الفصل التاسع عشر

رواية اللؤلؤ والأخرس الجزء التاسع عشر 19 بقلم أميرة خالد اللؤلؤ والأخرسرواية اللؤلؤ والأخرس الحلقة التاسعة عشر اماعند حازم بعد ما اخلص نص الشغل جت العارضه وقالت لي بقول لك ايه يا حازم الفلوس دي مش عجباني وانا عايزه اكتر من كده رد حازم فيا يا نونو ايه الحكايه ردت عليه انا عرفت ان انت اخذت فلوس قد كده من الاعلان ده وجايه ترمي لي ملاليم رد حازم اللي انتي بتقوليه ده اولا احنا بينا عقد

ردت عليه عادي يا حبيبي اي محامي بثلاثه تعريفه هخليه يفسخ العقد في ثانيه قرب جوده وقال لها ايه الهبل ده ما تلم نفسك يا نونو ولا عشان خاطر حازم طنشك فهتعملي كده وهتبوظي لنا الشغل بصيت له بعصبيه وقالت له هو ده اللي عندي واذا كان عاجبك انت وهو وسابتهم ومشيت و رد حازم ليه كده يا جوده كنت صبرت وانا اتكلمت معاها

رد عليه يا ابني هي جايه وعارفه هي بتعمل ايه وحابه تلوي دراعنا عشان احنا صورنا نص الشغل مش هنقدر نكمل الشغل كله من غيرها رد حازم طب يا فالح هنعمل ايه دلوقتي رد عليه عادي نتصل على حبايبنا يبعتوا لنا موديل احلى منها 100 مره رد حازم يا ابني افهم وسام وافق عليها عشان هي طالعه الترند اليومين دولت رد جوده يا عم سيبك من وسام وانا هتكلم معاه رد حازم براحتك وخرج حازم وجه وسام وقال له في ايه يا جوده ماله حازم صوته عالي ليه

رد جوده بص يا سيدي وحكى له المشكله كلها و رد وسام وايه المشكله احنا نجيب واحده ثانيه احسن منها تعمل الاعلان رد جوده المشكله ان احنا هنطول هنا وبعد ما خلصنا الشغل بتاع ثلاث ايام هنطول اكتر وكل ده بفلوس رد وسام يا عم ما تزعلش نفسك واحنا نكلم الناس بتاعتنا ونخلص الموضوع رد جوده طيب ملحق اكلم صحابنا ولا المكاتب ابعثوا لنا صور موديل عشان نختار منهم رد وسام ماشي يا سيدي

وخرج جوده لقى حازم بيتكلم في التليفون مع مدير اعمالها وبيزعق معاه واقرب جوده وقال له ايه ده يا حازم واقفل معاه خلينا نتكلم وحازم قفل السكه في وشه و جوده قال كل حاجه اتحلت ووسام هيدفع الفلوس بتاعه الثلاث ايام الزياده رد حازم ما ينفعش انا هدفعهم من نصيبي عشان اتادب لما انت قلت لي البنت دي انها مش كويسه وناويه على الغلط

رد جوده خلاص يا سيدي ولا تزعل نفسك خذ نص الفلوس مني انا كمان وخلينا نخلص من المشكله ديت المهم ما تزعلش رد عليه تمام و جوده قال له هسيبك انا واروح اكلم حبايبنا يبعتوا لنا صور الموديل عشان وسام يختار منهم قال له طيب وقعد حازم يشرب القهوه وهو متعصب من اللي حصل وتليفونه رن باسم ايناس وكنسل عليها اما في الشاليه الكل قاعد على البحر وقال سيف تعالي يا ريم نتمشى شويه

اتكسفت ريم وقالت كوثر قوم يا حبيبتي اتمشي مع جوزك شويه وقامت ريم اما هاشم كان قاعد سرحان وبيفكر هيعمل ايه وجت في دماغه فكره وقرر انه يعملها بس مستني التليفون اما البنات كانوا بيلعبوا على الشاطئ واسامه كان واقف والدموع في عينيه وهو شايف بنته بتضحك وبتهزر مع البنات ومش قادر يقرب منها ويتكلم معاها وفضل قاعد على الكرسي بيتفرج عليها

اما ابراهيم كان قاعد على الشاطئ بيفكر في العمليه ولو فشلت العمليه هيعمل ايه مع لؤلؤه وهل هيكمل معاها وهو تعبان ولا هتسيبه زي اللي قبلها اما لؤلؤه كانت فرحانه وهي شايفه ابوها مهتم ببسمه وبيبتسم وبياكلها التفاحه وقالت ماجي بقول لك ايه ابوك عامل فيها مهند وعمال يسبل لامك ويعاكسها واحنا ساكتين ضحكه لؤلؤه وروان

اما في الشاليه جوه كانت قاعده صابرين بتبص عليهم من البلكونه وهي متغاظه ودخلت على اوضه نغم ولقت ايناس نايمه وقالت تعالي يا نغم انا عايزاك ردت عليها بتعب انا تعبانه يا ماما سيبيني ارتاح ردت صابرين بزعيق ايه تعبانه دي انا اما اقول لك تعالي تيجي على طول فاهمه ولا لا وقفت نعم وقالت لها بقول لك ايه يا ماما ابعدي عني دلوقتي انا حاسه ان انا شيطانه وهم ملائكه ردت صابرين ويا ترى ده كلام مين اللي قال لك الكلام ده وفهمه لك

ردت نغم اللي انا شايفاه يا ماما انتي طول الوقت مهتميه بنفسك ولا مهتميه بيا ولا باختي ولما جيت اهتمتي بيا عشان خاطر اتجوز ابراهيم اللي هيكون كبير العيله من بعد جده وهو اللي مشي الشغل وفي ايده كل حاجه حتى سيف اللي كنت بحبه او معجبه بيه وقفت ضدي وما رضيتيش تقفي معايا قامت ايناس على صوتهم وقالت صابرين ايه الهبل ده ما حصلش طول عمري بحبك اكتر واحده في اخواتك وانتي عارفه بكده ضحكه

بسخريه وقالت لها كنت فاكره كده بس الحقيقه اني كنت عروسه بتتحرك بايديكي وتقولي اللي انتي عايزه تقوليه قربت صابرين وضربتها بالقلم ونغم عيطت ونزلت تجري وقالت ايناس ليه كده يا ماما ردت عليها ما لكيش دعوه انتي وسابتها وخرجت وايناس مسكت التليفون واتصلت على حازم اللي كنسل عليها اما تحت هاشم كان راجع الشاليه وشايف نغم بتجري والدموع على خدها وقرب منها مسكها من ايديها وقال لها مالك يا نغم في ايه

ردت عليه بعصبيه ابعد عني انا ما فيش حد بيحبني كلكم بتوع مصلحتكم وزقيته وجريت ولؤلؤه وماجي كانوا شايفين اللي بيحصل وقالت ماجي روحي يا لؤلؤه تتكلمي معاها ردت عليها انتي شايفه كده يا ماجي ردت عليها ايوه طبعا اسمعي الكلام ومشيت لؤلؤه ورا نغم وهاشم كان واقف تايه وقربت ماجي منه وقالت له مالك يا هاشم فيك ايه رد عليها بعصبيه ما لكيش دعوه بيا وسابها ومشي

وهي اتضايقت ودخلت الشاليه وطلعت الاوضه بتاعتها وهي متعصبه وقالت انا غلطانه اني سالتك انت بني ادم همجي وحيوان ودخلت الحمام اما نغم راحت قعده على الشاطئ وهي بتعيط وبتصرخ لوحدها ومحدش حواليها وقربت لؤلؤه منها وشدتها في حضنها وقالت لها عيطي يا حبيبتي طلعي كل اللي في قلبك وفضلت تعيط وتصرخ ولؤلؤه بتمشي ايديها على ظهرها اما عند حازم تليفونه بيرن باسم ايناس وعمل تليفونه سايلنت

وقرب جوده وهو بيقول له خد يا سيدي التابلت حبايبنا بعثوا لنا الصور ديت وبيقولوا لك اختار بينهم رد عليه مش مهم انا المهمه وسام قال له تمام واتصل عليه وقال له تعالى يا وسام انا جبت لك صور الموديل رد اسامه تمام انا جايه انا وبابا عشان نختار البنت رد جوده تمام وقفل معاه اما ايناس كانت قاعده بتعيط وخايفه على نغم ومش عارفه تعمل ايه وجت تتصل على نغم لقيت التليفون في الاوضه

اما على الشاطئ نغم سكتت وبطلت عياط وصريخ وقالت لؤلؤه بقيتي كويسه يا نغم ردت عليها بصوت رايح الحمد لله ردت لؤلؤه طيب يا ستي ممكن بقى اعرف ايه اللي حصل سكتت نغم واحترمت لؤلؤه اسكتها وقالت لها ما فيش مشكله ما دام مش عايزه تتكلمي المهم انك تكوني كويسه ردت عليها انتي بتعملي معايا كده ليه ردت لؤلؤه عشان انتي اختي تعرفي انا ما زعلتش من بابا لما عرفت ان ليا اخوات بالعكس فرحت وقدرت موقفه

ردت نغم بدموع بس انتي وامك خدتوه مننا ما كانش معانا ابتسمت لؤلؤه وقالت لها يمكن بابا كان معانا بس صدقيني معظم الوقت كان تايه وانا كنت حاسه بكده بس ما كنتش اقدر اتكلم وكنت بقول يمكن عشان هو وحيد بس طلع لي عيله و خايف عليكم فعشان كده سابكم امانه عند جدو والعيله اما احنا كنا لوحدنا يعني بابا لو كان حصل له حاجه كنا هنتوه استغربت نغم الكلام وقالت لها يعني بابا بيحبني

ابتسمت لؤلؤه وقالت لها طبعا بيحبك انتي عارفه انه قال لماما ما تزعليش من نغم هي طيبه بس زعلانه ردت نغم بجد قالت لها طبعا ينفع بقى يا ستي نبقى اخوات واصحاب ابتسمت نغم وقالت لها طيب و لؤلؤه حضنتها تاني وبسيتها من خدها وقالت لها انا فرحانه قوي ابتسمت نغم وقالت انتي طيبه قوي يا لؤلؤه ردت عليها طبعا طالعه لاختي لازم اكون طيبه وابتسمت وقالت لؤلؤه لو حابه تحكي انا موجوده وهسمعك واقف جنبك كمان

ردت نغم انا تايهه ومش عارفه اعمل ايه ردت عليها طب احكي لي يمكن اقدر اساعدك واعتبري نفسك بتكلم المرايه يعني انا مش موجوده ابتسمت نغم وحكيت لها كل اللي حصل حتى كلام جوده و ردت لؤلؤه عايزه اقول لك على حاجه جوده شكله بيحبك فعلا ردت نغم انتي متاكده قالت لها طبعا يا بنتي ده باين في عيني وحركاته قالت نغم بس انا مش قادره اتقبل حد في حياتي دلوقتي

ردت لؤلؤه بس انا عايزه اقول لك انتى ما كنتيش بتحبي سيف ده كان مجرد اعجاب عشان انتي عاوزه كده لو كنت بتحبي فعلا كنت مستحيل هتسيبيه يخطب واحده ثانيه او انتي تتجوزي واحد غيره كنت هتموتي فيها فاهمه يعني ايه سكت نغم وهي بتدور الكلام في دماغها وشايفه ان لؤلؤه معاها حق وقالت لؤلؤه يلا يا ستي خلينا نروح نتغدى عشان نخرج بالليل مع ماجي احسن تقتلني ردت عليها روحي انتي يا لؤلؤه وانا هقعد شويه ردت عليا وانا مش ماشيه وقعدت جنبها

ونغم بصت لي البحر تاني وهي بتفكر في الكلام و بعد وقت دخلوا العيله الشاليه وجريت ايناس على باباها وهي بتعيط وقال يسري بقلق مالك يا حبيبتي في ايه ردت عليه مش عارفه يا بابا نغم خنقه مع ماما وسابت الشاليه وخرجت رد يسري ليه ايه اللي حصل قالت له انا مش عارفه انا كنت نايمه وصحيت على صوتهم العالي قال لها طيب وطلع التليفون عشان يتصل على نغم و شاف التليفون بيرن في ايد ايناس وقالت كوثر شكلها كده سابت التليفون

ردت شاديه منك لله يا صابرين دايما بتنكدي على العيال اتعصب يسري وقال عاجبك كده يا بابا هي دي اللي هتحافظ على عيالي دي بتفرقهم رد عليه اهدى يا ابني كل حاجه هتتحل ونزلت ماجي من فوق وهي بتضحك وقالت لهم في ايه يا جماعه ردت روان ما فيش يا ستي اصلي نغم خرجت معيطه و ردت ماجي اه ما انا نسيت اقول لكم ان لؤلؤه معاها وهيجوا كمان شويه الكل اتصدم وقال يسري بجد يا ماجي ردت عليه طبعا يا قلبي ماجي هضحك عليك في كلام زي ده

ردت شاديه طيب يا جماعه يلا نتغدى ولا لما تيجي نغم ابقى اتكلم معها يسري رد عليها حاضر والكل قعد على السفره وشويه ودخلت لؤلؤه وهي ماسكه ايد نغم وبيضحكوا والكل مصدوم من اللي بيحصل ويسري ابتسم وبص لبسمه اللي فرحت ومسك ايديها وقال الجد تعالي يا نغم عشان تتغدي ردت عليه حاضر يا جدو و قال يسري ممكن بقى تقعدي جنبي يا حبيبتي ابتسمت نغم وقعدت جنب يسري وبسمه بدات تحط الاكل قدام يسري ونغم وايناس ولؤلؤه وبرق وماجي ويسري مبسوط

اما صابرين كان شايفه كل ده وهي واقفه على السلم وطلعت على الاوضه وهي في نيتها تخلص على بسمه اما هاشم كان قاعد في الاوضه وقالوا تليفون وقال ايه يا ابني جبت المعلومات رد عليه طبعا يا باشا المدام هايدي النجار

كانت في دبي ومعاها واحد وعايشه معايا وخلفت ولد وعملت حادثه من كم شهر وماتت هي و نادر وكان معاها صاحبتها وكانت ايديها مكسوره وسابت الولد في المستشفى ورجعت على مصر والطفل راح دار رعايه عشان ما كانش معاه ورق يثبت شخصيته اتصدم هاشم بعد الكلام ده كله وقال له تمام هات لي كل المعلومات عن صاحبتها ديت واعرف لي هي فين

رد عليه حاضر يا باشا وقفل معاه وقام وقف وهو متعصب لو شك طلع صح والولد طلع ابن ابراهيم هنعمل ايه ربنا يستر ودخل الحمام اخذ دش ساقع وخرج بعد دقائق لابس هدومه ونزل ولقى العيله متجمعين ونغم قاعده جنب يسري وبتضحك وسابهم وخرج بره اما عند حازم وسام واسامه اختاروا البنت اللي هتعمل الاعلان واتصل جوده على صاحبه وطلب ان البنت تيجي رد عليه تمام البنت هتيجي لك الصبح رد جوده لا تيجي النهارده ويا ريت بسرعه

رد عليك حاضر يا سيدي واقفل معاه وقال حازم عايزين نظبط الدنيا ونشوف هنعمل ايه رد جوده والله الموضوع سهل بس انت اللي اللي شايل طاجن ستك رد حازم يا ابني افهم انا كنت مخلص 75% من الشغل وكان فاضل لي يوم وكل حاجه هتخلص بس بنت الكلب دي جت بوظت كل حاجه رد عليه ما انت عارف انها محروقه من ساعه ما انت خطبت رد حازم ما هي عبيطه يا فاكره الكلمتين الحلوين اللي بقولهم لاي واحده يبقى معناها اني بحبها انا عمري ما قلبي حد غير ايناس

ضحك جوده وقال له طيب يا سيدي يلا قوم روح ارتاح شويه رد حازم لا انا هاخد اوضه في الفندق انا مخنوق ومتضايق رد جوده طيب يا سيدي اما عند العيله قال سيف يلا يلا عشان نخرج ردت ايناس استنى يا سيف لما اتصل على حازم واتصلت عليه وبرده ما ردش وزعلت وقالت اخرجوا انتم انا هقعد ردت روان اللي انتي بتقوليه ده يلا يا بت خلينا نخرج ونتفسح بدل قاعده الكئيبه ديت وطلعوا البنات عشان يلبسوا

بعد وقت راحوا كافيه كلهم وكانوا قاعدين مبسوطين وطلبوا عصير وسيف كان قاعد جنب ريم بيتكلموا هو البنات مبسوطين وبيتكلموا وهاشم سرحان وتليفون ماجي رن برساله وفتحت التليفون وشافت الرساله ونزلت التليفون وبصيت حواليها و قالت انا رايحه الحمام يا لؤلؤه قالت لها طيب وهاشم كان شايف كل اللي بيحصل وقامت ماجي خرجت بره الكافيه وقابلت اسامه اللي قالت له عايز ايه رد عليها وحشتني قوي قالت له ده كان زمان المهم انت عايز ايه مني دلوقتي

قرب اسامه منها وهي بعدت قالت لو سمحت نتكلم من بعيد رد اسامه اللي انتي بتقوليه ده انا ابوكي ما ينفعش اللي انتي بتعمليه ده وماسك ايديها وشدها لحضنه وهي عينيها دمعت وكل ده تحت نظرات هاشم وقال انا غلطان اني كنت عايز اعتذر لك بس انتي فعلا واحده شمال وسابها ودخل جوه وقال لهم انا مروح قالت روان في ايه يا هاشم ما تقعد شويه قال لها لا تعبان يلا يا سيف يلا خلونا نمشي الكل وقف وقالت لؤلؤه طب يا جماعه ثواني بس ماجي ترجع

رد هاشم سيبيها هي هتعرف ترجع لوحدها اتعصبت لؤلؤه وقالت له ايه اللي انت بتقوله ده انا مستحيل اسيب صاحبتي هنا لوحدها قال لها براحتك يلا يا بنات وخرجت ايناس ونغم وروان وركب العربيه بتاعته ومشيوا وابراهيم كان واقف مستني وسيف قال ما تزعليش شكله في حاجه مضايقاه ردت لؤلؤه عادي ما فيش مشكله اما عند ماجي خرجت من حضن اسامه وبيقول لها مالك يا حبيبتي انتى مش عايزه تسمعيني ليه

وقفت ماجي تحاول تكون قويه وقالت له اخر مره تقرب مني بالطريقه دي تاني وانا قلت لك انت مش ابويا ولا عمرك هتكون ابويا بعد اللي انت عملته في امي وسابته ومشيت ودخلت جوه وهي بتمسح دموعها بايديها وقالت لؤلؤه مالك يا حبيبتي في ايه قالت لها انا كويسه يلا انا عايزه اروح وخرجوا ركبوا العربيه وهي كانت سرحانه وبصه من الشباك