رواية المليحة والمهووس الفصل الخامس عشر 15 - بقلم Shaqraa

المليحة والمهووس
الجزء الثالث عشر

شبكتها حيل صدك فرحت من كالت هيج..
احسها اختي ودمها دمي كد ماحنينه علي..
_صدك لج كلبة ليش ماكتيلي عوع يتحرش بيج؟؟
_عوع منين ولج؟
رجلي المسعور..
_هههههههه خرب يومج ولج اكول عوع شنو..
يولي راسلني وفشلته بعد ماعادها..
_ليش مانبهتيني..
_شنبهج يا حوري اذا انت مغمضه وتمشين ورا..
غير هسه رجعلج عقلج..
لو حاجيتلج بوكتها يمكن تجذبيني..
هو رجلج ابليس شويه عليه..
_اوي سدي السيره عفيه..

طلعت يم اخواني وامي واماني اختي اجت..
سوو الاكلات الاحبها وخطيه يحاولون يطلعوني من وحدتي..
بس اني تعبانه نفسياً وجسدياً..
جسمي تعبان ووضعي مو بخير..
بس هم يكلولي فترة وتعدي..
بس رحت للحمام قبل لا افوت سمعت اماني تحاجي امي...

كايللهم الدكتور سويت كل الاكدر عليه حتى مينقلع رحمها..
لان متضرر هواي والطفل بالسادس يعتبر مكتمل..
وحجمه كلش جبير للاسف..
يعني لو باقي الا عملية يلا نولدها بسبب حجمه..
وهسه امكانية الانجاب عدها ضعيفه بالمستقبل...
رحت للحمام طلعت كل دموعي..
بس ماريد اضعف ماريد..
اريد اخذ حقي من منتصر..
اريد حق امومتي هذا حلمي من جنت طفلة..
اني من طفولتي اتمنى اكون ام..
قتل منتصر هالحلم حطمه..
اه شكد كرهتك..

يوم ثاني خابرتني اطياف كالت..
_حورية اني  تفاهمت وي الولد ..
تكدرين تخابري عادي..
وهالايام اكمل اموري بالكلية واكعد..
حتى اجيج ماعوفج وحدج..
_فدوات للخبلة مالتي لج وين الكى مثلج..
_هو اني ابتليت بيج هسه لو رجال اتعب لعيونه بلكي يخطبني..
اشو مرة وشلون مرة ..
توه طالعه من انفجار كوني هههههههه..
_عابت روحي يلا..

ختمته وياها واتصلت ع الرقم مالت الولد..
_مرحبا حضرتك استاذ مرتضى؟
_نعم اني حضرتج حوراء صح؟
_صحيح..
تشرفت ست اهلا وسهلاً..
_طبعا اسفة جاي ازعجك..
بس الموضوع حساس ولان انت من طرف اطياف وثقت بيك..
_تطمني ولا يكون ببالج احجي الي تردي كلي اذان صاغية..
_شكرا جزيلا..

_ردت اسئلك قبل كلشي..
الامور العندك يعني حسب دراسه لو سامع بيها؟؟
_لا طبعا دراسة..
صديقي مخلص طب نفسي بالخارج..
واني دائما يمه ..
مقرب الي هواي..
الاحظ الحالات الي تجي وتعرفت ع هواي امراض وحالات..
ويعجبني الاطلاع جاي اخذ يمه مثل الدورات للفائدة..
بس حاليا مسافر هو فترة ويجي..

اوكي اني اسفة بس ردت اعرف مدى معرفتك بالموضوع..
لان عندي بعد اسئلة..
_تدللي بالعكس لازم الانسان ميصدك بكلام اي واحد..
_صحيح..
حبيت اسئلك مرض السادية شنو الاسباب مالته؟
_شوفي بالنسبه للاسباب مو هواي..
بكد ما هي طبع من ولادة الانسان عنده بطبعه هالشي..
يعني اكو جماعه طفولتهم سليمه وتربيتهم تمام..
بس عدهم هالمرض..
ذوله هيج طبع من ذاتهم هو هذا طبعه يحب العنف واذيه الغير..

اما الاسباب..
اذا واجه تحرش بالطفولة...
او تعذيب من قبل غريب او اهل..
الضرب بكثرة يولد عنده هالشي خصوصا اذا كان وي عقاب جسدي..
هالامور كلش تاثيرها سلبي ع الطفل..
وهالمرض احد نتائجها..،
_امممم..
يعني مو وراثه هالشي؟
_لا وين اكو هيج شي اذا وراثة معناها محد يامن ع روحه بعد..
فرضي واحد سادي وخلف سبع اطفال..
سبعتهم ساديين ..
بضميرج شيسوون بالمجتمع ..
لو يهجم علينا زومبي هواي ارحم منهم..
ههههه..

_الحمدلله طمنتني يعني ابد مابي وراثة..
_لا مابي اطمأني..
_زين اذا تقاوم هالشخص وانردع حيخف؟
لو يطيب لو شنو؟
_هي حسب مرحلته بالمرض وقابليته..
اذا بعده بالبدايه يمكن يراجع تفكيره..
واذا اله ارادة يغير نفسه هالشي هواي اله دور..
يعني يساعد ع العلاج ويسرعه..
بس هو مايتمرد الا اذا لاقى الشريك خاضع..

_يعني قصدك يتطور مرضه بمساعده شريكة؟؟
_اكيد هالشي..
هو الشريك يحاول يطيعه لان ينقهر عليه من باب الحب او من باب الخوف..
بس ميدري بنفسه يدمره..
لان يفتحله مجال يطبق شذوذه وعنفه..
_صح كلامك ..
_طبعا انت بالذات خليتي يتطور..
والبعض ممكن يسمي حالتج بالمازوخية..
شنو هاي؟؟؟

حاله تصير عد الشخص يعاقب نفسه..
يعني من يتأذى يرتاح ويستمتع..
يشوف نفسه تستحق عقاب ..
والسادي من يضره يرضي..
انت جنتي تظهريله مرتاحه؟؟؟
او بينج بين نفسج متقبله وضعه وقابله بي؟؟
_اكيد لااااا ..
بالعكس اكثر شي اكرهه وبس عرفت هو مرض ردته يتعالج..
مو مرتاحه بعقابه ولا اذيته..
بس احبه واخاف عليه ماردت اخسره..
_وهسه لا زلت تحبي ومتريد تخسري ؟؟

_هسه هو بعداد الموتى..
كرهته كلش وحقدت عليه ..
_يعني مناويه تسامحي وترجعين ؟؟
حتى تساعدي يطيب..
_مستحيل ارجع بعد اكلك كرهت حتى سيرته..
_خطوة ممتازة ..
معناها ماعندج مازوخية..
ورفضتي الالم ومبررج جان الحب..
وانتهى الحب وردتي تخلصين من اذيته..
وضعج تمام يعني ..
ختمته ويا وتشكرته..

ضليت افكر بوضعي لازم يخلص موضوع شمس يلا اتصرف..
_شموسة شخبار موضوعج ؟
_حوراء مستحيه منج وجلال اكثر مستحي..
يكول مالي عين افوت بيتكم ..
من سواية منتصر..
معليكم بيه انجبو فضوها..
بعدين اختبرتي لو بعدج؟؟
_اي اي لتخافين ع اختج ذيبة..
جنا نسولف بيج وبوضعج وسالته..

المرة تستحق تنضرب حتى لو غلطت؟؟
كال ماعنده رجوله اليضرب مرة..
واذا اريد اربيها مو بالضرب..
المرة تحب اليحن عليها والي ينصحها بلطف..
متحب اليرهبها ..
يعني لو غلطتي انصحج مرة مرتين..
اذا اضطر الامر ودخل الشيطان يمكن تصير..
بس مو لدرجه ااذيها ..
لان هي تشوفني سندها واني اجي اضرها..
شنو حياتها بعد من تفقد امانها..؟

حلو كلامه مال بشر يفكر..
منتصر عمره وحياته ماتفاهم وياي هيج..
زين احجيلي الصدك بلا لف ودوران..
هم يغلط عليج؟
_لا لا ابد..
شحده غير يحلم احاجي بعد..
شنو جاريه عنده قابل..
وين يلكى مثلي ويغلط ..
_كافي ام لسان كافي..
خابريله خل احاجي..

خابرت عليه جاوبها وانطتني الفون..
_مرحبا جلال شلونك..
_حوراء؟؟؟؟؟؟

للحكاية بقية
بقلم شقراء(قمر كانون)