رواية المغرورة و الأعمى الفصل الرابع عشر 14 - بقلم بسمة البياتي

لمغرورة-و-الأعمى-
(بقلم بسمة البياتي )
- بارت الثالث عشر  -

أيلول ... هجم عليه إياس أي مكان يلمسة بوجهي ينزل يبوسة بقسوة احاول ابعده عني ما أكدر لزم شفايفي بيدة ونزل باسهم  انكطع نفسي اختنكت وهو مستمر يبوسني اريد اوخرة مني لأزم  أيدي قووي
حسيت عيوني راح تطلع من مكانهم مبقة عندي طاقة اختنكت وهو ولا يحس ابتعد عني كمت اتنفس بقوة نزل ايده يريد يفتح البرنص لزمت البرنص قووي حتى لاينفتح
إياس كافي فدووووووووة الله عليك عوفني اتوسل بي واعيط وهو ولايسمعني
بهاي اللحظة عرفت خلص ماكو مهرب اليريدة راح يأخذة
بعد مقاومتة
بس من تأذيت عطت بعلو صوتي غرست أظافري بصدرة بقيت ابجي بهستريا بس اريدة يبتعد لكن لاحياة لمن تنادي

بعدها عافني وتمدد بصفي اني جنت مثل الجثة متحركت من مكاني وبس دموعي تنزل بقينا على هذا الوضع أكثر من نص ساعة

سمعت صوت حركتة من كام جنت منطيتة ظهري بعدها انفتح الباب عرفت راح للحمام

بقيت ابجي بشهكة كرهت نفسي وكرهت إياس حتى أهلي كرهتهم

ربع ساعة ورجع للغرفة واني على نفس وضعي

كعد على السرير فزيت من العصا مالتة طختني الظاهر يريد يتأكد اني بعدني بالغرفة لو لا

إياس... مراح اتكومين لو عجبتج الشغلة تريدين انكررها

إيلول ... من كالي هيج لا أراديا كمزت من مكاني وبتعدت من الجرياية بسرعة

إياس عرف بيه كمت من الصوت

إياس .. وهو مبتسم يلا طلعيلي ملابس

أيلول... بدون ما أحجي شي طلعتلة ملابسة وانطيته

إياس .. شنو مراح تساعديني حتى البسهم

أيلول ... ساعدتة واني كارها قربي منه

عفتة ورحت للحمام بقيت جوة الدوش ابجي بعدها قويت نفسي ومسحت دموعي لان اهلي هسه على جيه ما أريد يعرفون شي عن الي صار بيني وبين إياس
و صرت مصره أكثر من قبل على الطلاق

رجعت للغرفة شفت إياس نايم باوعت عليه بحقد لو بيدي اخلي ينام للأبد

واكفة امشط شعري سمعت صوت اهلي جوة

طلعت فرشة جديدة جيت وكفت يم إياس واني قرفانة منه

إياس كوم اريد اغير الفرشة

إياس .. مدتشوفيني نايم عوفيها هسه

إيلول ... غمضت عيوني اطلب الصبر من ربي

خلي اغيرها وبعدها ارجع نام اخاف البنات يدخلون للغرفة ويشوفوها

رفع راسة الظاهر فهم عليه

أياس.. ليش مراح تكولين الأهلج ؟؟

أيلول... على شنو اكوللهم هاي حياتي شلهم دخل بيها

شفتة تنفس براحة مبين جان منحرج يعرفون بهاي سوايتة
غيرت الفرشه واخذت الثانية اكو غسالة فوك رحت غسلتها

دقايق وفعلا صعدت ماري ودخلت حتى بدون متستأذن وكعدت تحجلي تفاصيل الحفلة واني بس اهز برأسي بمعنى اي وبالي اصلا مو يمها
إياس مخلي أيدة جوة رأسة مبين جان مركز على كلام ماري

ماري... لولة هاي ركبتج شبيها ليش حمرة

إيلول .. خرب ارتبكت ما أعرف شجاوبها

أباوع على إياس مبتسم

مابيها شي جنت نايمة وشعري صاير على ركبتي وتحسست منه

أخذت خافي عيوب وخليت منه شوية اختفت الأثار سحبت سحاب التراك الحد ركبتي حتى لايبين شي واخذت ماري ونزلت جوة

إياس... عيسى وابو قدر رادوني اروح وياهم للمشية تعذرت منهم وهما قدروا وضعي وملحوا عليه

من سمعت ايلول كالت ماأروح صرت اعصاب والشك اكل گلبي كلت هاي اكيد مقهورة عليه ومتريد تروح

راحوا بيت ابو قدر للخطوبة بقينا بس اني وهي جنت متمد على الجرباية سمعت صوت الباب عرفت هي بالغرفة
صحتها تجي يمي
من اجت جانت مرتبكة سحبتها عليه قووي وحجيت وياها بعصبيه
بنفس الوقت انسطرت من عطرها عرفت سابحة لان ريحة الشامبو والغسول قوية بيها

استفزتني بجوابها  سحبتها عليه وگلبتها للصفحة الثانية وصرت فوكاها
ما اعرف شصار بيه فقدت عليها  شهوتي المكبوتة صار سنين صحت بهذيج اللحظة صرت ما اسمع صوتها وهي تتوسل بيه اعوفها
بالبداية قاومتني وبعدين هدأت من اخذتها صرخت عرفت بيها متأذية بس مكدرت ابتعد عنها

من تركتها بقت جامدة بمكانيها ردت اسئلها اذا متأذية بس مكدرت خفت من ردت فعلها لان بعدني داسمع صوت بجيها
تندمت على السويتة لكن بعد فوات الاوان

من عرفتها مراح اتكول الاهلها ارتاحيت  محبيت يعرفون بيه اخذتها بالغصب

أيلول... نزلت اسوي عشى بقيت بالمطبخ وحدي
اجتي ماما شافتني حست بيه ضايجة

ماما... لولة شبيج اشو مو على بعضج

أيلول .. سلامتج ماما مبيه شي بس يمكن ماخذة برد لان اكثر الأوقات اطلع اكعد بالبلكونة والجو بارد

ماما... روحي ارتاحي وبان تكمل بدالج

فعلا مجان الي واهس اسوي شي عفت بان تكمل ورحت تمددت بغرفة البنات

اجتي ماما كعدتني حتى اتعشى سئلتني بشك انتي ليش نايمة اهنا؟

ايلول.. مابية حيل اصعد فوك
غرفة البنات قريبة جيت نمت بيها

ماما.. كومي تعشي حتى انطيج علاج

أيلول... ما أريد مو جوعانة

ماما... شنو السالفة انتي متريدين وإياس هم ميريد كوليلي بنتي انتوا متعاركين

ايلول... اووووو ماما شبيج على شنو نتعارك بس مريضة ونفسي متريد راح اصعد الغرفتي انام

صعدت .. فرشت فراشي وتمددت اتصلت عليه ود
عرفت هاي ماما دازتها حتى تعرف شبيه
وفعلا بقت تستجوبني جاوبتها نفس جوابي الماما وسديته

دخل إياس للغرفة راح تمدد على الجرباية

إياس.... أيلول انتي موجودة بالغرفة

أيلول... سكتت مجاوبتة

إياس ... أيلول اعرف انتي موجودة امج كالت ايلول مريضة وصعدت نامت شبيج شنو اليوجع ؟

أيلول... جاوبتة بنترة مابية شي هيج كلت الماما حتى لاظل تحقق وياي

أياس.. جريت نفس براحة خفت لا بيها شي
ايلول تعالي نامي يمي على الجرباية

أيلول.... هههههههه اشو انت عشت الدور وصدكتة لا عبالك هذا الصار بينا ممكن يربطني بيك انت من اول يوم خليت شروط وكلت فترة واطلكج واني دانتظر تمر مدة على زواجنا وكل واحد يروح الحالة ومستحيل اتراجع عن قراري
وبالمناسبة ترة انت جنت محرمني عليك يا متدين هه

إياس ... ماشي اذا تحبين من باجر اطلكج مو اني الذلني مرة

اما بالنسبة لليمين الي حلفتة اني مناسي واقرب وقت راح اسأل رجل دين

ايلول ..سكتت بعد مجاوبتة هو هم سكت

بعد الصار بيني وبين إياس علاقتنا توترت
هو رجع عصبي مثل بداية زواجنا ميتحمل مني كلمة ويصيح ويرزل بيه واني بالكوة متحملتة

ماما .. لولة صدك إياس راح يسافر يسوي عملية العينة ؟

أيلول.. باوعت عليها بستغراب منو كال هذا الكلام

ماما .. أبوج البارحة كال ليش إياس محاجيلج شي

أيلول... والله هستوني عرفت منج إياس بس يعرف يرزلني ويحجي عليه

ماما ... خطيه بنتي تحملي والله اني شوية تطفئ الكهرباء والبيت يصير ظلمة اختنك
الله يساعدة هو

أيلول.. زين بابا مكالج إياس شلون قبل يسافر ؟

ماما .. هو عندة صديق عايش بأنگلترا قبل فترة طالب من إياس يدزلة التقارير الطبية عن حالتة لان هناك أكو أحسن جراحين عيون

صديقة عارض التقارير على احسن جراح عيون اهناك كايلة سهلة العملية ونسبة نجاحها عاليه خلي يجي
بس رجلج الله يسلمة جان رفض يروح
البارحة إياس جان كاعد ويا ابوج وعيسى
كايللهم اريد اروح اسوي العملية وعيسى متصل على صديق إياس حتى يحجزلة يم الطبيب خطية الولد مقصر وكايللهم اني راح اسهلة امور السفر بس العملية اهناك مكلفة وتحتاج مبلغ جبير

هيثم وعيسى شجعوا يسويها وهو ما شاء الله عندة خير من الله لو يعرف يصرف كل فلوسة المهم يرجع يشوف ويمكن راح ياخذ عيسى ويا لان يحتاج شخص يرافقة

أيلول.. ههههههه كل هذا صاير واني اخر من يعلم  يلا المهم راح يسوي العمليه الله يسهل عليه ويكوم بسلامة  ان شاء الله

خلال شهر كملت كل اجراءات السفر
إياس أخذ ويا عيسى وسافروا

ود وراما اجوي بقوا يمنا خطية بابا هواية ديتعب هاي الفترة لأزم يشرف على المعرضين

بعد شهر من سفر إياس تحددت موعد العملية
وبيوم العملية البيت دخل انذار بابا حتى للشغل ماراح ومترك القرآن من أيده
ماما تصلي وتدعلية

كلنا جنا خايفين عليه لان خطية هاي فرصتة الوحيدة اذا فشلت العملية راح يبقة طول عمره أعمى

اكثر شي استغربت منة موقف بان جانت تبجي من كل گلبها

أيلول... شبيج بان ليش كل هاي الدموع ؟

بان .. مابية شي بس مقهورة عليه اذا لا سامح الله مرجع يشوف الله اليعلم شراح يصير بي

أيلول ... الله كريم تفائلي بالخير ودعيلة بدال هاي الدموع ان شاء الله تنجح العملية ويرجع يشوف أحسن من قبل

بقينا ننتظر اتصال عيسى بعد ساعات طويلة من الأنتظار اخيرا اتصل

أبو قدر ... الووو عيسى بشر شصار وشلونة إياس والله گلبنا نار علية

صدك تحجي الف الحمدلله الله يبشرك بالخير

نهى بابا الأتصال ونزل سجد بالكاع

بابا .. الحمدلله خلصت العملية والطبيب كايل العملية ناجحة بس بقة من يفتحون الضماد ويشوفون النتيجة النهائية

بقينا على تواصل ويا عيسى يومية يتصل يطمنا وبيوم الي شال الضماد اتصل فرحان كال الحمد إياس بده يشوف بس مو بصورة واضحة ويحتاج فترة وعلاج منتظم حتى يكدر  يستعيد نظرة بالكامل

طولت فترة علاج إياس اربع أشهر اخير شي سمحلة الطبيب بالرجوع

قبل لا يرجعون باربع أيام بابا راح جاب خروفين حتى يذبحهم  السلامة إياس من يوصل

اني رحت شكو ملابس عندي واغراض كلهن جمعتهن ونزلتهن الغرفة البنات

ماما... شنو اشدتسوين ؟

أيلول.. مثل ماتشوفين اني لهنا وخلص دوري اعتقد إياس بعد ميحتاجني

ماما...بنتي ليش ترفسين نعمتج بيدج قبل جانت حجتج اعمى هسه بعد شنو عذرج ولج والله الف وحدة تتمنى وانتي دتتبطرين عليه

أيلول .. ليش منو كالج اني مجنت اريدة لان أعمى هذا الكلام مو صح بس اني ما احبه موبيدي رجاءا انتي وبابا لاتدخلون هذا شي خاص بيني وبين إياس

ماما... اهااا هسه صرنا ملأزم ندخل ماشي ايلول انتي مو صغيرة سوي اليعجبج عقلج براسج تعرفين خلاصج

عافتني وراحت ود رادت تحجي اشرتلها تسكت

ثاني يوم الصبح نايمين سمعت صوت بان تبجي
خطية ود طفرت من مكانها عبالها عيسى وإياس بيهم شي

دخلت ماما هم تسال شبيها بان حتى الخط عافها وراح

كمت من فراشي رحت يمها نسئلها شبيج مجاوب والدموع عبالك شلال
يبوووو حتى بابا اجة من سمع صوت بجيبها
ورة وين يلا حجت

بان .... بدلت داروح للدوام سمعت صوت هورن سيارة رحت بسرعة عبالي اجة الخط
فتحت الباب وطلعت بره باوعت شفتها غير سيارة مو الخط دأرجع للبيت اشو الخروف بسرعة طلع برة يركض
خفت لاينهزم ركضت ورة وصل مسافة بعد بيت عن بيتنا وجان يوكف بوسط الشارع
صح اخاف منه بس كلت لازم الزمة وارجعة
لزمتة من الصوف مالتة اريدة يتحرك اشو هذا واكف ميقبل يمشي
اخير شي صرت كدامة قويت نفسي ولزمتة من كرونه وبقيت اسحل بي وهو بعدة معاند
انداريت وجان اشوف سيارة الخط واكفة وابو الخط والبنات ميتين ضحك عليه

خلت ايدها على وجهة ورجعت تبجي

ههههههههههه ود وماما واني متنا ضحك مجرد اتخيل منظرها بوسط الشارع وهي لازمة كرون الخروف وتسحل بيه اشبع ضحك

بابا وجهة صار احمر بالكوة كاتم ضحكتة

بابا.. كافي بجي باباتي اذا الخروف انهزم عادي فدوة الج

بان .. بشهكة لا بابا ابو الخط نزل من السيارة ودخل الخروف للبيت

بابا عافها وطلع لان بالكوة لازم روحة حتى ميضحك

بان .. انفضحت هسه بنات الخط يحجون الكل صديقاتهم

ايلول ... احمدي ربج البلبل نايمة لو تسمع تنشرج يم كل العشيرة ههههههههه

بان .. عزااااا الله عليكم لاتحجولها

العصر اجتي ود اكولج لولة اريد اروح للصالون تجين وياي ؟

أيلول .. لا مالي خلك اخذي بان وروحي

ود ... الخاطري لولة تعالي وياي

بقت تتوسل بيه اخير شي وافقت

رحنا للصالون ود حفت وصبغت شعرها وسوت تنظيف البشرتها طلعت تجنن

ود..لولة مغيرتي رايج لج هاي فرصة تعالي انتي هم صبغي وحفي

سوتلي واهس وافقت
هم صبغت بس نفس اللون القديم سلفر لان احبه وستلمتني حف وتنظيف
ود من شافتني كالت إياس اذا شافج يتخبل

أيلول... اهوووو ترة اني مسويت كل هذا علمود إياس هذا الشي النفسي

ود.. اوك فتهمت شبيج كبيتي عليه

ثاني يوم باليل فرشنا نريد نام لان باجر الفجر يوصلون
وبابا عزم كل اصدقاء إياس وكرايبنا على الغدة

قدر وبيت خالتي منى من اليوم أجونا

غمضت أريد انام حجت بان

بان.... لولة إياس باجر اذا شافج راح يتخبل عليج انتي احلى وحدة بينا

أيلول... شدعوة على شنو يتخبل وثاني شي ليش تكولين احلى منكم ترة انتوا وحده احلى من الثانية

سارة ... لا لولة صح كلام بان انتي احلى

أيلول ...عجيب امركم ليش هيجي تحجون ترة كل وحدة الها جمالها الخاص خلوا ثقتكم بنفسكم جبيرة ولاظلون تكولون فلانة أحلى علانة احلى
وكافي كلام خلي انام باجر ورانة كعدة من الصبح ودك شغل

الصبح ساعة ثمانية اجتي ماما كعدتنا

ماما يلا بنات كعدوا مظل وكت

منى .لج ايلول رجلج من الفجر أجة وانتي نايمة

أيلول.. اووي خالة شسويلة والله نعسانة بناتج وبنات مياسة للصبح يحجون يم رأسي

البنات كلها راحوا يتريكون بقيت اني وحدي بالغرفة مدري شبية مرتبكة ما اريد اشوفة

اجت ماري

أيلول.. ماري إياس وين؟

ماري ...ماما كالت هو وعيسى جانوا تعبانين راحوا ناموا

أيلول أي احسن
طلعت تريكت ويا البنات بالكوة اكلت كم لكمة خلصنا ريوك
وستلمنة الشغل تنظيف وطبخ وللساعة 11 واحنا مخبوصين
  خوالي وخالاتي بدو يجون

واكفين كلنا البنات بالمطبخ جان أسمع صوت إياس....... .

يتبع..