رواية المغرورة و الأعمى الفصل التاسع والعشرون 29 - بقلم بسمة البياتي

المغرورة-و-الأعمى-
(بقلم بسمة   البياتي )
- بارت الثامن و العشرون -

أيلول...ود فدوة شسوي راح اموت من الخوف

ود... لاتخافين حبيبتي ان شاء الله ماكو شي هسه راح اجي عليج أخذج للدكتورة

أيلول... لا لاتجين انتي اني راح اشوف احد يجيبني عليج
ما أريد أهلي يعرفون وانتي هم لاتحجين شي كدام عيسى

سديتة منها صحت بان يمي

ايلول... سيف وين يكدر ياخذني البيت ود

بان... قبل شوية اجة من الدوام تغدى وراح نام

أيلول... يربي شلون اريد اروح منو يوصلني بابا هم نايم

بان... لولة شبيج ليش تريدين تروحين

ايلول... ماكو شي بس ضايجة وحبيت اروح اغير جو يمها

بان ... انتظري للعصر من يكعد سيف

أيلول...رجعت اتصلت على ود كتلها ماكو أحد يجيبني

ود... راح ادزلج عيسى يجيبج

أيلول ... لا ما أريد
عيسى اذا عرف راح يحجي الإياس

ود.. لعد شلون هو اكيد لازم يعرف خوما نطلع للدكتورة بدون علمة لاتخافين اوصي ميحجي شي

أيلول... اوك

نص ساعة وأجة عيسى
استأذنت من ماما وبالكوة قبلت اطلع اتكول انتي زعلانة ميصير تطلعين بكيفج

صعدت يم عيسى بالسيارة

عيسى ... سلامتج شبيج ود كالتلي لولة مريضة

أيلول.. حجيت بداخلي هم زين مكايلتلة على الورم

الله يسلمك مو شي مهم مرض بسيط

عيسى ... اني اعرف شبيج

أيلول... باوعت عليه بستغراب شبية ؟

عيسى ...  انتي مريضة بالحب هاي من الأشتياق هيجي تمرضتي

أيلول... بله هذا شحجي ويا اني بيا حال وهو يكلي حب وأشتياق
جاوبتة احتفظ بتوقعاتك النفسك سيد روميو

عيسى ... هههههههه والله تحبي وميتة عليه لعد لوتشوفي هو شصاير بحالة نفس حالتج واكثر
وهم ديكابر لأن زعلان منج

أيلول.... صكيت على أسناني وحجيت تكرمني بسكوتك لو اشمرك من جام السيارة

عيسى ...هههههههه سكتت ما أحجي بعد مابيه حيل خبالاتج

أيلول... وثاني شي اذا عرفت بيك حاجي شي الإياس وكايلة أيلول يمنا وربي بعد ما أحجي وياك

عيسى... لا لاتخافين بداعة بناتي ما أكول

أيلول..وصلت البيت ود جانت متحظرة وتنتظرني  مبينه خايفة خطية

ود... يلا نروح لأن حجزت يم الدكتورة الحد منوصل البنات يم عمتي يجي دورنا

ايلول .. وصلنا البنات وطلعنة للدكتورة 

دخلنا للعيادة جان اكو مراجعات قبلي بقينا ننتظر دورنا

صاحت السكرتيرة اسمي دخلنا اني وود
وثنينا جان وجهنا ميتفسر من الخوف

الدكتورة تعرفني وتعرف ود لأن دائما نراجع عدها
شرحتلها حالتي فحصتني كتبتلي على كومة تحاليل وسونار

أخذت التحاليل وطلعت رحت اول شي سويت سونار

دكتورة السونار ... عندج كيس حمل

أيلول... اني و ود بقينا  وحدة تباوع بوجه الثانية

لا دكتورة انتي اكيد غلطانة اني صارلي سنوات ميصير عندي وهسه جاية اريد اعرف الورم البصدري شنو

الدكتورة.. هذا مو ورم هاي تغيرات بسبب الحمل

أيلول... بقيت اناقشها وممصدكة كلامها
اخير شي ضاجت مني

الدكتورة ... يا ماما داكولج هذا واضح يمي كيس حمل شنو دتعلميني بشغلي واذا بعدج ممتأكدة روحي سوي تحليل دم

رحت بسرعة للمختبر سويت تحليل وبقينا اني و ود كاعدات على نار ننتظر

طلعت النتيجة اني انربط لساني مكدرت اسئل عن النتيجة ود سئلت

طلعت النتيجة ايجابية يعني حامل

أيلول.. عمري مبجيت  كدام احد غريب بس من كالت حامل حضنت ود وصرت ابجي بصوت وشهكة الناس كلها بقت تباوع عليه
ود جانت تبجي وياي

من فرحتي حتى نسيت ارجع للدكتورة أخذت نتيجة التحليل ورجعت البيت ود

جنت كل شوية المس بطني وابجي  رحت للدكتورة واني خايفة ويأسه رجعت واني ابجي من الفرح سبحانك ياربي اشكد كريم

ود... شنو رايج نخابر اهلي انفرحهم

ايلول.. لا لا خليها من اروح اني ابشرهم واشوف فرحتهم بعيني خصوصا ماما

ود.. زين وإياس شوكت تكوليلة

أيلول... جريت حسرة طويلة هو وينة إياس من يوم الطلعت من البيت مكلف نفسة يدزلي لو مسج

ود... مو كتلج زعلان ومأخذ على خاطرة منج

أيلول... هو منو الأزم يزعل اني لو هو منو انهان وانجرحت كرامتة اني لو هو 

ود.. حقج بس هو هم خطية معندة حظ ويا اهلة وثق باخوة بس اخو للاسف محفظ السر

وهسه بعد راح يصير بينكم طفل لأزم تتنازلين شوية وتنسين الصار

أيلول.. اني جنت فعلا اريد ابتعد عنه بس بعد ما أكدر  الخاطر البطني واني اعرف إياس هم جان ينتظر هذا الطفل بفارغ الصبر بس مجان يحجي شي كدامي حتى لا انقهر

اذا بعدة  يريدني راح ارجعلة

ود... عفية عليج حبيبتي هذا احسن قرار زين شوكت راح تبلغي بالحمل

أيلول..  من اكول الأهلي اخليهم هما يبلغوا

ود... كوليلي شمشتهية عشى اسويلج

أيلول... هو اني وين أكدر اكل كولشي ميبقة بمعدتي
بس اشو اني اختلف عن الحوامل كولشي ما أشتهي

ود... ههههههه لاتستعجلين بعد كم يوم مراح انلحك على طلاباتج

بتت بيت ود وثاني يوم رجعت البيت سيف جانوا ود وعيسى وياي

دخلت للأستقبال شفت ماما كاعدة بس استحيت اكوللها لان سيف هم كاعد

ماما جانت ضايجة ماادري شبيها

اريد اروح اغير ملابسي صاحتني ماما

ماما... تعالي أيلول عندي موضوع وياج

ايلول.. اي اسمعج كولي

ماما... اليوم أبوج رجع البيت الأسم إياس

ومن مكملين إياس كايل الأبوج اسئل ايلول شوكت اتريد حتى نكمل اجراءات الطلاق

أيلول... من كالت طلاق بقيت صافنة بوجها منطيت اي ردت فعل
البقية هم جانوا ساكتين ومصدومين

ماما جرت حسرة وكملت كلامها

ماما... يكول كل حقوقج راح ينطيها الج وكال اذا تريد اشتريلها بيت او انطيها فلوسة لان هذا مهرها

أيلول ... اوك خلي بابا يبلغة اريدة يطلقني بأسرع وقت واني متنازلة عن جميع حقوقي ما اريد منه اي شي

ود... لولة اشدتحجي شنو نسيتي انتي حامل

ماما فزت من مكانها وعيونها انترسن دموع

ماما... صدك تحجين ايلول حامل

ود... اي والله البارحة حللت

ماما ... بفرحة اجت بوستني اني جنت جامدة
سيف وبان هم باركولي

عيسى اترخص ديروح للمعرض

أيلول... لحظة عيسى قبل لا تروح انتظرني دقايق هسه أجي

كلهم بقوا صافنين عليه وصار فضول عدهم

دخلت للغرفة طلعت جنطة خليت بيها ملابسي مجنت جايبة هوايه ملابس كلهن بقن بهذاك البيت طلعت علبة الذهب مالتي نزعت الذهب اللأبستة حتى الحلقة نزعتها خليت العلبة بالجنطة حتى الموبايل خليتة وياهم بس اخذت الشريحة

ملابسي اللابستهم نزعتهم وخليتهم ويا باقي الملابس ولبست ملابس من بان

اخذت الجنطة وطلعت من شافوني انصدموا

أيلول ... عيسى هاي الأمانة وصلها الإياس وياريت تكوله ايلول مو بحاجتك ومراح تأخذ منك دينار واحد

عيسى ... لولة استهدي بالرحمن والله استحي منه شلون اروح انطيها اله

ماما... بنتي هسه الوضع اختلف اكيد من راح يعرف انتي حامل يتراجع عن قرارة

أيلول... وأني انتظر يرجعني علمود حملي كافي اذلوني الخاطر ربكم مرة وحدة صيروا وياي وخلولي كرامة

دخل بابا للأستقبال

بابا... هاي شكو شبيج تصيحين

أيلول... رحت وكفت كدام بابا

بابا عندي طلب يمك مثل ما زوجتني الإياس اريد اطلكني منه

ماما... هيثم ترة أيلول حامل لا طاوعها على هذا خبالها

بابا لمعت عينه بفرح من عرف حامل

بابا... التريدة ايلول يجرالها اني بعد ما أدخل بحياتها ما اريد اغلط بعد بحقها هي موصغيرة وتعرف تتصرف

أيلول.. حضنت بابا وبجيت
فدوة بابا ما أريد شي من إياس حتى ملابسي ما أريدهم  خلي عيسى يأخذهم اله  

بابا... ابني عيسى اخذ الجنطة انطيها اله

عيسى استسلم للأمر الواقع اخذ الجنطة وراح

دخلت للغرفة اكو مرآيا رحت وكفت كبالها باعت على نفسي وحجيت

بعد مستحيل انزل دمعة وحدة علمودة
اني مغلطانة وهذا الطفل راح اربي وحدي اني مو بحاجة إياس بحياتي

صار وقت العشى رحت كعدت وياهم ما أريدهم يكولون ايلول ضايجة او مقهورة لأن راح تطلك

جانوا الكل مجموعين على السفرة حتى عيسى موجود

من اجة ولا سئلتة شصار من انطيت الجنطة

بعدنا كاعدين دنأكل سمعنا صوت سيارة

عيسى .. هاي صوت سيارة إياس

أيلول.. حجيت بداخلي أكيد عيسى كايلة ايلول حامل

باوعت على عيسى
هو عبالك قرأ افكاري رفع ايدة بستسلام

عيسى ... والله معليه ود وعمتي كالولي أكله

أيلول... هسه قابل اني سئلتك لو كتلك ليش تكولة
عادي هو مصيرة يعرف اذا مو اليوم باجر

قبل لايدخل إياس للبيت كمت من مكاني رحت للغرفة وقفلت الباب لأن ما أريد اشوفة

نمت وخليت المخدة على راسي حتى صوتة ما أريد اسمعة

شوية واندكت باب الغرفة رفعت رأسي قلبي كالي هذا إياس يم الباب 

رجع اندك الباب اكثر من مرة مفتحتة

جان اسمع صوتة اووووف ياصوتة من سمعتة صارت رجفة بجسمي كل وعودي ويا نفسي نسيتها وعدت روحي ما ابجي واني بس سمعتة نزلت دموعي

إياس... أيلول افتحي الباب لاتتصرفين مثل الأطفال  اريد احجي وياج

أيلول... بقيت ساكتة

بعد خمس دقايق ود دكت الباب

ود.. لولة فتحي الباب

أيلول... روحي ود مراح افتحة وكولي للدزج بعد يحلم يشوفني

إياس... هلكد كارهة شوفتي ؟

أيلول... فزيت من سمعتة رجعت سكتت

إياس... اوك براحتج ايلول اني رايح

أيلول... دفنت راسي بالمخدة وصرت ابجي قوي وحابسة شهكاتي ما أريد احد يسمعني

ود... ايلوووووول فتحي الباب والله راح لج اريد اخذ جنطتي وغراض البنات نريد نروح
تأخرنا

ايلول... فتحت الباب ورجعت للفراش

ود... والله تحبينة وميتة من فراكه بس اخ من هذا راسج اليابس

أيلول... ووووووووووود اخذي غراضج وشوفيني عرض كتافج

ود... امداج عود اني اكبر منها وجاي تطردني

عافتني وطلعت واني غطيت راسي وبقيت ابجي

إياس... حياتي صارت كئيبة مابيها اي معنى اكثر اوقاتي اقضيها بالمعرض صرت اكره البيت
ابو قدر  ترك الشغل بالمعرض جان يوم بعد يوم يزيد حقدي على أيلول

اتصل بيه ابو قدر حتى نكمل معاملة البيت
ثاني يوم شفتة جنت خجلان اباوع بوجهة

رجعت حجيت ويا وعتذرت لكن هم رفض

وبهذا اليوم قررت اطلق ايلول

بس سبحان الله القدر جان ضاملي مفاجاة ولا جنت اتوقعها

جنت بالمعرض كاعد بمكتبي
دخل عيسى وبيدة جنطة جان مبين عليه محرج مني

عيسى .. إياس هاي الأمانة دزتها الك ايلول

إياس... من كال ايلول تعدلت بكعدتي
شنو هاي الأمانة

عيسى... ما أدري كالت كول الإياس ما أريد شي منه ومتنازلة عن كلشي اله

إياس... عيسى عافني وطلع كمت سديت الباب
اخذت الجنطة فتحتها

خرب يومها هاي دازة ملابسها والذهب حتى الموبايل
أشكد ضايج منها بس ضحكت على سوالفها
شميت ملابسها عطرها قوي بيهن

اوووووف يا أيلول شمسوية بيه كلما اكول خلص بعد ما أريدج ونسيتج
من حركة صغيرة منج
الكي نفسي مشتاقلج وارجع اغرك بحبج

رجعت الملابس للجنطة وصحت عيسى

إياس... هاي الخبلة دازتلي ملابسها ههههههههههه اني شسوي بيهن

عيسى ... والله يا إياس انت تسرعت بموضوع الطلاق هاي من سمعت تخبلت وكفت بوجه عمي وكالتلة طلكني منه

إياس... رفع حاجبة اهااا يعني وافقت على الطلاق اي عادي تدلل

عيسى ... إياس عندي خبر الك راح يخليك تراجع كل حساباتك

إياس... شنو هو ؟

عيسى ... أيلول حامل

إياس... بدون ما احس على نفسي كمت وكفت صارت رجفه بجسمي حجيت بصوت يرجف انت دتحجي صدك لو تشاقة

عيسى... قابل هيجي موضوع بي شقة هي مريضة صارله فترة البارحة راحت ويا ود للدكتورة وعرفت حامل

إياس... رجعت كعدت بمكاني واني حيل مبقة عندي جنت اتمنى بهاي اللحظة هي كدامي واخذها الحضني بقيت اردد الحمدلله واني گلبي يريد يطلع من صدري من الفرحة

باليل متحملت صعدت سيارتي ورحتلهم ما أكدر اصبر بعد اريد اشوفها

رحت بس مثل مجنت متوقع المغرورة راح تشلع گلبي
اني حظي فكر يعني اله هسه افكر بالطلاق هاي بعد شراح يقنعها ويرجعها ......

يتبع...