رواية المغتصب حقها الفصل السادس عشر 16 - بقلم زهراء جهاد 🤞

المغتصب حقها
البارت السابع عشر
زهراء جهاد

دخلن العرايس فدوه سجئ جنها لعابه نوب ناعمه والبدله كوه واكفه عليها دخلت وراها خطيبه فهد الي افتهمته اسمها ورده حلوه ونازكه ملامحها بيها جاذبيه طويله وضعيفه بس حلوه وهنا هاجت المشاعر اوف لو بس اگدر اسيطر علئ مشاعري جان ارتاحيت گعدوهن وحده يم الثانيه كلش حلوه صارت الحفله كلها مجموعه وفرحانه صفنت وگمت اباوع بوجوهن وحده وحده معقوله هذن النسوان والبنات شايلات بگلبهن مثل الشايلته اني شو ما امبين عليهن مهمومات مثلي فززني من صفنتي صوت مرت ابويه وهيه اتگول استرن يبنات العرسان راح يدخلون رحت لبست صايه فوگ ملابسي وخليت شال علئ راسي بأهمال شفت حنين خلت شال علئ راس ورده وره اشويه دخلو اثنينهم فهد راح المرته باسها من راسها وكعد يمها مرد گلبي بهلحركه لسه كلبي يدگله وروحي تفرفح من اشوفه بس مو من حقي جنت بين الفرحانه بعرس اخويه وبين الحزينه بعرس حبيبي السابق رحت الاكبر فدوه الطوله طالع يجنن هو وهيبته گعد يم سجئ وكل اشوي يهمسلها وتبتسم فدوه شحلاتهم مريت بنفس الموقف بس مو بنفس المشاعر والحساس ساعدت اكبر بتلبيس الذهب وقطعو الكيك وشربو العصير وگامو من ديگوم فهد راح نضري عليي صارت عينه بعيني بعدنه نضرنه بنفس اللحضه. وراحو.
الناس الغربه هم كلها طلعت بقينه بس احنه الگرايب رگصن رگص البنات ذبن لحم
للمغرب فضت الهوسه جابو الولد اكل من السوگ كميه جبيره كلها التمت ابيتنا فضينه العشه بسرعه لان الولد عدهم حفله شبابيه والدنيا مخبوصه بره كملنه البيت وهوسه كل الگرايب موجوده قسم ابيت عمي فاضل وقسم ابيتنه وره اشويه سمعنه صوت الاغاني بلشت حفلتهم ضلينه ملتهين ثاني يوم عرس وزفه وغده وره ما فضينه غده الزلم كملنه ع السريع وگمنه نتحضر نسيت تحذيرات كرار ولطلعين ولترحين لزفه ولا تحجين ويه احد نسيته. هو واهله وعذابه وسجنه حررت روحي بهليومين لان ادري باجر ارجع السجنه خل اتونس اشويه لبست فستان مال محجبات نيلي طوخ يصير طويل مخصر ليم الخصر وجوه كلوش وردانات طويله ورهمت حجاب بيجي وحذاء بيجي ومكيجتني سهئ بت عمي ابراهيم مكياج حلو بسيط ماحبيت اكثر باوعت علئ روحي زين ينطلع بيه مرجان نسقت لبسها ويه لبسي بس علئ زيتوني والبنات هم لبسهن جان كلش حلو سجئ ودوها يم اهل ورده حتئ الزفه تاخذهن ثنينهن مناك بالخمسه العصر اتحضرنه كلنه ركبنه بالسيارات كومه ناس وشباب اصدقاء اكبر وفهد هوايه من الدوام ومن غير محافضات ومناطق احنه البنات ركبنه بسياره وحده جبيره. اتكفينه بعد مرتبو الكل گعداتهم مشت الزفه سيارتين مزروقه وفرقتين وحده تسكت وحده تبدي وعماتي وخالاتي والنسوان الكبار كلهن يهلهلن علگن الجو والجهال اتصفك الشباب عباس وربعه طالعين من الجامات ويرگصون هوايه رمو طلق اذاني صوفرت عود هذا شهم اباوع علي وگف الزفه بنص الشارع ومخزن كامل رمه طبعا الشرطه والامن متدخل باطلاق النار لان ولدنه واصلين بالعسكريه فا ميگدرون يمنعون ضلو يرمون الا ان عمي حارث نزل رزلهم وتحلف بيهم ميرمون بس من نوصل بيت العروس يلا بطلو. مشت الزفه ووصلنه البيت العروس شلون حض سيارتنه لان جبيره صارت بلاخير اول ماطبگت البنات نزلن اني صايره بالاخير دنزل وفستاني جلب بالمقعد اجر بي ميطلع عصه صحت عليهن ماسمعني من صوت الرمي نزلن بسرعه تالي عتيته بقوه فلت بس انشگ اشويه يلا ما مأثر توني دنزل صار بوجهي قيصر

» وين وين

» شنو وين غير ددخل جوه

» ووين جنتي ليش مانزلتي ويه البنات

» قيصر مو وكت الحجي هسه خل اروح بعدين نحجي

» ولج بابا رجعي زلم ومصورين وكلها واگفه اطبين هسه وحدج شتردين يگولون عليج رجعي گعدي همه بس ياخذوهن ويطلعون

» قيصر صدگ تحجي اگعد بالسياره وعوف العرس

» علياء صوجج ليش مانزلتي اني راح انزل السايق وانتي گعدي لبين ميرجعون

» اهوووك عفته ورحت گعدت هو حضي ويامن گعد
يعني اني ما خلصانه من نحاسه كرار النوب عليه قيصر. گعدت يم الجامه واباوع عليهم الي يدگون فرقه والي ياخذون صور والي يرگصون والي يرمي صافنه واباوع عليهم ماحسيت اله جا شاب وارتجه بالسياره ويخابر داير ضهره ماشافني ادري انت متوگف الا اگبال شباكي گمت وتحولت گعدت بغير مكان راح نضري عليي. هو شاب ابد ميتعيب طويل بضخامه واسمر عنده شوارب ثخان. لابس نضارات شمسيه وشفقه ومبين اگرع عرفته هذا من جماعه الولد من العسكرينه اني اعرفهم حسب خبرتي كوني اخت ضباط اثنين هههه بمجرد ما اباوع الشعرهم اذا خفيف كلش هذوله لو منتسبين لو ملازمين لو ضباط واصحاب الكفشات والشعر ذوله هيج
جنت صافنه عليي بس بالي بعيد كلش ولا يمه
اتصير ويه الانسان احيانا انهو يصفن بوجه واحد بس هوه باله ابد مو يمه ماحسيته الا التفت علييه وبسرعه نزع نضارته التقت اعيونه راسا دنگت بعد ما باوعت عليي وره فتره طويله حسيته راح عاد طلعو العرسان كلمن ركب سيارته هو وعروسته البنات هم جني ركبن ورزاله مال اوادم بس اني مجربتهن بهيج مناسبه كلمن اتگول ياروحي
مشت الزفه ووصلنه للبيت زفو فهد ومرته لبيتهم گلبي انمرد واني اشوفه دخل السياره وسد الباب اخ يابه صعب اتشوف حلمك يحققه غيرك وگفنه يم بيتنه ساعدت سجئ بنزلتها گادها اكبر ودخلو كلها واگفه الگرايب والغربه والولد يرگصون دخلت الفرقه سمعت احد يصيح عليه التفتت ماشفت احد

» علياء علياااااء

انداريت ورايه شفته الولد واگف ومنتجي بسياره سوده مضلله باوعت وراه عمتي فاطمه اصيح عليه اشرتلها براسي هااا
اشرتلي بيدها تعاي ودخلت لبيت عمي فاضل رحتلها فتت من يمه لان حضرته ساد الطريق ماحسيته الا همس بصوت مسموع

» فوگ جمال العيون طلع الاسم احلئ

عزززه هذا شگاعد يحجي خزرته وفتت وهم مدري اشگال مافهمته دخلت للبيت
واني لسه الصدمه بيه اخت صاحبك ياحقير اشلون جرئه

» ها عمه

» جنطه سجئ وين

» غير عدها

» لا ولج تكول مو عندي

» اشلون مو عدها. خاف نستها ابيت اهل ورده

» احتمال هسه شلون

شمدريني خل اروح اتاكد اذا ابيت العروس حتئ اندز احد يجيبها

» اي عفيه علياء روحي اتاكدي تره المبايل بيها وكله صور

» لا عمه وين تروح هسه نلگيها

طلعت من عمتي بعدها نفس الهوسه طبيت للبيت فرقه جوه وفرقه بره انسطرت راسي صار طبل رحت لسجئ سالتها كالت مادري يمكن نسيتها بعدين اذكرت ناسيتها فعلا بس متدري وين بالضبط يم اهل ورده لو يم ام الصالون

كتلها راح ادز احد طلعت صار بوجهيي علي ابن عمي حارث

» علاوي جنطه سجئ ناسيتها ابيت العروس اخذ واحد وياك وروحو جيبوها

» شلون تنساها

» مادري بعد صارت حتئ المبايل بيها. ديلا روح ع السريع

» دمشي انتي ويايه كلهن نسوان قابل اني اگللهن

» يلا امشي

» لبسي عباتج وتعاي

رحت لبست عباتي وگلت الامي وطلعت شفته ينتضرني

علي » يلا امشي ع السريع ناس واگفه

مشه ومشيت وياه وگف واشر للولد هذا الباوع عليه جا يمنه اني راسا انطيتهم ضهري

» شاكر بله سيارتك شويه عدنه شغله سريعه سيارتي يم علاء

» گدامك علاوي خمو صاير شي

» لا والله بس ناسين شغله ضروريه ابيت العروس

» يلا لعد اصعد اني اوصلكم

» يلا لعد اتوكل
امشي علياء

خرررب شيوصلنه هذا صدگ يحجي علي

اشرلي صعدي خرررب بيومك علي كل موقف يوگعوني بي هناك قيصر وهنا علي شفته ركب وعلي ركب يمه ركبت وراهم بالوسطه سياره عاليه حيل حلوه كلها سوده ونضيفه وراقيه شغل وطلع شو هذا دار المرايه عليه وضل يباوع عزززه ولا يستحي عاد احترم صاحبك وابن عمي الگاعد يمك ادنيت وگعدت وره علي ودرت وجهي ع الشباك سمعته يحجي هو وعلي

علي » انت شلون گدرت تنزل من الدوره

شاكر » والله يعلاوي صارت
ينطونه جمعه وسبت استراحه اني تدري دوامي بعيد ع البيت بس الروحه والرده يوم كامل فا مانزل اضل هناك خابرني اكبر وعزمني بلغتهم اريد انزل عاد انطوني خمس ايام اجازه لان ما اخذ استراحه. وجيت

» كل الهلا بيك فرحتنه بشوفتك شوكت تخلص دورتك

»بس هلسبوعين انشالله وابلش اداوم

» بيها الخير يي ماناوي انزوجك

» زوج نفسك بالاول

» لا يابه اني بعد مو هسه

» وليش بله

» المره ازغيره دنتضرها تكبر

» لا يابه لازم اكو

» ليش ماگلولك الولد

» هااا ولك صايرين تشتغلون من ورايه

» لا يابه شنشتغل بعدين احجيلك

» يي اهنا اوگف يلا يابه نزلي

نزلت ونزل ويايه علي دگ الباب طلعت امها دخلتني

» مرحبا خاله

» اهلا وسهلا عيني اتفضلي منو انتي بلا زغرن

» خاله اني بت عم فهد بصراحه سجئ نست جنطتها هنا واجيت حتئ اخذها

» اها هلا بيج عيني اي تفضلي هسه اشوفها الج

» لا اعيوني خاله تسلمين واگفه هنا مو اخويه دينتضرني بس بلا زحمه شوفيها ع السريع.

دخلت اشوفها ضليت واگفه الباب مفتوحه اشوفه يحجي ويه علي وعينه عليه
غير ضجت منه شگد عينه زايغه
جتي المره

» عيني ماكو دورتها مالگيتها

» يااا خاله وين راحت

» والله مادري خاف بالصالون

» عندج رقم ام الصالون ايي عيني عندي

» خاله جيبي بلا زحمه خل اخابرها

» ايي عيني هسه اجيبه راحت جابت المبايل وگالتلي سجلي اتوقعتها راح تتصل وتنطيني احجي شلون موقف حرج واني ماعندي مبايل. طلعت صحت علئ علي جا واخذت تلفونه كتله ناسيه تلفوني سجلته وتصلت گالت موجوده هنا سديته وشكرت من المره وطلعت اشرت لعلي وصعدنه

علي » ها يابه لگيتيها

» اي موجوده بالصالون

» واحنا وين نندل الصالون

» امشي واني ادليك

دليته ع الطريق. واحسه بحجه الطريق بس يريد يحجي

وصلنه من دنزل علي گلي

» ام حيدر ع السريع يابه لتأخرينه

باوعت الصاحبه الي انصدم وطگگ اعيونه من گالي ام حيدر

نزلت اضحك يمكن جان عباله ابنيه ويتحرش بيه

دخلت اخذتها للجنطه ورحنه گبل للبيت حسيته ضايج وطير السياره طير يريد يوصلنه بسرعه. عاد عليي حجه

» ولك شكور خفف شنو لازم متريدني اصير خال

» ليش شكو اهاااا لا بابه مو قصدي عمي خففنه

الي افتهمته علي جان يقصد لان اني حامل وهو الولد فهمه بسرعه زين اذكياء حجيهم بلالغاز وواحد يفهم الثاني. والله يضباط بيكم كل البله
نزلنه ودخلت وديت الجنطه لگيت الهوسه شويه خافه وره العشه بدلت وذببت الشال خنگني صاحلي مصطفئ گال رجلج جا طلعتله. گال جيت اخذج گعد اشويه لبين مابدلت وتحضرت وطلعتله ركبنه السياره ودعنه اهلي ومشه الطريق كله اخذه استجواب حسيته محقق بس جان كلش معصب

» خمو خليتي مكياج

» لا حبيبي اني حلوه بدون مكياج

» والزفه

» شبيها

» خمو رحتي بيها

» لا مارحت جانت بطني توجعني

» اممم

» اي ماشتاقيتلي

» متنجبين انتي الثانيه

» ليش منيه الاولئ

» علياء اللصمي
( يقصد انجبي او اخرسي )

» اللصمت

وصلنه للبيت دخلت سبحت لبست دشداشه لگيته گاعد ع الجربايه يكلب باوع عليه من فوگ ليجوه

» شو محلوه

» ههههههه يگلون اكو حزن يحلي.

» ويا حزن هذا بله

» برائيك هذا المعيشني بي شيسموه

» ليش شبيج گاعده ابيت رجلج معززه مكرمه رجلج مدرس ومثقف وحامل بعد شتردين غيرج تتمنئ هلعيشه

» هههههههه كرار صدگ تحجي

باوعت بعيونه خاف سكران وجاي يهذي بس لا والله صاحي

» قابل جذب

» كرار هذا بيتك سجن الي
اهلك كلهم يكرهوني انت مطيقني متحبني وممتقبلني كزوجه
اني من يوم الدخلت لهلبيت نسيت شنو الفرحه الضحكه الراحه
بالنهار امك عليه وانت بالليل
شنو السويته اني
حبلتني بالعنف ضربتني عذبتني ذليتني هنتني ترزل تغلط اصيح ليش بس گلي ليش
حتلو تحبلك وحده اهلك ماقبلو تاخذها هذا ميعني ادمر حياة بنت ثانيه
امقصره بشي وياك
شو شتگلي اكلك حاضر وصار
خادمتك وخادمه اهلك
رغم كل السوي وياي ما فديوم اجاوزت عليك بكلمه دومي طايعتك وتحت امرك. كرار احنه جايينه طفل ع الطريق
اني ماريده ايشوف ابو هيج سكير عصبي يضرب ميحترم اريده يفتح عينه وهو بنص امه وابوه يحبوه مدللي فرحانين بي كرار اريد نصلح علاقتنه ابعض اريد انكون زوجين طبيعين ماريد العمر يخلص هيج ماريد كلمه والثانيه تهددني بستري وشرفي اريدك اتكون مصدر اماني مو خوفي  خل نبلش صفحه جديده خل ننسه الراح ونبدي من جديد صدگني اسامحك علئ كل الراح بس خل نستقر

» ماريدج علياء فهمني ماريدج ماطيقج هسه اني گاعد اكبالج وعقلي وبالي يم غيرج جسد وياج بس عقل وكلب وفكر كله يم غيرج.

» طلگني لعد عليش مبقيني طلگني وروح اخذها

» جنت امفكر بهلشي گلت وره جم شهر اطلگج واكول ما متفاهمين بس من حبلتي اتراجعت لان اريد الطفل وانتي اذا اطلگتي. اكيد الولد من حقج

» وهسه شلون انضل هيج طول العمر

» كافي عاد دوختيني گومي طفي الضوه

طبعا هاي اول مره نحجي بيها بهدوء وبدون مكافش رحت طفيت الضوه وتمددت يمه وره شويه گلبني ونام فوگايه وبلش عذابي يشم ويبوس برگبتي بشراهه اتوسل بي علئ كيفك لتاذيني بس ميسمعني ضل يتفنن بتعذيبي ويشوه بجسمي وره فتره طويله لحد ما انتهيت بيده صرت شبه ميته لان ممارسته الي كلها بالضرب والقوه والعنف وين اكو جسم يتحمل هيج دخل للحمام ودخلت وراه سبحت ونمت ثاني يوم گعدت لگيت الجربايه فايضه بالدم من رهبتي وخوفي صرخت بكل قوتي رجيت اركان البيت

زهراء جهاد

للحكايه بقيه