رواية المغتصب حقها الفصل العاشر 10 - بقلم زهراء جهاد 🤞

#آلمـغتصـب _ حقها
البارت الحادي عشر!
.. زهراء "جهاد

ضليت گاعده علجربايه واندب حضي وافكر هذا مخبل لو عاقل معقوله مريض نفسي شنو مالي نفس بيج لا تتقربيلي ولا اتقربلج شنو  حاصرني بالكنتور لازك جسمك بجسمي وتشم بشعري بيك لغزز يكرار وراح اعرفه وراك وراك إلا افتهمك ....

دقايق وسمعت صوت الهلاهل من جوه وصوت طلق ضحكت بستهزاء والله عمي مشاها عليهم  حزت بنفسي شبيه اني وماراد يتقربلي معقوله بيه شي شبعت قهر مو حبا لقربه لا والله بس كل ابنيه تحلم بهيج يوم وبهيج ليله ليش اني هيج ايصير ويايه

اندكت الباب كمت فتحتها جانن عمتي وخالتي وام كرار وعمته اني من شفت خالتي ذبيت روحي بحضنها وضليت ابجي واشاهگ مدري ليش شكو بجه الله ذبه عليه بذيج اللحضه عمتي تمسح علئ راسي وتهديني

» يلا يمه ميخالف
بس بالبدايه هيج
تصفه سوالف وداعتج

خالتي » خمو اتأذيتي هوايه لو نزفتي

ضحكت گتلها بگلبي يي متدرين حيل اذاني

» لا عمه لا تخافين الم خفيف
هاهيه عدت كلشي تمام

بوسني وباركلي وگعدن شويه ونزلن صعد كرار
» ها شگاللج وشگتيلهن
» سألني خمو تاذيتي گتلهن لا ما أذاني 
بدل دشداشته لبس تراكسود وتمدد علجربايه وگفت امشط شعري واني امشط حسيت بجوع مو طبيعي من الصبح ع الريوگ ما ماكله شي باوعت صينيه العشه محطوطه ع الميز رحت يمها اويلي الاكل يشهي دولمه وخضره ومشويات اشكال واني اشلون بيه عاده جايفه لو اموت من الجوع ماعرف اكل وحدي الا احد ياكل ويايه باوعت علئ كرار  لگيته مبحلق بتلفونه اهووك هذا ميمل من المبايل فكرت اروح اگله ياكل ويايه بس بعدين اذكرت شلون ضربني وگلي لتتقربيلي عفت الاكل ورحت للحمام غسلت عيوني لان گامن يحرگني وطلعت باوعت داير مدايري الغرفه اثاثها حلو انجاره جديده وصبغها يلمع ريحه الاخشاب ماليه الغرفه واكو شاشه بلازمه معلگه بالحايط والفرشه بيضه نفش تخبل عود عرسان خيه وفرشه بيضه فتحت الكنتور اتفحصه بي ست خانات اثنين تعاليگ واربه رفوف فتحت اول وحده ملابس كرار كلهن قوط وقمصان وبناطير وكلهن راقيات ومكويات ومعطرات سديتها وفتحت الثانيه بيها ملابسي دزيت ملابسي وجهازي البارحه وخواته مرتباتهن باوعت شالاتي ودشاديشي وسيتات نوم كومه
هه لا هوايه راح البسجن
فتحت ام التعاليگ الثانيه بيها ملابس مال طلعه سديته ورحت يم الحمام لگيت البدله بالگاع شلتها وعلگتها ورتبتها دنرجعها لام الصالون لان ايجار ضحكت وحاجيتها بگلبي هو انتي الجنت احلم بيج اسنين باوعت المكياج والعطور مرتبات ع الميز مليت ماخليت شي بالغرفه مانبشت بي باوعتله لگيته حاط عكس ايده علئ عيونه ورجليه وحده فوگ الثانيه اهووك  والله ميته جوع شلون عاده زفره هاي صفنت اني ليش اصير هيج من البدايه ليش انعزل عنه لازم افهمه ويفهمني لازم اعرف شبي اني اذا اضل ازعل كلشي ماستفاد حتئ لو ضربني ميخالف اتحمل بس هسه اهم شي اخلي يرتاحلي. راح اگعده ياكل ويايه وشيصير خل يصير بعدين هوه الاكل جايبي النه اثنينه تذكرت كلمه جدو من گال الانسان اذا مو خوش اني اصير احسن منه رحت گعدت ع الجربايه متردده بعدين قويت نفسي مديت ايدي واني ادغ بكتفه

»كرار گاعد لو نايم كرار

« لا نايم

« جا شلون جاوبتني

« شرايده

« كرار اگعد عفيه

وخر ايده من عيونه وباوعلي

»شبيج علياء بس تحوصين وتفرفرين بالغرفه رايده تنامين هاي الجربايه توسع عشيره ميعجبج نامي جوه

«لا ما نعسانه

«جا شبيج

« جوعانه وميته جوع من الصبح ماماكله شي

« أحد لازمج ذاكه الاكل خير من الله گومي اكلي

« موو. وسكتت

« مو شني شبيج يابه

فرحت من گال يابه حسيته گالها بحنيه
زين بي أمل

« مو ماعرف اكل وحدي الا احد ياكل ويايه گوم اكل ويايه انت

« ما جوعان وراسي دينفجر گومي اكلي وتعاي انخمدي وراج گعده من الصبح البيت متروس خطار

» اهووووك ماريد راح انخمد اسفه ازعجتك استاذ كرار

درتله ضهري ونمت بالصفحه الگاعده عليها وهو بالصفحه الثانيه ضجت منه حيل شوف اني شلون افكر وشوف هوه شيحجي وره دقايق حجه

« گومي نزلي امري الله گومي

التفتتله باستغراب » وين ننزل

« مو جوعانه

« اي جوعانه

« جا گومي ولشغلين فهاوه يمي من احجي الكلمه لگفيها بسرعه

وگام خله الصينيه بالگاع وگعد

خاف ماتقبل اشغل فهاوه دطيرر والله لمو رجلي جان شوفتك الفهاوه شلونها نزلت تربعت وگعدت گدامه بديت اكل صفنت عليي اهوووك هذا ليش هيج عاگد حاجبه ماريده يعگدهن لان عاد كل ما اباوع عليي اذكر فهد لان فهد جان اربعه وعشرين ساعه هيج گايل جنت شگد اصنف عليي شفته باوعلي

« مو ميته جوع متاكلين

« اي داكل

خررب
شلون فشله اني صافنه بوجهه وناسيه روحي كملنه اكل شفته طب للحمام غسل شلت الصينيه وكترتها ع الميز غسلت لگيته نايم وأيديي. فوگ راسه رحت نمت ع الطرف الثاني ميته تعب لفيت راسي ونمت ..

حسيت عليي الصبح يگعدني

» علياء علياء گومي عاد كافي نوم گومي

جاوبته واني اتگلب » هممم شكو شرايد

» گعدي عاد ساعه بالتسعه دننزل كلها تنتضرنه

» ايي گعدت

باوعتله سابح وينشف بشعره

» دخلي سبحي

» ليش

» بلا ليش سووي مثل ماگتلج

اوووي هذا شبي
گمت دخلت للحمام سبحت وطلعت اهوووك هم نسيت ادخل هدوم ويايه هاي شبيه اني فتحت الباب اشويه شفته ديبدل لابس بس شورت عزززه استحيت طبيت وطبگت الباب

» فضيها عاااااد

فتحت الباب شويه

» انطيني المنشفه من يمك معلگه بالزاويه.

انطانياها مديت ايدي اخذتها وطبگت الباب لفيت روحي وطلعت شفته ديمشط ع الميز لابس دشداشه لونها سمائي علئ رمادي مخصره عليي طالع حيل حلو بيها اتجهت للكنتور اطلع ملابس طلعت گلبيه حيل حلوه همه اشترولياها مال صباحيه عرسي لونها سمائي فاتح حيل عجبتني اخذتها ودخلتت للحمام بدلت وطلعت ارتب روحي ع المرايه هو شفته گاعد ع الجربايه يخابر من خلال كلامه عرفت ديحجي وي صاحبه مكيجت مكياج قوي مال عروس ولبست الذهب مالتي وفليت شعري وشسورته بالفير ع السريع مجرد يبسته لان هو من الله سرح وذاب نفسه كملت باوعت علئ روحي صدگ عروس التفتتله لگيته ايباوعلي ذب المبايل من ايده وحجه

» انشالله ناويه اتنزلين بهلمنضر

» ليش شبي منضري

» لمي شعرج لو اگطعه الامه مگلوبه جوه وانتي فاردتلي شعرج شترديهم يگولون مرت كرار تعرض نفسها

» انتبه الحجيك كرار اني ماعارضه نفسي لاحد وماجنت ادري اكو هواي ناس جوه بعدين اني عروس يعني العروس شتلبس مثلا ثوب عجايز

» لتلغين زايد لمي شعرج وحطي شي علئ راسج وهذا الخره البوجهج غسلي

» كرار صدگ تحجي شتريدني اطلع مبهذله وشيگولون عليه

» هذا العندي اتبدلين وتغسلين وجهج وتنزلين
مسوين ذني تگعدين هنا وتنجبين واذا لمحتج نازله اكسر رجليج.

» والله لو اموت مانزل مبهذله ولا ابقه هنا من البارحه ليهسه محبوسه بالغرفه  اختنگت 

» هذا هوه جا ابقي هنا واذا انتي مره من ضهر امج وابوج انزلي

جر تلفونه وطلع وطبگ الباب سمعت صوت هلاهل جوه
  اوووف والله راح اموت بهاي الغرفه ليش هيج ايسوي ويايه يعني همه مو اهله بس مال انزل مبهذله لو يموت گمت رتبت الغرفه وشديت شعري ذيل احصان وعلگت التلفزون وشغلت اغاني جان بوكته توها نازله اغنيه حسام الرسام
(راح اكتب احبك)
بعناده وگعدت والله ولا انزل خليني اهنا الا افشله گدام اهله اذا ما اخلي هو ينزلني بيده وباللبس الي اني اريده ما اسمه علياء اذا هو عنودي اني اعند منه ضليت گاعده عبرت ساعه عبرت ساعتين مليت وروحي طلعت النوب الغرفه مقبطه شباكها صاير وره الجربايه صفنت احنه ليش مااخذنه صور مال عرس شلون نسيت هلشغله زين هو سوه العرس علئ اتم وجه ليش ماخذني وصورنه من يجي اساله كأنهو قره افكاري وطب ضليت علئ گعدتي واباوع بعيونه بتحدي جتف اديه ونتجه ع الميز ويحجي

» يعني تعانديني

» لا ما اعاندك بس مانزل مبهذله

» وياهو الگلج نزلي مبهذله

» انت گتلي نزلي مبهذله

» هاااا اني گتلج نزلي مبهذله

» يي

حجه بنتر
» علياء لتخليني اشوفج وجهي الثاني كسري الشر وگومي نزلي كلها تسأل عليج لتفشليني جدامهم

» انزل بس بشرط

» بلله غردي دنسمع

جاوبته ببتسامه مصطنعه » انزل بشكلي هذا

» استغفرالله ياربي ولج تالي وياج

» اهووووك هذا العندي ميعجبك روح

گمت واتجهت للكنتور ماحسيت الا هجم ولوه ايدي ولزمني من رگبتي ولازگني بجسمه من وره ويحجي يم اذاني بعصبيه يعلي وينصي بصوته جسمي كزبر وخفت منه حيل انفاسه الحاره يم اذني خنست بين ايديي

» للمره الثانيه اگللجياها من احجي وياج لتنطيني ضهرج وكلمه اهوووك متنگال الي فهمتي

ماجاوبته شدني اله اكثر وعصرني بيديه
اني هنا متت خوف وگمت امتمت

» فهمتيييي

» ف ف.. فهم. فهمت فهمت هذا هوه

» اي عبالي مافهمتي دفهمج بغير طريقه  وهسه تمشين مثل الاوادم تبدلين وتلبسن شي محترم وتغسلين وجهج وحجاب مستر وتنزلين ويايه زين

» اي زين زين مثل متريد بس هدني دتوجعني اخخخ.

شفته جر نفس بعصبيه وهدني وراح گعد ع الجربايه

» يلا ع السريع بيدج خمس دقايق وتكملين

ضليت افرك بيدي حيل وجعني الله ليوفقه علئ هل اسلوب الشايله رحت فتحت الكنتور طلعت گلبيه عريضه ادخل اثنين ويايه  وغسلت وجهي خليت بس كحل ماگدر استغني عنه ولفيت شالي واني ميته قهر شگد اتحلفت ماسوي الي يريده بس بحركه وحده جبرني وصار الي هوه يريده رحت وگفت گدامه وفتريت

» ارتاحيت هسه بدلت خمو ميعجبك لو ضيگ

» بلا لغوه زايده وامشي طلعنه وطفه الضوه وسد الباب باوعت اكو اتلاث غرف فوگ لزمني من ايدي استغربت من الحركه. حجيت بهمس بدون مانتبه عشتو مو علساس متلمسني شو اطورنه

» لسانج خنسي احسن ماگصه الج

باوعتله بصدمه هذا شلون سمعني شنو اذان فرس يمةةة خل اسكت مابيه حيل تونه دننزل وجان يجرني بسرعه ورجعني يم الغرفه.

علياء » اخخخ اشبيك علئ كيفك

كرار. » صوتج بتل.....
سكتي وسمعيني زين خواني وولد عمي وكل گرايبي جوه تنزلين السلام عليكم وبوجهج للمطبخ اذا طلعتي اكسر رجلج ززززين مستحيل تحجين ويه احد حتئ لو خواني بسسس النسوان مفهوووم

» جا شكو امنزلني ارجع احبسني بالغرفه احسن

عصر ايدي ابأيده

» لتراددين سوي مثل ماگتلج ونجبي

سكتت جرني ونزلنه ببتسامه عماته گلبن الدنيا بالهلاهل گامن خواته وباقي النسوان بوسنه اثنينه وباركن النه گالو اگعدو سوولنه مجال هو ضب علئ ايدي وبخزه جانبيه معناهه مثل ماگتلج اترخصت ورحت للمطبخ لگيت نسوان هم يطبخن وبوسني وباركلي گعدت يمهن وشويه شويه كلهن التمن يمي وسوالف وضحك حبيت روحهن الطيبه ولسانهن الحلو نسيت كرار ويه اسوالفهن الحلوه شويه وبلشو يفرشون السفره وينقلون الاكل من كملو السفره كلها بالهول اجه كرار حجه ويايه

» لدخلين جوه  صعدي الغرفتج وهمه يصعدولج غده. مفهوم

توني دفتح حلگي سبقتني امه وحجت لان سمعته

» ليش يايمه ماكو غريب كلهم اهلنه بعدين هلعزيمه علمودكم شلون متگعد

جاوبها بنتر وعصبيه صدمني

» لااااااا  لتدخلين بينه اني ومرتي خليج بعيده عنه جرني من عكسي وصعدني فوگ طببني بالغرفه توني دحجي
ولصمني علئ حلگي

» اششششش ولا كلمه گعدي هنا ونجف اصعدلج اكل

طلع وطبگ الباب بقوه عززززه هذا شبي حرام غير مخبل عود اشلون يحاجي امه ياربي دخيلك اني شورطني وياه عزه ولا دستوعب الديسوي گمت بدلت ورفعت شعري وگعدت اتفرج تلفزون مليت ماكو شي حلو تالي طلعت مسلسل العشق الممنوع جانت حلقات اولئ ماصارلها اهواي من طالعه گعدت اتفرج ومشه الوقت وخلصت وماخليت قناة ماگلبته عليها بس ملل
باوعت الساعه صارت 2:33 وهو ماكو لا صعد ولا صعدولي اكل متت جوع تالي غفيت ماحسيت الا ساعه 5. جان بوكتها فصل الربيع وبسرعه يصير المغرب رفعت البرده اشويه الشمس رايحه ودتغرب حسيت بجوع فضيع باوعت شفته مبدل وطالع ملابسه معلگه شنو هذا ميحس بيه جرني وصعدني وهددني ماطلع وكال راح اخليهم يصعدولج اكل وهو يدري بيه بلا ريوگ وهاي اضلمت الدنيا وهو ما جا  ولا سأل عليه ويمكن ماخطرت اباله ونوب اهله شبيهم شو همه هم ولا افتقدوني ولا گالو هاي عروس خاف تستحي تنزل ياربي. معقوله غلطت بقراري بالزواج يارب ساعدني شكلي ذبيت نفسي بتهلكه ومتاهه انهضمت وحطيت راسي بين رجليه وگمت ابجي معقوله هيج تاليتي عروس اول يوم الها ابيت اعيالها محبوسه بغرفه وميته جوع ومحد سائل عليها حسيت الباب اندگت مسحت ادموعي. فتحتها شفتها نجف

نجف » عززززه هاي شبيهن عيونج حمر شصاير

علياء » لا لتخافين مابيه شي بس جنت نايمه ومن انام اعيوني يحمرن اتفضلي فوتي فاتت وگعدت ع الجربايه گعدت يمها

» اي احجيلي اشلونج مرتاحه لا

بلله هاي شكوللها هسه اشلوني بقمه الراحه والونسه استحي احاجيها

» اي مرتاحه الحمدلله انتو اشلونكم جوه

» بخير كلنه نسأل عليج بس كرار گال داخت وصعدت نامت عوفوها عروس جديده خل ترتاح بس ضل بالي عليج طولتي

» هاا اي والله دخت ونمت گلي لتنزلين ابقي متمدده اگلج اكو احد جوه غريب اقصد الخطار بعدهم

» لا راحو كلهم وره الضهر محد ماكو بس زبيده هيه وجهالها

» اهااا جا كرار وين. 

» ليش هو مو جان يمج بس طلعو صعد قبل شويه نزل وطلع

» ها مو جنت نايمه ماحسيت عليي

» هسه عوفج من رجلج گومي نزلي ماختنگتي هنا

» بلي والله اتكأبت مو بس اختنگت  يله ننزل 

حطيت شال علئ راسي باوعت لبسي مستور نزلت وياهه لگيتهم گاعدين بالمطبخ كلهم وعمتي دتلكلك كبه وغسق وزبيده وجهالها كلهم كاعدين بس الولد ماكو رحت گعدت يم عمتي

» عمه اساعدج

» لا عمه جوزي انتي عروس قابل من اول يوم انشغلج شيگولون علينه الوادم

» لا عمه عادي مابيها شي

» لا حبيبه لا ميصير روحي گعدي يم البنات ارتاحي

» عمه اني اعتذر ابسببي كرار صيح عليج والله كلش ضجت من نفسي صارت بوجهي

» لا يمه لا تعتذرين وليدي واعرفنه جسر واريدنج ييمه تتحملي هو شويه عصبي بس والله گلبه طيب

حسيها تعرف شكو بيناتنه

» لا عمه ليضل بالج كرار حيل زين ويايه ومريحني

» اي الحمدلله يمه جا انه شريد روحي احبيبه گعدي يم البنات يمن فدوه رحت لهلعيون

ابتسمت بخجل من هيج گالتلي زين اكو احد مهتم بيه بهلبيت رحت گعدت يم زبيده جهالها يخبلون طالعين عليها شگر وعيونهم خضر وعرفت هيه مزوجه ابن عمها علئ حب وغسق هم مخطوبه لاخوه وره العيد الجبير ياخذوها وهو العيد ماضله شي تقريبا اسبوع بعد بس ابد ما طايقتني مدري ليش مع العلم اني اللساني حلو وياهن كلهن بس هيه مبوزه بوجهي جنها كرار وگاعد اگبالي ولا خيرها لا خواتها راسأ ذبن ميانه وسوالف وشقه دخل كرار كال السلام عليكم كلنه ردينه اني صارت عيني بعينه واشوفه انگلب وحش من العصبيه وراسا اجه عليه ولزمني من عكسي وگومني. وصرررخ ابوجهيي

» ولج انتي شلون تنزلييييييييين

للحكايه بقيه

...زهراء جهاد

اسفه بنات جاي اتاخر بالتنزلين بس عذرني تفاعل حيل قليل يعني بارت اني ناشرته قبل يومين مجرد 13 مشاهده وهذا الشي ديخليني اكتب بدون واهس واحب اگول للي يقره وساكت اعلن عن وجودك بتصويت 🌟