رواية المغتصب حقها الفصل التاسع 9 - بقلم زهراء جهاد 🤞

#المغتصب _ حقها
.. البارت العاشر
"زهراء " جهاد "

::: فهد

فتح ابويه ويانه موضوع علياء وگال اذا واحد منكم رايدها حتئ نحجزها اله هاي عادتنه متنطي ابنيه من ملتنه الا بعلمنا وبموافقتنه بحكم احنه ولد عمها واولئ بيها من الغريب. رائد مزوج ومرتضئ وولد عمي كلهم مارايدين زواج هسه حاجاني ابويه وگال اخذها بت عمك وحلوه ومؤدبه ليش انخليها تطلع للغريب گتله لا يابه اني ماريد زواج هسه اريد اكمل بيتي
گال اي اخطبها هسه ومن اتكمل بيتك ازوجها علياء هوايه عزيزه عليه ماريد اطلعها واني عندي ولد حگ زواج جريت حسره گتله المشكله مو بيها
ليش اني ماعرفها تعرفني بيها توكلوا علئ الله يابه وخل البنيه اتشوف نصيبها انه لو رايد زواج جان بدون متگلي  اترخصت منه وطلعت هواي فكرت شسوي وشلون احل مصيبتها سمعت متقدملها شخص فكرت اني اخذها واعاقبها  بس بعدين تركت هلسالفه الخانت ثقه اهلها اضمنها متخوني  اتوقعت راح ترفض مثل كل مره بس من سمعت هيه موافقه.  گلت هاهيه هذا الحل الوحيد خل تزوج بلكي الله يهديها وتعقل وتصون نفسها وتعوف هلسوالف  بس اشلون گلبي يريدها اني من زمان مخيل عليها حركاتها سوالفها شقاها خجلها لسانها كلشي بيها يعجبني رايدها من كل گلبي بس السالفه الصارت خلت هوايه حواجز بيناتنه دست علئ گلبي وقنعت روحي بكلمة مو من نصيبي
وره يومين رجعت من الدوام واني اشوف نسوان وزلمه وياهن طبو بيت جدي دگيت هورن حتئ ايفتحولي الباب فتحتها سجئ جانت تغسل بالحوش سلمت عليها

فهد » سجئ منهمه ذوالي الجماعه  الطبو بيت جدي تعرفيهم

سجئ » گالو اليوم يجي الولد المتقدم العلياء يشوفها وتشوفه احتمال همه ذولي الشفتهم

باوعت بحسره والله ماردتها توصل لهنا جنت ناويها الي مو الغيري بس بعد هاهيه خل اتروح الله يسعدها بحياتها اني بيدي سلمتها للغريب وهيه بيدها ضيعت گلبي المشتريها شفت سجئ تباوعلي وبعيونها حجي

فهد » گولي من الاخير شعندج

سجئ » ليش ضيعتها من ايدك والله تحبك تموت عليك ورايدتك رغم هيه ماگايلتلي لان قريبه منك تخاف لا اگلك  وتنزل من عينك هذا تفكيرها صديقتي وافهمها وادريك انت هم رايدها بس مو راضي اتصدگها واني متأكده هيه وافقت بس علمود تخلص من بلوه زهراء الحيه ومن نضراتك الها الي كلها كره وحقد

فهد » سجئ لتحجين حجي اكبر من راسج وعوفي هلموضوع الي دسوي هيه هسه زينه العقل خل تنستر ابيت رجلها وتحمد ربها ما نفضحت سوالفها وتخزينه سدي المي كافي عاد فيضتي الشارع

» سجئ اي اگلب الموضوع اگلب صدگني راح تتندم اوف ياخويه اوف شوكت راح افهمك

گتلها بگلبي خل افهم روحي بالاول وبعدين انتي اتفهميني حاولت هلفتره ابتعد عنها ابتعد ماريد اشوف تجهيزاتهم العرسها وگلبي ينمرد خليني مبتعد وحاقد عليها احسن مصير جدامي وياخذني الحنين لسوالفها لكن سبحان الله احس القدر يجبرني اواجه گعدت بالسته ونص الفجر جنت بايت بشقتي الي تبعد عن مركز دوامي بفرعين باوعت الشقه حالها يرثه الة كلها وصخ وخبصه
هو مو وصخ وصخ يعني ملابس وصخه ونضيفه مطشره اوراق ومعاملات مبعثره كوابه جاي اتعاجز اشيلهن نفاضات الجگاير اني من النوع النضيف واحب كلشي نضيف بس ما أمد ايدي واشيل شغله ابد
باوعت داير مدايري لا بعد مابيها مجال لعبت نفسي من المنضر دخلت سبحت لبست ملابسي العسكريه كشخت وتعطرت وطلعت الشقه الي يم شقتي ساكناتها نسوان اثنين يطلعن بعمر الاربعين خطيه وحيدات مالهن احد يخيطن ويبيعن ومشيات عيشتهن كل ماشوفهن احط بيدهن جم فلس صدقه ثواب مساعده
هنه بدون ماگللهن گامن  بالمقابل كل فتره يجن ينضفن البيت يرتبنه ويرحن هلفتره ماتواجدت هنا هواي يعني بس سواد الليل وميدرن بيه حتئ انطيهن المفتاح ويدخلن رحت وبلغتهن انهو البيت يحتاجله ترتيب وهنه هم ماقصرن راسا وافقن حطيت المفتاح بيدهن وياه خمسين الف وطلعت شغلت سيارتي وبوجهي للمركز حيل تعبت شكاوي وقضايا هوايه تراكمن علينه مع العلم اني صارلي اسبوع متواجد بالمكتب بس مدري ليش الحض عوج وياي اليوم جنت گاعد بالمكتب وادخن وصافن افكار توديني وافكار تجيبني اندگت الباب

» اتفضل

» احترامي سيدي

» هلا حمزه گول

» سيدي الملازم شهاب داوم اليوم وعتذر عن غيابه بسب ضروف عائليه

» واذا ضروف عائليه اگلك شو هذا سواها بلا ملح شنو احنه مدرسه بكيفه يداوم ويغيب امشي صيحلياه امشي

» حاضر سيدي  

هذا الملازم شالع گلبي مهمل لدرجه واكثر دوامه يغيبه ودائما يذب واجبه علئ جماعته ويتحجج بالضروف اريد انقله لغير مركز بس ماعندي مجال كل ساعه طالعتلي شغله صفح.دقايق وندگت الباب ودخل هوه وحمزه

فهد » يابه عاش من شافك شهل طله الحلوه خايب سطعتنه بنورك
رجعت راسي علئ الكرسي برتياح وافر بالقلم بيدي » اي استاذ اشهاب بلا احجيلنه شنهي هاي الضروف الي تمنعك من دوامك واهمالك لواجباتك.

» ضروف سيدي

» بلا احجيلياهن ايجوز اگدر اساعدك بلا اوگف خل افكر احتمال اعرفهن والدتك ماتت

» والدتي ميته من زمان سيدي

» الله يرحمه جا والدك مات

» سيدي والدي هم ميت من زمان

» زين اكيد اخوك او احد من اقاربك اتوفه

» لا سيدي محد مات

» جا شنهي الضروف التمنعك

» سيدي ضروف عائليه ماگدر احجيها واني جيت حتئ اخذ اجازه جم يوم

» ذبيت القلم بعصبيه وگمزت اليمه واني عيوني تطلع من العصبيه لزمته من ياخته ولزگته بالحايط ابن الكلب لانعل ابوك لابو حتئ الي يريدك هيه مره لو مرتين كل اسبوع غايب وكل مره ضروف تجي اتشوفنه نفسك وتروح  شطلعت هاي دنلعب احنه دنلعب ضباط وملازمين مركز وشرطه ومجرمين قضايا وشكاوه ومعاملات ذاب شغلك علئ غيرك وانته مسنح بالبيت وراتبك يجيك شنو هنا بيت الخلفوك

انوب اتجاوز عليه وتضاربنه طلعت حرگه گلبي وضيم الله كله بي جان عقابه سجن شهر سرعان ماذبوه بالسجن اتحضرت ورقه نقله بس وقعت عليها وره العقوبه ينفذ القرار جان يستاهل لان اعرفه كلش زين گاضيها شرب ونسوان وعايش بس هو وخواته واخوه وعايف دوامه ومگابل هلزقنبوت ومضيع مستقبله العار
ياما نصحته بالحسنه ونبهته علئ خواته مالهن غيره بس هو بعد مدمن. خليه مشمور جوه بلكي يعقل يهجع شويه طلعت من المركز واني العصبيه عاميتني منا الشغل منا هذا الكلب منا علياء. رحت بوجهي للبيت مارجعت للشقه اني وصلت الفرع واشوفلك الفرع مينطب من السيارات ولناس والطلق والاغاني عرفت هاي زفه علياء وهنا جيب اليصبرك ياگلب جانت عايزه التمت رجعت ليوه وطبگت بصفحه بيبتي.وگعدت اترقب الوضع وسيارتي مضلله مامبين اكو احد بيها

عضيت اصبعي اخخخ اني الي سويت بنفسي هيج اني الي عرضت روحي
لهل موقف. حطيت ايدي علئ گلبي ابن السطعش كلب دكرها دعوفها ليش ادگلها شو هيه وحده ساقطه رخيصه انطت نفسها لرايح وللراد لعبت لعب تالي راحت ازوجت حتئ تستر نفسها بعد شكو اتحنلها
ساعه اعاتب گلبي ساعه يسيطر عليه عقلي ومادري ويامن اصير شفت سيارتها المزروقه فاتت من يمي حطيت ايدي علئ گلبي وغمضت بقوه وهنا قررت اشيلها من گلبي وعقلي وروحي لهنا وينتهي كلشي روحي الله يسعدج ويوفقج ويهديج ماگول غير هيج.  بيدج ضيعتي كلشي شفت الناس كلها راحت شخطت السياره ومشيت وصلت للبيت اكلتلي لگمه وسبحت ونمت خره بالوكت مين ماجيبها سوده مصخمه

:::: علياء

شفته طب وقفل الباب نزع سترته وعلگها راح للميز وينزع بساعته ولا باوعلي خررب بالحض ادري شگلبك توك شحلاتك تبتسم ولازم ايدي گاعده وارجف خوف وتوتر من الراح ايصير يارب ساعدني احسها صعبه هونها يارب اوگفلي بهليله جنت گاعده ع الجربايه من جهه الحمام وحاطه ايدي علئ صدري وادعي بهمس حسيته اتقرب وگف يمي

» ليش ترجفين

جاوبته واني مدنگه

» متوتره شويه

» ماكو داعي تتوترين

» ليش

» ماراح يصير شي يدعي للتوتر

» شلون يعني مافهمت

» يعني لاراح اتقربلج ولا تتقربيلي

» وليش بلا

جاوبني وهو يتجه للكنتور ويگلب بالملابس

» مالي نفس بيج

انصدمت من رده
كمزت يمه ولزمته من عكسه ودرته عليه

» شنوو شنوو شنو مالي نفس بيج تدري بروحك شدتحجي لولا

عت ايدي بقوه وخنزر عليه

» اششايفتني  مخبل ومادري بنفسي

» جا هذا حجيك مال واحد عاقل شكو ازوجتني اذا مالك نفس بيه

دار وجهه متجاهلني ويگلب بهدومه

» مو اني ردتج امي كتلت روحها عليج وضلت تلح ماحبيت اكسر كلمتها انجبرت  اخذج

ضليت مصدومه من كلامه وبروده

» وانت شلون زلمه التمشي كلمه امك عليك

ماحسيت الا راشدي سطرني سطر ووگعني للگاع گعدلي ركبه ونص ولزمني من شعري ويحجي بحده وغضب

» زلمه غصبن عليج وعلخلفوج  مو انتي الي تقيمين رجولتي

» الزلمه زلمه ماينجبر علئ شي افتهمت واذا ماردتني ليش مافكرت بيه ماگلت ليش اكسر بنت العالم ويايه هااا ليش ليش

گومني بسرعه ولازمني من حنكي وحصرني وره الباب يحجي والعصبيه تطلع ناررر من عيونه

» صوتج بت الكلب صوتج لتعلي اللسانج اگصه وحق علي اذا علئ گدامي افتهمتي تنجبين وتگعدين هنا تتحملين تحملي ميعجبج ذاااك الباب الله ومحمد وعلي وياج

اني هنا ماتحملت فلتت من بين اديه وگفت گدامه وگمت احجي بعصبيه

» دير بالك دير بالك كرار تجاوز علئ اهلي اهلي خط احمر ماسمحلك تجاوزه ولا اسمحلك تضربني اني ماجيتك فصليه ولا معيوبه ولا عار اني بنت بيوت شريفه وعفيفه ومستوره طلعت من بيتي وجيتك مرفوعه الراس ماستاهل هذا تصرفك وسلوبك وياي ماكاتله روحي علئ قربك
شهر كامل اني متحمله تجاهبك وبرودك الي شبعت فشلات گدام اهلي وگرايبي
وكلشي مفروض اتسوي ماسويته 
وكل هذا وگلت ميخالف يجوز يستحي يجوز يخجل احتمال هوه انطوائي بلكي وره العرس يتغير يرتاحلي بس مال هذا كله اتحمله واجي يمك وتطلع هيج لا والقهر تضربني بليله عرسي وتگلي مالي نفس بيج زين وهاي الناس البره التنتضرك شتريد اتگوللهم مالي نفس بيها وماخذت نيشانها و .....

بعدني مامكمله كلامي هجم عليه مثل الوحش رد بنفس الحركه حصرني وره الباب ولازمني من حنجي قوووي
ويحجي بعصبيه بس بهمس

» لثاني مره ولاخر مره اگلج صوتج نصي ولسانج گصري احسن ماگصه الج وهذا اني وماتغير واذا شايله هم للناس التنتضر بره اسهل منها ماكوو

جرني اني وبدلتي وشمرني ع الجربايه بقوه وجان اكو ماعون بي فواكه بصينيه العشه راح جر سجينه منه وجا عليه
عززززه هذا شراح يسوي للحضه فكرت راح يذبحني وليش يذبحني مادري انرعبت من منضره العصبي وعيونه التطلع منها نار وحواجبه العاگدهن بغضب اتقرب والسجينه بيده ردت اگوم دفعني. من صدري ونومني علئ ضهري

» اششششش ولا حركه  

» شدسوي انت مخبل وخرر مني وخررر

ولا جن احجي وياه لابسني شفته دنگ ورفع البدله بسرعه الريح جرحني من فخذي.

» ااااخ ااااخ الله ولك شسويت. انت شسويت اااخ والعباس مو صاحي والحسين مريض مريييض

  شفته گام وجر الوصله البيضه الي انطتنياهه عمتي وگالت انطيها الرجلج من يتقربلج شفته مسح الدم بالوصله وحطه ع الميز  اني نسيت الم رجلي ضليت بصدمه من تصرفاته ومن الصار ماباوعت بوجهه ولا گتله شسويت وشجاي اسوي حطيت ايدي ع الجرح ودنگت بحسره وخيبه امل  جنت متأمله بي ينسيني الايم المضت ويعيشني ايام حلوه بس شكلي خلصت روحي من مصيبه وذبيت نفسي بأكبر منها .. ولاجن مسوي شي راح اتمدد علئ الدوشگ الابيض الي من عاداتنه ام العروس اجيبه للعرسان اتمدد ويگلب بتلفونه... رفع نضره وجهه الي

» انشالله ناويه تبقين بهلزباله گومي سبحي گوووومي
( جان قصده الزباله بدلتي )

گمت دخلت للحمام وقفلته حاولت انزع البدله بس ماگدرت جريتها بقوه وگطعت سحابها ونزعتها اباوع الدم علئ طول رجلي لان الجرح صاير من فوگ جريت حسره فتحت الباب وطلعتها ورديت طبگتها بقوه وقفلتها فليت السريحه وگفت جوه المي كلني اسف علئ روحي وحالني انخذلت للمره الثانيه
وخابت كل امالي
ماردت ادموعي تنزل بس خانتني وسالت

- ما بك !
-قلبي يؤلمني !
- لماذا !
- خيبه وراء اخره..وموت علئ قيد الحياة  

.....خسرانه رجعت من هذيج امالها .....

الاثنين خذلوني الاول حبيته وتمنيته وبنيت وياه امال واحلام واماني وهو جازه حبي بالكره وگام يشوفني عدو

والثاني اتأملته ينسيني الاول ويحبني
ويصوني ويبني وياي مستقبل. وعيشني بسعاده وهو الثاني هم طلع كارهني قبل. لا أجيله وما طايقني ومجبور يگابل خلقتي .... فززني من صفنه خذلاني صوته وهو يدگ الباب 

» شطلعت هاي سنه يلا اتكملين طلعي بسرعه

جاوبته بكل هدوء

» طالعه

طلعت للمنزع جان الحمام بنائه جديد وراقي ونضيف ومرتب ومرايات بالمنزع من السگف للگاع التفتت ادور منشفه نسيت ادخل ملابس ويايه لگيت منشفه جبيره عبالك بطانيه لفلفت روحي بيها وطبعت شفته امدد علجربايه وحاط ايده جوه راسه والايد الثانيه يگلب بالتلفون اتجهت للكنتور اطلع ملابس حجه وهو يتجه للحمام

» لبسي ذاك النعل معلگ بالزاويه راح يصعدن امي وعماتي

باوعت للزاويه شفته سيت نوم ابيض والله يالله هذا اسلوب مدرس عالم وفاهم ومثقف رحت لبسته مشلتح يعرري اكثر من ميستر وجان اكو وياه روب ابيض ستن لبسته فوگاه ورحت للمرايه انف بشعري ابد مابيه حيل امشطه شطوووله نشفته وتركته مهدود باوعت بالمرايه عيوني حمرر دددم اني بيه عاده اذا ابجي لو اسبح رأسا. عيوني يصيرن حمر حطيت باودر شويه وكحل وحمره سحري احاول اسوي نفسي طبيعيه شفته طلع لابس دشداشه بيضه وينشف بشعره عشتووو عود عريس لابسلي ابيض جا يمي ودفعني بكتفه علئ صفحه وگف يمشط ويتعطر ضليت واگفه واباوع عليي تالي هزيت ايدي ورحت اعدل بالجربايه

» هاي الحركه النوب اذا عدتيها اكسر ايدج

باوعتله بعدم فهم » تحجي ويايه

» لا ويه هاي الوراج التفتت برهبه اخذتلها من كل عقلي اكو وحده ورايه ووجهلها الكلام.

» ياحركه وبعدين انت مامالك نفس بيه ليش تباوعلي وتضوجك حركاتي

التفتلي بعصبيه يحجي ويأشر بالمشط بحذر
» علياء لسانج گصري ولتراددين شگلج گولي صار وخليها ابالج اني نار لتلعبين بالنار مفهوووم

سكتت وماجاوبته واستمريت اعدل بالشرشف ماحسيته الا گمز اليمي ولزمني من ازنودي وحصرني بالكنتور وجسمه لازگ بجسمي احساسي ماعرف شنو جان خوف رهبه بس ماجنت اريد افلت من بين اديه رغم غضبه وعصبيته بس ماردت ابتعد لزمني من حنجي وقرب وجهه من وجهي وصارت عيني بعينه حجه من بين اسنونه

» من احاجيج تنتبهيلي ومتنطيني ضهرج لا اكسره الج مفهووم سكتت وماجاوبته غمضت بخوف من عصبيته صررخ بكلمه مفهووووم فززني جاوبته برجيف وتمتمت

» اي اي مفهوم

شفته غمض بقوه وجنه يطلب الصبر. ماحسيته الا دفن راسه بشعري ويتنفس ويشم بشراهه وسرعه تقريبا ضل دقايق هيج اني متيبسه بأيده لا اگدر امنعه ولا أگدر اعوفه ماحسيته الا ابتعد بسرعه وجنه انتبه النفسه فرك وجهه وحاجاني بعصبيه

» اسمعيني زين راح يصعدن هسه يمج ايسألنج گليلهن كلشي تمام بس الم خفيف اسمعج حاجيه غير هلكلام وحق علي متلومين الا نفسج فاهمه

اني ومدنگه هزيتله راسي بموافقه علئ كلامه اصلا اگدر احجي شي

جر الوصله وطلع ضليت گاعده علئ الجربايه واندب حضي وافكر هذا مخبل لو عاقل معقوله مريض نفسي شنو مالي نفس بيج لا تتقربيلي ولا اتقربلج شنو حاصرني بالكنتور لازگ جسمك بجسمي وتشم بشعري بيك لغزز يكرار وراح اعرفه وراك وراك الا افتهمك ....

للحكايه بقيه

# زهراء _جهاد

⭐