رواية الكسار (سلاسل الغوث) الفصل الثالث عشر 13 - بقلم لـ ميامي

مابيه حيل اخذ نفس
ماعندي واهس للحچي
من بره تلگاني ابتسم
بس جوه اطگ من البچي
مابيه اكمل هالدرب
تعبان خلوني انتچي

قراءة ممتعة 🤍
...............................................................

دموع:فتحت عيوني على وسعهم وهو ولا اهتم لبس ملابسة واخذ سلاحة وطلع يمشي سريع ومتحلف مكدرت ابقى ركضت ورة احاول امنعة

چان يمشي سريع واني اركض وماكدر الزمة الدرج سوة خطوتين واني بعدني اركض والهث مادري منين جايب هالسرعة عبالك بيب بيب

من وصل لباب الحديقة فتحة على كيف راد يطلع بس كدرت الزمة من قميصة
:شحتسوي كسوري ارجع تولي شنو تاخذ مثلاً؟

بسرعة سد حلگي من سمع صوتها واضح وهي تحچي منعرف ويا منو

سلوى:لا مكدرت اخذة يمكن بغرفتة لو ببيتة الثاني
محتاجتة لازم اخذة اريد ارجع البيت الية بس لو اعرف منين جاب هالفلوس صار يشتري ويفتح ويبيع وينطي بدون ميرفلة جفن

سكتت شوي ورجعت كالت بهدوء
سلوى:وضعة مو خالي يمكن يشتغل بالمخدرات وانوب متزوجلة وحدة بطول زري ويا خوفي يجيب منها طفل

بس كالت هيچ باوعتلة وهو وجهة بارد وصافن وخرت ايدة عن حلگي وتقربت اهمس على كييييييف

:متدري انتَ تشتغل بالنسوان؟

عض شفتة حابس ضحكتة وهز راسة بلا
الكسار:لا متدري اشتغل بالنسوان بس انتِ تدرين وهذا سر ماشي؟

هزيت راسي مبتسمة وهو قهقه بخفة وكال
الكسار: اني الچ يا سحير الليل اذا ماجلطتچ

مفهمت شنو سحبني من ايدي وصعدنة وهو عادي عندة حتى مضايج بالعكس فتح الثلاجة وطلع مشروبة المفضل وكعد على الچرباية طلع اغاني وصار يشرب واني واكفة بمكاني اهز براسي بعدم رضى رحت كعدت على الكرسي اباوعلة

ضل يشرب ويشرب لحد ما ثگل بالشرب كام بغني وية الاغنية بأندماج ويفتر كلش اخاف من هذا وضعة حضنت نفسي وصرت اباوعلة بخوف وحيرة وهو ولا مهتم

اخر شي طلع اغنية نانسي عجرم مال شيل عيونك عني اشرلي وكال بسكر

الكسار:ر رگصصي

بقيت بمكاني اباوعلة تقدم علية ينزع بقميصة
الكسار:كومي رگصي دبدوب

بس كال دبدوب برطمت شفايفي
:حتى انتَ تتنمر علية؟

شمر قميصة بالأرض واخذ ايدي يبوس بيها
الكسار:تخبلين ا انتِ كلششي بيچچ حلو حتى الأشياء الي تعتبريها عيوبچ اني معتبرها زيادة جمال عندچ

صار يبوس بطبگات ايدي وياخذ نفس عميق
الكسار:جميلتي الصغيرة

سحبت ايدي وهو رجع سحبها وكومني اخذ شالي وشدة على خصري رجع عاد الاغنية وكعد على الچرباية يشرب ويدخن بنفس الوقت

الكسار:ط طلعي شاهيناز الي بداخخلچ دموعي يلا

چان مستحيل اگدر ارفض غمضت عيوني وصرت ارگص بهدوء وشوي شوي صرت اغني ويا الاغنية وبسرعة اندمجت

من افتح عيوني اشوفة يباوعلي وعيونة تلمع
يباوع لوجهي ويبتسم

اخر شي تعبت ذبيت نفسي بالأرض  وگلبي يدُگ سريع چنت مغمضة عيوني من فتحتهم صار وجهة بوجهي والبطل بيدة كعد يمي يشرب وعيونة علية

الكسار:انتِ كُلش حلوة اريدچ ت تبقين يمي ومتعوفيني

كعدت على حيلي صرت مقابيلة وخليت ايدي على خدة
:ما اعوفك مكسرات والله

ابتسم وقرب البطل من حلگي  بسرعة ابتعدت امسح بحلگي
:هااا شكووو شبيك

رجع قربة بس هالمرة لزم راسي من ورة
الكسار:اشربي وياية شاركيني

دفعت ايدة عني وعطت
:وخررر ناقص بس اصير عرگچية

وخرة عني وشرب من عندة لحد ما خلصة ذب البطل وباوعلي بذبول

الكسار:اريد شفايفچ ا انطيني

كال هيچ يريد يتقرب بسرعة طفرت طلعت من الغرفة كلها رحت للمطبخ كعدت على الميز ايدي على خدي اسمع صوتة يغني ماعرف شلون اخلي يترك هالسم دا اخاف يسوي شي بدون وعية ويدمرني

خليت راسي على الميز وبين صفنتي وتفكيري غفيت
ماعرف شكد مر وقت وحسيت بشخص يندسني فتحت عيوني شفتة واكف على راسي

الكسار:ليشش نا يمة ههنا؟

باوعتلة مغندبة
:انتَ تخوف اخاف

كعد بصفي وايدة على راسي
الكسار:من شنو تخافيين

:كسار اخاف تسويلي شي اني عايشة وياك برعب

تقرب باس خدي وكال بهدوء
الكسار:ما اسوي شي بدون رضاچ صدگيني

:بس انتَ مو بوعيك

الكسار:وأن كان هم مراح اسوي شي لأن نفسي متتقبل اسوي هيج بالنهاية هذا جسمچ وانتِ الي تقررين

رجع تقرب اكثر لزم ايدية يبوس بيهم
الكسار:بس اني داسوي هيچ حتى تتعودين علية وتبطلين تعتبريني ابوچ

فضلت السكوت لأن اعرف بنهاية الحوار هو يفوز

كام وكومني ويا دخلني للغرفة وراح يلبس بملابسة واني مستغربة وين يريد يروح لبس وكمل وتقرب علية اسوي ازرار القميص

:كسوري وين رايح؟

جاوبني يرفع بشعرة
الكسار:رايح اسوي فد شغلة مهمة كملي نومتچ من تكعدين تلگيني موجود

كملت ازرار القميص وكلت
:اخاف وحدي كسار اخاف تجي سلوى

باوعلي ببرود ورافع حاجبة
الكسار:الي يتقربلچ اشگة بالنص

باس راسي بوسة عميقة ورجع كال بهدوء
الكسار:قفلي عليچ الباب وشيلي المفتاح عندي مفتاح احتياط من اجي اني افتحة نامي واطمئني محد يكدر يلمس شعرة من راسچ

ما كان بأيدي غير القبول هزيت راسي وهو باسني بخدي وفتح الباب يريد يطلع التفت يباوعلي مبتسم

الكسار:دموعي نامي زين وعيونچ الحلوة لتتعب

هزيت راسي بأبتسامة راح طلع واني قفلت الباب ورة
چانت الساعة 6 الصبح لا مال كعدة ولا مال نومة مادري وين اروح اخر شي كمت اباوع من الشباك حديقتهم كلش حلوة بيها ورد واشجار والطيور صوتهم يجنن

صرت افكر شنو يصير اذا هالبيت بيتنة اني واخواني فقط؟
شنو يصير لو احنة سوية بدون امنة وابونة؟ شنو يصير لو ما افترقنة او بالاساس شنو يصير لو خلونة سوية؟

هالتفكير كلش يتعبني اني وگلبي نتعب

تركت كلشي ورحت لچربايتي وبدون تفكير زايد نمت

نايمة وغرگانة بنومتي فجأه سمعت صوت فتح باب ابتسمت بخفة عرفتة اجة فتحت عيوني على كيف وبنعس شفتة دينزع كمل واجة علية مبتسم

الكسار:صح النوم يا حلو عبالي بعدك نايم

:چنت نايمة بس من اجيت كعدت

تمدد يمي وحط راسة برگبتي
الكسار:كعدتچ من نومتچ الحلوة عذريني

اباوع لكتفة ملفوف لف جديد
:لا عادي بس شنو هاي كتفك؟

الكسار:نزف وغيرت الضمادة

حطيت ايدي على شعرة وكلت
:وين چنت؟

رفع راسة يباوعلي بأبتسامة جانبية
الكسار:بعدين تعرفين كلشي

گلبت عيوني وحچيت بملل
:انتَ كل ما ردت اعرف شي كلت بعدين تعرفين مو مليت

گرص انفي يضحك
الكسار:لتستعجلين على رزقچ حبيبتي

سكتت منين ما اجي طلعلي بعذر
هو نام واني شبعانة نوم اريد اكوم ماكدر دفعتة على كيف وكمت طفرت غسلت وجهي ورحت للمطبخ

هو مانعني افتح الطباخة والغاز يخاف علية بس ماكو داعي لخوفة بعد
چان اكو كلشي بالثلاجة طلعت بامية وطبختها مثل ميحبها وهو يسويها كلش طيبة وسويت وياها تمن من كملت هو بعدة نايم رحت للغرفة طلعتلي تراكسود ورحت للحمام سبحت

طلعت من الحمام وطفرت من شفتة واكف بالباب متكتف ويدخن خليت ايدي على گلبي وحچيت

:كمزتنييي

باسني بخدي وراح للحمام تركتة ورحت للغرفة محتارة بشعري چان هو يمشطلي بس صار مرتين اني امشط ويتعبني

مشطتة ولفيتة دخل الكسار رافع حاجبة
الكسار:هاي انتِ طابخة؟

ابتسمت وتقربتلة
:اي كسوري طبختها مثل متحبها بامية مليانة لحم وتمن شعرية

حط ايدة على راسي وكال
الكسار:ليش ماكعدتيني ابقى يمچ؟ بلا احترگتي شسوي بنفسي اذا صار هيچ

ضحكت بصوت
:عادي ينضاف حرق جديد عندي حروق بظهري متعودة

ضربني بخفة علة راسي
الكسار:انچبي لتكولين هيچ

:هسة امشي نتغدة جوعانةةةةة

لزمتة من ايدة واخذتة للمطبخ صبيتلنة اكل وهو بس يضحك علية لأن طابخة وطلع الاكل طيب

الكسار:طلعتي ام بيت ست دموع

:لعد شعبالك اني كُلشي اعرف بس انتَ متنطيني فرصة

الكسار:اخاف عليچ تحترگين لو تتعبين

ابتسمت وسكتت وهو سكت دقايق ورجع كال
الكسار:صدك تذكرت جبتلچ كتبچ راجعي دروسچ الأحد ترجعين تداومين

:ماشي بس ماعرف شنو اخذنة؟

الكسار:جبتلچ كلشي الواجبات والامتحانات ادرسي وحتى لو هالشهر تنزل درجاتچ شوي المهم تنجحين وراچ سادس

:تمام حكون عند حسن ظنك

الكسار:گدها وگدود حبيبتي

كملنة اكلنة سويتلة چاي كعد يمي يشربة واني ارتب المطبخ چان يحچي ومنطلقين اني ويا

كملت ترتيب اخذني للغرفة انطاني فستان وحجاب وكال بأبتسامة

الكسار:راح اخذچ لأهلي راح اجلطهم واطشرهم الچ

:شحتسوي كسوري؟

ابتسم وطلع علبة من جيبة
الكسار:انطيني ايدچ

انطيتك ايدي انصدمت من لبسني حلقة ذهب
:هاي شنو مكسرات؟

الكسار:تنسين اسمي كسار وتنسين مكسرات وكسور وكسوري وكسر كدامهم تكليلي الغوث وبس احنة كدامهم ازواج طبيعيين

هو يحچي واني اهز براسي انطاني حلقة فضة ومد ايدة يضحك
الكسار:لبسيني خلي اعيش اللحظة

ضحكت ولبستة حلقتة واحسة فرحان كل شوي يباوع لأيدي وايدة
لزم ايدي ونزلنة وهو يوصي بية

الكسار:شخصيتچ خليها قوية رفعي راسچ بشموخ وخلي نظراتچ حادة وباردة بنفس الوقت يمهم ماريدهم يستضعفوچ

:بعيوني كسوري

باوعلي بخزرة ضحكت وسكتت نزلنة يمهم شفناهم كاعدين يشربون چاي بس دخلنة الكل تصنم بمكانة انصدمت كال الكسار وهو يمشي

الكسار:السلام عليكم

ردو السلام بكُل هدوء كعدنة على القنفة صرنة كدامهم كلهم وعيونهم علينة متنشال اجة الطفل الي فتحلنة الباب مبتسم

غيث:عمو الغوث صار هواية ما اجيت هنا

ابتسم الكسار وحط ايدة على راسة
الكسار:عندي شغل چان حبيبي

غيث:يلا ورق لعد ورق

ضحك بصوت عالي ضحكتة خشنة تخوف وحلوة بنفس الوقت
مد ايدة لجيبة وطلع 25 الف حطها بأيد الطفل

الكسار:هاي الك تستاهل غيوثي البطل

راح الطفل يضحك التفتت من اجة صوت سلوى
سلوى:كثرانات فلوسك الغوث

باوعلها ببرود وايدة تلعب بشاربة
الكسار:عندي خير من الله الحمدلله

سلوى:وياريت حلال

ابتسم ابتسامة جانبية وحط رجل على رجل
الكسار:شوف منو يحچي بالحلال ست سلوى الموقرة لا العفو الشيخة سلوى ترة دافينها سوية سلوى

اشرت علية بقرف
سلوى:هاي حتبقى هنا؟

حضن كتفي وباوعلي
الكسار:تبقى ببيتها وهذا بيتها

سلوى:ترة انتَ مخليها ونسة الك واضحة ليش حتى تكول هيج وتخليها ترفع خشمها علينة

باوعلها بحدة ورفع سبابتة بتهديد
الكسار:كفي نفسچ ولسانچ عن مرتي ترة ميحصل خير صدگيني

كامت تباوعلي بحقد وتهز ايدها
سلوى:تلاحگ نفسك لتربطك بطفل ترة مبينة وحدة ملعبة

الكسار:اذا جابتلي طفل راح تصير ملكة بدل الأميرة عندي

عصبت كلش تباوعلنة بحقد وكالت
سلوى:رجعلنة البيت واطلعو ببيت وحدكم

ابتسم وباوعلي ببرود
الكسار:اسألي صاحبة البيت اذا تقبل اني معلية

بس كال هيچ كام ابو وكف بصفها مصدوم
اياد:غوث شسويت؟

لزم ايدي وكمنة باس ايدي كدام الكل متت خجل بس راح خجلي واجت بمكانة صدمتي من نطق

الكسار:دموع صارت صاحبة البيت مو اني

شهگو كلهم واني وياهم مصدومة وهو يضغط على ايدي وفرحان بردة فعلهم تقدم ابو دفعة من صدرة وعاط

اياد:شسوييييييتتت سجلت البيت بأسم مرتكككك

يجاوبة ببرود قاتل
الكسار:اي صار بأسم دموع باركولها

ابو ومرتة صارو يلطمون على وجهم وهو فرحان وبصعوبة حابس ضحكتة انتبهت حتى عمة ومرتة انزعجو من هالشي

سحبني من ايدي وتركهم يتلاطمون ببيناتهم صعدنة فوك بس دخلنة للغرفة ضحك بصوت عالي متونس

الكسار:شفتيهم شلون يلطموووون ههههههههه

ضربتة على ايدة وكلت
:كسار شبيك خطية مو زعلو

الكسار:يطبهم طوب اهم شي اني اتونس هو اني مسجلت هذا البيت بأسمچ لا سجلت بيت ثاني بأسمچ

:بس اني ماريد منك شي؟

تقرب علية باسني براسي
الكسار:بس اني اريد انطيچ شي يضمن مستقبلچ

ردت احچي بسرعة عصر شفايفي وكال
الكسار:سكتي اشششش ماريد كلمة بس امشي وياية سبحيني

دفعت ايدة وتخوصرت
:كسوري شو اخذك الواهس؟

الكسار:ترة ايدي الصبح نزفت بس ساعديني لتصيرين كلش

گلبت عيوني وكلت بقلة صبر
:صبرك ربيييييي

باوعلي بعين ونص وراح للكنتور طلعلة شورت ومنشف وبكل صلافة حط ايدة على كتفي صار يمشيني ويغني

الكسار:شيل عيونك عني تركني اعرف غني

ضربتة بكعسي ببطنة
:كسار بطل سوالفك السرسرية

ذبلي بوسة بالهوى وكال يعض شفتة
الكسار:اموت بسوالف السرسرية وياچ امووووتتت

گلبت عيوني وهزيت راسي برودة حيقتلني اخذتة للحمام ساعدتة يسبح راسة چان ميكدر يسيطر يفركة بالشامبو فركت شعرة ورگبتة وأذاناتة وهو ساكت

كملت وطفرت من الحمام تركتة يلبس ملابس
ومن طلع هم طلع يغني چنت كُلش ضايجة باوعتلة لگيتة يمشط رحت وكفت بصفة وسويت نفسي بريئة انتبه علية رفع حاجبة وگرص ارنبة انفي

الكسار:ها حبيبتي؟

تقربت احجي بلطافة وهدوء
:كسوري ضوجة خلي نطلع؟

ابتسم وكال
الكسار:لبسي يلا

طفرت اصفگ فرحانة وهو عيونة زايغة مادري وين تروح تركتة ورحت للكنتور طلعتلي ملابس طلعة وركضت للحمام لبستهم بسرعة ورجعت للغرفة شفتة يخابر رحت للمراية سويت حجابي انتبهت اكو مرطب خليت على شفايفي اول مرة اخلي هيچ شي بوجهي

كملت وباوعتلة متخوصرة شفتة صافن علية
:هااا كسوري شنو رأيك؟

كام تقربلي مبتسم
الكسار:تخبلين

نزلت عيونة لشفايفي واردف
الكسار:شنو حاطة بحلگچ؟

رديت بهدوء واني اباوعلة ببراءة
:مرطب

عگد حواجبة وبسرعة اخذ شفايفي بين شفايفة خليت ايدي على صدرة ودفعتة بقوة

:شبيييكك؟

جاوبني وهو يلعق بشفايفة
الكسار:دامسح المرطب ماكو ممنوع تخلين

:تريد امسحة كولللل مووو تبوسني ماريد هيچ انيييييي

باوعلي بحدة ووتقرب سحبني حط ايدة ورة راسي وباسني بعنف احاول ادفعة عني وماكو صرت ادوس على رجليه وميقبل يتركني

ايدي تعبت واني اضربة
ما ابتعد لحد ما رن تلفونة ابتعد عني دفعتة عني ابچي

الكسار:هيچ احلى صرتي يلا امشي نروح

نزعت حجابي بعناد وكعدت على الچرباية متكتفة
:ماروح بطلت اني غبية اطلب من عندك شي انتَ واحد حقيييييييير

لزمني من ايدي يجر بية
الكسار:امشي دموع هي بوسة

كمت ضربت رجلي بالأرض
:عندكككك بوووسةةة بس عنديييي عبارة عن لعبان نفسسسسسس اني مقابلة ليششش تبوسنيييي

بدون ميهتم رجع باسني بوسة سطحية دفرتة برجلة وكلت بغضب
:فدددد اكرهكككك انتَ واحد حقيييير واستغلالي وشهواني

بس كلت هيج ضربني ببطني خلاني اكعد على الچرباية اتلوى وابچي وبدون ميعيرني اهتمام كعد كدامي وعصر ايدي

الكسار:امشي نروح لتخليني اضربچ تشترين الضرب مشترة انتِ

حچيت ببچي وألم
:ماروح ماروح روح وحدك اتركني وحدي ماريد اشوفك

الكسار:شلون تجبرني اضربهاااااا كومييييي اجة الساااايق بنت الكلب

عاندتة وهو صار يرفع روحة ويضربها بالأرض تخبل علية

اخر شي مل رفع تلفونة معصب خابر مادري على منو وهو يباوعلي بغضب وبتوعد

الكسار:روح مانروح

بس كال هالكلمتين وسدة يباوعلي وعيونة يطلع منهم شرار تقرب علية شالني من ملابسي وكفني وشگ ملابسي من على طولي شهگت اغطي بجسمي

راح جاب شالات وصدمني من ربط ايدية ورجلية حاولت ادفعة عني مكدرت اخر شي شد حلگي ودفعني بالأرض

الكسار:اكلچ لتعصبيني ليش متسمعين كلاميييييي ليشششش تردين تتأذيييييين منيييي ليييشش

صار يرفع ملابسي عني اخر شي نزع الحزام  وصار يضربني بي بكل قوتة ويعيط بوجهي بكلام مفهمتة چان الألم طاغي علية

رفعت ايدي المربوطة حتى احمي نفسي مادري شلون اجة الحزام على اصابعي فرفحت تفرفح شفت اظافري صار ينزل منهم دم وهو مستمر وممهتم بالأنسان الي ديضربة بعدم رحمة

تعب كعد كدامي يتنفس سريع ويباوعلي بحقد
الكسار:بنت الكلب احسلچ هيچ؟

اباوعلة وابچي مقهورة ومتأذية جسمي كلة يصل صل علية بكل وقاحة يمسح بدموعي ويكول

الكسار:لتبچين مو زين على عيونچ

بقيت صافنة على وقاحتة وقباحتة خايف على عيوني وهو زورگ جسمي تزورگ وبدون ليهتم

فتح حلگي وتركني بمكاني وطلع بقيت ابچي واندب بحظي هالمرة مراح اسامحة ابد ما اسامحة

الوجع قاتل وباردة صار البرد يأذي جسمي
حاولت انام حتى يخف الوجع بس مكدرت صرت اغلط على نفسي لأن عاندتة

بعد ساعتين نمت واني بصعوبة اجر النفس

فتحت عيوني على ألم قوي بجسمي احس بطني تريد تنشلع من مكانها رفعت راسي شفت نفسي غرگانة بدمي

نزلت راسي ابچي بكسرة وحيرة
:ربيييي اخذ امانتك ماريد اعيش المن عايشةةة اهل تركوني اخوان يمكن ميتين محد يريدني حتى انتَ متحبني اروح فدوة لأسمك خلصني

بعدني اريد احچي وانفتح الباب دخل خايف بسرعة درت وجهي عنة ابچي بدون أي كلمة تقرب فتح ايدية ورجلية وراح كعد على الچرباية

احتاريت شلون اكوم جسمي يون علية واصابعي جامد الدم بيهم بصعوبة سندت نفسي وكمت اخذت منشفي وفوط صحية وقبل لا اطلع باوعتلة بحقد

:راح تندم على كُلشي اذا مو اني احاسبك اكو رب عالي فوك يحاسبك عساك بوجع گلب ميطيب وعسى الراحة متزورك

رفعت ايدية للسماء وحچيت بشهگة
:روح يا كسار الله يحرگ گلبگ بعزيزك

ضل صافن فاتح عيونة على وسعهم مذهول بكلامي تركتة ورحت للحمام لازمة بطني مجان اكو احد كدرت اطلع مصلخه قفلت باب الحمام علية وفتحت المي دخلت جوة واني افكر

شكم مرة ضربني؟ شكم مرة هاني؟ شكم مرة يكسر بية؟

گلبي شبع كسرات من كسري

اختنگت احس الدنيا ضاگت بية تعبت من عيشتي هاي
باوعت شفت اكو موس مال حلاقة لانت ملامحي واني اباوعلة صارت افكار شيطانية تجي ببالي

مر شريط حياتي المؤلم كلة كدامي چان حلي الوحيد هو الموت حسيت نفسي ماكدر اتحمل ازيد من هيچ تعبت تحملت اشياء فوك طاقتي واكبر من عمري

اخذتة بأيدي اباوعلة بتمعن خليتة على شرايين ايدي وغمضت عيوني
:حرجع التقي بأخواني

ضغطت على ايدي بقوة وصار ايدي تتقطع كدامي والدم ينفر نفر منها بحيث الموس ضل نابت بأيدي من تركتة

كعدت بالأرض اباوع لأيدي واشوف الدم شلون ينزل منها بگلب بارد ماحسيت بألم ولا حسيت بندم بالعكس چنت فرحانة لأن حموت

بديت ادوخ ونفسي ينخفض
ابتسمت من سمعت صوتة ورة الباب

الكسار:دموع كافي طلعي تأخرتي

بدت عيوني تنغلق وارجع افتحها الصوت صار بعيد بس اسمعة وهو يصيح بأسمي ويدفر بالباب

الكسار:ولججج دمووووعع بس لااا سويتيييي شيييي رديييي ولچ حيلييييي انهددد بس جاوبينيييي

فجأه اندفر الباب وانفتح دخل واشوفة صافن علية يرجف ابتسمت بأنتصار وكلت بصعوبة

دموع:مراح ا اسامححك

تقرب علية يباوع لأيدي وگوة يجر نفس لزم ايدي الي جرحتها وعاط مذهول ومصدوم

الكسار:لاااااا دمعتيييي حلفتي ماتعوفينييي حلفتييييي...

..يتبعع..

توقعاتكم؟

.
.
.
.
.
.
.
.
.

4000 باچر اكو بارت

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله