رواية المليحة والمهووس الفصل العشرون 20 - بقلم Shaqraa

المليحة والمهووس
الجزء الثامن عشر

فتحت عيوني اني بغرفه ويمي اطياف
والدكتور..
جانت الرؤية مو واضحة ..
فتحت عيني بثكل اجت بعين الدكتور اجه عليه بسرعه..
_الحمدلله ع سلامتج خوفتينا..
_الله يسلمك اني وين فدوة
اجت اطياف يمي تمسح دموعها..
_سخيفه عبالي متي..
وكعت
ي قلبي عليج ..
_لتخافين صامدون صامدون ..
_هههه بعيد الشر عنج ..

اني خابرت رضا كال جاي..
ضغطج ارتفع وجابج الدكتور خطيه هنا للطبابه..
باوعت قميصي متلف بقع دم..
_شنو هذا قميصي ضربوني طلقة..
_هههه عابت خشمج نزف..
والدكتور كال زين نزف خشمج جان تاذيتي اكثر..
اي صح زين نزف ودمر القميص..
جني فلم سكريم الجزء الاخير..

باوع هو وضحك ..
حتى وانت مريضه تحششين ..
لا وع روحج بعد حتى انت ماسلمتي من لسانج..
_اني ونفسي ننجاز الغريب ليش يتدخل!!
تدخلت اطياف كسرت الجو..
وفرت الموضوع شوي وخابر رضا..
كلتله اطياف فوت جوا ..
كمنا وكفناله برا اجه خطيه مخترع..

ها حورية شنو سلامات..
خو مابيج شي يأذيج شي؟؟
امشي نروح للمستشفى..
جاوب من ورانا السفاح..
_السلام عليكم..
-عليكم السلام حياك الله ..
_يابه اني الدكتور الي عالجت ست حوراء..
تطمن مابيها الا العافيه..
_الله يخليك ذكتور ويسلمك شنو وضعها؟؟

ارتفاع ضغط بسيط يصير يعني..
مو شي غريب يمكن تعب مجهود او قهر..
_هسه احتاج اخذها دكتور لو تحسنت؟؟
_لا ابد ميحتاج انطيتها علاج اني..
بس تدير بالها هاليومين..
ضغط انفعال ماكو
والاكل معتدل لازم..
وعدها العافية..

تصافحو وسلمنا وطلعنا..
خطيه رضا محتار بيه وخايف علي..
كال اخذج ناكل بمطعم كتله دايخه البيت افضل..
بس شوف مرتك شمشتهية واخذلها بطريقك..
_طيفي شعاجبج تاكلين؟؟
_حبيبي اريد مندي ..
_هههه متنطين وجه لج انت شيوديني للجزائر هسه..
معلية اني ابنك اشتهى...
شلوووووون!!!ابني ..
اي حياتي اليوم حللت ..

باوعت لفرحة رضا فرحت لفرحته حبيب اخته..
خطيه ضل يسوق ع كيف ومتونس ..
ويكلها شمشتهية بعد احجي لتسكتين..
شيعجبج كولي مدامنا برا...
حبيت فرحتهم ونسيت همي..
ربي يتمملهم بخير..

وصلنا فتت سبحت وذبيت القميص بالزبل..
خطيه امي انهبطت من شافتني..
وضلت تحلفني خو مو منتصر ورا السالفه..
كتلها لا يمكن تعب من المحاضرات..
شموسه يمي تعصر براسي..
سوتلي نومي بصرة وجابتلي..

شربته نمت كعدت بالسته ..
جسمي مرتاح احسن والم راسي خفيف..
نزلت جوا سلمت وكعدت يمهم بالمطبخ..
كالت شمس..
ها حوري سويت بيتزا ع مودج...
اه استوت بعدها..
طلعت وجبه اولى تعالي اكلي..
ها طيوفه متاكلين..
_لج شبعت من المندي لهسه بخشمي ريحته..

كعدنا ناكل وشمس ضلت تسولف..
_لج سمعت خبر بشدة..
اممم شكوو ؟؟
_رواء حامل وكاتلها منتصر وطالعه نعيط بالشارع..
يااا عزا وتالي؟؟
فاكيها الجيران وفاضحته ..
تصرخ يريد يموتني اني والطفل..
مثل ماكتل مرته الاولى وموت ابنها ببطنها..

وممخلي ياخذها وباقين يحجون عليه..
شوفي ربج فضحه كدام الناس..
وهسه يم اخوها ومتعاركة وي عبيرة ..
وصاير مكافش..
هههه الحمدلله ياربي الله يهديهم..
غير تورط ورطة هذا..
لليل اجيت انام شفت مسج من رقم غريب..
طمنيني عنج خو مانزف خشمج بعد!!!

للحكاية بقية
بقلم شقراء(قمر كانون)