رواية المليحة والمهووس الفصل السادس عشر 16 - بقلم Shaqraa

المليحة والمهووس
الجزء الرابع عشر

_شلونج خوية خجلان هواي منج اني..
وصدكيني كلنا ماراضين ع السواه منتصر..
_منتصر ذنبه هو يشيله انت ميخصك..
اني ردت احاجيك بموضوعك انت وشمس..
اذا رايدها تعال هالايام اخطبها..
لان اريد امشي بموضوع طلاكي وماريد هالشي يضركم..
بس اذا عاقدين تعتبر حلالك محد يرغمكم ع شي..
_لا حوراء فكري بالاول لتتسرعين..
_اني مفكرة من قبل لتصير المشكلة يعني حاسمه الموضوع..
_سوي الترتاحيله خويه اني اليوم احاجي امي..
_يصير خير مع السلامه..

يوم ثاني اجت خالتي وعبير ع مود شمس..
امي كلتلهم اني ماعندي مانع ..
نشوف رايها وراي الولد..
من راحو امي حاجت شمس..
_يمه ذوله ماينطون اخاف يطلع مثل اخوه..
_يمه اني عاشرتهم وجلال خوش ولد ..
ترى بس عوع مخبل..
روحي شوفي ذكول اخوانه نسوانهم شابعات دلال..
_مادري شكول وانت شموسة امبين طابختها..
ماما فدوة لعينج ترى الولد يختلف عن اخوه..
_يصير خير لعد..

حجت امي للولد اعترضو خبصو الدنيا..
رافضين ع اساس يطلع مثل منتصر..
شمس اشوفها مقهورة وتبجي..
كلت اني احاجيهم..
حاجيتهم كتلهم محد مثل منتصر..
كالو احنا منتصر من قبل منرتاحله..
بس جلال حباب واسلوب..
بس ماتنحزر الناس..
هم يعرفون اخوه الجبير..
كتلهم مو تعرفو وزين ومعاشري..

حسيتهم لانو كالو نفكر..
صدك ورا كم يوم قبلو..
اتفقو امي وامه ومشت الامور..
ماقبلت شمس حفلة وهوسه خطيه لخاطري..
اجو اهله وعقدو سيد ..
عبير اجت تشبك وتبجي وافلامها القديمه..
كتلها مالي حجايه وياج بعد..
انت بالنسبه الي متي..
لان جان منتصر يلتقي برواء ببيتها..
رافد بالشغل وهي مخليتلهم الجو..

_حوراء عذريني  هو يكول ممرتاح وياج ..
وانت متلبيله اليريده..
والصدك هو راد يتزوج رواء عليج!!
_هههههههاي تصدكين ضحكتيني..
لج طز بيج وباخوج المريض..
اني بعيني اوكع عشر زلم ..
اني عروس عدكم وجيرانكم خطبتني عبالها قرايبكم..
تراب رجليه يسوى راسج وراس اخوج هذا عوع..
وبالعافيه عليه رواء..
ماضل واحد مالعب بيها من المنطقة..
فالت عيارها ومنحطة من الابتدائية..

عفتها ومشيت ضلت صافنه متفاجئة..
عبالها ابقى الغبيه الي ماشي الماي من جواي..
الا ابهذله بالمحكمة وافضحه..
خلص المهر وباركت لجلال مستحي مني ..
و لشموسه فرحانه خطيه..
خالتي مقهورة واحسها خجلانه من سواية ابنها..
بس اني سويت نفسي ممهتمه..

مرت كم يوم وارقام تدك علي ..
يارقم احضره يدك جديد..
اعرف هالارقام اله..
لهذا مااجاوب بسرعة احضره..

اطياف اجت كالت..
_حوراء ترى جاي يخابرني..
ويريدني اتوسط حتى ترجعون..
وكل مااحضر رقم يدك جديد..
_لبسي اني نفس الشي..
لتنطي وجه رح ارفع عليه قضية..
بس اريد اثبات ع حالتي..
لازم احجي وي اهلي بخصوص تقرير المستشفى..

صدك اكلج حاجيته الولد الكلتي عليه..
حباب اسلوبه حلو امبين يفهم..
_اممم شكم مرة سولفتو..
_لا مرة وحدة ..
بس اني احتاجه بالقضية اريد منه معلومات..
بخصوص المرض وشلون اتصرف..
_اي بس تحتاجي حاجي ميكول شي..
يلا خلي اخابر خالي صلاح بلكي يجيلي..
اخوي من ذذبني يمكم تبرى مني هههه
كال عندي شغل ماجيج..

_لعد ضلي تعشي ويوصلج رضا..
_لااا عيب خيه خليني اخابر ..
_اوكفي لج كافي..
صحت بصرت عالي رضااااا ...
جاوبني ..
نعم حورية رايدة شي..؟
_تعال احاجيك فدوه..
اجه يمنا سلم اشو سرح هههه..
_فدوة اطياف حتضل يمي للعشا ماخليتها تروح عادي توصلها..

_ماله داعي خالي يجيلي..

_اوش سكتي انت اريد اطلع وياكم اني هم ..
امر اجيبلي كم شغله محتاجتها من الماركت..
_تدلل حورية وكل شخص يخص حورية..
اباوعله هذا عيونه تبصبص ع اطياف ومبتسم!!!

للحكاية بقية
بقلم شقراء(قمر كانون)