رواية المغتصب حقها الفصل الخامس عشر 15 - بقلم زهراء جهاد 🤞

#المغتصب_ حقها
البارت السادس عشر
...زهراء جهاد

گعدتني مرجان المغرب
اذكرت ايامي گبل اشلون جانت تسحلني من الفراش سحل حتئ اشتغل وياهه متحب تشتغل وحدها اضوج
جنت شگد اذمر ياريت لو يرجع بيه الزمن والله اخدم الجبير والزغير ولا اشكي من شي
ماجنت ادري الزمن شضاملي
رحت گعدت بين اهلي شگد مشتاقتلهم صارلي شهرين ماشايفتهم،
نضراتهم كلها تسائل شبيج وشنو هلاثار بوجهج حجه جدي بتعب لان بعدها صحته متراجعه

» بويه علياء تعاي يمي رايد احاجيج.

گمت گعدت يمه

» تفضل جدي اسمعك

» شبيج يابه ليش هيج حالج وجهج مزورگ وتعبان اذا صاير شي احجيلنه
لا تخلينه بحيره

ابويه » علياء يابه صاير شي اكو شي احجيلنه تره احنه اهلج وسندج واذا بيج شي احنه نوگف وياج

للحضه ردت انهار واحجيلهم كلشي بس اتراجعت كرار هواي هددني ونفذ تهديداته الي سواه بيه خلاني اتاكد انهو مو صاحي وميعصاه شي كلشي يطلع منه
سكتت وسلمت امري لله هو اعلم بحالي وهو يخلصني

» مابيه شي يابه بس الحمل متعبني

حجت بيبي
» جا هاي الاثار البوجهج شنهي

» بيبي بالحمام زلگت رجلي ووگعت علئ وجهي

» يمه اسم الله عليج ولج يمه انتي ليش ماتنتبهين هامله نفسج هوايه شوفي جسمج ماباقي بيج لحمه وجهج ذبلان

» لا بيبي والله ماكو شي لتخافون عليه مرتاحه ويه عيالي وكرار مامقصر ويايه ابشي. مداريني ومهتم بيه بس فلاونزه لازمتني صار اسبوع روحي طلعت
انشالله اخذ الدوه وارجع مثل ماجنت

حجه مرت ابويه

» جا ليش ماتجين صايره شوفتج حصره علينه كل شهر تجين مره ونوبات كل شهرين مايصير هيج احنه هم. اهلج والنه حگ بشوفتج حتئ مبايل ماعندج حتئ نخابرج نطمأن عليج نسمع صوتج

حرت شجاوبها وشرد وشگول

» يمه گايلتلكم گبل كرار نحس وحريص هوايه ميحب المره تطلع ولا اتشيل تلفون هو گايلي هذا تلفوني شوكت متردين اتصلي بس اني من شفته رفض بالبدايه بعد مالحيت عليي

ابويه » اني باجر احجي وياه

» لا يابه لا لتحاجي عوفه احنه متفقين مابيه حيل قال وقيل هسه يگول راحت شكتني لاهلها

طبعا اهلي ماقتنعو بعذاري بس سكتو ماحبو يضغطون عليه لان يدرون بيه حيل تعبانه اترخصت منهم وگمت سبحت ورجعت گعدت يم مرت ابويه مشطتلي شعري وسوتلي ضفيره محد يصدگني اذا اگول حنيت لكل تفصيله بالبيت حتئ لو اشياء تافهه بس ابأمان وراسي بارد من انام ماحسب لباجر ولا افكر بشي مو مثل الرعب العايشته هسه گعدنه نسولف واول مره من بعد الزواج احسن براحه وبأمان وما افكر مثل ماجنت هناك هسه يطب كرار هسه يضربني. هسه نتعارك هلمره راح اموت بيده. عرفت فهد خاطب ابنيه من المنطقه ومكمل كلشي بعد كم يوم يزوج بالخير عليي الله يعني اخخخ بس لو اشوف زهراء هسه واشوف ردت فعلها تجاه هلخبر. گبر طمها خسرتني وخسرته الله مينسه عبده كل الدشوفه اني بسببها بعدين استغفرت ربي هاي قسمتي ونصيبي الله كاتبلي اشوف هلشي وامر بالي اني بي اكبر قاري فاتحته ويه سجئ بوكتها خابروني اهلي وعزموني بس ماگدرت اجي وبعد شهر ياخذها وحتمال يزوجون سوه هو وفهد خلص الوقت وياهم بسرعه بسرعه ثاني يوم العصر اجاني كرار يسولف ويضحك ويشاقه ولاجن نفسه هذا الي ويايه بالبيت گالتله امي دير بالك عليها ولتخليها تتعب هلفتره لبين ميثبت حملها گاللها صدگ تحجينعمه بعيوني شعندي غيرها اني ضليت مصدومه واباوع علي هذا منو الديحجي كرررار ودعنه اهلي وطلعنه بعد ماوصوه عليه وصلنه البيت عمتي اول ماشافتني گامت اتهلهل ضحكت بستهزاء گتلها عمه عليج الله فرحانه بيه لو بلطفل جاوبتني طبعا بالطفل انتي شنو وافرح بيج بس مجبوره اتحملج هلجم شهر لبين متولدين عادي هذا الكلام متعوده عليي صعدت فوگ لگيت الغرفه عمل شعبي عوذه شگد وصخ وفوضوي الگطوف مال الجگاير والهدوم مشمره ايع ماصار يومين من عفتك عود مدرس عشتووو وين الثقافه شابعه قهر من وره الطفل ماريده ماريد يتعذب مثلي مرن سبوعين كرار بس عرايك وصياح وعياط ورزيال من توصل للضرب امه اتمنعه اتگوله خليها اتجيب وراه شتريد اسوي سوي لو اتموتها ما اگلك ليش هواي. وهو. لو يضربني احسن من ما يعذبني يطفي الجگاير بجسمي لو يحبسني بالحمام لو بالغرفه لو يعوفني بلا هدوم ويربطني انواع العذاب شفت منه خلتني اكره نفسي لان لا حوله ولا قوه وضعيفه گدام تسلطه حاولت هواي انزل الطفل اشيل ثگل اتعب نفسي اگمز اجوع روحي بس بعدين استغفرت ربي اني خسرت الدنيا ماريد اخسر الاخره ماريد اصير قاتله الله يفرجها هو اعلم بالحال لو يموتني لو يموت كرار. وره جم يوم خابرتني امي علمود عرس اكبر وفعلا سووه سوه هو وفهد اخخ يافهد شلون راح احضر عرسك بعد ماجنت اتمناك اتكون عريسي هزيت راسي اريد اطرد هلفكار عيب عليه افكر بهلطريقه حتئ لو جان كرار موخوش ويايه ومعذبني حرام اخونه بالتفكير. فهد ماصدگني واذاني واني ازوجت ومشه امري وهو هم راح يزوج ويشوف حياته طبيت للغرفه شفت كرار طالع من الحمام دينشف بشعره

» اگول كرار

» غردي

راح اتخليني اروح

وين

لعرس خواني

لا ماكو روحه

شنووو لا طبعا اكو هذا اخويه الجبير شلون ماحضر عرسه

» علياء گتلج ماكو روحه بلا ملحه احسن مامد ايدي عليج ستري علئ نفسج وعلئ ابنج ونزلي

ماخايفه علئ ابني ولا مهتمتله ولا اريده صار غصبن عليه ومجبوره اشيله ابطني لان حرام عليه اشيل ذنبه

لزمني من معصمي وحجه بتهديد
» ياويلج وسواد ليلج اذا حاولتي مجرد محاوله اتاذين ابني وعلي اذبحج بليل اسود واليسأل عليج اگله الله اليعلم ويامن نهزمت

» ماستغرب اذا سويت هيج
انت شخص كلشي اتوقع منه. ضحكتني والله ابني باجر عگبه اذا كبر ابنك شتگله صرت غصبن عن امك أسال الله واهل البيت يخلصوني منك ومن سجنك

عفته وطبيت الحمام وقفلت الباب اسمعه يصيح ويدردم

قبل الحنه بيوم جنه متجمعين المغرب كلنه بالمطبخ والبنات هم اهنا اندگت الباب طلع عبدالله فتحها وره اشويه شفته طب هو ومحمد رضا اخويه روحي فرفحت من شفته اتلگيته بوسته وشبگته طب گعد بالهول والولد استقبلوه احسن استقبال البنات وگفن ع العشه ابدالي حجه محمد

» اي شلونكم شخباركم يابه علياء عاش من شافج هيج الزواج يغير

» لا خويه شدتحجي والله مو هيج بس الدنيا لهو والحباله اموتتني تنساوه ولعبان نفس روحي ماطايقتها

كرار » لا يمعود والله اني اگوللها دوديج بس هيه مالها خلگ. بعد الضروف تحكم
بالخير عليكم گالو ديعرس اكبر

محمد » اي والله اسبوع اليجي انشالله واجيت اعزمكم واخذ علياء هناك كلها ملتمه وتسأل عليها هم تغيير جو ويه البنات

كرار » اي والله متفقين اني وياها علساس باجر اجيبها مادامك جيت اخذها لعد باجر عندي درس وحتمال مافرغ اجيبها

اني ضليت بس اباوع علئ كرار ومصدومه متفقين اني وياه يوديني وباجر هاي شوكت شو مادري

محمد » مادام هيج گومي لعد علوشه تحضري حتئ نتوكل

كرار » لا وين اكو طلعه بهلمغربيه اتعشو وروحوا

محمد» ممنون عيني ابو حيدر البيت مخبوص وخطاطير رايحه راده غير مره انشالله

اتفقنه وصعدت دتحضر مصدومه من اسلوب كرار ياريتك لو دوم هيج شنو الفايده بس عليه مطلع خبالاتك تحضرت واخذت ملابس جنت مقرره اذا خلاني اروح اللبسهن طبعا عيالي بالنيشان اشترولي انواع الفساتين بس لان ما سويت سبعه مالبستهن وضلن كملت ونزلت گعدت اشويه وطلعنه ركبت يمه بالصدر

محمد » يي شلونج مبينين خوش ناس عيالج ما ملتقي بيهم گبل

» لتغشك المضاهر

» لا يابه ليش شبيهم خمو مأذيج

ضحكت بگلبي اليدري يدري والميدري گولوله

» لا بس جرب اتغربلهم بكلمه وشوف شلون يطلعولك سمهم

» علياء وين اكو عيال كامله لازم تنغص العيشه تحملي شسوين لخاطر البطنج بس هاا بحدود ونتي تعرفين الحدود اذا اجاوزو احسب الله ما خلقهم

گلت بگلبي والله يخويه همه خلو حدود خاطر زحمه شو جفصو الاول والتالي بس فرحت بداخلي عندي سند خواني يكسرون ضهر السبع بس شني الفايده ماگدر اشكي همي

» هاي اشبيك ههههه رضاوي تره ماكو شي گمت تتحلف من هسه

» ايي يعني اخاف اكو شي احجي من هسه ليش اتگولين محد سأل عليه خواني ميذكروني

» لا حبيبي فدوه رحتلك متقصر والله والنعم منكم متدري شگد فرحتني بطبتك علينه هههه اتباهيت گدام عيالي اخويه جاي يشوفني ويمه شلون اخ يخبل بس اگرع

» ولج دوام نابش اهل اهلي صاير اجلح املح

» لا والله اجنن شحلاتك الف وحده تتمناك

» هذني الالف عوفيهن علئ صفحه
وتعاي اريدج بشغيله

» اهااا يعني هلجيه وراهه مصلحه

» لا ولج
عليوه والله اشتاقيتلج وجيت اشوفج واخذج

» بعد گلبي اني الاشوق اي گلي شنو هلشغيله واذا اگدر عليها ما اقصر من عيوني

» سالمات عيونج يبعد اخوج
اخت صاحبي بعرسه شفتها وعجبتني ورايد اخطبها حاجيت امي اتگول خل انفض شغله علي الاكبر يلا واني مستعجل البنيه ديجوها ناس وخاف تروح من ايدي واقفل قفله مال اوادم واني بالگوه اقتنعت بالزواج الاريده منج هسه تقنعين امي تروح اتمشيلي عليهه باجر عگبه المهم نتقدم رسمي أوره عرس الولد نقره الفاتحه واني ماخذ الموافقه من صاحبي يعني بس انروح ينطونه

» اها زين سهله اني اقنعهم معود دنفتك منك شويه بلكي تبطل خبالك عصبيتك لتخاف محلوله انشالله بس گلي حلوه لا

» المهم اني مقتنع بيها

» زين اذا هيج ابشر اباركلك مقدما شايف كل الخير وربي يسعدك ويهديك علئ بنت الناس

» والله وكفوو ام حيدر ورده ماتقصرين

» علئ طاري حيدر امين طلعتلي بهلاسم

» غير رجلج كرار. يصيحوله ابو حيدر

» هممم

» يلا نزلي

نزلنه ابوجه بشوش اووي طز بكرار وبأهله وبالدنيا عرس اخويه الجبير خل افرح وانسه الدنيا قابل اگضيها. حزن نزلت اتلگتني امي

» ياهلا ياهلا ببنيتي يمه توه نور البيت

» هلا بيج يمه مشتاقتلج وعلي البيت منور بصحابه

سلمت ع الكل كومه كلها ملتمه عماتي وعوائلهم وخالاتي وبيت خوالي تعبت هلگد ما سلمت كلها اتگول عاش من شافج طبعا اخر مره شفتهم قبل. مازوج وصارلي تسع اشهر مزوجه گعدنه وسولفنه وتبادلنا الاخبار الولد مخبوصين رايحين رادين ديجهزون والبنات هم مخبوصات بترتيب البيت رحت گعدت يم بيبي حنيت للعصه والرزايل وعليوه اخخ لو باقيه عليهن گمت ويه البنات اساعدهن صبو عشه والخبصه كملنه ووگفنه اني وحنين وفاطمه انرتب المطبخ ومواعين العشه والباقي يرتبن بالبيت  من كملنه وصلني عباس لبيت عمي فاضل طبيت مثل حالنه هم مينطب البيت لان عرس فهد هم وكل كرايب امه ملتمات سلمت ورحت لسجئ فدوه لله جنها لعابه ناعمه وبيضه وشعرها مسويته يخبل
» ولج هلا هاي ياهيه العروسه السنفوره

» هههه شمسنفرني شوفيني شطولني

» خلف لله ع الكعب يابه
شلونج ولج مشتاقتلج وعلي

» الحمدلله اني الاشوق گلت بس لا متجي جان زعلت عليج والله

» لا شلون ماجي غير عرس الغالي والغاليه اي گليلي شنو سر هلكشخه بهليل راح تعبر 12.

» مو علاوي ديجي يشوفني

» اها هنا الحجي اي زين بس اشويه شويه لتستعجلون ماضلشي بس يومين

» نجبي علياء
اني ما مستعجله هو مستعجل

» يلا حب اني اروح دينتضروني باجر اشوفج تصبحين علئ خير ودعتهم وطلعت جان مرتضئ بالطرمه وصلني البيتنه لان كومه ولد بره طبيت لاگوني قيصر ومصطفئ بالمطبخ يكسررن ثلج سلمت عليهم وطبيت جوه لگيت البنات ديفرشن

ثاني يوم گعدنه من السبعه اتريگنه ولمينه الفراش رتبنه البيت وسوينه الغده نسيت كرار والدنيا اوي خل افرح شويه وره الغده جنه متجمعات البنات دنمكيج ونجهز صاحو عليه گالو محمد رضا يصيحلج بره حطيت شي علئ راسي وطلعت شفته بالطرمه

» ها حمودي صحتلي

» ايي هذا رجلج خبص الدنيا يريد يحاجيج

» اووي فديته غير مابي يفارگني

»  نجبي ولج شو صايره متستحين

» غير انت اخويه ليش دستحي منك يعع

» دهاج هاج ردي دگ

اخذته ورحت بغرفه بيبي محد ماكو

» الوو هلوو كرار شلونك

» وجع شهل مياعه

» يااا يا مياعه هاي غير ا...

قاطعني

» بلا لغوه زايده ما متصل لسواد عيونج
كلمتين وولي
ملابس ضيقه ماكو مكياج  ماكو شعر ماشعر اگطعه زين
ضحك ويه احد ماكو انجبي وكعدي بالبيت وهمه يجيبون العروس وتشوفيها  حجايه ويه ولد عمج وگفه وعلي اعدمج زين
انتي بذمتي هسه وما سمح لحد يحجي علئ عرضي

عرضك ولمن اتهددني بشرفي متكول هاي عرضي وشرفي عاط بيه
كرار كرار من الاخير اي اوامر ثانيه

لا هاهيه بس التزمي بذني

ماشي حبيبي ادلل تجي باجر بالعرس

لا ماجي

براحتك محتاج شي

لا ولي عاد وسده

طبعا هذا اسلوبي وياه هو يزگح وينتر واني عيني وگلبي اكول بلكي يلين بس شيلينه.

كملت ووديته اله انطيتهيا ورجعت كملت جهزنه باوعت علئ روحي عززه هاي منو معقوله اني سويت شعري بشكل كلش حلو والفستان ماروني طويل ومخصر ع الجسم بس بي فتحه يم الرجل اليسره بالصفحه فوگ الركبه وخليت مكياج قوي وكعب وياهن طبعا اكلت رزاله من امي علئ حامل وموزين عليج وخاف تعثرين بالگوه فلتت منها فرحانه بعرس اخويه  ايي خل تضحكلي الدنيا اشويه بس بطني صارت نشاز كبرانه الي تلاث شهور. كملت ومانتضرتهن لان دزو عليه علمود الديجي لبست عباتي  وسوولي الولد مجال ودخلت لبيت عمي البيت مخبوص ناس كومه ماكو محط رجل دخلت جوه وسلمت علئ هوايه كل اشوي وجايه وحده مسلمه عليه حاولت ويه الديجي ماعرفت اشغله لبست عباتي ودزيت جاهل علئ واحد من الولد وره اشويه اجاني شهم ابن عمي ابراهيم سلمت عليي وسويتله مجال دخل سواه علگه وراح شغلت اغاني كله ردح وعليته كله خابرت علئ العرايس بالطريق دخلن البنات وحده وره الثانيه كلنه كاشخات وحده اتگل لثانيه اني احلئ منج واگفات يمي ويردن يرگصن ومترددات تالي علگتلهن خاله وياخاله ودفعتهن

» دمشن مشتهيات ومستحيات طلعن حيفي اني ماگدر ارگص

صاحت وحده من طرف اهل خطيبه فهد

» ليش متگدرين

» الحكومه مانعتني هههه

» هههههه يا حكومه هاي

» زوجي وحامل هم

» اهااا الله اييسرلج حبيبتي عبالي ممزوجه

» الله يسلمج بس ليش

» حتئ اخذج لخويه

» ههههههه لا يابه بعد اخذنا نصيبنه من الدنيا

ماحسيت الا الهلاهل گلبت الامه والعرايس دخلن

# زهراء _جهاد

عذروني تأخرت بالتنزيل بس صار عندي اشكال بالنت