رواية الكسار (سلاسل الغوث) الفصل الحادي وأربعون 41 - بقلم لـ ميامي

أنا دموع

أحد ضحَاية الجَشع العائلي
تَعذبت! عانيت! تألمت!
عِشت لسَنوات وأنا أعاني من ألم ألفُقدان
ماذا بعد! كم أتألم بعد! ألم يكفي!

قصتي الجديدة بعنوان (غليان) اتمنى تعجبكم❤️‍🔥

قراءة ممتعة 🤍
...............................................................

دموع:اباوعلهم فاتحة عيوني على وسعهم والدموع نشفو بعيوني اجة واحد منهم رفعني كعدني حتى اتابع الي راح يصير كلة

گلبي وجر نار وأحس صدري صار يدر بالحليب

استوعبت الي ديصير صرت اعيط بدون فائدة لأن حلگي مسدود احاول افتح نفسي وهمَ كبالك ديتابعون فيلم كوميدي يضحكون علية واني انازع كدامهم

فرفحت روحي من شفت البنية شالتة من الگماط مالتة وقربتة علية تضحك
:شوفي لأخر مرة

هزيت راسي بلا ونظراتي تتوسلها بس ولا اهتمت

جابو طشت وسيار مي حطو السيار بالطشت واني اهز براسي وابچي اريد اكوم اكلهم بأسناني اريد احمي طفلي منهم اريد احضنة هسة خاف منهم اكيد

قبل لينملي مي شفتها اخذت أدم وحطتها بالطشت وهو صرخ بعلو صوتة يبچي يمكن المي چان بارد علية وتاذة

صرت ارفع نفسي واضربها بالأرض طفلللللل ياا الله طفللللل بعدة صغيييير شنووو شاف من الدنيا وديقتلوووو بدم باااارد شنووو سوالهممم

الحقيرة صارت تخلي بالمي نص دقيقة وترجع ترفعة يضحكون فوك الـ 7 مرات تسوي هيچ واني روحي تلوب ماكدر اسوي شي غير البچي

تركو جوة الطشت وهو يبچي وسمعتهم كالو شي وكف عقلي

:سلميلي على اخوچ ورجلچ عود

ضحكو بعلو اصواتهم وماعرف من أي جهة طلعو
چان شوي شوي المي يرتفع علية ماعرف وين راحو وتركوني اني وطفلي ننازع طفلي چان يحاول يعيش واني احاول اخلي ابني عايش

وكعت على الأرض وارتخى جسمي وفصلت عن الدنيا انتفض
ماعرف شنو صار ماعرف اذا أدم عايش او لا چان الموقف قوي علية هواية احس عيوني اختفى الضوة عنهم واطرافي بردت أخر شي سمعتة صوت بچي أدم واطلاق ناري قوي

چنت اتمنى اكوم وانقذ ابني اتمنيت واتمنيت بس ولا وحدة من الأتمنيت كدرت احققها

صِراعات مَوت مَحتُوم فراق
صَوت أُناس حَرب من أجل النجاة

في زاوية من أحدى الزوايا فرح تَدعوني للذهابِ معها
وفي زاوية اُخرى عائلتي الصغيرة تندهني

وهيب الكسار الحسنين أدم
أم فرح

ذهابي سِيكون موتهم وعودتي نجاتهم
ماذا أفعَل يا الله هل اُقاوم أم استسلم

فتحت عيوني ماشوف شي المكان عبارة عن ظلام وجع قوي بگلبي حسيتة يريد يتوقف چنت عطشانة بشكل

من تذكرت الي صار انهاريت صرت اعيط واضرب نفسي وحسيت بشي فلت من ايدي كمت من مكاني چان عبالي نايمة بمكان مو عالي بس طلعت رجلي انسطرت على وجهي

ما همني رجعت كمت اتلمس بالمكان واعيط المكان چان دافي بس اني ارجف بشكل مو طبيعي
عثرت بشي وكعت بالأرض وبعد مكعدت اكوم خليت وجهي على الأرض ابچي

سمعت صوت باب انفتح وصار صوت ركض
ثواني وانرفعت من الارض وانحطيت بحضن شخص رفعت ايدية ابچي واتلمس بوجهة

:ك كسار مو كسار انتَ جاااااووووبنيييييي

انطبعت بوسة قوية على جبيني وسمعتة همس
الكسار:اني غوث دموع اششش يمچ والله

رفعت ايدي حسيتها صارت على لحيتة وكلت بخوفة
:أدم مات موووو ابني وينة گلبي احسة حيوكف ادم بي شييييي

شدد حضنتة علية يبچي هنا تخبلت صرت اضرب على وجهي بشكل جنوني وهو يحاول يلزمني

:مااااتتت ابنييييييييي ماااااااااات

ذبني بالأرض وقيد حركتي ايدية ثبتهم وكال
الكسار:عايش أدم عايش والله

مصدگت صرت احرك راسي ودموعي الحارة تنزل
:كذااااااب تكذبببببب عليةةةةة حتى اسكتتتتتت

الكسار:والله عايش هسة يجيبو الچ هو وحسنين

سكتت انتفض حسيتة شالني بين ايديه مثل الطفلة وحطني بحضنة خايفة واني عبارة عن نارة مو بس گلبي نار لا جسمي كلة اريد اطفالي يجون واطمئن

اسمعة يقرة قران ويمسح على گلبي
دقايق وفز كلشي بية من سمعت الباب انفتح ماعرف منو دخل بس مادري ليش حسيت اطفالي هنا كمت ملهوفة واحاول اشوف بس بدون جدوى

انسحبت بقوة وسمعت صوت الكسار
الكسار:اكعدي خلي اجيبهم بحضنچ متكدرين توكفين

سحبني كعدني واني فاتحة ايدية شوي وحسيت بشي صار بحضني شهگت شهگة شگت صدري شگ الكسار اخذ ايدي لوجه أدم واني صرت امشي ايدي على وجهة وابچي خايفة

واجة حسنين كعد يمي وحضني يبچي مشتاقلي حضنتهم ورفعت راسي ابچي واشكر ربي ممتنة لفضلة علية

بچة أدم واول مرة احب اسمع صوتة وهو يبچي خليت بصوت يرجف
:اريد ارضعة اكيد مشتاقلي س ساعدني

تنهد وباس راسي
الكسار:ميصير صار ايام وانتِ عايشة على المغذي والاجهزة لازم تتغذين يلا ترضعي المهم اطمنتي عليهم

سكتت ابچي وهو يمسح بدموعي
نامو الاطفال حطهم على القنفة واخذني يمشيني بحذر نومني على الچرباية لازم ايدي كلت بصوت تعبان

:بالمستشفى اني مو؟ شصار

الكسار:بالمستشفى بابا اي اطمئني الي أذوكم تأذو بساعتها

:شبية اني صرع مو زين ليش ما اشوف

حسيتة ديبچي لأن نبرة صوتة تغيرت
الكسار:بسبب الصرع گلبچ تعب لأن باليوم الواحد صارت تجيچ 4 نوبات سوية وحدة ورة الثانية

:يعني حموت؟

بس كلت هيچ حضني بقوة يرجف
الكسار:اسم الله الية الموت ان شاء الله

سكتت تعبانة وگلبي يأذيني بشكل تجي مثل النغزات
حضنت ايدة خايفة من حسيت احد دخل وهو طبطب عليها بهدوء

الكسار:الدكتورة لتخافين دموعي

هدئت شوي وهي كالت
الدكتورة:الحمدلله استقرت حالتچ الفجر وصحيتي هسة خوفتينة عليچ

سكتت مجاوبتها مداحس بالأمان صرت
فحصتني وفحصت عيوني وكالت

الدكتورة:اطرافها سليمة الحمدلله بس لازم عملية لعيونها وكلش ضرورية بس من تستقر حالة گلبها زوجتك گلبها تعبان تحتاج راحة حتى يرتاح گلبها

الكسار:زين نظرها يرجع؟

الدكتورة:يرجع لكن مراح تشوف بوضوح يفضل تسوي عملية لعيونها اذا سكتو عن حالتها هاي مع كل الأسف راح تنعمي

كالت هيچ واترخصت وطلعت اني ماهمني شي لا عيوني ولا گلبي المهم اطفالي والكسار بخير

:اريد ارجع للبيت

الكسار:دموعي باتي بس الليلة هنا؟ حتى نطمئن على صحتچ

هزيت راسي بالرفض
:لا اريد ا ارجع اريد أنوم اطفالي بحضني مشتاقيلي واني مشتاقتلهم

سكت يتنهد شوي وطلع يسجل خروج نص ساعة ورجع لبسني عباية وحجاب وكومني

:والأطفال!

الكسار:زياد وشهاب راح يجيبوهم ورانة لأن منكدر اني وياچ نسيطر عليهم بالسيارة

لزمت ايدة بقوة خايفة
:لالا يقتلوهم اي يقتلوهم اخذهم وياية ما اتركهم هنا وحدهم

الكسار:زين نروح وياهم بنفس السيارة ويانة الأطفال شنو كلتي

هزيت راسي موافقة اتصل على زياد حتى يجي وبقينة واكفين بمكانة دقايق ودخل زياد حتى من زياد خفت لزمت بملابس الكسار ونزلت راسي

زياد:الحمدلله على السلامة حجية!

بس هزيت راسي مجاوبت هو تفهم وضعي
زياد:راح اخذ الاطفال كدامكم للسيارة

الكسار:انتبه عليهم

اخذهم وطلع واني لزمني الكسار يمشيني رغم ما اشوف شي بس صرت امشي سريع
وصلنة للسيارة صعدوني بيها حسنين كعد بنصنة اني وابو چنت لازمة ايدة ابوس بيها وادم بحضن زياد لأن ماكدر اسيطر علية بس مچنت اسمع صوتة عبالي نايم

بعد فترة نزلنة للبيت اخذو اطفالي ونزلني الكسار وچان الكل موجود يسلم علية ويتحمدلي بالسلامة

اخذوني للصالة كعدت بين خوالي وحاضنيني بكل قوة بقيت جامدة بمكاني ماعرف شنو صارلي مشاعري وين راحت داحس بس بالخوف وعدم الأمان احس نفسي تجردت من المشاعر

كمت من بينهم ادور الكسار ثواني وحسيتة لزمني
الكسار:يمچ اني يمچ

رفعت ايدي اتلمس وجهة وهمست بخفوت
:ا اريد اسبح حتى اخذ اطفالي يمي اريدهم ينامون بحضني ح حاسة نفسي بعد مراح اشوفهم

الكسار:اششش راح ترجعين تشوفيهم وتكحلين عيونچ بيهم وهسة اخذچ تدللين

أمن الأطفال عندهم وصعدني فوك جاب ملابس من الغرفة ودخل وياية للحمام ولأول مرة ما ارفض هالشي

سبحني زين وبدون ميتململ مني ومن كمل نشف جسمي ولفة زين وطلعني لغرفتنة حاضني كعدني على الچرباية ولبسني ملابسي ومشط شعري من كمل باسني براسي وكال

الكسار:اروح اجيبلچ اكل حتى تاكلين وتنامين

:لالا ماريد ماريد اريد اطفالي جيبهم

طلع من الغرفة حضنت نفسي اتلفت اريد بس اشوف ماكو
رجع دخل الكسار واسمع صوت حسوني بسرعة فتحت ايدية فرحانة اجة حسنين نام بحضني بجهة اليسار وحسيت الكسار حط أدم على ايدي اليمين

ماعرف ليش محسيت بلهفة من انحط أدم على ايدي تركت حسنين وصرت اتلمس وجهة واشتم بي

من تأكدت رفعت راسي للكسار اعيط
:هذا مووووو ابنيييييييي وييييينننن ادممممم

بچو الطفل وحسنين والكسار اجة يريد يلزم ايدية بس فقدت مكدر يلزمني
الكسار:بسسسسس اهدييييي گلبچ ولجججج

:ابنيييي وينة ماااات دتضحكوووووون علييييةةةةة

لزم ايدية بقوة ثبتني على الچرباية وسد حلگي لأن چانت حالتي تخوف سمعت اصوات بالغرفة وهو عاط

الكسار:روااااان اخذي الأطفاااال ليتأذون

عضيت ايدة بقهر وابچي وهو ولا حرك ساكن گلبي ديحترك صار يبوس براسي ويحچي برجيف

الكسار:دموع بس اهدي بداعت وهيب وفرح اهدي لا تجيچ نوبة گلبچ تعبان

وخر ايدة عن حلگي واني عطت بقهر
:أدممممم همممممم راااااااحححح

رجع سد حلگي وهمس بأذني بهدوء
الكسار:ممات بالمستشفى عندة ضيق بالتنفس ويحتاج اوكسجين

هدئت اتنفس سريع رفع ايدة عن حلگي يمسح بدموعي
:احلف براس حسنين أدم عايش

الكسار:وراسچ وراس حسنين أدم عايش مچنت اريد اكلچ بحالتة لأن گلبچ ميتحمل كدرت اجيبة الچ شوية بالمستشفى تحت اشراف ممرضة

شهگت وگلبي يعصرني عصر
:شلونة هسة؟

الكسار:زين بس لازم يبقى بالمستشفى فترة عندة نقص بالاوكسجين وميكدر بتنفس زين فترة ويرجع احسن من قبل

:شكد صارلنة بالمستشفى؟

الكسار:5 ايام

:زين هذا ابن منو؟

الكسار:يصير ابن عمي

غمضت عيوني ابچي
:جيبلي حسنين

الكسار:اجيبة بس اريدچ تهدئين الطفل يخاف ترة

هزيت راسي وهو كام عني شوي ودخل حط حسنين بحضني حضنتة بكل قوتي وهو دفن راسة بصدري وايدة بصدري مثل ممتعود

الحسنين:ننه

بچيت من كال هيج طلعت ايدة من صدري وبستها
:لا ماكو ننه

حسيتة رفع ايدة لعيوني يتلمس رموشي
:كسار وهيب شلونة

الكسار:زين ديسأل عنچ بس مكلنة شنو صار وياج

سكتت احسن ليلوم نفسة لأن واضح العداوة ويا هو والكسار
حضنت حسنين بقوة اغنيلة اغنيتي لحد منمنة اني ويا گلبي ممرتاح وادم بعيد عني

بعد فترة كعدت تلمست المكان ماكو لا الكسار ولا حسنين
كمت امشي بحذر وصلت للباب فتحتة ومديت راسي

:كسار انتَ هنا

سمعت صوتة شوي ولزم ايدي
الكسار:يمچ

حاوط خصري وصار يدليني على الطريق دخلت للحمام وخليتة يبقى برة غسلت وجهي وبللت رگبتي وطلعت لزمني وصلتي للصالة وكعدني وماعرف وين راح اسمع صوت حسنين يمي يلعب

دقايق واجة كعد يوكلني من كملت كعدت بمكاني حاطة ايدي على خدي اجة كعد يمي وسحب راسي لصدرة

الكسار:باچر اخذچ لأدم اليوم ارتاحي

هزيت راسي وتعلگت بملابسة
:شنو صار اخر شي اتذكرة أدم سكت وصوت طلقات بالمكان

الكسار:اششش انسي

:اريد اعرف؟

سكت بحيرة واني رجعت الح لحد ما استسلم وصار يحچيلي
الكسار:رجعت للبيت والحراس بعدهم بالباب ومن دخلت تفاچئت بوجودهم يردون يشردون من السطح معبالي انتو بيكم شي لأن الحراس بعدهم بالباب ضميت حسنين بالحمام البرة واخذت سلاحي ومن دخلت شفتكم انتو بهالحالة انتِ تنتفضين وادم المي ينزل ويصعد علية عبالي انتو ميتين فقدت ركضت طلعت ادم من المي خليتة على بطنة وصرت اطلع المي من عندة وبحكم شغلي كلشي تعلمت كدرت اطلع المي وهو صار يبچي من سمعو صوتة يبچي رجعو للمطبخ وتفاجئو بوجودي اني رميت عليهم حتى انبه الحرس يدخلون ودخلو الحرس كدرنة نسيطر عليهم البنية ماتت واثنين انصابو واحد صاحي بالسجن هسة

:زين شلون دخلو ومنو هذول؟

الكسار:من السطح الأنذال صارلهم 3 اشهر يخططون مأجرين البيت الي بصف بيتنة وكدرو يفتحون الباب بكل سهولة ويدخلون

:وبعدين شنو صار؟

الكسار:اجة فريقي وياهم سيارتين اسعاف وحدة الچ ولأدم والثانية للأنذال انتِ چنتي متأذية هواية لأن حتى وانتِ فاقدة اجتچ نوبة صرع طول الطريق ايدي بحلگچ حتى لتعضين لسانچ ومن وصلنة اخذو أدم لمكان وانتِ لغير مكان احتاريت وين اروح صرت مثل المخبل دقيقة هنا ودقيقة هنا وحسنين اخذة شهاب رغم چان خايف ويبچي

غمضت عيوني وغطيت وجهي اتنهد
:شوكت نخلص

سكت محتار احسة يفكر بفد شي بس معرفت شنو
صار ثاني يوم وأخذني لأدم صح مكدرت اشوفة بس المهم اشتميت ريحتة وسمعت صوتة وهو يبچي

مر اسبوع ثاني على هاي الحالة اني بعدني نظري ميقبل يرجع وأدم تحسن اليوم يجيبو للبيت يا الله على فرحتي بهذا اليوم بحيث كعدت بالحديقة انتظرهم وخوالي يمي فوحانين على فرحتي

من صارت الساعة 5 ونص العصر سمعت صوت هورن طفرت على حيلي حسيت بشخص لزمني وصار يمشيني للباب ملهوفة علية

شوي وسمعت صوت الكسار
الكسار:اجة ادم مشتاق لأمة

اجة حطة بين ايدية واني ابچي مكدرت اتحمل دموعي تنزل حارة وابوس بي فصلت عن الدنيا اخذوني للصالة كعدت بالأرض خفت يوكع مني

رفعت راسي احمد ربي دوم ميخيب ظني ويستجاب لدعائي

رجعت صحتي وعافيتي برجعة أدم لحضني بخير
بقيت انتظر نظري يرجع وماكو گلبي استقرت حالتة حتى الوجع راح مني

بعد اسبوع خليت اطفالي عند سيدرا وخوالي واخذني الكسار للطبيب فحصني علمود يشوف اذا اكدر اسوي عملية لعيوني لولا وچان وضعي سليم الحمدلله وبعدها اخذني لطبيب عيون فحص عيوني وكال

الدكتور:لازم عملية عيونها تعبانة

الكسار:يصير اسفرها للخارج واسويلها العملية؟

الدكتور:لا ماكو داعي الي يصير هناك هم يصير هنا وانتو اختارو دكتور جيد والعملية تنجح

انطاني موعد للعملية بعد 4 ايام
رجعنة لبيت خالي جناح واحنة مهمومين وخايفين خايفة بعد ما اكدر اشوف اخذنة اطفالنة ورحنة للبيت

دخلنة للبيت چان ليل مالي خلگ شي ابد اريد انام اريد انسى كلشي تعبت هواية بحياتي من ولادتي لهذا اليوم مكدرت ارتاح شيصير لو حالي حال باقي البنات تدرس وعندها زوجها واطفالها ومرتاحة بحياتها

دخلت مرحلة ثالثة وحيصير شهر اني ممداومة شلون اداوم واني هذا وضعي

قبل العملية بيوم

جهزلي الكسار اغراضي كلهم وحيجون البنات وغيث يهتمون بالأطفال چنت خايفة بس مو على نفسي خايفة بعد مراح اكدر اشوفهم مرة ثانية

چان ديجهز باقي الاغراض واني منومة حسنين وادم بحضني نص ساعة وحسيتة شالهم من يمي وصار بمكانهم دافن وجهة بعظمة صدري خليت ايدي على رگبتة من ورة

:بعدك تحبني ممليت؟

حاوطت خصرة وشدد حضنتة علية
الكسار:اكو واحد يمل من روحة انتِ ريتي مو بس احبچ ميت عليچ

:تعبت هواية هالفترة وياية؟

الكسار:يهون التعب يهون أهم شي سلامتچ وسلامة اطفالنة

ابتعد عني وحسيتة سحبني صار كل جسمي فوكة وهو يمسح على ظهري
الكسار:تعرفين شگد احبچ؟

بست صدرة وهمست
:شگد؟

گلبني صار فوكاية وقرب شفايفة لأذني
الكسار:احبچ بگد هاي الدنيا تدرين من اصبح بوجهچ كل يوم احس گلبي يصير بي خفقان وجسمي يرجف وعيوني تبقى وراچ متشوف غيرچ

طول كلامة مبتسمة حطيت ايدي على رگبتة من ورة ودفعت راسة لناحيتي وهو اجتة فرصة ذهبية صار يبوس ويتغزل بية

ثاني يوم من الصبح اجو خوالي وسيدرا وباهر وهم اجو زياد وروان بقو ودعت اطفالي وودعتهم كلهم واخذوني خوالي والكسار للمستشفى

چان وقت صعب علية خايفة هواية بس چان أيماني بربي كلش چبير وصلنة للمستشفى وبدينة بإجراءات العملية

واخر شي البنج الموضعي بس عيوني تبنجت رغم چنت متبنجة بس چنت احس بشي يتحرك على عيوني

كعدت بعد فترة وهم ماكو غير الظلام لأن اكيد عيوني ملفوفة حچيت بصوت تعبان

:كسار انتَ هنا؟

نلزمت ايدي وحسيتة باسها
الكسار:يمچ هنا

:اطفالي وينهم شلونهم

الكسار:زينين والله قبل شوي اتصلت على زياد كال نايمين

سكتت مرتاحة هو چان صوتة تعبان
:روح للبيت نام؟

الكسار:لااا شلون اتركچ وحدچ اني زين ومن تطلعين سالمة اكون بخير اكثر

:بعد شكد ويفتحون عيوني؟

الكسار:بعد 24 ساعة بس بعد هالساعات لازم النظارات الطبية والشمسية تلبسيهم دائماً الشمس ميصير تجي على عيونچ

هزيت راسي وسكتت والحمدلله بعد 24 ساعة فتحو الشاش چنت اشوف بس عبالك المكان بي ضباب كلشي مغوش كالو اشهر ويرجعلچ نظرچ طبيعي

طلعنة من المستشفى لابسة نظارات شمسية من وصلنة للبيت چانو زياد وباهر بالباب بس نزلت غنة زياد

زياد:رجعوني عينيك لأيامي الي راحو
علموني اندم على الماضي وجراحو

بقيت اباوعلة رافعة حاجبي ضربو هو باهر ايد بأيد وكال
زياد:اهلاً ام كلثوم الحمدلله على سلامتچ

:ام كلثوم شنو

زياد:بهاي نظاراتچ ناقص بس تلزمين المايك وتغنين

ضحكت اهز بأيدي
:عابتلك

دخلت جوة تحمدولي السلامة
مر اليوم طبيعي ولليل يلا راحو چانت عيوني هم وهسة انزاح عن گلبي

الكسار نوم الأطفال وراح سبح ميت تعب نص ساعة ورجع بطرگ الشورت ينشف بشعرة عيونة من النعس صايرات فص احمر

رش عطر على جسمة واجة وكف متكتف يباوعلي
:شبيك؟ متريد تنام؟

الكسار:فتحيلي حضنچ حتى انام !

ابتسمت وفتحت ايدية بسرعة اجة دخل بحضني
الكسار:اهخخخ عشت هالفترة كلها برعب عليكم مشتاقلچ هواية

شددت حضنتي وصرت امشي ايدي على ظهرة
:واني هم هواية هواية مشتاقتلك

الكسار:ان شاء الله بس يرجع نظرچ 6/6 وتكونين بخير اخذكم انتِ والأطفال اسفركم لأي مكان تردي

:ماريد شي كسر اريدكم يمي اشوفكم اشتم عطركم اسمع صوتكم ماريد اكثر من هالشي

سكت يطبع بوسات على رگبتي لحد ما نام محاس بشي من التعب

ثاني يوم راح لدوامة ووظف أم جميل تطبخلنة واني اهتم بالأطفال وهم تنتبه علية چانت تجيب احفادها وياها كلش لطيفين ومابيهم أذية افتحلهم التلفزيون لو اخليهم يلعبون بالمرجوحة لو ويا حسنين حسيتهم ضافو جو حلو للبيت

من صار العصر اجة الكسار هي اخذت احفادها وراحت واني دخلت للحمام اسبح وخليتة ينتبه للأطفال

كملت سبح وطلعت ردت ادخل واستوقفني حديث الكسار
الكسار:لا ريس زينة دموع كلشي مابيها
ماكدر هسة اكللها بس خلي تمر فترة وترتاح نفسيتها
ان شاء الله لا توصي حريص

بقيت عاگدة حواجبة وبسرعة اجة ببالي وهيب دخلت وبدون اي مقدمات حچيت بخوفة

:شنو ضامين عني؟

كام يفرك برگبتة متوتر تقرب سحبني من ايدي وكعدني على القنفة
الكسار:متدخلين بس من اچفص اهدييي وخلي احچيلچ

:وهيبب بي شي؟

هز راسة بلا
الكسار:كلشي مابي وهيب وصحتة تمام بس الموضوع يخصنة اني وياچ

:شنو

زفر نفس وصار يضرب على ظهر ايدي بخفة
الكسار:لازم تعرفين هالشي قضاء وقدر والي كاتبة الله يصير

:شكو كسار د دتخوفني

غمض عيونة بأسف وكال بصوت مهزوز
الكسار:چنتي حامل وسقطتي الجنين

بقيت صافنة ممستوعبة سحبت ايدي من بين ايدية وحچيت
:دتشاقة وياية شنووووو حامل شنو سقطت؟

حاوط وجهي وصار يحچي وياية بحنية
الكسار:الله يعوضنة دمعة قبل ليدخلون هالأنذال للبيت انتِ چنتي حامل بس من اخذت للمستشفى عرفت انتِ اجهضتي بسبب ضربة قوية على بطنچ وبسبب الخوف والصدمة

سكتت صافنة بالفراغ تقرب باس راسي
الكسار:الله ينطي وياخذ لا اعتراض على حكمة كولي الحمدلله وان شاء الله نسوي غيرة العمر كلة كدامنة

نزلت دمعتي وهو مسحها هزيت راسي وكلت
:الحمدلله على كُل حال ان شاء الله يصير عدنة غيرة والله اكيد حيعوضنة اذا مو بطفل بشي أخر

ابتسم بخبث وكال يغمزلي
الكسار:نكوم نسوي

ضحكت بنص حزني وضربتة على ايدة
:لتنحرف واسكت

ضحك وباسني بخدي اعرفة كال هيچ حتى يضحكني وينسيني
صح زعلت لأن راح هالطفل وهواية زعلت بس هذا الي راده الله سبحانه وتعالى يصير ولا اعتراض على حكمة

اصريت اشوف تصوير الكاميرات من دخلو علية وشفت كلشي طلع حتى الكسار مضروب طلقة وشهاب واولاد عمة جايين حتى واحد منهم نازع سترتة ومغطي راسي بيها لأن چان شعري طالع

:ليش اجو وتهجمو علية شنو يردون

الكسار:يردون وهيب اخوچ لأن مشرد البنات الي عندهم يردون يقتلو

باوعتلة خايفة
:خاف يسوولة شي؟

الكسار:لا اطمئني ميكدرون المصحة عليها حراسة مشددة وغرفة وهيب واكف ببابها حارس وهم الكاميرات عندنة اني وخوالچ والشرطة والأمن مال المصحة ترة احنة هم تهمنة صحة وهيب

ارتاحيت بكلامة شوي
:زين هذول الي لزمتوهم شلون حيتعاقبون؟

الكسار:البنية وواحد من الي تصابو مات والأثنين بالسجن هسة والعصابة دنلزمهم واحد واحد

سكتت ورجعت اباوع للفيديو باوعتلة وسألتة
:منو هذا الي غطاني شايفتة بس ماتذكرة منو

ابتسم وطفة تلفونة
الكسار:هذا اشهب حيدري علم بيت جُنيد

:هاااا تذكرتة هذا الضخم ابن عم شهاب اخو اخوانك

هز راسة يمسح على شعري
الكسار:وهم خطية الي عرفتة من شهاب زوجتة اجهضت ابنها الله يعوضهم ويعوضنة

زعلت عليهم تنهدت وكلت
:امين يارب

مرت الأيام وسيدرا وخالو صار عندهم بنية سموها ياقوت بنية تجنن وتنحب واني تخرجت بس متوظفت

ومع الأسف تكرر علية الأجهاض مرتين ثانيات بسنتين بس وچنت احمد ربي وما اجزع

بعد هالسنتين چان موعد خروج وهيب من المصحة العقلية بعد ما كمل 3 سنوات بيها چان المفروض يبقى 4 سنوات بس صحتة العقلية تحسنت هواية وصار لازم يطلع وينسجن

رحت أول شفتة بالسجن وچان حسنين متعلق بي بشكل وهو هم يحبة
رجعنة للبيت وچنت بين المرتاحة وين لا هالمكان ميليق بوهيب بس الحمدلله على كل حال

واحنة نايمين بالليل كعدت على صوت تلفون الكسار رفعت راسي شفتة جاوب بس كال الو طفر

الكسار:شلوووون صاررر هييييچ وينةةة هسةةة
الله يلعنكمممممم جاي

سد التلفون وراح للكنتور طلعلة ملابس وصار يلبس بسرعة بسرعة
الكسار:نامي البيت أمان رايح اجيب سيدرا وبنتها واخوها واجيكم خالچ يريدها تبقى يمچ وراح ادز غيث وزياد يبقون يمكم

كمت خايفة
:شكو شصاير؟

حط السلاح بخصرة وباس راسي بقوة
الكسار:مشكلة بالشغل بابا لتشيلين هم يس جهزيلهم فراشات حتى ينامون يمچ

هزيت راسي وهو طلع يركض مچنت مطمئنة ابد حاسة اكو شي
نزلت رتبت الغرفة الجوة لزياد وغيث وعطرتها ورجعت صعدت فوك لغرفتنة فرشت فراشات بالأرض حتى الية فرشت عجبني انام يمهم

نص ساعة واجو كلهم اخذت البنات فوك وزياد وغيث بقو يم الحرس كالو بعدين يدخلون

نمت يمهم بس احس بثگل على صدري حختنگ حاسة اكو فد شي والي زاد شكي غياب الكسار عن البيت لمدة 3 ايام اتصل وميجاوب وخوالي هم ما اجو ابد بس يتصلون من اسألهم عن الكسار يكولون شغل

ردت اموت بهالأيام خلصتها بس أصلي وجع بگلبي عبالك احد اولادي متأذي انفاسي تنقطع احس الكل يعرف شكو بس ميقبلون يكولولي

باليوم الخامس بالليل كعدت على المرجوحة ابچي مختنگة
انفتح الباب ودخلت سيارة الكسار طفرت على حيلي امسح بدموعي نزل منها بطلتة الحلوة وتصنم بمكانة من شافتي هنا وابچي

ركضت حضنتة انحب وهو بادلني الحضن گلبة يدگ سريع
:وييييين رحتتت عنيييي هااا عبالي بيك شي

حاوط وجهي يمسح دموعي بأبهامة
الكسار:مبية شي هاي كدامچ اني شوفيني چان عندي شغل واجيت بس اسبح واروح

لزمتة من قميصة اتوسل
:احس دتكذبون علية شنو صاير؟ خوالي بيهم شي؟ وهيب بي شي؟ گلبي ممرتاح ومداكدر انام جاوبني

سحب راسي لصدرة يبوس بي
الكسار:نامي مرتاحة دموع ماكو شي صدگيني

:ممطمئنة

التفت يمين يسار ورفع راسي من فكي واخذ شفايفي بين شفايفة غمضت عيوني ابادلة

ابتعد بعد فترة وفتح دگمتين من قميصة
الكسار:مشتاقلچ تدرين؟

:لزمتة من ياخة قميصة
:تريد تنسيني هاااا

ضحك بخفة وحاوط اكتافي
الكسار:لا ماريد انسيچ حزني بس اريد اطمنچ لتفكرين بشي ماشي؟

هزيت راسي مشينة اني ويا للحمام بس وصلنة شردت لغرفتي اعرف سرسرتة طلعتلة ملابس ومنشف علگتهم بالباب وشردت بجلدي

چانت بس روان وزياد وغيث بايتين هنا البارحة اجة خالي اخذ سيدرا وبنتة وداني

رحت للمطبخ اجهز شي خفيف للكسار حتى ياكلة خليتة بالصالة وكعدت حاطة ايدي على خدي انتظرة

نص ساعة ودخل
الكسار:عاشت ايدچ ليش متعبة نفسچ

ابتسمت وهو اجة كعد ياكل ويحچي وياية بس ميباوع لوجهي گلبي صار يفور اكثر وزاد شكي

كمل اكلة وراح غسل يريد يروح بسرعة طفرت حاوطت خصرة
:لتروح!

الكسار:ماكدر عندي شغل هواية

فتحت ازرار قميصة وصرت ابوس بصدرة كـ محاولة اسحب لسانة ويحچيلي شصاير هو صاريبلعم

الكسار:دموع راح اتأخر

رفعت راسي اباوع بعيونة بدلع
:صار ايام تاركني شنو ممشتاقلي

حط ايدة على خصري وباس خدي
الكسار:الوادم هنا استري علينة

ردت احچي وسمعت تلفونة يرن ابتعد عني يمسح على لحيتة اخذ تلفونة يجاوب

الكسار:الو؟ اي ماشي اجيت انتبهو

بس كال هالكلمات وسدة
الكسار:لازم اروح عندي شغل ضروري راح اخذ زياد غيث يمكم يبقى

كال هيچ وطلع بدون حتى ليباوعلي وثواني وطلع زياد من الغرفة وهم طلع يركض ابد ما ارتاح گلبي حسيت اكو شي چبير

منمت مكدرت انام بقيت بالصالة وحاطة ايدي على خدي ردت اتصل علية بس گلت اكيد هسة عندة شغل

للفجر واني على هاي الحالة لحد مسمعت صوت سيارة طفرت على حيلي لبست حجابي ورحت للحمام غسلت وجهي وطلعت من طلعت سمعت اصواتهم بالصالة يتناقشون

الكسار:زياد اسكت

زياد:شنو اسكت تكللها احسن ترة

مديت راسي اباوعلهم بفضول شفت الكسار كاعد يضرب على راسة وزياد واكف متكتف

الكسار:شلون اكللها تتخبل والله

گلبي صار يوجعني وارجف حچة زياد كلمات موتتني بمكاني
زياد:غوث اخوها بين الحياة والموت على يا ساعة يموت

توقفت انفاسي وبقيت مذهولة من الي سمعتة دخلت عليهم بس شافني كام على حيلة تقدمت عليهم لازمة گلبي

:ش شبي وهيب!

محد منهم جاوبني ركضت للكسار لزمتة من ملابسة اعت بي
:شبييييييي وهيييييببب شبيييي اخوووويةةةة ججاااااوبنييي

لزم ايدية يحاول يهديني بس منطيتة مجال اريد اعرف شبي وهيب سحبني كعدني على القنفة واني اتنفس سريع وانتفض

الكسار:بس اهدئي مو زين عليچ احچيلچ كلشي والله

:ابوووس ايدك تحچيلي اخوية شبي والله حموووووت

نزل راسة وكال
الكسار:انسم وانطعن بالسجن

فتحت عيوني على وسعهم وفز گلشي بية
:وهيب!

حاوط وجهي يحچي وياية بهدوء
الكسار:عايش والله بس هسة هو بالمستشفى وديتلقى العلاج اللازم

:ب بس كلتو بين الحياة والموت!

الكسار:لأن كليتة تضررت ويحتاج متبرع

كمت واحس رجلية متشيلني
:اني اتبرع اني ويا نفس الدم اخذني اليوم اتبرعلة

سحب راسي باسة وهمس
الكسار:لكينة متبرع ومو واحد 3

:م منووو

الكسار:اني اولهم زياد ثانيهم وباهر الثالث سوينة تحاليل واني حتبرع

ابتعدت خطوتين ابچي
:اتي اتبرع لأخوية ما اتركة

سد حلگي
الكسار:اشششش لتنسين هذا خال اطفالي اني اتبرع

حضنتة ابچي وانحب وهو يمسد على راسي
الكسار:لتبچين ولتزعلين اخوچ حيرجع احسن من قبل

:منو سوة بي هيچ شيردون من عندة هااا

الكسار:كلتلچ مطلوب من العصابات ولتخافين انلزم الي سوة بي هيچ وعصابتة هم انلزمت كلها وبس يطلع وهيب راح نخلي بسجن حراستة مشددة واني بنفسي كل يوم اروح اطمئن علية

وخرني عن حضنة يمسح بدموعب
الكسار:كافي بچي وروحي نامي بعد يومين العملية واحتاجچ يمي ووهيب هم يحتاجچ كوني قوية حتى احنة نصير اقوياء ولنخاف مثل متعرفين اني اخاف وانتِ الوحيدة الي تسحبين الخوف مني مو؟

ضحكت بنص دموعي يحچي هيچ بس حتى يغير نفسيتي وينسيني

چان وقت صعب بالنسبة الية هواية صعب فوك ما اهلي ظلمو وهيب وصار عندة خلل بصحتة العقلية ودخل مصحة وانسجن وانحرم من شبابة الي بعمرة هسة متخرج ومتزوج وعندة اطفال وعايش حياة طبيعية ما اكول غير الله ليسامح الي كان السبب بدمار وهيب

مرت هاليومين واني ذبلانة واحاول اكون قوية بس ماكدر من يجي الليل وادخل لفراشي ابقى ابچي لحد الصبح وانام تعبت واكيد الصرع ميكدر يفارقني ابد

اجة يوم العملية محد يدخل على وهيب غير الدكاترة والممرضات ممنوع بعتبارهم هو مجرم

رحنة الصبح خايفة عليهم خايفة على اخوية وزوجي احاول الزم نفسي وما افقد لأن كل شوي ودخت

صار الوقت الي ياخذون الكسار حضنتة بكل قوتي
:ترجعلي مو؟

باس راسي
الكسار:ان شاء الله

شدد حضنتة علية لدقيقة كاملة وبعدها ابتعد وراح ودعتة بدموعي
بقينة ننتظر وننتظر وننتظر اني كاعدة اهز برجلي والبقية كلهم متوترين

رفعت راسي ادعيلهم يطلعون بالسلامة وتتكحل عيوني بشوفتهم
وجع بگلبي قوي وألم فضيع ببطني صرت حتى ما اكدر اتنفس

مكدرت اتحمل رفعت راسي لخالي لازمة بطني هو انتبه علية واجة خايف
فهد:ها دموع شبيچ ؟

:بطنيييي خالوو بطني عبالك ديطعنوني بسچاچين

بس كلت هيچ صاح للممرضة كوموني واني احس نفسي حموت اخذوني للطوارئ احس بشي حار ينزل مني فحصتني شوي ورفعت راسها متأسفة

الدكتورة:للأسف صار عندچ اجهاض

هدئ كلشي بية وصفنت هذا الأجهاض الرابع انطتني ابرة مخدر وصارت تنظفني

الدكتورة:عندچ اطفال انتِ؟

جاوبتها من بين دموعي
:عندي اثنين وهذا الأجهاض الرابع يصيرلي

الدكتورة:عندچ تكيس قوي لازم تعالجي وان شاء الله تصيرين زينة والله يعوضچ

هزيت راسي وهي كملت وطلعت
دخل خالي زعلان على وضعي دنگ باس راسي

فهد:الف الحمدلله على سلامتچ بنيتي الله يعوضكم

:خالووو هذا الرابع وهم
لا والعوض عند الله ملائكة ان شاء الله

نزلت راسي ابچي
فهد:يلا لازم اخذچ للبيت سبحي وارتاحي ساعتين وبعدها ارجعچ

:لا ما اتركهم وحدهم هنا وارجع خليني يمهم

فهد:ميصير يا بابا انتِ تعبانة والله قبل ليكعدون اني اجي اخذچ يلا حبابة حتى يشوفوچ زينة

مچان بأيدي غير حل وافقت غصباً عني
اخذني خالي للبيت وهو رجع للمستشفى حچيت للبنات شنو صار خطية زعلو على زعلي

الاطفال ديلعبون واني اخذت ملابسي ودخلت للحمام اكو مغصات تجي وتروح سبحت ونظفت نفسي زين وطلعت حيلي مهدود هد احس بعد مابية تحملت هواية شتحمل بعد

رحت لغرفتي تمددت على الچرباية مكدرت انام بقيت بس ابچي وادعيلهم دعيت هواية وكل شوي اتصل على خالي خاف طلعو من العملية اخر شي هو اتصل علية وبشرني طلعو فرحت هواية ومع الأسف مكدرت اصلي صلاة شكر اكتفيت بالدعاء

كمت لبست عباية وحجابي وكعدت بالصالة انتظر خالي اكو عندي ألم بس خفيف ألم طبيعي
اجة خالي اخيراً فرحان بنجاح العملية اخذني للمستشفى وهم چان ممنوع احد يدخل لوهيب راح خالي يحچي وياهم وبهالأثناء اني دخلت للكسار ودموعي تصب

شفتة متمدد على السدية وشفايفة بيضة وبس صدرة يصعد وينزل رحت كعدت بصفة واخذت ايدة ابوس بيها

:كسوري؟

نزلت راسي على ايدة ابچي رغم چان بخير وحالتة مستقرة بس بعدني خايفة طلعت من الغرفة بأمر من الممرضة بقيت واكفة برة اريد اشوف وهيب هم گلبي طاگ علية وما اعرف يا غرفة هوَ

باوعت لزياد وحچيت بتعب
:وهيب وين يا غرفة

زياد:الغرفة الثالثة خالچ يمهم ديحچي وياهم حتى تدخلين تشوفي

هزيت راسي ساكتة دقايق واجة خالي لزمني من ايدي
فهد:تعالي ربع ساعة بس مسموح تشوفين وهيب وبدون لمس ماشي

حچيت بفرحة
:اي والله والله ما اسوي شي بس اشوفة گلبي طاگ على شوفتة

اخذني لغرفة وهيب چان عليها حارس فتحلنة الباب ودخلنة
بچيت من وكعت عيني على شخص مستحيل يكون وهيب

چان ضعيف وجهة اصفر تقربت علية ميتة قهر على حالتة
:وهيب شصاير بحالك ياريت بية ولا بيك حبيبي

خالي مقهور ويعض بأصبعة محمل نفسة المسؤولية

طلعونة من وهيب واني ميتة قهر وبچي الله ليسامح الي ظلموك
رجعت لغرفة الكسار حطيت راسي على رجلة ونمت حاسة بالأمان

واني نايمة اسمع صوت ونات طفرت خايفة شفت الكسار ديتحرك ويفتح عيونة ويسدهم وكفت على راسة امسح على شعرة واحچي

:اني يمك كسر يمك غوثي

فتح عيونة باوعلي ورجع سدهم
الكسار:د دمعتي

دنگت بست راسة
:عيونها وروحها اششش لتعب نفسك حروح اجيب الدكتور

طلعت چانو كلهم بالباب كاعدين
:باهر الكساررر كعد

بس كلت هيچ ركض باهر للدكتور واني دخلت وكلهم دخلو وراية فرحانين بسلامتة خالي جناح صار يصلي صلاة شكر لأن عمليتهم چان بيها صعوبات

دخل الدكتور طلعنة من الغرفة وصار يفحصة ربع ساعة وطلع
الدكتور:وضعة تمام الحمدلله تكدرون تخرجو باچر او تبقو الخيار الكم بس يحتاج رعاية وانتباه وسلامتة

جناح:زين دكتور والمريض الثاني وهيب؟

الدكتور:حالتة مستقرة كذالك بس بعدة لازم يصحى ونفحصة

هز راسة خالي والدكتور راح دخلنة على الكسار چانت عيونة حمرة واضح چان متأذي بس شافني ابتسم ورفع ايدة رحت لزمتها

الكسار:ا اطفالنة شلونهم

ابتسمت امسد على راسة
:الحمدلله دينتظروك ترجعلهم

الكسار:زين واخوچ

:الدكتور يكول حالتة مستقرة ان شاء الله هم يرجعلة وعيه ومبي شي

هز راسة يباوعلي بتمعن
الكسار:وجهچ اصفر ليش مماكلة شي؟

بلعت ريگ مردت اكلة على الاجهاض
:لا من الخوف عليكم لتهتم المهم انتَ بخير

باوع لخالي جناح وكال بتعب
الكسار:جنح بلا زحمة اخذها للبيت ترتاح

:لا اريد ابقى يمك

الكسار:دموع روحي للبيت بس هالليلة اني ابات هنا وباچر ارجع للبيت روحي حبيبتي وانتبهي على نفسچ زين وعلى الأطفال

هزيت راسي بستة براسة وطلعت ويا خالي وهو بس وصلني للبيت شافني دخلت وشخط سيارتة وراح چانت ليل طمنتهم على وهيب والكسار ودخلت لغرفتي تعبانة چانو اطفالي نايمين تمددت على الچرباية تعبانة بشكل

ردت انام ودخلت روان شايلة صينية ووراها سيدرا بيدها ياقوت وداني يمشي وراهم عدلت كعدتي مبتسمة وروان حطت الصينية بالأرض

روان:يلا كومي اكليلچ لگمة لازم تتغذين زين

:ما اشتهي روان والله

سيدرا:شنو متشتهين لازمچ تغذية شايفة وجهچ شلون اصفر يلا يلا كومي بعدين احنة اجينة نتعشة وياچ اذا متردين احنة منريد

زفرت نفس بضيق وكمت كعدت صرنة ناكل بصمت شوي وكالت سيدرا
سيدرا:باچر تروحين للمستشفى؟

:اي اريد اشوف وهيب وهم نرجع الكسار للبيت

دنگت راسها ورجعت رفعتة تباوعلي بتساؤول
سيدرا:عادي اروح اشوفة واتحمدلة السلامة؟ اخوچ صاحب فضل چبير علية

:اكيد شوفي خالي اذا وافق حتى يحچي وياهم وندخل لأن اليوم بصعوبة وافقو ادخل

هزت راسها وسكتت بعدها اني رجعت لفراشي ونمت
ثاني يوم كعدت قبل الكل دخلت سبحت ولبست ملابسي ومن طلعت لگيت سيدرا متجهزة اجة خالي اخذنة وتركنة الاطفال كلهم بالبيت لأن مو زين يدخلون مستشفى

وصلنة ورحنة بالبداية للكسار چان خالو ديوكلة بس شافني انرسمت ابتسامتة عميقة على وجهة تقربت علية وهمس

:شلونك اليوم

الكسار:هواية بخير مشتاقلچ

تحمحمت اباوع لخالي وخالي ضربة بخفة على كتفة
فهد:انچب لك تتغزل ببنتي كدامي

ضحك وهز حواجبة
الكسار:بنتك هم بنتي ومرتي وعندي منها طفلين يخبلون

جناح:اي بس منقبل هم ترة ناخذها منك

الكسار:شحدكم تاخذوها هاي بس الية

ضحكو كلهم على كلامة
بعدها اخذنة خالي جناح لوهيب دخلنة چان صاحي من شافني فرح وفتح ايديه ركضت حضنتة بحذر وابچي

:الحمدلله على سلامتك حبيبي موتتني خوف عليك

وهيب:انتِ سلامتي هسة رجعتلي عافيتي

بستة بخدة وكعدت بصفة واجت سيدرا مبتسمة
سيدرا:الحمدلله على سلامتك

رفع عيونها عليها مبتسم
وهيب:الله يسلمچ خوية داني شلونة مشتاقلة هواية

سيدرا:زين داني عندة ياقوت مثل اللعبة يلعب بيها من يضوج

وهيب:الله يحفظهم شفتها بالصور ياقوت زوجچ شوفني صورتها وهو كال ياقوت الك ف من هسة ياقوت الية محجوزة

جناح:وين الگة احسن منك اني ابن اختي انتَ

چان مبتسم وهيب بس كال ابن اختي اختفت ابتسامتة
وهيب:اني ابن زرف الحايط ابن الشوارع مو ابن احد وترة حتى انتو بعدني ممعترف بيكم

ضحك خالي بعلو صوتة وكال
جناح:صريح

ضحكت عليهم دوم يكول ممعترف بيهم بس حتى لو ما اعترف يبقون خوالنة
طلعنة من وهيب واخذنة الكسار ورحنة للبيت چان الكل فرحان برجعتة أبو اجة للبيت تحمدلة السلامة ويبچي والكسار چان بقمة البرود

جهزنالة الغرفة الجوة ونام بيها وحسنين صار يكمز بابا وبابا سوينة عزيمة چبيرة بمناسبة سلامتة واجو اهلة

وبهالوقت چانت سلوى مريضة ما اجت عندها تليف الكبد وتريد تشوف ابنها خايفة تموت وشهاب معاند تزوج وبعدة معاند يشوفها

مر اسبوع الناس خفت ومحد ضل غيرنة بالبيت رحت نومت الأطفال ورجعت للغرفة المتواجد بيها بس دخلت كال منزعج

الكسار:اريد اسبح ضجت من نفسي

رفعت حاجبي وتخوصرت
:مو كل يوم اغسلك شعرك وانظف جسمك

الكسار:متعوض السباحة هاي اريد اسبح

:ميصير جرحك كسار؟

الكسار:ميوصلة المي بعدين صار زين ترة

استسلمت للامر الواقع وساعدتة يكوم اخذتة للحمام بس دخلتة كال
الكسار:روحي نامي اني ارجع وحدي

تخوصرت وكلت
:لا عيني لا تذكر من چنت تسبحني واني ارفض؟ هسة اجة دوري اني اسبحك كما تدين تدان

عبالي حينزعج شو هذا ابتسم بخبث وسحبني للحمام وسد الباب
الكسار:يلا سبحيني ما اكول لا

:سلطات المنحرفين

فتحت المي وصرت افرك بجسمة واحچي ويا
:بعد شكد ويرجع وهيب للسجن؟

الكسار:بعد اسبوعين خلي يطيب جرحة يلا يرجع

سكتت وكملت اسبحة واسوي نفسي عود اني امة
:يلا ماما غمض عيونك ترة الشامبو يحرگ عيونك

ضحك بعلو صوتة وكال
الكسار:غمضت عيوني ماما

سبحتة بحذر شديد ومن كملت تركتة يلبس الداخليات وطلعت للغرفة عطرتلة الغرفة ورتبتها زين وهو شوي ودخل وراية

الكسار:اريد اصعد بغرفتنة دموع؟

رحتلة لزمت ايدة ومشيتة للچرباية
:لا خلي بعد اسبوع ونصعد احسن

هز راسة ماعندة غير حل كعدتة على الچرباية ورحت جبت مشاطة مشطت شعرة ورشيتلة عطر ميكدر ينام بدونة

الكسار:كافي تعالي يمي

تركت الي بيدي ورحت تمددت بصفة وحطيت راسي على صدرة
:كسوري اريد اكلك فد شي

باس راسي وهمس
الكسار:كولي

غمضت عيوني وحچيت
:من دخلت للعملية ا اني اجهضت الطفل الرابع

ابتعد عني وحط ايدية على وجهة
الكسار:لا حول الله

كعدت واخذت ايدة بستها
:الله يعوضنة ان شاء الله

تنهد وسحبني لحضنة
الكسار:ان شاء الله بس خلي اصير زين ارجع اخذچ للدكتورة مالتچ خاف انتِ تتأذين

هزيت راسي وسكتت
والحمدلله بعد اسبوعين وهيب صار زين ومع الأسف رجعو للسجن بس تحت حراسة مشددة

وخطية سلوى سوت عملية واخيراً وبعد اقناعات طويلة وافق شهاب يروح يشوفها واخيراً شافتة وهو شاف اخوانة واخواتة

وبعد فترة تعرفت على زوجتة رحيق چانت حامل كلش لطيفة بسرعة تدخل للگلب تصير بنت عمة

بعد مرور سنوات 2023

كاعدة على المرجوحة انتظر حسنين وادم وابوهم يجون
شوي ودخل حسنين شايل النتيجة مالتة ويركض فرحان

الحسنين:ماماااا نجحت الأول على الصف وصفگولي

طفرت فرحانة وحضنتة بقوة
:الف مبروك حبيبي يوم الي تتخرج بي بعد وافرح اكثر

دخل ورا ادم لازم ايد ابو وزعلان يبچي خفت علية تركت حسنين وكمت حضنتة وهو مستمر يبچي

:ها حبيبي شبيك ليش تبچي

ادم:رسبت

:شنووو رسبت شلون

مستمر يبچي كال الكسار فرحان
الكسار:لا ناجح بس لأن الثاني عبالة راسب

سحبة مني يحچي ويا بهدوء
الكسار:ناجح انتَ مو كلتلكم الي ناجح اشتريلة هدية؟

هزو روسهم ثنيناتهم وهو لزمهم من ايديهم وكال
الكسار:واني لأن اعرف انتو ناجحين اشتريتلكم من البارحة هدية حلوة تردون تشوفوها؟

ادم:اي

ابتسم واخذهم جوة البيت رحت وراهم وكفت اباوعلهم مبتسمة مشترياهم كل واحد بايسكل وطوبة وسيارات واخر شي طلعة كل واحد ايباد صارو يطفرون فرحانين باسو ابوهم وتشكرو واجو باسوني واخذو العابهم وطلعو يلعبون كام الكسار فرحان حضني

الكسار:لو تعرفين شكد فرحان بيهم اريد اعوض كل النقص الي بداخلي ماريد اخليهم يحتاجون شي ولا يحتاجون احد غيرنة راح ادللهم واسويهم زلم خشنة

حضنتة اقوة وبست خدة
:وانتَ گدها واثقة بيك اني واعرف انتَ شكد حنون عليهم

ابتعد عني لازم ايدي والتفت يمين يسار ورجع باوعلي يغمزلي
الكسار:الاطفال ملتهين يلعبون واحنة وحدنة دموع

دفعت ايدة وحچيت عود ممفتهمة
:اي واذا كسوري

عض شفتة وشالني للغرفة واني اضحك بعلو صوتي

الحمدلله انتهت قصتي بنهاية سعيدة
الكل يحتاج فرص واني انطيت الكسار فرصة ومخيب ظني

صار عندنة ثمرتين الحسنين وأدم ومع الأسف مصار عندي غيرهم بعد الأجهاضات الي صارتلي بس الحمدلله

حسن الى الأن منعرف وينة ميت عايش منعرف لكن روان والكسار عندهم أمل چبيييير برجوعة ونكول ان شاء الله

وهيب ببداية سنة 2024 يطلع من السجن اخيراً وطول فترة سجنة كل اسبوع ازورة واطفالي يعشقون خالهم

زياد وباهر الى الأن ميقبلون يتزوجون

وبالنهاية احب اكول دعواتكم لوهيب وحسن
ودعواتكم للشهداء مَلِك وفرح وحسن الصغير بالرحمة

انتهت قصتي هنا لكن بعدها مستمرة بالواقع

..انتهت..
2023/8/27 يوم الأحد 🤍

.
.
.
.
.
.
.
.
.
.

بارت النهاية طويل 10الاف كلمة

تعالو لقناة التلي باچر حتجي بطلة قصة الكسار ( دموع) تحچي وياكم ❤️‍🩹

راجعتلكم بقصة جديدة بعنوان
(غليان)🫣❤️‍🔥

تلگوها بحسابي واتباد❤️‍🔥

ضيفو حساب الأنستا

وقناة التلي

اللهم صلِ على محمد والِ محمد 🦋

مها ال عبدالله