رواية المليحة والمهووس الفصل التاسع عشر 19 - بقلم Shaqraa

المليحة والمهووس
الجزء السابع عشر

ضل  منتصر كل يوم يخابر ويدز مسجات..
بداخل الكلية بعد مافات..
بس جياته متكررة ومتقاربة..
ومن يخابر مااحظره ..
لا اخلي بامل بكل رنة ممكن اجاوب وتالي يخيب امله..
ردت العب باعصابه واحيره..
اخلي ينسى حتى نفسه..

فد يوم كاعدين بالمحاضرة واطياف داخت..
رادت تطلع ماكدرت سندتها وطلعتها..
جبتلها ماي وشربتها عصير..
بس خطية تعبانه كلش ..
احتاريت حالتها مو مال تنهمل..
كتلها نخابر رضا كالت لا امشي للطبابة..
صدك اخذنا باص ودخلنا..

السلام عليكم..
_اهلا عليكم السلام شلونج ست حوراء؟
سلامات ست اطياف متشوفين شر..
شافني ساندتها عرفها هالمرة هي المريضة..
بس يسلم بحرارة ويتذكر اشمائنا..
عباله عشره عمر ويا..
شكد ملطلط اف ..

_سلامات من شنو تشكين؟؟
_دكتور دايخه احس راسي يفتررر..
_اوكي بس اجيك ضغطج..
زين انت متهلوسين ..
فد مرة اجتني وحدة تذب خيط وخيط فاتتج مشفتيها.!!!!
هذا مو يبسمرني لو اني متوهمة.؟
خرب كون ذني حواجبه اليركصن احطلهم مزيل وهو نايم..
يبووو شيطلع بلة ..
لا صدك يطلع يشبه الباجة ..
بس باجة مال فيل وين اكو خروف هيج راسة شكده..

فززتني اطياف..
_حور شبيج مو احاجيج..
_ها حبيبي وياج..
_امشي نسوي تحليل..
_ها ضغطج شلونه زين؟
_شوي هبوط بسيط..
يلا لعد امشي ..رحنا للمختبر اخذو منها دم..
كعدنا ننتظر..

اكلج طيوف اشو السفاح يسلم بثقة؟
شنو عبالك عشرة وصداقة؟؟
_امشي صايرة شكاكة عادي الولد رحب بينا..
لو تردين الناس كلها لسانها زفر مثل عوع..
دخيلج لتذكريني..
لان جوعانه واريد نمر للصيدلة ناخذ لفات كص اففف عشق..
_لج شهيتني بس يخلص التحليل نروح..
صاحو علينا ورجعنا للسفاح..

_ماشاء الله ست اطياف..
انت حامل الف مبروك..
هالدوخة اعراض طبيعيه بس اهتمي باكلج نسبة دمج مو شي..
حضنت اطياف وباركتلها هواي فرحتلها..
ربي يتمم ويجي الطفل بالسلامة..
تذكرت طفلي دمعت عيني..
جان هسه اني جايبه وكبران..

جاوبته اطياف..
_مشكور هواي دكتور ع هالبشارة تستحق فد عزيمة..
_ههه اي مايرد الكريم الا البخيل انت بس عزمي واحنا نلبي..

شنو رايك تروح ويانا هسه للصيدلة..
حنروح للنادي ناكل ممتريكين..
_تمام لعد انطي خبر لزميلي واجي ..
راح شوي ورجع كال تفضلو..
ردنا نمشي كال ابد الا تجون بالسياره..
مو زين ع اطياف المشي..

صعدنا ثنينا ورا التفت علينا..
_بس ناقص تعاملوني ع الاجرة..
اشو صعدتو ورا..
كالت اطياف..
دعوفني كوة استقريت مابيه انزل بعد..
روحي حور كدام..
_لا ماروح..
كرصتني برجلي وحجت همس..
نزلي ترى اشحنه عليج ونخبلج..

نزلت كعدت يمه بالكدام..
فتح فونه وربطه بسماعة السياره..
حط كاظم الساهر..
اغنيه بعد الحب..
صفنت بكلماتها..

ماتت لهفتنا المجنونة ..مااقساه ومااقساني..
اتساءل وحدي واتألم..ياترى من فينا الجاني..
تذكرت حبي ولهفتي لمنتصر..
اويلييييييي..
جان حب منقطع النظير..
جان لو يصير كدامي اجل شاب ماشوفه..
مو امنع نفسي او اكول عندي تاج راسه..
لا لا لا ابددد ماباوع ولا ادري شنو يمي ومنو..

اه يامنتصر شكد كرهتكككككك ..
شلون جنت احبك؟،؟؟!!!!
معقولة احبك بقلبي!!!
قلبي نظيف وانت قذاره..
ههه شبيج حوراء اي بقلبج حبيتي قابل بطحالج..
بس قلبج اعمى مدري اثول..
هو مايسوى فلس بسوك الزلم..
وقلبج سواه امبراطور..
غمه تغمج وتغم قلبج..

وصلنا من دخلنا الاستعلامات يعرفو سلمو عليه..
واحنا بالنادي كلساع واحد يسلم كال..
_اني خريج صيدلة يعني دكتور صيدلاني..
والموظفين والطلاب المعمرين يعرفوني..
اهم شي متنزعجون اذا كل شوي احد مر وسلم..
_لا براحتك..
حجيناها ثنينا..

طلبنا اكل واكلنا..
بس طول الوقت احسه يباوعلي..
الملفت للنظر ميباوع بالختلة لو بدون ماعرف..
لا يعني يخلي عينه بعيني عادي..
بس مو بجرأة لو بصلافة..
يعني اكو شخص يباوع بس بصلافة..
هو نظراته لا جانت تحجي ..
بس اني اجهل لغة العين..

تالي كال..
_اتذكر قبل سنتين هيج اجيتي للصيدلية مالتي..
جان وياج ولد زوجج هذا؟؟؟
اني من جاب سيرة انعوجت ..
_طليقي ..
ها اسف ان شاء الله تتعوضين بالاكس
ابتسمت ببرود وسكتت..
كالت اطياف..

_تدرون اشتهيت اكل اللفه البقت..
جيبوها تعافيتو ثنينكم شبعانين ومتردون..
ابني رادها انطونا حصته..
_هذا ابنج من هسه يطالب بحقة لا صفه جيده..
جاوبته اني فديته خلي ياكل..
لتجوعي لو بنص الليل وتردين اكل اني اسويلج بس كولي..
باوعلي السفاح كال امبينه تحبين الاطفال..

من كال هيج كتمت عبرتي كوة..
كتله حلوين ينسون الواحد همه..
_شعجب ماصار عندج لو انت مرايده حتى ليعيق الانفصال..
صفنت بلحظات اجى كلشي كدامي..
تعذيبي..منظر الكلبجات بيدي..
اغتصابه الي ووحشيته بنهش جسمي..
واني بكل غباء اصيح احبه..
الى ان شفت خيانته بعيني..
وابني..ابني المات وبعدني مشايفته..

اي اي حبيب امه انحرمت منه..
تعتب عليه انت ماما مو..
تعتب على امك تكلها ليش خليتي ابوي يموتني..
احس رجع شعور اول مكعدت من العملية وحسيت بجسمي خفيف وبطني باردة وخدرانه..
باوعتله بس دموعي تصب..

راسي احسه انضغط..
مثل النفاخة من ينفخوها اقصى شي..
غوشت الصوره بعيني..
كام تقربلي واطياف تسكت بيه..
بس الصوت مو واضح ..
اسمع حروف متقطعة..
حسيت دم ترس قميصي..
وصرخة اطياف بأذني..
يمه ماتت حوراااااااااااااااااااااااااااااااء

للحكاية بقية
بقلم شقراء(قمر كانون)
(ادعولي الخطار ميطول لان اذا طول اني مااطول)