رواية المغرورة و الأعمى الفصل السابع 7 - بقلم بسمة البياتي

-المغرورة-و-الأعمى-
(بقلم بسمة البياتي )
- بارت السادس -

أيلول.. من سمعت كلمة مستشفى جميع الأفكارة السودة اجت براسي

.حجيت بخوف فدوة عيسى لاتكذب عليه بابا خوما بي شي

عيسى .. لا يابة وربي عمي مبي شي لاتخافين

بس..

..بس شنو احجي ؟

عيسى ..  كمل كلامة بنكسار إياس سوى حادث وهسه هو بالعناية المركزة حالتة حرجة

أيلول .. صح اطمنت لأن بابا وعيسى مبيهم شي بس انقهرت على إياس خطية ميستاهل

عيسى .. يلا اني رايح وبعد لاتتصلون  المستشفى مكلوبة ناس رايحة وناس جاية لان صديق إياس هم جان ويا بوقت الحادث وهم حالتة خطرة.
سديتة من عيسى

.. اووف هسه اذا اكول الماما راح تنقهر هواية تحب إياس

طلعت شفت ماما بالحديقة كاعدة تنتظر بابا وخطية شابعة بجي والبنات يمها

ايلول... ماما طمئني بابا الحمد لله مبي شي

..كامت بسرعة اجت عليه

ماما .. صدك شلون عرفتي منو كالج ابوج جاوبج

... على كيفج اهدئي

اتصلت بعيسى وجاوبني بابا ويا بس مشغولين وميكدرون يجاوبون

ماما بشك وشنو هذا الشغل بهذا الوقت

أيلول .. ارتبكت بس لأزم اكوللها
موو خطية إياس مسوي حادث وهسه هو بالمستشفى

ماما لطمت على صدرها عزاا ولج احجي خوما متأذي

أيلول .. لا بس رايح يسلم على الأطباء ويتفقد احوال المرضى

ماما.... ايلوووووووول هسه وكت تصنيفج البايخ

... والله صوجج انتي سؤالج غريب واحد مسوي حادث وبالمستشفى و وانتي تكوليلي خوما متأذي

...ايلوووووووول روحي من كبالي محد راح يجيب أجلي غيرج

...أوووي رايحة خير تعمل شر تلكة فوك مجاية اطمنج على حبيبج صارلج ساعتين خبصتينا والدموع تنزل عشرة عشرة
وهسه صرت اني المسكينة الفقيرة راح اجيب أجلج صدوك لو كالوها الدنيا حظوظ واني حظي ما أدري بيا طينة نايم

ماما.... ولكم اخذووووووووها من كبالي راح ابتلي بيها اكولج شي ابقي اني ادخل راح تسوين بيه ضغط

عافتني وراحت ههههه موبيدي احب اضوجها اني وياها دائما هيجي بس للأمانة روحي بيها وروحها بيه فديتها كعدت يم بان وماري بالمرجوحة  اندريت على بان اشو هاي بعدها تبجي

أيلول.. بان ترة بابا الحمد لله مبي شي شكو تبجين

بان.. لا لا اني مد ابجي على بابا

..لعد شبيج ؟

بان .. انقهرت على إياس خطية

...الله يشافي ويكومة بسلامة ادعيلة بدال متبجين مثل البومة بيش طالبة الرجال من هسة ناصبتلة  عزا
بعدين هو انتي وين تعرفي اشو هو من جان يجي ولا وحدة بينا تطلع كدامة

بان .. اي ادري بس والله مو بيدي انقهر بسرعة

...اكول بنونة انطيني مناسبة وحدة انتي متبجين بيها الله عليج بس مناسبة وحدة انطيني  يا امي خلي دموعج غالية تنزل وقت الحاجة مو مسويتهم سبيل للرايح و الجاي ..

صيري مثل هاي اختج واشرت على ماري شوفيها بيدها الأيباد وفاصلة عن الدنيا  وهسه الله اليعلم الكم وحدة من صديقاتها نشرت الخبر ..

ماري... شنو قصدج اني انقل اخبار لو فتانة

ايلول .. لا حشاج حبيبتي اصلا انتي بير اسرار بس مع الأسف بير مفتوح ويروي  الرايح والجاي

بان ... اوووي اروح يم ماما احسن

ماري .. اني هم اجي وياج

ايلول .. هزيت ايدي وضحكت خرررب هججتهم

صارت ساعة 3 الفجر جنت متمددة يم ماما بس اني وياها كاعدات البنات ناموا من زمان 
سمعنا صوت سيارة بابا راحت ماما فتحتلة الباب
خطية جان كولش تعبان ومبين علية القهر حتى عيونة حمر
ماما سالتة على وضع إياس ...

بابا.. والله الحد هسه بعده مصاحي الضربة جاية على راسة

ماما..هو  شلون سوى الحادث ؟

.. والله ما اعرف لأن هو وصديقة بعدهم مصاحين حتى يكولون شلون
هما جانوا بأربيل
ومن ديرجعون الكركوك قريب مديوصلون صاير الحادث بس العرفتة صديقة جان يسوق مو هو .

اني جنت ويا أصدقائي و عيسى أتصل عليه
و بلغني

يلا اني راح انام شوية حتى من الصبح أرجع للمستشفى خطية عيسى بقة هناك حتى من اروح هو يروح لبيته شوية يرتاح

ثاني يوم بابا من الصبح رجع للمستشفى

يومين بقة إياس فاقد وبعدها الحمد لله حالتة استقرت وصحى ...

بس للاسف من فتح عينة مكدر يشوف شي وتهستر وحالتة ادهورت
والأطباء انخبصوا بي بابا وعيسى ابد متركو بقوا ويا واقترحوا علية ينقلوا مستشفى بأبيل

وفعلآ ثاني يوم اخذوا الأربيل بابا راح ويا
وهم رجعوا سولة فحوصات وتضح صاير نزيف بعينة
وجان ياطبيب ياخذوا اله يكولهم كلام شكل
اخير شي تعب ورجع الكركوك

وقرر يدز تقاريرة الأكثر من مستشفى بتركيا وايران والهند
وهم جوابهم جان أبد مو مريح كل طبيب يقترح شي واكثرهم يكولون لأزم يسولة عمليه

بابا وعيسى شجعوا حتى يسافر يسوي العملية
لكن إياس جان محبط ويائس رفض يسويها كال ابقة هيج ما أريد يشوهون عيني والنتيجة ممصمونة 

أبو قدر .. زين انت شلون راح تكدر ادبر امورك وحدك بهذا البيت اجبير ولاتنسى شغلك هم محتاجك توكل على الله وسوي العملية انت مخسران شي

إياس .. ممرتاح للعملية وانت شفت بنفسك نتيجتها مو اكيدة يعني احتمال جبير تفشل ما اريد يصير عندي امل وبعدين تفشل العملية خليني هيج احسن واذا على الشغل انت وعيسى موجودين وصرتوا تعرفون كلشي عنه
اما بخصوصي شلون ادبر امري عادي بلكي تلكيلي حدة تجي تنظف وتطبخ واموري الخاصة اني اهتم بيها ترة اني مو عاجز

أبو قدر . شلون كلام هذا صح انت الحمد لله بصحتك بس هم راح تحتاج مساعدة وثاني شي اني شلون اطمئن اجيبلك وحدة غريبة يمكن تطلع تسرقك لو تطلع بعصابة وتدري بالوضع مو زين

إياس.. دنك رأسة والله ما أدري شسوي عوفني الي الله مينساني وأنت وعيسى مقصرتوا
هذا عيسى عايف بيتة وباقي يمي خطية ما اريد اتعبكم اكثر شوف بهاي شدتي اشكد عندي اصدقاء محد وكفلي يجون خطار ربع ساعة ويروحون

أبو قدر .. كافي لاتكمل احنا اخوة وحتى لو انت تطردنة هم مراح نعوفك
تعال البيتي اني وام قدر وبناتي نخليك بعيونة

إياس .. الله يجعل بيتك عامر بس والله مترهم صعبه خليني هيج مرتاح

أبو قدر.. رجعت للبيت واني هموم الدنيا فوك رأسي حالة إياس كاسرة ظهري ما اعرف شلون أساعدة بقيت طول الليل افكر بحل واخير شي قررت
اي ماكو غير هذا الحل لأزم ابدي بتنفيذة
ثاني يوم الصبح دنتريك اني ومياسة

...اليوم أريدج تحظرين الغدة من وكت حتى من ارجع اخذة الببت إياس ونتغدة اني ويا
ومن أرجع عندي موضوع مهم أريد احجي وياج بي

مياسة... خير هيثم شنو الموضوع؟

هيثم .. ههههههه يعني غلستي على سالفة الغدة وركزتي على الموضوع
مبين نعديتي الفضول من بناتج

مياسة.. اووو يكلمة ردي المكانج بطلت بعد ماسئل شي والغدة من تجي تلكي حاضر
تدلل انت وإياس

هيثم ... جريت أيدها وبستها الله لايحرمني منج جاي اشاقة وياج عمري بس هسه مستعجل ما اكدر احجي وثاني شي الموضوع حساس يرادلة كعدة طويلة

مياسة .. والله يا هيثم قلقتني

هيثم ... لاتقلقين ماكو شي ان شاء الله خير

.
.رحت للمعرض خلصت الشغل العندي ورجعت للببت اخذت الغدة ورحت تغديت ويا أياس

عيسى خطية يومية يبات يمه
بعدها رجعت للمعرض وللمغرب يلا رجعت للببت تعشيت من خلصت اشرت المياسة تجيب الشاي وتجي للغرفة
جابتة واجت كعدت يمي أخذتة وبديت اشربه واني  حاير شلون راح افاتحها بالموضوع

مياسة .. اي هيثم مكتلي شنو هو الموضوع الردتني بي

هيثم.ههههه بعدج مناسية شوفي مياسة قبل لاتنطيني اي جواب اريدج تسمعيني للأخير

مياسة .. دحجي عاد مو الفضول كتلني

هيثم .. انتي دتشوفين وضع أياس وشلون صايرة حالتة وهذا عيسى هم تعب ويا خطية عايف بيتة وزوجتة وبنتة وباقي يمه والظاهر سالفة إياس مطولة خوما نبقة رايحين جايين عليه وهو ديتحسس وينقهر لان ديحس بنفسة صار حمل ثقيل علينة لهذا اني فكرت وقررت ..

مياسة .. بفضول ليش سكتت كول شقررت

هيثم.. فركت وجهي بيدي وحجيت بداخلي والله صعبه عليه بس ماكو غير حل ..
كملت كلامي قرررت ازوج أيلول الإياس

مياسة بصدمة شنووووووووو......

لاعفية هيثم لاتكولها شلون ازوج أيلول الإياس
انت تدري بيها مستحيل توافق اجوها كوومه خطابة وجانت اطلع بيهم الف عيب وميعجبوها شباب المعهد كتلوا روحهم عليها ويومية واحد جاي يخطبها وهي ترفض تالي تأخذ واحد اعمى استغفر الله ربي

هيثم .. شبيج مياسة شنو نسيتي وكفات إياس ويانة لو ما هو يمكن جان احنى هسه بالشارع

مياسة واني مناكرة وهذا جميلة على عيني و على راسي بس مو معناها انطي بنتي ثاني شي لو حتى اني ارضي تعتقد بنتك المغرورة راح ترضى؟؟

هيثم .. لأزم ترضى مو انتي جنتي تريدها بس تزوج

... اي طبعآ اريدها تزوج بس مو بهاي الطريقة ..

هيثم .. زين سؤال إياس قبل الحادث لو متقدم الأيلول جنتي راح توافقين لو ترفضين ؟

.. اكيد اوافق

هيثم .. لعد هسه شنو الفرق.؟ 

مياسة .. يعني متعرف شنو الفرق

... قصدج لان اعمى اذا على هذا الشي اذا سوا عملية أحتمال كبير راح يرجع يفتح

مياسة .. شوف انت كلتها احتمال مو اكيد على العموم اني راح افاتح أيلول بالموضوع وأشوف جوابها
زين إياس يعرف بهذا شي ؟؟

هيثم .. لا كلت اخذ موافقة أيلول أول شي بعدين افاتحة بالموضوع ..

... سودة عليه بنتي هاي وين جانتلها و فوكاها انت تكوله اخذ بنتي

هيثم .. كافي لاتبجين اني مراح اجبرها وصدكيني  هاي خوش قسمة  إيلول اذا ازوجتة راح تنسعد وياا اني لوما عندي ثقة بإياس مجان انطيتة قطعة من قلبي

.... مياسة وهي تمسح دموعها هذا هو الله يقدم الي بي خير الهم

ثاني يوم أيلول كاعدة بالغرفة بيدي الموبايل اتصفح اجت ماما كعدت يمي

مياسة .. اكول بنتي لولة

أيلول رفعت رأسي صار بيها لولة خير ياربي ولو اعرف  ورا هاي المقدمة كارثة

ماما... بعدني محاجية ستلمتيني ادري هذا لسان لو رشاشة

أيلول ...لا مدفع رمضان

ماما... اللهم طولج ياروح راح تخليني احجي لو اكوم اولي

ايلول .. اباوع على ماما كولش مرتبكة مو من عوايدها
احجي ماما شنو الموضوع

ماما... وهي تفرك بأيدها بصراحة أبوج يريد

... اي كملي شيريد

ماما ... يريد يزوجج الإياس ....