الموت الحي الفصل السابع وثمانون 87 - بقلم براء الموسوي

مرحبا حبايبي العسل شلونكم ❤️❤️

#الموت الحي
#للكاتبة براء الموسوي

قبل 23 عام
المكان : البيت
الوقت : الساعة الـ7 صباحًا

هارون : نايم وداعب اذاني صوتها الاحلى من صوت العصافير

هيام : هاروني حبيبي ، يله يبعد امك اكعد

هارون : فتحت عيوني ، باوعتلها وابتسمت

هيام : هههههه يمه صدقة لهالخديدات الحلوة

هارون : صباح الخير

هيام : صباح النور يا العيون

هارون : كمت من الفراش بستها ، احبج اني

هيام : واني اموت عليك يله طب للحمام اسبح واني راح احضرلك ملابسك من تكمل صيحلي حتى امشطلك وانزلك اريكك خوش

هارون : خوش ، رحت للحمام سبحت وطلعت بدلت ومشيت مديت راسي من المحجر

ييييله يمه اني كملت تعاااي مشطيلي

هيام : اجيتك حبيبي اجيتك

هارون : اجتي اخذت ايدي ومشينه للغرفة ، تمشطلي بشعري وتبوس بيه

يمه كافي تره اني كبرت لتضلين هيج تبوسين بيه والله عيب شنو زعطوط

هيام : انجب ولك لعد واذا ابوس بيك موزين احبك وبعدين تعال انت وينك وين الكبر هو كلك بالخامس ابتدائي وحتى لو كبرت متكبر عليه

ادبسز كبر ابو خدود عود صاير يعرف يحجي

هارون : زعلتي يمه ؟

هيام : لا

هارون :ابتسمت وكرصتها من خصرها ، اكيد هيامه ما زعلتي

ابتسمت بخفه وجاوبتني

هيام : ياا ولك ما زعلانة والله

هارون : شو خلي ابوسج واتأكد

بستها وحضنها من خصرها وهي تضحك وتدفع بيه

هيام : ههه ابن الزمالة چم مرة كتلك بطل هالسالفة تجزع روحي من تلزمني منا

هارون : هههههه احب اتحارش بيج حتى تضحكين

هيام : يمه بعد روحي اليدور ضحكتي يله يگلبي امشي تريك بسرعة حتى ياخذك السايق ويه بيبتك
لتتأخر على دوامك

هارون : نزلت وياها ، صبحت على بيبيتي وكعدت اتريك

هيام : اطگلك بعد بيضة يمه

هارون : هزيتلها راسي واني امضغ اللكمة

حمزية : ولج هيام كافي حرام عليج الولد ستوه ماكل تلث بيضات وراح تزقي الرابعة شنو السالفة

هارون : لعد جوعان شون

حمزية : شنو جاي من مجاعة يبيبي شنو سالفتك

هيام : يا عمة خلي ياكل براحته اشو الخير وهواي شنو السالفة عينج على لكمته

حمزية : طيح الله حظج هو اني بحال الاكل غير داحجي علموده ليروح يتمرض من السمن

هاج شوفي اللغود والزرور موزين عليه والله خففيله اكل شويه لو اخذي للطبيب خلي يضعف ما دامه صغير وبي حيل

هيام : لتفاوليله عمة اسم الله عليه كلشي مابي وبعدين اخواني كلهم بصغرهم جانو هيج ومن كبرو ضعفو فعوفي هو وحدة يضعف

عليمن نحرمه من الاكل ونشلع گلبه وهو هيج هيج بس يكبر يضعف وحدة

يله من رخصتج اروح اسويله بيضة سودة عليه خذتنا السوالف ونسينا كتله الجوع ، اجيبلك جبن حبيبي

هارون : لا بس بيضة

هيام : خوش

هارون : باوعت لبيبيتي تسبح وتباوعلي

اشرتلها ، شبيج تباوعيلي ؟

حمزية : اكو ولد مؤدب يگل ليبيته شبيج

هارون : اي اني

حمزية : لا ونعم التربية

هارون : لعد شعبالج

حمزية : والله على يوم اكوم واكصه للسانك ادبسز

هارون : والله متگدرين

حمزية : ليش يمه ما اگدر

هارون : اخذت الطاوة من امي وكملت ، متكدرين لان انتِ تحبيني واذا كصيتي لساني منو يسولف وياج بعد ويونسج

اباوعلها ابتسمت وباوعت لأمي التضحك

حمزية : شبيج تتمضحكين جنج هبله

هيام : بروح ابوج عمه مو سوالفه تخبل يمه بعد روحي الوليدات المدنفشات الكبرن وكامن يعرفن يسولفن

حمزية : كافي شبيج ما شايفه بزر اليكول بس هذا عدج

ديربالج تره اخوته جاي يتحسسون منه والسبب انتِ حاولي تتنتبهين على تصرفاتج وتعدلين بالمعاملة ويه جهالج

هيام : على بختج عمة اني كلهم اموت عليهم وكلهم عندي النفس اليصعد وينزل بس هارون شويه مدللته زايد لان بعده صغير والا اني كلهم عندي نفس المعزة

هارون : صدك يمه اخواني شوكت يرجعون من بيت عمتي بيداء اشتاقيتلهم

هيام : يوم الجمعة يجون تريد اگل للسايق يوديك يمهم ؟

هارون : لا ما اريد عدي دوام من تجي العطلة عود اروح وياهم

هيام : على راحتك حبيبي ، يله كملت اشيل الصينية لو بعدك ؟

هارون : لا كملت الحمدلله ، كمت من الاكل غسلت وطلعت ادور على خاولي انشف بي ماكو

صحتلها ييييمه اريييد خاوليييي ، شويه واجتني شايله خاولي ، اخذته نشفت وباوعتلها

لعد شو العاملات ماهنه ولا وحدة بالبيت

هيام : اي يمه اليوم عدهن عطلة وطلعن من الصبح يغيرن جو بره البيت

ليش شتريد منهن شي ؟

هارون : ما اريد شي بس جاي اسأل

حمزية : يله بيبي هارون امشينه

هارون : اي بيبي اجيت ، لبست حذائي وامي جابت جنطتي لبستها الي وكالعادة بوستني وانطتني مصرف قبل لا اطلع

صعدت ويه بيبتي بالسيارة وتحرك السايق ، باوعت للجنطة الي بأيد بيبيتي وسألتها

جنطة شنو هاي بيبي

حمزية : جنطة ملابسي حبيبي

هارون : ليش وين رايحة انتِ ؟

حمزية : بيبيتك ام سامي (اختها) مريضة ورايحة ابقى يمها چم يوم

هارون : وشوكت ترجعين

حمزية : والله ما اعرف بس بلكت علما يرجعون جدك وابوك من السفر اختي تصير زينه

هارون : هزيت راسي متفهم ، وصل السايق بيبتي يم اختها ام سامي ووداني للمدرسة وراح

اشرت للسايق بالسلامة وانداريت حتى ادخل بعد ما راح بس تفاجئت من ما لكيت احد غيري

توقعت روحي متأخر لو يمكن بادي الاصطاف ، يوووه هسه استاذ مصطفى يرزلني

دخلت للمدرسة امشي على اطراف اصابعي حتى اذا اكو اصطفاف محد يلگفني ما حاظر

جاي امشي ناوي ادخل وفززني صوت الحارس

الحارس : هاي شعدك هنا انت

هارون : غير جاي للمدرسة

الحارس : ليش محد كلك اليوم عطلة

هارون : لا والله ما گللونا

الحارس : دتعال وياي

هارون : جرني من ايدي ، نترت ايده وخزرته وين اجي ؟

الحارس : امشي بويه اوديك للمدير خوما اعوفك هنا

هارون : ما اطب جوه وحدي انت روح صيحله لو عوفني ارجع للبيت وحدي

الحارس : ولك بويه شبيك خايف ، شو ضل واكف هنا خلي اصيح المدير واجي

هارون : عدلت جنطتي على ظهري وضليت واكف علما يجون

شويه وصدك طلع المدير ويه الحارس ، باوعلي وقطب حواجبه

المدير : هاي شعدك هنا هارون احنه مو گنالكم البارحة بالاصطفاف باجر لتجون نريد نصبغ المدرسة

هارون : صفنت عليه بعدين تذكرت صدك البارحة گالو بالاصطفاف لكد يجي الخميس عدهم صيانة

المدير : ناسي مو ؟

هارون : اي والله استاذ نسيت وحتى داومت وقاري عبالي عدنه امتحان اسلامية

المدير : دأمشي خلي اوصلك للبيت

هارون : لا شكراً استاذ ارجع وحدي

المدير : امشي بويه امشي بيتكم بعيد وين ترجع وحدك

ابو عباس اني رايح اوصل هارون للبيت وانت عينك على العمال ليرحون يخربطون اني عشر دقايق وراجع

هارون : صعدت ويا رغم متردد لان ابويه مأكد علينا لا نحجي ولا نختلط بأي واحد غريب بس هذا المدير اخاف اگله لا

وبذاك الوكت المعلم والمدير چان الهم هيبة خاصة ويخوفون حتى اكثر من الاهل نفسهم

وصلني المدير لباب البيت

المدير : لعد الحرس مالتكم وين وليش عايفين الباب

هارون : ما اعرف يجوز راحو يجيبون شي من بره ويرجعون

شكراً استاذ صارت زحمة عليك

المدير : ماكو زحمة ابني وسلملنا على جدك

هارون : يوصل ان شاء الله ، شلت جنطتي ونزلت من ، رحت فتحت الباب الخارجي ومشيت لجوه

وصلت لبيتنا ، رفعت ايدي حتى ادگ الجرس ووكفت
متذكر انُ بس امي بالبيت واحتمال هسه راجعه نايمة لان بعد وكت

خطية مو مال اكعدها من النوم ، نزلت ايدي ومشيت لوره البيت ناوي ادخل من باب المطبخ الخارجي لان دائمًا يعوفوها مفتوحة خاف العاملات يرجعن يدخلن
مناك

وفعلًا فتحت باب المطبخ ودخلت ، الظاهر امي صدك نايمة لان البيت هدووووء

واني من شفت البيت صنته كلت خلي ارجع انام ما دام بعد وكت

صعدت فوك وجاي اروح لغرفتي اني واخواني واستوقفني صوت غريب جاي من غرفة امي وابويه

وكفت گبال غرفة اهلي وگلبي يدك بخوف من الأصوات الغريبة الجاي اسمعها

مديت ايده بخفه وفتحت الباب على كيفي خوفًا مني لا اخرع امي بس ياريتني ما متجرئ وفاتح الباب

ضليت جامد بمكاني وكل الاتذكره بوقتها انُ جنطتي وكعت من جتفي وعجزت ادنك واشيلها

عيوني ، گلبي ، روحي وكل جوارحي جانن مصوبات
على

امي !!

امي الجانت نايمة على جربايتها هي وابوية بدون ملابس ونايم فوگاها سلوان

الحارس مالتنا

ضليت واكف والصدمة مسيطرة عليه ، ما مصدگ المنظر الجاي تشوفه عيني وتسمعه اذاني

اباوعلها شلون تصيح بمتعة وتسحب بتوفيق عليها وهو يفشر عليها بأبشع الألفاظ وهي تضحك ولا كإنما هي نفسها المانعتنا نكول حتى كلمة انجب

شكد حاولت بلحظتها اروح وارجع لغرفتي بس ما گدرت رجلية مثبته ومترضى تتحرك

شتت نظري عنهم صوت باب الحمام مالت اهلي الينسد ويتبعه خروج رجال ثاني طالع من الحمام
ولاف منشفة ابوية على جسمه

سلوان : يله ولكم ما خلصتو شوكت يجي دوري

هارون : هاي الجملة جانت كفيلة بإنها تنهيني وتكبرني بدل السنة عشرة

باوعت لتوفيق وامي يضحكون ومستمرين وهذا الرجال يمد ايده على مناطق محظورة بجسم امي وامي تتمضحك وتدفع بأيده

رغم صغر سني بس جنت اعرف وافتهم انُ هالشي غلط وحرام ، ابويه من احنه وصغار علمنا شنو اليصير والميصير

واني من صغري اعرف الجسم شي جبير واكو اماكن بي لا يصير تنشاف ولا تنلزم

صح جنت ما اعرف شنو مرة ورجال بالمعنى الحرفي بس اعرف ان الموقف الشفته هسه يعتبر شي موزين

لان امي جاي تخلي اشخاص غريبين يشوفون جسمها ويلزمو وهالشي كفيل يخليني افتهم حجم المصيبة
الجاي تسويها امي

ضليت بمكاني وعيوني تشهد على مشهد خيانة امي لأبويه

من اول لحظة ولحد ما تعالت اصواتهم تلاثتهم
تعلن عن انتهاء لحظات شهوة الزنا الي جمعتهم

اباوعلهم شلون كامو عن امي وهي انكلبت على بطنها تتبسم وكإنها مسوية انجاز

واول ما انكلبت خاله اديها جوه خدودها فزت وكامت مخترعة من صارت عينها بعيني

هيام : ههـ هارون ، ييـ يمه هارون ههـ هاي انت من شوكت هنا

هارون : على اثر صوتها همه اندارو عليه ومن شافوني وجوهم صارت صفره

اباوعلها كامت تركض من فراشها تحاول تغطي جسمها العاري من عيوني

اجتني تركض بعد ما لبس دشداشتها وكعدت بمستوايه

هيام : حبيبي هارون تره اني ما سويت شي موزين مثل ما انت متصور

اني جنت مريضة وعمو توفيق واخو اجوي حتى يعالجوني ، اني ما سويت شي حبيبي انت

هارون : صفنت بوجهه ، معقولة جنت مبين غبي لهالدرجة بحيث عبالها إني ما راح افتهم الجاي
يصير شنو

هيام : هاا حبيبي هارون انت مصدكني مو

هارون : ما رديت عليها ضليت ساكت واباوعلها وهي من شافت ردة فعلي كامت تلطم على وجها

هيام : صخام الصخمج هيام صخام الصخمج ، انفضحت اني انفضحت

وللللك توفيييق والله اذا عبد الله درى يذبحني اني وياااك شلووون بيييينه شلوووون

توفيق : كافي انجبي لتخبصينه اذا مو ابنج اليفضحنا فصوتج هو الراح يفضحنا

سلوان : هيام يعني هذا ابنج ؟

توفيق : اي ابنها الصغير

هارون : اباوع لهذا الاسمه سلوان حك لحيته وتقدم واكف گبالي

سلوان : ولج شو يشبهلج ، شنو هالجمال ولك

هارون : نترت ايده من لزم صدري ، وخرررر لتلزمنييي

سلوان : هههههه ولكم هذا عنده صدر

لج هيام متأكدة هذا ولد شو ما مبين عليه ، حلو وشعره طويل ، انوب عنده صدر هههههه

هارون : امي من سمعت حجي سلوان ، حضنتني لصدرها وبجت

هيام : وخر عنه سلوان مالك علاقة بي ، توفيق احجي حجاية ويه اخوك

ابني خط احمر ، مالكم شغلة بي

هارون : اباوع لتوفيق ضحك وباوع لسلوان

توفيق : اكعد ولك

سلوان : دشوفه شلون يشل

توفيق : ههههه هاا ولك تريده

سلوان : تگدر ؟

توفيق : افاا اني الأگدر

هيام عوفي هارون يروح ويه سلوان وتعاي يمي مشتاقلج

هيام : دكككل تببببن يروووح ويااا شنووو

واااالله افضحكممم فضيييحة اذا تمسووون شعره من شعر ابني

سلوان : هييي گ**** ستوه صعد عندج الشرف منو الجانت نايمة جوانه امي لو انتِ بطلي هالسوالف

هيام : توفيق متحجييي شبييك ساكتتتت

توفيق : لخاطري هيام بس هالمرة

هيام : لخاطررررك شنووو انتتتت تخبللللللت ، اني رضيت انام وياا هذا المعفن لخاطرك بس مال
اطيكم ابني تحلمووون

سلوان : اذا متسلميني الولد برضاتج راح تسلمي الي غصب عنج

هيام : نجوووم السما اقربيييلللك ، يييييله امشوووو طلعوووو برررره ما ارييييد اشوففففكم بعددد هناااا

سلوان : عندج خمس دقايق اذا متطيني ابنج احجي كلشي لرجلج

هيام : شتريد تسوي سوي محد راح يصدكك

سلوان : صح محد راح يصدكني بس من راح اگل لأبو موسى چم شامة موجودة بجسمج لو اشرحله عن الوحمات الحلوة المزينة ظهرج اكيد راح يصدكني

هيام : تتـ توفيق انت جاي تسمع اخوك شجاي يكول

توفيق : هيام انطي هارون لسلوان وتچفي شره احسلج

هارون : اباوع لأمي دنكت على رجلين سلوان تبوس بيها وتتوسل بي

هيام : ابوس رجلك كلشي ولا ابني سلوان ، اني يمك شتريد تسوي بيه سوي بس هارون لا

سلوان : ما اگدر هيام ابنج صار بنفسي واني ما اگدر اخلي شي بنفسي اموت

صيري حبابه وخليني اسوي البراسي ولا من شاف ولا من دره ، ياهو الاهون عليج تنفضحين وتنذبحين
لو تنطيني نص ساعة ويه هذا الكيك وتنفض السالفة

هيام : ما اگدر سلوان ما اگدر حباب ابوس رجلك لتسوي هيج

سلوان : اني حجيت العندي وانتِ براحتج

هيام : توفيق الله يخليك حاجي خلي يشيل هالفكرة من باله حباب

توفيق : اني مالي علاقة ، بس نصيحة انطي هارون ومشي هالليلة بسلام احسن

وتره هو طفل كلشي ميفتهم فلتخافين

هيام : ولكم مو طفل والله مو طفل صح مبين عليه صغير لان كصير وسمين بس عمرة عشر سنين يعني يستوعب والله يستوعب

سلوان : اهووو هسه تجيبي لو اطلع احجي كلشي وساعتها لتجين تلوميني بعدين

توفيق : هيام فكري بالموضوع شنو موقفج كدام رجلج واخوتج وعمامج والناس اذا موضوعنا
ينفضح

يذبحونا كلنا والله وعلى شنو على هيج موضوع سخيف مدته دقايق صدك تحجين

هارون : همه يحجون واني واكف وصافن عليهم هول الموقف بعده مسيطر عليه

باوعت لأمي الباوعتلي ودموعها تنزل على خدها ، تقربت لزمت وجهي وباستني من خدودي

هيام : اني اسفة حبيبي والله اسفة سامحني

هارون : چان عبالي تقصد على الموقف الشفته بس تفاجئت من كامت على حيلها وحاجتهم

هيام : اخذو

هارون : وين ياخذوني !!

اباوع لسلوان ابتسم وتقرب جرني من ايدي ، دفعته عني وفزيت ووجعني گلبي من ضربني راشدي بقوة

وچانت هاي اول مرة احد يمد ايده عليه ويضربني
من اني وصغير تربيت ببيئة ابد ما بيها ضرب وتعنيف
فالموقف اذآني

سلوان : ابن النعال ايدي متدفعها بعد افتهمت لو لا

تعااالللل يييييله

هارون : ويييييين ماخذنييييي ، عطت بي ورد عليه بضربه اقوى من الي قبلها

وخرررر وخررر لتضرببببببنييييي وووواالله اله اگل لجديييي وابويه علييييكم ، عوفنيييي لتلزمنيييي

رغم إني بوكتها جنت كلش سمين بس يبقى هو اكبر واقوى مني ولو مهما حاولت اقاومة ما راح اكدر وبالنهاية هو الراح ينتصر عليه

وهذا الصار بعد ما شالني شمرني على جرباية اهلي وذب روحه عليه

اني شفته هيج كمت اصرخ واستنجد بأمي الواكفه ومنطيتني ظهرها وبس صوت شهكاتها يوصلني

ييييمه تعااال وخررريييي عنيييي يمه ، حبابه يمه والله ما اگل لاحد على الشفته بس ساعديني

يييييمه حبابه جايييي احاجيج رديييي علييييه حبابه

بچيت من حسيت بي يجر ببنطروني ، لزمت بنطروني من فوك انشغ واتوسل بي يعوفني وميرد عليه

سلوان : توفيييق تعااال الزملي هالأبن الگ*** هذا

هارون : ضليت اقاومه واصرخ اخر شي تقيدت حركتي من حسيت بأيد تچتف اديه وايد تسد حلكي

باوعت لكيت توفيق مجتفني بأيد وصام حلگي بأيده الثانية

ضليت اهز براسي وانتفض حتى يعوفوني ودموعي تجري

سلوان الكلب نزعني ملابسي واني لا حول ولا قوة كلشي ما گدرت اسوي غير إني اشوف طفولتي تنتهك كدام عيوني وما اگدر ادافع عن نفسي

غمضت عيوني من گام يلمسني بطريقة مقرفة وفرفحت روحي من تجاوز الموضوع مجرد لمسات ووصل لمرحلة عمري ما تخيلت إني ممكن اعيشها

بيومها عشت اشياء توجع حيل توجع بس مو وجع جسدي بگد ما هو وجع نفسي

هذا اليوم چان كفيل إنه يدمر كل حاضري ومستقبلي

ايد سلوان الجانت ساده حلكي بهدف كتم صوتي بدون متدري كتمت صوتي للأبد

وايد توفيق الجانت تشلع خصلات شعري بس لأني جاي اقاوم

هم بدون متحس منعت هالخصلات من الظهور بعد
وخلتني العمر كله اخاف اطول شعري

انتهو مني وكامو يضحكون عايفين جواهم طفل ينزف ، يون بوجع وعينه على امه الكاعدة على صفحة وتباوعله

توفيق : احسبي حسابج هيام من اليوم كل اسبوع تجيبين ابنج وتجين لبيت سلوان

هيام : ااا انتـ انتو مو گلتو بس هالمرة

توفيق : اني عن نفسي متراجع عن كلامي وابنج عجبني حتى اكثر منج

سلوان : واني هم فحسبي حسابج اذا مو كل اسبوع فكل عشر ايام نريده

وحجايه زايده منا منا تعرفين شيصيرلج فصيري حبابه

خوش يحلوة ، يله احنه نروح ، امشي خوية

هارون : هالحديث جان اخر حديث اسمعه قبل لا يغمى عليه

ما اعرف شكد ضليت مغمى عليه بس فزيت على صوت اخواني يم راسي

فتحت عيوني لكيت روحي نايم بفراشي ولابس ملابس غير ملابس المدرسة

وعلى طاري ملابس المدرسة بديت استرجع الصار وياي وفزيت مخروع من فراشي واول ما كعدت وجعني ظهري وعطت بوحع

عيسى : اسم الله هارون اسم الله شبيك

هارون : دفعت ايد عيسى عني وكمت من فراشي اعرج وابجي

طبيت للحمام وسديت الباب ، كعدت بالكاع حاضن جسمي وابجي

لزمت ظهري وكمت على كيفي حتى استخدم الحمام ، كعدت وما گدرت اتدرر ولا بطني تطلع من الالم

ضليت كاعد وابجي من الوجع ، اكثر من نص ساعة اني احاول وما اگدر

اخر شي كمت غسلت وطلعت لكيت اخواني واكفلي يم الباب

موسى : شبيك حبيبي هارون ليش عيونك حمر

عيسى : ولك هاي شنو منو باسطك ، باوع موسى اذان هارون زرگه

موسى : شو ولك هاي منو ضاربك ، لحظة لحظة ولك هذا مصخن صاير نار

عيسى : تعال حبيبي خلي انزلك يم امي تطيك دوه

هارون : دفعت اديهم من حاولو يلزموني وابتعدت ابجي

وخرو وخرو لتلزموني حبابين

مشيت نمت بفراشي وتغطيت وهمه عافوني وطلعو
شويه وطبت امي

بس شفتها رفعت الغطه غطيت وجهي ، ما اريد اشوفها احس روحي كمت ما احبها

سمعتها تحاجي اخواني

هيام : طلعو يمه اريد ابدل لأخوكم

هارون : سمعت باب الغرفة ينسد وحسيت بيها تكعد على جربايتي

ضليت على وضعي لحد ما حسيت باللحاف ينشال من على راسي

باوعتلها لكيتها تبجي ، بيومها ولأول مرة ما اتاثر من اشوفها تبجي ، اني بالعادة اذا شفتها بجت اكعد ابجي وياها گد ما احبها دمعتها توجع گلبي

الا بهالليوم ابد ما اثرت بيه دموعها ولا هزت من جسمي المغتصب شعره

نترت ايدي من ايدها وكت الحاولت تلزمني وانداريت منطيها ظهري

هيام : اني اسفة حبيبي والله الصار غصب عني

هارون : طلعي بره ما اريد احجي وياج

هيام : حقك حبيبي شما تحجي حقك والله يلوم الي يلومك بس صدكني اني انجبرت على الصار

هارون : ما رديت عليها ضليت صافن بالفراغ وبالي مو يمها ، ضلت تحجي شكد منا لمن يأست تحصل مني شي تالي طلعت

بيومها لزمتني الصخونة للصبح وبس اتقيء وهي واخواني حارو بيه

يومين اني نايم بالفراش ومحد يدري عني ، وباليوم الثالث ياله صرت احسن وكدرت اكوم على حيلي

بس ما لحكت اتخطى الصار وطبت عليه امي بعد مرور اسبوع ودمعتها على خدها

خلتني ابدل بحجة تريد تاخذني للدكتور تتأكد من صحتي ، ما ردت اروح وياها وحايلت عليه بيبتي وجبرتني اروح وياها

اخذتني وطلعت من البيت على اساس تاخذني للطبيب

وبيومها انسلب مني اخر ذرة ثقة جانت محفوظة بگلبي الها

وكت الوكفت السيارة يم بيت تجاوز ، نزلت و هي جارتني وياها

وكالعادة كلمة وحدة سمعت منها

"اسفة"

وتبع هالكلمة خروج توفيق وسلوان من البيت

واني من شفتهم دفعتها وشردت بس المنطقة جانت شبه مقطوعة وگدرو بسهولة يلزموني

بلحظتها قطعت وعد على نفسي إني ابقى اقاوم حتى لو اموت المهم إني ما اعيش نفس الشعور العشته
قبل اسبوع

وفعلًا هذا السويته ضليت اقاوم وانفض بجسمي نفض بس في سبيل ميگدرون يسيطرون عليه

اخر شي من ملو مني راحو جابو خاشوكة وچووني على مكان حساس عقاب الي على عدم رضوخي الهم

الألم الحسيته بوقتها چان كفيل إنه يخليني ادخل بحالة جديدة اول مرة اعيشها

وهي "الصرع"

جنت انتفض مثل السعفة اثر الخوف والوجع الچان ينهش بروحي نهش

ضليت على هذا الحال احس روحي جاي اتكهرب وجسمي مثل الخشبة حتى ايدي ما اكدر احركها

تاليها غبت عن الوعي بعد انتهاء الحالة المفاجأة الاجتني

وما افز الا والگه نفسي عريان ونايم ، جسمي بين أديهم يحركو مثل ما يردون

ألم الچوي الحسيته ينضاف لألم الاعتداء الخلاني افرفح بين اديهم مثل الطير المذبوح

اصرخ وجسمي يون عليه من كل صفحة ، شعري تكطع باديهم وجسمي انملى علامات لحد هذا العمر
اني اندل مكاناتها

ابد ما انسى منظري واني الوب واركع راسي بالكاع من ألم الجويه الي انجويتها من وره

ايام مفرفحه روحي واني احاول ادخل للحمام وما اگدر من الالم

منظر بجامتي الاشوفها كل يوم مليانه دم جانت ترعبني لدرجة الموت

النزيف استمر عندي اكثر من اسبوع لان امي من بعد هالحادث خافت تاخذني للطبيب خاف تنكشف وينفضح سرها

ومن رجعتني للبيت وسألوها هارون ليش جاي يعرج

تحججت وكلتلهم انُ الممرض ضربني ابره بالعضلة ولهالسبب ما اگدر امشي عدل

وهيج استمرت معاناتي ويه توفيق وسلوان وامي لمدة شهرين

خلال هالشهرين اني 8 مرات متعرض للاعتداء وبكل مرة ارجع اتعس من القبلها

الكل لاحظ وضعي المزري واستغربو من التغير المفاجئ الصارلي

ومن مرة من المرات انصرعت كدامهم تسودنو واخذوني للمستشفى وهناك عرفو إني اعاني من مرض اسمه الصرع

وبعدها بدت رحلة البحث عن علاجي ويه مختلف الاطباء العجزو يعرفون شبيه

ومن امي شافت اصرار بيت جدي على وضعي قررت انها توصل الموجز لتوفيق وسلوان ومن يومها عافوني وحتى توفيق استقال خوفًا من الفضيحة

وشاء الله ان ينتهي عذابي وياهم بعد مرور شهرين

لكن للأسف اني ما گدرت اتخطى الصار ومن وقتها بلش عذابي ويه نفسي ، اعتكفت على روحي وكمت اخاف من الكل

وصلت لمرحلة إني اخاف حتى من ابويه واخواني اذا حضنوني لو لزموني بالغلط

سافرت للخارج ويه ابويه وجدي وشكد حاولو وياي الاطباء هناك في سبيل يحصلون مني شي وما جنت
احجي

نفسيًا جنت منهك لدرجة إني ما عندي القدرة حتى احرك لساني وانطق

العشته بهاي الشهرين جان كفيل انه يدمرني ويحولني من طفل حيوي وكله طاقة لطفل مكسور ومريض

همه من الدنيا كلها انه يتغطى زين بالبطانية وينام شارد من الناس الي ممكن انهم يأذو

وهيج استمرت حياتي بين الاطباء والسادة ، كضيت عمري كله ساكت الا لمن يوصل الموضوع للاعتداء
انطق واكول لا

هذا الشي الوحيد الجنت اصر انه ما صاير وياي ولحد هذا عمري اني ما متجرئ اواجه نفسي واكول إني تعرضت للاعتداء

وانتِ اليوم خليتيني اواجه نفسي واعترف إني فعلًا تعرضت للاعتداء بعد مرور 23 سنة على الحادث

وهاي الـ23 سنة عشتها بعذاب جسدي ونفسي

عذابي الجسدي چان يوميه يذكرني بهذا الحادث

كبرت واني عندي بواسير وتشوه بأعضائي ، تحملت الألم سنين حتى لا انكشف واخلي لزمة عليه

وجبرت روحي اضوگ المر وانتظر سنين واني الألم ياكل بيه اكل لحد ما كبرت وسافرت سويت العملية بره وعالجت التشوه الصارلي من الچوية هناك بدون ما واحد يدري بيه

الصرع السببلي عقدة وخلاني لحد هذا اليوم مضحكة لليسوه والميسوه

اتعس واصعب لحظات حياتي اني اعيشها من تجيني هاي النوبة ، وضعي واني لا حول ولا قوة كفيل يخليني ما انسى هالحادث لحد هذا اليوم

اما عذابي النفسي فچان مخليني اكره نفسي

كلما اشوف ابويه احس إني حقير ونذل لان ما گدرت احجيله حقيقة مرته

تأنيب الضمير صارله 23 سنة ينخر روحي نخر ، كلما اشوف ابويه يلوب على امي لو صاحت اخ اكره نفسي اكثر

كبرت واني احس إني مشارك هيام هاي الخيانة لان تسترت عليها وما فضحتها خوفًا مني لا تعيش نفس العاشته زهراء وتموت

ولحد هذا اليوم اني جبان وما اگدر احجي لأبويه الصار ، بعدني لسه اخاف تنذبح وتموت مثل ما ماتت زهراء

تخيلي بعد كل الصار واكو جزء مني لسه يخاف عليها من الاذيه

زبيدة : هو يحجي واني ساكته وبس دموعي تنزل

اباوعله من بلش يحجي ولحد هاللحظة هو دموعه ما وگفن

يحجي واكو غصه واضحة بصوته عجز انه يخفيها

ما حسيت بنفسي الا اكوم وبكل هدوء احضنه بدون لا اعلق ولو بكلمة وحدة

كل الكدرت احجي بعد مرور فترة

اني اسفة لان ضغطت عليك وخليت تتذكر اشياء توجعك

ابتعدت ابوس بوجهه وابجي

اسفة والله اسفة ، طاحظني لان فرضت عليك تحجي بشغلات تأذيك

حسيت بي يبعدني عن حضنه بخفه ويروح ياخذ سويجة ويتوجه للباب

انداريت عليه ولزمت ايده ، وين رايح هارون ؟! ، زعلت مني والله اني اسفة لو ادري فلا اضغط عليك
فدوة لتزعل مني

طبطب على ايدي

هارون : لتخافين ما زعلان بس محتاج ابقى وحدي شويه

زبيدة : مسح على راسي وطلع من الغرفة

كعدت لازمة راسي ودمعتي مراضيه تنزل ، معقولة هارون صاير ويا كل هذا وطول هالسنين ضال ضام
هالوجع بگلبه وساكت

اني لو واحد مد ايده عليه بالغلط تجزع روحي لعد هو شلون گدر يتحمل الصارله وهو طفل كلشي مشايف
من الدنيا

كمية الظلم العاشه هارون ماكو انسان طبيعي يگدر يتحمله

الله يساعد گلبه كل هالسنين عايش ويه هالسر ، شلون گدر يتحمل تأنيب الضمير ويتعايش ويه الذكريات الي بكل نوبة صرع ترجعة لنفس الشعور
العاشه بين اديهم

يا حبيبي يا هارون لعد شگد متعذب انت ومتبين
شكالت روحك البريئة وهي تنتهك بذاك الوقت

وامك شنو من گلب شايله بحيث جانت توديك الهم بإديها

شلون راح تواجه ربها وشتريد تگول بيوم القيامة ، خفت من الفضيحة ؟

هل من الممكن يكون هذا هو مبررها للي سوته وياك

ويا ترى المثل هيام هم تتسمى ام

غطيت وجهي وبجيت على حاله وعلى العاشه ، سودة عليه عليك يا روحي يا هارون

كل هذا جنت ضامه بكلبك وساكت ، لعد شنو من صبر وقدرة شايل بحيث عشت 23 سنة من عمرك دافن هالسر بداخلك وانت ساكت

لا حجيت ولا فضفضت لبشر ، اشوفك لعد مكرس حياتك للحيوانات

اثاريك لجأت للكائنات المحد يسمع صوتها غير ربها مثل ما انت عشت طول هالسنين ميسمع صوت الوجع الي بداخلك غير رب العالمين

سبحانك يا إلهي شكد ضام بگلوب عبادك اسرار جبيرة ميعلمها ولا يشافيها غيرك

_________________________________

بصائر : دخلت لبيت اهلي لكيت اخوتي وامي كاعدين ووياهم المحامي

سلمت وبس المحامي رد عليه

كعدت على صفحة وامين اشر للمحامي يحجي

المحامي : اني اليوم اجتمتعت بيكم حتى ابلغكم كل واحد شكد طلعله من الورث حسب التقسيم الشرعي

بصائر : بده المحامي يحجي واني عيني على اخواني وامي الي كل واحد بيهم الدنيا وهمومها ماخذه
جزء من راحة ملامحهم

المحامي : بابا بصائر تسمعيني

بصائر : هاا العفو شردت شويه ، تفضل شنو جنت تگول

المحامي : جنت اكلج انُ الورث الطلعلج من عمتج يتقدر بحوالي******

بصائر : صفنت عليه ، هذا المبلغ بس الي ؟

المحامي : نعم هاي حصتج بالكامل وباجر ان شاء الله راح أمر عليج ونباشر بفتح حساب مصرفي الج حتى تودعين هالمبالغ بي

بصائر : بس المبلغ كلش جبير وين اودي هذا

المحامي : واللهِ يا بنتي ما اعرف اني العليه ابري ذمتي امام الله واسلمكم املاكم على التمام

اما من ناحيتكم فكيفية صرف هالمبالغ شي راجع الكم

بس اذا تحبين تگدرين تفتحين بزنس خاص بيج بهاي المبالغ وتطورين فلوسج

على كل حال مو هذا موضوعنا حاليًا اني جاي اتمم كلشي وياكم واروح وانتِ اذا احتاجيتي مني شي مكتبي معروف شوكت متحبين تتفضلين اهلا وسهلا
بيج

بصائر : رجع المحامي يكمل ويه اخواني وتم توزيع الورث بشكل كامل وكمنا احنه وقعنا على الأوراق
التثبت انه استلمنا كلشي

وگام المحامي تشكر منه وطلع

هناء : بما انُ المحامي طلع منا فخليني احجي الحجايتين الصارلي اربع اشهر ضامتهن بگلبي ومنتظرة الوقت المناسب حتى احجيهن

حليم : انتو اخذو راحتكم خالة اني اترخص

هناء : لا ابني خليك انت حالك من حالي اسلام ميحتاج تروح

تفضل استريح وانتو كعدو

بصائر : كعدنا وعيونه عليها منتظريها تحجي

هناء : انتو هسه كبرتو وما شاء الله كل واحد بيكم صار ناضج وعاقل ومسؤول عن نفسه

وبالجديد طلعلكم رزق والحمدلله كل واحد بيكم صارت فلوسه تعيشه ملك زمانه هو واحفاده

فلهذا يا يمه اني من اليوم شلت ايدي منكم واريد كل واحد بيكم يشوف حياته بعيد عني

وهذا الكلام اني اقصد بي امين وبصائر ، يمه انتو طغيتو هواي وفعايلكم اذتني الي شخصيةً بما فيه الكفاية

بس لهنا وكافي اني بعد ما اگدر اتحمل وكلش كافي عليه تأنيب الضمير الجاي ياكل بيه واني احاجيكم بعد السويتو بديمة

فلذلك يمه اني من هسه اكلكم روحو انتو مبريين الذمة وگلبي وربي راضين عليكم بس عوفوني بحالي واعتبروني ميته

اني راح ابقى بهذا البيت وانتو اريدكم تكملون حياتكم بعيد عني ، خلوني بهالبيت اگضي اخر ايامي بسلام بعيدًا عن مشاكلكم

بصائر : كلنا صحنا اسم الله عليج يمه

هناء : من اليوم ما اريد اشوفكم بعد ، وهذا البيت اني واسلام راح نعيش بي

واذا ردتو تشوفون اخوكم شوفو بره هالبيت لان وجودكم من هاللحظة ما عاد مرحب بي

اني مرة اخاف ربي وما اگدر استقبل ناس الشر معبي كلبهم ومخليهم كيد للشيطان

كل الاگدر اكوله ان الله يهديكم يا يمه ويمشيكم على درب العدل وعسى ربي بعقابه ميوجع كلوبكم مثل ما وجعتو گلب هذيج المسكينة واهلها

يله يمه كومو توكلو بالله ، مودعين برحمن رب الرحمة

بصائر : باوعت لأمين الكام بدون نقاش طلع من البيت
اما اني فما گدرت

وما حسيت بروحي اله كاعدة يم رجليها لازمه اديها وابجي

حبابه يمه لتكولين هيج والله اني مستعدة اسوي الي تردي ، ترديني اروح واطيح على ديمة والله هسه اروحلها للبيت واتوسل بيها بس حتى تسامحني

حتى اذا تردين اني مستعدة اسعى برجعتها لأمين والله اروحلها واحجيلها كلشي وكل اللوم اذبه
على نفسي حتى لو اعرف اشبع دگ هم ما اعوفها
الا وهي مسامحه امين

حبابه يمه كلشي ولا انتِ اني مستعدة اكاطع الدنيا وما بيها الا انتِ ، اني شنو قيمتي بهالدنيا بعيد عنج

فدوة اروحلج يمه لتدورين وجهج عنه احنه منسوه بدونج والله ، شلون ترديني اكمل حياتي بسلام
وانتِ متردين تشوفيني بعد

هناء : هذا الكلام بعد ميفيد يمه كومي توكلي روحي ويه رجلج

بصائر : حبابه يمه سامحيني حبابه ، حسيت بحليم يجر ايدي محاول يكومني

عوفنييي عوفنييي ييييمه فدوة سامحيني الله يخليج سامحيني لتصلين زعلانة مني والله اني احبج
حبابه يمه

كومني حليم واني انشغ من البجي ، صعدني بالسيارة وحرك واني دموعي الطريق كله ما نشفت

وصلنا للبيت ، نزلت من السيارة اسحل بروحي سحل
دخلت لجوه شمرت جنطتي وكعدت مغطية وجهي وابجي

حسيت بأيد تمسح على ظهري ، شلت راسي لكيته حليم

حليم : لتبجين ان شاء الله كل الامور تتصلح بيناتكم تبقون انتو اهل والظفر ميطلع من اللحم مصيركم في يوم من الأيام تتصافون

كافي حبابه مسحي دموعج تره موزين عليج البچي ، اني سامع انُ الطفل يشارك امه كل شعور تعيشه

فلو صح هالمعلومة فمعناها الطفلة هسه تلكيها تبجي وياج ، خطية تخيلي هي بهالصغر وتبجي

شنو ذنبها تعيش كل هالمشاعر السلبية ، شو مسحي دموعج ، عفية بالحبابه

بصائر : مسحت دموعي ورجعت بجيت ، حسيت بي يحضني

بادلته الحضن وكمت انشغ ، اني تعبانه حليم حيل تعبانه

حليم : صدكيني كلشي راح يتصلح بس الموضوع يحتاج وقت

لتنسين الصار مو شويه وكل انسان يحتاج فترة حتى يتعافى انطي امج واخوج وحتى ديمة هاي الفترة
خليهم يتعالجون من الصار على راحتهم

ما طايرين همه ولا انتِ طايرة مو صحيح

بصائر : ابتعدت وهزيت راسي ، شكرًا لان جاي تواسيني

حليم : ولو ما سويت شي تدللين

بصائر : ابتسمتله بخفه ومسحت دموعي

سمعت صوت موبايل يدگ ، حليم يمكن موبايلك يدك

حليم : اي والله صحيح هذا موبايلي

الووو هاا حبيبي يوسف ، صدك تحجي ؟ يله يله جاي

بصائر : اباوعله سد الموبايل وصفن بوجهي

خير حليم ؟

________________________________

زبيدة : اذن الفجر وهارون لسه ماكو

طاحت ايدي واني اتصل عليه جهازة مغلق ، كمت صليت صلاة الفجر وضليت كاعدة للعشرة الصبح وهو ماكو

اخر شي نزلت ادور عليه بالبيت كلت عسى ولعل الگا شو وين

طلعت للحديقة دورتها شبر شبر ومالگيته ، تمشيت للأسطبل ادور وهم ماكو

رحت للكراج ، البساتين ، غرفة الرياضة ، بس ماكو
مو بالبيت

رجعت للبيت ضايجة تلگاني صاحب ينزل من الدرج

صاحب : صباح الخير

زبيدة : صباح النور

صاحب : شبيج ؟

زبيدة : هارون من البارحة طلع ولسه ما رجع اتصل على موبايله مغلق

صاحب : ما شفتي يمكن بالأسطبل

زبيدة : لا والله ماكو هستوني جنت هناك

صاحب : احتمال واصلات حيوانات جديدة للمحمية وبات هناك البارحة

زبيدة : معقولة ؟

صاحب : كلش معقولة بس اوكفي اول شي خلي اخابر اسأل عليه بالعيادات اذا مدام لو لا

زبيدة : اي والله يا ريت

اباوعله طلع موبايله اتصل بدوام هارون واني ضليت واكفه انتظره

صاحب : الوو السلام عليكم ، ردت اسألكم دكتور هارون داوم اليوم

هاا ما اجه اليوم ، طيب شكراً جزيلاً ، مع السلامة

ما مدام

زبيدة : ضربت على رجليه ، يربي وين راح

صاحب : اهدي اهدي اني هسه اروح للمحمية واشوفه اذا هناك لو لا

زبيدة : الله عليك اخذني وياك

صاحب : ماعندي مانع يله روحي بدلي واني انتظرج هنا

زبيدة : اي اي بس ثواني

صعدت فوگ اركض بدلت ملابسي ونزلت بسرعة ، طلعت ويه صاحب للمحمية المستلمها هارون

الطريق كله لساني يلهج بالدعاء ، يارب كون نلگا هناك ياربي يا حبيبي لتكسر بخاطري واقضي حاجتي يارب

كوه وصلنا بسبب الازحامات ، نزلنا بسرعة وتوجهنا للكابينه مالت الحراس

صاحب : السلام عليكم ، بلا زحمة دكتور هارون هنا ؟

: لا اليوم ما اجه

صاحب : ولا البارحة مر لهنا

: لا ابد صارله 3 ايام ما واصل لهنا

زبيدة : عفيه انت متأكد ؟ شوفلنا يا جوه الله يخليك

: متأكد ما اجه حتى شوفو كراج الاطباء كدامكم ماهي سيارته

صاحب : تمام رحم الله والديك

امشي زبيدة

زبيدة : صعدت ويا وهو حرك السيارة طالع من المحمية

صاحب : تؤ تؤ على بختج زبيدة ليش تبجين

زبيدة : مدتشوف بعينك هارون ماهو ، لا بالبيت ولا بالدوام وهسه بالمحمية هم ماكو

لعد وين راح ، يربي والله خايفة خاف صاير بي شي

صاحب : كولي يا الله زبيدة شنو السالفة قابل طفل هو وتخافين لا يضيع

زبيدة : انتو ما راح تحسون بالي جاي احسه فخليني ساكته افضل

رجعنا للبيت واني كلي خيبة امل ، صعدت لغرفتي انتظره عسى ولعل يرجع لكن للأسف ماكو

اجه الليل ومر يوم كامل على اختفائه ومحد حاس لان الكل ملتهي بمرض هيام

الوحيد الكاعد يطحن بروحه هو اني اخر شي ما تحملت اضل ساكته ونزلت بلغت بيت جدي
الثارو عليه ولعبو بيه لعب

النوح : صدك تحجين انتتتتتِ رجلج صاااارله يوم كامل غايب عن البيت وانتتتتِ ستوج تحجييين

صاحب : جدي اني وياها من البارحة ندور وما لگينا

النوح : وانتتتتت يا حماااار متحجييي شبيييك سااااكتتتت

صاحب : اني تره ما كاعد سواء اني او معين والشباب من البارحة ندور وماكو

عبدالله : لا إله الا الله وين رحت يا هارون اني ناقصني يا بويه

النوح : امشي عبدالله خابر خالد خلي يعمم اسم هارون بكل المطارات ويشوفلي اذا مسافر لو لا

انتِ باعيلي هارون تعارك وياج ، صار بينج وبينه شي قبل لا يطلع

زبيدة : هزيت راسي ، لا بس گلي إنه طالع ويريد يگعد وحده شويه

بيداء : ولييييش يريد يگعد وحده لوما انتتتِ مسوده عيشته ومكرهته بالبيت

زبيدة : اسمعي تره اني مالي خلكج الي بيه مكفيني فكي ياخه عني احسلج تره روحي واصله لخشمي
وماعندي قابلية اتناقش ويه بشر فعوفيني بحالي
رحمة للكعبة

كعدت وعيني صارت على هيام اللازمة القران تقرأ ودموعها تنزل بصمت

بس شفتها تذكرت كلام هارون وبجيت ، يا قساوة گلبج يا قساوتج وحقارتج عجيبة انتِ عجيبة و الله

حمزية : كافي يمه كافي حبيبتي لتبجين هي هاي سوالف هارون دومه موكع گلوبنا مو جديدة عليه

ان شاء الله هسه يلگو لو هو يرجع وحدة تدرين بي
انت ابو عقلين ماعنده لحية مسرحة شوكت متطخ براسه سالفة يسويها وميدير بال

زبيدة : اندعي بيبي كون نلگا بلكت دعائج يستجاب

حمزية : ان شاء الله نلگا حبيبتي ان شاء الله

زبيدة : ضلينا كاعدين وجدي والولد وعمامي طلعو يدورون على هارون واحنه بالبيت

اجتي دادا وخالة وئام قرآنهن بأيدهن وساعة يندعن وساعة يواسني

بس اني شيواسيني ويبرد گلبي واني روحي كلها مشعلة نار على هارون

طلع الصبح ورجعو كلهم الساعة بالـ6 الصبح بس هارون مو وياهم

حمزية : هااا بشرو

النوح : ماكو فص ملح وذاب ، گلبنا الدنيا عليه لا خلينه مراكز شرطة ولا مستشفيات حتى بالمطارات
درجو اسمه وطلع ما مسافر

مدري وين راح هالولد راح يسودني بعمايله

زبيدة : وهسه شنو ؟

عبدالله : راح ننتظر الشرطة تحدد موقفه عن طريق رقم موبايله

زبيدة : بس هو موبايله مغلق شكد اتصلت عليه ويطلعلي مغلق

عبدالله : راح يشوفون شوكت اخر موقع چان الجهاز بي مفتوح وان شاء الله نگدر نلگا

عيسى : وهم احنه عممنا رقم سيارته بالسيطرات بلكت نگدر نحصله بهالطريقة

زبيدة : وهيج مر اليوم واليوم صار اسبوع والاسبوع صار اسبوعين وهارون ماكو

روحته طفت روحي من جسمي ، وصلت لمرحلة الدمع نشف بعيني گدما بجيت

البيت كله مخبوص ، من عمي الما شفنا من ساعة الي اختفى بيها هارون لهيام الكابلت باب البيت وكعدت

اما بيبتي وجدي فإنتكسو وصار حالهم اتعس من قبل على هارون

واني !! اني انتهيت المرن عليه مو اسبوعين لا والله
سنتين

روحي ما احس بيها ، صح عايشة واشتم الهوى بس بليه واهس

عايشة وميته سوه شلون ما اعرف

انحنيت بجسمي متمدده على السجادة

باوعت لتيمور اليباوعلي ودفرت دمعه من عيني ، اشرتله يجيني

اباوعله گام على حيله واجه تمدد يم راسي وگام ب
يحك راسه براسي

تنهدت ، حتى انت يا تيمور حنيت اثاري مو بس اني المفتقده وجوده الصامت بهالغرفة طلعت حتى انت مشتاقله

مسحت على جسمه وبجيت ، شوكت يرجع ويمسح على راسك ويلمني بحضنه

اشتاقيتله هواي ، حياتي مصاخه بليا ، احس هالدنيا مو دنيتي لان هو ما موجود

يا ترى هو وينه هسه ، جوعان ، عطشان ، بردان ، شديسوي

شتكول تيمور هم مشتاقلنا هو مثل ما احنه مشتاقيله لو لا

هم مديگدر ينام اذا مو بحضني لو بس اني داحس بهالفراغ

باوعت لباب غرفتي انفتحت ودخلت خالة وئام وخواتي

وئام : ما راح تاكلين يمه

زبيدة : ما اشتهي

ديمة : حرام عليج الجاي تسوي بنفسج زبيدة

زبيدة : كعدت عدل ولميت اديه لحضني ، حبابين لتضغطون عليه ماعندي قابلية اكل بس اجوع اني بنفسي اگوم اكل لتعبون نفسكم

ديمة : اباوعلها شلون تحجي مكسورة وتعبانه

سودة عليه حبيبتي حالتها تكسر الخاطر ، من يوم الاختفى بي هارون وهي لا اكل ولا شرب وهياتها عايشه على المغذيات

تنهدت ودعيت من كل كلبي ، ربي يحفظك وين ما جنت يا هارون ويردك لزبيدة سالم غانم بحق الحبيب محمد

دخيلك يارب ردلنا هارون بخير وسلامة اذا مو علمودنا فعلمود زبيدة والله حتموت من القهر عليه

دنيا : حبيبتي زبيدة نزلي يمنه شويه ميصير تضلين حابسة نفسج هنا

زبيدة : ما اگدر خلوني بغرفتي ارتاح اكثر وهسه حبابين عوفوني اكمل صلاة

عسى هالساعة تكون ساعة استجابة ما اريد اضيع وقت من رخصتكم

دنيا : على راحتج حبيبتي

طلعنا وسدينا الباب نازلين جوه

ياربي دخيلك منين طلعتلنا هالمصيبة والله تعبنا من المشاكل وفاض بينا والله

ام حسن : الحمدلله على كل حال

اللهم اجعل هالظروف بلاء وانطينه القوة والصبر على اجتيازة

وئام : اللهم آمين

دنيا : اندكت باب البيت كمت فتحتها ، دخل يوسف
وصاحب وحليم

هاا بشرو

يوسف : والله ماكو شي لحد الان

حمزية : سودة بوجهي عليك يبيبي وين رحت

شليت گلبي يبعد گلبي يهارون ، يارب مابيه اخسر بعد تعبت من الفراگ والله تعبت

بعد مابيه طاقة اودع بشر ، اخذ امانتك ربي لتذلني وتكسرني اكثر من هيج فدوة لأسمك

دنيا : منظر بيبتي وهي مغشه وجها وتبجي حانية ظهرها بچانه كلنا

ابد ما توقعت بيبيتي وجدي هالگد متعلقين بهارون بحيث سودة عليه ثنياتهن يكسرون الخاطر

يبجون على هارون شلون الجهال ، جدي الما شفته بچه بفاتحة عمي فاضل شفته يبجي على فراك هارون

تنهدت ومسحت دموعي من دك موبايلي

شلت جهازي لكيته معين ، جاوبت ، الووو هاا معين

معين : الووو دنيا اطيني البشارة لكينا هارون

دنيا : يا يااا عليييك ااالله ويييين لكيتووو

يوسف : شنو لگو هارون ؟

دنيا : هزيت راسي وفتحت سبيكر والكل التمو عليه

يوسف : الووو معين وين لكيتو

معين : هسه الشرطة اتصلو على جدي وبلغو انهم گدرو يلگون سيارته واني هسه احنه رايحين الهم

دنيا : اااالله يبشرك بالخير بعد كلبي انت يا وجه الخير

معين : هههههه عود گلو لزبيدة بسرعة خلوها تفرح حبيبتي اول وحدة كون هي تدري

دنيا : هسه اروح طلقة اگلها ، سديت الموبايل وباوعت لبيبيتي السجدت بالكاع تبجي ونور الي انشرحت ملامحها هي والكل

صعدنا اني وديمة فوگ ناركض ، دفعنا الباب ودخلنا لكيناها ساجدة وتبجي

عطنا بيها ولللللج زبيييييدة لگووو هارووون لگوووو

اباوعلها شالت راسها بسرعة وباوعتلي

زبيدة : صصـ صدك ؟

ديمة: والله العظيم هستوه معين خابرنا گللنا

اباوعلها غطت وجها وكامت تنشغ من البچي

تقدمنا حضناها وگمنا نبجي على بچيها ، سودة عليه
كامت تشاهك حتى نفسها انكطع من البجي

ابتعدت امسح بدموعها ، كافي يگلبي لتبجين مو هياتهم لگو

زبيدة : وو وينه هو هسه

دنيا : هسه يوسف راح يلح معين واني شويه واخابرهم استفسر منهم

زبيدة : للـ لالا هسه خابريهم لو اكلج اني اخابر

ووين موبايلي ، كمت بسرعة جريت موبايلي واتصلت على معين ، طلعلي مشغول

رجعت اتصلت على عيسى جاوبني

الوووو هااا عيسى وينه هارون صدك لكيتو

عيسى : الوووو زبيدة ، اي الحمدلله لگينا وهسه رايحيله للمستشفى

زبيدة : بهت وجهي ، ششـ شنو بالمستشفى هو

عيسى : اي والله بالمستشفى ستوهم الشرطة نقلو لهنا واتصلو علينا

زبيدة : زز زين ليش بالمستشفى خوما بي شي

عيسى : والله منعرف كتلج ستونا وصلنا

زبيدة : انطيني اسم المستشفى بسرعة ، بسرعة عيسى الله يخليك

انطاني الاسم والعنوان واني ركضت بدلت ونزلت بوجهي للكراج ، اخذت وحدة من السيارات

هستوني داصعد وفززني صوت هيام ، انداريت عليها لكيتها تلهث

هيام : اخذيني وياج الله يخليج ، ابوس ايدج اخذيني وياج راح اموت اذا ما اطمنت على ابني

زبيدة : هزيت راسي واشرتلها تصعد ، صعدت وحركت متوجهه للمستشفى

وصلت ونزلت اركض وهي ويايه ، خابرت عيسى انطاني رقم الطابق واني صعدت بالمصعد وجسمي كله يرجف

مرة من الفرح لان ولله الحمد لگو ومرة من الخوف لان بالمستشفى

وصلنا للطابق وطلعنا نمشي بسرعة ، شفنا جدي وعمي عبدالله والولد وركضنالهم

النوح : هاي شعدجن هنا

زبيدة : عوفك منا جدو ، هارون وين

النوح : بهاي الغرفة والدكتور يمه

هيام : بعده لسه ما طلع ؟

عبدالله : لا والله لسه

زبيدة : كعدت يم معين وهو حضني

معين : لتخافين حبيبتي ان شاء الله كلشي راح يكون بخير

زبيدة : ان شاء الله ، صدك معين الشرطة وين لكت هارون

معين : لكو سيارته على الطريق السريع ومن مفتشين بالسياره ما لاگي فمدورين عليه ولاگي مغمى عليه
بالصحراء مالت المحافظة

واول شافو وتأكدو من الهويات الموجودة بمحفظته عارفي ومتصلين بينا وهاي كدام عينج نقلو لهالمستشفى

هذا كل النعرفه عن الموضوع

زبيدة : سودة عليه يا حبيبي بيه ولا بيك

ضليت كاعدة وسبحتي بأيدي اندعيله

شويه وانفتحت الغرفة وطلع الطبيب ، كمنا كلنا عليه وهو طلب منا نروح لمكتبه حتى يوضحلنا حالة هارون واحنه لحگنا

زبيدة : عفيه دكتور طمنا شبي هارون

الدكتور : من الواضح وحسب استطلاعنا على الحالة

اكتشفنا انُ السيد هارون خلال هالفترة مر بنوبات صرع مفاجئة ومتكررة مما ادى الى دخولة في غيبوبة مؤقتة

وهاي الغيبوبة خلته يمتنع عن الطعام والشراب لفترة طويلة مما سببله مشاكل بالجسم وهاي المشاكل خفضت عنده المناعة بشكل كبير

ويؤسفني ان ابلغكم انُ حالته مو مطمنه ابدًا

النوح : من اي ناحية مو مطمنه ؟ دكتور اذا امكن ياريت تحجي بدون مقدمات حفيدي شبي ؟

الدكتور : شوف يا سيد ، السيد هارون عنده مشكلة جبيرة بالنخاع العظمي سببتها اله الانيميا الحادة
الصارت عنده خلال هالاسبوعين

زبيدة : ططـ طيب دكتور وشنو المفروض يصير هسه

الدكتور : هارون لازم يسوي عملية زراعة نخاع عظمي وباسرع وقت

عبدالله : والعملية هاي نسويها هنا لو نحتاج نسافر بي بره

الدكتور : للأسف احنه حاليًا بالعراق نفتقر لبعض الامور التكلل هاي العملية بالنجاح فانصحكم تسووها اله بره

النوح : ماكو مشكلة احنه مستعدين نمشي بالاجراءات وفورًا

الدكتور : واني افضل انكم تستعجلون قبل لا تتفاقم الحالة وينضرب عنده الجهاز العصبي

زبيدة : زين دكتور احنه هسه شنو المطلوب منه

الدكتور : لازم تدبرون متبرع يتبرعله بالنخاع وياريت لو يكون من الدرجة الاولى حتى تكون نسبة نجاح العملية اعلى

هيام : ااا انـ اني اتبرعله

زبيدة : شلووون تتبرعييييله وانتتتتِ عندددج ورررم

عبدالله : اني اتبرعله دكتور

النوح : انت هم ميصير تتبرعله لان عندك قلب ، اني اتبرعله

الدكتور : يا جماعة هو مو سباق

اول شي المتبرع لازم يكون بصحة جيدة جدًا وهم لازم يسوي تحاليل وتكون انسجة جسمة مطابقة لانسجة جسم المريض ياله يگدر يتبرعله

مو لعبة هي والعملية مو سهلة وبيها مخاطرة كلش جبيرة في حال لو فشلت

زبيدة : تقصد العملية خطرة على المريض

الدكتور : لا العملية خطرة على المتبرع فقط

لان احتمال وارد يحصل للمتبرع بالنخاع اثار جانبية بعد العملية

زبيدة : وشنو هاي الاثار ؟

الدكتور : ابسطها انه ينشل فقرار التبرع ابد مو سهل

زبيدة : صفنت عليه وهزيت راسي

اني موافقة اتبرعله بالنخاع

الدكتور : والاثار ؟

زبيدة : مسحت دموعي وباوعتله

اني مستعدة اتحمل كافة الأضرار المهم هارون يعيش

***************************************
لهنا يكون خلص البارت ان شاء الله يكون عجبكم ❤️
+ لتنسون التصويت والتعليق برأيكم ❤️

شنو رأيكم بالأحداث ؟

شنو تتوقعون حيصير بالبارت الجاي ؟

"تعيش الأغنام طوال حياتها خائفة من الذئاب ثم يأكلها الراعي"

عبدالله عاش حياته كلها يحذر اولاده ويخاف عليهم من ذئاب الشوارع الي تتسمى بالناس الغريبة لكنه للأسف نسى يحذرهم من الراعي الي هي امهم

الام الي المفروض تكون هي الحضن والامان لأولادها للاسف هي الكانت السبب بدمار احد هالأولاد

هيام بسبب نزواتها وخوفها على نفسها دمرت حياة طفلها بالكامل فعايلها خلت ابنها انسان مريض وبائس

عيشته حياة محد بينا يتمنى انه يعيشها في سبيل لا تنفضح وتنقتل فضلت انها تقتل روح ابنها وهو عايش

قصة هيام بحد ذاتها تنطينه درس وتعلمنا انُ مو كل ام ام وانُ الجنة الذكرها رب العالمين مستحيل تنحط
جوه اقدام كل ام

والله واني اكتب البارت دمعتي ما نشفت ، كلما اتخيل شكل هارون وهو طفل واحاول اعيش شعوره اتدمر

قصة هارون من استملها حيل وجعت گلبي واليوم من رجعت سردتها حيل اذتني ولا كإنما سامعتها
سابقًا

حسبي الله ونعم الوكيل على كل واحد تدنى نفسه على طفل بريئ ويستغله هذا الاستغلال البشع

وان شاء الله خصيمة رب العالمين يوم القيامة كلمن يسوي هيج اعمال مقرفة ومقززة يهتز الها عرش الرحمن جل في علاه

وحسبي الله ونعم الوكيل على كل وحدة خاينة هجمت بيتها ودمرت أطفالها بسبب نزواتها

جدًا اعتذر اذا چانت المشاهد مقزز بالنسبة الكم صدكوني شكد حاولت اختصر منهن وما گدرت

جنت مضطرة اوصللكم مشاعر هارون والي
عاشه بالتفصيل وبدون حذف شي حتى تحسون
بإلي حسه هو سابقًا

واكرر اعتذاري لكل ام قرت المشاهد وتأذت نفسيةً

واخيرًا اتمنى من رب العالمين يحفظ اطفالكم جمعيًا وميعيشهم ولا يوم مو حلو بحق الحبيب محمد ❤️