الفصل الثاني

رواية الوداع الصامت الجزء الثاني 2 بقلم ريمي الوداع الصامترواية الوداع الصامت الحلقة الثانية فتحت مامت كاميليا الباب ودخل تميم معاها للمطبخ : ^ اتفضلي يا لولو ..دول عشانكو أنتي وأُمي وخالتي ليلى ..عشان لما تقعدو تتسلو بيهم ! = تسلم إيدك يا حبيبي ..أنا قولت معنديش غير تميم يهتم بيا ، دا انتَ أحسن من بنتي الفقمة ! سمعتها ف عليت صوتي : _مين فقمة ياماما ؟؟ = منيرة ياحببتي متقلقيش ! _آه وأنا قولت كدا .

^ هيّا كاميليا جات ؟! = أيوه يا حبيبي كانت مع محمد عالبحر . ^ ومريم ؟ = لاء ..هيي عند صاحبتها ! ^ تمام ..طيب اتفضلي الكيس دا كمان ممكن تظبطيلي ياه عشان هنطلع نقعد عالسطح ؟ = من عنيّا يا حبيبي دا أنت ابن الغالية ! ^ تسلميلي ياخالتو ياعسل . دخل تميم المجلس مكان ما إحنا قاعدين ..سلّم ع محمد بالحضن … دول زينغو ورينغو حرفياً .. أفضل الصحاب ..بيوقفو بجانب بعضهم بالشدة .وبس يجتمعوا سوا تبدأ حرب القط والفار !!

^ عاش مين شافك يا كرميلا ! _الله يشوفك ! (قولتها بتلقائية ) ^ إيه ؟ _إيه ؟ ^ خلاص إنسي .بس إيه الحلاوة دي ..بقيتي إنسانة طبيعية ، فعلا عشر سنين قدروا يغيروكي ! _واضح فعلاً …بس إنت ماتغيرتش لسا عِندك تقل دم وغتاتة مش بتبطلها ! ^ أنا تقيل دم ؟ وغتت كمان ؟ رفع صوته حتى أمي تسمعه : إيه يا خالتو ليان أنا جاي اتهزق هِنا ؟! جت ماما من المطبخ وقعدت معانا :

= لاعاش وحد يهزقك ياحبيبي ..إنت قولي مين اللي زعجك كدا وأنا أطرده فوراً . _لا والله ؟! يعني أنت متعذب وجاي من السفر عشان تطردني من بيت أهلي !! ^ لا خلاص يا خالتو مش عايز آخد ذنب من وراها ..خليها تفضل هِنا عشان معندهاش غيرنا ! ” لاء على فكرة هيا عندها أخوها تجي لعندنا بأي وقت ! ( دي كانت جملة محمد ،والله انا قولت معنديش إلا محمد ) _والله يا محمد إنت سندي… وكشرت بوجه تميم …قال يعني زعلت وكدا . * عن إذنكم .

قامت إيميليا الكل استغرب ..معرفش فين راحت ..وأصلا مش مهتمة ! ^ قلبك طيّب يا ستي . ..طب ردي عليا ..إيه ده ؟! ..فاكرة بتكشيرتك دي هخاف مثلاً ؟! قومي ورني على حسن شوفيه هيتأخر ولا لاء؟ _وإيه اللي يخليني أرن عليه ؟! ^ جبت شوية سناكات ..هنجهز قعدة ونقعد عالسطح فوق وحشتني قعداتنا زي أيام زمان ! _طيب تمام . قمت ورنيت بأخويا حسن ..كان بايت في مكتبه .أصل الفترة دي مضغوط جداً بسبب قضية قتل حصلت من يومين !!

علاقتي ب تميم عادية ..مش زي اللي تعرفوهم …منكره بعض أو منحب بعض ..، لاء خالص علاقتنا حلوة وأخوية ! أما إيميليا هسبكم تعرفو مع الوقت !! وصل حسن الأول وبعده بابا ومعاهم يامن زوج خالتي ليلى وسليم زوج خالتو نسمة وقعدو في المجلس .. واللذيذ بالموضوع إن بابا وعمو يامن وعمو سليم أصحاب من أيام الكلية ..افترقو بعد تخرجهم ، لكن القدر جمعهم بزواجهم من خالاتي ..ولحد دلوقتي علاقتهم قوية وحلوة أوي ! ~~~~~~~~~~~~~~~~~~~~~~

حسيت بالملل ، اصل ماما أخدت خالاتي في المطبخ بيحضرو العشا ! والشباب قعدو بغرفة حسن وبيتفرجو عالماتش ! مريم رجعت من عند صاحبتها وخرجت البلكونة تلعب هيي وحسن الصغير .. ( مريم أختي الصغيرة عندها 9 سنين .) وأنا رجعت أوضتي وقعدت على مكتبي … بفكر في اللاشيء ..! حاسة إني هضعف تاني ؟! طيب ليه ..؟! معقول بعد العشر سنين كلهم ..مقدرتش أنساها !! من لما قامت من القعدة معرفش راحت فين .! مقدرتش أنساها ، سامحتها ..معرفش !!

ومش قادرة أنسى الموقف ..ولا نظراتهم ..ولا الكلمة !! عيني خانتني للمرة التاني ..ودمعت ! بقا أنا كاميليا أدمع عشان موقف قديم ؟ من الطفولة كمان ! سندت رأسي عالمكتب وغرقت بأفكاري !! ▪︎ محدش يلعب معاها ! ▪︎ الوحش جت اهربوا ! ▪︎ يا ميلوو إنتِ ماشية مع الوحش ؟ مش خايفة تأذيكي ؟ ▪︎ يامستر كاميليا بتخوفني….خليها تقعد بآخر الفصل .

* محدش يتكلم عن كاميليا كدا ..دي صحبتي ومش وحش ، أنتو الوحوش بقلوبكم السودا دول ..وعلى فكرة هيي هتبقى كويسة وأحلى منكم كمان !! _خلاص يا ايميليا أهدي . * لا مش ههدى إنتي مش سامعة همّا بيقولو إيه ..إنتي أختي يا كوكي..وأنا مش هسكت عن حقك أبداً ! _بس همّا معاهم حق …أنا بشعة ! وبشبه الوحش !! ولازم تفضلي بعيدة عني وإلا هيتكلمو عليكي ! * لا همّا الوحوش يا كوكي ..إياكي تصدقيهم !

ماما بتقولي إن اللي بيتكلم عننا بالسوء أكيد بيغار مننا ..وأنتي جميلة وزي الفل والدكتور قال إن البهاق ده هيختفي إذ التزمتي بالأدوية ! _تفتكري أنا حلوة بجد ؟! * أيوه ..وست الحلوين كمان !! _ومش هتبعدي عني ؟! * لا خاالص أنا لازقة فيكي طول العمر ..إلا لو كرهتيني هبعد فوراً ! _أنا مليش حد غيرك يوقف جنبي يا ميلوو ..أنا بجد ممتنة ليكي ! * وعلى إيه يا كوكي ..يلا تعالي هنام عندكو الليلة !

فقت من الحلم ده على صوت خبط على باب الأوضة ! _مين التور اللي بيدق كدا !!؟ ^ أنا تميم يا ستي وعلى فكرة أنا مش تور ..إنتي نومك تقيل ! _عايز إيه مش هفتح الباب بقولك من دلوقتي!!! ^ طيب آسف ..إحنا هنحط الأكل على السفرة ومامتك قالتلي أصحيك ! قمت فتحتله الباب : ^ أعوذ بالله من الشيطان الرجيم ..مين أنت ؟ _انا كاميليا مالك ..؟! ^ مفيش مفيش ..فتحتي الباب ليه ؟ مش قولتيلي إنك مش هتفتحي ؟

_آه صحيح ..عايزة اسألك ..ماما قالتلك صحيني بالطريقة الهمجية دي ؟! ^ لاء …بصراحة هيي أدتني ده وقالتلي اصحيكي بيه ! نزلت عيني للي في إيده ..إزازة مية ؟! _إزازة مية يا تميم ؟! ^ أيوه هيي قالتلي ارميها بوشها وهتصحى حالاً ..بس اعمل إيه الباب كان مقفول !! ( قالها بابتسامه مستفزةة جداً ) _ربنا كتبلك عمر جديد يا عيني ..تعرف لو صحيتني كده .، كُنت موتك بوقتها !!

^ لا وعلى إيه خلاص ..أنا صحيتك بطريقة حلوة ..يلا اغسلي وشك المعفن وتعالي بسرعة . _بقا أنا وشي معفن يا زفت إنت …أنا بستخدم أفضل الكريمات والماسكات عشان يبقى باللمعان والنعومة دي ..وفي الآخر تقولي معفن ! ^ أعمل إيه ..روحي شوفي وشك في المراية وبعدين أحكمي ؟! _ماله وشي يعني ؟! ^ خلاص إدخلي وشوفي ..! أنا رايح أهو . قفلت الباب و وقفت قُدام المراية : _عععععععععععع …صوّت بأعلى صوتي ..إي ده ؟! اتفتح باب أوضتي بسرعة وكان حسن :

= في إيه ياحببتي ؟! كُنت واقفة مصدومة كدا ..لوهلة حسيت شبح أخضر !! دي طلعت أنا .. قرب حسن ناحيتي …كتم ضحكته بالعافية عشاني .. ما أنا الدمعة بعيني ..شوية وهتنزل زي الشلال !! = إهدي إهدي ..إيه اللي جاب اللون الأخضر على وشك ؟! _والله معرفش أنا نمت وأنا قاعدة عالمكتب ..صحيت لقيت وشي كده .! شوية ولقيت زينغو ورينغو الفرع الصغير ..ومين غيرهم مريم وحسون ..كانو بيضحكو بهمس فاكرين إننا مش هنسمعهم !

جابهم حسن من قفاهم وحطهم قُدامي ! = إنتو اللي عملتو كدا . قالها حسن وهو واخد جو الظابط . ” ههه لا يا حضرة الظابط . = اتظبط يا حسوون لأحسن أعجنك دلوقتي ..وأنتي يا مريم .؟ _أنا إيه ؟ = هنستعبط ياحببتي ؟! يلا قولي ..انتي مبتعرفيش تكذبي ! _هو بصراحة ..آآ .آ = إيه ..هتفضلي التأتأي ؟ _إيه جو التحقيق دا يا حسن ..أنا حاسة إني بقسم ..مش في غرفة أختي ! = إسمي حضرة الظابط حسن ..ويلا اعترفي وإلا مش هآخدكم للملاهي ؟

_خلاص هتكلم ..بصراحة دقيت باب أوضتها ومردتش عليا قولت أكيد نايمة ..وحسون اقترح إننا نعمل فيها مقلب صغير كده. قاطعتها أنا : _أنتو جبتو المفتاح فين أنا متأكدة إني كنت قافلة باب الأوضة ؟! _بصراحة يا أختي العزيزة ..جبت النسخة التانية من ماما ..بس رجعناه تاني والله. ! = أها ..خلاص الجريمة اتقفلت والمجرم اعترف ..هو حسون كان شريك معاكي ؟ _أيوه .! = خلاص تعالو انتو اتقبض عليكو بتهمة التسلل وتخريب الممتلكات !

(قالها بسخرية ..هو بجد ميسخر من بشرتي ) _ممتلكات إيه يا حسن دي بشرتيي ..هيروح ازاي اللون ده ؟ قالت مريم وكأن براءة الأرض كلها اجتمعت عندها: _اغسلي وشك يا كوكي وهتبقي كويسة .. ضحكو كلهم ..حتى أخي حسن !! _اطلعوو براااا . خرجو كلهم ..روحت غسلت وشي وأنا بستغفر ..لأني هتفجر ..شوية تانية وهعمل جريمة قتل فيهم دول الاتنين وحسن هيحقق معايا. _لحظة ؟! يعني تميم شافني كدا ؟ قولتها بعد لحظة إدراك متأخرة .. _منكوو لله .

وخرجت برا أوضتي ! ~~~~~~~~~~~~~ إيميليا: من لما تلاقت عينينا …غرقت بذكراياتنا !! أنا مقدرتش أنسى ولا ذكرى بيننا …وكيف أنسى أجمل ذكريات عمري !! مقدرتش أكمل القعدة معاهم ..عشان عارفة إني هفقد السيطرة على دموعي ..وهعيط وأنا شيفاها مهمشاني ! أنا مش عارفة غلطت ب إيه ؟ أنا كنت معاها دايما !! فاكرة أد إيه كنت أدافع عنها …كاميليا تستاهل كلّ خير ..قلبها طيّب وحنونة معايا ..كانت خجولة بصغرها ونادراً تتكلم ..

وكنت أنا القوية و الاجتماعية، كانت بتطبطب عليا في حزني ..وأنا بدافع عنها قُدام المتنمرين! أما دلوقتي ..بقيت أنا الانطوائية ..ومنعزلة ! افتكرت وقت كان عمرنا 12 ..جت لشقتنا وقالتلي : _أنا بجد ممتنة ليكي يا إيميليا..تعرفي بدونك كنت هفضل البت الخجولة والانطوائية …دلوقتي بقيت أ أقدر أتكلم وأدافع عن نفسي ..ومبقاش فارق معايا كلام حد خالص ! ربنا يخليكي ليا ! = طب كويس جداً ..يا كوكي …ويخليلي ياكي يا حببتي ..

بلاش شكر إحنا زي الأخوات ..وأنا أصلا مش هعرف أعمل حاجة من غيرك ! _تعرفي إني لو عايزة أعبرلك عن حبّي …هفضل سنين وأنا بتكلم ! = أمم وأنا كمان ..بدون مبالغة . _أيوه بدون مبالغة ..فاكرة لما كان البهاق مالي وشي ..وإنتِ الوحيدة اللي تتكلمي معايا في المدرسة ! = فاكراها ..بس خلاص. البهاق اختفى من وشك وبقيتي زي الفل ..والدكتور قالك فترة كمان وهيختفي من إيديكي تماماً . _أيوه صح .. يلا جهزي نفسك هنروح المصيف.

= حالاً ..أنا أصلاً مجهزة شنطتي من ساعتين . رجعت لواقعي وأنا بعيط ..طب إزاي أقرب صاحبة عندي تبقى غريبة كده ؟! كنا يومياً مع بعض !! في المدرسة في البيت في العطلة ..كانت شقاتنا مقابلة لبعض .. بس بعد شهر من الموقف دا ..في يوم كنت غايبة عن المدرسة كاميليا تغيرت ..مبقتش كاميليا اللي أنا أعرفها ..تجاهلتني ..حاولت بكل الطّرق إني أصالحها . قولت معقول زعلت لأني غبت وتركتها لوحدها ؟! كانت ترفض تطلع من أوضتها وأنا موجودة !

قولتلها كتير إني كنت تعبانة ومقدرتش أروح ..لكنها مسمعتنيش !! كان فاضل شهرين وينتهي العام الدراسي ..وللأسف كاميليا نقلت من المدرسة لمدرسة تانية !! بقيت لوحدي .. أهلي رفضو أنقل ..، لأن خلاص بعد نهاية المدرسة هنسافر ألمانيا .. مر الشهرين وهي رافضة تقابلني ..وسافرت وأنا في دماغي مليون سؤال …وملقتش أي جواب ليهم !!

عشر سنين مرّت ..وهيي وحشتني أوي ..نفسي تاخدني فحضها وأقعد أعيط ..وهيي تطبطب عليّا ..وحشتني سهراتنا عالسطح ..ولعبنا في الحديقة……وحشني كل شي بيجمعنا !! مقدرتش أكون صداقات في ألمانيا .. عشت على أمل إنها ترن عليا وتقولي مسمحاكي !! بس الظاهر من كلامها البارد إنها خلاص معدتش عايزاني !! خلال العشر سنين دول ..كُنت كل يوم أسأل عليها وأتطمن عليها من محمد ..وهو الحمدلله مكنش يقولها !!

أصل بعد سنة من سفرنا وقت أخدت إمتياز بإحدى المسابقات ، قولت ل محمد يقلها …فكرت إنها هتفرح لفرحتي وهتكلمني ..لكن اللي حصل العكس ، هو قال اسمي رفضت تسمع باقي الحديث ..بل تركته وراحت !! أنا معرفش عملت إيه للقسوة دي كلها .!! طلعت لشقتنا واللي بتكون مقابل شقة كاميليا !! قعدت بغرفتي القديمة وأنا بفتكر ذكرياتي معاها !! نمت على سريري وأنا ضامة نفسي وببكي بصمت . !

غصة احتلتني …ومش قادرة أبكي كالعادة . دموعي متحجرة بعيوني …معرفش لي مش قادرة أنزلهم ؟! حسّاهم حجارة فوق عيني مش دموع …هو أنا للدرجادي ضعيفة ؟! أو هيي بس وحشتني ومش قادرة أخبي ! صحيت بعد فترة معرفش الساعة كام ..لكن الدنيا ليل دلوقتي .. غسلت وشي وحطيت تلج لعيوني …حستيها بقت حمرا من كتر البكا !! ورجعت لشقة خالتو بالوقت اللي كاميليا خرجت من أوضتها ! = مسا مسا السُكر كاميليا . _مساء النور !

مشت كاميليا من قُدامي ..وبقيت أنا واقفة كده .. دي ردت ببرود ؟! …أنا متأكدة إن الصوت اللي سمعته هو صوت قلبي وهو بيتكسر !! دي كانت عبارتنا المشتركة ..كُنا دايما نقولها وإحنا منضحك .. حصل إيه دلوقتي !! نادت خالتو عليي : = إنتي هتفضلي كده واقفة عالباب؟! ادخلي يابنتي ..كنتي فين مامتك قلقانة عليكي ! _كنت في شقتنا يا خالتو ..أنا آسفة نمت ونسيت أأقولكم إني هنام !

= خلاص ولايهمك يا قلبي ..يلا تعالي أدخلي عشان الأكل بقا عالسفرة ! _حاضر يا خالتو يا عسل ! روحت وقعدت جنب ماما وتميم ..! ومقابلي تماماً ..كانت كاميليا ! أكلنا بجوّ أسري لطيف ..قد إيه القعدة دي وحشاني !! ^ هنقعد عالسطع تطلعي معانا يا ميلو ؟ دي كانت جملة تميم أخويا : _هتطلعو كلكو ؟ ^ أيوه . قال حسن : ” يلا يا بنتي مترفضيش ..بقالنا عشر سنين مش قاعدين كلنا سوا ! _بنتك ؟! هو أنت هتعايرني بالسنتين اللي عشتهم قبلي ؟

” أيوه أكيد ..انا أكبر واحد فيكم… وظابط كمان ..يعني هتطلعي هتطلعي معانا ..متقدريش ترفضي ! _ولو رفضت ؟! ” هاخدك القسم أكيد ! ( قالها بجدية مضحكة جدا ) _لا يا راجل . ” إيه ؟ _إيه ؟! ” خلاص قولتي إيه رأيك ؟! _موافقة هطلع معاكو وأمري لله . = أنا مش هطلع ! ~~~~~~~~~~~~~~~~~~~~~~~~~~~~