رواية المليحة والمهووس الفصل الثامن عشر 18 - بقلم Shaqraa

المليحة والمهووس
الجزء السادس عشر

حاجيت اطياف بخصوص رضا ..
مكيفة بعد ناقص تركص هههه ..
خبرت رضا كال خلي تحاجي اهلها..
حتى اذا كلشي تمام ترحون تخطبوها..
فرحت هواي لان اطياف شريفه وطيبة..
ورضاوي المثله قليل..
ربي يسعدهم مع بعض..

مرت كم يوم ولا زال يخابر من ارقام غريبه..
عجيب هذا شنو عنده شركة اتصالات!!!
عبير خابرتني مرتين بس مجاوبت..
وراها دزتلي رسالة..
_حوراء ابريليي الذمة ماتوقعت رواء هيج حقيرة..
تصدكين حشت راس اخوها وكتلني وذبني عد اهليي..
وباجر رح يعقدون هي ومنتصر..!
رجعيله حتى مياخذها..
رديت عليها بمسج واحد وانطيتها حضر
كتبت..
_ههههههههاو خوش اخوج النچر تعكل برواء ام الولد ع الخير فرحتيني..

حضرتها بس ابد مضايجة..
احس ربي عاقب منتصر من حيث لا يعلم..
ماكو شي اكبر من يتزوج بنيه منحطة وسمعتها مو تمام..
هذا الجان يشك حتى باظافره..
هسه حط ببيته وحده تخلي الاعمى يشك..

صارت خطوبة رضا واطياف..
الحمدلله مرت الامور ع خير..
اني وضعي تحسن شوي..
بخطوبتهم ام جنتهم..
خطبتني من امي بس كلت لامي لتجيبيلي سيرة ارتباط..
هيج مرتاحه واذا ثقلت عليكم كليلي عادي ارجع لمنتصر..
امي سمعت بسيرة منتصر كمزت ..
طبعا كرهته كلش ..
كالت لتجيبين سيرته هالاعوج ادعي عليه بكل صلاة..

مرت الايام وشمس تجيبلي الاخبار..
منتصر عاقد ع رواء ومسافر لبغداد..
ويجي بالشهر مرة ويروح يوم ثاني..
ورواء وخالتي ام منتصر عركات ..
لان هي من الاول مترتاحلها..
وصايرة حرب البسوس..

تزوجو رضا واطياف قبل الدوام..
اباوعلهم فرحانين ونظراتهم تحضن بعض..
شكد فرحتلهم..
ثنينهم غالين ع قلبي..
وشمس زواجها قريب ربي عوضني باطياف ..
حتى لا احس بوحدة من تروح شمس..

اجه الدوام وداومنا اني واطياف..
اففف شكد مشتاقه لهاي حياتي..
ضحيت بارقى واحلى حياة..
كله ع مود شنو؟
هه واحد مختل وخاين ..
معقوله اني جنت احبه!!!
لا صدك صدك اني جنت كاتله نفسي عليه..
ليششش!!!وع شنو!!!!
بلة الشكل مو مهم عمري مهتميت للشكل..
بس النفسية!!جان كلامه كله سب وفشار..
واني الغبية متقبله كلشي !!
شنو قحط رياجيل لو لازم علي لزمه!!
الحمدلله من فتحت عيوني وعرفت حقيقته..
صار عدم..هو والماكو...

بلش الدوام والمحاضرات..
وصرت اشوف منتصر يجي للجامعه..
يباوع من بعيد لو يلحكني..
بس من اشوفه ابد ماحس بشي..
ولا كأني حبيته بيوم..
مابداخلي تجاهه بس حقد وكره..
ليش حرمني من طفلي..
لو مطلكني وعايفلي طفلي مردت اكثر..
حسبي الله ونعم الوكيل بي..

فد يوم كاعدين اني واطياف بالحديقة..
_حويره هذا مو عوع كدامنا!؟؟
_اي كالعادة جاي يبجي ع الاطلال هههه..
_لج ثوله هذا يحجي وي استاذ عبد العالي..
باوعت صدك واكف يحاجي..
_اي عادي يجوز يعرفه..
_امممم البيه ميخليني لازم اعرف..
ضلت اطياف تحوص شعنده وشعنده..
احنا اصلا استاذ عبد الالي كلش نحبه،.
رجال جبير وفاهم وهواي يسولف ويانا..

صدك جاي نمشي بالممر رايحين للقاعة..
شفنا استاذ عبد العالي..
_حوراء من رخصتج بابا ..
_نعم استاذ تفضل..
_مساع اجه زوجج تعرفت عليه وسال عنج...
_زوجي!!ويسال عني..
استاذ اني تطلقت صار فتره..
واني قابل بالمدرسه ويسال عني..
صدك مختل عقليا هذا..

اذا تسمح استاذ اذا شفته مرة ثانيه وسال ..
كله ميخصك..
_يعني بابا مابينكم خط رجعه؟
_استاذ كتلني اني وموت طفله وبي حاله نفسيه يستحق ارجعله؟؟
_اذا هيج يستاهل اعدام هذا..
معليج دباره يمي..
اني احاجي الاستعلامات ميدخل للكليه بعد..
لان جاي يكول للطلاب هو زوجج..
معليج اني اتصرف..

حقدت عليه بالزايد جاي يريد يشوه سمعتي بعد..
ويكعد يحجي بحياتي الشخصيه..
كلت الا ارزله..
طلعنا من المحاضرة نزلنا كوا..
صار بوجهي..
اطياف هسه اجي هذا عباله بعدني خبله واخاف من جهرته..
_اي عاشت ايدج روحي رزلي ثبتيله انت مميته عليه..
رحت باتجاهة شتفته ابتسم وايده بجيبه..
باوعلي كال..

_ها غزالتي اقتنعتي نرجع مو؟
اعرفج بسرعة تحنين وتبيعين الدنيا لخاطري..
_هههههههههههههههاي اني احن لواحد ارعن مثلك؟؟؟؟
يااابه هواي مصدك نفسك انت!!!!
_لج شنو هالضحكة مال ال...
كالها بنتر عباله مثل قبل ابقى ارجف وادنك!!
_صدك؟؟؟خوفتني ترى عود عبالك اخاف مثل اول..

ههههههه انت تضحك...
جنت احاجي واني ميته ضحك..
يمكن ردت اثبتله شجاعتي كدامه ..
يمكن اثبتله سعيده بدونه..
ماعرف المهم اغيضه بضحكتي لان جان ممنوع اضحك برا...
حاجاني وعيونه مخنزره ومتعصب..
ها دحتي موو بسرعة دحتي لج اني الج..
اذا مااندمج واخليج تبوسين بايدي ارجعج..
بسيطة...
مشى حيل صحت ورا منتصررر...
التفت عليه كال..
شكو؟؟؟
_نسيت اباركلك صدك عكلوك برواء هههههههه...
عفته ومشيت وهو واكف ..

للحكاية بقية
بقلم شقراء(قمر كانون)