رواية المغتصب حقها الفصل الثالث 3 - بقلم زهراء جهاد 🤞

#المغتصب _حقها
-البارت الرابع
.......زهراء جهاد

طبيت للبيت ادور عليها واتحلفلها
لگيتها بغرفه سجئ شابگتهه وتبجي
وشفتها تجري دم وعيونها حمر وتبجي بصوت مسموع وهدومها كلها تراب للحضه انعصر گلبي عليها

: سجئ حليها وطلعي

اتشبكت بسجئ اكثر

: اطلع بره عوفني الله لا يوفقك شسويتلك اني اسويتلك وتضربني

: علياء لتعبيني وتعبين نفسج انطيني التلفون وخل اسد سالفتج گبل ما توصل لخوانج وتعرفيهم ميتحاجون

: والله ماعندي تلفون وبريئه من كل التهم الوجهتها الي ممسويه شي وحق هذا الشهر الفضيل جيب القراءن اطبه الك اني بريئه

: اشششش لتحلفين انطيني التلفون

گامت الحيلها وصارت تلطم وتبجي نهارت وسجئ تهدي بيها وهيه تبجي وتحلف ممسويه ياريت لو اگدر اصدگج ياريت لو انتي بريئه ياريت لو حلفج صدك بس الدلائل الموجوده تثبت التهمه وانتي لحد الان مانطيتيني دليل يثبت برائتج  ماحسيتها غير تخربطت وگعت اتخبلت من شفتها ع الگاع نزلت اخض بيها الزمها شو هاي لا ايد لا رجل بس نفس يصعد وينزل سجئ تخبلت وگامت تبجي وتتوسل انوديها للمستشفئ كتلها كومي لبسي ع السريع وجيبيلها عباتها شلتها الحضني وطلعت بيها للسياره.
خفت عليها حيل للحضه نسيت كلشي وجان همي انو بس اوصلها للمستشفئ واطمأن عليها وصلنه وخابرت اكبر گتله تعال علياء تعبت وجبتها للمسشفئ  جا الدكتور وفحصها.  گال صاير عدها نهيار عصبي داخلي سوولها تحاليل راح الدكتور باوعت سجئ واكفه يم راسها وتبجي

: سجئ سكتي علي الاكبر جاي. ماريده يعرف بكلشي زين

: انشالله. بس فهد ليش هيج شبيك وياها وشصاير بينكم گلي ترئ ضاله مثل الاطرش بالزفه

: بعدين سجئ بعدين

وره اشويه جا علي

: خير خير فهد شكو شصار شبيها علياء

: مابيها شي الضاهر مثل ذيج المره تخربطت وجبناها ضغطها صاعد لتخاف عليها ماكو شي هسه نطلعها

ماردت اگوله اشگالي الدكتور اعرف بي ميسكت بعد ويضل يسال واني هسه ابد مو بحاله حاير بالمصيبه الاني بيها اباوع

عليها ليش تنكر ليش اسوي نفسها بريئه احتمال هيه صدگ بريئه بس لا قابل شعدها زهراء وياها علمود تتهمها

اخ اخ امين طلعتلي هل سالفه هاي
هو اني راسي مافارغ احكه انوب احل مشاكل عرضي اوف اوف شفت اكبر 

تقرب باسها من راسها وگعد دنننتضرها تصحئ ونطلعا اجه اتصال العلي گام طلع بره سمعتها تهذي وتحجي حجي ممفهوم

ممسويه.. شي والله عوفني ..عوفني اخاف منك اني ..عوفني جيت يمها اصحيها لا يجي علي وسمعها فزت وگمزت من الفراش عوووفني ....عووووفننني

خزرتها. ..وجان تسكت رجعت المكانها

: اشششش صوتج سكتي اخوج علي هنا سكتي لو والعباس اگله كلشي وهو يتفاصل وياج.   سكتت وخنست وگعدت بفراشها تباوعلي والخوف متملكها جانت

تترجاني بعيونها. جا علي وطلعنه وضل يسال بيها گالتله جنه بالحديقه وره البيت اني وسجئ جانت دتشتغل وساعدتها فجأ دخت وگعت. بگلبي گلت همزين نقذتني من التبرير باوعتلها شفتها وارمه بس مابارز الجرح

:اگول علاوي الطبيب گال اخذولها تحاليل احتمال عندها فقر دم

: لا يابه مين جاها الفقر دم شو هيانهه صايره فيله علاصيام عبالك ولا صايمه

ابتسمت لاخوها بألم اخذناها للمختبر سوينه تحاليل وفعلا طلع عدها فقر دم صعدت بالسياره ويه اخوها واني صعدت

بسيارتي  وسجئ وياي رجعنه ومالي خلك اصلن اشوفها رغم الي صار وكعتها ودموعها وتبريراتها بس حاقد عليها

وكارهه من الموضوع والمبايل وراها وراها لحد ما اخذه وانهي هلموضوع وانه الج علياء عقالج عسير بس صبريلي  

علياء ...

حقدت علي حيل خاصتا من ضربني ردت اتخبل اشلون ايمد ايده عليه اني محد ماد ايده عليه وخفت حيل من اسلوبه

وعصبيته حاولت قدر الامكان ان افهمه ويفهمني بس ماكو قافل والي مصدگه مصدگه بالاول لمه حجه وياي عبالي

لان دره اني احبه بس ليش هيج جانت رده فعله بس شويه شويه حسيت الموضوع اكبر من ما توقعت

ضل يلح ع التلفون واني ماعندي تلفون بحياتي ملازمته ولا اعرفله وكلها تدري بهل شي بيومها شفت الوحش الي بداخل

فهد الي مامتوقعته ابد تعبت واني احاول اخلي يصدك بيه بس هو قافل اخر شي نهاريت وبعد مادري شصار. بالطريق گتله الاكبر

: اگلك عفيه علاوي لتگل لهلي ع الصار 

: ليش

: هيج مابيه شي النوب يگومون يخافون عليه وانت تدري بيهم شگد يوهسوون

: متگليلي انت شبيج كل يوميه. واگعه علينه

: شدراني  النوب فقر دم مين طلعلي وذاك اليوم هبوط

: عجيز الكرد معلعه

: اليسمعك يگول يوميه راكض بيه المستشفئ

: لا والله امين راكض بيج شو هيه بكل مره الله يسلطلج فهد يركض بيج

من جاب طاري فهد اذكرت الي سواه ويايه درت وجهي ع الجامه وافكر منو اله مصلحه يشوه سمعتي گدام فهد

زهراء عوبه وثوله وادري بيها تهبد بيهن وتحجيهن بدون متحسب حساب بس
هوه من كلامه مبين الموضوع جبير

اخ اخ اشلون طاوعك گلبك تتهمني بشرفي حتئ لو احد منحشك المفروض تسمع مني اني اتربيت علئ اديكم وانته

تعرف معدني زين ضليت حايره واريد بس اعرف الموضوع كله كلشي مفهمت
رجعنه للبيت ساعه 11 الا 
وامي استغربت من شافت وجهيي

: السلام عليكم

: وعليكم السلام.

: هاي شبيج شو وجهج اصفر

باوعت الاكبر بمعنئ احجي

: مابيها شي جانن يكنسن هيه وسجئ وضلت بس اتعطس جنت يم فهد جبتها وجيت

گمزت مرجان من يمها

: ها هاي ابيتنه هم اكنسين لو بس ببيوت العالم

: اهووك مرجان بس انتي ناقصتني
اروح انام احسن ميته نعس

امي : شعجب يايوم نايمه انتي هيج وكت

: يمه ولله ميته نعس  

عفتهم ورحت سبحت اهدومي
كلها تراب كملت وطلعت تمددت ع الجربايه صفنه توديني صفنه اجيبني

لو بس امفهمني شنو الصاير بالضبط شو گضاها شلون اجرئتي وليش هيج سويتي وبس صياح وعياط گمت ابجي من اذكرت اشلون ضربني تالي نمت ثاني يوم عزمونه بيت عمي براهيم ع الفطور واني مالي واهس اروح واشوف وجه زهراء لحو امشي گتلهم ماروح ابقه هنا ارتب البيت لبين متجون بيبي هم ماراحت مالها واهس رتبت المطبخ وهو اصلا مرتب لان ماكو هوسه الفطور طلعت اكل وحميته گعدنه اني وبيبي ناكل اكلت شي خفيف مالي نفس اكل وبالي بالي صار البارحه اندگت الباب

: گومي يمةة فتحي الباب

: بيبي اخاف احد غريب

: احجي من وره الباب

: ماشي

گمت صحت من باب المطبخ

: منوووو

: اااني افتحييي

: منووو ااانت

: فهد فتحي عااااد

جانت اللگمه بحلگي غصيت حطيت شي علئ راسي وطلعت فتحتها طب وسدها ضل يباوع عليه نضراته متتفسر

: وحدج

: اتفضل بيبي جوه

: طب وطبيت وراه

رحنه يم بيبي سلم علي بيبي وگعد مقابيلي

: وج عليوه شو بطلتي اكلي وجهج
صاير شاحب

من حجت بيبي باوعلي

: شبعت بيبي كملي انت اروح اسويلج جاي

: اني هم اريد جاي

باوعتله جان مدنگ بالمبايل. اصبلك سمم
طلعت ضليت افكر احجي وياه واگله اني ماعندي شي وابررله موقفي بالكي يسمع هلمره.  اوووي وليش دگله اذا هو ميريد يسمع شكو كاتله روحي اني ممجبوره ابرر علئ شي اني ممسويته سويت جاي وديته اللهم دنگتله الصينيه  بدون كلام هلمره تعمدت اباوع بعيونه اخذ الجاي مني وباوعلي بنضره كرهني بروحي عفتهم وطلعت رحت گعدت بغرفتي تمنيت الگاع تنشگ وتبلعني بعد منضرلي بهلنضره
يربي شصاير وهيج كارهني اوووف
سمعت بيبي اصيحلي

طبيت وهو علئ گعدته وهم مبحلق بمبايله والله يا الله شعندك جاي تبحلق بمبايلك خوب روح البيتك واللعب بي

: ها بيبي صحتيلي

: متگليلي وين وليتي

اكره اسلوب بيبي اويايه ابد متحترمني گدام احد  عكس من نكون وحدنا وهذا لغز لسه ماحليته 

: ليش بيبي ردتي شي

: ودي الصينيه وتعاي عزليلي دواي

: ادللي بيبي

وديت الصينيه وجبت المگص وگعدت الفارغ اذبه والناقص اگصه وكل اشوي اباوعله نوبه الگي يباوعلي نوبه للتلفون

: أگول يمةة افهيدان ماناوي افرح بيك گبل ماموت انت الاول  الفرحه بيك

باوعتلها وباوعت لفهد اريد اشوف شنو جوابه

: اووف جده اوووف خليني ساكت

وباوعلي بنضره تحسر

: ليش يمة شناقصك الف وحده تتمناك جمال بيت ربته شهامه اخلاق

: جده جانت ابالي وحده بس طلعت للاسف مو مثل مامتوقعها

وباوع عليه ودار وجهه.حسيته يقصدني
شسالفه كلشي مادفتهم

: يمةة منهي اعرفهه انه

: لا بيبي متعرفيها واحسن الج متعرفيها خليني هيج بلا زواج احسن يلا اني اروح محمد رضا مانزل

: سالفتك اتحير يفهيدان مادري ولج اخوج مانزل اليوم

جاوبت واني مدنگه

: لا بيبي مانزل خابر يگول. منع تجوال باجر ينزل

بيبي : بله هذا المگرود شمفتهم من حياته 14 هناك 5 هنا ليش مينقل يمه بعيده الناصريه

: ياجده هو قابل بكيفه ينقل يلا اني اترخص

: سلمنه يمةة الله وياك
گومي ولج عليوه ذبي البيدج  وطلعي وره ابن عمج

خررب هسه وكتج بيبي لا اني طايقته ولا هو طايقني امرلي الله اگوم واسكت شلت صينيه. الجاي وگمت وراه 

وگف يباوع علئ شكله بمرايه المسلك ويعدل بشواربه الخفيفه وحواجبه المشموره انتبهت علئ عگدت حاجبه الي

من وعيت علئ نفسي هو هيج گايل مدري هيه عاده مدري غرور مدري تكبر مدري شنيه اووي عفته ودخلت للمطبخ.

صح احبه واموت علي ومن زمان مو اليوم والبارحه بس هو كسر بخاطري بتصرفه الشوفنياه البارحه واكثر شي

ضوجني من يضربني بدون ميفهمني شنو السالفه حطيت الصينيه مال الجاي ع السنگ ورجعت هو طلع وباوع بعيوني

وتجه للباب مشيت وراه وصل يم الباب ديفتحها واني واگفه وراه ماحسيت غير حركه سريعه منه حصرني وره الباب

وصار قريب عليه ولازم ايدي من عكسي باوعت بعيونه متفاجئه من تصرفه باوع بعيوني بلعت ريگي قويت نفسي

: فهد اريد احجي وياك لازم اتفهمني شصاير لحد الان ممفتهمه بس صياح وعياط وعصبيه لازم نتفاهم تسمعني واسمعك

: ليش اتغشمين روحج ليش اتسوين نفسج متعرفين شي وانتي راس البله لج لحد الان ممتوقع انتي انتي علياء الي مايوم رفعت عينها وخلتها بعيني يطلع منها هلشي

: لحد الان اني علياء الي تعرفها اني تربات ايديكم وتعرف معدني واصلي بس انت انت الي ماعاد اشوفك نفسك فهد الي روحي تفرفح من اشوفه ماصدگ انت نفس الشخص الحبيته وتمنيته ماعرف شنو سامع عني وشنو هلمحادثات وشصار البارحه وشنو سببه وليش ضربتني مفهمتني اشصاير بالضبط  بس الي اعرفه اني واثقه من نفسي اني ممسويه شي من الگلته ولا اسوي ولا اريد اسوي اخلاقي متسمحلي انزل لهيج مستوه بقت يمك اتصدگ صدگ متصدگ ممجبوره ابرر علئ شي ممسويته هذا كلامي وياك يابن عمي عندك شي سامع شي تعال اسالني واجاوبك مثل مسمعت عني اسمع مني

: شنو دليلج علئ كلامج هذا ثبتيلي كلامج صح

: سبق وگتلك ممسويه شي وممجبوره ابرر الك شي ماله وجود ماگدر اگلك غير كلمه وحده اني بريئه من كل التهم التوجهتلي

: ياريت ياريت لو اگدر اصدگج ياريت
بس الي شفته وسمعته يثبتلي اكثر من كلامج هذا

طلع وسد الباب ضليت علئ وگفتي وافكر بالكلام الحجيناه ليش ميصدگني اشايف عليه حتئ هيج ميبس راس وميقتنع رحت گعدت يم بيبي. وره شويه جوي اهلي وخواني وابويه وجدي التمينه بغرفه بيبي وصارت لمتنه العائليه المعتاده

ماحسينه غير اندفرت الباب وطب علي الاكبر عينل المخبل وعصابه نارررر تطلع من عيونه حطيت ايدي علئ گلبي گلت هاهيه اكيد فهد گايله شي عليه  وطب علينه هيج شايش

ابويه : خير انشالله شكو شبيك

امي : يمةة شكو شبيك علاوي شصاير فهمنه

باوع علينه كلنه وگال

: يمه طلگت رشئ

امي. :  شنوووو

ابويه : تحجي صدگ لو تشاقه

: لا يابه ماشاقه نهيت كلشي وطلگتها احسن ماتورط بيها

اندار عليه شفتي علياء من گتلج بيها شي حاسها مغصوبه مجبوره بكل وكاحه عين اتگلي اني ماريدك. بس اهلي جبروني لان احب واحد ويحبني واهلي رافضينه فحتئ اگطع نفسي واعوفه انطوني الك واني ماحبك ولا اطيقك وكل مادگ عليه بدي اكسر التلفون وحتئ من احجي وياك بالي يم غيرك تخبلت ردت اگوم املخها وهيه بكل برود اعصاب تحجي صحت لاهلها واخوها راد يضربها بالگوه جريته منها تالي گتلهم خلو بتكم يمكم اني مو مگرن حتئ  ابقه ويه وحده بالها يم غيري ومع الاسف عليكم غشيتوني باوعت عليها كتلها انتي طالگ اتلاث مرات ونزعتها من ذمتي وعفتهم وطلعت شفتي يمةة هاي بت اخوج الي كتلتي روحج عليها شفتي شطلعت دربونه ودرابين

صارت مشاحنه قويه وحديثهم جان كله بصياح وعياط وهذا يجر طول وذاك يجر عرض بس حقه علي بهذا التصرف اي

واحد بمكانه يسوي نفس الشي واكثر
انتهئ النقاش بطلعه علي الاكبر من الغرفه  لبس ملابسه العسكريه وراح للدوام ونهئ

موضوع رشئ وگال ممنوع احد يفتح السالفه گدامي بلوه وتخلصت منها
ورااح طبيت للغرفه واني افكر بمصيبتي

واريد بس اعرف منو اله مصلحه يشوه سمعتي گدام فهد ليش فهد بالذات ليش مو خواني ابويه ليش فهد الا اذا جان

يعرف بيه اني احبه ويعرفني كلش زين بعد ساعات طويله تعبت من التفكير طلعت من الغرفه طبيت الهول لگيت امي ومرت ابويه وخواتي

گاعدات يسوون كليجه ع العيد ماضل شي بعد خمس ايام باوعت بيبي گاعده ع الكرسي وتوجه بيهن وكل اشويه اتعيب

علئ شغل وحده وتضربها بالعصئ وتگللها اشتغلي عدددل ااخر شي العصه لاحت مرجان وجان تگمز

: ايي بيبي شبيج ويايه احسن مضربيني ضربي هاي اليمج خل اتگوم اسوي ويانه لو. اني حايط نصيص كلها عليه

: التفتتلي بيبي ولج انتي ليش متشتغلين وياهن ست الحسن والدلال  لو تخافين علئ اضافيرج

: اهووك بيبي وينهن اضافيري شوفي كاصتهن لان صايمه واصلي بعدين انتي مو تدرين شگد اكره الكليجه وشغلها والله  ولا اسوي ورايحه اسبح عفتهن وگمت ع السريع اني طلعت باب الهول وجان انصدممم

زهراء جهاد

قرائه ممتعه 

🌟