رواية المغتصب حقها الفصل الخامس 5 - بقلم زهراء جهاد 🤞

..المغتصب - حقها
البارت االسادس
# زهراء _ جهاد

فهد .....

احاول ماكبر الموضوع واكون هادئ
وياها بلكي ترتاحلي وتعترف بغلطها
بس هيه ماكو ماخلت شي ماحلفت بي ..
ماعدها شي ومامسويه شي
فتحت الباب ودخلت ع السريع اعيونها حمر دم ....
اخذت زهراء وراحت اجاهلتها اهواي اني ادري بيها تحبني حيل
بنفس الوقت تخاف مني وتستحي ومتواجهني محد گلي هلشي
عرفت من اسلوبها گدامي توترها ارتباكها والي ثبتلي اكثر من اعترفتلي بين ادموعها وهيه تترجاني اصدگها انها بريئه تعبت منها اني من الزم...
المجرمين اتلاث مرات اطرح السؤال اذا ماحصلت ع الاعتراف انزل بيهم دگ تعذيب لحد ميعترفون انوب هاي
منا بنت عمي مني وبيه اي شي يمسها يرجع عليه ومنا گلبي الاثول اليدگلها ومابي يأذيها  ومنا الي شفته وسمعته عليها وحاير اشلووون وياها ماتحملت دزيت عليها گاعده گدامي اباوعلها رب البرائه والعفويه معقوله تطلع منها هلسوالف احتمال هذا وجه مستعار اشلون وياها اشلون
النوب اتراددني ااااخ الله اني كلشي ولا واحد يراددني للحضه كرهتها كرهت كلشي بيها شكلها دموعها عيونها كلامها ردت الزمها اگطعها بس اكتفيت بالكلام جنت ادري هذا الكلام راح ايأذيها اكثر من اي شي طلعت هيه وجنت احسها ناويه مو خوش نيه  ضليت كلساع تجيني افكار اخاف اتأذي نفسها هاي طفله اتوقع منها اسوي هيج شي. گمزت من لفراش بدلت لبست دشداشتي جريت المبايل وباكيت الجگاير وطلعت. دگيت بابهم طلعلي محمد رضا طبينه جوه سلمت وگعدنه لگيت  جدي وجديتي وعمي كلهم گاعدين  منا سالفه منا موضوع
طولت ..بگعدتي فوگ
الساعه عيوني. ادور عليها كلنه گاعدين وهيه الوحيده الماكو مليت من الگعده وگمت ترخصت ومشيت وبوجهي للبيت  حطيت راسي ع المخده بله اني شدسوي شنو اگوللها ماريد اشوف وجهج جدامي خلصيني منج ومن بلاج شنو بنفس الليله اروح ادور عليها من بين اهلها اخ اخ شوكت راح افهم نفسي...
مادري

علياء ....

رجعت للبيت گوه لازمه نفسي لا دموعي وعبراتي تخوني اهلي كلهم ملاحضين عليه متغيره ويسألوني  اتهرب من الجواب ماعندي حجه اطلعها الهم. صعدت فوگ وجنت ناويه ابد ماخلي فهد يلمحني حتئ لو بحلم جرحني حييييل بكلمه
(خلصيني منج ومن بلاج)  حيل صعبه تسمع هيج جمله من اعز شخص ع گلبك كسر گلبي ليش ميصدگني ليش
اخ منج زهراء اخ حسبي الله ونعم الوكيل عليج وعلئ السويتي بيه مرت فتره نفسيتي حيل تعبت اكلي قليل
دائما معزوله عن الكل گمت اخاف اختلط بأحد حتئ اهلي بعد السوته بيه بت عمي خلتني ماثق بأحد وهيه بكل عين صلفه ورغم كل الصار اطب وتطلع البيتنه وسولف وتضحك وتشاقه ويه الكل ونوبات اذبلي حجي بس اني مجاهلتها وحالفه للموت ماحاجيها علئ خيانتها الي

فهد يجي دائما علمود الولد لو علمود بيبي وجدي بس  من يوم الي اتعاركنه اني وياه اخر مره ماشوفته وجهي ومبتعده عنه وحتئ اخباره ماريد اسمعها لمن اسمع يگولون فهد جا. گبل اصعد فوگ لو ادخل اسبح لو الهي نفسي بشي في سبيل ميشوفني ولا اشوفه ماكرهته بعدني احبه وگلبي يدگله بس كسر گلبي هواي هاني وضربني وذلني وماصدگني

... سمعت اهلي يحجون بهذا الولد المتقدملي وكلها اتگول خوش ولد
بالليل جنت مدده بفراشي وعيوني بالسگف وافكار تروح وتجي جيلان جاي تقره والغرفه كلها ورق وكتب وملازم مرجان جانت ترتب بكنتورها
اندگت الباب فتحتها جيلان

جيلان » ها يابه فوت

ابويه. » هلا يابه گاعدات

جيلان » اي گاعدات اتفضل اگعد

گعد يم جيلان وگام يگلب بكتبها

ابويه » يابه عوفني ويه اختجن علياء عندي حجي وياها

حطيت ايدي علئ گلبي ياستار شيريد مني ابويه بالي راح بعيد وصل فهد وزهراء

مرجان. » خير يابه خمو اكو شي

ابويه » لا يابه انشالله كل الخير

طلعن خواتي وسدن الباب نزلت
گعدت يمه

علياء » ها يابه اتفضل گول

ابويه. » بابا علياء شوفي راح احجي وياج بموضوع وسمعيني زين .
اكو شاب متقدملج واحنه سألنه عليي الولد سمعته زينه مدحونه بي وشهدولنه باخلاقه بالنسبه النه اني وعمامج وخوانج موافقين عليي بقت يمج ومن الاصول
ان اخذ رائيج فشتگولين بابا

حيل استحيت وخجلت لان ابويه ديحجي ويايه بهيج موضوع حساس

» يابه اني ماريد ازوج

» ليش يا يابه
شوفي بنيتي القسمه الزينه
من تجي مرتين وتلاثه ونرفضها
بعد متتكرر
وانتي هذا مو اول شاب يتقدملج
سبق وتقدمولج هواي من اقرباء محبين اصدقاء الولد
وانتي بكل مره وبدون نقاش ترفضين كلامي مو معناه اني مستثگل من لگمتج لو رايد ازوجكم واخلص منكم
اعرف هذا تفكيرج
بس لا والله انتن بناتي شمعه البيت ضحكته وفرحه من اشوفجن همي ينزاح والزواج ستر. واني  احب اشوفجن مستورات ببيوتجن مرتاحات ومستقرات
والولد خوش وابن ناس معروفين ومستورين وهو الاب شيدور غير الراحه والستر البنته
. اني اعوفج هسه تفكرين زين وتاخذين قرارج وهذا قرار مصيري مابي تراجع وصدگيني بنيتي اني دحجي المصلحتج

» انشالله يابه افكر بالموضوع وردلك خبر

طلع ابويه. گعدت افكر"
صدگ اني هذا مو اول واحد يتقدملي هواي تقدمولي وجنت بدون حتئ ماعرف منو ارفض لان ازغيره واحس نفسي مو گد المسؤوليه ومن ناحيه ثانيه اني احب فهد اشلون ازوج غيره فجنت دائما ارفض بس هسه ليش ارفض ماعندي سبب الي جنت انتضره وعلموده ارفض كارهني وحاقد عليه وميريدني بالنسبه للشغل والمسؤاليه
ف ماكو شغل يموت واتعلم شويه شويه مو اول وحده تزوج بصغرها والحل الوحيد الي يخلصني من هاي المصيبه هو الزواج اووف حسبي الله ونعم الوكيل عليج زهراء راح اتخليني اذب نفسي بتهلكه من وره انانيتج وحقارتج  اني شدراني شلونها الحياة ويه هذا الولد صعبه سهله  حلوه مره افهمه يفهمني راح اتوكل علئ الله وسلمه امري احتمال هذا قسمتي ونصيبي من الدنيا احتمال الله كاتبلي حياة حلوه تنتضرني ويه هلولد

گطعن افكاري خواتي داهمني وهجمن عليه

علياء » أوي اوي رجلي راحت شبيج گبر

مرجان » شكو شيريد ابويه منج

علياء. » ونتي شكو وخرن دنام

جيلان. » والعباس ماعوفج احجي شكو شيريد موضوع خاص وسد الباب وطلعنه احجي شكو

علياء. »  يا يابه من لسانج  عريس اكو غيره

مرجان » اهااا ومنوه وشيشتغل وشسمه وافقتي لولا شو مندري

علياء » هههه علئ كيفج وحده وحده والله علمي علمج لاعرفه ولا سامعه بي مجرد سألني عن رائي

مرجان. » اي وشتگولين انتي موافقه لا

علياء. » الله كريم افكر

مرجان. » اي علوشه عفيه ازوجي اريد عرس

علياء بنضره جانبيه. » متعرسين انتي صارلج جم سنه محجوزه  وگاعده علئ گلبي

مرجان بحسره  » اوف ياعلياء اني شمدريني جا ابن عمي حجزني وراح. لا خطبني ولا فتح الموضوع  بعد

حطيت ايدي ع جتفها علياء » لتنقهرين حبيبتي حسين  ابن عمي حارث خوش ولد ولو مارايدج ماجان جان فتح موضوعج بس احتمال عنده
ضروف تمنعه يحجي هسه
خليها علئ الله

مرجان. » الله كريم معوده قابل كاتله نفسي ع الزواج بس اريد اعرف شنو مصيري شو لا اني بنيه ولا اني مخطوبه

علياء » كافي لغوه گومن اريد انخمد راسي يوجعني

ماگامن الا بالدفرات لفيت راسي ونمت گعدت ثاني يوم. نزلت جوه بين تنضيف البيت والشغل والغده خلص لوقت عباس زين تحسن شويه گام يوگف يمشي جروحه بلشت اتطيب طلعت من الحمام بالليل لگيت امي ومرت ابويه گاعدات يسولفن گعدت يمهن

مرت ابويه. » ها يمه شگلتي وافقتي ع العريس لا

امي »  اي صدگ علياء البارحه ابوج سألني گال شوفي بتج الناس ينتضرون رد

علياء. »  اي يمة گليله موافقه ماعندي اعتراض

قرائه ممتعه

زهراء جهاد

همتكم بالتصويت فدوه