رواية المغتصب حقها الفصل العشرون 20 - بقلم زهراء جهاد 🤞

المغتصب حقها
# زهراء - جهاد
______________

كرار » عمي اني جاي اطلب السماح من علياء واتمنئ اسامحني حتئ اموت مرتاح

ابويه » علئ شنو اتسامحك

كرار » عمي اني مريض من زمان وهسه يلا اكتشفت مرضي واخر ايامي ماريد اتعذب بگبري مو كافي عذاب الدنيا عليه عمي بتكم شريفه وطاهره وماكو بشر بهلدنيه اتحملني بگد ماتحملتني………

قاطعته. »  وعيت علئ نفسك
هسه عرفت اخطائك
من دريت بروحك راح اتموت
زين واني اني شنو ذنبي
الي شفت الموت باليوم الف مره
شنو ذنبي اتحملتك وطعتك وصبرت عليك وخدمتك صرت عبده جوه رجليك
جنت انتهي بين اديك اوصل للموت اكثر نومي جان اغماء

خنگتني عبراتي بس ما بجيت بالعكس قويت نفسي اجه اليوم الي اخذ بي حقي وبكل قوه

التفتت علئ ابويه »  يابه. طلب

» گولي

» اريد تجمع عمامي وعوايلهم كلهم وكل شخص ضلمني ووگف ضدي وصدگ كرار اريده يحجي كلشي گدامهم

راح عباس صاحلهم تقريب ساعه كلهم اجتمعو ولد عمي فاضل  وفهد وياهم وولد عمي حارث كلهم جوي وكلها تسأل شكو شيسوي هذا هنا

التفتت علئ كرار. حجيت بقوه وثبات

» راح تحجيلهم كلشي كلشي من اول ليله جيتك بيها لحد ما طلگتني

» بدون متگليلي اني جاي حتئ احجي سواء جنتي وحدج او احد وياج ميهمني شي بعد

گعدت مقابيلهم علئ يساري عمي فاضل وعلئ يميني حسين خطيب مرجان

كلها سكتت وبلش يحجي مانطقت حرف خليته يكمل

كرار » عمي وجهي اسود منكم مادري مين ابلش وشحجي وشگول اني عشت طفولتي بلا اب كبرت وجتهدت بدراستي وشلت حمل اهلي صرتلهم اب وسند جا يوم راح يوم حبيت وحده من المنطقه لكن جانت البنيه مو من مذهبنه ودينه الكل اعترض اهلي عمامي گرابتي حاولت اعاندهم واخذها لكن الحض ما وگف وياي. لحت امي عليه ازوج علياء وبعد ملحه شهر كامل مادري اشلون وافقت كلشي صار ع العمياني ماجانت الي نفس بيها ولا جنت رايدها ولا اباوع بوجهها كرهتها گبل ما اعرفها لان اهلي قبلو بيها وماقبلو بالبنيه الردتها المهم ازوجنه وجنت حالف ما اتقربلها ونتو اتعرفون عاداتنه لازم نثبت شرفنه لاهالينه بليله عرسنه حاولت اتقربلها لكن مو بيدي ماگدرت گدرت اوهم الكل انهو اخذتها وكلشي تمام جنت انقهر عليها لان مالها ذنب ولا هيه الي جتني احنه رحنه جبناها  اني عصبي هواي وما اگدر اتحكم بروحي افقد بعد مادري شسوي جنت علئ اتفه الاشياء اتنرفز واضربها جانت توصل للموت جوه  صار حيدر وهوايه حجت وياي وطلبت مني اتغير علمود ابنه بس ماكدرت اتغير هذا طبعي   اعترف اني اكبر حقير ومو شريف لان تهمت مرتي باخويه ماراح اطول عليكم بتكم شريفه عفيفه ونعم من تربيتكم من دخلت بيتي لحد ماطلعت منه ما اجاوزت عليه بكلمه اني الي جنت ادورلها الزله والوگعه التفتلي علياء والله گلبي تعبان ماگدر احجي اكثر اطلب منج السماح واني جاهز لكلشي اطلبينه

كلها جانت تستمعله بصدمه اباوع خواني وولد عمي دمهم گام يفور يردون ياكلو اكل ما اتحمل مصطفئ هجم عليي ضربه ضربتين نزل دمه گامو خوانه يفاككوهم كلها گامت تصيح وتحجي بعصبيه صارت عيني علئ فهد الي ايده رادت تنفجر من قبضته هدئو وكلمن گعد بمكانه كلها گام اتلوم وتغلط علئ كرار وتحجي ووتحلف

علياء » كافي عاد طول هلفتره كلكم تحجون صار الوكت الي احجي بي

راد يحجي كرار قاطعته

اسكت عاد شتريد تحجي بعد وبيا وجه تحجي هم الك عين وتناقش حسبي الله ونعم الوكيل عليك وعلئ كل من ضلمني كلكم وگفتو ضدي ومحد صدگني صدگتو التهمه الي انذبت عليه من قبل رجلي الي هو سندي واني عرضه كلكم صدكتو  بدون دليل والزنه ميتسمه زنه اذا مو اربع شواهيد واني بتكم دمكم ولحمكم انطعن بشرفي وبعفتي گدامكم وانتو ساكتين بس گولولي شلون گدرتو اتصدگو اتشككون بتربيتكم

جريت حسره احجي وابجي وكلها تستمعلي اصلا بيا وجه يردلولي سكتت جبيرهم وزغيرهم

والله الي شفته ماشافته مره والله ضگت انواع العذاب علئ ايد هلبشر مابقت طريقه ماعذبني بيها كون يصير واشوفكم اثار جسمي الي انطبعت بشياش الحديد الحاميه والجگاير والضرب وصلت المرحله گمت من ابجي ما اطلع دمع دموعي نشفن دمعتي ولگمتي سوه من ليله العرس گلي ماريدج ومالي نفس بيج وضل يهدد بيه اذا حجيتي افضحج گدام اهلج واگللهم بتكم مو شريفه وجنت متوقعه كلشي منه لانه انسان ضالم بدون رحمه كلشي يطلع منه خليت شيبات ابويه وهيبه خواني وسمعتنه بالمنطقه گبال عيني وتحملته ولا بوحده ولا بثنين ولمن صار حيدر صار يهددني بي اطلگج واخذه منج وصبرت وتحملت وعبرت ومشيت
اغصبني
وعذبني
هاني
وذلني
سجني
دمرني
كفر بيه
كل هذني قليلات لو اريد اعددهن
هواي والله هواي حاولت اعدله واجيبه للبر لكن ماتغير لمن يشوفني اطيعه واتجاهل كلشي يسوي وياي جان يقسه عليه بالزايد وجان منفذي الوحيد من سجنه وعذابه هو رب العالمين جنت الجئ اله هو الوحيد اليسمعني ويگدر يساعدني والله يابه جان يسحلني من ع الصلاة ويضربني بسبب وبدون سبب والله ازگطيت علئ ايده ضعفت ذبلت متت ولله ميته بس جسد يتحرك ويروح ويرد داخلي ميت جنت اتلمس بحلوگ البشر ع الكلمه الحلوه يابه حمايه هو اخويه واني كتلهيا اخوك اخويه شلون صدكتو مسويه وياه علاقه ومصعدته غرفتي مادري المهم يابه هذا الانسان مستحيل اسامحه

اختنگت بالبجي ماگدرت احجي اتهسترت صرت احجي واتخيل ضرباته واتذكر تعذيبه اشلون من يخلي الشيش ع النار يصير احمر جمره من الحراره ويطبع جويات خفيفه علئ ضهري وروحي تشوغ واضل اصرخ بين ادي. ويكتم صرخاتي ومحد يخلصني منه لو من يحبسني بالشته البارد بالحمام واني بلا ملابس وهواي اشياء سواها وياي مستحيل انساها ولا اتفارگ بالي شربت مي ومسحت ادموعي وجهت الكلام لكرار  وحجيت بأمر شوف يابن الناس الله يشخد اني مشيت وياك علئ الخط المستقيم وما فد يوم. خدعتك لو جذبت عليك لو خنتك ولو مجرد بتفكير مو بنضره اني دعيت الله هواي يطلع برائتي والحمدلله استجاب دعائي وحوبتي عثرتك برائتي ضهرت گدام الكل وكلها صارت تعرف الحقيقه ابني من باجر يرجعلي واذا مارجع بيني وبينك القانون وحگي الله ياخذه منك روح ما مسامحتك الله ليسامحك حسبي الله ونعم الوكيل عليك وهسه روح وجهك ماريد اشوفه حواني كلهم هجمو عليي رادو يضاربون بس وگفوهم عمامي طلعو بعد ما اتأكدت ابني راح يرجعلي ومستحيل يطالبون بي او ابشوفته راحو همه ضلينه بس احنه گاعدين امي والنسوان طبن باوعت عليهم كلهم واحد واحد كلهم بوجوهم الندم والحسره كلهم ديأنبهم ضميرهم علئ السووه بيه لان يدرون كلش زين ضالميني من السمه للگاع شفت نضرات الانكسار بعيون ابويه بعد لحضات من السكوت حجيت

علياء » لسه اكو،شي ماعرفتو وهم لازم ينفتح موضوعه هنا

التفتت علئ علاء

» علاء روح جيب زهراء اختك وتعال

بارت قصير مفاجأ
لعيون متابعبني وشويه دحمسكم للاحداث.