رواية المغرورة و الأعمى الفصل الثامن 8 - بقلم بسمة البياتي

المغرورة-و-الأعمى-
(بقلم بسمة البياتي )
- بارت السابع -

أيلول ... اني صافنة على كلام ماما وفاتحة حلكي خليت ايدي بأذني وفركتها....

ماما... شبيج ايلول اشدتسوين .

..ما أدري أذني شبيها اشو كمت اسمع اعوج

..ليش شسمعتي ؟

ايلول... سمعت تكولين اني ازوج إياس هههههه يمكن أذني عطلت

ماما... لزمتني قوي من كتفي وهزتني ايلول شبيج تخبلتي شنو هلضحك

....أيلول من حجت حسيتها مدتشاقة والسمعتة صح انتفضت من مكاني بسرعة وكفت صيحت بصوت
هاي تاليها ماماااااااااااا بس علمود ازوج تنطيني الواااااااااااحد اعمى انتي ليش تكرهيني الهاي الدرجة كمت الطم على خدودي

اجت ماما بسرعة حضنتني وتبجي واني ادفع بيها عووووووفيني ما أريد تلزميني والله حرام عليج اني بنتج مو بنت ضرتج

ماما... وهي تبجي كافي بنتي والله مو اني هذا ابوج لاتخافين محد يجبرج والله لو اعرف أطلق منه ما اخلي ينطيج غصب

ايلول ... سكتت وبقيت أسمعها معقولة بابا يريد ينطيني (أحجي بداخلي )

من هديت ماما عافتني وطلعت بقيت بفراشي ابد مطلعت من الغرفة ما اريد أشوف بابا مقهورة منه
خواتي جانوا يجيبولي الأكل واني اصلا مالي نفس اكل شي

لليل ماما بلغت رفضي البابا وهو سكت محجة شي بس الغريب بالموضوع اول مرة بابا ميستفقدني وعادي عندة ميشوفني طول النهار الظاهر رفضي معجبة

تقريبا ساعة تسعة بالليل اهلي كاعدين بالهول واني بالغرفة متمددة بفراشي

أجتي البلبل الفتان تركض ولج ايلول لحكي

... اني بفزع شكوو
اجت كعدت على حافة السرير وحجت

ماري... جنا كاعدين كلنا وبابا اليوم ضايج 
لان انتي رفضتي
بان راحت على بابا وكالتلة

ايلول .   بملل اي وتالي

بان ..بابا حبيبي انت ليش ضايج اليوم

بابا.. مضايج بنتي بس شوية تعبان

بان... بابا ايلول اذا متقبل تزوج أياس اني ازوجة

أيلول ... بصدمة شنووووو هاي اكيد تخبلت اي كملي

ماما صرخت على بان

ماما .. ولج بان تسكتين لا اجي اشك حلكج

بان برطمت تريد تبجي وسكتت

بابا... مياسة معليج انتي خلي بان تحجي

بنونة كملي كلامج
بان وهي تباوع على ماما الي جانت تخزر بيها جان تبقة ساكتة تخاف تحجي

بابا.. بان كتلج معليج بأمج مراح تسويلج شي احجي

بان .. بتردد والله بابا اني نقهرت على إياس خطية  معندة احد وانت هم دأشوفك مقهور عليه لهذا اني قبلت ازوجة

بابا... بس بنتي شلون ودراستج  مبقة شي للدوام وانتي هالسنة سادس لازم اطلعين معدل حتى تصيرين مهندسة مو هذا حلمج

بان .. دنكت راسها عادي بابا مراح ادوم هاي السنة اخليها على السنة الجاية اذا الله راد

بابا .. باس راس بان وحضنها فديتج باباتي اشكد قلبج طيب وحنينة

ماما تعصبت وظلت تحجي وتعاركت ويا بابا اتكولة انت بهذا تفكيرك راح ادمر بناتي ظلت تبجي وراحت الغرفتها

بان .. بابا حبيبي انت اليوم ليش مسألت على ايلول ترة والله هي خطية لاتزعل منها

..اني اسمع كلام ماري ومصدومه معقولة بان هيجي تفكر تضحي بمستقبلها علمود تزوج واحد اعمى هاي اخاف تحبه لان هذاك اليوم هواية بجت عليه

أيلول.. باوعت على ماري هسه بان وين ؟

ماري .. عفتها كاعدة ويا بابا واني اجيت احجيلج

.. هاي اول مرة ما ارزل ماري لان نقلتلي كلام

دخلت بان للغرفة اباوع عليها مبين عليها مقهورة جانت كتبها مطشرة على جربايتها
اجت لمتهم وراحت تريد تشيلهم

هي هاي العطلة كلها كضتها قرآية تريد من يبدي الدوام تكون ضابطة المواد وبان اشطر وحدة بينا 

رحت يمها سحبتها من ايدها وكعدتها على الجرباية وكعدت بصفها

ايلول... بنونة شنو هذا الكلام السمعته صدوك تريدين تزوجين إياس ؟

بان .. وهي خانكتها العبرة اي صدوك

ايلول ... اول مرة اشوف بان بالكوة لأزمة روحها حتى متبجي
كوليلي بان انتي تحبين إياس

...باوعت عليه وهي مصدومة بسرعة لا والله اصلا اني وين اعرفة حتى احبه طول الوقت ملتهية بالدراسة

.لعد ليش وافقتي تزوجي وتضحين بمستقبلج !

بان ... علمود بابا مشفتي اشكد مقهور على صديقة بابا عمرة مطلب منه شي وهاي اول مرة يطلب

ايلول .. هذا مو طلب هذا زواج بان إياس اكبر منج ب 20 سنة  لو مزوج بنتة بعمرج

...ادري بس هم يعتبر طلب هو مفديوم قصر ويانة بشي كضة عمرة كلة يشتغل ويتعب حتى يوفر طلباتنا حتى من يتمرض ميكوللنا ويطلع يشتغل هو لو يفكر بنفسة ومصلحتة جان من زمان راح ازوج حتى يصيرلة ولد يساعدة ويشيل الحمل عنه بكبرتة

..أسمع بان واني ممصدكة هاي الكدامي عمرها 17 سنة تفكيرها اكبر من عمرها
جريتها الحضني وهي انفجرت بالبجي
رفعت راسها بيدي ومسحت دموعها

ايلول... رجعي كتبج المكانهم وأرجعي أقري ولا تفكرين بالزواج رادت تحجي خليت ايدي على حلكها

معليج انتي اني راح احل كولشي هزت راسها بالموافقة عفتها وكمت

رحت كعدت بالمكان الوحيد الي ارتاح بي كدام مرآيتي باوعت على  نفسي تلمست وجهي بيدي وغمضت عيني

راح احجيلكم شنو قصتي ويا المرآيا ..

من اني طفلة احب اوكف كدام المرآيا واحد اذا ضيعني يلكيني كدامها
ماما اذا منعتني جنت ابقة ابجي شلون الطفل من يضيع امه
وجان ياهو الي يشوفني واكفة كدامها يكول هاي مغرورة بجمالها ومن طفولتي صار لقبي المغرورة
رغم اني بعبدة جدا عن الغرور ما اعتقد اي مرة تباهيت بشكلي كدام احد

كبرت واني حبي يزيد للمرآيا مينقص
وجانت هاي عقدة ماما خصوصا من جانوا يجوني خطابة وارفض الموضوع زاد عن حده وماما صارت تتضايق من رفضي

داومت معهد هواية شباب وأساتذة انعجبوا بيه واكو بيهم صارحوني واني كان جوابي هو الرفض

اخير شي ماما بدت اتكول هذا رفضج كولة بسبب المرآيا جابتلج النحس

وبيوم اجت خالتي البيتنا وخالتي تعرف قصتي لان ماما دئما تشكيلها من هذا وضعي وتصرفاتي

خالتي منى .. اكول مياسة اليوم جارتي دلتني على شلون سيد الناس من جوة ايدة تشفى

لأن بنتها هم جانت قسمتها مربوطة واخذتها اله وهسه البنية مخطوبة شتكولين لو ناخذ ايلول اله اني اخذت عنوانه

مياسة .. بفرح اي الله وايدج ياريت من يجي هيثم اكولة واحاول اقنع هاي البلوه العندي بلكي توافق تجي ويانة

وفعلا من أجة بابا بالكوة قبل تأخذني ..
ومن اجت كالتلي تخبلت ورفضت اروح

وهي مقصرت بقت زن زن زن اخير شي بس اريد اخلص من ملحتها الزايدة وافقت وأخذوني هي وخالتي للسيد

أيلول .. ماما وخالتي اخذوني البيت مسوي مثل المقام دخلت المكان مثل الربعة اباوع اشكال والوان الناس نساء و زلم من كل الأعمار  وبصف الربعة اكو غرفة صغيرة بابها مفتوح على الربعة والسيد كاعد بيها يرقي الناس حتى باب بالغرفة ماكو مبين يعجبة يسوي دعاية النفسة حتى الناس يشوفوا شلون يقرأ بالكوة لكينا مكان كعدنا

اباوع على الناس اكو بيهم الي فعلا تعبانين واكو الي عينهم زايغة بس يبصبصون

يربي شراح يجيب سرانة وبقينا ننتظر اكثر من ساعتين الحد ما اجة سرانا كمت واني متكسرة من الكعدة دخلت الغرفة السيد وماما وخالتي وياي
باوعت عليه تقريبا بعمر بابا بس مهتم بنفسة لحيتة شوية طويلة ولأبس ملابس مال شيوخ

بس أبد محبيت نظراتة الي
رحب بينا وكعدنا وبدت ست مياسة تشرحلة حالتي وخالتي تشاركها
بختصار وحدة ترفع والثانية تكبس وهو مشال عينة مني

سألني كولي اختي بشنو تحسين
.رفعت راسي عليه وحجيت بداخلي عمى حتى عمى بكد ابوية ويكولي اختي

جاوبتة بنفاذ صبر
مو انت سيد لأزم انت تعرف شبية مو جاي تسالني اجتني كرصة ثلاثية الأبعاد من خالتي

هو تفشل وضحك كال وليش متعصبة انتي شنو اسمج ؟

ماما جاوبت بدالي اسمها أيلول..

السيد .. عاشت الأسامي اسمج حلو مثلج

اني صدوك نفسي لعبت منه ..

السيد . تعالي ايلول اقتربي حتى اقرأ عليج راد يخلي ايدة على راسي اني بتعدت

ايلول ... هوووب هوووب وين ماد ايدك
ماما وخالتي بس يريدوني اسكت

السيد .. عوفوها هاي مو  هي دتحجي

ماما وخالتي . بخوف لعد منو ؟

السيد هذا الجني الساكن بيها بنتكم عدها مس عاشق
اني .. بس صافنة وفاتحة حلكي

ماما وخالتي يتراجفن من الخوف

السيد .. خلى عودة طويلة على راسي وبدة يقرأ  جان فجأة يصرخ ويكول حيييييي
ماما وخالتي كمزن من مكانهن من الفزة ههههه

السيد ..احجي انت منو وشنو اسمك اقسمت عليك لازم تحجي.

....اني روحي طكت  وجان اذكر اسم عادل امام  بفلم رسالة الى الوالي قبل يومين جنت اتفرج علية

.. جاوبتة اسمي حرفوش ههههه السيد بقة صافن
وماما وخالتي شوية وينجلطن

السيد .. ليش دخلت بجسدها شتريد منها

ايلول... ضجت من عالمنة وكلت اجي سياحة العالمكم هم شوية اتونس واغير جوو

السيد .. جاي تحشش ياملعون

اكو عباية بصفة كال الخالتي غطيها بيها
اجت بالكوة غطتني
حسيت ايدة من جوة العباية مشت ع كتفي وراد ينزلها الصدري لزمتة وغرست اظافري بيدة حسيت اللحم اجة باظفري شمرت العباية وكمت
لك ياناقص يادجال يا عديم الشرررررررف
اليوم أشرب من دمك يا عار

كولها اجت تتفرج من سمعوا صوتي

أيلول ..العودة بعدها بصفة لزمتها وبكل قوتي ضربتة على ظهرة وهو يصيح هاي البنية مخبلة طلعوها بررررررررة

وجان اضربة مرة ثانية بالعودة على راسة شويه ويفقد الذاكرة من قوة الضربة

ماما وخالتي سحلوني سحل حتى يطلعوني شفت الزلم واكفين يتفرجون جان اعيط بيهم

ولكم انتوا هم تنحسبون على الزلم جايبين نسوانكم يم هذا العار كرت عينكم

خالتي كامت تلطم بس تريدني اطلع وبالكوة سحبوني وطلعت
  امشي بالشارع واني افور
وماما وخالتي يدردمون عليه

منى ..مياسة نصيحة هاي لاتفكرين تزوجيها ولج خلال يومين يمكن تموت زوجها ولج عيني بنتج مسترجلة ضربت رجال بكد ابوها

رجعنا للبيت بابا جان موجود

ماما وخالتي حجوا البابا على تصرفي هذا

بابا .. ليش هيجي سويتي

..جنت مستحية من بابا بس كتلة يستاهل هذا واحد ناقص

بابا ... كام من مكانة واجة عليه وباس راسي عاشت ايدج هاي بنتي ايلول الي اعرفها

شفت الفخر بعيون بابا

ماما .. هيثم هاي من كل عقلك بدال متحجي عليها جاي تشجعها

بابا... لوما جانت ايلول ضاربتة جان هسه اني رحت كسرتة وبعد احذرج تأخذين ايلول او اي وحدة من البنات الهيجي أماكن ...

صحيت من شرودي ورحت لفراشي تمددت اشكد حاولت انام مكدرت
صار الصبح واني بعدني كاعدة

سمعت صوت طكطة برة الغرفة هاي اكيد ماما كعدت
كمت من فراشي بكسل وخمول وتوجهت للمطبخ

..صباح الخير ماما

ندارت علية شفت عيونها حمرة ومنفوخة الظاهر هي هم منامت وبقت طول الليل تبجي

ماما.. صباح النور حبيبتي

هاي المرة مو مثل كل يوم لا اني الي نفس اشاقيها واضوجها ولا هي عدها مزاج تسئلني شعجب كاعدة من وكت

درت وجهي ومشيت الحد باب المطبخ وبدون ما ادير راسي عليها كتلها

...ماما بلغي بابا اني موافقة ازوج إياس  سمعت شهكتها عفتها ورجعت لفراشي وغطيت رأسي

سمعت صوت الباب انفتحت عرفتها هاي ماما اجت كعدت يمي على السرير ورفعت البطانية من راسي
سحبتني من ايدي وكعدتني وهي غاصة بالبجي

ماما... بصوت مخنوك لبش هيجي تسوون بيه والله مادام اني موجودة محد يكدر يجبركم على شي

ايلول .. لا ماما تعرفين بيه محد يكدر يجبرني اني وافقت بأردتي

...حضنتي قووي وصارت تشهك وتبجي متحملت غصب عني دموعي نزلت

...بعدت راسي من حضنها ومسحت دموعي

ماما . كوون ميتة ولا اشوف دموعج تنزل طول عمرج قووية ودموعج غالية

ايلول... أسم الله عليج ياروحي لزمت ايدها وبستها كتلها بس بحضنج ارجع طفلة ضعيفة تستمد قوتها منج
بان سمعت صوتنا كعدت من النوم 
بان بخوف شبيكم ليش تبجون

ماما  . ابلول وافقت تزوج إياس

بان اجت حضنتني فدوة العمرج لولة لاتبجين بابا يكول إياس حباب وان شاء الله يرجع يفتح وتصيرين تحبي...

ماري رفعت راسها من المخدة حجت وهي بالكوة فاتحة عينها منو راح يزوج

بان.. ايلول راح تتزوج إياس

ضربت بان على كتفها ولج ليش حجيتي هسه متبقي احد متكولة

ماما... باوعت عليه وجرت حسرة هذا قرارج النهائي حتى ابلغة الأبوج

ايلول .. جريت نفس عميق اي ماما بس بداخلي اصرخ واكول ما أريدة الخاطر بابا وبان وافقت وبيدي وقعت على تعاستي...........