الصعبه من تريد تبچي
وتكشف خلصان دمعك
الكلفه من تريد تحچي
و تنتبه محد يسمعك
تبقى نص الليل ضايع!
كحله مالمتهه عين
قراءة ممتعة
............................................................
دموع:رحلو جميعاً لماذا لم يسمحو برحيلي؟
دامشي بالشارع ويمي طفل صغير التفتت وشفت فرح وراية ويمها وهيب وشفت وراهم واحد ضخم وطويل ميبين وجهة چان ملثم اشرتلهن اضحك
:يلا وهيب ملاك تعالو تعبت
ابتسمو اثنينهم تقدمو علية حاوطوني من اليمين واليسار وصرنة نمشي فرحانين وهذا الشخص يمشي ورانة عبالك يحمينة والطفل كدامنة يمشي ويوكع بين كل خطوة وخطوة يوكع
واحنة دنمشي حطيت راسي على كتف وهيب وكلت بهدوء
:وهيب خليني انام يمك اليوم تعبانة وانتَ بس تعرف لعلتي
باس راسي وكال بصوتة الي ميروح من بالي
وهيب:ابقي نامي بگلبي اخليچ دمعتي
باوعتلة واحس بثگل على صدري
:وهيب ليش ما اجيتني؟ اريدك تعال حباب تعبانة بدونكم
غمض عيونة يبچي فجأه وكف بمكانة وشفت ايديه مربطة كلتلة واني خايفة
:وهيب ليش ايديك مربوطة؟
لزمتني فرح من كتفي وكالت
فرح:امشي وياية وهيب يجي يوم ويجيچ يساعدچ
التفتت من اجة صوتة وهو يبتعد
وهيب:جايلچ دمعة جايلچ
اختفى وهيب عن عيوني باوعت لفرح وكلت بحيرة
:حيجي ينقذنة مو فرح؟
ابتسمت تمسح على راسي وخرت عني ولزمت ايد الطفل
فرح:وهيب حيجيچ امانة بوسيلي وهيب
راحت تمشي واني واكفة بمكاني ماكدر اتحرك قبل لتروح التفتت علية مبتسمة وغمازاتها مبينة
فرح:كومي كافي وهيب ينتظرچ
كالت هيج واخذت الطفل وراحت تركض
فتحت عيوني واكو ألم فضيع بأيدي چنت عطشانة التفتت وشفت شخصين ملثمين كاعدين على الكرسي من حسو بية طفرو تقربو يمي عرفتهم الريس وباهر الريس حط ايدة على راسي وكال خايف
الريس:ها حبيبتي الحمدلله على السلامة متوجعة؟
بللت شفايفي وحچيت بصعوبة
:اريد مي
ركض باهر جابلي بطل مي وصار يشربني بحذر
من شربت ماعرف شلون نطقت اني بنفسي انصدمت من نفسي
:الحمدلله والشكر السلام على الحُسين اللهم العن قاتليه وهوَ عطشان
اشوفهم صفنو علية واني عبالي كلت شي غلط بسرعة دنگ الريس وباس راسي
الريس:انتِ بخير؟
حركت راسي وكلت
:بخير
كال بعتب
الريس:ليش سويتي هيچ؟ ردتي تخسرين حياتچ واخرتچ منو يستاهل؟
خليت ايدي على عيوني وكلت ابچي
:عمو تعبت والله مو بيدي تحملت اشياء هواية وصلت بي يضربني هيچ اني شمسويتلة؟
الريس:بس ضربچ مو؟
هزيت راسي ابچي
:اي وماريد اشوفة بعد اكرهة تركوني بالشارع وروحو
صار يمسد على شعري بهدوء
الريس:راح اخذچ وياية راح تعيشين يمي
باوعتلة شفايفي ترجف واشهگ
:اخاف هم تأذوني؟
ابتسم وكال
الريس:راح تبقين عند بنات اثق بيهم تروحين لمدرستچ وترجعين محد يأذيچ انتِ دخلتي بحمايتي بعد وباهر راح يوصلچ لمدرستچ ويرجعچ للبيت
بس كمل كلامة اندفر الباب ودخل الكسار معصب بس شفتة خليت ايدية على عيوني وصرت ابچي بصوت
الكسار:وييييينن تاخذهاااا وين؟
فتحت عيوني شفت الريس وكف كدامة ودگ صدرة
الريس:اخذها يمي وانتَ ميحقلك تنطق كلمة وحدة
الكسار:مرتيييييي اذا ناسي اذكركككك دموووع مرتيييي
دفرة الريس ببطنة وهو بدون تخطيط راد يردها اله بسرعة باهر ضربة على راسة وابتعد
باهر:ترييدددددد تضربببب ابويةةةة انتَ تعرف هذاااا منوووو
باوعلهم بحقد
الكسار:ميهمنيييييي سمعتتتتت دموع تروح ويايةةةة
الريس:متروح وياك فهمت مرتك بس مو عبدتك حتى تعذبها هيچ هاي مراهقة متتحمل الضرب شوف شلون مكسورة شلوووووون هااااان عليككككك فهمنييييي
بس كال هيچ باوعلي بترجي تقرب علية يريد يلزم ايدي بسرعة خليت ايدية جوة البطانية
الكسار:ما اعيدها والله رجعي والتردينة يصير
غمضت عيوني اشهگ بدموعي
:عمو الريس اريد اروح وياك
بس نطقت هالكلام تخبل
الكسار:ماااااتروحيييييين ويااااهمممم ماتروحيننننن
لزمة باهر يهدي بي
باهر:اسكت شبيك متشوفها تعبانة؟
دفعة واجة حاوط خدودي
الكسار:امشييي لبيتنة يلا دموعي ماكدر بدونچ احس نفسي تعبان عليچ وحيلي رايح اني غلطان والله
باوعتلة بكسرة وكلت بأستنكار
:تعبان علية وتعبني؟ حيلك رايح وتهد بحيلي؟
الكسار:ماعيدها ارجعي وياية واحچيلچ كلشي تردين تعرفي
دفعت ايدة عني وحچيت واني ارجف
:ماريد اعرف شي بعد ماكو شي اعرفة كلشي اعرف اهلي باعوني واخواني تخلو عني وانتَ تريد تتونس بية وتنتظرني اكبر بس هيچ ليش ارجع وياك؟ على يااااا ضيييييم بكثر زيناتك وياية أذيتني
راد يحچي بس قاطعة الريس
الريس:دموع مترجع وياك طلگها وراح ازوجها لأبني باهر
بس گال هيچ فتحت عيوني على وسعهم والكسار صار الشرار يتطاير من عيونة قبل ليحچي كلت ببچي
:ماريددددد اتزووووج موووو سلعة وتاجروووون بيةةةة انيييي انساااان تريدون تطلعونييييي من ضيم وتدخلوني بضيم ثاااانيييي خلصص قتلونييييي قابلة
اردف باهر مصدوم
باهر:يابة شدتحچي انتَ تعرف گلبي ويا منو
الكسار:دموع تخصني ميهمني انتَ منو المهم دمعتي متروح مني وراح تسامحني اعرف گلبها طيب
باوعلة الريس بعين ونص وگال بحدة
الريس:ماكو شس يغفرلك بعد خلص دموع تتزوج باهر وانتَ تختفي من حياتنة حتى بشغلي ماريدك
ابتسم الكسار وجر الكرسي كعد وحط رجل على رجل وحچة بأستفزاز
الكسار:اح باهر تزوج وحدة حامل بأبن صديقك؟
نطق هالكلام الي نزل مثل الصاعقة على راسي من الصدمة بقيت صافنة
كلت بخوف وصوتي يرجف
:الكسار بس لا
هز راسة الكسار يضحك
الكسار:سويتها ويمكن هسة انتِ حامل مني
صار صمت طويل واني احس نفسي دخت من كلامة شوكت سوة هيچ؟ معقولة من فقدت لو اني ما اتذكر شي
نشفت دموعي بعيني وحسيت روحي بادت غمضت عيوني وبعد محسيت بغير الضلام
اسمع اصواتهم بعيدة بس ما افهم شي منهم
فترة وفتحت عيوني ارجف گلبي وجعني من شفت نفسي بغرفتة كعدت على حيلي بس صافنة على الغرفة چانت نظيفة وريحتها ديتول
راحت عيوني على قميصة الأسود ردت اكوم اشُگة بس انفتح الباب ودخل شعرة مبلل بسرعة درت وجهي عنة لعبانة نفسي من عندة
حسيتة تقرب كعد على الجهة الثاني من الچرباية
الكسار:شلون صرتي؟
مجاوبتة ولا عرتلة اهتمام ايدي تأذيني ومكان الشاش يحك وهو تنهد وكام احس نفسي كارهتة
دقايق وانفتح الباب عبالي هو بس طلعت روان بيدها صينية وابنها غيث
روان:جايين نتعشة يمچ تستقبلينة؟
ابتسمت بمجاملة وحچي بهدوء
:هلا بيكم تعالو
تقدمت حطت الصينية على الچرباية وكالت
روان:غيث موتني امشي نروح نتعشة عند دميعة حتى هو راح جابلچ الاكل يكول اريدها تحبني
چان يباوعلي ومبتسم گرصتة بخدة وكلت
:اني احبك بدون شي حبيبي
خدودة وردت ضحكت علية صرت اكل وياهم من يسألوني ارد
غيث:اني صف ثاني متوسط انوب ندرس سوية
ضحكت وجاوبتة
:اي عادي بس اني خامس
غيث:عادي اهم شي وجهچ كدامي يفتح نفسيتي للدراسة
ضربتة امة على راسة واني اضحك بغصة حتى ضحكتي تأذيني
دنحچي وچنت داريد اكل بدون قصد كال غيث
غيث:اموت على الفلوس اريد اصير نفس عمو الغوث
بس كال اسمة لعبت نفسي وذبيت اللگمة من ايدي
:الحمدلله والشكر
اشوف امة تخزر بي
روان:اكلي حبيبتي معليچ بغيوثي
:لا الحمدلله شبعت
هزت راسها بعدم رضى واجت كعدت يمي
روان:ماعرف شنو صار بيناتكم بس هذا مو غوث غوث شخص حنون بس من يعصب ينگلب الف درجة ما ابررلة ابد بس اعذري
باوعتلها ببرود وكلت
:اعذرة؟ ضربني واغتصبني وتكولين اعذرة اني لو عندي احد واعرفة حيسندني ما ابقى دقيقة عندة چنت احسة ابوية هسة احسة سجاني وبس ابن عمچ انتهى بالنسبة الية
كالت بخفوت
روان:انتِ تعرفين الغوث بشنو مر؟ تعرفين وين خلص طفولتة وشلون؟
جاوبتها بسرعة وبدون تردد
:بجهنم الحمرة بعد ميهمني اي شي يخصة
سكتت منزلة راسها شوي شوي انسحبت اخذت ابنها وطلعت خليت راسي على المخدة اباوع للسقف
ليش هيچ وياية ماكدر افرح ولا اكدر ارتاح احس العالم كلة ضدي شسوي؟ انتحار وانتحرت وهم ما متت طلع معتدي علية وحچاها كدامهم بدون ليستحي چنت احس نفسي عزيزة على گلبة بس طلعت وحدة يريد يتونس بيها فقط
غمضت عيوني من انفتح الباب وانسد عرفتة من عطرة حسيتة كعد يمي وايدة تمشي على راسي
الكسار:دمعة ردي گلبي ولهان على صوتچ ر...
قبل ليكمل دفعت ايدة وحچيت بحدة بدون ما اباوعلة
:لتكول دمعة وهيب يصيحلي دمعة لتخليني اكره اسمي الي يكولة وهيب
لزم ايدي بسرعة سحبتها كال بغصة
الكسار:اعرف الي سويتة غلط بس انطيني فرصة ابررلچ روحي راحت من شفتچ منتحرة
مجاوبتة تقرب علية حط راسة على صدري يلوب
الكسار:سامحيني دموع حبيبتي فدوة اروحلچ
خليت ايدي على راسة وصرت ادفعة بس راسة راس ثور ثگيل
:وخر عني تريد ترجع تغتصبني
رفع راسة يباوعلي وشفايفة ترجف
الكسار:مسويتها
لانت ملامحي وضاق نفسي
:لتكذب علية اني نزفت
الكسار:مسويتها كلت هيچ حتى ترجعين وياية وهذا مو نزيف اجتچ الشهرية چنت قبل يوم مجهزلچ الاحتياطات لأن اعرف وقتها
كورت ايدي وضربتة على گلبة بكل قوتي
:مشايفة واحد حقيرر ونذلللل بگدك اني اكرهك نفسي تلعب منك الله يحرگ گلبك الله لينطيك خليتني اشك بنفسي واكل روحي اكل وطلعت تكذب كوووووممم اطلللللعععع برةةةةة اكرهككككك مثل كرهي لسياااااف وشاهيناااااز اطلللللع
حاول يلزمني بس اني تهسترت كل ميريد يلزمني اضربة لو اضرب نفسي احتار شنو يسوي خلة وطلع من الغرفة حضنت نفسي ابچي واشهگ تعبانة روحي واكو حمل چبيييييير على ظهري
ماعرف وين اروح وشنو اسوي أحس وجودي مو مهم بهالحياة اريد احد يدلني على الطريق الصحيح بس ماكو احد يندل دربة ويدليني كلها تايهة
كمت على كيفي قفلت باب الغرفة ورجعت تمددت على چربايتي احاول انام شفت كيس العلاج بدون ما اهتم اخذت من كل علبة حباية واخذتهم عسى ولعل بيهم شي ينوم وانام
وصدگ دقايق وبدون ما احس بنفسي نمت محاسة بشي
نايمة واحس بريحة قوية يمي فتحت عيوني وبسرعة صارت عيونة بعيوني كاعد كدامي يدخن وعيونة حمرة ومتفوخة واضح منايم
رجعت سديت عيوني مطايقة اشوفة وهو ممهتم يحچي بكل اريحية
الكسار:صباح الخير حبيبتي
فتحت عيوني وكلت بدون خوف
:شگد صلف انتَ؟ مطايقة وجودك اني
ما اهتم لكلامي طفى جگارتة وورث غيرها
الكسار:كومي تريگي
:ماريد زقنبوت
اجة كعد يمي وبظهر ايدة يمسح على خدي
الكسار:شتردين وتسامحيني؟
دفعت ايدة وحچيت بحدة
:اريدك تبتعد عني ماريد وجودك بهالغرفة ولا اريد اشاركك بشي ماريدك
الكسار:تأذيني هيچ دموعي
ضحكت بكسرة وكلت
:تتأذة؟ لعد واني؟ معندي احساس ما اتأذة انتَ قبل لتأذيني جسدياً اذيتني نفسياً ياااااا الله شكد كرهتك
الكسار:لتحچين هيچ دمعتي كلشي راح يتصلح
باوعتلة ببرود وحچيت بدون خوف
:الي انكسر ميتصلح ولا يترمم
لزم ايدي يبوس بيها
الكسار:راح اصلح كلشي راح اخليچ تسامحيني
ضربتة على كتفة المصاب واردفت
:مراح اسامحك تحلم اسامحك
ابتعد لازم كتفة وحابس انفاسة بدون ليرد گام وطلع من الغرفة ولا رف گلبي علية حسيت اريد اسوي أي شي يأذيه اريدة يحس بالحسيتة اني
نص ساعة دخل حط صينية كدامي وحبوب علاجي وطلع بدون أي كلمة كعدت اكل صرت كتلة من الجليد
شبعت اخذت الصينية وكمت ببرود اخذتها للمطبخ بس دخلت شفتة نايم على الميز بالمطبخ مهتميت غسلت المواعين واحس نفسي دايخة تركتة بمكانة ورجعت للغرفة تعبانة گوة اتنفس
اخذت علاجي وكعدت على الچرباية وكلشي يفتر بية
مرت ساعات واني بمكاني وكل شوي احس حفقد بس الزم نفسي واحاول اصير زينة
الساعة 12 الظهر دخلو الريس والكسار بدون اي كلمة جاب الكسار شال حطة على راسي يلا دخل باهر نزلت راسي ماريد اشوف احد
كعدو كدامي هادئين
الريس:شلونچ دموع؟
هزيت راسي بأيجاب ومنطقت بشي وكل ميكولولي شي بس اهز راسي مابية حيل حتى اجاوب عليهم
رفعت راسي اباوعلهم واحد واحد الكسار عيونة علية وايديه حاطها على حلگة والريس ملامح القلق واضحة بوجهة وباهر يباوعلي بشفقة
الريس:بيچ شي؟
كلت بصوت مهزوز
:عيوني د دتغوش يمكن حرجع انعمي
بس كلت هيج طفر الكسار يفتح بعيوني واني مابية حيل ادفعة يفتح عيوني خايف بدون مينطق اي كلمة ركض جاب القطرات وقطر بعيوني
الكسار:ها بعدچ
مجاوبتة احسة صار يهز براسي ويحچي صوتة بعيد
الكسار:دمعة تسمعيني!
صرت ارمش بعيوني اشوفهم التمو علية كلهم لحد ما انذب مي بارد على وجهي يلا رجعت طبيعية اشوفهم كاعدين يمي اني بحضن الكسار والريس لازم ايدي يفرك بيها وباهر واكف يهز برجلة
بسرعة دفعتة وكلت
:وخر لتلزمنيي
الكسار:اوخر والله بس كولي شبيچ بس لا رجعتي انتحرتي؟
هزيت راسي بلا
:متستاهل ارجع اغضب ربي علمودك وخر عني
ابتعد يتنهد كعد يم الريس واني باوعتلهم وكلت
:اريد اتعلم اصلي
واحد باوع للثاني وكال الكسار
الكسار:اني اكول لروان تعلمچ
سحبت ايدي من ايد الريس وكلت بهدوء
:عمو انتَ تعرف تصلي؟
حك راسة يباوع للكسار وسكت رجعت حچيت
:انتو هم تشربون؟
بسرعة سد حلگي الكسار متفشل
الكسار:انلصميي شبيچ انهديتي
دفعت ايدة وكلت
:يعني ميعرفون انتَ عرگچي وتخلص البطل بشربة وحدة وميدرون انتَ ابو نسوان
صار يضرب على راسة والريس وباهر يضحكون
الكسار:بعد بعد كتي الاول والتالي مو شگيتي الخلفوني شگ
خزرتة ادردم
:الله يلعن الخلفوك كول امين
رفع ايدة للسقف وكال
الكسار:امييييييين
سكتت والريس وابنة ترخصو وراحو وهو هم طلع مارجع بعد
كمت طلعت للمطبخ سويت چاي وكعدت اشرب الدوخة تجي وتروح
بأثناء ما داشرب دخل يدخن نزلت راسي عنة اجة كعد كدامي هادئ
الكسار:باوعيلي اشتاقيت لعيونچ
بقيت منزلة راسي واهز برجلي لزم ايدي وكال بصوت يرجف
الكسار:والله تندمت اني بنفسي ما اعرف شنو صارلي عصبت وخليت حرگتي بيچ
رفع ايدي باسها وكال بلهفة
الكسار:شنو تردين اسويلچ؟ اجيبلچ مكياج وحطي براحتچ اجيبلچ حيوان؟ عيوني الچ بس كولي
سحبت ايدي واردفت بغصة
:اريد شي واحد
تقرب علية ملهوف
الكسار:أمريني
كلت واني اباوعلة
:اريد تبتعد عني وبس
الكسار:ماكدر روحي بيچ
:ماريد شي رجعني لمدرستي وبس
تنهد تنهيدة شگت صدرة وطفى جگارتة بأيدة
الكسار:سهلة دموعي هاي كلش سهلة
تركتة ورحت للغرفة ابچي ستوني اريد ادخل واجاني صوتة يحچي بغصة
الكسار: حلفت بـ الله ما اعوفك؟
عفتني يا شريان عيني وراحت چفوفك......
..يتبعع..
بارت قصير اعرف اعرف بس گوة كتبتة هالبارت البنات بالتلي يعرفون مسوية عملية بحث عن فستان لحفلة خطوبة اخوي😂
المهم البارت الجاي يوم الخميس حعوضكم ب 7000 كلمة وتدللون
واهم شي لحد يغلط ويغتاب الغير اعذرو الشخص المقابل🤍
.
.
.
.
.
.
.
.
.
3000كلمة
ضيفو حساب الانستا
وقناة التلي
اللهم صلِ على محمد والِ محمد 🦋
مها ال عبدالله
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!