رواية المغتصب حقها الفصل الثاني والعشرون 22 - بقلم زهراء جهاد 🤞

المغتصب حقها
زهراء جهاد •

حيلي انهد.واني اشوفه يباوعلي ويحجي بصدمه

مصطفى » لااااا وشصار
وهسه وين خمو، متأذين انا لله وانا اليه راجعون ايي ايي اكيد جايين.

سده واني ايدي علئ گلبي اباوع علي اريده بس ينطق تالي صرخت بوجهه

» ولك شصاير احجييييي

» كرار مگاوب بسيارته

عافني وراح بسرعه علئ خواني وابويه

لحگته لزمته من عكسه واحجي بخوف ورهبه

» ابني ابني مصطفئ خمو ابني وياه

» مادري بعد علياء مادري هسه نروح ونفتهم

» لعد لعد ليش اتگول انا لله وانا اليه راجعون منو مات مصطفئ فهمني لا اتخبلني

» كرار

» شبي

» هو المات

عافني بصدمتي وطلع ضليت علئ وگفتي امي والبنات طلعن علئ صوتنه يردن يفتهمن مني شصاير ماگدرت احجي فصلت مادري شنو جان احساسي بهذيج اللحضه بين الخوف لا حيدر هم وياه وبين الاسف علئ كرار وشبابه الرااح وبين الي خلصت منه مادري هواي مشاعر هاجمني شربني مني هديت وگلتلهن عن الصار الكل انصدم مثلي شگد جنت ادعي الله ياخذه ويخلصني منه بس ماجانت من كل گلبي ولا جنت ادري راح اتصير صدگ والله ياخذه بهاي السرعه ضليت الوب اروح هيج واجي هيج والدمعه بطارف عيني والخوف علئ ابني متملكني مارجعو الا بعد ثلاث ساعات من اصعب الاوقات الاعيشها انتضار الشي الاخاف منه دخلو ابويه ومصطفئ ورائد وعمي فاضل وحتئ فهد اوجوهم متتفسر هواي اكو حجي بوجوهم بس ميحجون سالتهم شكو شصار محد جاوبني وكلهم يجرون حسره فقدت بعد ماتحمل اريد اعرف شي عن ابني راح اموت عطت بوجوهم

» فهموني شصايررررر

هم محد جاوبني وهنا اتجهت الفهد واني فاقده واباوع بعيونه وجسمي كله يرجف حاجيته بخوف

» فهد وين ابني

غمض وجر حسره لزمني من ذرعاني وحاجاني

» علياء تؤمنين بقدر الله

وهنا ماصيطرت علئ دموعي نزلت گبل للگاع باوعت بعيونه

» الحمدلله بس فهمني ابني ووووين فهد فهد ابني وين

فهد » علياء الله اخذ امانته منج

ضليت اباوع بعيونه بصدمه واحاول افهم شديگول بعدين فقدت صرت اصرخ واضرب بصدره وهو يحاول يهديني ويلزم ايدية

» لالالالا مستحيل مستحيل اكيد تشاقون وخر مني وخر اريد ابني وين ابني حيدررر حيدررر ماما وينك حيدررر

فقدت ردت اطلع للشارع حنجرتي راحت من الصراخ ضليت بس اصرخ باسم ابني كلها التمت عليه تريد اتهديني بس جنت فاقده

فهد » ااششش يابه اششش اهدي هذا قدر الله منگدر نعترض عليي

امي » ولج ماما اهدي راح تموتين نفسج حرام عليج هذا اعتراض علئ حكم الله

محد گدر ايهديني روحي شاغت الله. ملخت روحي بيدين فهد جان بس يريد ايهديني بعد الصراخ والبجي والعياط اغمه عليه بيدهم

:::::: فهد

گلبي اتگطع واني اشوفها بهلحال صرخت وعيطت وبجت ومابيدي شي عليها غير اصبرها جنت ادري ميهمها شي بالدنيا غير حيدر هو روحها من الدنيا حاولت اسكتها لكن ام وفگدت ضناها خنگتني عبرتي عليها وانه العمره مانازله منه دمعه. لشوكت تبقئ تتعذب تگوم من وحده توگع باكبر منها

::::: علياء

صحيت وره دقايق ونفس الشي بجي وصراخ مستحيل مادگدر اصدگ ابني حيدر مات
مات ونتهئ عافني وراح هو املي الوحيد هلدنيا ترك امه وراه تتعذب طلعت من الغرفه ع السريع طبيت علئ ابويه وابجي واملخ بنفسي گامو اكبر وفهد كل واحد لازمني من ايد لان ملخت وجهي الدم گام يجري من اخدودي

» ودوني عليي اريد اشوفه اريد اشوف ابني ودوووني عليييي

فهد » ماشي ماشي نوديج بس اهدي
راح اتموتين نفسج

» خل اموت نفسي اني اريد اموت روحي ودوني يلا ودوني فدوه فهد وديني علئ ابني اريد اشوفه اريد اشمه اكبر الله يخليك اريد حيدر

فهد » ماشي اوديج والله اوديج ياعيني بس اهدي اشربي مي لتوگعين مثل توج

التمن عليها امها وخواتي يغسلن بوجها ويسكتنها بس هيه فاقده بس تبجي وتلهج بأسم ابنها

اخذني اكبر علئ صفحه.

اكبر. » انت صدگ تحجي اتخبلت وين توديها تريد اشوفها ابنها وهو ميت

فهد » اكبر لزودها لخاطر الله هاي متهده ولتسكت الا اشوفه خل انشوفلهيا حتئ تقتنع لحد هسه مامصدگه هو مات خل اشوفه حتئ اصدگ تره اذا ماشافته اضل طول عمرها تنتضره ومامصدگه موته

خليت البنات يلبسنها اخذناها اني وامها وابوها واكبر وامي هم راحت ويانه اسوق وعيني عليها مابطلت بجيها وونها شايل هم اذا وصلت وشافته اشلون متتحمل متأكد راح تنهار ومتگدر تتماسك رغم عمي شگد وصاها اشوفه من ابعيد وتتماسك نفسها لان هواي ناس اهناك

اخذوني دشوفه الطريق كله ادعي واتوسل بالله واهل البيت كون هلخبر جذب وكون ابني مابي شي وصلنه وامي لازمتني من جهه واكبر من جهه وفهد گدامنه دلونه ع المكان الي بي ابني اول مادخلنه الممر مينفات هلگد ماكو ناس اهل كرار وگرايبه كلها متجمعه صار مصطفئ اگبالي اجاني يركض اتوسلته بعيوني كون يطمني عن حيدر محد قبل ادخل اشوفه صار اصياح وحجي بعصبيه بين خواني وفهد والمسؤلين عن المكان المحطوطين بي كرار وحيدر گدرو ايدخلوني عليي شفت سديتين نايمين عليهن شخصين وثنينهم مغطين وجهم. بشرشف ابيض دخلنه بس اني واكبر وفهد. اتقدمت بخطوات بطيئه العبرات خانگتني والخوف من اللبالي متملكني التفتت عليهم

» وين ابني

اتقدملي اكبر لزمني من عكسي ووداني يم السرير الاول باوعت للسرير وباوعت عليي وسألته بين المصدگه وبين لا

» شنو هاي

» رفعي الشرشف علياء

گال هيج ودار وجهه يمسح بوجهه باوعت علئ فهد منتجي بالحايط ويباوع للگاع مديت ايدي بهدوء وخوف ورهبه رفعت الغطه وهنا شفت الي ما متوقعه اشوفه حيدر ابني نايم ووجهه ازرگ وكله جروح وبلا ملابس جسمه كله جروح متفتحه ويم صدره فتحه جرح كلش جبيره هنا صرخت صرخه رجت اركان المستشفئ وگعدت بالگاع علئ حيلي ركضو عليه الولد صرت ابجي واصرخ بلا وعي اني بحياتي ماشايفه ميت واول مره اشوف ومنو ابني وبهيج حاله وزغير

» لا لا لاااااا حيدر حيدر جاوبني ماما حيدر لالا اكيد هذا مو ابني لاااا متوهمين
بي

وگفت الحيلي باوعت عليي اتاكدت هو ابني حيدر ابني ميت وجسمه كله جروح مفتحه

لازميني الولد من ايديه واني افلت روحي منهم بعصبيه واتلمس بشعره وبملامحه

عاتبته هواي حتئ يگعد بس ماگعد صراخي شال الدنيا احس حنجرتي راحت جروني جر منه وطلعوني بعدهم مافاتحين الباب اغمئ عليه.

فهد. » وگعت بدينه شالها اكبر ودخل الدكتور عليها
جا محمد رضا من الدوام گبل للمستشفئ خليناه يمها وطلعنا ويه الدفانه گبل للنجف تقريب تلاثين سياره بس الدفانه

صرت گدامهم ماخليت سيطره اتوگفنه
ماطولنه بالطريق وصلنه وجانت القبور متحضره دفناهم وجنت متاكد روح علياء اندفنت بگبر حيدر لان بعد الحاله الشفتها بيها. ماتوقع اتعيش تموت متتحمل واذا اتعيش فهيه والميت سوه
رجعنه بالسبعه الصبح الجوادر منصوبه گبال بيتهم والدنيا مگلوبه فاجعه مو قليله
سألت علئ علياء گالو بعدها بالمستشفئ حالتها صعبه تصحئ وترد تفقد ماصحت الا ثاني يوم بالليل وديناها للفاتحه ابيت كرار لان هذا طلبها وحالها مو مال واحد يناقشها بشي.

::::::

صحيت وره يومين لگيت ابني جوه التراب هو وابوه انتهيت ماضل عندي حيل ابجي واصرخ ضليت گاعده ودموعي اصب المغذي مشكل بأييدي
ودوني للفاتحه وامهاتي وخواتي وكل گرايبي راحن ويايه اجواء حزن وكرب اول مادخلت عمتي ذبت نفسها عليه وضلت حاضنتني وتبجي وتنعي نوبه علئ كرار نوبه علئ حيدر اما اني فجنت متبدر اي ردت فعل مني غير غرگانه بالاسود . وحاطه راسي بين رجليه ودموعي اصب

الي عرفته ابوه جان جايبه عليه ومگعده يمه بالصدر والسياره صاير بيها عطل ماگادر ايسيطر عليها ومگلوبه بيهم كرار لان مريض گلبه مامتحمل راسا مات وابني جام السياره الامامي كله متكسر وداخل بوجهه وبجسمه گزازه داخله گبل علئ گلبه ومن رايحين الولد لاگين بي خيط نفس ماخذي بسرعه للمستشفئ همه نازلين گال اكبر صدر منه صوت شلون الشخطه مدخلي للدكتور لاگي ميت

ماحجيلكم اشلون حالي وهمه يحجون هيج طبعا محد حجالي هذا الشي فهد مانعهم
سمعته من غسق جانت تحجي الامي وسمعتهم مرت ايام العزا ورجعت البيتنه حياتي ادمرت محد تركني الكل ويايه ومهتم بيه ثرت هيكل عضمي اكل ماكو راحه ماكو بس ابجي وانحب ابد ماجنت متوقعه بيوم راح يموت ابني اگبال عيني وينام جوه التراب ويعوفني اتعذب وراه مانقهرت علئ كرار قطره ابحر بگدر مانقهرت وتأثرت بأبني كرار من ايده هو خلاني اكرهه واتمناله الموت مازرع محبه وعطف بگلبي اله جان دائما ايگلي احرمج من ابنج وصدگ حتئ من مات اخذه وياه وحرمني منه بعد ميجوز ع الميت غير الرحمه كلها اتأثرت بموت حيدر لان جان ضحكه هلبيت جان شايل البيت بسوالفه وضحكه بس محد اتأثر بگدي السبب الجنت عايشه علموده انتهئ حاولت اكثر من مره اموت روحي واخلص من عذاب الفراگ بس جنت بكل مره افشل واذكر ربي وانهو هلشي حرام خسرت الدنيا ماريد اخسر الاخره صرت احضن ملابسه وانام علئ ريحتهن اتكأبت ونعزلت عن الكل حتئ حيل ماضل بيه حتئ اگوم واگعد وتحرك. ابويه ديموت قهر عليه كل يوم يجي يگعد يمي احط راسي بحضنه وابجي وتنزل ادموعه علئ حالي بس مابيده شي غير يقويني بكلام المواسات. خواني هم اتأثرو هوايه وكلهم حزن لان جانو هواي يحبوه ومتعلقين بي يذبه واحد يشيله واحد مشت الايام وصار الاربعين مارحت ويه عيالي رحنه بسياره مصطفئ اني وياه وامي وابويه ومرجان رحنه زرنه وطلعنه للمقبره صرت امشي مثل المخبله بين القبور واقره الاسماء هلبت اشوف اسم ابني ويه الاموات اخذني مصطفئ ع القبر جانو مدفونين هو وابوه واحد يم الثاني وكل واحد مخلين صورته فوگ گبره نمت علئ گبر حيدر ابجي واملخ بروحي واعاتبه اتمنيته يگوم بس ماگام تمنيته يحاجيني بس ماحاجاني

••••••

يايمه صار البيت خالي
بس صورتك ضلت اگبالي
يايمه صحبانك ينشدون
الله يساعده الفاگدله غالي 💔
بالمغيسل اگبالي يمه خلوك
ومن اهدومك اگبالي يجردوك
يكون الجفن ليه البيه لفوك
ويدفنوني بمكانك ما يدفنوك

•••••••••

بألف ياعلي گوموني من علگبر يجروني وارد اشمر روحي عليي اتمنيت احفر حفره يمه وانام بيها وماعوفه بهلغربه
وهلشموس عمت عيني عليك ييمه شهلنومه گوم وياي ملابسك مال المدرسه ينتضرنك بعد اسبوع وداوم الطلاب مو جنت فرحان تريد تروح للمدرسه ويه الجهال لعد ليش نمت هنا وعفت كلشي وراك ليش ماگلتلي راح اروح ع الاقل اودعك اشمك

وگفت يم گبر كرار عاتبته شويه بعدين بريته الذمه وسامحته وتمنيت من الله ميعذبه ويغفرلله ووصيته بحيدر
گلبي ما انطاني اقره الفاتحه

رجعنه للبيت نفس الحزن والكأبه هوايه تعذبت حاولت اتقبل الواقع واغير نفسيتي لكن مو بيدي هلشي صوره الي تارسه غرفتي وملابسه وشغلاته هنه يتحارشن بيه ويذكرني الحنين موتني گمت بس اريد الوقت يمشي حتئ يخلص اليوم  والعمر

:::::: فهد

هواي ضغوط عليه هلفتره بالدوام
جنت اتگطع علئ علياء وحالها كل يوم اتصل علئ اكبر اطمن عليها لان بعد بالي ضل يمها وخفت لتسوي بنفسها شي كل ما انزل مجاز اروح لبيت جدي وعيوني ادور عليها اريد اشلوفها اللمحها اريد اطمن عليها شنو حالها هسه بس بكل مره اروح ما اشوفها اسال عليها يگولون گاعده بغرفتها لو صافنه. لو تبجي وتنعي هذا حالها من مات ابنها لسه بيوم نزلت الضهر رحت لبيتي سبحت وارتاحيت من بعد ما ماتت ورده بقه البيت علئ حاله وعشت بي وحدي وكت وكت الاكل اروح يم اهلي بس اكثر وقتي دوام مادفرغ هلفتره

اتغديت ابيتنه والعصر وكت الغروب اتمشيت لبيت لبيت جدي فتحت الباب ودخلت صارت اگبالي علياء گاعده بالحديقه وصافنه غرگانه من فوگ ليجوه بالاسود تعبانه وذبلانه ولاجن ذيج البنيه الي جانت ماليه هلبيت بسوالفها وضحكها حيل اتغيرت وكسرها الزمن گمت احنلها واريدها اتمنيت اشيل هلهموم من علئ اكتافها تمنيت اضحكها واريحها تمنيت ارجها ذيج الورده الزاهيه بس متأكد ماكو شي يرجعها مثل گبل شافت اهموم يابو هموم اتگوم من وحده وتوگع بوحده
جريت حسره وتقربت يمها

» احم احم
شلونج علياء

رفعت عينها عليه وتمنيتها مارفعتها شفت بعيونها حزن وتعب ماشايفه بعيون بشر دنگت وجاوبتني بتعب وعدم مبالا وهيه الي جانت ترجف اذا اشوفني ترتبك وتتخربط امورها وبعد متعرف وين تودي عيونها حتئ متلتقي بعيوني

» انت شتشوف شلوني

» والله ماگدر اگلج غير الله يعينج الصار مو هين

گعدت يمها بدت تحجي واني استمعلها واتگطع بداخلي

» جنت اسعد ابنيه بالدنيا جانو الكل حاسديني علئ مرحي وفطاريتي وكلها اتگول ميهمج شي ولا تدرين بدنيا شكو وجانت اول صدمه الي هيه زهراء وگلت الزمن كسرني بعملت بنت عمي. گلي اوگفي خل اشوفج الكسر اشلونه قبلت بكرار في سبيل اخلص من التهمه ومن نضراتك الي جانت تكرهني بروحي وكلماتك الحزت بگلبي اتأملته ينسيني ويعيشني بسعاده بس خيب ضني بي وجان لعنه الي بليله عرسنه ضربني وهاني وستمر العذاب ست سنوات اغتصاب تعذيب اهانه ذله اتهام ضرب حتئ الاغماء وصبرت وتحملت وسكتت لان ماگدر افتح حلگي جان يهددني اذا شكيتيني لاحد اتهمج بشرفج واگوللهم بنتكم مو شريفه وسترت عليها كل هلوكت بعدين گام يهددني بحيدر ياخذه مني ويطلگني صرت مثل العبده جوه رجلي في سبيل مينفذ تهديداته لان اعرف اهلي الشرف اهم شي عدهم الشرف والسمعه واذا تهمني كرار راح اروح بالرجلين ومحد يصدگني ذليت نفسي ذلت الجلب وكل تعبي راح وتهمني وصار الي جنت متوقعته صارت لگمتي ودمعتي سوه حرموني من اعز شي عندي وهو ابني ابن گلبي توسلت ونذليت مو علمود يصدگوني علمود يرجعولي ابني والله نضر الحالي ونصفني وضهر حقي واخذ حقي من كل واحد ضلمني ورجعلي ابني وجنت طايره بالفرح وخليت هدف واحد گدامي وهو انهو اربي واكبره واوصله. وهم ماكتفت الدنيا بعذابي وحرمتني منه موت حيدر الي جانت صدمه مابعدها صدمه ولتتوقعون اشوفوني بغير هلمنضر اني الحزن صار عنواني ماكو حيات بعد حيدر

» ادري علياء وحقج الصار مو هين والمريتي بي صعب انتي اقوئ انسانه شفتها بحياتي لان المريتي بي وشفتي مو قليل بس نفسج هم الها حگ عليج لازم تنطين لروحج هده

» فهد ماگدر لتحاول ماگدر احجي واسولف واضحك وارجع ذيج القديمه مات بيه شي مايحتيي

» زين. انحاول

» شنحاول ليويين تريد توصل جيبها من الاخير

» انطيني فرصه اعوضج عن كل الراح خليني ابدل كل دمعه نزلت منج بضحكه

المغتصب حقها

للحكايه بقيه

زهراء جهاد