الفصل الثالث

رواية الوداع الصامت الجزء الثالث 3 بقلم ريمي الوداع الصامترواية الوداع الصامت الحلقة الثالثة كاميليا : = أنا مش هطلع ! ” ليه ياكوكي فيه إي ؟! = مش عايزة يا حسن وخلاص ! محمد اتكلم : _لا هتطلعي معانا ..وإلا أنا مش هطلع ! = فيه إيه يا محمد إطلع أنت واتبسط أكيد مش هتفضل لوحدك ! _يعني انتي تفضلي لوحدك كده عادي ؟ فوقي يابتي مش هطلع بدونك ! قال تميم بغيظ : _ليه إحنا مش ماليين عينك يا بيه ولا إيه الحكاية ؟!

ضحكنا كلنا عليه …بس هو كمّل : _خلاص متطلعيش ياكاميليا …وخليك هنا يا محمد ..أنتو باين إنكو مبتحبونيش خالص ..وعلى فكرة أنا هرجع وأسافر بعد يومين ومش هرجع ! = إنت جايب موهبة التمثيل منين يالاا ؟! اظبط كده وأهقل ..أ مك قالتلي إنكم هتستقرو هِنا ..وخلاص اطلعو أنتو وخُد محمد معاك مش عايزاه ..أنا بس حابة أقعد لوحدي ! _أنا عارف ياستي ..قولت لماما قبل كدا إني عايز أخش تمثيل بس رفضت !! بس لحظة إيه أمك دي ؟؟

عاساس هيّا مش خالتك ؟! رد محمد : _أنت مش عارف حاجة ياتميم ..دي مشافتش بربع جنيه تربية ! = والله ؟! طب مش هطلع بعد الكلام ده ! _خلاص خلاص أنا آسف ياستي ..قلبك طيّب يا أختي العزيزة ،خلاص اتكلم ياتميم . _ما إنت اللي جيت لتكحلها ف عميتها ..اسكت خالص وأنا هتصرف ! …كاميليا بنت خالتي العسل أنا جايب سناكات محشوة بكريمة حلوة وجوز الهند ..وجايب شيبسي بطعم السبايسي وفيه نوع تاني كده بطعمة الجبنة ..وكلّ الأنواع اللي بتحبيها !!

= أمم بصراحة والله العرض مغري وجميل بس لسا في حاجة ! _إيه هيّا ؟! قاطعتنا إيميليا وقالت : ^ كلو بسببي ..خلاص أنا مش طالعة . قامت إيميليا وخرجت برا المجلس ..! قال حسن : _ليه كدا يا كاميليا ..دلوقتي أكيد زعلت منك وهتعيط أنا واثق ! = مفيش ياحسن ..أنت خليك مع تميم ومحمد ..أنا هروح أوضتي .. _أنا نفسي أعرف اي اللي حصل بينكو ؟! = ماقولت خلاص يا حسن أرجوك . قومت من مكاني بس حسن أخويا مسكني وقعدني تاني .

_على فكرة أنا اخوكي الكبير وبكلمك ..عيب كدا تتجاهلي كلامي وتقومي . = أنا آسفة .، مكنش قصدي ..وخلاص قفّل عالموضوع ..أنا خارجة . كل كلامنا ده كان بعد ماخلصنا العشا ..ماما وخالاتي شالو الصحون وطلعو البلكونة يقعدو زي زمان ..وبابا وعمو سليم وعمو يامن نزلو يعملو رياضة …حاببن يرجعو أيام الكلية ! أما حسون ومريم اختفو ..يمكن نامو دول أكيد تعبو من اللعب طول النهار !! قُمت وروحت أوضتي وهبدت الباب بقوة . ~~~~~~~~~~~~~~~~~~ حسن :

_لاحول ولاقوة إلا بالله أهو القعدة خربت ياحسن ! (تميم) قولتله _يعني إيه ..اكيد مش هنطلع وهمّا كده ؟! لازم نصالحهم . _طيب متعرفوش أي السبب اللي خلاهم بعيدين عن بعض بالشكل ده ؟! (محمد) _حسن : أنت يا محمد وكاميليا قُريبين من بعض معقولة ماحكتلكش ولامرة ؟ _لاء صراحة ..وقت كنت افتح الموضوع ده كانت تسكت وتهددني إنها هتمشي إذا كملت كلامي وكنت اقفل الموضوع واسكت..، وانت ياتميم إيميليا حكتلك حاجة ؟!

_لاء صراحةٍ أنا فاكر من قبل ماتسافر بشهرين وإيميليا تغيرت ..أعتقد إنها بداية خناقتهم …أصل كاميليا ما ودّعتش إيميليا ولاسلمت عليها قبل مانمشي وكمان نقلت من مدرستهم القديمة ..أنا آخر حاجة فاكرها إن كاميليا كانت عندنا في البيت وتاني يوم إيميليا ماراحتش المدرسة ..من يومها ماشفتهومش مع بعض ! سكتو كلهم وتنهدو بقلة حيلة ! _حسن إنت تعرف ؟ أنت أخوها الكبير ؟! (تميم) _لا..انا فاكرهم تصالحو وخلاص !! _هنعمل إيه ..؟!

أكيد مش هنخليهم كده؟! (تميم) _أنا عندي فكرة ..أنا هطلع السطح وأرتب المكان اللي هنجلس فيه ..تميم هتتكلم مع أختك وتزن عليها هيي أكيد هتخبرك ..وحسن مع كاميليا ! _بصراحة يا محمد خطة حلوة ..بس مش هتظبط عشان أنا تكلمت مع إيميليا كتير وهيي كانت تقولي ماعرفش حاجة ..يعني مش هتقولي أي شيء!! _معلش باعم …بقالنا عشر سنين ماتجمعنا الجمعة دي هنحاول بكل الطرق نصالحهم !! _ماشي ياعم يلا نبدأ بتنفيذ الخطة ! _يعني أنا أروح لكاميليا؟

_أومال بقالنا ساعة منتكلم بإيه ؟؟ روح ياحسن الله يخليلك دا أنت كبيرنا ! _تمام تمام بهزر معاك …تميم انا عايزك شوية قبل . _تمام قال محمد : وأنا كمان ابقى انتظرني شوية عند الباب هقولك على حاجة مهمة . ~~~~~~~~~~~ عند كاميليا ..: روحت أوضتي وهبدت الباب بقوة .. نمت على سريري وعيني مركزة على السقف : هل أنا متعصبة عشانها زعلت ؟! ولا عشان طريقة حسن معايا؟! عيوني دمعت … طب هنفضل كدا كتير ؟!

..محمد كان معاه حق ..كان لازم أكمل العلاج !! بدأت أعيط ..عياط هستيري …الحالة رجعتلي من تاني ..وأنا ماصدقتش أتخطى !! ~~~~~~~~~ إيميليا: أنا ماتخيلتش إنها حاقدة عليّ للدرجادي ؟! كنت فاكرة إني أقدر أصالحها وقت نقعد مع بعض !! بس الواضح إنها مش عايزاني خالص .. مقدرتش أفضل ساكتة وحابسة دموعي . عشان كده قومت ورحت لأوضتي بشقتنا القديمة !

مقدرش أحرمها من القعدة ..عشان أنا عارفة قد أيه هيي بتحب القعدة على السطح وخصوصاً بالليل عشان تتأمل النجوم وتكلّمهم ..حتى كان عندنا نجمتنا المفضلة ..واسمها سيلا ! كنا نقعد كل يوم عالسطح ونحكيها عن يومنا ونضحك!! بس دلوقتي مبقاش من قعدتنا على السطح إلا الذكريات !! أصلها مستحيل تتكرر تاني !

شعور إن تكون صديقتي القديمة ..لاء إيه صديقتي دي ..هيي أختي وكل حياتي ..شعور إنها تكون مهمشاني صعب أوي ..محدش هيفهمه إلا اللي عاشه بجد !! عيطت بحرقة …شعور صعب وبشع أوي !! الحمدلله إن مفيش حد هنا وإلا مكنتش أقدر أعيط براحتي وأخرج كلّ اللي حوايا ! سمعت باب الشقة بيتفتح ..توقعت تكون ماما .. عشان كده مسحت دموعي بسرعة ..مش عايزة أخليهم يقلقو عليا .. بس بالآخر طلع تميم لأنه دق باب أوضتي : _أدخل . = ممكن أتكلم معاكي شوية ؟!

_تعال ياتيموو . = إنتي معيطة ؟! _لاء … = وعليا يا ميلو ؟! فاكرة عشان مسحتي دموعك مش هعرف ؟! _مفيش ياتميم ..قول عايز إيه ؟ = متتهربيش يا ايميليا ..إنتي بتعيطي عشان كاميليا صح ؟! هو قال اسمها ..مقدرتش أستحمل أكتر من كدا ..ورجعت للعياط ! أخدني تميم في حضنه وبقى يطبطب عليا…قد إيه الأخ نعمة حلوة يابختي بيه .. بقيت شوية كده وأنا بعيط وفي الأخر هديت شوية .بس بقيت شحتفتي . = حاسة نفسك أحسن ؟! _أيوه شكراً ليك بجد .

= بس ياعبيطة أنا أخوكي مفيش شكر بينا ..يلا مش عايزة تحكيلي في إيه .؟ وإيه اللي حصل بينكو ؟! _أنا والله مش عارفة …بقالنا عشر سنين ياتميم ، عشر سنين ماشوفناش بعض ..وفي النهاية ترفض تقعد معايا وترد ببرود عليا . !! أنا إيميليا ..بنت خالتها وصديقتها ..إزاي جالها قلب تعمل فيا كده ! = طيب اهدي اهدي ..أكيد مش في إيدها ..لازم تعذريها ! _عذر إيه اللي يخليها تهمشني ؟ وتعاملني كأني غريبة ..دي رفضت تودعني وقت سافرنا فاكر ؟!

= أيوه فاكر ..بس إنتي متعرفيش ظروفها ! انفجرت فيه من عصبيتي ..معرفش جاتلي منين! _ظروف إيييه؟! ظرووف إيه ياتميم اللي تخليها تعاملنيي كدااا؟! قبل كان عندنا 13 سنة وقولت ماشي كنت صغار أكيد دلوقتي تغيرت وسامحتني ..بس دلوقتي عندنا 23 سنة ..و واعيين وفاهمين ..مفيش مبرر لكل ده غير إنها مبقتش عايزاني وأنا مش عايزها من دلوقتي!! = إهدي ياحببتي إهدي ..والله كاميليا معذورة ..أنا آه معرفش السبب الحقيقي بس … قاطعته وأنا بصارخ :

_كفااية ..كفاية تقولي كلمة معذورة …أنت قولتها متعرفش السبب الحقيقي… ولا أناا ، حتى أناا معرفهووش …أنت فاهم يعني إيه تبقى مُتجاهل من شخص كان وتينك !! أنت عارف أيه معنى وتين ؟؟ ولا أنت مجربتش شعوري ..عشان كده طبيعي تقول كده !! خانتني قوتي ووقعت عالأرض !! = إهدي إهدي ..بالله عليكي متعمليش بنفسك كده ..هينزل ضغطك دلوقتي وهتتعبي أرجوكي ياحببتي إهدي .. فضل يطبطب عليا وحضني جامد ..هديت شوية .وقال :

= كاميليا كانت تتعالج عند دكتورة نفسية !! _إيه ؟! =والله …محمد من شوية حكالي ! مسحت دموعي ووقفت بصدمة …يعني إيه الكلام ده ؟ يعني هيي كانت تتعذب لوحدها وأنا مش معاها ؟ يعني أنا مفهمتهاش من الأول ؟! _وحكالك إيه ؟ أنا عايزة أعرف كل حاجة !! = طيب إهدي .وهتعرفي بعد شوية . ~~~~~~~~~~~~~~~~~~~ حسن : قمت عشان أروح أوضة كاميليا.. بس اتسمّرت قدام الباب أول ما سمعت صوت عياط مكتوم.. كأنها دفنه وشها في المخدة عشان محدش يحس بيها.

حزنت جامد قد إيه تعبت في حياتها .. لحد إيمتى هتفضل مخبية حزنها وألمها عنهم !! خبطت على الباب بهدوء .. فضلت شوية بعدين سمعت صوتها وهيي بتسمحلي أدخل : _كرميلا ..عايز أتكلم معاكي ! = مفيش مشكلة ادخل ياحسن . آثار دموعها باينة على وشها ..هيي مفكرة نفسها ذكية وإني مش هنتبه ! _عاملة إيه دلوقتي ؟ = كويسة بس عايزة أنام . _لاء مش هتنامي دلوقتي . = بس أنا عايزة كده ..قول عايز إيه بسرعة؟ _لإمتى هتفضلي تخبي ؟

اتوترت ..وعينها بدأت تتحرك بكل مكان ..إلا إنها تطلع بعيوني ! = أخبي إيه ؟ _أنا أخوكي الكبير يا كاميليا….يعني خابزك وعاجنك متل الفطيرة وبفهمك من نظرة ! ضحكت كايمليا على تشبيهي .. = عارفة ..وأنا بحبك أوي يا حسن .. بس أنا عايزة أنام .. _يووه إنسي النوم دلوقتي ..مش هتحكيلي كنتي بتعيطي ليه ؟ = مكنتش بعيط ! _أومال صوت مين اللي سمعته ؟! = أهو شوفت أنت مبتفهمنيش …أنت بس سمعتني وعشان كده سألت . _مش عايز شغل قلب الطاولات ده .

ضحكت ضحكة مستعارة ..بتحاول بكل الطرق تخبي عني أنا فاهمها كويس. _رُدي ؟! ~~~~~~~~~ كاميليا : مقدرتش أرد …ملقيتش أي كلام عشان أأقوله ..عارفة إني زودتها ..بس أعمل إيه ..مقدرش مقدرش أسامحها !! مقدرتش أتعامل معاها طبيعي ! _.كاميليا ..عايزك تسمعيني كويس ..إنتي فاهمة يعني إيه أكون اخوكي الكبير ، يعني بفهمك من نظرة عين ! .يعني قلبي بيحس بيكي دايما … فاكرة إني ملاحظتش لمعة عينيكي وإحنا منتعشى .. أو سرحانك بنفس الوقت ..

إنتي متعرفيش قلبي كان عامل إزاي وقت سمعتك …كنت حاسس بنغزة كده عشانك ، مقدرش أشوفك كده . إنتي مش بس أختي ..إنتي بنتي وصديقتي الوحيدة ، بير أسراري كمان…أنا دايما بقولك على كل حاجة …يهون عليكي تزعليني وماتثقيش فيا؟! هِنا مقدرتش أخبي أكتر ..معاه حق ..أنا معنديش غيره ! قعدت أعيط وأعيط .وهو ..حبيب قلبي حاضني ومكلبشني جامد ..اتكلمت بوسط دموعي : = إنت فاكر اليوم اللي غابت فيه إيميليا عن المدرسة ؟! _أيوه .

= في اليوم ده أنا فضلت لوحدي …خفت عليها جامد… قولت يمكن مريضة وهبقى أتطمن عليها بعد المدرسة .. سكت شوية وأنا بفتكر اللي حصل : ~~~~~~~~~~~~~~~~~~~~~~~~~~~~~~