رواية الكسار (سلاسل الغوث) الفصل السادس 6 - بقلم لـ ميامي

رجعت مدنگ
بكل درب بي ماشين
بلكت حلم ضاع هنا
مثل ثلاجة الموته
ادوره وما اريد الگاه

قراءة ممتعة 🤍
..................................................................

دموع:حضنة الكسار فاتح عيونة على وسعهم وظهرة مليان دم وچان بس ساكت واني بس صافنة شكل الدم يخوف شلون ينزل

حسيت نفسي دخت وعيوني انگلبت وبسرعة صرت انتفض اسمع صوت الكسار يعيط واحس بشي نحط بحلگي

محسيت بغير الضلام يستحلني

فتحت عيوني جسمي مكسر وچنت عطشانة عطش فضيع چنت بالغرفة وماكو احد موجود يمي كمت اطوطح وامشي بخطوات ثگيلة

فتحت باب الغرفة واخترق مسامعي صوت اغنية وبچي

:ربيتك صغيرون حسن ليش انكرتني
يا حسن ليش انكرتني
وعيونك الوسعة حسن سهام صابتني

مديت راسي للصالة شفت الكسار حاط ايدة على وجهة وجسمة يهتز بقيت صافنة شبي؟

تقدمت وحطيت ايدي على راسة بسرعة فز يمسح بدموعة

:بابا شبيك تبچي؟

جاوبني وهو ميباوعلي
الكسار:مابية شي ماچنت ابچي

:بس اني سمعتك تبچي كسوري

باوعلي عيونة حمرة ابتسم وسحبني كعدني بصفة
الكسار:ما ابچي بابا حساسية المهم شلون صرتي؟

:زينة بس راسي يأذيني

باس راسي مبتسم
الكسار:سلامة راسچ باباتي لأن وكعتي على راسچ تأذيتي

نزلت راسي عيوني مدمعة
:هم رجع الصرع ها

باوعتلة هز راسة بأسف صفنت بعيونة واني استرجع ذاكرتي طفرت لازمة گلبي

:بابااااا مَلِك ماااااات؟؟؟

غمض عيونة بقوة وكور ايدة خليت ايدي على شفايفي مصدومة

:ي يعني بعد مراح اعرف شي عن ملاك اختي

لزم ايدي بقوة يباوعلي
الكسار:كلشي راح يكون بخير ثقي بية

دفعت ايدة عن ايدي
:مراح اشوف ملاك بعدددد ومراح اعرف شييييي عنهاااا وانتَ تكول كلشي حيكونننن بخيييييررر لا ليرحمة وان شاء الله ينشوي بنار جهنم واحد مجرم نهايتة العذاااااببب وبسسسس

رفع ايدة وضربني راشدي وكعني بالأرض لزمت خدي ابچي وهو كام يعيط على راسي بكل غضب

الكسار:لتكوووولييييينننن هييييچ لتدعيييين غبييية محد راح ينشوي بنار جهنم غير امچ وابوچ واخوچ العارات فهمتتتييييي

غطيت وجهي ابچي وحچيت من بين دموعي
:تروح سبعين فدوة لوهيب وهذا النذل مَلِك يروح مليون فدوة لوهيب الله ليرحمة الى جهنم وبئس المصير ان شاء الله يحت...

مكملت كلامي لزمني من شعري بقوة
الكسار:ولچ سكتييييي سكتييييي

رجع ضربني راشدي بخدي الثاني وترك شعري صار يمشي كدامي يروح ويجي ويفرك بصدرة

الكسار:سكتي مَلِك حرامات يموت هيچ موتة غدر

خليت راسي بحضني ابچي وهو بس يفتر على راسي اخر شي تعب كعد كدامي ينافخ واني سكتت هم خفت يعصب علية بس چان گلبي نار على ملاك چنت اكول يمها مَلِك ينتبه عليها هسة منو يمها اذا عايشة؟

دقايق وكام دخل للغرفة وطلع بيدة جنطة سودة صغيرة كعد يمي وطشرهم چانت مليانة صور

ترك كل الصور واخذ صورة بيها 3 اطفال بعمر الـ6 سنوات خلاها بوجهي وكال بنبرة مهزوزة

الكسار:منو الية بعد حسن ومَلِك

نزلت دمعتي وباوعتلة
:واني منو الية بعد وهيب وملاك؟

سكت يلم بالصور لفتت انتباهي صورة مرة يجي عمرها بالاربعين بحضنها نفس الاطفال الي بالصورة اخذتها اباوعلها بتمعن

:هاي منو؟

مجاوبني بس منزل راسة تقربت خليتها بوجهة
:هاي منو بابا؟

كال بغصة
الكسار:الحنينة هاي

:امك؟

مجاوبني رجعت اباوعلها چانت كلش حلوة عيونها مسحوبات وعندها خدود وعندها رصعة بحنچها

بعدني اباوعلها وانسحبت الصورة مني شفتة ضمها بسرعة وگام يمشي سريع طفرت امشي ورة واحچي

:هاي امك بابا؟ وحسن ومَلِك اخوانك؟

مچان يجاوبني دخل للغرفة وحط الجنطة جوة صندوق اسود وقفلة وصعدة فوك الكنتور واني مستمرة احچي

:بس جاوبني هاي امك لو منوووو

راد يطلع عصبت عطت بأعلى صوتي
:هذووووولللل منووووو انتَ منوووووو

التفت علية يباوعلي بغضب ركض لزمني من زندي بقوة
الكسار:تندمين اذا عرفتي اني منو

جاوبتة بتحدي
:ما اندم انتَ منو كسار

ترك ايدي وصعدها لرگبتي يضغط على الشرايين همس والشرار يتطاير من عيونة

الكسار:اني الغوث دمعتي

فتحت عيوني بقوة ممصدگة الي سمعتة
:ي يعني اسمة غوث؟

الكسار:اسمي غوث لقبي من الطفولة الكسار

صفنت مصدومة
:ش شلون ا اني ما اعرفة ص صار سنتين عايشة وياكككك

ترك رگبتي ولزم شفتي عصرها
الكسار:سكتي كافي اكو اشياء اكبر منچ ماريد تعرفيها

دفعت ايدة وهو صارت عينة على شفايفي
الكسار:روحي اكلي

هزيت راسي بالرفض
:الي يشوفكم ميشتهي ياكُل كسار وخر

دفعتة ومشيت للحديقة ابچي رسمتهم وصرت اشكيلهم بكسراتي الي قاهرني مگالولي عن اختي معرفت بيها عايشة لو ميتة معرفت شنو حالها تاكل تشرب تتعذب لو عايشة طبيعي التفكير اكل گلبي اكل وماعرف شسوي

كمت بعد وقت طويل من البچي دخلت للبيت شفتة مجهزلي اكل بالمطبخ غطيتة ورحت للغرفة اريد انام شفتة كاعد على الچرباية ويدخن بس دخلت رفع راسة يباوعلي

الكسار:اكلتي؟

مجاوبتة رحت تمددت على حافة الچرباية وغمضت عيوني اريد انام بس بسرعة سحبني من زندي معصب

الكسار:احچي وياااااچ اكلتيييي لووولااا؟

هزيت راسي بـ اي بدون ما اباوعلة لزمني من فكي وقرب وجهة لوجهي

الكسار:باوعيلي باوعي لعيوني

باوعت بعيونة بصعوبة لازمة دمعتي رخت ملامحة وتقرب باسني بخدي

الكسار:ليش زعلانة مني اعرف ضربتچ بس هم تستاهلين ليش تدعين؟

دفعت ايدة وبچيت
:مزعلانة لأن ضربتني اني متعودة انضرب واسكُت اني زعلانة على اختي الي اخذتوها مني الي ما اعرف حالها شلونة

تقرب باس راسي بوسة عميقة وگال
الكسار:كلشي راح يتصلح وگلبچ راح يهدئ بس صبري الصبر مفتاح الفرج

:لشوكت اصبر كسار لشوكت صار سنتين اتوسل بيكم تطمنوني عليها وانتو تغلسون عني والله احس گلبي حيوگف والله

الكسار:اسم الله على گلبچ بس صبري والله كلشي يتوضحلچ وراح تفرحين بالنهاية

نزلت راسي ساكتة رفعة بأيدة
الكسار:ها وهسة شگلتي؟

:واذا طول هالشي؟

الكسار:انطيچ وقت؟

بسرعة هزيت راسي متلهفة رجع اردف
الكسار:من تدخلين جامعة بالاشهر الاولى يتوضحلچ كلشي اذا چنت عايش واذا ميت اكو اشخاص هواية يوضحولچ بس اصبري علية وخلي ببالج الكسار مستحيل يكسرچ ويخذلچ

:هواية كسار والله

سحبني لحضنة
الكسار:مو هواية دمعة راح يصير عمرچ 15 سنة وراح تدخلين رابع

هزيت راسي معندي حل رجع اردف بهدوء
الكسار:وهم ممنوع تروحين للحديقة وتحچي ويا العدم فهمتي؟ راح اجيبلچ كتب رابع وادرسي

:بس بعدني ماعرف اذا نجحت او لا

الكسار:واثق بنجاحچ اني اعرفچ ناجحة

ابتسمت وهو كام وجرني للمطبخ
الكسار:اعرفچ كذابة ما اكلتي شي تعالي اكلي

كعد وراد يكعدني بحضنة بسرعة تركت ايدة وكعدت كدامة

:اني كبرت بعد ممنوع تسبحني وممنوع تكعدني بحضنك هيچ

الكسار:اني عادي ترة اسوي هيچ؟

:اعرف انتَ بابا وعادي بس اني ماريد مدارتاح هيج خليني اعتمد على نفسي

الكسار:براحتچ حبيبتي

كعدنة ناكُل ومتحمسة بحيث اريد اخلص دراستي هسة كلها وادخل جامعة وهو ياكُل ومبين مهموم

كملت اكلي وبقيت اباوعلة شارد حتى مياكُل دقايق وتحرك مبتسم بكسرة

الكسار:الله يرحمكم

عرفتة يقصد مَلِك وحسن كام عن الميز وراح للغرفة واني كمت لملمت البيت ورحت ركض ورة

مرت ايامي بهدوء الكسار طول الوقت ضايج ويتأخر برة البيت جابلي كتب ادرس بيهم وممنوع اطلع للحديقة مرات من اشتاقلهم ارسمهم بدفتر واحچي وياهم ومن اكمل احرگ الورقة اخاف يشوفها

طلعت نتائج الوزاري والحمدلله طلعت ناجحة صح معدلي مو قوي بساهم شي نجحت وبيومها الكسار طار من الفرح جابلي تراچي ذهب كُلش فرحت بيهم وطلعني ونسني بس هالمرة اكو اشخاص ورانة عرفت هو حاطهم

من رجعنة للبيت دخلت للغرفة فرحانة وهو طلع من البيت كال شوي واجي تمددت مبتسمة وحاسة بفرحة مو لأن ناجحة لا لأن دخلت رابع وباقي مرحلتين وأكشف كلشي

بنهاية 2009 چنت كاعدة ادرس ماضل شي للمدرسة اتذكر شهر 9 جنت مندمجة بالكتاب

فجأه اندفر الباب طفرت حاطة ايدي على گلبي دخل الكسار مبتسم ومخلي ايدية ورة ظهرة

حچيت بخوف
:شبييييك بابا كمزتنيييي

طلع من ورة ظهرة كيكة وعليها شمعة رقم 15 وكال بضحكة

الكسار:كُل عام وبناتي بخير

انرسمت ابتسامة عريضة على شفايفي وطفرت حضنتة بقوة
:اااووويي نسييييت عيد ميلادييييي

مشاني واني بحضنة حط الكيكة على الميز وحضني اقوة
الكسار:اذا انتِ تنسين اني ما انسى حبيبتي

ابتعدت عنة اطفر هو صارت عينة على جسمي عگد حواجبة ووكفني
الكسار:بابا لتطفرين بعد كبرتي ترى

:الكبر شعليه بالطفرات اوي بابا صاير معقد المهم تعالل اطفي شموعييي

ضربني على راسي يضحك ورحنة للكيكة هو يغنيلي واني اصفگ

الكسار:يلا طفي الشموع

:لا لا اوكف خلي اتمنى امنية مثل الاجانب

ضحك بصوت عالي واني غمضت عيوني وتمنيت اخواني يرجعولي فتحت عيوني ونفخت الشموع رجع حط الكيكة على الميز وسحبني حضني بقوة يبوس بخدودي

الكسار:كُل عام وانتِ بخير دموعي

رديتلة الحضنة
:وانتَ بخير كسوري

ضربني على راسي بخفة وابتعد
الكسار:تعالي ناكُل كيك وارجعي درسي

قطعت الكيكة وصرنة ناكُل واني اكُل ببطئ ماريد ارجع ادرس اريد اتونس اليوم هو انتبه علية جرني من ايدي يريد يرجعني لكتبي

الكسار:يلا يلا ماريد كلام زايد ادرسي

رديت احچي بدلع
:بابا بس اليوم حباااااااااب نسوي شي نتونس ها؟

صفن بوجهي ضحك بخفة ومسح على وجهة
الكسار:نيتي زفرة بابا حددي بشنو تتونسين

هزيت كتف اضحك
:بالرگُص

الكسار:راح ادفرچ كولي بشنو تتونسين

باوعتلة من فوك لجوة وسحبتة من ايدة
:تعال وياية للصالة

كعدتة بالصالة وركضت جبت طبلة جانت قديمة ومتروكة دوم اشوفها وهالمرة صار وقتها مسحتها عن التراب وركضت حطيتها بأيدة وهو صافن

الكسار:دموع شدتسوين؟

:اصبر مكسرات اصبر

رجعت للغرفة اخذت شال شديتة على خصري ورحت للصالة باوعلي مصدوم فتحت شعري كدامة وگلت

:دُگلي

جاوب بصدمة
الكسار:ها؟

:دُگ كسرات يلا

ضحك يهز براسة وصار يدُگ بالطبلة مثل المحترفين واني نسيت الدنيا كُلها وصرت ارگُص مثل معلمتني شاهيناز وهو يضحك علية

چان الرقص الي رقصتة مو لعمري ابد رقص رقاصة محترفة بس كلشي لازم نتوقع من بنت الرقاصة

شفتة ساكت وبس يدُگ باوعتلة لگيت عيونة علية يباوعلي بشرود ويبلل شفايفة

رأساً اجت ببالي اغنية سمعتها بتلفونة ضحكت ضحكة عالية وغنيت واني ارگُص

:شيل عيونك عني تركني اعرف غني
بعدو قلبي صغير محيرني ومحير
نظرة منك بتجنني نظرة منك بتجنني

بسرعة ترك الطبلة طفر سحبني من خصري واني انتفس سريع حط راسة على راسي وهمس

الكسار:شوكت كبرتي هيچ او بالأصل منين تعلمتي هالرقص

رديت بأبتسامة
:بنت شاهيناز اني كسوري لتستهين بقدرات وحدة عاشت ويا ام رقاصة وطول يومها مخلصتها بالرقص

الكسار:ابهرتيني الصراحة هم تركصين بغيابي

:بس من اضوج ارگُص بدون موسيقى

نزل عيونة لشفايفي ويبلع ريگ راد يتقرب اكثر بس فجأه ابتعد يفرك بوجهة ويحچي بينة وبين نفسة رجع باوعلي

الكسار:يلا دموع روحي ادرسي كافي

:خليني شوي مشتاقة للرقص

خزرني عفست وجهي وفتحت الشال عن خصري ردت اروح وسمعتة يكول اسمي الفتت اباوعلة اشرلي اجي رحت وكفت بصفة وكال

الكسار:شوفي انتِ كبرتي وجسمچ ديكبر هم وهواية متغيرة دمعة ف انتبهي ليطلع جسمچ بوجودي ماشي لأن عيب وميصير احد يشوف جسمچ

هزيت راسي وبستة بخدة
:ماشي يلا حروح ادرس

تركتة ورجعت للغرفة ادرس درست هواااااية وبدون ما احس نمت من التعب مال الرگُص والدراسة

كعدت ثاني يوم شفت نفسي بحضن الكسار فلتت نفسي بصعوبة ورحت للحمام غسلت وجهي ورجعت للمطبخ اجهز الريوگ واغني اغنية نانسي

حطيت الچاي على النار والتفتت شفتة واكف بالباب مبتسم ركضت حضنتة

:صباح الخير

الكسار:صباح النور حزني اكلتي؟

:لا دانتظرك روح غسل وتعال تلگة كُلشي جاهز

هز راسة وباسني بين خدي واذني بوسة قوية وراح ماهتميت رجعت اكمل الريوگ ومن اجة كلشي كامل

كعد كدامي يسولف ويضحك نفسيتة مرتاحة وياكُل لگمة والثانية الية

:كسوري شوف شوكت عيد ميلادك؟ ليش متقبل تكول مواليدك

جاوب بأبتسامة
الكسار:من شفتچ ابتدت مواليدي دمعتي

ابتسمت بخجل ونزلت راسي نساني سؤالي كُلة

من كمل اكلة طلع من البيت واني رجعت لدراستي لأن تعودت على غياباتة هالفترة

طول الوقت بس ادرس شفت بالثلاجة كيكة من البارحة طلعتها وتغديت بيها ورجعت اكمل دراستي والكسار بعدة ما اجة

صار مغرب تمددت هلكانة وجوعانة تركت كتبي وبدل ماروح اكُل نمت بمكاني

فترة وحسيت بجسم حار صار على جسمي ابتسمت
:ها بابا رجعت

ماكو رد بس اكو ريحة محلوة فتحت عيوني شفت الكسار جبينة مجروح اختفت ابتسامتي ورفعت ايدي لجبينة

:هاي شبيك مجروح وتنزف

باس حنچي وهمس
الكسار:گليبي الينزف

ريحتة ابد محلوة التفتت شفت البطل الاسود بالارض رجعت باوعتلة
:شنو هذا كُل متشرب تصير ريحتك محلوة

تجاهل سؤالي بس يباوعلي بعيون ذايبة مديت ايدي اخذت البطل لعبانة نفسي قريت اسمة جان مكتوب ***** أي بمعنى كحول انصدمت معبالي يشرب لا وهيچ نوع قوي تركت البطل ودفعتة من صدرة بس يا جبل ميهزك ريح

:وخر كسار وخر عني

ابتسم بطريقة غريبة وحط راسة برگبتي
الكسار:ك كبرانة دمعتي صرتي بنية شا بة و وتخبلين

رجعت دفعتة ابچي
:وخر شبيك كسوري خنگتني

مسوة شي بس ايدة يمشيها على خصري واني ارجف اول مرة يسوي هيچ

لزمت ايدة الي يحركها
:بابا ترة داخاف منك

هدئ ابتعد وتمدد يمي على ظهرة يهذي بأشياء ممفهومة كعدت اباوعلة بحيرة

:ليش تشرب ها! الشرب حرام

خزرني وكام يمشي بخطوات ممتوازنة كمت ورة شفتة دخل للحمام وقفل الباب كعدت على الدرج ايدي على خدي

طول هواية بالحمام رحت دگيت الباب مجاوبني
:وينك كسوري طولت

رد بصوت تعبان
الكسار:اصبري ر راح اطلع

رجعت كعدت على الدرج انتظرة يطلع وكُل شوي اريد اغفى بس ماكدر بالي مشغول

رجعت دگيت الباب
:بابا غوث يلا اطلع خايفة عليك

مجاوبني دقايق وانسد المي وطلع عيونه تعبانه راح كدامي واني لزمت ايدة احجي بهدوء

:غوث حاجبك دينزف

نام على الچرباية وسحبني يريد ينومني بسرعة فلتت ايدة وركضت جبت قطن ومعقم من رجعت شفتة صافن بالسقف يدخن رحت خليت بالقطنة معقم وخليتها على حاجبة ولا حرك ساكن مجربتة الكحول شكد يأذي اذا انحط على الجرح

كملت تعقيم الجرح وخليت لاصق جروح وبستة بخدة باوعلي مبتسم ورفع ايدي باسها

الكسار:عاشت ايدچ حزني يلا تعالي نامي تعبان

نمت بصفة وحچيت بغضب
:ليش تشرب؟

باوعلي بخزرة
الكسار:اشياء اكبر منچ لتدخلين بيها

كعدت متكتفة بتحدي
:بس اني عايشة وياك اخاف منك اصير وارجف ليش متحس بية؟

رخت ملامحة يباوع بعيوني
الكسار:داحس بيچ احس بكُلشي وهم احس صوتچ يبوس گلبي من تحچين

برطمت ورفعت شعري عن وجهي
:كسوري داخاف اني ليش دتخوفني؟

سحبني نومني على صدرة يمسد على شعري
الكسار:ما اخوفچ بعد

ابتسمت ودفنت راسي بصدرة الصلب نمت على صوتة وهو يحجي وياية ويطمني

فزيت من حسيتة گام عني وطلع من الغرفة يمشي بحذر فضولي قاتل مكدرت ابقى نايمة گمت طلعت ورة

شفتة كاعد بالصالة والتلفون على خدة واسمعة يكول
الكسار:شلونكم؟
اي الحمدلله عود
لييييش؟؟

سكت شوي وزفر نفس بقلة صبر وگال
الكسار:تحضري جايلچ

..يتبعع..

توقعاتكم؟

.
.
.
.
.
.
.
.
.

4000كلمة حياتاتي انتو🤍

البارت القادم يوم الاثنين ان شاء الله حبايب گلبي🤍

ضيفو حساب الانستا

وقناتي تلي

اللهم صلِ على محمد والِ محمد

مها ال عبدالله