رواية المغتصب حقها الفصل الثاني عشر 12 - بقلم زهراء جهاد 🤞

#المغتصب _حقها
البارت الثالث عشر
...زهراء جهاد ...

وِحٌگ أّلَمَأّ تّنِأّمَ أّلَأّ وِتّغٌطّيِّنِيِّ
وِنِهِ أّجِيِّبِنِيِّ وِنِهِ أّلَتّوِدِيِّنِيِّ 💔

كعدت الساعه 8 طبيت سبحت وفليت لفاف راسي الجرح ملتم اصلا هو مو كلش غميج بس ايدي بقت مشدوده طلعت وهو طب للحمام بدلت ومشطت خليت مكياج خفيف بلكي اشويه تتغير نفسيتي طلع هو بدل لبس تراكسود اجاهلته ابد ماباوعت عليي لفيت شالي وجنت ناويه انزل جوه ميته جوع وبنفس الوكت اعانده وما اخلي يمشي كلمته عليه
فتحت الباب صاح

» وين

جاوبته واني دايره وجهي

» جوه

ماجاوبني عفته ونزلت جوه شفت امه وغسق گاعدات ونجف دتنضف وتمسح بالبيت صبحت وگعدت يمهن شفت الريوگ يشهي واني ميته جوع گعدت اكل بدون مستحه
وامه مقهوره عليه لان ضربني نزل هوه كعد اگبالي اتريك وطلع صاحت امه

» وين رايح كرار مايصير تطلع انت عريس الناس دتجي اتباركلك اگعد بالبيت

جاوبها باستهزاء
» خل يباركولج الج موش انت ام العريس

كمل كلامه وراح اني مستغربه من تصرفاته واسلوبه ويه اهله معقوله لان رفضو ياخذوله البنيه اليحبها هيج يعاملها

گالت عمتي اليوم يجون بيت اخوها من غير منطقه كلهم ع الغده وجتي زبيده وغسق وگفن يحضرن الاكل ردت اساعدهن ما قبلن گالن بعدج عروس ويدج مجروحه روحي ارتاحي اني صح مقهوره وخاطري مكسور من كرار ومن الي يسويه ويايه بس ماگدر مامتعوده ع الهدوء جنت ابيت اهلي بس اسولف واشاقه واحجي ابد ماسكت ولا اكدر اكعد حركه بس افتر بالبيت حتئ لو ما اشتغل ماحب اگعد نشطه حيل. نجف هم ما خلتني اشتغل طبعا بيتهم حيل حيل جبير. يعني اتعجبت اشكد ما جنت اعاني من بيت اهلي علئ كبره هم بعد بيتهم اكبر. الولد غرفهم فوگ والبنات جوه صعدت بدلت شي حلو وعدلت وجهي ولفيت شالي لفه مضبوطه غيرت لفاف ايدي لان اتنگع رتبت الغرفه وعطرتها ونزلت لگيتهم مكملين گعدت يمهن انطني اخضورات انضفها وره اشويه طب كرار سلم وباوع عليه من فوگ ليجوه وراح بتجاه الدرج وصاح عليه الحگه ذبيت البيدي وصعدت وراه وكل بالي هسه اكيد ديرزلني علئ لبسي وشكلي متقبل غلط فتحت الباب وطبيت

» ها

» اوجعا جاوبي عدل

» كرار مو صحتلي شرايد

» احجي عدل لو اسنونج اكسرها هاج هاي امج خابرت تريد اتحاجيج

طرت من الفرح حيل مشتاقتلها اجيت مثل الطفل المضيع امه ولگاها كعدت يمه حاجيته والضحكه شاگه وجهي

» صدك الله عليك امي اتصلت وينها اتصل عليها خل احاجيها فدوه

» هسه اتصلج اوكفي بس بالاول.خل احاجيج

اتربعت اكباله ونسيت كل الصار فرحتي بأهلي غطت ع كلشي ولا جن صار اتلاث ايام مفاركتهم

» اي اي ماشي اسمعك وشتريد اسوي بس اتصلي

» اني اتصلج ما عندي مشكله بس تحت شروط والي هيه متجيبين طاري الي صار الهم ابد
وحق علي يعلياء اذا سمعتج نطقتي كلمه تحلمين تحاجيهم بعد واخلي شوفتهم حصره عليج.

ايسألوج شلونج مالونج گليلهم مرتاحه ورجلي وعيالي مهتمين بيه وما مقصرين ابد ليضل بالكم ايسألوج علئ سبعه ما سبعه گليلهم كرار ماقبل انسوي لان عمه ابغداد ميت مفهوووم كلامي
يحتاج اعيد

اني اصلا ما ناويه اجيبلهم طاري لاهلي علئ معاملته الي گلت افوت كم يوم فد شهر وارجع لاهلي واگللهم
يعني ماجنت ناويه احجي حاليا وبالنسبه للسبعه فأني فرحه العرس انغصت عليه نوب بعد الشفته اسوي حفله

» ها هيه هذا هوه ماعندي مشكله مثل ماگلت اسوي
بس اتصلي فدوه.

اتصل وفتح مكبر صوت. عادي مو مهم المهم اتصل لان بعد المعامله الشوفنياها اتوقعته حتئ اهلي راح يحرمني منهم

جاوبت امي واحس الروح رجعتلي بصوتها الدافي والكله حنيه

علياء » الو هلا يمه شلونج الباقين شلونهم

» بخير يمه كلنه بخير نسال عليج انتي شلونج شخبارج انشالله  مرتاحه 

» اي يمه مرتاحه ليضل بالكم اني زينه برحمه الله خواني بيبي جدو اشلونهم مشتاقتلكم والله

» الحمدلله يمه كلهم يسلمون عليج

ضلينه نحجي اني وامي تقريب ربع ساعه ونهيت المكالمه وحجيت ويه ابويه هم سالتني امي ع السبعه كتلها ماراح انسوي

وتفهمت الموضوع. طلع كرار واني هم نزلت اجوي بيت خاله وتغدينه ناس حيل حبابه وبسيطه الكل يسولف ويضحك

ويشاقه مرت ايام  اني وكرار واحد ماطايق الثاني وعلئ كد السؤال والجواب هو ينام فوك واني جوه اهله علاقتي بيهم

زينه الولد هم حبابين بس كرار ابد مايقبل احتك بيهم اذا كالولي عفيه انطيني اگلاص مي يخزرني واني هم

مبتعده عن كلشي يضوجه ويعصبه حكمت ع البنات انقسم الشغل بينه لان مابيه اكعد روحي طكت اليوم مخبوصين

خبصه بالكليجه والحلويات وترتيب البيت لان باجر عيد وثالث يوم العيد عرس غسق ويرادلنه كوم شغل نركض ومنلحگ

وخطاطير هم طابه طالعه الي يجيب فضل والي يبارك والي يعزم روحه بروحه يعني ماعدي وكت احك راسي وهم حبيت

هلشغله لان بهلحال مادنجمع ويه كرار هوايه حتئ نتعارك ضالين علئ گد سؤال وجواب. غسلت المواعين ورتبت المطبخ كملت شغلي وصعدت ساعه ثمانيه ونص باجر اول يوم العيد وگالت عمتي هواي ناس يجون يعايدوهم فا لازم نگعد من وكت حتئ نسيطر علئ شغل البيت دخلت سبحت وبدلت علگت التلفزون لان ضوجه الغرفه صنطه بس اني اگمز بيها عبالك جني غيرت بالغرفه شويه صارت بالدعش طب كرار راح بدل وجا جنت متمدده علجودليه واكلب بالريمون ماحسيته اله جا جر الريمون مني وراح اتمدد ع الجربايه وكام يكلب بداخلي حيل عصبت من تصرفه بس ابد مابينتله ولا باوعت علي ولا كتله انت شنو عباله بهل حركات راح يأثر عليه مو بيدي حيل كرهته وحقدت علي لان بس يسب بيه واباهلي  بالبدايه حاولت ما اخلي يتامده بس هوه ذره من الاخلاق والحترام ماعنده اجي اني اوكفه عد حده گمت طفيت الضوه ورحت نمت شو هذا گوم وعلي التلفزون كله رفعت راسي متفاجئه بتصرفه مو من عادته يعاندني حاولت اجاهله بس الصوت عالي يصطر حطيت المخده علئ راسي تالي طگت روحي

» اكلك انت شنو تعاندني شيسموها هلتصرفات

جاوبني بكل هدوء واسترخاء

» عفوا اي تصرفات

» تعلي التلفزون كل صوته وتعلگ  التيبلم مدكول اكو شخص وياي بلغرفه بلكي تعبان بلكي نعسان

» والله بصراحه ماگول لان كلج علئ بعضج متهميني وماشايلج من گاعج

فشلني ابن اخخخخ منك يالساني العاقل
بعدين جاوبته بقوه

» لو جنت فعلا ماهمك وماشايلني من كاعي ماجان سويت كل هذا علمود تلفت انتباهي جنك تعودت ع العرايك قبل النوم

» مو انتي فد انعال حتئ الفت انتباهج ليش متنطمرين احسن متاكلين كتله

جاوبته بستفزاز ردت اضوجه مثل ماضوجني

» اووو استاذ كرار ليش انت بالعاده تلفت انتباه النعلان

يمةة ماحسيته الا اتوحش وعيونه صارت بگصته اني متت بخوفي راسا رجعت لفراشي واكول بداخلي يمه شراح يسوي يارب استري اخخخ من اللساني اشوكت راح اجوز من المرادد مو جنت مجاهلته وخلصانه منه گبور اتلفني ماحسيته الا صاح عليه بنبرته الحاده والغاضبه

» تعااااااي

يمه اني هنا لو ايذبحوني ميلگون قطرت دم بيه جاولته واني اتصنع القوه والتجاهل

» عوفني ارد انام

نصه التلفزون وصاح بصوت حلاني اكوم برجليه واتجه للموت الاحمر

اتگومين لو اجي اني

خل اكوم امري الله اذا رحت اني بيها الهون شويه احسن ما هوه يجي رحت گعدت ع الطرف مال الجربايه من الصفحه الثاني

» تعاي من هاي الصفحه

ها هيه اصلا صرت بعداد الموتئ رحت كعدت يم رجلي مدنگه ودنتضر عقوبتي لان ادري بنفسي جفصت بكلمه شكبرها جان يستحقها بس يبقه رجال وماكو رجال يسكت اذا مرته اجاوزت حجه ونبرت صوته خلتني اختض من الخوف

» اني اشجم مره گايلج لتجاوزين وصوتج لتعلي شنو انتي تحبين التكفخ.

هاي هو يحجي ولازمني من ازنودي ويخض بيه ويصيح ويحجي صوته يرج اركان الغرفه وهو من النوع الصوته خشن  وعالي غمضت عيوني  بقوه صرخ

» فتحي عيونج جاوبيني محذرج لو لااااا

» ب ب بلي بلي حذ ذ حذرتني حذرتني

» جا ليش تعانديني هااا ليشششش

» اسفه اسفه كرار والله اسفه ماراح اعيدها مره لخ اسفه

» اششششش صوتج ماسمعه وهسه ولي من خلقتي ولييييي

دفعني من الجربايه وگعني بالگاع حيل اتاذيت صوت بجيي وشهگاتي علئ والله ماستاهل الي ديسوي بيه والله سحلت نفسي من بين ادموعي وطبيت الحمام وقفلت الباب وهنا بعد ماگدر الزم روحي كمت اشاهگ وبجي بصوت عالي ونحيب ليش هيج ياربي شنو السويته ودتعاقب عليي بهلطريقه والله ماشيه بسد الحايط وادعي الستر ياساتر. حسيت رجعت حالتي مال هذاك اليوم وصار النفس ثگيل
علئ صدري لزمت صدري وسحبت نفس
عميق وصرت اردد
سوره الشرح

        ( أّلَمَ نِشٍرحٌ لَګ صٌدِرګ)

ماتحملت حسيت روحي دتطلع
فتحت الباب ع السريع صار كرار بوجهي من شافني لهلحاله عيوني حمر واتلمس برگبتي وصدري بسرعه وادور هوه اجاني يركض لزمني وصرخ بوجهي

»وج اشبييييييج

ماحسيت اله وگعت بين اديه

وتستمر الحكايه

# زهراء _جهاد