رواية المغتصب حقها الفصل السابع عشر 17 - بقلم زهراء جهاد 🤞

المغتصب حقها
البارت الثامن عشر
#زهراء_ جهاد

نعيش سنين نبني بأحلامنا نربيها كطفل صغير داخلنا نسعئ للحصول عليها لكن ليس كل  ما يتمناه المرء يدركه فنحن.      نريد والله يفعل ما يريد 

صرخت بأعلئ صوتي

» كرررررار ابني ابني كراررر الحگلي

صعدلي يركض مثل المخبل

» ولجججج اشبيج

شاف الدم مفيض الفراش وهدومي

» ولجج اشلووون هيج صاررر

» مادري مادري الم ابطني موتني اصرخ وابجي من الالم والصدمه

صعدت نجف لبستني شالي وعباتي وهو شالني ونزل بيه علسريع اني بس اعض بثوبي من الالم واحاول اكتم صوتي ركبني بالسياره وامه هم صعدت ومشه احس الطريق صار سنه وصلت ودخلوني فحوصات وتحاليل. 

الدكتوره » شگد الج

» اربع اشهر وعشر ايام

» يا طبيبه تراجعين

» ما اراجع

» شلون يصير هيج

صرخت بوجها من الالم فقدت

» ما اشكي من شي حملي عادي

انطوني مسكنات بس ميفيد الم يزيد ميخف اريد امي صرت اصرخ علئ كرار

»  جيبلي امييييي. اريد امي

اباوع عليي انخبص ميعرف شيسوي يدري بروحه مذنب وهو سبب حالتي هاي توسلت بي من اتقربلي عيوني كرار علئ كيفك ويايه ابنك ابطني بس ميسمع مني
راح طلع وره اشويه اجني امي ومرت ابويه وگفن علئ راسي يقرن ويهدني بس اني ماكو انتهيت اعصر ابطني من الالم واصرخ

»  ذبووو ماريده خل يموت اريد ارتاح ولكم ماررريده 

امي » ولج يمةةة حرام عليج تحجين هيج هسه ترتاحين وتگومين انخي علي ابو الحسن يخفف عليج

صرت ادعي بين شهگاتي

» دخيلك ياعلي دخيلك خلصني تعبت من العذاب دخيلك اوگفلي يا امير المؤمنين
دخيلك

موقف صعب مريت بي بحياتي. مستحيل انساه وره فتره  الالم خف وهديت ومن الصريخ والبجي انتهيت نمت بدون مادري بنفسي وره ساعات گعدت الم خفيف جتي الدكتوره وشرفت علئ حالتي وبلغتني انهو الطفل بخطر كلش وما لازم اتحرك اضل بس نايمه علئ ضهري. انطوني مثبتتات ومقويات وبالليل طلعوني رحت لبيت اهلي حتئ اضل نايمه علئ ضهري اهلي هوايه اهتمو بيه وداروني كرار اجه اشكم مره هوه وامه شافوني وراحو مو علمودي ديشوفون اهلي عود شوفو احنه خوش عيال جا يوم السبعه وسون البنات حفله اني ماگدرت اگوم من فراشي حدي للحمام وارجع كالت الدكتوره شهر كامل اضلين نايمه علئ ضهرج بهذا الشهر صرت فيله منا اهلي بس يحشون بيه علئ اكلي ضعفانه وفلتت خوش فلته ومنا  بطني كبرت عبرت الخمس اشهر وعرفت بيه ولد رجعت من الدكتوره بعد ما طمنتني حملي ثبت وصارت الحركه عاديه الي بس منعتني من اقتراب  الزوج لان هلشي ديأثر ع الطفل وفعلا بأخر مره اتقربلي  وصلت للموت  صرت احبه للطفل وتعلقت بي وصرت انتضر جيته خصوصا بعد ما شفته بالسونار شلون يتحرك بداخلي. 

بليل جنه گاعدين وبيت عمي حارث هم موجودين 

علي ابن عمي حارث » خايبه علياء مو خطبوج مني

علياء » شنووو

علي » ولج خطبوج مني بالعرس

علياء » يااا ههههه صدگ تحجي

ابويه » لا يابه منو هذا

علي » والله عمي ولد صاحبنه يعرفو الولد 

اكبر » منوه

علي »  شاكر

اكبر » لا يابه صدگ تحجي ووين شافها

علي »  مو من. ضاعت الجنطه رحنه جبناها اني وياها وهو وصلنه بسيارته

اذكرته ههههه هذا التحرش بيه ابو گرعه هههه زين شلون يحجي بيه مو گدامه علاوي صاحلي ام حيدر

بيبي » ياااا وشگتله

علي » گتله عمي مزوجه صارلها سنه وراح اتسويني خال

اتفاجأ الولد خطيه وعتذر گال مادري بيها مزوجه جان ماجرئت احجي  بس ردت اناسبكم

كلها گامت تضحك گتلهم ديرو بالكم توصل الكرار شيخلصني منه حتئ ميخليني بعد اوصلكم

مرت عمي  » صدگ علياء شدعوه هلنحاسه يعني صايره شوفتج حسره علينه

» والله يعمه شسوي هو هيج نحس ومتشدد مو بس عليه حتئ علئ امه وخواته خوب هاي اخته اربعه وعشرين ساعه يتعارك وياها دبطلج وهيه تريد اتكمل وكل يوميه تگب العيطه

حرت شجاوبها كمت اصفط بالكلام واطلعلها علئ گولت بيبي هاي جذبه بيضه

ثاني يوم خلصت مدة الراحه 
جنت گاعده احضر ملابسي لان خابرني كرار راح يجي ياخذني احضر وافكر راح ارجع للعذاب وللسجن  والعنف بس هلمره ما خايفه علئ نفسي خايفه علئ ابني لا بكتله من كتلاته يوگع او يصير بي شي

طبت سجئ وجها اصفر حسيتها بيها شي

»  شبيج شو وجهج اصفر

» لا ماكو شي

» عليه تعلميني بيج احجي شكوو

» فهد

» شبي

» راح يطلگ ورده

» شنووووو

» اي ولج اني هم انصدمت مثلج

» ولج ليش ماصارلهم شهر مزوجين

» مادري اني هم مافهمت شصاير بالضبط بس مبين مشكله جبيره لان صاير نار وشرار ميتحاجه

» ياربي سترك انشالله ماكو شي

» انشالله ولج هيه ورده مال الله خوش بنيه لو بس اعرف شصاير بينهم لدرجة واصله الطلاگ وهمه بعدهم عرسان 

» ماكو شي ينضم الخبر اليوم بفلوس باجر ابلاش

دخلت مرجان

» شكو شبيجن

حجتلها سجئ هم انصدمت مثلنه

مرجان » يلا انشالله ماكو شي
صدگ علياء نسيت رجلج بره ينتضرج

» اي جايه

لفيت شالي وتحضرت وطلعت ودعت البنات واهلي خليت الوضع متوتر ورايه ورحت. بالطريق شفته ساكت ويسوق حبيت اللطف الجو بلكي يلين ويايه

» اي كرار شلونك

» الحمدلله ابني شلونه

» الحمدلله ابنك بخير شو بس علئ ابنك تسال وامه متهمك

» لا متهميني

» صدگ كرار

» والله

» ليش

» مادري من الله ماحبج ولا اطيقج

» كلامك يجرحني فكر بي گبل متحجي

» بس اني ماتندم علئ شي مسوي

» ليش مطلگني علئ شنو مبقيني اعتقني لوجه الله

» مامبقيج لعيونج علمود حيدر

» حيدر منو

» ابني

» هي يالله هي انت ابد مو صاحي والكلام وياك ضايع

» عادي المهم حلو واخبل

صفنت عليي

» كرار سكران

» انت شتگولوين

» اي سكران وريحتك متنطاق وعيونك گوه فاتحهن

» زين مريتي ذكيه

» معقوله اتفك ريجك من الصبح بهلسم الهاري

» انجبي وسكتي مابيه حيلج

» هو انت بس الشرب بيك حيله  شو شگلك گلت مابيه حيلج.

» والله حيره حيره والدرب ضيج شلون راح يخلص العمر هيج مادري

» علياء كافي لغوه وسدي حلگج صارلج شهر مفارگتني لتخليني امد ايدي عليج

كلعاده بلعتها سكتت
نزلنه دخلت جوه سلمت علئ عمتي وعبدالله وعلاوي وصعدت فوگ  رتبت هدومي ونضفت الغرفه متنطب من الوصخ جانت نجف تلوف البيت لوف بالشغل هسه ساحبه ايدها فد نوب هو هم صعد سبح ونام نزلت جوه شفت عمتي طابخه باگله ودهن الله راسا اشتهيتها وره الصلاة صبينه صعدت دكعده ماقبل يگعد وگام يصيح عليه عفته ونزلت تغدينه وغسلت المواعين رتبت البيت وصعدت نمت يمه صفنت بوجها ملامحه تعبانه الشرب مدمرهه وسواد جوه عيونه مادري بذيج اللحضه حسيت روحي مشتاقتله مادري عطفت او اشفقت علئ حالته اجرئت وايدي راحت تتلمس وجهه وملامحه شفته حس فتح عيونه بنعاس ضل يباوع بعيوني واني هم ما بعدت عنه نضري ضليت اباوع بعيونه اريد افهمهن هذني العيون راح يخبلني

» شمضيعه بوجهي

» مو حرام عليك ادمر نفسك بنفسك

» شلون بله

» يعني الله ناطيك حسن الشكل صحه وعافيه عائله عايش بنصها سگف نايم جواه بأمان وضيفه زينه ورازقك بطفل  والله مفضل عليك بهوايه اشياء غيرك يتمنئ يحضه بربع من الي عندك

» ذني كلهن ميهمني 

» ليش

» تدرين شنو امنيتي الي احلم بيها من اسنين وماحققتها ولا راح اگدر بيوم احققها

» اي شنيه

» ان احضه بيها وتصير  حلالي

» بس انت بنفسك دتگول ماحققتها ولا راح اگدر احققها بهالحاله ليش دضيع حياتك ومستقبلك ليش ادمر نفسك وحياتك بالتفكير بشي تدري بروحك كلش زين ماراح تحصل عليي

» علياء ماگدر انساها ماكو نسيان الها ولا اكو شي يشبها ولا اكو كلمات توصفها ماكو طريقه تخلي الامور احسن لان هيه بعقلي وبگلبي للابد مدتفهميني ولا اگدر افهمج هلشي احبها هوايه اسمعها كل يوم تصيحلي من كل مكان صرت اتخيلها بكل مكان مثل المخبل وگلبي اخ يگلبي علياء. گلبي يوجعني يوجعني بقوه ماگدر اسكن المه

جنت بس استمعله ومصدومه من كلماته يحجي ويبجي حسيت كل كلمه تطلع من اعماق گلبه اول مره اشوفه بهلوضوح دومه انسان غامض حط ايده علئ گلبه وكمل كلامه

» اعتذر لگلبي هواي هواي لان كل هاي اوهام وتخيلات ماجنت اتخيل راح تروح مني بهلسهوله كل يوم اگول راح ترجع هسه ترجع باجر ترجع بس بس مابقت ليهسه راحت ونتهت كلشي راح وياها صدكيني كلشي انتهئ وياها اخذت حيلي وعافيتي وعافتني جانت واعدتني متعوفني بس عافتني

صار يبجي بصوت عالي ونحيب حط راسه علئ رجليه وكمل

ليش عافتني علياء ليش والله ما مر يوم مافكرت بيها

» زين وين راحت ممكن افهم يعني ازوجت وعافتك لو اشلون

» ماتت

شهگت » شنوووو

» اي ماتت

» اشلون وشوكت

» وره ما ازوجتج بشهرين جنت بالدرس خابرتني گالت راح ادخل العمليه هيه جانت دسوي عمليه عدها انحراف بخشمها
جنت كل اشوي اتصل علئ امها حتئ اطمن اتگول بعدها وره ساعات خابروني ماتت جانت ضعيفه كلش جسمها ماتحمل كميه البنج وفقدت القدره ع التنفس
وراحت وعافتني

» يعني انت عايش علئ ذكرئ انسانه ميته. واني عبالي لسه عندك علاقه بيها الله يرحمها ويغفرللها

وره ساعات من بجيه هده ماعرف اواسيه يغني اشلون اواسي زوجي علئ موت حبيبته وين صايره هاي وهسه عرفت لغزك يكرار كون عاد تنعدل والله راح اسوي كل البيدي حتئ تتحسن علاقتنه ابعض ونستقر

» كرار تره الدنيا متوگف علئ احد ايجوز الله ماكاتبلك نصيب وياها ويجوز نصيبك وقسمتك ويايه ويمكن هاي البدايه النه انها صعبه نكدر نجاوزها ونحل الامور ابينه تره مهما صار وديصير انت تبقئ زوجي وابو ابني والمسؤال عني من بعد ابويه

حطيت ايدي علئ خده وبلشت احجي وياه بجديه لان فعلا اريده ينساها  ويتعدل وتنحل الامور بينه ونكون زوج وزوجه طبيعين الئ متئ انضل هيج العمر مره خلينه نعيشه براحه جان هو بس ساكت ويستمعلي وعيونه بعيونه احسه فعلا ايريد ايصير مثل ماريده اني بس ميگدر اكو شي ايمنعه

: كرار اني لو ما احبك واريدك ماجان طلبت منك تنعدل وتصلح الامور بينه جان طلبت الطلاق منك ورحت ازوجت غيرك وعشت حياتي طبيعي ونسيتك

» هههههه كلاوجيه تحبني

» ليش مصدگ فعلا اني احبك غير انت رجلي

» يعني هسه انتي تحبيني

» اي والله احبك واموت عليك

» وترديني اصدگج

» وليش مصدگني

» دگومي حضريلي الحمام گومي لو اهفج بالمخده

» عادي هفني

ماحسيته الا كفخني بالمخده كل حيله

» ااااخ لا كرار صدگ تحجي راحت عيني

» هوووو دشوف

تقربت فتح عيني ديشوفها اشبيها

» مابيها شي اگول

رجع اتمدد ويحجي

» گول

» هسه حيدر شلون يطلع

» شلون يعني

» ثنينه عيونه ملونه اكيد هسه يطلع علينه يشگ شگ

» هههههههه ليش احنه نشگ شگ

» وليش اشبينه نخبل

اتقربت منه وحطيت عكس ايدي علئ صدره وكمت احجي حسيته لان ويايه

» كرار اشوفني حلوه

» اي والله حلوه ماناقصج شي الحمدلله

» ههههه الحمدلله سكتت وره نضرات العيون حجيت  تحبني

» تردين الصراحه لو ابن عمها

» شصخم بأبن عمها اكيد اريدها

» هههههه

» دحجي عاد

» شنو

»  تحبني

» لا

انهضمت مو صوجك صوجي اني جاي اعدلك ونسيت ذيل الجلب مينعدل عفته وگمت حضرتله الحمام سبح وطلع

المغرب جنت دسوي عشه طب كرار مو علئ بعضه ويباوع عليه  اتلكيته

» شكو شبيك

» مابيه شي

» احجي شبيك كرار شصاير

» ذبي البيدج وتحضري دوديج لهلج علسريع.

» ليش شبيهم اهلي شصاير

» جدج تعبان

» شنووو تحجي صدگ امانه كرار احجي شكو شصاير مجاي اصدگ گلبي ناغزني

» علياء جدج اتوفه

للحكايه بقيه

زهراء جهاد