رواية الكسار (سلاسل الغوث) الفصل الثاني عشر 12 - بقلم لـ ميامي

- الرساله ؛ هَلي لچمو
گلبي بحچايات
حِتى بنومَتي يصّلن .

قراءة ممتعة
......................................................

دموع:اباوعلها مصدومة وعيونها تريد تطلع من مكانها هو طلعني من ورة ظهرة وحضن كتفي وكال بقمة البرود

الكسار:اي مرتي شنوو معاجبچ؟

جاوبتة تباوعلي بنظرات تخوف
:لا بس معبالنة تتزوج لا وطفلة

الكسار:عمرها 17 وانتِ معليچ طفلة چبيرة المهم اني مرتاح وبعدين ليش معبالچ اتزوج شنو ناقصني ايد رجل؟

سكتت ونظراتها علية والكل ساكت مصدوم جرني الكسار من ايدي وكال موجه كلامة الهم

الكسار:احنة صاعدين فوك ماريد جنس مخلوق يصعد اذا احد صعد ولو كان طفل يزحف اشمرة من فوك واعتبر الله ما خلقة

قبل ليردون سحبني وصعدني فوك وهذا ابو عيون الزرگ ويانة ساندة مادري شلون طخت ايدي بأيدة بسرعة سحبتها خايفة باوعتلة ممهتم ويمكن محاس من طخت ايدة

چان الطابق الفوك بي 3 غرف وصحيات ومطبخ
دخلنة لغرفة من الغرف چانت مفروشة ومرتبة كعدنة الكسار على الچرباية وكال ابو عيون زرگ

:اني رايح اذا تردون شي رقمي عندك بخدمتك اني

جوابة مبتسم ولازم كتفة
الكسار:مشكور باهر

حط ايدة على راسة وراد يطلع بدون ما احس نطقت بفضول
:اسمك باهر؟

التفت علية وهز راسة مبتسم
باهر:اي دموع اسمي باهر

طلع من الغرفة واني باوعت للكسار شفتة عاگد حواجبة
:طلع اسمة باهر

رفع حاجبة ولزم ايدي عصرها
الكسار:دموع انتبهي تنعجبين او تحبين مراح تصيرين لغيري

:شبيك انعجب بمنو هذا ايييييع

ترك ايدي وهز راسة متوعد كعدت بصفة دايخة
:اكلك نعسانة

تمدد وسحبني نومني بصفة
الكسار:نامي حبيبتي

غمضت عيوني وبسرعة نمت لأن البارحة منمت هو صار بي طبع من ينام لازم حاط راسة برگبتي ولحيتة تچكچك

كعدت بالليل شبعانة نوم باوعت للساعة چانت 1 ونص
تمغطت وصفنت بالسقف فجأه ايد انحطت على خصري وانجريت خخفت بشكل بس من سمعت صوتة هدئت

الكسار:صح النوم

چان صوتة هاااااادئ جاوبتة بنفس النبرة
:اكلك جوعانة

الكسار:كومي اكلي اكو اكل بالثلاجة هنا واكو بالمطبخ هم شنو يعجبچ اكلي

:وملابس؟

الكسار:محلولة

هزيت راسي وكمت من عندة طلعت من الغرفة اتلفت چان هدوء بشكل رحت للحمام غسلت وطلعت للمطبخ چان اكو ع الطباخة گدرين فتحت الاول شفت بي تمن برياني والثاني بي دولمة

بسرعة حميتة وصبيتلنة

من رجعت للغرفة چان صافن ويدخن
:كسار؟

باوعلي ونطق مبتسم
الكسار:عيونة

نزلت راسي خجلانة وحچيت
:شسمة صبيت الأكل بالمطبخ تعال ناكُل؟

هز راسة وكام وياية كعدنة بالمطبخ ناكُل واني استغليت هدوئة وصرت احچي

:كسوري احنة وين؟

باوعلي بحدة
الكسار:مو كُلنة بدون كلام؟

حچيت بزعل
:ليش متريد اعرف عنك شي؟

الكسار:لمصلحتچ

ابتسمت وكلت
:لا مو لمصلحتي بس وياك الحق ميحق لوحدة مو طاهرة واهلها مو طاهرين تعرف شي عن احد

بس گلت هيچ شمر الخاشوگة من ايدة
الكسار:شوكت تنسين؟

:ما انسى

سكت دقايق يباوعلي بحيرة اخر شي كال بهدوء
الكسار:احنة ببيتي

رفعت حاجبي وكلت
:واو معلومة جديدة لعد مو اعرف احنة ببيتك بس هذول منو

زفر نفس بضيق وكال
الكسار:عود اهلي

فتحت عيوني متفاجئة وحچيت بعدم ادراك
:اهلك؟ يعني حنينك زوجتك هنااااا

گلب عيونة بقلة صبر وكال بحدة
الكسار:محد هنااااا دموع كملي اكلچ

:لالا ماريد شوف عرفني عليهم اني معبالي عندك اهل ومصدومة شلون عندك اهل وزوجة وانتَ كُلة يمي

سكت سوة نفسة ياكل بس اني مسكتت
:منو حنينك منو امك عرفني عليهم

مجاوبني واني احچي بفضول
:اعتقد حنينك هاي الي كالت معبالنة تتزوج بس لا هاي چبيرة مو الك يمكن هاي الي لازمة الطفل الحلوة مو

هم ساكت ميجاوب طفرت وكفت على راسة وكلت بتلاعب
:انطيك بوسة وتكول ها؟

بسرعة باوعلي مبتسم وحرك حواجبة
الكسار:اوافق ببوستين

:شكددددد طماااع متكُلييي

سحبني كعدني على رجلة يباوع بعيوني
الكسار:هسة شنو متفقين على ال 3 بوسات؟

فتحت عيوني ودفعتة
:شنوووو ثلاثة ترة كلت اثنين

الكسار:شنوووو اثنين ما اقبل اتفقنة على اربعة ترة

بقيت صافنة كل شوي يزيد وحدة خليت ايدي على خدي وگلت
:موافقة 4 بس ماكو غيرهم

ابتسم بخبث وسحبني خلاني اكعد بحضنة ورجلية على خصرة وبسرعة التهم شفايفي عصرت ايدي بقوة ماحب هذا الشعور

ابتعد بعد وقت طويل عيونة ذبلانة نزل لرگبتي باسها بوسة رطبة بسرعة دفعتة

:احس بتأنيب الضمير زوجتك شنو ذنبها وانتَ تخونها وياية

رفع راسة يباوعلي حط ابهامة على شفتي وگال بهدوء
الكسار:بس اني ممتزوج غيرچ

كلت بعدم تصديق
:كذاب لعد وحنينك

ابتسم وايدة تمشي على ظهري
الكسار:حنيني نفسها الحنينة

صفنت بوجهة وهو يضحك
:شنوو يعني حنينك نفسها الحنينة امك

هز راسة وگال
الكسار:نفسها

ماعرف ليش ارتاح گلبي بسرعة ابتسمت
:چنت حاسة بتأنيب الضمير عبالي زوجتك چنت داختنگ ليش مگتلي من البداية

تجاهل سؤالي وكال بخبث
الكسار:بعد اريد بوسة يلا

ردت اغش واطفر بسرعة رجع كعدني واخذ شفايفي بين شفايفة

طول وهو يبوسني اخر شي متحمل دفعتة عني وطفرت احك بشعري باوعلي مبتسم

:اريد اسبح

ضحك وكال
الكسار:بعد اطلبچ بوستين بغير وقت اخذهم خلي نسبح وننام نعسان

تخوصرت وحچيت بأستنكار
:نعم نعم؟ شنو نسبح

الكسار:بس سبحيني ماكدر شوفي وضع ايدي

:كُلشي مبيك قبل شوي؟

نزل راسة زعلان
الكسار:ماشي عادي عبالي انتِ حتساعديني كلت اكيد ميهون عليها متساعدني وهي تعرف وضعي بس يلا عادي اسبح واذا وكع مي على جرحي والتهب اروح للمستشفى ماكو غير حل

چان يحچي بتمسكن ويتنهد بسرعة انكسر خاطري مسحت على راسة وكلت

:ماشي ماشي بس شنو اسبحك وتطلع حتى اسبح

هز راسة وكام يتصنع التعب لزم ايدي واخذني للغرفة راح للكنتور طلعلة شورت ومنشف وطلع برمودة وتيشيرت ومنشف خلاهم بأيدي

الكسار:دبري نفسچ بملابسي باچر يجيبون ملابسچ

:بس شلون اخاف كبار

الكسار:شسوي بس هذا الموجود تحملي بس اليوم

بسرعة رضيت اخذني من ايدي ورحنة للحمام هو كعد واني ساعدتة غلفت جرحة حتى ليوصلة المي

چان صدك ميكدر يسبح وحدة جبت الشامبو غسلت شعرة وفركت جسمة وهو بس يباوعلي وترني

كملت ودرت وكلتلة
:حدور وجهي واغمض عيوني حاول تلبس الشورت

مكال لا درت وجهي وصار يلبس واسمع صوتة متوجع دقايق وكال

الكسار:كملت بس انطيني المنشف من يمچ

اخذت المنشف واني صرت انشف بجسمة وهو مبتسم باسني على راسي وكال

الكسار:شكد حنونة وخدومة

نزلت راسي خجلانة ورجعت باوعتلة
:من اني مريضة هم چنت تسبحني

رجع باس راسي ووكف واني اباوعلة بحيرة
:وهسة اني اريد اسبح

ضل واكف بمكانة
الكسار:اي يلا اسبحي

:اي اطلع حتى اسبح

باوعلي بتمسكن وكال يتصنع الخوف
الكسار:لا حبابة اخاف وحدي برة خليني هنا

رفعت حاجبي ورحت فتحتلة الباب
:اطلع بابا اطلع

عگد حواجبة وگرصني بأيدي
الكسار:بابا بعينچ

طلع يهز بأيدة قفلت الباب ورة ميتأمن
سبحت يلا ارتاحيت چان عبالك حمل على گلبي

كملت ولبست ملابسة بس غطست بيهم
البرمودة صارتلي بنطرون والتيشيرت دشداشة متت ضحك على نفسي لفيت شعري بالمنشف وطلعت اضحك

اختفت ضحكتي من شفت نفس المرة الي شفتها او ما اجينة باوعتلي من فوك لجوة وكالت معاجبها

:ششاف منچ غويث وخذاج؟

حچيت بخوف
:منوو انتِ؟ مو كال الكسار لحد يصعد هنا

تقدمت علية وكالت
:اني سلوى زوجة اب الغوث وهذا بيتي اتنقل بي بكيفي

:هذا بيت غوث مو بيتچ

ضحكت بستهزاء وكالت
سلوى:لتوثقين بالغوث هواية يجي يوم ويذبچ مثل الچلب

كالت هيچ وتركتني بصدمتي ونزلت اني حتى مسويتلها شي ليش هيچ كرهتني

هزيت ايدي استهزء بنفسي
:هو اذا اهلچ محبوچ تريدين الناس تحبچ

خليت ودخلت للغرفة ضايجة ماريد المشاكل ولا اريد اعيش بخوف تعبت من الخوف والرعب

رفعت راسي من سمعت صوت الكسار يكول
الكسار:شبيچ؟

شفتة متمدد على الچرباية بلعت ريگ ورحتلة
:كسار شوكت نطلع من هذا البيت؟

بس كلت هيچ طفر معصب
الكسار:ليش اكو احد حچة وياچ وزعجچ؟

خفت من ردة فعلة بسرعة انكرت
:لالا محد اصلاً هسة كلها نايمة

رفع حاجبة وسحبني من ايدي
الكسار:كلها تنام بس سحير الليل يضل كاعد احچي شكالتلچ سلوى

حچيتلةً كُلشي وهو ضل ساكت ويهز برجلة من كملت حاوط وجهي وكال بهدوء

الكسار:اروح اكسرلچ راسها واجي؟

:لا حباب ماريد مشاكل

هز راسة بعدم رضى واخذني كعدني على الچرباية
الكسار:هذا بيتي كلة حتى ابوي ماعندة نسبة بهالبيت اني اشتريتة من عندة صار سنين وهاي بعدها تقنع بنفسها بيتها

:ليش كرهتني هيچ مسويتلها شي

ضحك بستهزاء
الكسار:كرهتچ على كرهي عادي طبها مرض

باوعتلة ببراءة وترجي
:شوف خلي اسألك وجاوبني اريد اعرف عنك

گلب عيونة بقلة صبر وراح تمدد بمكانة
الكسار:تعالي يمي واسألي اروي فضولج

فرحت بسرعة ركضت نمت بصفة وبديت بأسألتي
:ابوك عايش مو؟

هز راسة بأيجاب
:والحنينة مشفتها؟

كال بتنهيدة
الكسار:مو هنا

وسسكت مردت اضغط علية كلت يجي يوم ويحچيلي عنها وعن حسن

سألتة عن كل الافراد الموجودين هنا وهو يجاوبني بدون ملل

:احچي عنهم اني منتبهت شكم واحد موجود هنا

طفى الجگارة واردف بهدوء
الكسار:الموجودين ابوي ومرتة وجهالهم احمد وغسان وعدنان ورود وسهى عود اخواني مع انُ بعدهم صغار بس مادري ما احسهم اخوان الية ماعندي مشاعر تجاهم المهم وبعد عمي وزوجتة وبناتهم سارة وريم وهاي حالها حال سلوى اذا سلوى حية صفرة فهاي حية منقطة واكو هم بنت عمي الميت وطفلها الي فتحلنة الباب زوجها ميت وعايشة هنا هاي فقيرة شوي ولو ماكو فقير بس شوي هادئة واكو اخوها زياد هذا ما نلمحة بالبيت غير بس الجمعة والسبت يطلع من الصبح ومايرجع لنص الليل ينام

ساكتة بس استمع من كمل كلامة حچيت
:حييييييل هاي شكد انتو شلون متحملين بعض

الكسار:بالدفرات متشوفيني هجيت ببيت وحدي انوب من هجيت طلعتيلي انتِ بس تحچين

أشرت على نفسي بصدمة
:اني بس احچييييي؟ شوكت حچييييت ولكككك مو كُل الوقت ساكتة وحتى ما انطق بحرف اذا انتَ متحچييي اني ماحچي ليش تكذب بعد

الكسار:اييييي خوش خوش متحچين بس سكتي

مديتلة لساني وغمضت عيوني اريد انام هدوء والغرفة دافية تشجع على النوم بس بسرعة تذكرت سؤال طفرت وهو كمز

:ايييي نسيت شوكت نرجع لبيتنة؟

لزم گلبة يباوعلي
الكسار:شبيچ وثول گمزتيني

:جاوب هسةة جاوبببب

الكسار:مادري الله كريم نامي هسة

خزرتة ورجعت خليت راسي على المخدة ادردم
:هسة دنطيني جواب مقنع شبيك

صار هدوء نمت بتعب چنت تعبانة صار ايام مداكدر ارتاح

مر اليوم الثاني عادي لا احنة نزلنة ولا احد صعد اكو اكل بالثلاجة اكلنة
بالليل كاعدين بالغرفة هو يدخن واني ضايجة ملل مو طبيعي
اتصل تلفونة رفعة يجاوب

الكسار:هلا باهر اي فوك احنة
تمام تعالو جيبوهم فوك الله وياك

سدة وكال
الكسار:كومي لبسي حجاب وعباية راح يصعدون الملابس ووياهم الريس

ركضت لبست عبايتي وحجابي ووكفت على صفحة دقايق واندگ الباب فتحتة وصار كدامي الريس ابتسمت وكلت

:هلاو عمو الريس

ضحك وحط ايدة على راسي
الريس:هلا شلونچ دموع

:الحمدلله

دخل ودخل ورة ابو عيون الزرگ گلبت عيوني ودخلت جوة

باهر:شجرة كدامچ حتى متسلمين؟

مجاوبتة كال الكسار بخزرة
الكسار:باهر عوفها

دخل جوة ماعرف شلون متحملين اللثام كلت للريس
:عمو الريس انزع اللثام حتختنگ

ضحك بصوت وهذا يهز ايدة
الريس:لا ما اختنگ عادي

سكتت واني وباهر واخد يخزر الثاني مادري ليش واحد ضاج من الثاني بأول لقاء النة وبدون سبب واضح

حطو جنط الملابس بالأرض وكعدو اني رحت للمطبخ چان اكو عصير وكيك جاهز ماعرف منو جايبة حطيت بصحونة واخذت الهم حطيتة كدامهم وكلت بضحكة

:حطلع اني اكلو براحتكم

قبل ليجاوبون طلعت وسديت الباب رحت كعدت بالمطبخ اكل كلشي كدامي اكل ومحاسة بشي فزيت من سمعت صوت تحمحم شفتة باهر واكف بباب المطبخ وعيونة علية

باهر:مو على اساس تردين تضعفين

تركت الأكل وكلت
:غيرت رأيي انتَ معليك

تقرب علية وكف فوك راسي
باهر:كومي الكسار يريدچ

بس كال هيچ طفرت اريد اروحلة ستوني وصلت لباب المطبخ وحچة

باهر:انتِ تحبي للكسار؟

التفتت اباوعلة بأستغراب رجع تقرب علية وكال
باهر:عيونة فاضحتة وين متروح دموع عيونة وراها ومن تزعل دموع يزعل مبين يحبچ بس انتِ تحبي؟

كلت بهدوء
:ليش تدخل؟

باهر:فضول

:احتفظ بفضولك مراح اجاوب لأن هالشي يخصنة اني والكسار محد اله الحق يتدخل

باهر:الكسار يستاهل تحبي

تركتة بالمطبخ گلبي يدُگ بقوة كلامة خوفني اذا يحبني معناها ماكو امل يطلگني ولا اكو امل ارجع لأخواني حيخليني عندة

دخلت للغرفة والخوف واضح بعيوني هو شافني وعگد حواجبة مد ايدة وكال

الكسار:عيونچ خايفة منو مخوفهم؟

نظراتي تنقلت بين الكسار والريس كام الريس وكال بقلق
الريس:احنة رايحين هسة بغير وقت نجي نطمن عليك عندك العافية

راد يكوم بس الريس ماقبل ودعنة وطلع بس طلع كال الكسار
الكسار:شبيچ دمعة؟

تقدمت كعدت بصفة ساكتة وهو يتوسل بية احچي شبية خفت اسألة ويطلع جوابة اي فضلت السكوت

الكسار:احچيلي حبيبتي شكو؟

كمت فتحت الجنط اخذتلي دشداشة قصيرة وطلعت تاركتة بصدمتة رحت للحمام لبستها ورجعت دايخة فر عقلي فر بكلامة

بس دخلت للغرفة شفتة واكف والجگارة بأيدة من شافني ذبها واجة علية قلق

الكسار:احچيلي شكووو؟

نزلت راسي رجع رفعة بأيدة
الكسار:باهر سوالچ شي؟ تحرش بيچ او ذبلچ كلام

باوعتلة بصدمة وهزيت راسي
:لالا ابد مسوة شي اكسر راسة والله

باس راسي بحنية واردف
الكسار:لعد شبيچ فهميني لتمردين گلبي

برطمت شفايفي وحچيت بصوت يرجف
:كسار انتَ صدُگ تحبني؟

صفن بعيوني يبلع ريگ
الكسار:ما فهمت

:باهر كال الكسار يحبچ صدُگ لو كذب

كور ايدة وفشر على باهر فشورة صدمتني سحبني كعدني على الجرباية وكعد جواية نام على رجلية

الكسار:وانتِ خايفة لأن يمكن احبچ؟

:اي

الكسار:الحب شي حلو ليش تخافين من عندة؟

مسحت دمعة هربت من عيوني وحچيت بغصة
:اذا صدُگ تحبني مراح تخليني ارجع لأخواني واني ما احسك غير أب

رفع راسة ولزم ايدي
الكسار:بس اني مو ابوچ صح غلطت بالبداية وكلتلچ اعتبريني ابوچ بس چان بوقتها لمصلحتچ مردت نفسي تدنى عليچ

:يعني استنتج من كلامك هذا انتَ تحبني؟

غمض عيونة وكال بقمة الهدوء
الكسار:لا ما احبچ

مفهمت ليش فصل الكلام عن بعض بس هم فرحت لأن عرفتة ميحبني واكو أمل ارجع لأخواني بسرعة حضنتة

:خلص سامحتك لعد

ضل ساكت بس ايدة تمشي على ظهري اخر شي كال
الكسار:يعني انتِ ناوية تطلگين مو

جاوبتة واني اباوعلة منتظرة ردة فعلة
:اي

ابتسم ابتسامة جانبية وكام من يمي راح لجهتة تمدد وحط ايدة على عيونة بسرعة كمت ورحت تمددت وخليت راسي على صدرة

:شبيك كسوري؟

وخر ايدة ع عيونة وكال بهدوء
الكسار:تعبان ليش تعوفيني تعبان؟

:بس اني يمك؟

الكسار:يمي بس جسد احسچ گوة عليچ باقية يمي

:لا كسار اني كُلش احبك احسك طيب صح مرات تأذيني بس ابقى احبك

ابتسم وباس خدي راد يحچي وسمعنة الباب انطرق ثلاث طرقات متتالية عگد حواجبة وكام فتحة

الكسار:روان شكو؟

دخلت روان بنت عمة خايفة باوعتلي وكالت
روان:اسفة ازعجتكم بس الموضوع ضروري

كمت على حيلي خايفة
:لا عادي شكو خوفتيني؟

باوعت للكسار وكالت
روان:زوجة ابوك سلوى مادري شدتسوي

الكسار:شنو تسوي يعني؟

باوعتلي بحيرة وخوف
روان:شفتها صاعدة نص ساعة يلا نزلت ماعرف شنو شفت بأيدها وهسة كاعدة بالحديقة ماعرف شتسوي اجيت اكلك اعرفها مو راحة

هز راسة بتوعد وكال
الكسار:مشكورة روان روحي انزلي وحسابها عندي

راحت وهو سد الباب
الكسار:تعالي ساعديني البس ملابسي

:وين رايح؟

راح للكنتور اخذ سلاحة وكال بضحكة جانبية
الكسار:اطشرهم....

..يتبعع..

توقعاتكم؟

.
.
.
.
.
.
.
.
.

4000كلمة

نزلتة بدون مراجعة اي خطأ غلسو
جان المفروض ينزل 10 صبط بس جانت البطلة تقرة البارت

ضيفو حساب الانستا

وقناة التلي ضروري تضيفوهم

اللهم صلِ على محمد والِ محمد

مها ال عبدالله