رواية المغتصب حقها الفصل الحادي عشر 11 - بقلم زهراء جهاد 🤞

# المغتصب _ حقها
البارت الثاني عشر
.. زهراء جهاد

لزمني بقوه من ازنودي ويصرخ عليه امه وخواته اتخبلن من شافنه هيج گامن يجرن بي يردن بس ايفاككني من ايده ماكو مصيطر عليه بقبضته اني من الخوف والرهبه ردت اوگع بطولي شكله وصوته العالي حيل خوفني

» اشلووون اتكسرين كلمتي وتنزلين اني مووو گتلج انجبي وگعدي ابغرفتج گتلج لو لااااااا

وجهه قريب علئ وجهي ويصررخ وعيونه تخوف من العصبيه انلصمت حتئ لساني انعگد ماگدرت افتح حلگي واحجي حجت اخته نجف

» اني اني خويه اني نزلتها ويايه خطيه من الصبح ليهسه فوگ

التفتلها بعصبيه وبعده لازمني

» انتي شصعدج عليها اني مو گلت محد يوصل غرفتي

» مو.. مو خويه خطيه گاعده وحدها مايصير

» انجبييييييي انتي اتعلميني باليصير والميصير اذا رجلج انوب عتبت الدرج اكسرها وحق علي

اخته گامت تبجي طلعت من المطبخ

ضليت مصدومه من اسلوبه ويه اهله  اندارلي

» وانتي اني الج

جرني حيل ديصعدني وگفن امه وخواته گباله

امه » كرار صدگ جذب السالفه متستاهل البيت مابي احد والبنيه محتشمه وتوها نزلت حتئ صوتها ماسمعناه يمه اكسر الشر وهدها

كرار. » وخري من گدامي لو الله ا....

كفر
اني ضليت بس اباوعلهم وابجي واحاول افك ايديي مني لان حيل ديوجعني بس ماكو ما يتحرك جنه حايط جرني ديصعد وگفت ابوجهه زبيده

» عوفها ياخويه البنيه ماسوت شي مجرد گعدت يمنه وحتئ خوانك ماكو هدها عيني هدها البنيه عروس لتتأذه مايصير هيج اسوي بيها اول يوم الها ويانه

ماهتم اللهن جرني حيل وصعد حتئ حجابي انفل والقراصه انكسرت بشعري  اندار عليهن ويحجي بصوت عالي وبتهديد

» وحق امير المؤمنين علي الي تصعد منجن لو اسمع حسها متلوم الا نفسها..وأشر الزبيده وانتي اخذي جهالج ويلا ولي البيتج

جرني حيل فتح الباب وشمرني توني دنهض اجاني من وره ولزم شعري بقوه ويحجي بعصبيه وصياح خلت جسمي يرجف

» اشلووون اتكسرين كلمتي مووو كتلج لتنزلين  

» هدني كرار دتوجعني شبيك مخبل شسويت قابل طلعت بالشارع

بعدني مامكمله لزمني من فجي وضاغط علئ وجهي باصابيعه ويحجي قريب الوجهي بصوت عالي رعبني

» لترادديني ولج لترادديني من اگلج لتنزلين يعني لتنزلين

كمل كلامه وكفخني براشدي اذني صوفرت من قوته وگعت بالصفحه الثانيه وتلگيت الگاع بيدي اتلمست شفتي شفت دم وسنوني طگن واحد بالثاني هو گام مني ويمسح بوجهه ويغلط عليه وعلئ اهله. كسر شكو شي بالغرفه امرايه الميز والمكياج والعطور گمت ازيد بالبجي اتهسترت وصوتي علئ شهگ وبجه رجعت نفسي ليوره ونتجيت بالكنتور وامسح بدمي وابجي ماجنت طايقه شوفته اگبالي لذالك گمت مانتبه الحجيي

» شسويتلك اني اسويتلك ليش تضربني الله ليوفقك ياحقيرر يامريض  اطلع برررره اطلع بره لو هسه اطلع من البيت اطلللع.       

گمت الحيلي وادفع بي واشهگ واحجي وهو هاج مثل الاسد دفعني حييييل  وشمرني ع الكنتور راسي صار علئ مرايه الكنتور انكسرت براسي وبطن ايدي دخلت بيها گزيزه حسيت شي حار نزل علئ وجهي اتلمسته بعدني ماشايفه شنو وگعت ومادريت شصااار

....... بعد ساعات عديده صحيت شفت روحي نايمه ع الجربايه وايدي ملفوفه وراسي هم الم مو طبيعي امه گاعده يمي

» ها يمه سلامتج بشريني شلون صرتي انشالله احسن

اذكرت الصار ونزلت ادموعي معقوله عروس اسبح بدمي ترضاها ياربي ترضاها

» عمه ليش هيج ليش مو حرام عليج اذا ابنج مارايدني ليش جبرتي عليه هيج احسن يعجبج السواه والله حرام وضلم

» يايمه شسوي انتي بت اوادم وردته ينسه ذيج المسمومه گلت انتي حلوه وحبابه وبلكي يلتهي بيج وينساها بس شكلي غلطت وكسرت رگبتج اصبري يمه يتغير والله يتغير

» شيتغير عمه شيتغير هذا  السواه كله لان گعدت بين امه وخواته
جا اذا گعدت يم خوانه شيسوي. بعدين اذا هوه رايد وحده ليش ماخذتيها اله ليش كسرتي بختي

» البنيه موش من مذهبنه ودينه وانه ماقبل كافره اطب بيتي

باوعت عليها هيي يالله هيي شلون تفكير

» منو ضمدني

» غسق لفلفتلج اجروحج

جريت نفس بصبر

» عمه عندج علم من البارحه بالليل ماماكله شي ومعدتي فارغه وهسه ساعه 11 بالليل. بله  انگول كرار مارايدني وماسأل عن گاعي وين انتو مافتقدتوني ماگلتو هاي عروس وغريبه خاف تستحي تخجل تطلب اكل وانتي دشوفين ابنج حابسني بهلغرفه

» ياااا سوده عليه يمه عذريني ييمه والله التهيت هسه اخلي البنات يحضرلج لگمه

باوعتلها » لا عمه كلشي ماريد سلامتج نزلي وعوفوني

طلعت وسدت الباب صفنت وهنا عرفت اكبر غلط سويته بحياتي وافقت علئ زواجي من كرار وادركت حياتي اندفنت بهلغرفه بس والله مااسكتله ولا ابقه تحت رحمته بس تطلع السبعه ارجع لهلي وشيصير خلي يصير اصلا وجودي هنا نفس عدمه شو لا هوه زوجي صدك بس ماخذني للضرب والاهانه والرزايل صعدتلي امه اكل وجبرتني اكل اكلت الاكل كله لان ميته جوع يوم كامل بلا اكل حطيت الصينيه علئ صفحه ونمت

…… گعدت ساعه اتلاثه الفجر الضوه معلوگ وكرار نايم يمي نفسي لعبت منه وكرهته بشكل جريت مخدتي ونزلت
  ع الجودليه الغرفه نضيفه يمكن البنات منضفاتها  گعدت ونتجيت بالكنتور. لا بجيت ولا انفعلت ولا غضبت. بالعكس اجتاحني هدوء مو طبيعي استغربت المفروض هسه اني اگلب الدنيا وما اسكت عروس وانضرب ياهي التسكت …ضليت اعاتب النفس شنو البدر مني وخله كرار يتصرف هيج تصرف وياي منو الخطاء ومنو الصح ليش الضلم الي اتعرضله علئ ايدي اعز الناس علئ گلبي  بالاول زهراء امنت بيها وخانتني وفهد حبيته وكرهني وكرار اتأملته وخيبني سحبت نفس عميق وغمضت اعيوني ليش ياربي  اني ما اذنبت ولا اجرمت…  ولا ضلمت شخص بحياتي …ليش الضلم يجيني من كل مكان
  
وره فتره طويله من السكون البارد احس البروده وصلت  لحد گلبي وتوغلت بي فززني من افكاري صوت الاذان حيل  قريب غمضت بهدوء واردد وره الاذان من كمل كل اشوي اريد اگوم اتوضه واصلي واكو شي يمنعني تالي اتعوذت من الشيطان طبيت سبحت لان دشداشتي بيها دم من راسي سبحت وتوضيت وطلعت لگيت كرار گاعد

» شمگعدج بهلوكت

ماجاوبته ولا درتله بال حيل كارهته وحتئ صوته من بدي ماسمعه جريت السجاده والتربه وطلعت ازاري من الكنتور لبسته وگفت اصلي هو بس ايباوعلي وساكت كملت صلات الفجر وصليت ركعتين لوجه الله ودعيت الله ينصفلي حگي ويهدي كرار عليه وارتاح بحياتي ويرتاح بالي

🍃اللهم انت حسبي في من ضلمني
وانت حسبي في من اذاني
وانت حسبي في من خذلني
فحسبي الله وكفا بالله حسيب 🍃

كملت ضليت اسبح واستغفر ربي باوعت لگيت قرأن فوگ الزاويه رحت دنزله مانوش جبت الطبله مال الميز وصعدت جبته وگعدت حبيت اقره شويه بلكي ارتاح ياسبحان الله فتحته هيج عليك يالله راسا صارت عيني علئ

           (أّنِ أّلَلَهِ مَعٌ أّلَصٌأّبِريِّنِ )

قريتلي خمس صفحات واني اقره ادموعي نزلت مادرلي ليش صابني خشوع مو طبيعي سديت القران وحطيت راسي بين رجليه وابجي بصوت مسموع شفته جر حسره وطلع وسد الباب كملت ولميت سجادتي ورحت اتمددت ع المخده يم الكنتور ميجيني نوم لان هوايه نمت شفته طب باوعلي وراح اتمدد ع الجربايه ويدخن يخلص وحده يورث الثانيه الغرفه صارت ريحتها متنطاق من الجگاير اختنكت وگمت اگح بسرعه ماگدر اجر النفس من حلات روحي فتحت الباب وطلعت واني اگح ابد ماتوقفت شفته لحگني وشايل اگلاص مي اخذته منه ونصه اجبجب شربت واني احس روحي مخنوگه واتلمس صدري واجدي الهوئ جرني وطلعني للسطح لان هوئ نضيف وبي بروده ارتاحيت شويه تالي گعدت احس حيلي نهد من الگح اول مره اصير ويايه هلحاله مع العلم خواني وابويه يدخنون عادي اگعد يمهم يمكن لان الغرفه مقبطه مابيها منفذ. ومن هاي اللحضه عرفت شكل عندي ربو.  ……
واگف اگبالي.

» هاا ارتاحيتي

حسيت بنبره صوته خوف مدري عليه مدري يخاف لا اموت بسببه
هزيتله راسي بنعم
ماجان بدي اطب جوه رغم اني ارتاحيت بس اختنگت جوه بالغرفه صارلي يومين محبوسه بيها  ماشايفه جو ضليت گاعده جان اكو جربايه ام نفر بالسطح راح اتمدد عليها اني هم استغليت هدوئه وضليت گاعده بعد فتره طويله تقريبا ساعه اثنينه ساكتين وكل واحد شايل هم ابگلبه اكيد هو ضايج علئ حبيته الي رفضوها اهله وورطوه بيه واني افكر بقهري وضيمي والئ متئ ومعقوله تنحل سالفتي ويه كرار لو راح نگضي العمر هيج  تالي ضجت ردت اگوم هوه حس عليه وگام دخلت ودخل ورايه قفل باب السطح وطب النوب قفل باب الغرفه ودخل للحمام  اني بس حطيت راسي غفيت ..………

وتستمر الحكايه

#زهراء_ جهاد

اعرف بارت قصير بس والله ضروف شاغلتني عن الكتابه احب اشكر كل من ديتابع ومتحمس للاحداث