رواية المغتصب حقها الفصل الرابع عشر 14 - بقلم زهراء جهاد 🤞

المغتصب حقها
البارت الخامس عشر
...زهراء _جهاد...

.........

اتقرب مني وهمسلي يم اذني.

» يعني بكل بساطه اگللهم لو غيري جان دفنها البتكم مو بس زورگها
لان ناطيني مره معيوبه

انصدمت من كلامه دفعته من صدره حيل حطيت ايدي علئ حلگي بصدمه دموعي نزلت فقدت بعد ماعرف شسوي گمت اصيح واعيط كلشي ولا الشرف

» اني اشرف منك ومن امثالك ياحقيررر الله ياخذك ياضالم
لو عندك ذره رجوله ماجان نطقت هلكلام لهنا وكافي توصل للشرف لا وعلي اگلب الدنيا عليك

حجه بكل حقاره وستفزاز

» هذا العندي اتفكرين بيوم ترحين لاهلج تشكيني الهم هذا الي يصير ولتصدگين اهلج يسمعوج ويصدگون دموعج هاي
تره هاي الشغله متنحل غير بالذبح
ومن غير سمعتكم الي تصير جوه الرجلين اتقرب مني وحط اطبعه بوجهي يحجي بتهديد

وحگ العينه متنام يعلياء اذا حاولتي تكسرين كلمتي تعانديني تشكيني الاحد
لو اسوين شي وحگ علي اخلي خوانج يمشون وراسهم بالكاع بقت الشغله يم غيرتج اذا تقبلين اهلج يصير شرفهم بالگاع روحي گليلهم واذا تردين راسهم يضل مرفوع گعدي ونجبي

حجه بمكر
وخطيه جدج حالته حيل تعبانه اذا سمع هلحجي ما اضملج يطول بفراشه يموت

اتخبلت من سمعت كلامه معقوله اكو بشر شايل كل هلجرم بگلبه يمةة كلشي ولا اهلي. اني جيت هنا علمود ارفع راسهم مو انكسه قررت استسلم للامر الواقع واتحمل وانتضر الفرج لان الي يسوي هيج كلشي يطلع منه ما استغرب ابد اذا سواها لان گلبه ميت ضالم

» هاهيه كرار اني موافقه راح اسكت واتحمل كلشي ولا اهلي ما اسمح تمسهم كلمه بسببي

عافني وطلع روح الله لا يوفقك ذنبي وخطيتي برگبتك جان گلبي يدگ حيل وسرعه النبض احسها تضرب برگبتي
ضليت ابجي
يارب اني شنو الي سويته حتئ اگول دتعاقبني عليي
والله دموت باليوم الف موته
بالليل نزلت جوه جنت معدومه من الاحاسيس. وما عندي اي استجابه ويه الاشخاص الحولي
ومعالم وجهي بارده ماتعبر عن اي رده فعل.
صرت اخدم واطيع الجبير والزغير مثل الخدامه بهلبيت
شهيتي انسدت عن الاكل
عمتي اعلنت الحرب ويايه ودورلي الزله والوگعه علمود كرار يلزمني ويدگني
تعبت حيل من شافني اطيعه ومو مثل قبل اسكت علئ كلشي يكوله وانفذله كلشي يريده بحلگ مسدود في سبيل ما أذي اهلي يزيد بقسوته الي صار يضربني ويسبني ويهيني علئ اتفه الاشياء سواء جنه وحدنه او احد موجود

... عذبو گلبي
#ومشو
وعافوني وحدي
#بدنيتي
وبحالي ابد مافكرو
#وشلوون
اطيب علتي
لا سألو شحاله
#صبح
من يسهر لحد
#الصبح
لا مرله نوم ولا
#فرح
محد عرف
# بمصيبتي

طلعت من الحمام قفلت باب الغرفه ووگفت اگبال المرايه اباوع جسمي ادمر ضعف واثار ضرب زراگ وحمار
ادموعي تنزل گبل للگاع مسحت دموعي وبدلت ونزلت
هواي دتعب من اشتغل بالبيت كبل جنت خفيفه اشتغل بكل نشاط بس هسه احس حيلي مهدود وصدري راسأ يضيگ عليه اشتغل اشويه واگعد استراح. شغل البيت كله عليه طبخ تنضيف هدوم خبز كلشي صار يجي تالي الليل يتاخر هوايه ريحته متنطاق نفسي تلعب منها ماجنت اعرف مال شرب الا لمن سمعت امه ترزل بي لان جاي سكران وهنا عرفت اني تورطت ورطه عمري لمن ازوجته خاف جان الي امل واحد بالميه يتعدل فهسه تحطم بالكامل. بيوم امه سالتني ماصارلج شي اتهربت من سؤالها ومن يومها جلبتلنه سممتنه اني وياه علئ ليش ماصارلكم خلفه وصارلكم اربع اشهر مزوجين وخاف منج الصوج

هه هيه متدري صارلي اربع اشهر ابيتها وبغرفه ابنها وبعدني مثل ماجابتني امي

طبعا بهاي الاربع اشهر اهلي تلاث مرات زرتهم مره من عزمونه ومره جدي سووله عمليه ورحت شفته ومره صادف عشره محرم وهمه راحو لكربله وذبني ابيت اهلي وثاني يوم جا اخذني
امي هواي مقهوره عليه لان مازورهم وتعاتبني بس شسوي حكم القوي ع الضعيف
اني احجي وهددني بشرفي واهلي اتعذرلها بحجه نحس وميحب المره تطلع

بيوم گعدت ساعه سبعه الصبح طبعا هذا صار قانون اذا اگعد بالسبعه وربع تصير مكافش وسابع جار يسمع صوتنه بس مو من ناحيه كرار من ناحيه امه
نزلت جوه كملت شغلي وفضيت الغده كرار صعد نام والعصر طلع
طبيت سبحت وترتبت ونزلت رغم حزني ورغم الاعيشه بس ماهملت نفسي خصوصا اني من النوع المهتمه بنفسي احس نفسيتي تتغير
طبعا حجابي ميوگع من علئ راسي
فقط بالغرفه
نزلت صار المغرب بلشت احضر العشه
لان همه من النوع الي من وكت يتعشون انتبهت عليهم محد يصلي منهم اصلا الله ميعرفوه بس وكت الحلف والتهدد الحمدلله رغم انشغالي بس ماتركت ربي ولا قرأني اصلا جان الراحه الي هو الاتجاه لرب العالمين نجف حبابه وفقيره بس لو اتشوف الدنيا تحترگ متدخل واذا شهدناها بالحق متشهد رغم كلشي يصير كدام عينها وصرت اكرها بسبب هلشي الساكت عن الحق شيطان اخرس
الولد مالهم دخل ملتهين بدارستهم ينهيني من الكتل گدامهم يسحلني ويصعني
ايديرون وجهم ويدخلون غرفهم.ويسدون الباب

حضرت العشه والتمو الكل اتعشينه گامت نجف لمت الماعين رادت تغسلهم عاطت بيها امها اتروح تقره گتلها روحي عادي مو جديد هلتصرف وگفت اني اغسلهم. الولد طلعو عمتي راحت لغرفتها كملت المطبخ رتبت البيت وصعدت فوگ شويه وطب كرار باوعت للساعه تسعه ونص شعجب مو من عوايده يرجع من وكت جنت واگفه اخط بحواجبي عل المرايه
جا وگف ورايه شويه قريب
بس ماطاخني صفن بوجهي بالمرايه
شبي هذا
انتبهت علي كالعاده سكران ميدري وين الله ذابه نفسي لعبت من ريحته المقرفه اجاهلته عوذه صايره اتخبل ولا اشوفه خصوصا من عرفت يشرب هلسم الهاري كملت وتوجهت للكنتور جرني من عكسي قوي وسحبني اله صارت اديه علئ صدره لزمني من زنودي وقربني اله احس معدتي كامت تگلب بعدت وجهي عن وجهه

» وخررر عني وخررر فوت اسبح ريحتك تكتل

» ماعاجبتج ريحتي ست علياء

» طبعا متعجبني كلك علئ بعضك متعجبني وخررر ايععع

» انجبي لو اكسر اسنونج بت الكلب اني زوجج تحترميني غصبن عليج

» مو زوجي مو زوجي فهمت
ما اتشرف شخص سكير مخمر مثلك يكون زوجي الزواج مقدس لتنجسه بفعالك. متربطني بيك غير ورقه وخررر اگلك وخرر.

لزمني من حنجي ودار وجهي عليي عيونه ذبلانه حمر وبيهن نعاس انفاسه حاره وريحتها مو طيبه من السم الي يتناوله اجيت ارد علئ راسي ( اتقيئ )

» اني مو زوجج بت الكلب
تعاي اشوفج اشلون مو زوجج

جرني بقوه وغضب من شعري وشمرني عل الجربايه
اتقربلي بكل وحشيه ونگاسه
ادفع بي واصرخ وابجي
بس محد خلصني منه
ويه كل لمسه يلمسني گلبي يصرخ
اعرف هذا حقه كزوج بس ماردته ياخذه بهلوحشيه والنجاسه وفوك كل هذا غصب عني اضافري نبتت بضهره ماريده ماطيقه ماحبه كرهني بي صرت اشوفه خنزير عدو اخذني بكل وحشيه اتمنيت اموت جوه ايديي بس مامتت مابدرت مني اي رده فعل وهو عمه عني ماجان يشوف بعيونه غير رغبته وشهواته الشيطانيه والله لو ما جان سكران. جان اتقبلته وسلمته نفسي لان هذا حقه بس هو اتقربلي علئ هيئه شيطان صار يضرب بيه بقوة يريدني اتفاعل وياه بس ماگدر نهاني من التعب والالم وره ساعتين گام مني لفلفت نفسي بالشرشف ونمت علئ طرف الجربايه وابجي دموعي حاره حرگت خدودي يارب ليش هيج فوگ كل الضيم نوب اغتصاب اللهم لا اسالك رد القضاء ولكن اسالك اللطف به
باوعلي وذب سمه

» هه طلعتي صدگ ابنيه حته نيشانج ماراح اشيله حتئ خاف تلعبين بذيلج تسهل عليه المهمه

عافني وطلع
الله ياخذك ياكلب ياحقيررر
الله ليهنيك نشالله
يمهل ولا يهمل
الله ياخذ حيفي منك حوبه المضلوم متتعده

سحلت نفسي ودخلت للحمام حيل متاذايه اتقربلي بوحشيه وعنف انخبطت ادموعي ويه المي طلعت شفت الجربايه ملطخه بالدم وهنا خسرت شرفي علئ ايد شخص ميستاهلني شلت الشرااشف حطيتهن بعلاگه وذبيتهن بالزبل رجعت نمت بفراشي واني اناشغ من البجي
بعدها من التعب غفيت گمزت من نومي بشهگه علئ كرار وهو  يدفر بيه ديگعدني كمزت مثل المخبله

صرت اخاف منه حيل خصوصا بعد السواه بالليل

» گومي عاددد بت السطعش كلب گووومي

» خير شبيك شتريد مني ليش ادفر

» صوتج نصي بت القندره
ليش مامحضرتلي ملابس

» ليش انت نطيتني مجال احضرلك نسيت اسويت البارحه

» لا مانسيت واذا تحبين اعيده
وغمزلي بخباثه

» ماگلك غير تسوه عمرك رجال شطولك شگدك گال اني وحجه اني تتراجع عن كلمتك

لزمني من شعري وسطرني راجدي فرني فررر

وضل يصيح ويغلط ويشتم مسحت ادموعي وگمت حضرتله ملابسه لبس ووله للدوام الله لا يوفقك مثل ما تمسيني بكتله وصبحني بكتله ماكفه قهره نزلت جوه لگيت عمتي محضرتها عليه

» مسعده نايمه للضهاري متگولين هذا بيت ينتضرج

» عمه عذريني جنت احضر هدوم الكرار توني يلا مشيته ونزلت بعدين ياضهاري بعدها ماصايره بثمانيه

» ووين جنتي بالليل ما حضرتيله عايفه الشغل عليه.

» عمه ياشغل هذا شو اني خليت البيت نضيف يلهف وصعدت ونزلت هسه هاي مو هيانه يلمع تره حرام عليج اضيعين تعبي
حيلي كله ذابته عليكم وعلبيت. عاد واحد منكم خل اگول عنه زين وما مأذيني

گامت تعوج بحلگها فرت ايدها وطبت جوه

والله لو كلامي غلط جان. ماسكتي بس تعرفيها وتحرفيها باوعت البيت نضيف كلشي مابي غسلت امواعين الريوگ صارت بالتسعه بلشت بطبخ الغده توني كملت طبت غسق هيه وبطنها راسا صارلها من اول يوم سلمت عليه من وره خشمها طبعا لحد الان ماعرفت لغزها ليش تكرهني مع العلم معاملتي الهن كلش زينه رغم الي ايسوي اخوهن بس ولا يوم دخلتهن بمشاكلي دائما محترمتهن ومعتبرتهن مثل مرجان حتئ نجف متغيره عليه بس زبيده الشهاده لله خوش بنيه حبابه ماشفت منها شي دائما واكفه وياي ضد اخوها وشحتاج اگللها

عذاب كرار الي زاد عن قبل يطب ويطلع يصيح ويعيط ويرزل كلمه والثانيه يلزمني وينهيني من الكتل صار. يتفنن بتعذيبي جسمي تشوه من الاغتصاب ومن الضرب واثار الجگاير جان كل ما يضوج يطفي جگارته بجسمي جنت اصرخ من الالم ويضل مسيطر عليه بقبضته وساد حلگي عيوني ذبلت من البجي سواد وذبول محاوطها

_ قلبها تحمل الكثير.. 💔 الكثير الذي  لا جبال تستطيع تحمله..⚡
… الكثير الذي لا ابتسامه بعده 🌿
لا احد يستطيع، تحمل حملها
هي ،فقط تحتاج الي، معجزه لكي تبتسم مجددا

مر تقريبا شهر. احس عمري يركض واني مافاهمه منه شي

بيوم صبحت فلاونزه كلش اعطس واگح ومنشوله وصخونه بلگوه سحلت روحي من الفراش ونزلت اصلا شيخلصني اذا ما نزلت همه يعرفون مرض يعرفون راحه بلشت ارتب البيت لگيت عمتي گالبه المطبخ تتعمد اتوسخ وتخبص حتئ اضل اشتغل وشنو سبب هلعداوه مادري مو علساس عاجبتها وكتلت روحها عليه اسحل بروحي سحل وانضف مابيه حيل منا اني مريضه ومن ناحيه ثانيه جان كرار بالليل متقربلي بكل عنف ويه جيتهم وكت الغده نتهيت ماگدرت اتحمل ولا گدرت اكل وره الغده صبيت جاي جنت توني دصب حسيت بدوخه ذبيت الجاي من ايدي ولزمت راسي زمخ  بيه كرار

» فضيها عاد صبي الجاي دصعد انام

بالگوه صبيته انطيتهم توني دخلي الصينيه ع الميز افترت الدنيه بيه وگعت ماحسيت الا اني بالمستشفئ وامي گاعده يم راسي تقره قرأن وعمتي گاعده بعيد ع الكرسي ماگدرت احجي تعبانه وروحي مايعه ماگدر ارفع ايدي حست عليه امي گامت اتبوس بيه

» سلامتج يابعد امج متشوفين شر شبيج ي يمه ليش هيج حالج خوفتينه عليج

ماگدرت اجاوبها اذكرت عذاب كرار وذكرت حياتي التعيسه بجيت بجيت بشده گمت اشاهگ مهضومه ومضلومه سجينه واسيره تعبانه ومرهقه نحلانه وحزينه كل هلكلمات واكثر متوصف حالي ابجي لان ماعرف شجاوبها لامي ماعرف الگي اعذار. ضاع من الحجي وصار البجي  وسيلتي الوحيده فقدت صار صوت بجيي مسموع امي اجت تتخبل من شافت حالتي تسالني ماگدر اجاوبها گامت تسال عمتي بعصبيه وصيح شبيها بنتي شبيها كالتلها عمتي
» مابيها شي عيني ام اكبر مابيها شي جانت واگفه داخت وگعت وجبناها هسه يجي ايشوفها الطبيب ويطمنه

» جا ليش تبجي وجها ليش مزورگ

اتماسكت گدرت احبس ادموعي ماريد امي يصير بيها شي بسببي وهيه مريضه صاحبت ضغط وسكر گعدت يم راسي تمسح علييه وتقرالي ايات وره اشويه طب الدكتور

» هاا سلامتج علياء شلون صرتي هسه

» هزيتله راسي بتعب والم بمعنئ احسن

» شنو هلعيون الحمر بابا موزين البجي  ع الطفل

اني هنا متت من الصدمه صرخت بوجهه

» شنووو اكيد متوهم اني مو حامل

كلهم باوعولي بصدمه مستغربين رده فعلي

الدكتور » شبيج بابا ليش هيج تحجين تحاليلج وفحوصاتج ادل علئ ان انتي حامل الج شهر وشويه

لا ياربي لا كلشي ولا هاي ماريد اولد هلطفل ماريده يتعذب مثلي ماريد ايشوف الدشوفه يارب ليش هيج جان ناقصني عذاب راح اشيل خطيته لهل طفل راح اعذبه ويايه حياتي ووضعي متسمحلي بهلشي اجت امي يمي وتبوس بيه وتباركلي عمتي خابرت كرار وگالتله وبين عليها فرحانه هو هذا الشي الجانت تنگ عليي جا كرار كارهته وما اطيق اباوع بوجهه كلشي ديصير هو السبب هو راح يشيل خطيه هلطفل حبلني بالاغتصاب والعنف راد يرجعنه للبيت بس امي ماقبلت ومثگله وجهاا عليهم لان عرفت مكتوله مت اثار الضرب البوجهي گالت اخذها يمي ترتاج جم يوم وترجع البنيه حالتها تعبانه ونفسيتها فد نوب اعترض كرار وخزرني بمعنئ لا توافقين بس اني جنت مو يمهم فاصله وحايره بمصيبتي بعد ملحه واصرار من امي وافق كتبولي دوه ومقويات وطلعنا ووصلنه كرار البيتنه اني وامي وراحو لبيتهم طبيت اتلگوني اهلي ومبين بوجهم الخوف والقلق عليه طبيت جوه علگلي ابويه المغذي وگعد يم راسي يسولف ويايه وعلئ حالي وليش هيج وجهيي ماجاوبتهم غير تعبانه اريد ارتاح كالو ارتاحي وبعدين احجيلنا. گتلهم لتخافون مابيه شي بس يمكن مثل مگال الطبيب اعراض حمل طلعو وسدو الباب واني تعبانه راسا نمت

للحكايه بقيه

بقلمي #زهراء _جهاد