رواية المغرورة و الأعمى الفصل السادس 6 - بقلم بسمة البياتي

-المغرورة-و-الأعمى -
( بقلم بسمة البياتي )
- بارت الخامس -

أيلول .. جنت شايطة من الغضب دخلت بيت اهل عيسى فتت من باب المطبخ صارت كدامي ام عيسى شافتني بقت ترحب بيه واني اصلا بالي مو يمها اباوع بعيني ادور مها

خالة وين بنتج
أم عيسى ارتبكت وحجت والله زعلانة وكاعدة بغرفتها والله يابنتي اني وأسامة طيحنة حظها

..عفت ام عيسى تحجي وفتت بنص البيت وصحت بعلوا صوتي لج مهاااااااااا وينج
ود لازمتني بس تريد ترجعني واني ولامعبرتها
طلع اسامة من الأستقبال
من شافني الأبتسامة شكت حلكة

..هاي شنو اليوم ايلول يمنا لا مد اصدك عيني اكول البيت ليش منور

.أيلول اني روحي بخشمي وحضرتة ديستظرف برأسي تجاهلتة ورجعت صحت مهااااا

وجان تطلع البرنسيسة من غرفتها تتمختر

...هفففف هاي شكو شنو هذا الصوت حضرتج وين داخلة بيت ابوج وهيجي دتعلين صوتج بي
..صيح عليها اسامة ديسكتها

ايلول ..صدوك لو كال أبو المثل فوك شينة كوات عينه
ولج انتي شلون تحركين ايد راما اليوم احرك البيت على راسج

مها... هييييي هييييي وانتي منو وجاية بيتي وتصيحين عليه احترمي نفسج ولاتخليني اعلمج الاحترام

..ولج هاي منو التعلمني الاحترام ولج انتي وحدة مريضة نفسيا مستقوية على طفلة من طيح الله حظج ولو هو اصلا طايح من كاعه

مها... هاي منو المريضة ولج اليوم اكلب الدنيا على راسج وثاني شي اني عمتها اضربها احركها اشنقها انتي متدخلين مفهوووووم

ود وام عيسى يحاولون يهدئون بينا لان صوتنا عالي

مها ... يلا حبابه وتأشر الود اخذي هاي اختج طلعيها ترة سكتلها هواية مبقت عليه غير البايرة

هي حجت هيج واني محسيت على نفسي غير طافرة عليها ولزمتها من شعرها ونومتها بالكاع وصرت فوكاها ودك كفخات على راشديات على جر من الشعر لاتكولولي ولا اكولكم جون سينا بزمانة ميلحكني ما أعرف منين اجتني هاي القوة

وهي صارت مثل الكتكوت جوة ايدي اني اطول منها وشوية اضخم هي  ناعمة كولش تحاول تلزم ايدي واني مستمرة بالكفخات

ود عاطت بأسامة شبيك صافن وفاتح حلكك متجي تسحب اختك

ود أجر بيه وامها تتوسل واني ولا اسمع منهم بعدين سمعت صوت ابنها يبجي الخاطرة عفتها وطلعت صار بوجهي أسامة كاطع طريقي
اجي منا يجي منا اروح منا هم يجي اني اعصاب وهذا عصبني بالزايد
صحت بي بصوت عالي دوخررررررررر

ههههه فز وبسرعة أبتعد
رجعت بالطريق ود ورأية بس اسمع صوت ضحكها
درت عليها خير شكو تضحكين حطت ايدها على حلكها بمعنى سكتت
دخلت للبيت ذبيت الصاية والشال وكعدت على القنفة تعبانة هههههه عبالك جنت بمعركة

ود كعدت بالكاع وأسمع بس تكركرها

بان يمعودين شكو وين جنتوا وشبيج ود تضحكين

ود وعيونها مدمعة من الضحك ولج بان غير فاتج شلون فلم اكشن كله طاخ وطيخ  هههههههههه
بان الفطيرة بدون متفتهم السالفة هي هم تضحك
باوعت عليهم خرررب اشو اني هم بقيت اضحك على الواهس ههههههه

كعدت ود حجت البان كولشي
ود ولج عيني بان لو تشوفين اختج شلون كاعدة فوكاها وتكفخ بيها وهذيج شبعت طن كتل وبعدها تغلط
وهذا اسامة اباوع عليها فاتح حلكها وصافن مثل الأثول هههههه

اني من هذا اليوم ايلول لو اجت ضربتني راشدي انطيها الخد الثاني واكولها رحمة الله والديج 

أيلول ...يبوووو شفت اظفري مكسور متت قهر عليه الله لاينطيج يا مها بسببها  انكسر

راما حبيبتي ظلت كل شوية تكعد تبجي من وجع ايدها للمغرب بالكوة كدرنا نخليها ترجع تنام
رجعوا اهلي من بيت خالي بس مكنالهم شي

جنت واكفة بالمطبخ فات عيسى وسلم عليه بس جان شكلة ضايج

عيسى .. ايلول عندي سؤال انتي صدك رايحة البيتنا وضاربة مها ؟؟

ايلول .. جاوبتة بكل برود اي صح لو هسه اشوفها كدامي هم ارجع اضربها

فزيت على صوت قوي وراية صاح أيلووووووووووول كمزت من مكاني شفتة بابا متعصب والشرار تطلع من عينة
تقدم بتجاهي 

..شنو هذا السمعتة تروحين البيت الناس بدون علمنة وتضربين بنتهم

اني نبلع لساني اول مرة هيجي اخاف من بابا

صار عيسى كدامي

عيسى .. عمي على كيفك خلي نفهم من ايلول
اكيد مها مسوية شي قوي خلى ايلول هيج تتصرف

بابا.. بصياح مهما كان السبب مو من حقها تروح تضربها الظاهر اني معرفت اربيها بس هينة ايلول الظاهر صدك دلالي الزايد خربج راح ارجع أربيج من جديد

عيسى .. لا عمي لاتكول هيجي ايلول متربية أحسن تربية ونعم من اخلاقها

اجتي ماما والبنات من سمعوا صياح بابا يريدون يعرفون شصاير

أجت ود بيدها راما تبجي الظاهر خطية فزت من الصوت

ود .. بابا شوف ايد راما وبعدين احجي

عيسى وبابا التفتوا على ود

عيسى .بخوف شبيها راما

ود .. بحركة قلب اختك المصون حركت ايدها لأن كاسرة علبة مكياجها

عيسى بسرعة راد يطلع بابا لزمة مقبل يروح يسويلها شي

الكل التهوا براما

اني دخلت للغرفة وكعدت مقابيل مرآتي اكو ميز يم المرآيا خليت راسي عليه ورجعت اذكر كلام بابا
جنت اتمنى ابجي بس ما أكدر ما أريد دموعي تنزل ويشوفوها

بعد ربع ساعة اندكت باب الغرفة
عرفته بابا
كلت ادخل
فتح الباب تقدم عليه واجة كعد بصفي

بابا .. بنتي لولة ترة السويتي غلط لو واحد غير عيسى جان زعل منج هاي اخته وعمة راما مو من حقج تروحين بنص بيتهم تضربيها
ثاني شي البنية من يوم الطلقت صارت عصبيه وتصرفاتها مو متوازنة

ايلول .. خلص بابا اني اسفة واذا تريد اروح اعتذر منها هم عادي اروح

بابا..  لا الي صار بعد صار واعرف بيج نفسج عزيزة مو مال تروحين تعتذرين
حضني وباسني من راسي

..اني هم حضنته مستحيل اكدر ابقة زعلانة من بابا

مر يومين ايد رمرم شويه صارت زينة ود بقت يمنا مقبلت ترجع عاد اجتي ام عيسى ومها حتى يرجعوها

مها .. اعتذر من ود وبجت جم دمعة على اساس ضميرها ديأنبها  اووووف اشكد مكارة

هههههه بس جانت تباوع عليه بحقد واني اصلا لابستها

وبيوم جان الوقت عصر بابا طلع ويا اصدقائة صار المغرب وهو بعده مراجع احنا متعودين عليه ويا وقت الأذان هو بالبيت
ماما تتصل عليه ميجاوب صارت ساعة 8 وهو ماكو

ماما رايحة جاية دوختني

ايلول ... اكول مياسة بشريني بنية لو ولد ؟

...دارت وجهة عليه كالت شنو ؟

..مو داشوفج رايحة جاية عبالك حامل ودطلكين
حجت بان بعفوية الدجاجة من تريد تبيض هم ظل تفتر دور مكان
هي حجت هيج واني راد يغمى عليه من الضحك متت هههههههه ماما خطية واكفة مصدومة من كلام بناتها هههههه خرب ببليسج بان على هاي الكلمة

كتلها ماما الله عليج نريدها بيضة ام صفارين ههههههههه

تكرمون نزعت البرجلها ورادت تضربني بي

ايلول.عااااا مياسة عيب هاي الشغلات ترة احنا كبرنة كعدي ورتاحي هسه تلكين هيثم جاي يتعشى وياا مرتة الثانية

ماما.. لج تسكتين لو اجي من صدك اكسر عظامج شوف اني بيا حال وهي ولا يمها

ايلول .. والله يا مياسة مدري ليش قلبي بارد على بابا يمكن صار عندة شغل شويه ويجي

صارت ساعة تسعة وهو ماكو اني هم بديت اقلق عليه
كتلهم خلي اتصل على ود بلكي عيسى يعرف شي

اتصلت علبها وحجيت وياها الي زاد خوفي
طلع عيسى هم مراجع وميرد على تلفونه

للساعة عشرة وهما ماكو وميردون على اي اتصال

متنا قلق كررت الأتصال على عيسى
واخير شي جاوبني
.
الووووو عيسى الخاطر الله هاي وينكم ليش مجاوب وين بابا

عيسى ..وبصوت مخنوك لاتخافين عمي مبي شي هياتة يمي

..لعد ليش ميجاوب انتوا وين وشبي صوتك

عيسى ... بتنهيدة وحسرة احنا بالمستشفى

.. صرخت بصوت شنووووووو.....