رواية الرعناء والأشيب الفصل الرابع والعشرون 24 - بقلم زهراء العراقيه

نأسف على التأخير  امسية عافية عليكم،
عشرة ألاف تقرة وبس الف يصوت ادري هي نجمة شماخذه منكم فصلية عدواة وياي مرت ابوكم انا 🤐🙃 خاف اطلع احلام اني وما ادري بروحي 😎🥀😍

الوفاء رابط غريب الشأن ،لا يخضع لمكان ولا لزمان ،تخضع الحواس به على وجود حبل سري بينها وبين شخص معلوم او مجهول الصفة ،لكن كل ما تعلمه أنها به وهو بها ،كقمر لا ينفك عن الابتعاد عن مدار كوكبه...!
شخص يخصك ينام بحضنك تتنفس انفاسه داخل بأعماقة و محتضن كفوفة ،
حواسكم منجمعة سوية بلحظة خلوة حبيبين تحسة بسلم بارد لگلبك العليل ، وفجأة تسمع طبول الشك تنذرلك شخصك الخاص شاطرك بيه شخص ثاني
وتحول البلسم لسهام تجرح گلبك وروحك ، جنت محاطة بهالة يأس وحيرة وشك ، قبل لا يدخل الف موتة متت واحيا بدمعة حارة محتسرة ، اول ما دخل رحت عليه بودي اطعنة بگلبة واشوفه جرحي اشلونه
نسيت شنو سويت بس جنت اصرخ وانتفض ما اريده بحياتي اذا يخون كله صار مدنس و ملك غيري ،
ثقتي بصدقة هي الي خلتني افقد ، كان مثال حي بالنسبة الي ما يكذب يوعد و ينفذ شهم بمعنى الكلمة الصورة الكاملة انكسرت بداخلي بسبب كذبه اليوم ، واهمال البارح ،لكيت نفسي محصورة بزوية بدل الخزفية الي تناثرت طشار من رجعت عليها بلا ما حس ، ايده على حلكي و اعيونه ذبلانه ما تباوع الي بتجاه ثاني ،
- اعقلي شجاج ،
يسد اعيونه الصغيره و يفتح بيها بقوة عاصرها كأنه يريد ينفجر او يوكع ! وحد منهن اما دايخ او دا يصبر نفسه لا يمد ايده عليه ،

**
رائد
توني ضارب ابرة اونسلين حتى يستقر وضعي كان حيل صاعد مع اني ماخذ علاج ، دايخ واريد فراش هادئ انام بيه بعد كعده السيارة اليأسة ، لكيت الي ردت اصارحها واذب حمولي عليها ثايرة علية وما اعرف اشلون اسيطر عليها ،
لزمتها حتى اوكفها عن صراخها فضحتنا ،
ارتعبت اكثر و شردت من كدامي وتصرخ
-كلكم هيج ، اشعندك اخذتني ، مو هي جانت كدامك ؟
-هي منو ، لا اصرخين ، اعقلي ، ما جنت يم وحده
ولا سمعتني بصراخها احس صوتي ما يوصلها ،

ما انطتني اي مجال احجي ،
كعدت ابنها مصطفى يبجي بينا
شلته
-حبيبي ليش تبجي

اخذته لسريره سكته كال اريد ماي جبت اله و شرب وبدأ يغفي من جديد بعد ما طمن ماكو شي ،
اعيوني اجت تستسلم للنوم ، بس صحيت على دخلة نوفة ،
- كوم من يمة وحاجيني وين جنت ، عفته و جريتها طلعتها لا اصحية مرة ثانية ،

- جنت عند الطبيب مو عند وحده ،
صرخت بوجهي وهي تبعد ايدي عنها
-جذاب والله جذب
فاض صبري و ازداد سخطي و كرهي لجنونها المبالغ بيه ، لعنت الشيطان و درت وجهي عنها اضبط اعصابي لا اتهور وياها ،
-ها شو درت وجهك.مالك عين تباوع عليه ،
احجي وياك ، ليش اخذتني مدام انت وياها ع علاقة ،
- ماعندي وياها علاقة
كعدت على الطقم واحس التعب ينزل لرجلية ، افرك بجبيني حتى يقل وجعة
-شو غطيت وجهك.، احجي كول اي شي
- كنت يم الطبيب وتأخرت اشوية ، اساسا اني ما كذبت على اساس امر بهلي بعد الطبيب بس ما صارت فرصة ،
اكعدي خل اشرحلج
-والله لو تحلف بالكعبة ما اصدكك كلكم نفس الجذ.....
-لا اكلمين
طلعت من طوري كلساع وعايده كلمة لكيت نفسي واكف كدامها مشنج الاعصاب واصرخ بوجهة
- منو جذاب ولج اتغلطين واصيحين ، شنو شايفتني كدامج هااا حقيرة
- لا تغلط انت الحقير و خا...
دفعتها وكعت على الارض وانحيت عليها ، رفعت وجهه من ذقنها
- اني حقير هاي تربيتج اتردين على زوجج الغلط ،
وكفت واني ذرة عقل ماكو براسي
- بسيطه اني صوجي مو صوجج
ردت اطلع من الصالة وقفني كلامها
الباكي بصوت يرجف
- روح الها يا خاين ،
رجعت الها مسرع زحفت هي يم الحايط وغطت وجهه بين ركبتيها ،
عفتها و شلعت الشراشيب الفضية تبع فتحة الصالة ؛طلعت كعدت بالسيارة واحس راسي كله اشتعل و سواد شعري راح يتحول كله شيب ، الحريگ مال اعيوني خله الحرارة تطلع منها ، كمت اتعرق بصورة مو طبيعية و نفسي ذاق ، عبالهم الهدوء الخارجي نعمة ، لكن هو نقمة تكلفك صحتك وانت تحبس كل مشاعر الغضب داخلك وتجي على نفسك في سبيل ماتفقد رشدك ما تتحول لحيوان ، امر سريتنا يريد يطيرني لمكان بتلفات الدنيا لو بعملية النقل للموصل الي صرت ما اريدها بعد ما صارت الي اسرة و كلها حاقده علية لأن ماشي بما يرضي ضميري  مشاكل الجيش اذتني حيل ، و مشاكل زوجتي النفسية خلتني اندم اخذتها ، لينا ما ترسل الي من وفاة بيبيتها لكني من شفتها على الدوام تراسل ومن أسال تكول لينا ، اخذت تليفونها و فتشته شفت القهر !،حتى ما دخلت لمحادثتها ويه لينا ، القهر بمراسلتها لغير شخص !!
اجيت اصب كامل غضبي عليها و اضربها لو لا إني لزمت اعصابي وتركتها ، الوقت المر غير معروف ، معندي تليفون اشوف بيه ، نسيته عند رسول من جنت يمة لازم اخذه من اهلة لأنه التحق بديالى ،
اخذت علاكة العلاج من المقاعد الخلفية ونزلت بعد ما ارتكز عقلي و انخمد غضبي المؤقت ،
لكيتها بالغرفة تلم بملابس
شمرتها على السرير يم الجنطة !
-هذا العلاج و بوسطه الوصفة شوفي بيها تاريخ اليوم ،
اخذت غيارات وهي  ولا كأنها سمعتني اجيب ملابس واتحط.
دخلت للحمام و فتحت ماي بارد يطفي الحرارة الي بيه ، ترست البانيو ، ودنكت غطيت راسي بيه متوسلة يطفي حرارة اعيوني و يبرد عليهم ،

***
نيوفر

الوصفة صدوك اليوم طلعت العلاج ،
صفنت على الحبوب ، و محلى مشروبات لأهل السكر ؟ والباقي معرفه ماليش بس
هذي بيبي الله يرحمها تاخذ منهم ذني مال سكر ،
-سكري ؟ لو واصفه اله لغير مرض
زين والمحلى !؟
تانيته يطلع وفكري مشوش بين فهمي والايام الراحت اهماله مال واحد عنده بديل وبين روحتة للطبيب ، طلع وهو ينشف بشعره ،
- هاي عود صدك
ما جاوب
- شنو اشبيك من شنو اتعاني ؟
- اعاني من سكري ، وداعاني منه من ايام ومغلس ، تعبان وكاره الحياة لا متقصد بهمالج و لا فكري وياج اصلا
كالها بنتر ، و اخذ مخاد و شرشف وطلع
رحت وراه
-رائد احجي وياك ، يعني انت ما جنت يم وحده الله عليك ريحلي بالي ،واحلف انت مريض ومو يمها جنت
شمره المخاد على القنفة والتفتت عليه
- الي يريح بالج اني مريض ، ايبااه اشكد اتحبيني لعد
-زين ليش مترد على اتصالاتي ليش اصلا مكلت الي انت مريض ، ليش هااا
-اريد انام تعبان خلي عندج ذرة ذوق و اتركيني بحالي ،
انطرح ع القنفة بالاستقبال ، وانطاني ضهرة
كعدت على ركبتي وادية على خصرة
- انت مكلت الي ، صوجك ضام عني شي مهم حيل ممعتبرني مرتك لهسة
اريد استرسل بالكلام مكدر سيطرت علية العبرات والشهگات
رحت ورجعت اله بيدي تليفوني
-زين كلي شسوي هذا رضوان ديخابر ويمكن بطريقه الي
ماكو جواب
- اني خابرته يجي ياخذني
وخر الغطى عنه وكعد. و وجهه منحني
بعدين رفعه
واعيونه حمر غائرات ،
اخذه مني و راح دخل للغرفة واني خفت اروح وراه ،
طلع ورجع لمكانه
- شصار
- روحي من وجهي
-عبالي رجعت الها من عفتني و ما اتحملت اظل يمك وانت ما معتبرني
و دفعتني واجيت تضربني ،
هم وخر الغطى وصاح
- اطلعي مناااااا
اطلعي
شردت من يمه ،
خابرني ورة دقايق مرة لخ رضوان
- ما اتكولين اشصاير هااا
-ماكو ماكو شي
جنت اشاهك
- شنو معقولة رائد هسه مهددج تحجين هيج ، وخايفة منه
- لا والله
-اي هو اني هم ما اصدك يسويها؛ زين لعد ليش اتصلتي بيه تبجين طيرتي عقلي وتعال اخذني وابسرعة ؛ واخابر رائد افتهم منه ما يرد طلعتيني ببجامتي !
والله اني بنص الطريق ترة
-لا ارجع ارجع
- شصاير ، هااا
-رائد شكال الك
-كال الي مشكله عادية وحليناها واتعذر مني
يا ربي زود الندم عليه ،
-انت هسه رجعت
-بطريقي لبيتنا الصبح اتفاهم وياج واسكتي لا تتببجين
سديته من عنده و دموعي منهمرة واحس نار الغيرة بردت من نحاية الخيانة واشتعلت بجوفي نار الندم و القهر على رائد هو بيا حال واني زودت ناره نار انوب بيه سكري طلع سودة عليه ،
اجاني مسج من رضوان.
-متأكدة انتي مابيج شي احجي رسالة خاف هو يمج مأثر عليج !
ابسرعه رديت عليه وحلفت مابيه اني اسرعت بالتصرف ،
انزاحت ستارة الظلام و الشمس اشرقت واني النوم جافاني البارحة ، من واني بالحمام سمعت صوت هشومي
- ماما انتي اهنا
-ها كعدت
طلعت اله
- عمو كعدني اروح للرودة (روضة)
عنده مشكلة بحرف الضاد ،
-اوكي عمو كاعد مو؟
- هزلي براسه دخلته غسلت اله وطلعت اسوي ريوك وعيني لصوب فتحته الصالة اتمنى يطلع من الاستقبال ويصبح عليه ناسي كلشي ،
ما طلع واتريك هشام ولبسته و اجاه الباص و رائد ما طلع

***
سما
خابرت لهفة البارحة بالليل من صارلي مجال
- ها ولج غسلتي عباتي ؟
- يا حبيبتي اليوم اشلون طلعتي من الدوام
-ههههه مثل ما دخلت ، انت اشلونج ههههههههههههه
-اضحكي اضحكي ولج والله مالي عين اباوع بخلقتج
-مالج عين وخلقتي ! هاي عود مستحيةمني ام كفشة
- اكولج اخوج خو ما حجى عليه اكيد اخذ نظرة عليه اووف انوب انتم متشددين
- لا والله ابد مجاب طاريج بس عن الحلفان كال ها ولج انت وصديقاتج امهات مشاكل هههههههه لا تغرج حماوته ترة وربي كلبه طيب ولين من داخل
- اها احجيلي عنه بعد اكثر
- اي وحباب مثل علي ، ترة علي وردة
-اس اس كافي ادللين بيه كسرتي خاطري ههههههههه
اكلج عفية خو مو باجر يوصلنا رضوان مالي عين اشوفه
- ههههههه لا تخافين هو عنده دوام ومن رايح للدائرة متعارك وية النائب هههههه دمرناه بتوصيلة وحده صارت بلاء عليه.

***

نيوفر
كعدو صوفي وتوتو واحتاريت بيهم وفكري بالي ما طلع من الاستقبال ولا طلب حليب كالعادة ،
رحت اله
طليت براسي عليه اشوفه شنو يسوي . ما مبين منه شي حاط المخده فوك راسه اعتقد نايم بس علاجه فوك ع الطاولة كدامه
سويت اله حليب و حاولت اصحي
-رائد الساعه ١٠ ، ماعندك دوام ،
سويت الك حليب اكعد ،
حطيته ع الطاولة واتقربت عليه ربتت ع متنه حتى يكعد
وخر المخده من عن راسه ومن غير ما يحجي راح غسل ، ودخل للغرفة ،
جبت اله الحليب
-اشرب شي مو زين علاج بلا اكل
طلع من البيت
قريب الضهر ، اندك الباب اتوقعتها مراقبة باص هشومي رجع ، رحت فتحت طلع رضوان ،
- السلام عليكم
جاوبته ودخل للبيت
- فهميني اشصاير
سألني وهو يتفحصني تفحص
-ماكو شي تمام ،
كعد وعاقد الحاجب و ينتظرني احجي ما اعرفه شنو
-يلا احجي ليش اتصلتي بيه

دنكت خجلانه
- عبالي رائد عنده وحده يروح يمها
- اي ضربج اذاج ليش اتصلتي !
- لا
-اذا ما ضربج ومشكله بينج وبين رجلج تتصلين ليش
اووف هسة ليش كمتي تبجين ، اشبيج
-مابيه ، بس اني غلطت
-شجاج ما تكولين شجاج
تنهد وظل يستغفر
-على العموم صار خير واني ما جبت طاري لا لبوج ولا لأحد همزين جانو نيام من ردت اجيج ،
المهم مرة ثانية لا اتعيديها حلي مشاكلي ببيتج
ما رديت وهو كمل بنزعاج
- خليتينا اثنينا بموقف محرج البارحه ، شجاج ، شو جنتي عند المرحوم ما نعرف اي شي عنج ، جية بالتواسيل الا ترضين تجين ! هسة شجاج ،
راح رضوان بعد ما اناطني نصايح واطمن علية؛ لكن ابد محاول يعرف مكنون الخلاف شنو او يدخل بحلة وهذا طبع والدي هم ما يدخلون ابد بمشاكل بناتهم الخاصة الا عند الضرورة .
،
استمر الحال احجي وياه ما يرد ولا كأني موجودة ، وبس ويه توتو يجاوب و يتحمل وجوده لأن صغير ما يفتهم اما البقية اسمعة يكول الهم كل يجون اله روحوا العبوا بعيد راسي يوجعني ،
وهذي الحرب الباردة الثانية الي يشنها عليه باقي الزعلات ابد ما يصرف هيج يجي يناقشني من اهدأ اني و يرضيني لو ارضيه ، بس من قارنته بفيصل اول مرة وهاي ثانية مرة
مر اسبوع وهو ينام بالاستقبال مو يم هشومي يخاف من السانه يفضح كدام الناس ،
**
سما
ما صدكت مسامعي من رضوان مصرف وسأل ابن جارنة ابو عماد اذا ياخذ خط بنات و قابل يوسف مرحب بالفكرة هو عنده سايبة  ، ولأن ابن جارنة و شافه خوش ولد وما تطلع منه العيبة بحكم الجيرة و خوفا على سمعتهم امن اله ،
-بس كون وياج فد بنتين
-عااا امنين اجيب اله اثنين ، اني معندي غير لهفة وين ما اروح اشحطها ورايه
- نازكة هاللهفة
-شنو شنو كلت
جنا كاعدين بالهول اني ع الارض اقلم فاصوليا خضرة
و هو على القنفة وبيده الريمونت
واني عفت السجينه و حطيت اديه على ركبته
- هااا عيني هاااا وبعد وبعد
زمخ بيه
- وخري  اشبيج
يمه عقد حاجبه ،
- تهيي يا الله خبلة
ورجع يباوع ع الشاشة
كعدت و اني مغتاضه منه الثكيل الطفس
ادردم بكلبي
باوعت اله بغل
ابتسم وكال
- اشكد عمرها
اتقربت يمه
-عمرها ٢٠ و اتخبل و عسل مصفى واخلاق وجمال و
- كافي ولج اشبيج انت ،اريد قابل اخطبها ،
-وشكو بيها
-دنجبي و ارجعي اشتغلي
-شكرا ، اجاوزك أبخلاقي
ضحك وهز ايده
هاي جانت اول مرة احس برضيوي قريب مني و امن سألني طلع الاخ هو هم معجب بيها ، شو من يمي كلبي كام يركص وانتعشت اووف من الحدايق يكسرون الخاطر حتى قصص الغير يجطلون عليها ويفرحون ، يوما الي ويطلع يوسف معجب بيه ، ايييه باجر ابدي اشوفه كل يوم ، الفرحة ما توصف اخذتني مشاعري العذرية  لعالم الاحلام الوردية بس الأحلام الوردية سرعان ماتذبل اذا ما يروها الأمل بالواقع.
جنت ما اشوفه غير صدف قليلة اما اذا صار كدامي  اكيد راح يتغير الوضع اكيد

**
نيوفر
اجاني هاشم كال الي
-ماما يكول عمو حضري نفسج؛انروح لبيت جدو راح يروح للدوام ،

اه يا وجع كلبي اشوكت يصفح ويسامح ،
ويبطل يدز هاشم مرسال ،
ودانا لبيت اهلي ودخل و كعد ويه بابا ساعه زمن والتحق بعدها ،

مرن ١٠ ايام وهو ماكو اتصل ما يشيلة ، لا يسأل بحيث حسيت هو دازني لهلي للأبد ،
احسة ملك گلبي بالايام المضت إضافةً إلى الحاجة والرغبة بحبة الي، بالرغم من كل نفور ببداية العلاقة احسة صار هو كل ما اريد بهذا العالم. عيشة هادية مع شخص هادئ حتى لو كان صعب المراس ، حبيت دقته اصلا صارت جزء مني تعودت عليها وحسبتها من اساسيات يومي ،
ملكيت حل ثاني استعطفة بيه دزيت اله بصمة و بس توتو يحجي وياه
كلت اله هذا بابا احجي وياه
يباوع توتو لصورة الدردشة صورة ابوه رائد
-  بابا بابا هبيبي
شاورته يحجي اكثر ما استجاب هو لوحده كال
-تعال بابا تعال
دزيته وعندي امل ضئيل يحن ، احس بتقيد ببيت اهلي ،اريد بيتي ، و توتو حقيقتا يريده اول ما اخذه جان عمره ٨ اشهر وهسة صار عمرة سنة و ٤ اشهر يعني انرسخ بعقله هو ابوه لان ديوعى على رعياته اله ، المهم ماكو رد منه ،
بالليل سمعت صوت صوفي بالهول يبجي وخاله علي يرزل بيه رحت افتهمت موكع تليفونه ندكت الباب ،
طلع رائد
ركضت سما لغرفتها و تمارة اتحط شي ع راسها و علي راح دخلة ، رحت اركض لغرفتي ،
-وج سما وين باودرج
- ضامته عن اني القادرة جوة الجرباية
هههههه
-يا ليش
-ضايجه من مكياجي و اخذته كله مني الظالمه اخذتله الها
-هههه حيل وياج لان طوختيها حيل
طلعته وحطيت اشوية يغطي شحوب وجهي ، طعت شفته الجهال ملتمين عليه و توتو بحضنه يصفك
ابوية كله
-ما شاءالله  متعودين عليك ،
كعد مع العائلة اشوية ،وكال الي حضري نفسج .
بالسيارة سألته
-اشوكت نزلت مجاز ؟
ماكو جواب  ، بعد خمس دقايق الا نطق
-اسبوع
-اسبوع !؟
كملنا الطريق سكوت و اني مرتاحه الحمدلله اجه ، لعد تسجيل توتو خلاه يحن ،من دخلنا احتار هو بتوتو واني لكيت البيت مغبر بس نظيف مابيه لا مواعين وسخه ولا ملابس بس غبار ع الاثاث ،
رتبت اسرة الجهال واني معزمة اليوم اصالحه فوك ال ١١ الا نامو الجهال وفرغت اله هو بالغرفه وتوتو يمه ،
دخلت شفته نايم على ضهره و توتو فوكاه نايم وغافي اخذته بحذر لا يصحون ،
حطيته بسريرة ورجعت لرائد منطي ضهرة ونايم ،
عقلي يكلي لا تسويها يروح ماي وجهج
وكلبي يكول صالحيه بلكت يرضى مدام اجه اليوم ،
اتحسست اضلعة
- رائد ، حبيبي سامحني ،
طلع صاحي جاوبني
- مابيه انام بالاستقبال ، نامي واعوفيني
- حباب كاف......
قاطعني بصوته الناعس
- مو حباب اني حقير !
نحر گلبي من ذكرني بغلطتي
- والله العظيم مقصدي اغلط ولا اقلل من احترامك اصلا ما ادري اشلون طلعت،
الله يخليك سماح ، بس هالمرة وعد
واابل من التوسلات انفتحت عليه مني لأن شفته بيه مجال من عاتب هاي فرجت وفتحت ابواب الجنه بوجهي

**
رائد

ليالي سودة  محتضنه روحي الي تأن من الوحدة  سهدتني ،معلگة بين سما ضبابية وأرض جرداء حتى فترت  بردت وتجمدت کل حواسي  رجعت وحيد ،سمعت صوت ابني الروحي يطلبني ، عرفتها تستجدي السماح بطريقة مشروعة ، لكن لا بالشرع ولا بالدين اتقلل من قيمتي كدام نفسي ، بس كل مشاعري 
كل المشاعر افتعلت  واشتعلت بحشاشة گلبي و توارت احتجاجا واستنكار اشلون اصبر شغفي  ما كدرت اردع أشواقي لطفلي ، وسعيت اله وجبته لحضني حسيت بشخص يبعده عني من طلعت الا فزيت بالكامل ،
ورجعت تطلب السماح ، والله لو لا معاناتها ما جنت متسامح وياها لهذا الحد
حسيت بداخلي اكتفى واريدها اتكون بجانبي بالفترة الجاية اكثر من اي شخص !
سألتها بزعل وتعزز مصطنع
- خو ما كلتي لأحد عن مرضي
-لا والله من دزيت الي رسالة لا اكول لأحد ما كلت ، بس ليش
- ما اريد اهلي يعرفون وخاصه امي اتكبر الموضوع ،
- بأمرك . زين دير وجهك عليه
- ما ادري
- شنو ماتدري
-بعدني شايل عليج ، ما ادري ارضى عليج لو لا؟
- والله العظيم وداعت اطفالي مراح اعيدها توبة
شو سكتت جاوب
رائد حباب كول شي ، ترة انت هم غلطت ليش ما كلت الي ، ؟
التفتت عليها مستأء من تفكيرها
- انت ما اتعرفين اخلاقي ؟  راح يصير الي سنة وياج  كدامج ملتزم بصلاتي و اعلم بيكم على  الوعي الديني والاخلاقي ،
شايفتني هالدرجة رخيص ،
- ما ادري والله مافكرت هيج ، عبالي ريما لفت عليك
-  ريما بت خالتي قابل اني ماعندي غيره امشي ويه عرض خالتي بالحرام! ، فكري اشويه
***
نيوفر
اشرلي على عقلي وكمل
- فكري اشوية بهذا المن الله حاطة الج ، حتى لو اشكين بشي ، واجهيني بحترام و حاجيني بعقل مو صياح وغلط ،
سكت من شافني ابجي
- اووف منج لو تدرين اشكد كرهت صورتج بذيج الليلة شكو تصرف عيب سويتيه
-اسفة
كمت عنه رحت للحمام اغسل واباوع لوجهي وارجع ابجي ،
دك هو الباب عليه ، طلعت ومدنكه راسي خجلانه اباوع اله . ما حسبتها هيج ابد
الموقف كله صار ضدي ،
- تعالي وكافي بواجي 

انطرحت وهو ابصفي حط راسه على متني و رفعه يشم بنحري وكال
-اشتاقيت لمسكني البارد

مفتهمت مقصده ، وجسدي من كثر ما متعطش اله ارتعش ارتعاشه سرت بأوصالي ، طيرتني لسابع سما  من رسم بوسة على رگبتي وهي لمسة بسيطة
-مشتاق الج ، و الي صار خليه درس ولاتنسيه ،
يحجي بأذني ويگرگرني ،  كمت وصار راسي فوك راسه
- رائد ، اشتاقيت الك حيل
بسته و حطيت راسي على صدرة استمع لدكات كلبة المنتظمة
- الايام الفاتت  بس افكر  بمرضك لا ياخذك مني ، والله متحمل اتخبل من صدك هالمرة ،
اترجاك لا اتعوفني بوسته وما اعرف عدد البوسات على صدرة مترجية لا يتركني وحدي ويستقوة على قدري المشؤم و يظل يظلل عليه مدا عمري ،

- راح اوافيج يا تالي العمر وعلته !