الفصل الثامن عشر

رواية اللؤلؤ والأخرس الجزء الثامن عشر 18 بقلم أميرة خالد اللؤلؤ والأخرسرواية اللؤلؤ والأخرس الحلقة الثامنة عشر ثاني يوم صحيت شاديه خرجت البلكونه وشافت في الجنينه سيف وريم نايمين على الكراسي وابتسمت وقالت في سرها ربنا يفرح قلبك يا ابني عقبال ما اطمن على روان ودخلت تاني لبست عبايه ونزلت راحت ليهم وقربت من سيف وقالت بصوت هادي سيف اصحى يا حبيبي فتح عينيه وهو بيقول صباح الخير يا ماما

ضحكه شاديه وقالت صباح النور يا عينيا اللي ينيمك في الجنينه انت والبنت الغلبانه ديت ابتسم سيف لما افتكر انها نامت وهي بتكلمه وهو فضل يتفرج عليها لغايه ما انام هو كمان قال لها معلش يا ماما شكلنا كده راحت علينا نومه واحنا بنتكلم امبارح ردت شاديه طب يا حبيبي صحيها وانا هدخل عشان هي ما تتكسفش مني قال لها حاضر ودخلت شاديه وسيف قرب من ريم وهو بيصحيها قومي يا ريم النهارده طلع ردت عليه بنعاس سيبيني انام يا روان بطلي رخامه

ابتسم سيف وقرب من ودنها وقال بس انا مش روان انا سيف وكنت نايمه طول الليل في حضني قامت منطوره وعمال تبص على هدومها وعيطت وقالت والله ما عملت حاجه ضحك سيف وشدها لحضنه وقال لها بس يا هبله انا جوزك ردت عليه بس انا ما عملتش حاجه غلط رد سيف طبعا يا حبيبي انت ما عملتش حاجه غلط اهدي بس وبطلي عياط انتي بس كنا بنتكلم امبارح وراحت عليك نومه وانا كمان نمت في مكاني اتكسفت ريم وخرجت من حضنه وقالت له انا اسفه يا سيف

رد عليها في واحده بتتاسف لجوزها انتي عبيطه يا بنتي وداخلت تجري وهو ابتسم ودخل هو كمان طلع على الاوضه بتاعته اما في اوضه حازم وجوده صحي حازم على رنه تليفونه من وسام وقال له انت فين يا ابني كل حاجه جاهزه للشغل رد حازم وهو بيبص في الساعه حاضر نص ساعه واكون عندك عشان يخش الحمام قرب من جوده وقال له اصحى يا بيه يلا عشان الشغل رد جوده يا عم سيبنا نام بقى رد حازم براحتك ما تجيش تقول لي فلوسي فين ودخل حازم الحمام

وجوده قاعد على السرير ماسك تليفونه وكان مفتوح على فيسبوك بتاع نغم وبتفرج على صورها وابتسم وقفل التليفون وخرج حازم وهو دخل اما في اوضه ابراهيم وهاشم برق كان قاعد ماسك التليفون بتاعه وبتفرج على صور مامته وهو معاها وبيفتكر لحظات ومعاها هو وباباه وقام هاشم وقرب منه وقال له بالاشاره صاحي من بدري رد عليه ايوه رد هاشم بالاشاره طب يلا خش غير هدومك عشان ننزل نفطر وانا هصحي ابراهيم

رد برق بالاشاره حاضر وساب التليفون وقام دخل الحمام التليفون كان هيوقع ومسكه هاشم وشاف الصوره اللي بتجمع برق مع اثنين تانيين واتصدم لما شاف البنت دي في الصوره وبص على ابراهيم ولقاه لسه نايم وقفل التليفون واخباه وراح ناحيه ابراهيم وصحها وقام ابراهيم قاعد على السرير وخرج برق من الحمام ودخلي ابراهيم الحمام وهاشم كان قاعد سرحان

وبرق يقرب منه وقال له بالاشاره انه هيروح يصحي لؤلؤه وماجي وهاشم ما كانش مركز معايا وخرج برق من الاوضه اما في اوضه لؤلؤه كانوا نايمين بطريقه مضحكه ماجي حضنه رجلي لؤلؤه وشعرها منكوش ولؤلؤه نايمه ونصها في الارض وشعرها كله في الارض ودخل برق وشاف المنظر وضحك واقرب منهم عشان يصحيهم عمال يخبط على دراعاتهم عشان يقوموا وهم برده نايمين زهق وخرج ورزع الباب وراه

وقامت ماجي طول زلزال وبعد كده لقيت الدنيا هاديه رجعت تاني نايمه واخذت رجلي لؤلؤه تاني في حضنها اما في اوضه يسري وبسمه كانوا في الحمام وبسمه بتساعد يسري انه ياخذ الشاور بتاعه واخرجته وبدات تلبسه اكنه طفل صغير ويسري بيبتسم على حبيبته ومسك ايديها وبسها وقال لها ربنا ما يحرمني منك ابدا ردت عليه ولا منك يا حبيبي يلا بقى عشان تكمل لبسك عشان اخش اخد الشاور بتاعي

رد يسري ببراءه مش انا قلت لك تاخدي الدش ده معايا انتي اللي قعدتي تحميني وسبت نفسك من غير ما تاخدي الشاور بتاعك ينفع كده يلا بقى انا لازم اخش اساعدك في الشاور بتاعك ضحكت بسمه وقالت له لا والله صدقتك انا كده يلا يا حبيبي عشان تنزل عشان اخش البس انا كمان واخذ الشاور بتاعي واشوف البنات عشان بقى لي يومين ما اتكلمتش معاهم رد يسري ماشي يا ستي بس ممكن اقول لك على حاجه ردت بسمه قولي يا حبيبي قال لها انا بحبك ابتسمت

وقالت له وانا كمان بحبك يا قلبي رد عليها ممكن ما تزعليش من نغم صدقيني هي غلبانه بس ماشيه تحت جناح امها ومش عارفه مصلحتها فين غير ايناس وهاشم يمكن ربنا كرم ايناس بحازم انه يفضل في حياتها ويساعدها وكمان كوثر وشاديه كانوا مهتمين بيها اما نغم على طول بعيده وهي طيبه بس ما حدش حاول يتكلم معاها او يفهمها

ردت بسمه انا لا يمكن ازعل منهم ودول ولادي زي ما هم اولادك وكمان للاخوات لؤلؤه وانا مبسوطه ان لؤلؤه في وسط اخواتها وان شاء الله اللي جاي في الطريق هيبقى في وسط اخواته وهو كمان رد يسري وهو حاطط ايده على بطنها طبعا يا حبيبتي ده حته منك يعني اغلى من القمر ابتسمت بسمه وقالت له نفسي افهم انت بتجيب الكلام الحلو ده منين رد عليها من قلبي انا عمري ما عرفت اقول لواحده كلام حلو زي اللي بقوله لك عشان بيبقى طالع من جوايا

ردت بسمه طيب يا سيدي ينفع بقى تخرج خليني اخش البسه كمان رد يسري لا هستناكي هنا عشان نخرج سوا وكمان ما تنسيش عشان تاخدي الابره دلوقتي ردت بسمه بطفوله انا قلت انت نسيت اللي فكرك رد عليها اللي فكرني ده هو انتي يا قلبي ومستحيل انسى حاجه تخصك ويلا بقى عقبال ما اجهز الابره تكوني خرجتي قالت له حاضر وامري لله مع انها بتوجعني قوي وكمان بتكلكع رد يسري انا عارف بس معلش هي فتره وهتعدي

ردت عليه حاضر ودخلت الحمام تاخد الشاور بتاعها وبعد دقائق خرجت لبست العبايه بتاعتها وبدا يسري يديها الابره اما بره شاديه وكوثر كانوا بيحضروا الفطار ونزل حازم وجوده وشافوا العيله متجمعه ما عدا البنات والشباب لسه ما نزلوش وقالت كوثر رايح فين يا حبيبي رد عليها رايح الشغل النهارده اخر يوم وبعد كده هبقى فاضي ردت كوثر طب ربنا معاك اقعد افطر بس رد حازم مش هينفع يا ماما احنا متاخرين شاديه كانت بتعمل السندوتشات

وقالت له خد يا حبيبي انت وجوده حاجه بسيطه عقبال ما تفطروا ابتسم جوده ولا ربنا ما يحرمني منك ابدا يا عمتو ضحكه شاديه وقالت له ماشي يا سيدي هعديها مع اني ما بحبش كلمه عمته ديت كان لسه هيرد رد حازم بقول لك ايه مش وقت كلام هو لما نرجع نبقى نشوف الموضوع ده مع اني طول عمري بقول لها يا عمتو وهي بتبقى مبسوطه بصيت له جامد وحازم شد ايد جوده وخرجوا يجروا خوفا من شاديه وضحكوا العيله على تصرفات حازم

ونزلت روان مع ريم وقالوا صباح الخير ردوا عليها صباح النور وقاعده وريم كانت محرجه من نظرات سيف ليها اللي قاعد قصادها وروان قالت هي ماجي ولؤلؤه فين وايناس و نغم ردت شاديه لسه ما نزلوش ردت روان هطلع اشوفهم وطلعت روان الاوضه بتاعه ايناس وخبطت لقيت ايناس خارجه من الحمام وقالت لها اتاخرت ليا بلوه ردت عليها معلش اصل راحت عليا نومه وكمان نغم ما صحتنيش ردت لروان باستغراب هي نغم صحيت من بدري ولا ايه

قالت لي انا مش عارفه بس انا صحيت ما لقيتهاش في السرير قالت لها طب يلا عشان نفطر ردت عليها ماشي وخرجت روان وراحت اوضه لؤلؤه وفتحت الباب اتصدمت من منظرهم وقعدت بتضحك وقربت عشان تصحيهم وهم برده نايمين وجت لها فكره وراحت جابت كوبايتين ميه وده لقيتهم عليهم والاثنين وقعوا من على السرير ضحكه روان جامد عليهم وهم تغاظوا منها

وقاموا عشان يمسكوها روان جريت على تحت وماجي ولؤلؤه وراها وهم حالفين يضربوها ونزلت روان واستخبت في عثمان وقالت ماجي وانتي فاكره كده اني مش همسكك تبقي بتحلمي انت لو واقفه ورا رئيس امريكا ذات نفسه هجيبك يعني اجيبك العيله كلها كانت بتضحك على منظره رد عثمان بصرامه مزيفه ايه اللي انتي بتقوليه ده يا بنتي البنت بتتحمى فيا وانتي هتعملي لها ايه يعني ردت ماجي يعني يرضيك يا جدو تبقى نايم وحد يرش عليك ميه رد عثمان لا ما يردنيش

ردت روان بسرعه بس لو ما يكون حد بيحاول يصحيك وانت ما تصحاش هيعمل ايه يعني ابتسم عثمان سكت و ردت شاديه خلاص يا ماجي عشان خاطر المره دي وانتي يا مخفيه ما تصحهمش بالطريقه دي تاني يلا يا حبايبي اطلعوا سرحوا شعركم المنكوش ده وغيروا هدومكم عشان تفطروا وانتبهت ماجي ولؤلؤه على منظرهم وطلعوا يجروا على الاوضه والعيله قعدت اضحكوا وصابرين نزلت من اوضتها وقعدت تفطر وما لهاش دعوه بحد ومش طايقاهم

ويسري خرج من الاوضه ومعاه بسمه اللي بتتالم من مكان الابره ويسري مسك ايديها وقال لها معلش يا حبيبتي وراحوا ناحيه السفره وقال يسري ايه صوت الدوشه ديت ردت ايناس بابتسامه ما فيش يا بابا اصل روان رشه الميه على ماجي ولؤلؤه والبنات كانوا حالفين يضربوها ابتسم بسمه وضحك يسري وقال لهم خلي بالكم ماجي ما بتنساش طارها ابدا هي ولا لؤلؤه وهيضربوكي مدام حلفو ردت روان وانا هخاف منهم يعني ورايا جدو

قربت بسمه من كرسي برق وبدات تفطره هو ويسري وكل ده تحت نظرات هاشم اللي مستغرب ايه الصوره دي جت ازاي وقرر انه يتكلم مع لؤلؤه ويفهم منها اللي بيحصل وبرق يتصور مع البنت دي امتى وشاديه قالت مالك يا هاشم ما بتاكلش ليه يا حبيبي رد عليها ما ليش نفس يا عمتو وقام خرج اقعد بره ويسري كان مستغرب تصرفات ردت صابرين وهي عايزه تولع الدنيا حقه مش شايف ابوه وهو عامل نفسه حسين فهمي فخلي بالك من زوزو رد عثمان اسكتي يا صابرين واهدي كده

ردت عليه وانا قلت حاجه غلط يا عمي مش ابنك هو اللي فاكر نفسه صغير وبيعمل حركات الحبيبه ديت اتضايقت بسمه رد يسري مدام مش عاجبك انا بقول نطلق وكل واحد يبقى حر في حياته قامت صابرين مفزوعه وقالت له مستحيل اطلق منك رد عليها براحتك وخرج يسري عند هاشم وقال له مالك يا حبيبي سرحان ليه رد هاشم هو انت يا بابا خلفت برق ده امتى رد يسري بس برق مش ابني اتصدم هاشم وقال له ازاي يعني

رد يسري اقعد وانا هحكي لك وحكي له كل اللي حصل من اول يوم لؤلؤه شافته فيه لغايه ما راح اتبنوه عشان خاطرها اتصدم هاشم وقال له طب الصور اللي على تليفونه ديت من اللي فيها رد يسري بابا ومامته اتصدموا اكثر هاشم وقال له مستحيل وطلع على فوق ويسري استغرب موقفه بس ما حبش يضغط عليه اما فيلا تانيه كانت داليا واسامه وزينه بيفطروا وقالت زينه انا مبسوطه جدا انك جيتي يا دودو ردت داليا وانا كمان يا قلبي دودو

وقالت زينه مالك يا بابي متضايق ليه رد اسامه ما فيش حاجه ردت داليا بقول لك ايه يا زينه طول اليوم هتبقي معايا بقى عشان بابي مش هيبقى فاضي ردت عليها شوري يا مامي بس لازم تتعرفي على اصحابي وكمان تشوفي سيف انا لقيته هنا في الساحل مع عيلته ردت داليا هو ده يا حبيبتي اللي انتي معجبه بيه ردت زينه اه يا مامي بس خلاص هو اتجوز ردت داليا طب يا ستي عايزه منه ايه ثاني

اتضايق اسامه من كلامهم وقال لهم انا رايح الشغل عند وسام وسابهم وخرج وقالت زينه هو ماله يا مامي متضايق من حاجه ردت داليا سيبك منه تلاقي فيه حاجه مضايقه في الشغل ردت زينه تمام و فضلوا يتكلموا على اللي هيعملوه طول النهار وفي اوضه هاشم مسك التليفون واتصل على شخص وقال له انا عايزك تعرف لي كل حاجه عن واحده اسمها هايدي النجار وهبعت لك صورتها رد الشخص تمام يا فندم خلال يومين كل حاجه هتكون عندك

رد هاشم باستعجال لا النهارده كل حاجه تبقى عندي رد الشخص هحاول واقفل هاشم التليفون وهو شكه بيزيد ناحيه برق وابراهيم اما تحت وصلت نغم من بره وقعدت على السفره وقالت ايناس كنت فين يا نغم ما صحتنيش ليه ردت عليها بهدوء كنت قاعده على البحر قرب يسري من نغم ومسك ايديها وقال لها مالك يا حبيبتي اللي مضايقك سكت نغم وما ردتش عليه وقالت بعد اذنكم انا هطلع انام شويه وطلعت

وصابرين كانت مبسوطه واللي بيحصل وعارفه ان نغم عنيده وهي الوحيده اللي هتقف معاها في مشكلتها ضد ابوها وقالت ايناس معلش يا بابا ما تزعلش منها هي تعبانه شويه رد يسري مش زعلان يا حبيبتي ونزلت لؤلؤه وماجي وقعدوا يفطروا في وسط ضحك وهزار ماجي ولؤلؤه وقال عثمان ينفع اشرب الشاي من ايدك يا لؤلؤه ردت عليه من عيني الاتنين يا جدو مين تاني هيشرب الكل رفع ايديه حتى ابراهيم

وابتسمت لؤلؤه ودخلت المطبخ تعلق على الشاي وجابت الميه وخرجت ومعاها شنطه العلاج وبدات تدي برق علاج💊 وكمان يسري وبسمه وعثمان ودخل التاني المطبخ تعمل الشاي بالنعناع وخرجت بعد دقائق بصنيه الشاي وكل واحد خد كوبايته وشربه بمزاج وقالت روان احنا هنروح فين النهارده ردت شاديه بقول لك ايه احنا ملناش في الخروجات بتاعتكم ديه احنا هنقعد على البحر شوفوا انتم عايزين تروحوا فين وروحوا

رد سيف بالليل يا ماما لما الشباب تتجمع ونخرج كلنا انا عرفت ان في كافيه هنا جميل قوي ردت شاديه براحتكم ما حدش هيضايق عليكم ردت ماجي بقول لك ايه يا شوشو انتي براحتك يا جميل تعمل اللي انتي عايز تعمله المهم هتاكلينا النهارده ضحكه شاديه وقالت يا بنتي انا اجازه من المطبخ انا وكوثر هتاكلوا هنجيب من بره ردت ماجي ماشي امري لله يعني ضحكه بسمه وقالت لها قولي لي بس انتي نفسك تاكلي ايه وانا اعمله لك

ردت ماجي انا عايزه اكل محشي وفراخ متحمره زي اللي بتعملها لنا في الامارات رد يسري مستحيل ده تعب عليها وهي ما تنفعش تعمل كل المجهود ده ردت اللؤلؤه خلاص يا ماجي لما نرجع هخلي الداده تعمله لك رد عثمان ترجعوا فين يا بنتي قالت له القاهره يا جدو ما هيداده هنخليها تنزل القاهره تقعد معانا عشان هي ما لهاش حد غيرنا رد عثمان طيب يا حبيبتي ردت بسمه ما تزعليش يا ماجي والله هعمله لك بس مش دلوقتي

ردت ماجي مش زعلانه المهم انتي تقومي بالسلامه انتي والنوتي اللي جوه ده اللي وجع قلبنا من قبل ما يجي ولكل ضحك اما في مكان التصوير كان حازم بيخلص الشغل هو وجوده واقرب اسامه من وسام وقال له هم دول اللي ما يجي جات معاهم رد عليه باحترام ايوه يا بابا هم قال له ده شكلهم محترمين رد عليه طبعا يا بابا المهم انت لازم تحكي كل حاجه لماجي وتعرفها الحقيقه كلها رد اسامه ان شاء الله بس هي تقعد معايا الاول وتسمعني

رد وسام هتقعد يا بابا وانا متاكد من كده قال له يا ريت اما عند العيله كلهم قعدوا قدام البحر و نغم كانت قاعده في اوضتها بتفكر في الكلام اللي قاله لها جوده وشيطانها عمال يقول لها ده بيكدب عليك وما فيش حد بيحبك اما هم كانوا قاعدين ويسري جاء له تليفون من سليم اللي قال له ان ممكن ان ابراهيم يعمل العمليه بس نسبه نجاحها 70% رد يسري النسبه كبيره وان شاء الله هتنجح

رد سليم برده لازم تقول له على النسبه عشان ما يحطش امل وبعد كده يخيب رد يسري في ايه يا سليم هو انت نسيت ان احنا ياما دخلنا عمليات كانت نسبتها 1% وكانت بتنجح كله باراده ربنا رد سليم ونعم بالله بس برده ده واحد قضى عمره كله ولا بيسمع ولا بيتكلم يعني طبيعي يكون شايف من فشل العمليه وما ينفعش بعد ما ندي له الامل العمليه تفشل رد يسري سيبها على ربنا وان شاء الله كل حاجه هتتحل

رد سليم تمام انا هبعت لك روشته العلاج ويبدا ياخدها عشان هو كمان شهرين يجي عندي عشان يعمل العمليه رد يسري تمام وقفل معاه وبص للعيله حكم مكالمه كلها ولان نسبه النجاح العمليه 70% والكل فرح بيدعي من قلبه ان العمليه تنجح وقرب عثمان من ابراهيم وقال له بالاشاره ان العمليه اتحددت كمان شهرين قول لازم ياخذ العلاج في ميعاده ابتسم ابراهيم وهز راسه بالموافقه وبص على لؤلؤه وابتسم لها وهي انكسفت