رواية المليحة والمهووس الفصل الرابع عشر 14 - بقلم Shaqraa

المليحة والمهووس
الجزء الثاني عشر

فزيت من صفنتي ع شمس كاعده يمي..
اباوعلها تفرك بعيونها وامبين جاي تراسل..
ضلت دموعها تصب اكثر..
ماهان عليه وضع اختي..
شفت دمعتها واعرف وراها جلال..
قررت اقوي نفسي الصمت ميفيد..
بشنو فادني الصمت واني رضيت اعاشر وحش مخادع وخاين وقاتل هم..
كلت احاجيها وافهم منها..

_شمس ليش تبجين؟
حورييييييي حجيتي ياروح اختج...
ياعمري انت لج رجعتي تحجين..
شبكتني وزاد بجيها وتبوس بيه براسي وبخدودي..
_لج ع كيفج وين جنت بالحج كافي..
_ههه فدوة اروح لعمرج الغالي عوفيني ابشر ماما مسكينة دمعتها مانشفت..
_تعالي احاجيج قبل ماما موضوع مهم..
_اسمعج كولي..

شوفي رح احجيلج بالخط العريض..
واريد تسمعيني كلش زين..
وراها احكمي بكيفج..
حجيتلها ع طبع منتصر من العلاقة لحد الحادثه..
_اني حجيتلج هالشي لان تصرف منتصر مو مال امس واليوم هذا طبعه..
انت معاشرة جلال وتعرفي..
طبعه هيج لو يختلف؟؟؟؟
_لج لا طبعا مو هيج لج مابقى ويا دقيقه..
ياساتر هذا منتصر مجرم ولج شلون تحملتي هالكد!!!
ليش ماجيتي وحجيتي..
_لان جنت غبية وضيعت نفسي..

الاريده منج تختبرين جلال..
اذا حسيتي عنده هالطبع نقذي نفسج ولتتورطين..
ترى تكرهين حياتج كلها..
_لا حوراء بالعكس جلال رومانسي وكلامه وطبعه..
صح يغار هواي وطلب البس عبايه..
بس اني اجادله واحاجي ومن نختلف اخذ حقي وماسكت..
بس هم حختبره واشوف..
_كليلي ليش جنت تبجين متعاركين؟؟
_لا جنت اسولفله عنج لان سألني..
ماتحملت واني اسولف بيج بجيت..

صدك ترى منتصر اجه مرتين وتضاربو هو واخوانج..
حيدر لزمه ملخه كوة فكوهم ..
وقاسم كله مالك مرة عدنا بعد..
رجع حاجه امي من هم ماموجودين كلها اريد ارجع مرتي..
_هه خلي يحلم براحته..
اذا ماذليته ومسحت بي الارض..
وانت معليج بيه..
تزوجي جلال وعيشي حياتج..
كليله يجي يخطبج هسه اذا فعلا مثل متكولين زين ومو ارعن مثل اخوه..
اني سالفتي طويله واكيد تأثر عليكم..
اذا سالوني اكلهم جاي افكر مراح اكول طلاك..

شبكتني ضلت تبوس بيه خطيه ماريد اصير سبب بتعاستها..
عرفو اهلي رجعت احجي وامي خطيه اشوفها الدمعة بعينها..
اخواني يمي يحاولون يطلعوني من الاني بي..
متحلفين بمنتصر بس عمي محاجيهم ..
كايللهم نعتبر اهل وعيب هالشي..
حاجوني شمقررة بالموضوع..
كتلهم اريد ارتاح حاليا لتفتحون السيرة..

اطياف خطيه كلتلها شمس واجت..
كعدت يمي تسولف وتحاول تضحكني..
يس اني مو بواهس شي ابد..
احس نفسي كبرت فوك عمري عشرين سنه..
كلت اسألها بموضوغ المرض..

_اطياف منين عرفتي اعراض المرض؟؟
واكدر احاجي هذا الشرحلج عنه؟!
_واحد اقاربنا متعرفي بس ليش تريد تحاجي؟؟
عندي كم سؤال اريد اعرفها بنفسي..
اوكي حنطيج رقمه بس لازم اكله..
عيب اتصرف من يمي..
_ماشي انتظر منج خبر..

_زين حوراء هالسنة راحت عليج بعد تكملين الجايه؟
_انت ماكو بالكلية واكمل هه بعد ماريد..
_لج انت مخبلة شلون تعوفيها مستقبلج هذا؟
_مالي خلك شي بعد كرهت الدنيا..
_انجبي اني قررت اترك ع مودج الباقي من السنة..
حتي السنة الجاية نداوم سوا..
_جذذذذب!!!!

للحكاية بقية
بقلم شقراء(قمر كانون)