رواية الرعناء والأشيب الفصل السادس والعشرون 26 - بقلم زهراء العراقيه

"تظنّ أنّك بحاجة إلى الاختفاء؛ بينما أنت تحتاج إلى مَن يجدك فقط."

ابو التكسي صارت عينه عليه من صوتي الباكي  كملت كلامي وياها ما اهتميت اله
-اكلج اهلها عدها اشلون اتورطيني
ردت دموع بستغراب
-شورطج يا عيني اني كلت الج الي سمعته ، اتكول اله ما طول انت كايل لمرتك طالع تعال
اضاهر اشتبهت والله ثولة اني
-شنو ، اشتبهتي ؟
مو كلتي الي كالت رائد ؟ ذكرت اسمه لو لا
- ها مادري نسيت الله يخليج احلفج بأطفالج لا تكولين  اني كلت ، اكطعين رزقي
سديت الخط.منها قبل  لا افقد واصرخ عليها بالتكسي ،
امسح بدموعي وترجع تجري ، طلعت ممتأكدة و ورطتني ، بس اذكر كالت متأكده !
انفاسي مخنوكة من كثر الدموع والسيلان الانفي ، تسلل لگلبي خوف مضاعف من دك رائد عليه واني برة البيت حسيت نفسي عريانه بوسط شارع بطلعتي من غير علمه ، بس اريد اوصل
- عفية سرع خوية ،  سرع  السايق من غير ما يرد
ورائد الح بالاتصالات ، بالكوة تداركت نفسي و رديت عليه كابته دموعي
- الو ها رائد
-ليش ما اتردين عليه ؟
- م م مج مجان يمي التلفون
تلكأت بالكلام
- ليش انت وين ،؟
-ها جنت بالمطبخ  وهو بالغرفة صامت
- اني جاي ، انت وين هسة
- وين 
يعني بالبيت
سدة بوجهي ، كأنه قلبه علمه دكذب
شيوصلني للبيت ، سامحني يارب ،
تلوعت من القلق والتوتر  ، افرك بأدية واباوع للطريق بصورة عشوائية ، باوعت للساعة ب ٧ ونص ، هو اكيد يتأخر بس كون اوصل واخلص من التأنيب والخوف 
والهلع ، وصلت نزلت
السايق
-خوية الكروة ،
وكفت فتحت جزدلاني ، طلعت اله عشرة اخذها وكال
-اشوية هاي ؟
- شمرت خمسة علية من غير ادراك بس اريد اتخلص منه و رحت لجارتي نيزك ، ادك بالباب ، فتحتها نيزك
-ها حبي تأخرتي
-عفية الجهال وينهم
-ادخلي
-لا عفية
اجاني هاشم يركض و جابت الي توتو فاحط من البجي اعتذرت كالت ظال مستغرب
-والله اشكد  حاولت وياه ، ما سكت
من غير رد اخذته حتضنة على صدري اسكت نوبات بكائة ورحت لبيتي ، فتحت الباب ودخلت وكدامي الجهال  يطافرون ،
تنفست هوا الحديقة احسه كله دخلته بريتي من رجعت للبيت ، 

دخلت واهنا  اكتسح الخوف كل اعضاء جسدي و الدنيا ضاكت بعيني من شفت بصطالة يم الجزامة !
اريد ادخل تفهيت  سمعت صوفي يكول
-بابااااا
اهنا حسيت بتوتو يرفس بيه يريد ينزل اثاري اني بعدني شايلته ، اكو دگات بالگلب اتصير مرهوبة بيها تشابه  من دكات الفرح بس الفرق ذيج تركص مطروبة بقوة و هذي تركض مهلوعة بقوة !، دخلت بأقدام سأيحة مثل الجيلاتين ، شفته كاعد على الكروتة كدام الشاشة المطفية ، حاط رجل على رجل بس كتفة العريض صاير عليه و الجهال يمة وهاشم يسولف اله شنو سوة ببيت الجارة ، كام من بينهم ومن غير مايلتفتت الي ،
- تعالي  وراية .
عبالي ما شافني دخلت ! هسة هو لو مكايل تعالي وراية  كان اجيت وراه ، بس من نطقها بحروف تبث عداوة ونارخامدها مؤقتا جمد رجلية بمكانها ، صاح مرة لخ وهو بالداخل  خلاني اركض اله ،
-السدي الباب ،
جان كاعد على طرف ميز التواليت و بيده كرة اسفنجية صغيره لتوتو يعصر بيها وعينه  علية ، اني ركزت ويه ايده سببت الي توتر
-وين جنتي ؟

-جنت بال بال
-ب ال شنو ،
هااا
ضيق اعيونه صارت قريبه ع حاجبة الحاد ،
- طالعة  ، جنت طالعة ،

شمر الطوبة ناحيتي وكعت ع الباب فززني ، صارت عيني بعينة ، كام الي
لزمني من فكي
-اي انطقي وين جنتي ؟
- يم يم ،
غمضت  و نطقتها واني متوقعه دفعته الي
- رحت لشقة ريما
هد فكي و بأيد وحده عفص خدي بلزمته الخشنه
- شسوين ، طالعه من غير علمي ، شسوين ؟
بجيت
- عبالي يمها
هدني وبحركة سريعة شمرني على السرير ، بطني تأذت من حافته نصي على السرير ونص نازل ع الارض مثل شوال العلف على ضهر حمار! 
حيل مستفزة شكلي، فوك راسي يحجي و يصيح واني مرتعدة أوصالي و باگ الخوف لساني  وتسمرت بمكاني ما اقوة على الحركة ،كومني من شعري  سحلني وكفني كدامه واني لازمه ايده بحركه لا أراديه حتى اطلع شعري من جوة كفة
-اكذبين عليه ،
شسوين يم المرة ،  احجي اشعدج طالعة ؟
صعب علية النطق اسلوبة الجديد ،
- ع عبالي انت اهناك
-اني شسوي اهناك
هدني و لزمت راسي يوجعني كعدت على السرير متوجعة منه ،
هو بعده فوك راسي واكف
-فضحتني كدام خلق الله ،
حجيت واني ابجي
- والله عبالي متواعد  وياها
سد حلكي
- اش اش ماتعرفين اسكتين
احجي بس ميطلع الصوت اريد ابرر
-اش اش كرهت كلامج كرهت شكلج كرهتج يا همجية ،
دفعني نيمني على السرير وابتعد عني
-عبالي اسويج ادمية
كعدت متحملت اكثر رديت
- اشبيه ، عبالي انت يمها وغرت
صاح
-اس كلبة  
-مو كلبة لا تغلط
طلع وتركني   وحدي التسع بنار كلماته
***
رائد
افقدتني صوابي هاي المرة ، كعدت بالصالة واني ودي ادخل اشبعها كتل ما اتحمل منها بعد اي كلمة حيل مشحون ناحيتها شكو شي يحرجني اسويه وكذبت اشلون اثق بيها بعد  رحت لهلي امي طلبتني  ،

دخلتني لغرفتها وكاني بجلسة محاكمة ،
كان لونها اسود والاحمر مازجة لونين دلالتهم على الفاخمة و قوة مشاعر من يستخدمها ،
- يمة شوف وجهك اشلون ذبلان ، اشبيها مرتك اول تالي هيج اسوي
غطيت وجهي بأثنين اديه دايخ وحنيت راسي ،
- ماما صاير شي خلاها تحس بينك وبين بت خالتك شي ؟
احجيلي حتى اصرف ، ما معقولة من راسها رايحه تتهجم ، خليني افهم
- من افهم اني بالاول ! ، لا عندي علاقه بالبنية و كاطع التواصل من زمان صارحتها تبتعد دروبنا مو سوة !

- بس يمة ما يصير هيج لازم تفهم من نوفة

- مليت ، يوم مليت ، لا اني فاهمها ولا هي مفهمتني وحده مشوشة ،

گلب الام حس علية شنو محتاج ربتت على متني
- ليش تتعرق اهواي
مسحت بكفها الحنون وجهي ،
بست ايدها
- لا تخافين يمه تنحل تنحل ،
- وهاي اختي راح تنشرنا مرت رائد تهجمت عليهم اشلون هي ماعدها سالفه
قاطعتها بسؤال حيرها
-اشلونها ريما
جاوبت وعلى وجها تردد
- عوفك منها وعوف مرتك لا تحجي وياها منا من تهدأ اعصابك وافهم منها،
متعشي ؟

- لا ، بس يمة اترخص منج انام اهنا ، راسي راح ينفجر ،
نطرحت ، وامي غطتني وراسها فوك راسي باستني من جبيني وبلمسة حانية من ايدها على راسي حسيتها مهدأ لآلامي،
تركتني وطفت الضوة ،

**
نيوفر
طلع وبعد ما رجع ، نمت بليلتها وما صحيت لصلاة الفجر ذبيت تعبي كله بالنوم الي نزل علية  رحمة من ربي  هربني من افكاري ،
كعدت الصبح ع صوت الجهال رادو ريوك سويت الهم ، دشرب حليب ، دخل علينا رائد وشعره  نازل  على غير العاده ما مرتب بجل
- تعالي
ودخل للغرفة ، كلمة تعالي صارت مرهبة الي ، بس كون هدأ هالمرة وما يتهور عليه ويحاول يضربني مثل البارحة ، دخلت
و اطقطق بأصابيعي ،
- احجي على  شنو هيج الشك عندج  مفتعل
جان يفتح بدكم قميصة
شحجي وشكول هاي الف مرة حلفتني وتتوسل بيه لا اكول وهي مقصدها وما اريد اذيها واقطع رزقها ، تزاحمت افكاري وما اعرف الرد شنو ؟
- احجي ، فضيها ترة كوة لازم نفسي عنج

- شكيت بيك لأن هي معجبة بيك ، و

شمر قميصة عليه
- شنو شكيتي بيه ؟ ! ولج طفل كدامج
اني
سكتت وسكوتي ثارة اكثر يعيد السؤال  واني مجاوب عباله استحكرة ما يدري محتارة معندي جواب ،
غيره
-احجي اشلون عرفتي عنوانها
احجي منو كلج اني يمها ، احجي لا بالله اشوفين مني الي ما شايفته ،
- محد ، اني جبته من محادثة البنات
- زين شاكه ليش داخله بثقة عليها ، اني يمها هااا
- هيج
هم لزمني من حنكي ودفعني ع الكنتور
-اااخ اليده صارت بضلوعي رائ رائد
- تلفونج وين
دور هو بنظرةبالغرفة وراح اله ،
فتحه واني كعدت على الارض انتحب ،

-اشعدها دموع متصلة بيج الصبح  والبارحه بالليل خمس مكالمات
اشعدها وياج غير الشغل ؟

سكتت
- هي هاي تشتغل عند اهلي و خالة وعندج ، تجي لريما !؟
اتصفح بتليفوني و اني ضميت وجهي بين رجلية ، جنت ع الارض كاعده ، اضاهر شاف رسالتها اتحلف بيه لا اكول

- دموع اجيب الج هيج كلام ؟
دنكت
- احجي هي مسوية هاي اللبلبة ؟!
يعني هي ؟
غبية  غبية ، اتهدمين بيتج على كلام من شخص غريب ، اصدكين الغريب و اتشكين بالقريب!؟
شمر علية تليفوني وكال
-دموع هاي راح اتظل تجيج ، وشوفي اذا ما اسويها صدك واخليها اجيب الج اخبار صحيحه هالمرة
وكفت منتفضة بس صوتي ضعيف
- لا الله يخليك ، اخر مرة ،
حباب ،

رحت اله ما خليته يطلع لزمته من كفه
-حباب  ، عاقبني سوي اي شي بس لا تعاند وياي وتحرك كلبي
- لا خليها صدك السالفه دخليتها ببالي ، تدرين لو لا ، رجعت اتصلت بيها من بعد انقطاع بفضلج
-شنو  لا لا دضوج بيه مو ؟
التفت عليه مبتسم قاهرني اكثر
-  اعتذرت الها عن تصرفج وبكل ذوق ورقة قبلت الاعتذار وقدرت اني مزوج منو
نظرت اله بشراسة واتحولت نظراتي الي تطلب عطفة الى حدانية و عدوانية ؛
- سويهاوالله اخونك مثلك

هدوئه اتلاشة ورجع عصبي مثل قبل اشوية وهذا ريحني اكثر من دفعني ، لب عقلة من يطير يريحني اكثر من يهدا ويلعب بأعصابي
بس اذاني من عصر كفي وهو يكول
- عيديها هذي الكلمة وشوفي شصير
مع اني اتألم بس مسكتت
- لعد لا اتعيدها وتتصل بيها
كام يجغص بيه يعصر بجسمي الي على السرير واكع وضامة وجهي بين اديه
-شنو انت ما تردعين ، ما اتخافين ، مو بعينج ، لج زلم مشوربة تاخذ الي تحية وانت ما اكدرلج ، والله لعيد تربيتج

-مرباية اني
ذبيت الكلمة و غطيت وجهي
-واضح جدا، وين تربيتج هاي
- اي مرباية غصبا ،
ضغط عليه اكثر ،
-ايي ولك وخر

وخر عني وكان يصيح وبقمة غضبه

-ورحمة ماما مقصدي اكول ولك
-لعنة الله عليج وعلى امج
اني هم صحت لا تلعن امي وكمت عليه خرمشته على صدرة  ، شخطتة ضربني راشدي ، سطرني فر راسي فر ، اشاهك و ابجي و خدي يلسع
-والله مراح اظلك اهنا والله العظيم مراح اكعدلك اهنا ،
لملمت نفسي صرت قريبه ع عرش السرير و قرفصت ابجي ، هو طلع وجهالي برة يتباجون على صوت الصياح اسمعهم بلا احساس  هذي اللحظات  بالضبط تشبه آلم اخر صيحات الطلوك ، هذي الي ازور الام سكرات الموت بيها و تهذي بين الواقع وعالم ثاني زاهد ما تريد شي بس تغمض من غير آلم هذي اني زهدت كلشي بهاي اللحظة بس اتمنى اختفي  اختفاء فقط لا اكثر    ،
مر وقت كفيل خلاني افز على روحي و اشوف ابني الصغير الي فحط ، واشيلة اطمنه اني بخير ،
غسلت اله وجه و وجهي بماي خالي ورجعت للغرفه انطيته بسكت و فتحت البلي لهاشم وانطيت تليفوني لصوفي سكتتهم بشكل امومي فطري ، واني خدي بطل لسع  وحولة لگلبي الجريح

،،
سما
الناس ردوا خبر مرة لخ انهم غيروا رأيهم وانحبط رضوان من الخبر وحس نفسة تسرع حيل من كدامهم كال ترة ازوج اريد اطفال ، اعتقد رضوان كان شفاف زياده عن اللزوم وتصرفة غلط المفروض يكول لأمي هي توصلها الهم قبل لا انروح ، المهم كال سدوا السالفه
جان بغرفته وطالب مني احضر اله عشة جانت الساعة ب ١١ بالليل توه جاي من شغله بس هو ملان من اكل الكافتريا وهم يتغده العصر فياكل متأخر ،
دخلت عليه وبيدي الصينية الصغيره ،
حطيتها ع الارض وهو فز جان مكنك ، كعد شرب ماي
-رضوان ، شرايك تخطب لهفة ، وربي خوش ابنية

- صاحبتج !؟ هاي فايخه وينها ويني

-اشبيك انت جرب ما خسران

-لا خسران ماي وجهي كدام رائد
اخذني الواهس وكعدت يمة
- اخطب وحده صغيره وطالبة و فايخه و صغيره واني صاحب تجربة سابقة وين يقبلون بيه،
- ليش انت اشبيك واذا مطلق ما يعيبك
ضحك
-ولج انت قديمة البنات تغيرت وتشرط وهم هاي ما اتناسبني وحده حياتهم غير ، غير ملتزمة افكارها غير عني من دزتلي طلب صداقه ما استغربت ولا اخذتها بغير شي لأن اعرفهم ناس مو منغلقين مثلنا وهاي لهفة بنية افكارها جديده توالم علي خو اني اكل وشرب الزمن بفكاري ،

كان حيل رايق ومتفهم وياي يحجي بنطلاق ما معتبرني طفله كالمعتاد ، يمكن يريد يخلص من الحاحي بالتلميح لو حاس بيها ويريدني اوصل الها هذا الكلام بالتاليوجهة نظرة قنعتني الاعجاب مو كافي اكو فوارق اهم ،

**
نيوفر
بعد الحلفان الي حلفته اكلت تبن بأثنين ادية حسيت المكان خنكه ورطب بنفس الوقت و دبات التمن و الشكر وابطالة الزيت تزين المخزن بدل تحف غرفتي ،و المفروشات الصيفية الملفلفة يمي ، واني فارشه افراشات اسفنج الي ولأطفالي
اتكلب وادري ما رجع ، بالي عليه رغم الي سواه بيه بس جان تعبان وبس يتعرق و من يحجي صوته مخنوك ، علاجه اهنا وهو مكضيها بره ، لا يصير بيه شي ، الله ياخذني ويخلصني من سوء تصرفاتي ، ساعة السودة الي طلعت من البيت ،
انوب حلفت ما اظلة بيه وحبست نفسي بالمخزن لا ابطل حلفاني عاد مكان منعزل عن الغرف ، دياكل برة لا  زين يعرف يجيب علاجه من الصيدلية لو لا ؟   يم صديق لو بالسيارة ؟ قلقي علية اوشك يهدر صحتي اني الثانية ، كرصتني بكايه ع خدي ، حكيتها ، وتذكرت ضربه الي ،اشلون طاوعته ايده و يمد ايده عليه  مو يكول انت ابنيتي !  ، هنت عليه و ما لزم اعصابة ،  لو كرهني وبعد ما اهمه ، دموعي  ساحت  ، وهاجت حركة روحي الهشة ، حطيت ايدي على حلكي
حتى اكتم صرخة مدوية بداخلي لا تطلع لبرة ،  واكتشفت الحزن يسبب  ظلاماً  بالگلب اكثر من الخطيئة ، وما كدرت مطافي دموعي على خمده

**
رائد

اعتكفت ببيت اهلي بغرفتي السابقة والكل عنده علم هالمرة اكو مشكلة بينا بس محد يسأل خوفا من اجوبتي الملتهبة من اكون بهذي الهيئة الغاضبة، حتى والدتي اليوم اجنبتني من رجعت الهم ، اليوم هالني عسر الموقف و بدأت أعصابي تنفلتُ  بالتدريج مني وضربتها !
ضربتها و ما مستوعب لهسة لوين وصلنا
تنهدت ضجرا من هاي الحياة ليش ما تنطي شي مائل للكمال ، الطيبة لدرجة السذاجة ما تراد ، حبيت برائتها صح بس اكره الشخص الطيب العنيد الارعن ، ضربت ع الميز
-غبية 
لو ما مراددة واني عصبي مجان فقدت اعصابي وضربتها جنت ع المحك ،مبين تلفانه اعصابي غير تتركني من غير نقاش وكلام مخربط مستفز  ،هسة اكيد تبجي يا الله ، يجوز اهلها بدو بمحاسبتها ، مراح اتنام ليلها ،
تاتأت ولزمت راسي حاولت اصفى ع قرار
اروح هسة اجيبها منهم واحاول اقنعهم مشكلة عادية  لو تستاهل  ، اي  تستاهل هي من عقد الامور جنا هادين وماشية امورنا امنين طلعت الي بسالفه ريما ،
لا يكون ريما هي من مخطط يخرب حياتي ،

لا مستحيل تنزل لهيج مستوى نذل ،  اااخ من هاي الخبلة  تصدك  باهو الجان ،  و هسة حال الضيم حالها ،

شوو  ما اكدر انام اهنا اروح لبيتي افضل
طلعت  للسيارة ومتردد ما بين اروح لبيتي لو اروح الها ، 
وصلت وبكلبي اتأمل الكاها نايمة بسريرها
بس وين ام خشم يابس دفعه دفعتها خابرت اخوها ،مو ضربه عاد ، ويمكن حتى شتمتها والله ما اذكر !

دخلت متوجه للغرفه مالتنا بسغرفة الاطفال اول وحده فتحتها ما همة صابتني خيبة رغم متوقع هي مسويتها ،
دخلت للغرفة مالتنا خلعت الجاكيت مستاء من وضعي ، اول تالي امد ايدي على  مرة ،  اشلون اباوع بوجه اهلها ،
ااااخ
انطرحت  بوسط السرير  وافرك مابين اعيوني  بحيرة و ندم  مرت الدقايق متثاقلة كانها ساعات كان الدم يغلي بعروقي صدك لا كالو اليل مهيج الاوجاع
هيج الندم خلة  جسمي يتأكل ملامة ،
وبس صورتها كدامي وهي مشموره على السرير تبجي تعتصر ملاياتها بألم  رددت لا تبجين  حبابة  راسج بعيد و اجتافي ما توصل  اله  !
لا والله الا اروح الها هسة هاي نوفة يا رائد اشلون كدرت !

يتبع

اللهم صلي على محمد وآل محمد 
متباركين بمولد  طه الهادي  ،
حبيباتي الحلوات . هذي الاحداث النهائية القصة شارفت على الانتهاء بعد كم بارت وتنتهي تصويت + ارائكم وها باجر ماكو بارت