رواية المغرورة و الأعمى الفصل الثاني والعشرون 22 - بقلم بسمة البياتي

المغرورة-و-الأعمى-
(بقلم بسمة البياتي )
- بارت الواحد العشرون -

أيلول...ساعة وحدة باليل متمددة بالفراش اليوم ماري مصعدت نامت يمي هي متعودة كل يوم تجي تنام بغرفتي جان بيدي الموبايل ولهسه كلام بابا يدك برأسي من كال إياس راح يجي يطلكج

فتحت الفيس وبقيت اتصفح بي وكل شوية ادخل على صفحة إياس

ثواني وجان اشوف فيس إياس نشط قلبي صار يدك بسرعة بقيت اتصفح بصفحتة جنت احس مجرد هو موجود بالفيس كانمأ كاعد كبالي

بعدني بصفحتة شفت إياس نشر جان منشورة مقولة وياها رابط اغنية الكاظم الساهر تعجبت شعجب إياس نشر أغنية وهما بعدهم حزنانين لان بعدها مطالعة سنوية أمه الله يرحمها

المنشور جان

ظلمت نفسي كثيرا من أجل أساعدهم
وياليتني نلت شيئا غير الوجع

وأغنية يامستبدة

حسيت الكلام الي والأغنية هم عليه بقيت أسمع الأغنية واني دموعي مثل الشلال

قالت لكل الأصدقاء
هذا الذي ما حركته أميرة بين النساء

سيستدير كخاتم في إصبعي
و يشب ناراً لو رأى شخصاً معي
سترونه بيدي أضعف من ضعيف
و ترونه ما بين أقدامي كأوراق الخريف
يا مستبدة

أنت التي
أنت التي أسميتها تاج النساء
ﺇقسي على قلبي
ﺇقسي على قلبي و مزقيه لو أساء
يا مستيدة

الويل اللي الويل اللي يا مستبدة
الويل اللي من خنجر طعن المودة
الويل اللي كم نمت مخدوعا على تلك المخدة
آه الويل اللي من فجر يوم ليتيني ما عشت بعده
آه الويل اللي الويل اللي يا مستبدة

ﺇني أعاني ﺇني أموت ﺇني حطام
حاشاك عمري أن أفكر بإنتقام
ﺇني لك قلب و حب و إحترام

صبرا يا عمري لم تري دمعا يسيل
سترين معنى الصبر في جسدي النحيل
فتفرجي هذا المساء رقصي الجميل

شفت أصدقاءة وأقاربة يعلقولة وهو يجاوبهم

انطيتة لايك وما أعرف ليش هيجي سويت
عفت الموبايل من ايدي دفنت رأسي بالمخدة وبقيت ابجي بصوت مكتوم

دقايق وسمعت صوت رسالة على الماسنجر

فتحت المسج انصدمت لايك من إياس
ما أعرف شصار بحالي بهذيج الدقيقة

طلع جاري الكتابة حسيت دقات قلبي صاروا يدكون الف بالدقيقة

كتب
إياس...سمعت تريدين تتوظفين او تكملين دراسة

أيلول .. حتى مسلم عليه
جاوبتة

أي شكو بيها قابل عيب لو حرام

إياس... اعتقد وصلج جوابي بنت ابوج وأطلعي باب الحوش من اطلكج كدام الناس هذاك الوكت سوي اليعجبج

أيلول... استفزني بكلامة

...حضرتك لعد متجي اطلك وتفضني

إياس ... لأزم مستعجلة ست أيلول اني بمزاجي شوكت ما اريد اجي وأنتي عليج تنفذين

رجع كتب ولاتخافين حقوقج كلها راح انطيها الج وحتى البيت راح اتنازل عن حصتي الج

أيلول... متت من القهر كمت حتى الحروف ما أكدر اشوفهن من دموعي

..ومنو كالج اني اريد شي منك اني عن كولشي متنازلة وبيتك خلي الك حتى بابا راح اخلي يتنازل الك عن باقي البيت

إياس.. والخلقج يا أيلول اذا ادخلتي بيني وبين أبوج لو طلبتي منه يتنازل عن حصتة بالبيت اقسم بالله امحيج من الوجود ترة اني مو هذاك إياس القديم الي جنتي تقشمري بكلمة
هسه اني واحد ثاني اني إياس الي ماتت أمه واندفنت وهو بعيد عنها
اني إياس الي ازوج وحدة مثلج وهي جانت تشفق عليه لان اعمى
گلبي مات ومظلت بي اي رحمه انصح لاتلعبين وياي وتكفي شري

أيلول.. خفت من كلامه فعلا هسه تأكدت إياس طلعني من قلبه وصار يكرهني

...بعد اكو اومر ثانية

شافها ومجاوبني

أيلول ... بقيت اعيد بكلامة وابجي

انفتحت باب الغرفة ودخلت بان
ياربي شنو هاي الليلة الي مراح تعدي على خير مو اني ناقصة واجت هاي حتى تكملها

..بان اطلعي برة ولاتخليني اعلي صوتي

بان... ايلول الله عليج فدوة اروحلج بس اسمعيني بس هلمرة وبعدها اطرديني

أيلول.. ماكو اي كلام بيني وبينج اطلعي بررررررة

بان.... ابوس أيدج والله راح اموت خليني احجي

أيلول... استغفر الله وأتوب اليه

يلا اطربيني تفضلي احجي

مسحت دموعها وأجت كعدت بطارف السرير

بان ... والله العظيم من وافقت ازوج إياس مجنت احبه ولا اعرفه

أيلول... يعني من بدايتها حلفتي كذب لج يا كذابة إياس بنفسه كالي اني أعرف بان من قبل الحادث

اعرفها هي و ود

ود شايفها ويا عيسى

وأنتي شايفج بالباب من راجعة من المدرسه وبابا كايلة هاي بنتي بان

واني من جيت سئلتج انتي تحبب كتيلي لا هو اني وين شايفتة حتى احبه

بان... صح والله بس من كتلج ما أعرفة مكذبت اني جنت جاية تعبانه من المدرسة حتى مرفعت راسي وباوعت عليه ومن سئلتيني وداعة بابا وماما مذكرت هاي الشوفة

أيلول .. اوك كملي

بان ... بخطوبتج سارة من شافتة اجت تقرأ برأسي شوفي شلونة وعندة هيج وشكلة هيج وجاب هيج وانتي غبيه لان مأخذتي

مهتميت الكلامها وهي مبطلت بقت كلما تشوف إياس تجي تلعب بعقلي

ومن ازوجتي صارت اتكولي شوفي النعيم الأختج بي جان لأزم يكون هذا مكانج لو مأخذتة جان حقق كل أحلامج جان خلاج تكملين دراسات خارج العراق ومن تصيرين مهندسة يسويلج احسن مشروع

واني مثل الغبيه بديت اتأثر بكلامها حتى واهسي للدراسة خرب

كمت اوهم نفسي اني احبه بس مو هاي الحقيقه اني جنت احب فلوسة لان هو يكدر يحققلي احلامي

أيلول... صافنة على بان وحايرة شجاوبها

حرامات انتي محامية ادافعين عن الحق والمظلومين

يمكن اذا أجاج واحد فقير و مظلوم تطردي من الباب

لج ياغبية هاي سارة الي خربت عقلج وانتي صدكتي كلامها وعبالج تريد مصلحتج
تدرين جانت من تجي شسوي كدام إياس جانت بكل الطرق تحاول تلفت انتباهة
لان إياس من سوة العمليه وبيوم الرجع شايفها خجلانة وتبتسم اله عباله سارة اني ورادلها الابتسامة وهاي من بومها متخبلة

جانت من تجي إياس ميكعد بالمكان الي هي موجودة بي لان يضوج منها

بان.... اروحلج فدوة سامحيني والله باليوم جاي اموت الف موتة من اشوف هذا وضعج اني هجمت بيتج وانتي حتى البابا وماما مكتيلهم عليه

أيلول ... بان هسه لاتنتظرين مني شي لان جرحج بقلبي بعده ينزف عوفي الأيام هي ادوي
وهسه رجعي الغرفتج اريد انام

طلعت بان واني راسي يريد ينفجر هم من كلام إياس وهم من مصيبة بان الي خلت وحدة مثل سارة تضحك عليها .....

يتبع

أعرف البارت قصير بس والله نعسانه انتظروني باجر ان شاء الله انزل بارت طويل الأحلى متابعين 🌹🌹 تصبحون على خير