رواية المغتصب حقها الفصل الثالث عشر 13 - بقلم زهراء جهاد 🤞

المغتصب حقها
البارت الرابع عشر
زهراء جهاد

ماحسيت علئ روحي الا وگعت بين ادي اريد انهض بعد ماگدر حيلي انهد فد مره شفته گام جر دولكه المي وغسلي وجهي وبلل رگبتي ويفرك باديه نوب گمز فتح البنكه كل قوتها ضل يفرك باديه وكل اشويه يسالني هاا ارتاحيتي وره تقريب خمس دقايق ارتاحيت ورجعت الروح بيه يمةة كلشي ولا النفس حسيت روحي عشت بمعجزه دخيلك ياعلي عيني ضليت علئ گعدتي وهو يفركلي بعيونه نضرات ماكدر افسرهن

» هاااا هسه احسن

جاوبته واني انهت » ايي احسن اريد انام تعبت حيلي انهد

گومي ونومني ع الجربايه ماكدرت اعارضه وانزل وضعي ميسمحلي احجي مددني بفراشي بهتمام وغطاني اشرتله يطفي البنكه لان بردت اني من النوع الابرد بسرعه ومنگعه بالمي طفاها وجا نام يمي داير وجهه عليه ويباوعلي اني عيوني بالسگف وانهت جر ايدي وبقه يفرك بيها تالي نمت وما حسيت بشي الا ثاني يوم وهو يگعدني. باوعت للساعه. تسعه ونص گال حضريلي الحمام حضرته ودخل سبح رتبت الغرفه لبين ما طلع النوب دخلت اني سبحت طلعت لكيته نازل بدلت لبست شي حلو لان عيد وكلها تجي كملت ونزلت لگيتهم كاعدين سلمت ع الكل وعايدتهم كرار ماكو مالگيته الضاهر طالع جوي بيت عمهم عايدونه وراحو وكل اشوي جاي احد ومعرفيني عليي صبينه غده وتغدينه احنه وزبيده وجهالها خلص اليوم هيج كل اشوي جاي واحد يعايدنه لليل انتهيت من الشغل صعدت ذبيت ثوبي وغسلت اتمددت ع الجربايه لان ادري كرار بعد مو هسه جيته يتاخر يلا يرجع ماحسيت علئ روحي الا ساعه 3 ونص الفجر حسيت اكو ثگل عليه بلشت اصحه وانصدم بمنضري واني نايمه علئ صفحتي وكرار دافن وجهه بشعري من وره ومحاوطني بايدييه ورايح بسابع نومه
تيبست ابمكاني
عزززه هذا شديسوي هو مو كال مااتقربلج هاجمتني هواي مشاعر مختلطه
هاي اول مره يتقربلي بهدوء
انفاسه الدافيه تضرب باذني
حاولت اسحب روحي منه بس ماكو
هو ضخم. وثگيل حيل
جريت نفسي منه
حسيته صحه همسلي يم اذني وشدني اله اكثر

» لا سوسه خليج هيج لتروحين عوفيني مرتاح

عزززه يعني هذا ديتخيلني حبيبته اتخبلت من سمعت همسه وهو يگول

» احبج ولج اعشگج. كام يشم بشعري ويكول افيشش يعطرج ينطيني عمر فوگ عمري

ماگدرت اتحمل كلامه نايم بحضني وباله يم غيري كمت الحيلي وجريت المخده من جوه راسه هو راسن فز وگمز
باوعتله بغضب وحجيت بوجهه بصوت عالي اريد افززه من احلامه الورديه

» اني مو سوسه اني علياااااء

فرك وجهه بحيره

» انتي شسوين هنا

» انت الي شدسوي هنا اني نايمه هنا اجابك يمي وشنو هلحركات الدسويها اشوفك اتراجعت بكلامك

» انجبي وبلا لغوه اني نايم والنايم ميت ميحس بشي انت الي شجابج هنا
مو تنخدمين جوه شصعدج يمي

سكتت فعلا اني الي نايمه يمه بدون ما انتبه

» عادي اصير مانتبهت وغفيت بمكانك بس هذا ميعني ان اسوي السويته

» علياااء لتخليني اتخبل عليج بهليل گتلج مامنتبه ومثلا مثلا اني لو اريد اسوي هلشي اطلب اذن منج لتنسين تره انتي مرتي حلالي بالشرع والقانون ماكو شي يمنعني

» مو بكيفك هلشي ماسمحلك اتكرره فهمت اول واخر مره تتقربلي ولتگول مرتي اني مو مرتك متربطني بيك غير ورقه زززززين.

باوع عليه بنضره كلها اتحلف اتحديته هلمره قابل بكل مره اخاف منه واستسلم

» مو اذا گمت وحگ الله اشوفج اشلون انتي مو مرتي ستري علئ نفسج ومشي نامي

» معليك بيه انت انام اگعد شدخلك

» ولج اللسانج راح يعم عليج والله

عفته ورحت اتمددت بفراشي والله يالله فوگ شينه گوات عينه ماگدرت بعد اغفه ضليت كاعده صارت بالسبعه ونص نزلت جوه وثاني يوم انخبصنه بتحضيرات العرس ثاني يوم گعدت الصبح بالسبعه نضفنه البيت اني ونجف علئ اخر حبايه وبالدعش راحت غسق وزبيده للصالون الولد اختفو كالو اتفض الهوسه يلا نرجع وره الغده استلمنه ارواحنه اني ونجف اني لبست فستان حلو عندي اخذته بالنيشان ولسه مالبسته لبسته وحطيت مكياج قوي هديت شعري. علئ طوله ورفعته من صفحه ونجف هم طلعت حلوه اتخبل اصلا بيت اعيالي كلهم من جبيرهم لزغيرهم حلوين وينگرطون بالنضافه صارت بتلاثه بلشت الناس تجي علگو الديجي وجتي غسق جنها لعابه ومربربه بالذهب بعدين جا خطيبها الي هوه ابن عمها صارت حفله حلوه بلشت الناس تروح والبيت مخبوص حاله يرثه اله نضفنا وسوينه عشه نمنا من وكت تعبانين ثاني يوم نفس الشي شغل وترتيب
صعد كرار وصاحلي

» ها كرار محتاج شي

» ايي حضريلي الحمام بسرعه مستعجل

» ليش وين راح اتروح

زمخ بيه

» وانتي شعليييج سووي مثل ماگتلج

عادي اتعودت علئ هلمعامله
رحت حضرتله الحمام واني من الليل محضرتله قاط كاويته ومعطرته وعلگته هو هم راح يحضر العرس لان الولد ابن عمه عادي كملتله كلشي كشخ واخذ القاط وراح توني دطلع رجع دخلني جوه ورد الباب

» سمعي سمعي

» ها شكو

» نزله جوه ماكو

» شلون يعني مافهمت

» يعني من تجي الزفه تنطمرين بغرفتج متنزلين مفهووم

» ليش كرار شلون مانزل مو.........

بعدني مامكمله كلامي قاطعني

» بلا كلام زايد گتلج متنزلين يعني متنزلين وحق علي اذا لمحتج جوه متلومين الا نفسج طلع وطبگ الباب حيييل

» لا والله هذا مخبل يعني مستحيل اكو انسان عاقل وصاحي يصرف هيج مستحيل اكو
دشوف انت لا تريدني ولا اطيقني هلحرص والنحاسه عليه شيسموها
امري الله راح اگعد وانجب
دشوف وين تاليها وياك يكرار

صعدن البنات طلبن مني انزل اتعذرت منهن كتلهن تعبانه بس هنه يعرفنه لاخوهن وره ساعه سمعت صوت الفرقه والفشگ علگ الجو اخذوها وراحو ضليت مجطوله بفراشي وهيه غفه للمغرب حسيت علئ كرار من فتح الباب ودخل شافني بعدني علئ حالي بنفس شكلي لكن رغم هذا ميصدگ

» خمو نزلتي

» لا

» اكيد

» انت شفتني بين النسوان

» لا

معناهه لاااا مانزلت خره بهلعيشه

عفته ودخلت للحمام صحصحت ونزلت مالگيت احد كلمن رايح البيته حضرت العشه ويه نجف جوي الولد صبينه وتعشينه ضلينه نتعلل اني ونجف خطيه حيل مقهوره علئ فراگ اختها

مرت فتره هيج روتين عادي. بيوم حاجتني امي من مبايل كرار وعزمتنه ع الغده كلتله ماعترض كال عادي انروح ليش لا اتفاجأت منو هذا الديحجي معقوله كرار ماعرفته والله المهم صار الموعد كعدنه الصبح اتحضرنه كلنه بس الولد ماراحو ويانه گالو نستحي وطلعو لجماعتهم رحنه بسياره كرار اني وعمتي ونجف  گعدت عمتي كدام واحنه ليوره وصلنه افيش ياريحه هلي اول ماطبيت فرعنه رجعتلي ذكرياتي وشلون جنت العب واكمز باالشارع واطلع من بيتنه اطب ابيت عمي ضياء اطلع من بيت عمي ضياء اطب ابيت عمي حارث وهيج كاضيتها شفت سياره فهد طابگه يم الباب لزمت گلبي وحاولت ما اخلي يحن ويستعيد مشاعره القديمه لهيت نفسي بالكلام وياهم وصلنه اگبال الباب فتحها مصطفئ فدوه الطوله شگد مشتاقتله اشر لكرار ا يدخل السياره فتح الباب ودخلنه نزلت اني اول شي حضنته وبوسته ونزلو الباقين اتلگونه اهلي وذاك السلام الميخلص دخلنه جوه وشربنه مي گمت طبيت جوه رحت لخواتي بوستهن وسلمت عليهن الفرحه والضحكه جانت ماليه وجهي صدگ ماكو احلا من لمه العائله رحنه للاستقبال گعدنه تقريب ساعه كرار اندمج بالسوالف ويه ابويه وخواني ولا جن يگومني بت الكلب ويگعدني بت القندره  نجف  راسا ذبت ميانه ويه خواتي اما اني فجنت كل اشوي اطفر يم واحد اكعد يمه واسولف وياه سوده عليه جدي جانت حالته الصحيه شويه تعبانه لان هوه يعاني من ضغط وسكر ومضروب جلطتين قبل فتعبان حيل سوده عليه متت قهر عليي عرفت اكبر فاتح موضوع سجئ ويه فهد وهو گايله گبع وخذ واهلي هم طايرين بالفرح ومتفقين بعد جم يوم يقرون الفاتحه مر الوقت ويه اهلي بسرعه بسرعه اهلي طلبو منه يبقيني بس هوه ماقبل گللهم باجر اجازتي تخلص ودوامي يبلش واريدها تحضرلي شغلات عود غير مره انشالله ودعت اهلي وطلعنه رجعنه للبيت عاتبته لان ماخلاني بس مثل كل مره عياط وصياح طلعت من الغرفه صارت عمتي بوجهيي

» خير علياء شبيكم صوتكم طالع

اني منا فايرر دمي وهيه تغشم روحها علساس متدري اصاير وهو كل الديصير بسببها هيه الي جبرته يزوجني ومن ازوجني هيج ديسوي ويايه طلعت حرگة گلبي بيها

» كل الديصير ابسببج عاجبج هلوضع عاجبججججج

عفته ونزلت اسمعها ادردم ورايه خره بهلعيشه وين اولي محبوسه بهلحياطين حتئ الطرمه ممنوع عليه اطلعها
والله شنو السطوح تشرف عليها
الله يصبرني عليك يكرار ثاني يوم الصبح گعدني ديداوم حضرتله ملابسه ونزلت اسويله ريوگ اني ادري بي ميحب يتريگ بس شغل اعناد الا ينزلني كملت وصحت عليي من الدرج نزل ضليت صافنه علي شگد حلو طالع هو شاب ابد ميتعيب بس سوالفه عمت عليي  شرب جاي واخذ محفضته السوده وديطلع

» وين كرار شو ماتريگت

» ماشتهي

» لعد شكو خليتني اسويلك

» انجبي عاد لتلحين گتلج ماريد اخذ سويجه وطلع والله يالله هذا شبي سمعته طاع السياره وسد الباب

وره شويه نزل عبدلله بكامل اناقته

» صباح الخير

» صباح النور وين رايح

» للدوام

» ها بلش دوامك.

» ايي والله بلش شلعان الگلب ماضل شي بس هلسنه

» انشالله بالتوفيق

» الله يسلمج خويه شنهو هذا الريوگ الي
اويلي يابه يشهي

» هو من نصيبك اگعد اتريك سويته لاخوك ومااكل

» مافشلج ميت جوع هاي البارحه نجف الخبيثه كتلها جوعان ماقبلت اسويلي لان ماشتريتلها شاحنه

» يااا ليش ماصحتلي جان سويتلك ميصير تنام جوعان

» والله ردت اصيحلج بس سمعت العيطه گابه خليت ونمت

» عادي اتعودنه روتين يومي صار

اخذت  الكوب وصبيتله جاي اتريگ وراح
گمت ارتب بالمطبخ طبت عمتي تباوعلي صفح عرفتها زعلانه لان البارحه گبيت بوجهها ماحاجيتها خلث اليوم بين الشغل والضوجه صايره اكتأب بهلبيت نجف اكثر وكتها لو تشتغل لو تقره وكرار بالدوام ومن يجي نگضيها معارك عمتي تحجي ويايه معلگ ونوب شدت ويايه وذبت الشغل كله عليه وهيه نجف تلزم شي وصاحت بيها روحي اقري عادي الشغل ميموت اگضي بي وكتي. وره اسبوع طلعت كرار للدوام ونزلت لگيت عمتي دسوي ريوگ للولد كملو وطلعو گضيتها اشتغل صارت بالدعش ونص جنت انضف غرفتي سمعت عمتي اصيح عليه نزلت عليها

» ها عمه

» طلعي غسل الحوش

» صدگ تحجين عمه

» مشاقيه وياج گبل

» عمه انتي تدرين كرار مانعني من الطلعه بالحوش شلون تردين اطلع اغسله

» هاي مشكلتج  وصخ حيل ونجف مدتلحك عدها دراسه

» عذريني عمه اني مامتعاجزه من تنضيفه بس ابنج مانعني اطلع بره وهو علئ جيه ما بيه حيل عرايك عوفي عود بالليل نجف تغسله

» گتلج نجف عدها قرايه طلعي سووي مثل ماگتلج شلون لسان ومرادد بلشنه نشوف الوجه الثاني يلا امشي نضفي
يلاااا

» بله هاي شحجي وياهه هسه هيه تدري ببنها مانعني اطلع الحوش وتدري شگد مخبل وميتفاهم. امري الله راح اطلع انضفه اذا ماطلعت ماراح اخلص من السانها واذا اطلع ماراح اسلم من كرار بابحالتين ماكلتها صعدت لبست دشداشه مستره وحجاب ونزلت طلعت اخذت الماسحه ومديت الصونده صدگ وصخ حيل انضف وايدي علئ گلبي لا يطب كرار وادري بي يذبحني اذا شافني اوف ياربي عديها گمت اغسل ع السريع واحاول اكمل. قبل ميجي وهنا ماحسيته الا فتح الباب وطب اني من رهبتي وخوفي وارتباكي الصونده صايره علئ ثوبي ومنگعتني شافني وعيونه صارت بگصته اول مره اخاف منه بهلطريقه خزرني اني شمرت الصونده من ايده وطبيت اركض جوه صارت بوجهي عمتي

» شبيج

» كرار كرار جا

» واذا ماجا

» عمه متاكده راح يكلب الدنيه علئ راسي كتلج ماطلع

جان يطب وشكله حيل يخوف يريد يهجم عليه اني راسا ختلت وره عمتي ولزمتها من ثوبها وهو يريد يطلعني من وراها ويصرخ عليه

» اشلللون اطلعين بره اني مو محذرج رجلج اذا خطت باب المطبخ اكسرها اشلوون اتكسرين كلمتي

» كرار. والله والله مو قصدي اطلع لو اكسر كلمتك بس عمتي لحت عليه اروح انضفه والله اني ماقبلت اروح لان ادري بيك متقبل

گالت عمتي

» يمه يمه من اللسانج اني شعليه بيج ليش انه اگدر احجي وياج حتئ اكلج روحي نضفي شو كل ما احاجيج تنترين بيه

ضليت اباوع العمتي بصدمه هاي شدتحجي ماحسيت الا وگعت بيد كرار يمه اهنا اني متت من غضبه وعيونه التطاير شرررر لزمني ادفع وصعدني الدرج شمرني بالغرفه وهجم عليه مادري مين يجيني الضرب وكل ضربه اقوه من الثانيه ردت اموت بين اديه يضرب ويصيح ويغلط ويسب نهاني بيده وعافني وطلع صرخاتي وشهگاتي جان صوتها عالي كل مكان بجسمي يون عليه وره نص ساعه تقريبا من هلوضع سحلت نفسي سحل ودخلت للحمام قفلته وضليت گاعده بالمنزع وابجي واطلب الفرج من الله. وره ساعات سبحت وطلعت اباوع وجهي وجسمي كله زراگ الله لا يوفقك ياحقير يامجرم تتلگاها من الله انشالله
الله ع الضالم رحتت تمددت بفراشي وجنت ناويه بس يرجع اخلي يوديني لاهلي وشيصير خلي يصير كافي تحملته هواي انوب عمتي شغيرها هيج يارب عييني ع الدشوفه من هلبشر ضليت  اون من الوجع شفته طب

» وديني الاهلي

ماجاوبني وراح للحمام

انتضرته طلع وهم عدت كلامي
مابقه وياه بعد لو اموت مامجبوره
اتحمل هلعيشه

» كتلك وديني لاهلي

» انجبي وسكتي ماكو طلعه من البيت

» كرار مو بكيفك مامجبوره اتحملك وديني الاهلي يلااا

» وشتگليلهم اذا رحتي

» اعتقد وجهي واثار الضرب كافيه اتكون سبب جيتي الهم

» انجبي ولي من گدامي لو احط قهر اله كله بيج

ضجت وكمت اصيح » ماولي كوم ويني كوم
لو اطلع وحدي بلعباس

» فنج يلا روحي بعلي موتج يصير علئ ايدي

» اگلك شو انت بس اتهدد شعبالك اني مگطوعه من شجره تره ورايه زلم تكسر ضهرك

» مو اذا اكوم اني اكسر ضهرج
عود خل يوگفولج ذول الزلم الدتحجين  عليهم من ادزج الهم

» شنووو قصدك

» قصدي واضح اذا اجرئتي تنطقين بكلمه لو توصلين الهم اذبج بتهلكه وعلي

» شلون يعني شبيك انت شگاعد تحجي وضح كلامك

اتقرب مني وهمسلي يم اذاني

» يعني بكل بساطه اگللهم لو غيري جان دفنها البتكم مو بس زورگها لان ناطيني بنيه معيووبه………