مرحبا حبايبي العسل شلونكم ❤️
طبعا ممنونه جدا جدا لتفاعلكم اليجنن على البارتات
النزلتهم بصراحة مجنت متوقعة من بعد هالغيبة من ارجع حشوف هالتفاعل الحلو و اليجنن والله رغم إني مريضة وتعبانه بس كلامكم وتفاعلكم العسل مثلكم فتح واهسي على الكتابة فدوات لكلبكم حبايبي انتو 😍❤️
اما بخصوص هالجزء فللامانه ابدا مجنت ناويه انزللكم اشباه الابطال هسه لان جنت منتظرة حدث معين يصير حتى انزله لكن شفت هواي الحاح من الاغلبيه سواء بالخاص او هنايه يطالبون بصور الابطال فكلت انزله اليوم ولو مو وقت هالجزء بس ميخالف لخاطركم نتنازل عن بعض القرارات 😁❤️
ملاحظة / هالصور مجرد اشباه للابطال نزلتها تلبيه لطلبكم لكن برأيي انُ تعتمدون على الوصف وخيالكم افضل ❤️
دُنيا : كُلش تشبهها من ناحيه الملامح ، الاختلاف دنيا بشرتها اغمق شويه
زبيدة : هواي تنطي شبه من الي بالصورة حتى لون البشره والشعر اكدر اكول 60% تشبهها
ديمة : حرفيًا نسخة من البنية الي بالصورة ، الاختلاف ديمة شگره
بصائر : شكلها بالحقيقة جدًا لطيف وعدها خدود تجنن من شفتها انطيتها شبه لهالبنوته + الها دور جدًا مهم بالرواية
عمو ياسر : متتخيلون شكد يشبه الممثل جمال سليمان وخصوصا بهالصورة
يوسف : يشبه جدًا ، الاختلاف يوسف مو اشگر
هارون : حيظهر وتعرفوا بالايام الجايه ان شاء الله + يشبه الي بالصورة الاختلاف هارون اضخم بهواي وتسريحة شعره اخف
امين : اكثر بطل من ابطالي شفته انمدح وانحب من بديت اكتب لليوم + يشبه هالممثل هواي 😄❤️
حليم : بالمناسبه اولاد عمو يحيى كلهم هيج اشكالهم والادهى انُ عمو يحيى احلى منهم كلهم لو اكدر انشر صورته وهو شباب چان نشرتها وخليتكم تكرشون عليه 😁❤️
لهنا اكون شوفتكم الابطال الرئيسيين بالرواية ، هم كولوا مدتدللنه 😁
بس هاا اريد تفاعل يجنن مثلكم حسنولي المود ورفعولي هرمون السعادة بعد فترة من المرض محتاجة اتونس على سوالفكم الحلوة 😁❤️
احبكم ❤️
اختكم براء ❤️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!