رواية المغتصب حقها الفصل السادس 6 - بقلم زهراء جهاد 🤞

.. المغتصب -حقها
البارت السابع
# زهراء '"جهاد

علياء. »اي يمه گليله موافقه ماعندي اعتراض

امي » يايمه صلوات واخيرا راح افرح بواحد من خلفتي
گامت بوستني يمه شايفه كل الخير انشالله

علياء. » هاي شبيج يمه بعد وكت ع المبارك مجرد كلام منو ايكول الناس ماغيرت رائيها

مرت ابويه. » لا يمه شنو يغيرون رائيهم همه خابصي الابوج كل يوم والثاني وداگين عليي يردون الجواب شايفه كل الخير وربي يسعدج

علياء. » الله يسلمج يمة لعد بيبي وين مالها حس

امي » مالها خلگ اليوم جديتج
اتعشت واخذت دواها ونامت

علياء. » اگوم اشوفها لعد

رحت فتحت الباب ع كيف گعدت يم راسها هوايه احب بيبي ومتعلقه بيها صح اربعه وعشرين ساعه اني وياها مناگر لاكن احبها ماگدر بدونها اذا راحت لبيت واحد من عمامي بسرعه اللبس عباتي والحگها هيه هم تحبني وحنينه عليه بس متضهر مشاعرها  مو بس اني ويه احفادها كلها دائما تضهر الجانب القاسي بكلامها وتصرفاتها ويانه مادري ليش حست وگعدت

بيبي » ها ولج شمگعدج يم راسي جنج جني

علياء ببتسامه خفيفه. »لا. بيبي بس اشتاقيتلج وجيت اشوفج لگيتج نايمه واخذني الواهس ضليت گاعده وافكر شبيج گالت امي مالج خلگ

بيبي. » احسن شويه شنسوي بعد العمر اله حگه
اي شگلتي ماناويه تزوجين مو الناس طگت مرارتهم والله مادري شلون زمن هذا گبل جانو اهلنه ينطونه ومندري ميگلولنا غير من يجي السيد يگطع مو مثل هسه ياخذون رائي البنيه وهيه علئ مزاجها الوردي تقرر

علياء. » بيبي ذاك زمن وهذا زمن وكلشي اتغير واني انطيت الموافقه لابويه وهاهيه

بيبي. » ها زين بالمبارك عليج بنيتي. سبع سعادات انشالله

ضحكت وباوعت عليها » اگلج بيبي مدري اني الما افهمج مدري انتي هيج ساعه قاسيه ساعه حنينه شسالفتج

» مالي خلگج والعصه بعيده وانتي عروس اسكتي احسلج

صفنت
عروس والله وصرت عروس بس اشلون داخلي ممرتاح وماريد غير فهد بس هوه ميريدني ويكرهني اوووف يربي شيله من گلبي وفكري بعد كم يوم راح اصير لغيره والتفكير بي يعتبر خيانه يارب نورلي طريقي وريح بالي يارب ايكون هذا الشخص خوش ويصوني ويحبني ويحافض عليه يارب سهلي الطريق الدمشي يارب مالي غيرك

حجت بيبي وكأنها جاوبت ع سؤالي بعد طول سكوت

» شوفي يمه اخذيها قاعده
بهل حياة الانسان اذا اهتميتي بي وضهرتيله حبج وحنيتج عليي وانطيتي اكثر من حجمه راح يطغه ويشوف نفسه عليج وينمدله الحبل كل انسان انطي حجمه حتئ متتندمين بعدين

حجيت بگلبي اي والله شفت بزهراء شلون انطيتها اكثر من حجمها وشسوت بيه

گومي عليوه گومي وديني بالهول روحي طلعت بهلغرفه جدج وين

» هااا عيني هااا لازم اشتاقيتيله

» ولج ثگلي يلمسودنه ثگلي انتي عروس

» قابل شمسويه مو گلتي ضايجه گلت اللطفلج االجو اشويه

» اخ اخ منج اخ

» يمه سلامتج من الاخ يابعد روحي
وهاي الهول

گعدتها ورتبت گعدتها لان هيه ع كرسي متحرك
عدهاا شلل نصفي
شكل عدها اثر جلطه من صدمه فقدان عمي ضياء ودومي اني مهتمه بيها وبكل احتياجاتها

باوعت لامي. » هاي لتتأملون بيها يومين يرجعوها علينه وگولو گالت حجيه وصفه

امي » لا عيني علوشه گدها صح هيه اللسان ووحركه وعدها نوع من الخبال بس گد المسؤاليه ادريها تبيض وجهنا

مرت ابويه. » اي لا تتعلم كلشي ونشالله يطلعون خوش ناس تصونهم ويصونوها
لتخافن اني اعلمها كلشي بعدين
ونشالله بتي گدها

» اووو اگللجن تره ابد مو وكت هلحجي لسه كلشي ممسوين

امي » ولج شو مافرحانه

: يمة هو شنو الصار دفرح هو اص..

قاطعتني مرت ابويه

» لا فرحانه وميته فرح بس خجلانه عياره

» طگيتها ضحكه وطلعت للحديقه اي فرحانه متدرن الدنيا مسايعتني من الفرحه ههههه اوف هنه ميدرن اني وافقت حلا للنزاع والمشاكل ميدرن اني وافقت ع الزواج علمود ابتعد من البلوه الذبتها عليه بت عمي ومن نضرات ابن عمي اللي تكرهني بنفسي گعدت افكر
گبور اللطمني واني ليش مقهوره ومعبسه الميريدني ماريده بنت عمي هيه الخسرتني خسرت اخت متتعوض وابن عمي يجي يوم يعرف كلشي ويتندم. بس بوكتها ماراح يلگاني لان هو الثاني هم خسرني خسر انسانه ماحبه بشر بگد ماحبتة
گعدت احجي ويه روحي همداني والله اني غبيه ليش مافكر بهلطريقه ولج ياعوبه سولفي وضحكي ولبسي وكشخي وطبي وطلعي ورجعي ذيج الورده التزهي الي الكل حاسدتها ع ضحكتها هههه والله الضحك حلوو مشتاقتله من زمان مضاحكه ههههههه

» لالا بالعباس اتخبلتي رسمي ولج شبيج تحجين وتضحكين ويه نفسج علياء بس لا راكبج جني

التفتت حسن ابن عمي حارث گمت بتجاها واني خربانه ضحك

» اي والله ياحسون شسوي مالگيت احد احجي وياه گلت احاجي الجني الجواي بس عليي سوالف هههه تخرب ضحك

طبت مرجان جانت ابيت عمي ضياء

» عززه هاي شبيج صوتج فضحتينه

حسن » لالا هاي اختج صار لازم نوديها السيد بعد مابيها مجال

مرجان » يحضي يردون يزوجوها عود

علياء » شسوي طگن عندي امشو طبو جوه دتنخ وبردت
طبينه جوه وكلها التمت خواني وبيبي وجدو بيت عمي ضياء هم جوي وكل اشوي گومي يعلياء
جيبي مي
سوي جاي
جيبي فواكه
جيبيلي نفاضه
هفف ضجت

ثاني يوم عرفت من امي ابويه رادللهم خبر للناس واليوم العصر يجن النسوان يشوفني صبينه غده ورتبنه البيت وتحضرت كشخت بكامل اناقتي ومرجان دتحضر الفواكه واگفه يمها توتر علئ ارتباك خوف

» مرجان وج باعيلي شلوني حلوه طالعه

» فديتج تخبلين بعد گلبي يوم الاشوفج بالابيض

» بعد عمري انتي الاحلئ يوم الالج ونفرح بيج انتي وحسين

» الله كريم تفرج يلا ولج جوي اوگفي خل اشوف

طفرنه اثنينه ع شباك المطبخ طبن اربع نسوان لابسات عبي ومحتشمات دخلتهن امي للاستقبال

مرجان » ولج  شفتي شگد حلوات يالله رغم كبرهن بس صلوات ينگرطن

» ههههه ياخوفي يطلع هو امرعبل ويخرع

» ولج لا عوبه اذا همه اهله هيج ينگرطون شلون يطلع انتاجهم

» اوي مرجان اخر شي افكر بي هو شكله وشلونه

» هو صح الرجال ميتعيب بس ليش احسج ما فرحانه غير وحده اطير من الفرح راح تزوج وتأسس حياة جديده ليش هيج انتي كلشي طالع من خشمج ومامهتمه

» يعني شترديني مثلا اگوم اشد وصله وادگ وارگص

» مو هذا قصدي يالثوله بس افرديها اشويه ضحكي وجهج معبس جنج وحده مغصوبه

» لا مغصوبه ولا شي وانطيت موافقتي بكامل ارادتي بدون محد يضغط عليه
والديصير ويايه عادي كل ابنيه تتوتر وترتبك بهيج يوم

» والله مادري مادفهمج هلايام.

صاحت امي عليه

» ليش دصيح عليه

» غير دطبين يشوفنج

» ولج استحي شكو طابه

» علياء راح اهفج بعلي لعد هنه شكو جايات امشي وهاج هاي المي طبي سلمي وقدميلهن گعدي فد خمس دقايق وطلعي وابتسمي وجهج فردي تره جايات يشوفنج مو يزفنج

دفعتني من ضهري ووصلتني للغرفه حطت الدولكه مال المي والگلاص بيدي ودفعتني جوه

طبيت نسوان گاعدات بس صدقه شلون جمال شايلات ولا مبين عليهن العمر

علياء » السلام عليكم

» وعليكم السلام هلا حبيبه شونج

» هلا خاله برحمه الله انتو شلونكم

» بخير يمه صلوات علئ محمد عين الحاره بارده

ضلن يجرن صلوات خجلت من نضراتهن وكلامهن ضيفتهن مي وگعدت يم مرت ابويه وهنه مقابيلي وعرفني ع نفسهن وحده امه حلوه وعيونها صفر يطلع عمرها بنهايه الاربعين ووحده عمته امريه جبيره بالعمر محتشمه وسبحتها بيدها وثگيله ورزنه وحده اخته الجبيره مزوجه وعدها طفل عمره اشهر هيه هم اتخبل عيونها ملونه وبيضه ثلج طويله وجسمها
واللسانها حلوو وابنها هم طالع عليها اشگر وعيونه ملونه. شنو ذوله كلهم يخبلون عبالك اجانب وحده ازغيره تطلع بعمري اكلتني بعيونها اكل واحسها تراقب كل حركه مني مارتاحيتلها ابد مدري ليش بس انتبهت علئ ايدها لابسه حلقه. حجت امه

» اي يمه شسمج انتي

» علياء خاله

» يمة صدقه الله يحفضج ادرسين يمه لو لا

» لا والله خاله احنه منكمل نتعلم نقره ونكتب ونگعد

» اي احسن يمه البنيه الها بيتها ورجلها
وهم كرار ميحبها وكل يوميه مناگر ويه خواته يريد يبطلهن بس انه واگفه بوجهه لان هن يردن يكملن

الي عرفته الولد اسمه كرار عمره 25  خريج تربيه ومامحصل تعين لذالك فاتح بيت مثل المعهد زغير وهو وكم شاب هم خريجين ياخذون دروس خصوصيه وجابن ومدحن بي سونه ماكو مثله  وحالتهم الماديه زينه وابوهم ميت. وعايشين هو وامه واخوته ثنين ازغر منه وخوات هم اثنين طالبات وحده مخطوبه لابن عمها رأسا جا ابالي فهد گلت شكو بيها لو هلمه هيه اتفاق الخطبتنه اني وياه جريت حسره لازم اطلع هاي الافكار من بالي والتفت الحياتي ومستقبلي
طلعن بعد ماتفقن علئ يوم يجي الولد يشوفني واشوفه. بصراحه اني من گالن هيج خفت وحسيت الشغله صارت صدگ بس بعد ماكو خط رجعه اهلي نطو الموافقه وكلشي انتهئ الله كريم
الكاتبه الله يصير 

بالليل انجمعنه وگعدن امهاتي يخرطن لابويه وهيج گالن وهيج حجن استحيت من ابويه وجدي صعدت للغرفه گعدت افكر بالراح يجي وشلون راح اواجه المستقبل وشلون اتصرف واتعامل ويه زوجي واهل زوجي وخوف علئ توتر علئ ارتباك يربي اشلون راح يجي واشوفه واگعد گدامه شلون راح ادبرها شگد عيب

:::::
اليوم يجي

مرجان » ولج عزه العزاج اي والله لساعج نايمه گومي ياعوبه گومي

» هممم دولي شتردين مني لجرين بالغطه لجرين عوفيني نايمه

» ولج شعوفج گومي اليوم يجي العريس ايشوفج تردين اطلعيله بكفشتج هاي علومود يخترع ويشرد

» شوف النوب سمته عريس دعوفيني يامرجان والله نعسانه عود من يجي ارتب روحي واطلعله

» ترتب. روحها النادره وهاي حواجبج كاره مال حطب شسويلها گومي اخذلج خيط يالعوبه ارتبلج شكلج مو شواربج صاير ينحلف بيهن.

گعدت اتلمس شواربي صدگ طولانات هامله نفسي هواي هلفتره

» ههههه لتخافين جمال اعيوني. يغطي علئ عيوبي

» فدوه للتواضع گومي ولج

سحلتني سحل ونزلتني اخدتلي خيط شويه رتبت حواجبي وجهي اخذت خيطين وگمت اگمز من الوجع وعفته ماخليتها اسووي المهم رتبتني شويه

صار العصر حضرنه كلشي وكشخت وكملت لبست فستان زيتوني حلو مخصر ع الجسم مال محجبات وياه حجاب اسود وباودر خفيف وكحل خفيف يعني لا بأس بيه طبعا اني ومرجان نترقب الوضع من شباك المطبخ اجوي طلعلهم ابويه وستقبلهم وطببهم جوه. امه واخته وهو ولد شاب ماشفته زين خررب بالحض ابويه صار گدامه ورأسا طبو جوه

الخوف ماكلني من فوگ ليجوه ياربي شلون راح اطب شويه وجتي مرت ابويه
واخذتني طببتني سلمت اني ومدنگه وگعدت صار مقابيلي ابد ماباوعت عليي ولا شفت وجهه تالي فكرت لازم اشوفه لازم ارفع راسي هذا الشخص راح يصير زوجي وشريك حياتي لازم ابعد المستحه واشوفه اجرئت ورفعت راسي جان شاب كلش مرتب طويل وجسمه بضخامه اسمر وعيونه زرگ مثل اعيوني بس بعد اطوخ وملامحه حيل جاده شعره مرتب يعني  زين مرتب كشكل مدرس
بس الي لفت انتباهي ابد ماباوع عليه ولا التفتلي واحسه يبعد نضره عني داير وجهه علئ ابويه ويحجي وياه احتمال جان يباوع عليه من جنت مدنگه انتبهت علئ لبسه حيل راقي ومرتب ثگيل ورزن
دغتني امي يعني كافي گومي اترخصت وگمت طلعت وسديت الباب انتجيت بالحايط واني افكر بي وبالمستقبل ليش هيج ملامحه حاده وعصبي لا وفوگ القهر نفس عگدت الحاجب مال فهد اهووك هاي عاد راح اضل كل ما اباوع بعيونه اذكرنضرات فهد حسيت احد جرني من عكسي وطببني للمطبخ التفتت مرجان

علياء » گبر شبيج ايدي انخلعت

» دتعاي وين واگفه احجيلي شلونه حلو مقبول لو صدگ مرعبل مثل ما توقعنه

جريت كرسي من الميز وگعدت  
» لا بالعكس شكله حيل مرتب وثگيل وخوش ولد مرتب شوفي الصدفه نفس العيون اشلون انجمعنه هيج مادري

جيلان » هلا هلا. هسه اشوفين جهالكم اشلون يطلعون

» اوووو وين رحتي شوصلج للجهال
بس تدرين مرجان انتبهت ابد ماباوع بوجهي ولا حاجاني ولا اصلا عبالك موجوده مجاهل وجودي ويحاجي ابويه

»احتمال يستحي من ابويه  لو يخجل. يباوع عادي تره

» لا هو شنو العادي غير جاي نتشاوف علمود الخطبه

سمعنه صوتهم طلعو خواتي گمزن يباوعن من الشباك اني ضليت ع گعدتي طبو اهلي ابويه طلع

مرت ابويه » ها يمه علوشه اقتنعتي بي عجبج

» اي يمه عجبني لج يخبل يموت اريده فدوه زوجونياه ع السريع يلا يلا

اجتني العصه گمزتني من مكاني

بيبي » ولج يالمسودنه اثگلي جاي نحجي بجديه ونقرر مصير الولد عجبج تردي

» بيبي اذا عليه اي موافقه ماعندي اعتراض اني وافقت اصلا قبل ماشوفه بس شو هوه حتئ بوجهي ماباوع عاگد حاجبه ومحد عاجبه عشتووو

امي » عادي اصلا يجوز يستحي من ابوج

مرجان » الولد حلو ومرتب وميتعيب ابن ناس واصول مدرس وشايل نفسه وانشالله وره العرس تتعودين عليي

امي » هسه المهم اليوم خميس بالاحد نگطع مهر سيد ومن بعده محكمه يعني كلها الخطوبه مطول اكثر من شهر لان الناس مستعجلين

علياء » هاي شنو شهر قليل. شنلحگ انكمل ورانه كومه تجهيزات شعدهم مستعجلين

مرت ابويه » لا ليش نلحگ باسبوع انكمل كل التجهيزات والولد محضر كلشي يعني ماكو داعي نعترض ونجر طول وعرض. بتجر نروح نشتريلج فستان علمود نگطع مهر سيد

» ماشي يمه براحتكم اني اصعد ابدل وارتاح

مرجان شترتاحين قابل جنتي تركضين تعاي ساعديني بالعشه

» مرجان والله مابيه خل جيلان وياج

جيلان » دقيقه دقيقه اني عندي امتحان اريد اقره بعدين لتصدگين نفسج عود عروس وندللج تعاي انتي سوي عشه واني اروح اخلي سجئ تقريني

» شوف الحقيره شبر ونص وبيها كل البله

بيبي » كافي فلك طرجن سويتن راسي هلكبره هو عشه لعد لو عدجن عزيمه جان غرگتن بنات اخر وكت

امي » كافي ولجن سكتن وانتي علياء شوفي منو بالباب

گمت فتحت الباب بيت عمي حارث سلمت عليهم ودخلتهم جوه گلت ابگلبي ارتاحي بيبي جتي العزيمه گعدنه بالمطبخ كلنه صعدت بدلت لبست دشداشه كودري خفيفه رغم احنه بعده الجو بارد تونه داخلين ع الصيف بس اني اتخبل من الملابس الشتائيه بعز البرد البس خفيف
كملت ونزلت لگيت بيت عمي ابراهيم هم جايين صارت زهراء اگبالي لا هلا ولا مرحبا
رحت سلمت
مرت عمي ابراهيم » مبروك عليج عمه  شايفه كل الخير

» الله يسلمج عمه خير النه والج يوم الي نفرح بالولد

» امين يمه يوم المنه ماندري شبيهم ولدنه قافلين ع الزواج وانه افك حلگي يسكتوني

بيبي » عوفيهم علئ راحتهم همه شوكت مايردون يزوجون 

» جا انه هم ام واريد افرح بوليداتي واعرسلهم

بيبي »  يااا جا اذا همه مايردون قابل نجبرهم جا الزلم ماعليهم جبر

امي توجه الكلام لمرت عمي » حضج مثل حضي يخايبه جا انه هم اتلاث اوليدات حگ زواج وهم مايردون يزوجون شگد احاجيهم ماكو مادري شبيهم شباب هلوكت غيرهم كاتل نفسه ع الزواج

» ومنو گلج اني ماريد ازوج

التفتنه كلنه بالتجاه الصوت

للحكايه بقيه

زهراء جهاد

    ⭐
  ⭐⭐
⭐⭐⭐