رواية الكسار (سلاسل الغوث) الفصل الخامس والعشرون 25 - بقلم لـ ميامي

انا تمنيت مامخلوق هـاي الدنيا ماتسوه
مَجبور وعشت گـوه
بَـس بطن امي ماچنت مجروح
ذنيچ التسعَ اشهـر صدك حلوه

قراءة ممتعة🤍
...........................................................

دموع:صوتة يخوف اني ممسوية شي وصرت ارجف رجع عاط خايف

الكسار:بس لااا طلعتييييي دموع بس لا طلعتييييييي

رديت بصوت يرجف
:ل لا مطلعت كسار والله

الكسار:اكعدو جوة احنة جايين

قبل لا اجاوبة سدة بوجهي انطيت التلفون لفرح متوترة
:شصاير؟

فرح:ماعرف اتصل مَلِك علية وكال لتطلعون وبسرعة انسحب التلفون من ايدة واجة صوت زوجچ يكول لحد يطلع دموع المقصودة

سكتت اهز براسي رجعنة كعدنة وحدة لازم ايد الثانية
ربع ساعة ودگ تلفون فرح

فرح:الو؟ اجيتو ماشي احنة طالعين

سدتة وكامت
فرح:امشي اجو صار أمان

كمت وياها لازمة ملابسها بخوف ماعرف اتخلص من خوفي جبانة الى درجة اي شي يخوفني

طلعنة من الصالون شفناهم واكفين يتلفتون واكو سيارات وراهم لونهم ابيض ونفس الشكل تقرب علية الكسار وهو يتلفت

الكسار:نزلو روسكم ودخلو للسيارة بسرررعةةة

سوينة مثل مكال صعدنة بالسيارة ورة واجو صعدو وبسرعة حركو وتلفوناتهم مسكتت ابد چان الكسار يسوق واني كاعدة ورة الكرسي مالتة مد ايدة اليسار الية وكال

الكسار:انتِ زينة؟

لزمت ايدة اطمنة هو بسرعة عصرها وايدة حارة
:احنة بخير لتخافون بس شصاير

الكسار:مصاير شي لتشيلين هم حبيبي

تركت ايدة ساكتة وهو طول الطريق عيونة على الشارع اباوعلة من المراية عيونة بس على الشارع عبالك خايف من شي والسيارات تمشي ورانة

وصلنة للبيت نزلنة كلنة وفرح كالت
فرح:حسن وين؟

باوعلها مَلِك وابتسم
مَلِك:بالهذا جوة عند باهر

هزت راسها اخذتها ودخلنة جوة وشفنة باهر مسوي مصايب
جايب مخاد مسويهم مثل البيت ويلعبون هو وحسن هو شگدة وشكبرة والبيت مالتهم صغير حتى اني الي خايفة وارحف صرت اضحك عليهم

:جاهل لو ما جاهل

رفع راسة معاجبة
باهر:فوك ماچنت ادير بالي على ابن اختچ؟

كعدت احرك حواجبي
:ابن بنت عمتك غصباً عليك تدير بالي علية

راد يحچي ودخلو الكسار ومَلِك بسرعة طفر وكفو على صفحة يحچون بمادري شنو مينسمع شي منهم

شوي وباهر راح لبيتهم والكسار راح يجيب عشة بقينة اني وفرح ومَلِك حاولت ابوگ لسانة بس ولا كدرت تركتة وصرت العب ويا حسن اخذتة للمطبخ طلعتلة حلويات ورجعت اخذتة للصالة قبل لا ادخل سمعت صوتهم يحچون

فرح:ملوكي وخر هسة تجي دموع

مَلِك:يروح ملوكچ هذا التغيير علمودي لو علمود اختچ

تجاوبة بدلع
فرح:علمودك اكيد قابل دموع رجلي

حسن فلت ايدي ودخل يمهم انوب اني استحيت ارجع ادخل بس ما استحيت واني اسمعهم حسيتهم يحبون بعض هواية

فرح:مَلِك وخر عيب

مَلِك:مرتي وين العيب بالموضوع

فرح:مرتك بالبيت مو هنا

حطيت ايدي على حلگي ميتة ضحك عليهم
داسمع واضحك وانحطت ايد على حلگي تجمدت بمكاني صارت انفاس تلفح اذني وايد ثانية تمشي على خصري گلبي يدُگ سريع وانفاسي تنخفض تقرب اكثر وهمس

:انطيني نفس اريد تختلط انفاسي بأنفاسچ

غمضت عيوني وهدئت من سمعت صوتة رجع الدم لوجهي
باسني جوة اذني ودارني حط ظهري على الحايط ولزم حنچي يباوعلي ويبلعم

الكسار:متغيرة چنتي تخبلين وهسة تموتين

ردت اروح بس سحبني ورجعني للحايط مصرت اباوع بعيونة وهو يرفع ايدية يبوس بيهم ماعرف شنو سر حبة لأيدية

الكسار:باوعيلي خلي عيوني ترتوي بجمال عيونچ

باوعتلة ارمش بعيوني وهو ويا كُل رمشة تتوسع ابتسامتة
مشة ابهامة على شفتي السفلية وكال بهمس

الكسار:اريد ابوسچ

بسرعة هزيت راسي بالرفض تقرب اكثر عصرني بالحايط وحط راسة على راسي وصار يمشي انفة بهدوء على انفي

الكسار:بس اريد؟

حطيت ايدي على صدرة اريد ادفعة بس مكدرت بسرعة باسني بهدوء بقيت فاتحة عيوني وجسمي ينتفض صار يتفنن بالبوسة واني جامدة بمكاني

ابتعد بعد فترة العرگ ينزل من جبينة ويلعق بشفتة متلذذ
الكسار:احارب حرب بشفايفچ وبكل مرة اخسر وشفايفچ تفوز

نزلت راسي ماريد اباوع بعيونة طبع بوسة على خدي وابتعد يباوعلي بذبول
الكسار:تعالي نجهز العشة؟

بسرعة هزيت راسي ورحت قبلة للمطبخ وهو وراية يصفر صرت اجهز العشة وهو يغني ويساعدني

هو دوم يساعدني بشغل البيت بس ماعرف شبية بعد الي صار بيناتنة صرت اخجل واتوتر اذا بقينة وحدنة وهو هم ماقصر صار يتعمد يطخني عود ديساعدني ويوترني اكثر واكثر

اخر شي متحملت تركت الي بيدي واشرت على الباب وحچيت بتوتر
:اطلع

رفع حاجبة وترك السجينة
الكسار:ها؟

باوعتلة وگوة احچي
:اطلع م مدتخليني اكمل

حط ايديه ورة ظهرة وتقرب علية وكف كامي وكال بتمسكن
الكسار:شمسوي؟

:اطلع كسار اطلع

ابتسم وبسرعة حط وجهة برگبتي وسحب نفس عمييييييق وابتعد
الكسار:اخاف ازفرة وعطرچ يتطشر

نزلت راسي معاجبني هو ضحك وطلع من المطبخ يلا شوي ارتاحيت صرت اكمل العشة وفرح اجت وياية

كملنة تجهيز العشة ورحنة صحنالهم
كعدنة نتعشة واني وفرح طايرين ببعض احس الدنيا ضحكتلي من رجعتلي ملاكي

چنت اسوي لفات صغار وانطي ملاك وهي نفس الشي انتبه مَلِك علينة سوة لفة چبيرة ومدها للكسار

مَلِك:تفضل اخي اكل بالعافية

اخذها من ايدة يباوعلها
الكسار:خرب بعقلك دشوف لفاتهن شلون ناعمات دصير ناعم وسويلي ناعمة مطي

مَلِك:بربك اذا مو لگمة چبيرة شتشبع دشوف لگماتهن النمل ميقبل بيهن

الكسار:وانتَ فيل ميكدر ياكل هاي لفتك انطمر وعوفهن بحالهن

هز ايدة ورجع ياكل
كملنة العشة الكسار ورث ناركيلة واخذها للصالة واني وفرح صرنة نرتب المطبخ ونحچي عن حياتنة الماضية ونتذكر كلشي صارلنة تذكرنة ضرب امنة النة تذكرنة حنان وهيب علينة تذكرنة قذارة ابونة تذكرنة كلشي

:فرح برأيچ امنة بريئة؟

غمضت عيونها وكالت
فرح:ماعرف دموع ماعرف الاشياء الي شفتها منها خلتني احقد عليها

:اني هماتين اذا انجبرت تبيعنة ليش اشتغلت هالشغل؟ ليش طاوعت ابوية وخسرت شرفها وسمعتها وخسرت الدنيا والأخرة علمود شنو؟ فلوس طز بالفلوس اهم شي شرفي وسمعتي ورضى ربي عني

فرح:چانو ظلام اهلنة هواية كُل ما اتذكر الي چنت اشوفة منهم تلعب نفسي بس مننكر شاهيناز ساعدتنة الله يرحمها ويغفرلها

ابتسمت اهز براسي
:امين

كملنة شغلنة ورحنة كعدنة يمهم چان يوم كلش حلو كلنة فرحانين ونسولف ونضحك عبالك ماكو هم بگلوبنة

من صارت الساعة 12 كام مَلِك
مَلِك:يلا فرحة لازم نروح تأخر الوقت

كامت واني كمت وياها اباوعلهم
:تخلوني اشوفها مو؟

هزو راسهم وباوعت للكسار
:باچر نروحلها معلية

الكسار:نروحلها نروحلها والله

ابتسمت وحضنتها اودعها طلعو ورجعتلي الضوجة بس چنت واثقة حرجع اشوفها ومراح تروح مني بعد

صعدت للغرفة وافكر باچر اداوم لو لا لأن اخذلي اجازة يومين
توترت من دخل للغرفة بسرعة اخذتلي ملابس وركضت للحمام لبست ومسحت المكياج ورجعت ارفع بشعري

دخلت للغرفة وهو طفر تقرب علية مبتسم سحبني من ايدي كعدني على الچرباية واني مستغربة شبي
راح للكنتور طلع علبة صغيرة واجة كعد بصفي فتحها وطلع سوار وتراچي بقيت اباوعلة

الكسار:انطيني ايدچ

خليت ايدي ورة ظهري ونزلت راسي
:بس ماريد شي اني

سحب ايدي ولبسني السوار وتقرب اكثر من طلع التراچي نزعني التراچي الي چنت لابستهم ولبسهم الية بكل بطئ وهدوء ويتعمد يطخ رگبتي واني من التوتر بس اعصر بأيدية
من كمل طبع بوسة جوة أذني وهمس

الكسار:تستاهلين دموعي ومن يجيني طفل منچ راح تكون هديتچ وهديتة كُلش چبيرة

ابتعدت گلبي يدُگ سريع
:بعد وكت على الطفل؟

ابتسم ومد ايدة لشعري فتحة وصار يشتم بي
الكسار:لا مو بعد وكت دمدم اريد طفل منچ حلو يشبهچ

برطمت شفايفي ونزلت راسي
:بعدني صغيرة شلون اصير أم اني بعدني احتاج أم

الكسار:اني وياچ كلتلچ قبل فترة اني ابوچ واخوچ وامچ وهسة ازيد واني حبيبچ وزوجچ وابو اطفالچ ترة كل بنية بالنهاية تتزوج وتصير أم

سكتت وهو رجع يشتم بشعري وشوي شوي صار يسحبني لناحيتة ردت ادفعة بس تذكرت كلام فرح غمضت عيوني رغم چنت ميتة خوف

چنت باردة وماعرف اتصرف قطعة جليد مو بشر
ذب ثگلة علية يبوس بطرف شفتي خليت ايدي على صدرة وكلت بصوت يرجف

:وخر كافي

رفع راسة وصارت ايدة تمشي على وجهي
الكسار:ليش اوخر مو مرتي؟

نزلت دمعتي وحچيت بغصة
:الله ياخذني ويخلصني من هالدنيا

بسرعة التهم شفايفي واني ايدية تخرمش ظهرة ابتعد عني يعصر بزندي
الكسار:لتدعين على نفسچ منو الية غيرچ دموعي؟

بچيت وضربتة على صدرة

حضني بسرعة يتنهد
الكسار:شبيچ شوكت تقتنعين اني زوجچ بعد؟

غطيت وجهي اشهگ
:ليش مقنعتني انتَ من البداية؟ جاوبني لحد عمر 16 سنة چنت تحسسني اني بنتك لو من البداية معتبرتي زوجتك ارحملي من هسة

الكسار:والله احبچ اني حاولت اعتبرج بنتي بس مكدرت انزرعتي بگلبي زرع وهسة ترديني اقلعچ بكل سهولة ماكدر حسي بية شلون اتعذب عليچ اريدچ الية دمعتي

بقيت بس ابچي واناشغ هو تنهد وابتعد عني بسرعة لبست ملابسي وركضت للحمام ابچي غسلت جسمي زين وكملت مچنت جايبة منشف ولا ملابس شفت المنشف مالتة بسرعة اخذتة ولفيتة علية وطلعت ارجف باردة
فتحت باب غرفتنة ومديت راسي اشوفة نايم لو كاعد بس ملگيتة موجود عرفت نزل للحمام الجوة ركضت طلعتلي ملابس لبستهم بسرعة وغيرت الفراش چنت متعاجزة انشف شعري بس مشطتة وركضت للچرباية غطيت راسي سويت نفسي نايمة

سمعت صوت سيارة وباب البيت انفتح طفرت للشباك مستغربة شفتة طلع سيارتة ونزل قفل الباب ورجع صعدها وشخطها

بقيت واكفة اباوع وين راح بهالوقت؟
ماجاني نوم رحت كعدت على الچرباية افكر چان يكدر يكول قبل ليروح حتى تلفونة هنا مماخذة

بقيت انتظر وانتظر للصبح واني كاعدة
لحد مسمعت صوت سيارة طفرت باوعت من الشباك شفتة اجة بسرعة ركضت لجوة هو فتح الباب ممنتبه علية رجع صعد للسيارة دخلها ونزل منها صارت عيونة علية رحتلة معصبة

:وين رحت؟ خليتني وحدي هنا اذا اجة الثعلب واخذني شتكول تكول تركتها وطلعت مادري وين؟

مجاوبني راح سد الباب واجة شفتة متجاهلني تركتة وصعدت فوك معصبة تمددت على الچرباية وغطيت راسي ضايجة من عندة ديضوجني بشكل هالفترة او يمكن اني صايرة اضوج من كلشي

سمعت صوت خطواتة بسرعة غمضت عيوني دخل للغرفة ورفع الغطة دخل وياية وسحبني من خصري ظهري ارتطم بصدرة وحط وجهة برگبتي وهمس

الكسار:رادوني بالشغل ورحت وانتِ چنتي تسبحين نزلت جوة سبحت وطلعت ماكدرت اصعدلچ خفت اتأخر

مجاوبتة تجاهلتة هو سكت وبس صوت انفاسة المتعوبة تنسمع چنت شاكة بي شارب بسرعة التفتت دخلت بصدرة اشتم بي وهو عبالة اريد ادخل بحضنة حضني يبوس براسي واني اشتم بريحتة وچنت ناوية اتعارك ويا بس الحمدلله طلعت ظالمتة وماكو ريحة شرب من تأكدت دفعتة

:عبالي شارب

عض اصبعة معصب وكال
الكسار:شنو رأيچ اشرب من دمچ؟

غمضت عيوني وحچيت بنعس
:اريد انام اذا متريد تنام كوم اطلع

عطت من نبت اسنانة بزندي ودفعتة
:شبييييييك؟؟

راد يحچي ودگ تلفونة خزرني وجاوب
:الو؟ شكو شبيچ؟ جايين خوية جايين لتخافين ان شاء الله خير

سدة وطفر يلبس بملابسة
الكسار:كومي وياية نروحلها داني مريض ويحتاج مستشفى

بدون اي كلام ركضت لبست حجاب وعباية وطلعت خايفة علية حتى النعسة طارت رحنالهم لگيناها تبچي وحالتها حالة وداني بسبب ارتفاع حرارة جسمة صاير وجهة احمر بدون اي كلام صعدناهم بالسيارة وحرك بكل سرعتة للمستشفى وسيدرا خلصت الطريق تبچي

الكسار:مابي شي بس اهدي هسة ناخذة ويصير زين

سيدرا:البارحة مكدر ينام سودة علية كلة مني سبحتة وخليتة يطلع برة يلعب

التفتت عليها احچي بهدوء
:لتكولين هيچ سيدرا هو طفل اكيد بسرعة يتمرض كولي يا الله

غمضت عيوني تدعيلة وتبوس بي
وصلنة للمستشفى نزل الكسار اخذة من حضنها وركض واحنة ورة بسرعة اخذو من ايدة وودخلو هو والكسار بغرفة واحنة بقينة برة اني اهديها وابچي وياها

ساعة كاملة يلا طلع الكسار شايل داني وداني بأيدة كانونة ونايم ويناشغ طفرت اختة اخذتة من ايدة تبوس بي وتبچي واني رحت للكسار

:شنو طلع بي؟

الكسار:متعرض لبرودة قوية ومرتفعة حرارتة وخطية متأذي كلش

اباوعلة شلون خايف علية صرت افكر اذا هذا خوفة على هالطفل الي متربطة بي علاقة شلون ويا ابنة لعد
انتبه علية صافنة بوجهة لزم ايدي وكال

الكسار:شبيچ

بعدت نظري عنة وكلت بهدوء
:لا ماكو شي نروح لو بعد حنبقى

الكسار:لا امشو للسيارة رايح اجيبلة علاج واجي هذا المفتاح

هزيت راسي ورحت اخذت سيدرا ورحنة للسيارة كعدنة بيها نتتظرة خطية چانت تعبانة وعيونها حمر ومتفوخة 
شوي واجة الكسار صعد بالسيارة وانطاها العلاج

رجعناها للبيت وچانت المرة الي عايشة وياها تنتظرهم بالباب واحنة رجعنة للبيت وطول الطريق الكسار ينافخ اني بقيت ساكتة ماعرف شنو احچي

وصلنة للبيت هو كعد بالصالة واني صعدت فوك ميتة نعس چانت صبح بسرعة نزعت ونمت محاسة بالدنيا

ماعرف شكد مر وقت وسمعت صوت رنة تلفون فتحت عيوني لگيت الكسار حاضني ونايم يمي وتلفونة يدُگ ندستة مزعوجة

:كوووم تلفونك ديدُگ

تحرك منزعج واخذ تلفونة بدون ميشوف منو جاوب
الكسار:ومرضو شتريد
ليش بيش الساعة هسة؟

مادري شنو سمع وطفر على حيلة خلاني كمزت خايفة
الكسار:شنوووو

باوع للشباك وضرب على راسة
الكسار:اخذتنة نومة جايين الكم

سدة وكال مستعجل
الكسار:دكومي اختچ ورجلها ينتظرونةة

فركت عيوني اتثاوب
:بعد وكت

الكسار:ياااا بعد وكت الساعة 7 بالليل هسة ومن العصر ينتظرونة كومي

بس كال هيچ طفرت للحمام مصدومة غسلت وجهي ورجعت للغرفة بسرعة لبسنة اخذت تلفوني وطلعنة من البيت

طول الطريق ضايجة لأن نمت ونسيت فرح
وصلنة الهم واكيد زرلتني وتبچي واني ابچي وياها على الواهس

فرح:نسيتيني حقيرة

:والله منسيتچ بس چنت نايمة لأن البارحة منمت الصبح يلا

ضربتني على ايدي تبچي
فرح:خاف مريضة

:لا مبية شي تعالي حضنيني

حضنة بعض نبچي لحد مهدئنة ابتعدنة عن بعض مبتسمات وباوعنالهم وانصدمنة من شفناهم متخوصرين وصافنين علينة حتى حسن وياهم مصدوم

مَلِك:والله مخبلات انتن

مسحت دموعي وكلت واني اشهگ
:ترة ستوني حبيتك لتخليني ارجع اكرهك

بس كلت هيج الكسار ضرب على وجهة
الكسار:لتكوليييييين حبيتك ومحمد خبلتيني

وكفت كدامي فرح تخزرهم هو ومَلِك
فرح:لتصيح على اختي

سكت ميكدر يحچي وياها بس ضرب مَلِك مادري ليش دخلنة جوة واني فرح كعدنة نحچي وهو وملك كعدو هم يحچون بهمس

لحد مجذبني اسم سيدرا بنص حديثهم بسرعة كلت مستغربة
:شبيها سيدرا؟

باوعلي الكسار يتنهد
الكسار:شايل همها ليقبلون يسوولها جواز واني ماكدر اخليها هي واخوها وحدهم بعد شوفي اليوم احتاجتني وهمزين ممات اخوها

:صح ميصير تبقى وحدها يم هاي المرة لأن المرة چبيرة بالعمر

سكت يلعب بذقنة شوي وكال يباوعلنة اني وفرح
الكسار:راح ازوجها

عگدت حواجبي وكلت
:تتزوجها؟

ابتسم تك خد وكال
الكسار:ازوجها مو اتزوجها دموع

:ماشي بس لمنو بس لتكُلي زياد ترة هذا واحد مو أمان

زفر نفس ممرتاح وكال
الكسار:ازوجها لباهر

بس كال هيچ وكفت كدامة رافضه هالفكره
:كساااار باهر يحب لتظلمهم

الكسار:زواج مؤقت بس على ما اطلعهم من العراق

:لتسويها والله باهر خطية ديننظر شي وتصدمو بشي؟

فرك وجهة محتار
الكسار:لعد شلون فد محتار من الصبح لهسة افكر لا اكيد واجيبهم يمنة لأن خطر عليچ الثعلب رايدها ورايدچ هم

سكتنة شوي وكال مَلِك يضحك
مَلِك:نزوجها للريس؟

صفن الكسار ولانت ملامحة ومَلِك يضحك
الكسار:والله وجبتها

سكت مصدوم
مَلِك:شبيك ترة اشاقة

الكسار:بس اني ما اشاقة؟ اذا تزوجها الريس راح نأمن عليها وعلى اخوها

حچيت بصدمة
:ترة الريس اكبر من ابوها شلون تزوجها لخالي البنية صغيرة ستوة يلا عمرها 24 سنة

الكسار:محتااااااار ومحمد محتاااار

رجعت كعدت بصف فرح وهي مفاهمة شكو كعدت احچيلها عن سيدرا واخوها داني
طلعو مَلِك والكسار واحنة بقينة نسولف مرة نضحك مرة نبچي مرة نتذكر الماضي وحسن ويانة عود يسولف

نص الليل يلا رجعنة لبيتنة وهو يفكر بحل مؤقت للموضوع واني ساكتة عنة بأچر جمعة يعني هم ماكو دوام اني والأحد يلا اداوم طلعتلي فلم بالتلفزيون وهو ضل بالغرفة

مر وقت هواية وماعرف شوكت نمت بس حسيت بي اخذني للغرفة

ثاني يوم گعدت ملگيتة ماعرف وين راح واني تعودت على غياباتة سويتلي ريوگ وكعدت اكُل طبيعي وشفت معندي شي رجعت ارگُص وهو ما اجة

للعصر دخل علية يهرب عيونة مني
الكسار:السلام عليكم

رفعت حاجبي ورديت ببرود
:وعليكم

الكسار:يلا نروح لبيت خالچ يريدكم

:فرح هماتين حتجي؟

هز راسة واني صعدت لفوك مستغربة لبست بسرعة ورحنة لبيت خالي الريس من وصلنة چانت فرح جاية قبلنة ركض حسن لحضني هالطفل بسرعة حبني وحبيتة

چان خالنة مموجود بس باهر وباهر مبين معصب ومَلِك يحاول يهدي وكلامهم ممفهوم

مَلِك:ميصير غير الي تريدة باهر بس اهدئ

لزم رگبتة وكال بعصبية
باهر:رااااحح اختنگ والله راح اختنگ لترحمووونييييي ولتخلوون رحمة الله تنزل علية

الكسار:باهر اسكت

باهر:شسكت  مو تعبت والكعبة

سكتو وهو يهز برجلة شوي ودخل خالنة مبتسم فتحلنة ايدية وكال
فهد:هلا بعزيزاتي

ابتسمنة وكمنة تقرب علينة حضنة احنة الأثنين بقوة
فهد:شتاقيتلچن ترة

ابتعدنة عنة خجلانات فرح جاوبتة واني عيني راحت للباب على الشخص الي دخل عگدت حواجبي وفصلت عن الدنيا كلها تركت خالي وفرح وتمشيتلة صافنة بملامحة وهو يباوعلي بتركيز ويبتسم نطق بصوت عالي وعيونة علية

:السلام عليكم

دگ گلبي بقوة من سمعت صوتة معقولة!!!!!

نفس العيون نفس الصوت نفس الطول نفس الشكل تقربت علية اكثر وكلت بخفوت

:اعرفك اني ب بس لون بشرتك يختلف ولحيتك هم تختلف؟

نزل نفسة لمستواية وكال بأبتسامة
:منو اني؟

عطت وعيوني مركزة بملامحة
دموع:شيخي!!!!...

..يتبعع..

توقعاتكم؟

.
.
.
.
.
.
.
.
.
.

4000 چان لازم اكملة واكتب اكثر بس يتأخر لليل والليلة مصاب سيدنا الحسين عليه السلام محد يكدر يقرة بارت بليلة مصابة ومنو اله نفس يقرة

عظم الله لكم الأجر بمصاب سبط الرسول صلى الله عليه واله وسلم الأمام الحُسين عليه السلام 💔

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله