسنين بحذر وايدة ترجف

وهيب:ميوكع مو؟ اول مرة اشيل طفل

:لا حبيبي ميوكع

اخذة يمشي على كيف وكعد يباوعلة بتمعن وحسيتة فصل عن العالم يدنگ يبوسة ويرجع يباوعلة لحد ما بچة وهو فز خايف

وهيب:ها شبي تأذة مني خاف

خليت ايدي على خدة
:لا وهيب مبي شي بس طفل عادي يبچي

فتحت الچنطة طلعت اللهاية مالتة وخليتها بأيد وهيب
:خليها بحلگة ويسكت

هز راسة يبلعم وحطها بحلگة والطفل سكت اشوف وهيب يريد يلزم خدة ويبتعد خايف كسر خاطري نفس حالتي مچنت اعرف للأطفال ولا حتى بحياتي شلت طفل بس داني وچان عمرة سنة

شفت الكسار اخذ ايد وهيب وحطها على خد حسنين
الكسار:لتخاف ميصيرلة شي انتَ خالة الحنون مستحيل تأذي

ابتسم وصار يحرك اصبعة على خدة شوي رفع راسة يضحك وعيونة مدمعة

وهيب:خدة ناعم

هزيت راسي اضحك على ضحكتة
باوعلي وسحب ايدي باسها

وهيب:الحمدلله على سلامتچ يتربى بعزكم ان شاء الله

:روحي انتَ ان شاء الله تفرج عنك وازوجك وافرح بيك ويصير عندك اطفال حلوين نفسك

اختفت ابتسامتة ونزل راسة انطاني حسنين وكال بغصة
وهيب:واحد مخبل وقاتل وتاجر مخدرات وخريج سجون وفوك كل هذا مشوه منو تقبل بي؟

الكسار:لتكول عن نفسك مخبل انتَ عندك مشكلة بسيطة بصحتك وبس وتنحل هم اوعدك يا وهيب من تطلع زواجك علية وهاي شاربي لزمتة

وهيب:مشكور متقصر بس اني ماريد اتزوج

:الله كريم محد يعرف شنو مضموملك

وهيب:الله كريم احم صدك شنو اسمة نسيت اكلچ

:اسمة الحسنين

وهيب:عاشت الاسامي يخبل اسمة اكلچ سيدرا وداني شلونهم؟

:الحمدلله حيسوون عرس هي وخالي الاسبوع الجاي

وهيب:الله يوفقها تستاهل كل خير

انتهى وقت الزيارة ودعت وهيب وهو اخذ حسنين يبوس بي وماعرف شنو يهمس بأذنة طلعنة من عندة ورحنة للبيت

بدينة نجهز لباچر حفلة طهور الحسنين وخايفة علية هواية
رتبت البيت وزينتة ومن كملت رحت للغرفة اتصلت بسيدرا بسرعة جاوبتني

:هلا بزوجة خالي هلا شلونچ اليوم

سيدرا:هلا بيچ تمام انتِ شلونچ الفصعون شلونة

:زينين شلونچ ممتأذية مو؟

سيدرا:لا الوضع طبيعي عملية سهلة چانت

ابتسمت صار يومين من سوت العملية رغم خالي چان رافض بس قنعتة وسوتها سديتة منها وكمت اخذت الطفل وكعدت بالصالة

نص ساعة وسمعت صوت سيارات وخرفان
اخذت حسنين وكمت مستغربة بس طلعت انصدمت چانو الكسار وباهر وزياد كل واحد لازملة خروف من گرونة

:هاي شنو

باهر:لتخافين اعتبريهم زياد

:لا صدك وين جايبيهم تصير ريحة محلوة

الكسار:لا متصير باچر ينذبحون وهالمطاية ينظفون مكانهم جبتهم لعزيمة باچر

سكتت ربطوهم وخطوبهم مي واكل وزياد وباهر راحو دخلنة جوة چان جايب عشة كعدنة نتعشة

الكسار:باچر نصعد لغرفتنة بعد

:ماشي بس باوع عزمت منو؟

انتچى وورث جگارة
الكسار:الكل خوالچ وعمامي اهلي شوفي انتِ اقفلي الغرف ملاتنة غرفتنة الفوك والجوة

هزيت راسي وكملت اكلي شوي واجاني صوتة يحچي برهاوة
الكسار:دموع تردين اسويلچ عرس؟

بقيت اباوعلة مصدومة عدل كعدتة وكال بهدوء
الكسار:مشتهي اشوفچ بالبدلة البيضة حتى اذا كبر حسنين نحچيلة عن عرسنة ونشوفة صور عرسنة هم وانتِ هم مو وحد عن البنات متفرحين

ابتسمت ولزمت ايدة
:وجودكم يمي كافي فات الأوان للعرس ماريد هسة عندي انتو تسون الدنيا كلها لتشيل هم لهالشي

الكسار:زين حتى لو بس تلبسين بدلة بيضة ونصور شگلتي؟

:وحسنين فشلة ترة نصور وهو ويانة وهاي

الكسار:مو ويانة نخلي عند روان ونروح عصرية بس نصور ونجي

:الله كريم خلي يفض كلشي الطهور وزواج خالي هم

هز راسة وسكت

ثاني يوم كعدت من الصبح لبست فستان ابيض وبي ذهبي ولبست الحسنين ملابس طهور هم لونهم ابيض وبيهم ذهبي حاولت ويا الكسار يلبس نفسنة بس رفض ولبس قميص ابيض وبنطرون اسود طلع كلش حلو

رحت وكفت بصفة وغمزتلة
:يحلو طالع تجنن

التفت علية وسحبني من خصري ارتطمت بصدرة فرك انفة بأنفي وهمس
الكسار:فرحان هواية

رفعت ايدي حاوطت وجهة
:عسى الفرحة متفارگ وجهك ودوم تفرح

دنگ علية واخذ شفايفي ستوني غمضت عيوني وبچة حسنين ابتعدت وركضتلة واسمعة يدردم

الكسار:دخليني ابوس كل ما اريد ابوسها تبچي

شلت حسنين وكلت
:روح انزل خاف يجي احد

الكسار:نازل نازل بس بالليل اذا مخلاني ابوس اشمرة من السطح

طلع من الغرفة واني ميتة ضحك علية واني اخذت ممة ونزلت ماكدر ارضعة هسة

بدو الناس يجون واول الناس زياد اجانة من الصبح وبس صارت الساعة 10 اجة الكسار يريد ياخذ حسنين حضنتة بكل قوتي خايفة

الكسار:انطيني يلا ينتظرون

تقربت علية وهمست بخوفة
:اكلك من طهروك تأذيت؟

ضل صافن بوجهي من غباء سؤالي اخذة من ايدية وهمس
الكسار:بعدين اكلچ اذا تأذيت لولا

اخذة وطلع واني وكفت بالباب الوب واسمع سلوى تحچي علية وتكول تتعاير بس ما الي خلگها كل تفكيري بأبني اكيد ديتأذة

نص ساعة وسمعت عراضة كلنة طفرنة ودخل الكسار شايل حسنين ساكت وكلها وراهم يهوسون اول حفيد الهم وابو الكسار موصيهم هيچ يسون

اخذتة من ايد ابو وكلت
:طهرتة؟

هز راسة مبتسم عضيت شفتي عبالك الألم بية وانوب هو ساكت مستغرب الوضع

رجعو طلعو چان الطبخ بالمطعم يكول احسن والظهر جابو كلشي سفري وتغدينة وسلوى معاجبها شي

سلوى:الطبخ محلو ومابي طعم

تجاوبها مرت عمة الثاني
:يخبل شبي انتِ ميعجبج العجب

سكتت تنافخ بچة حسنين ردت اكوم ارضعة بس استوقفني صوتها
سلوى:ارضعي هنا شنو تخجلين؟

گلبت عيوني وكمت
:لا ما اخجل بس ميصير احد يشوف جسمي وهم اخاف احد يدخل يعني اعرف بالدين

تركتها ورحت للغرفة وقفلتها علية وكعدت ارضعة
:بس لو اعرف ليش تكرهني هيچ من اول مشافتني كرهتني ولو هي متحب احد ابد بس نفسها

نومتة وحطيتة بچربايتة ورجعت للصالة شكد حچت واني غلست عنها مردت تصير مشكلة

لليل والكل راح بس ابو الكسار ومرت ابو وخواتة ضلو بالبيت چانو كاعدين بالصالة وحسنين بحضن ابو رحت جبت چاي وقدمتة الهم وكعدت بصف الكسار

اياد:هسة شگلت؟

زفر نفس وكال بحدة
الكسار:بوية عوفو شهاب بحالة ميريدها يعني شسويلة

اياد:تريد تشوف ابنها بس احچي ويا

الكسار:لو يريد اليوم دخل وسلم عليها؟ هو كل ما احچيلة عنها يكول عندي أم بالبيت يقصد مرت ابو

لطمت على رجلها وكال بغيض
سلوى:نديوة اااااخخخ منچ اخذتي ابني مني وكرهتي بية الله ليسامحچ

الكسار:هو ابنچ شنو يتذكر منچ؟ فهميني عمرة يوم وتركتي وبعد لا لمحتي ولا لمحچ

سلوى:ابوس ايدك بس احچي ويا والله گلبي طاگ علية

تنهد الكسار بحيرة
الكسار:لا حول ولا قوة الا بالله ان شاء الله احچي ويا ولد عمة شوية فاهم وعاقل

سلوى:منو منهم؟ شاهين لو اشهب؟

الكسار:اشهب ابن جُنيد

سكتت واني بينهم مثل الأطرش بالزفة بس كسرت خاطري هواية مهما يكون ابنها هذا

راحو وصلناهم للباب ورجعنة للصالة ذب نفسة على القنفة محتاااار كعدت بصفة ولزمت ايدة

:لتضوج يمكن صدك مشتاقة لأبنها خليها تشوفة

فتح عيونة وكال
الكسار:مووووو اني الي اقرر دموع هو شهاب صاحب القرار من عرفتة لهسة احاول اقنع بي يشوفها وهو رافض مو بيدي هالشي

:زين حاول؟ بلكت يوافق مو كلت تحچي ويا ابن عمة شبيب؟

ابتسم بنص ضوجتة وكال
الكسار:اشهب مو شبيب

:اي احچي ويا خطية

تنهد بضيق
الكسار:الله كريم باچر احچي وياهم

كمت صعدت فوك لغرفتنة الجديدة چانت كُلش حلوة خليت حسنين على الچرباية طلعتلي ملابس ورحت سبحت يا الله شكد ارتاحيت الحر لا يُطااااق

من طلعت شفتة متمدد على ظهرة ومنوم حسنين على بطنة منظرهم يجنن دخلت وحچيت بهمس

:لعد واني وين انام؟

باوعلي وعض شفتة
الكسار:بگلبي يبعد گلب گلبي

ضحكت وكعدت امشط بشعري كام حط الطفل بمكانة واجة حضني من ورة يبوس برگبتي

الكسار:مشتاقلچ

ابتسمت وميلت رگبتي
:يمك اني

الكسار:انتِ حققتيلي كل احلامي صرتي أم الية وبنتي وبعدها زوجتي وهسة أم ابني محظوظ بيچ

تركت المشط والتفتت حضنتة بقوة
:احبك ترة ولتحچي هيچ استحييييي

حاوط خصري بأيدية وهمس بأذني
الكسار:ابوس؟

هزيت راسي بلا واباوعلة بدلع بلع ريگ وتقرب اكثر
الكسار:خلبوس؟

راد يبوسني حطيت ايدي على حلگي
:ماريد كبرنة على البوس

رفع حاجبة وسحب ايدية رفعهم لفوك واخذ شفايفي بين شفايفة غمضت عيوني ابادلة

بعد فترة ابتعد عيونة ذبلانة
الكسار:احبچ واليحب بلوة وين الله وقسمتي تروح يم عيونچ الحلوة

رفعت ايدي لخدة وهمست
:وراحت؟

بلل شفتة السفلية
الكسار:راحت وابتلة گلبي بلوة چنت اتمنى نظرة من هالعيون الحلوة وصارت الحلوة كلها الية

طبگت شفتي على شفتة ابتعدت عنة وسحبني للچرباية نام ونمت على صدرة نسولف

الكسار:لو مملتقي بيچ چان اني هسة بعدني بالقوقعة مالتي انتِ ضميرچ صاحي وصحيتي ضميري غلطت بحقچ هواية وسامحتيني گلبچ حيل طيب

كعدت على بطنة وهو لزم فخذي
:انسى كل هذا صار ماضي ميصير نلتفتلة

دفعني من ظهري لناحيتة نمت على صدرة
الكسار:شوكت بعد تخلص هاي سالفتچ؟

:بعد وبعد شهر ومادري شكم يوم

الكسار:اكلنا نعل

ضحكت من كُل گلبي علية

حالياً اني داعيش احلى ايام عمري...

..يتبعع..

توقعاتكم؟

.
.
.
.
.
.
.
.
.
.

هم ماكو قفلة اريد ادلعكم بالبارتات الأخيرة🙈😂❤️‍🩹

بالمناسبة باقي بارتين بس وتنتهي الكسار😔

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله