رواية الرعناء والأشيب الفصل التاسع 9 - بقلم زهراء العراقيه

رائد

   مدنك راسي هذا الموضوع يمس بيه    وتر حساس جدا يقتلني ويحرجني ويشعرني بضعفي ما اكدر ارفع راسي
واواجه والدي بكذبي عليهم مرة و بمرضي وعجزي مرة
 

         امي

-ابني  رد عليه كلامهم صح
رد الله يخليك

والدي
- خلي نفهم واكعدي
رائد ممعقولة حتى عليه ضميت وكذبت

لينا
- رائد انت....

قاطعتهم بصوت اجهش مقرب يثور

- لا يا والدي اني جذاب
رفعت راسي شفت بعيونهم الاستنكار و عدم الاستعياب
- اني عقيم يا يمة ما انجب . ما اصلح اكون اب مو بستطاعتي احس بالابوة
عاجز بعد شنو المرادف الي تردون  اسمعوه .

راد ينطق والدي
سكته بصوتي العالي الي عمرة ما انرفع عليه من قبل
- سافرت و عرضت حالتي بالهند نفس الكلام اني عقيم .

سكوتهم ونظرات الشفقة زادت من ثورتي
عقدت كفوفي ببعض
وكملت بتوتر و كل انش بيه يهتز عصبية و احتجاج على نظراتهم

-ضميت الموضوع حتى لا اشوف بعيونكم الي جاي اشوف
هسة واترحموني من الدعاء بمعجزة
تحل أمري ؛ لا اسمع
من الناس كلمة اتغثني لكن مدام اتضح الموضوع لحد يفتحه كدامي بعد

انتبهت لقدم رجلي اشلون يهتز توقف عن الكلام حسيت نفسي مغفل وصدك مثير للشفقة من مدا تأثري

لكيت ابوية كاعد يمي و حاط ايده على متني وبعيونه لمعه دمع
شفت بعيونه الي مستحيل يبث بعيوني وهو مخافه الوالد على ابنة
اخذت تليفون و هبيت واكف ابوية اعترض طريقي
-وين رايح اسوق وانت بهاي الحالة
لزمني من معصم ايدي
- اتركني رجائا هسة.
هديت ايده عني و طلعت شارد منهم
كنت حاسب حساب
هذا اليوم لكن مصورته هيج صعب عليه اليحبوني يعرفون بشي
حيل اتحسس منه ، شفت الجانب الاظلم من حياتي من عرفت
بخبر عدم انجابي اما هسة كل الجوانب صارت مظلمة  عتمة
ليل ما منه صبح يشرق عليه بنور يضويها اسوق بيأس بدون واجهة
واتخيل امي هسة
تسهر ليلها تفكر بيه لو شنو الفكرة الي اخذوها عن مرضي
ما شرحت الهم سبب عقمي ولا البتلاء الابدي ادية تعبت من السياقة رقبتي خدرت توقفت مثل المغمى عليه لا اني من الاموات انحسب لا اني من الاحياء ،اسنين عايش
وية هذا الواقع لكن ما متعايش وياه
ما اريده يضهر للناس صعب صعب اتحمل
نظرة المجتمع للرجل العقيم
_

_

في الماضي

لبنى وهي تحضر ملابسها لطلعة باجر من الليل! واتعطر بيهم بعد ما رهمت شنو تلبس وحطتهم بتعلاگة وحده

- ليش بالمجتمع اذا تأخرت البنية بالحمل
بس هي لازم تتحلل وعود اذا مرت فترة وهي مابيها شي الا الرجل سي سيد يشرفنا بروحه
كلامها خلاني اكسر القاعدة واروح متحديها و مسوي فحوص بنفس اليوم
 

واهنا الصدمة كانت كبرى علية من طلعت اعاني من العقم (بسبب اضطراب المهاد )
؛الانفعال والحزن على حالي جسد
الروح البطولية للبنى
و صرحت السبب منها لمعرفتها صعوبة الامر عليه مكان هذا الشي مريحني
لكن لذت بالسكوت من أن اواجه دموع امي ،
أسوأ شي  يصيب الإنسان أن يفقد شهيته بالقول ،بالضحك بإظهار رد الفعل ؛أسوأ شي يصيب الشخص يموت حياً.

لكن الايثار بدا يتلاشة من قلب لبنى بمرور الايام خاصة هي مابقى ببالها غير هذا الموضوع سهدها و قالق منامها وراحتها ظنت بعدي عنها والبرود الي حل هو بغضي منها لأن طلع السبب مني؛ صرت عدها لا احتمل ،لكن بالحقيقة كنت اريد من يوكف بجانبي و يتحملني الخبر كان موجع فقدني جزء كبير من ذاتي ولذة الحياة ،  تحسس لبنى من الموضوع زاد عليه صعوبة خاصه هي حملت نفسها كلام الاهل و صارت هي الزوجة الي حارمة زوجها من الاطفال بقدرة الله لكن هو العكس ،
المرأة  بس تهملها يبدأ الحب الي بداخلها بالنفاذ  . تصبر لكن يجي يوم وتتخلى عنك من غير ما تلتفت وراها و هذا الي صار قبل اكثر من سنة ونص الفتور زاد بينا و المسافات كبرت  والحواجز انبنت . تم طلاقنا بعد ما كشفت لهلها السبب  المنطقي والحقيقي .تركتني متمللة من عيشتنا الي اصلا ما عايشيها حسب كلامها اول ما قررت الهروب فكيت قيدها ، وما حسبت حساب احد ولا حتى فكرت بهذا اليوم .

*

سما
رضوان ممستوعب وهاي اتلفق كلام . اني ممصدكته ابد عن اختي
اهنا دك تلفونه هو اشلون المهلوع رد من غير تفكير سكت،وراها كال
-صدك
وطلع من البيت رجع ورة اشويهوبيده نيوفر
- تعالي

كعدها على القنفه
-سولفي اشعندج يم الجيران
و متصله بأميرة

احلام
- رادت تقتلني شوف
راوته اثر احمرار برقبتها
وكملت  اله
- وكتلت عمة شكت راسها شك
اخذها علي للمستشفى تجري عمليه !

-شنو؟

ظل يحقق ويه نيوفر بس ما تحجي خايفه وبس تبجي اجه بابا من الدوام وهم اتصل بعلي ما يرد ونيوفر ما نفهم منها شي وكلام احلام ما يدخل الدماغ

تريثوا بابا و رضوان منا من يجي علي

غديت جهال نيوفر و وديتهم يمها بالغرفة .واميرة اجتنا خايفه دخلت الها بالغرفة تفهم
.

اجت امي النا مخيطة كصتها

وعلي وياها اعيونه بكصته
- العار اذا لكيتها اكتلها هالمرة

ابوية
- انجب ...واحترمني اختك اهنا بالبيت .
شردت يم الجيران خايفه
رضوان
-شكو شصار

علي
- اختك خنكت مرتك وصلتها للموت و ضربت امي بكصتها مستشيخه والله شنو احلام كالت الها اشتغلي مو كله عليه .يعني كفرت المرة حتى بتكم هيج اسوي !

بابا كانه ما قتنع
- تمارة صدك ؟

تمارة
- والله كلشي مفاهمه اني ..
بس هذا اعليوي  لكيته هاجم عليها يضربها رادت اصده عنها بالممة واجت براسي فتحتلي كصتي  ساعه السودة الدخلت الجيرة لبيتي

احلام نبزت
-قصدج عليه موو  
-الي بعبة صخل بعد ؛منو دخل بين الاخوة
طلعت دموعها وبجت احلام
امي خلت وراحت كالت راسي ع المسكن زين ما اريد اسمع صوت حفيف الحياية !
.
طلعت اميرة
- بابا رضوان تعالوا  بالاستقبال بالله اريد احجي وياكم .

اني حشرت نفسي
رادت تدخل احلام
اخذت الباب وكلت الها
-لعد المن همه كاموا اسرار عائلة بابا
وسديته بوجهه

و دخلت يمهم

- بوية نيوفر تلفانه اعصابها

-اشبيها ...مدللها والله اعامل ولدها مثل ولدي واعز ... شمقصر وياها حتى راتب رجلها دا اسعى بيه الها اطلع اله تقاعد واصرف الاشهر الها الي ما استلمهن  و اروكض بالمعاملة بعد شسوي

رضوان
-اشبيها ليش هيج سوت ولا اتكولين الي بسبب الشغل

- لا لا ابد يا شغل ياريت عليه السالفه اكبر من هيج .
اني مو اختصاص نفسي بس قارية اشوية وعندي نبذة عنه

اليوم شايفه مرتك تضرب هاشم بقسوة مذكرة نفسها من جانت تنظرب بغير انصاف من تمارة من كثر حرصها عليها  .
اتكول ما حسيت بنفسي الا من ضربتني
خاله تمارة وو وخرت عن احلام
حتى علي من كثر ما ضاربها ضربته ورادت اضربه بالممة بس من شافت الدم وعت .اتكول فكري مدري وين يروح من اضرب . وحتى طلعتها من البيت لبيت الجيران . عبرت عن خوفها بطريقة خطرة
يا جماعة القصة مو قصة عرك نسوان  نوفة عدها تلف بالاعصاب نتيجه كبت

ابوية
-والحل؟
- والله ما اعرف بابا ماعندي خبرة لكن اذا اتريد اسالك عندي صديقتين عندي

رضوان
- لهلدرجه ؟
ترة خاف متوهمه .احلام مرات اني ودي اكتلها واتعقل .ونوفة صدك تعبانه اعصابها بس مو لدرجه الي وصفتيها

-واكثر يا رضوان اكثر

طلعنا من الاستقبال
شفت احلام دتمشي بالممر اكيد كانت تسمع ..اوف هسة حتى الله رحمك منها يا رضوان والطفل وكع من حبلت دعوفها من خرب ببليسها اشكد مكروهه .

؛
نيوفر

اخاف اطلع من غرفتي ...جاوبوا الغده مالتي للغرفه بيد سما
بس ع العشا اجت اميرة اخذتني واني ما اريد بالكوة مشتني
شفت هاشم بحضن خالة رضوان
وصوفي يم تمارة توكل بيه قبلهم كلهم
بادية كعدتني يمها ولا كانه صاير شي عجيب .

تمارة مفشوخه وكاعده  لو لا العلامه الي تركتها بكصتها اشك اني فاشختها
بس علي ينافخ واحلام ماكو ع السفرة .. احسهم كلهم منتبهين الي اشلون اكل اتقيدت و سما واميرة يقدمن الاكل الي ويرغبني بيه .

بابا
-اكلي بوية انت مرضع .

يا هاي شكو ؟؟
اتعجبت توقعاتي كلها غلط . حتى محد حاسبني ع طلعتي من البيت توقعت رضوان يهد البيت ع راسي . مو يحط ابني بحضنه  !!
؛؛

بعد ايام
مدري اشبيه  احس نفسي صرت معندي سيطرة على نفسي الساني فض حاد اقل شي اضرب جهالي .  ما راضية على نفسي من داخل واكول ما اصيح ولا اضوج تمارة بالمرادد مالتي بس اخرج عن السيطرة على اتفه الاسباب
و

المصيبة معاملة اهلي الي بدت حيل حنونه اقصد رضوان و بابا . واما تمارة ما اتخليني اشتغل صارت . ورجعت تتعارك ويه احلام وذيج اتعاند منا من فرك اذنها رضوان راد يوديها لهلها الا انعدلت اشوية والحمدلله اتخاف مني وبعد متتقرب لأطفالي .

؛؛

سما
قرروا اهلى يعالجوها نفسيا قبل لا توصل حالتها لفقدان العقل
لكن اميرة بس جابت الها طاري الطبيب النفسي لحالتها كومت الدنيا وما كعدتها
حتى على اميرة عصبت وصاحت صايره جدا اعصابها فالته عن التحكم بيها
فقررت اميرة اتعالجها عند صديقتها كالت
راح اطلب منها اتعالجها من غير ماتدري. لكنها يأسة حيل اخاف صديقتها ماتكدر او ماتقبل . وبالفعل كالت الها لازم تعرفني معالجة الها حتى تتجاوب وياي حاولي وياها بس لاتكولين الها اني المعالج  هسةحتى اذا فشلتي نتبع الطريقة الثانية ع الاقل بس اشوفها

**
نيوفر

هم اجتنا اميرة
من كعدت يمي واخذت توتو مني  اتلاعبة عرفتها عدها حجي

-اي اميرة كولي شعندج ؟

- شجاج تحجين من ورة خشمج

- امورة اشبيج هليام عليه ،يعني لاني اشوية مضغوطه سويتيني مخبلة احتاج طبيب

-لا حبي مو خبال .لكن كلنا نمر بضروف نتعب بيها .ترة الحالة النفسية مثل الجسد اذا تتعب و تعاني لازمها طبيب ياروحي

-يوووه اميرة كلامج مال المثقفين حبابه وفريه  دكتور يعني مخبلة وبعد شخلصني من احلام

- مو طبيب ؛ معالجه مرة مثلج تفهمج

-اميرة سديها للسالفه لا توصل لأحلام
وتشهرني بالعشيرة شهيرة

-على اساس هي وامها ما شهرنج هسة
تمشي وتحجي و اتكول حاولتي اكتليها ومسويتج تمشين بالشارع لبيوت الجوارين شعرج منكوش مخبلة
لا تهتمين الها واهم شي صحتج

اميرة تحجي واني بس اتخيل بشكل احلام المستفزة كدامي
كمت من يمها كالثور الهائج

-ولج وين تعاي مو احجي وياج

رحت للمطبخ شفت تمارة بيه
طلعت سكين واميرة وراية مستنكرة طلعتي ركضي
-وين نيوفر

عفتها وصعدت الدرج ركض
هي عرفت وصاحت لتمارة ولحكني .
صبح والزلم بدوامهم
فتحت الباب
لكيتها مكنكه
قفلته قبل لا تجي تمارة واميرة

اضحك مشفيه بيها واتلذة بشكلها الخايف وكفت اوكوف ع السرير. و ترجع للورة واتباوع للسكين ولنظراتي

-خايفة مووو

العب بالسكين بالهوى
-اذا اوذرج بالطول اسهل لو بالعرض

ترجف رجف كدامي
-حب ا  ة حبابة نيوفر الله يخليج

-اشبيج مو عندج ادين تعاي اتعاركي وياي  قاومي ههههه

-حبابة حبابة

دك قوي ع الباب خلاني كلش أتأثر لأنهم ظنوني صدك جنيت

- هاا خايفة

- لج نيوفر شجاج اشبيج هيج اسوين لخاطر جهالج عوفيني ترة تأذين نفسج

-ههع وليش اتأذى مخبلة و بشهادة منج نشرتيها بالعشيرة ههه
ضحكت ع نفسي وع وضعي و عليها و طاطيت السجين و فتحت الباب الي اكسر دك وتوسل الي

ذبيت السجين وعفتهن بذعرهن يدخلن الها.
وراها اجتني اميرة تسال ليش هيج سويت
-لا تخافين ما تخبلت بس ردت العب بعصابها لعب مثل ما شهرتني .
عوفيني وبعد لا اجيبين طاري الاطباء لا اتخبل عليكم

*
رائد
رحت لهلي وصالحت امي واعتذرت من والدي . وظليت وياهم على الغده

الوالدة حاطه على الميز ما لذ وطاب
ا

مي

-اليوم عندي يسوة كل الايام الفاتت انت مو ويانا

ابتسمت للطفها وبست كفها

لينا
-ليش عيني اني شنو هااا ماما

كعد والدي .وبلشنا اكل
رن تليفون لينا

-الو .

والدتي ما عجبها  الاتصال ع السفرة

- اها ليش صعب

كامت من يمنا  ورجعت ورة خمس دقائق
-اوف

-شكو لينا صاير يشغلج

- لا بس هاي صديقة اختها تعاني من ضغط نفسي . بس شنو عنيده ما تقبل تراجع طبيب نفساني مثل بعض الناس ..

صديتها بنظراتي تقصدني
اشرتلي براحه ايدها
كملت مبتسمة
-فصديقتي طلبت مني اني اشوفها واشخص حالتها لوين واصلة

-اها

ما اهتميت للموضوع
بس هي كملت
-خطية زوجها استشهد .  وهي هيج صار بيها

نزلت الخاشوكه والاكل وكف ببلعومي شربت ماي
وباوعت الها بتسأل
-هيج صار بيها بسبب حزنها على زوجها

امي
-خطية والله شكد عمرها
-اهنا المصيبة عمرها ٢٢ سنة بس

-يااا بعدها طفلة
-اي والله

سألت لينا
-بس لا عدها اطفال 
-اي

امي
-الله يلعن داعش
ابوية كال اكلو وكافي كلام

*

نيوفر
البس واني معاجبني الوضع ولا الروحه لبيت صديقة اميرة اقيس ابعاد نوافذهم اتريدني اخيط الها بردات ورطتني اني مو كلش ماهرة اخيط   لدرجة لذولة الناس الزناكيل بس مكدرت ارفض كان عربون صلحي وياها موافقتي لأميرة تقريبا ساومتني ما ترضى الا اروح اجامل صديقتها

-اشبيج كالبه الخلقه مو ذولة الناس الي بالسابق كتلتي نفسج  على دخلة بيتهم

منتكأ على الحايط وتحجي وياي
واني اعدل بشالي

- اي قبل هسة مالي واهس لشي بعدين تعاي كل يوم عايفه هالمسكين حاتم وجايبه افروخج على كلب تمارة ما اتكولين باجر يخونج لأن هاملته

ضحكت وكالت
- ام العريف حاتم يم اهلة اليوم يودي لمياء (اخته ) للطبيب مريضه
-يا اشبيها خطية
- اختناق بالتنفس  ما اعرف من ترجع أسألها عن السبب يلا فضيها

طلعنا الساعه ب٣ ونص العصر حتى نوصل للموعد .
اخذت اطفالي وياي بناء على الحاح اميرة معرف ليش !

وصلنا رضوان و راح . دكت الجرس اميرة

احد سألنا انتم منو عن طريق لاسلكي معلق
جاوبت اميره اني اميره لينا

رحبت بينا ذاك الترحاب

وكعدنا بالصالة الكبيرة الي مفتوحه على الاستقبال وتصميمها دائري الفاصل بين الاستقبال والصالة تحفية كبيرة جدا وحده فقط والباقي مفتوح
اباوع ع البرد
شاورت اميرة من راحت البنية اجيب الضيافة
-اميرة اشلون هيج اتورطيني لج هاي بردهم كلش راقيات لو افصل نفسي ما اسوي نفسهم
ابتسمت بخفوت . رائد حاس . حطيته جوة العباية ودرضعه و هاشم . اعيونه تتفحص المكان و احسه يريد يكوم لو لا التهديدات المسبقة مني يكعد عاقل .
وصوفي كام طفل ما يفتهم . صار يجول بالهول . هاشم غار وكام
-هاشم اكعد
- هااا مو هذا كام اني همين اليد اباع

يكلك متحف ابن الذين يمشي ويباوع ع الانتيكات والتحف والخزف
دخلت وبيدها صينية
- ليش متحنطة . نيوفر طلعي الطفل ورضعيه ترة محد يمنا .
اني وماما وحدنا نسكن اهنا
سالتها اميرة وابوج
-بابا ههههه دومه خارج البيت فقط بالليل يتواجد ورائد بناء على طلب امي اول يام اجازته فقط اهنا .وبعدها يروح لبيته ومانعرف اشوكت جياته

بدت تسال اميرة عن أحوالها

واندارت عليه . اووف يكلبي سالتني اشلونها الحياة بعد وفاة زوجي .
لذت بالصمت مجاوبت بس اميرة
ندستني كلت الحمدلله مختصرة
الآمي بيها. شكت الحال عن وضع العراق وهم رجعت تسألني اسألة حيل توجعني
-هم اتحسين بالوحده
انطيت رائد توتو لأميرة و اترخصت اجيب الجهال

وصلت لنص الصاله وكلت لأميرة اجيبهم وناخذ القياس وانروح.

طلعت شفت صوفي ماخذة الواهس ويفردش بالاحذية مال الناس والنعل الي بالجزامة

-ولك غبي
باوعت للثاني كاعد ع المرجوحة الي متوسطة حديقتهم اقصد بستانهم الصغير! على كثرة الزرع الي بيه

ظليت ارجع بالاحذية بايد والثانية لازمه صوفي

حسيت الباب انفتح ما التفتت بس سيارة دخلت . ردت اخذهم وعوفهن مطشرات اشكثرهن مداساتهم .
*
رائد
اليوم اخذت يومين انزل بيهم ارتاح
ما عدنا واجبات خارجية
ونزلت بملابسي العسكرية كلت اغسلهم فد نوب غسل البيت غير عن الجيش
وصلت للبيت . .. شفت كدامي وكف طفل. نزلت اجاني
- شلتي عمو انت الشلتي (شرطي)
ماما هذا شلتي

انتبهت ع مرة اتعدل بالجزامة .

اندارت علينا
كعدت يم الطفل الحلو ابيضاني وجه كل براءة
- انت ابن منو
- اني ابن الشهيد
كزبر جسمي كله من نطق طفل بهذا العمر هذي الكلمة بكل براءة
باوعت للمرة الي اجتنا اخذت ابنها من ايده
كمت وكلت
-على كيفج اختي ايده ترفه
سألت اريد تأكد من الي متلقنه الطفل صحيح
- ابو شهيد؟
-بلي
-وين استشهد
- بالموصل
-اهااا
استأيت لحالة عنده اثنين اطفال خلف ايتام بعده .
-اختي اي شي تحتاجين اعتبريني مثل اخوج ..
اي شي كولي للوالدة وتلكيه يمج .
طلعت كل الي بجيبي
ومديت ايدي الها
ما اخذتهن رفعت نظري عليها
اقل ما يقال عنها بنية باول ايام شبابها صغيرة وردة توها مفتحه متلبسة السواد
شفت بعيونها لمعة و استفهام ؟ !
انطيت الفلوس بيد الطفل اضاهر نفسها عزيزية
-زوجج المن تابع المرحوم ليش ماعنده تقاعد ليش تشتغلين بالبيوت ؟

يتبع

والله العظيم النت كان عطلان ليش البعض عباله اكذب واتهرب  وكأني اشتغل عنده وخايفه هههههه عادي عسى ما اغيب اسبوع  ترة القصة مطايرة اهم شي اني بخير😂😂 المهم اصلح النت واخيرا والله الكم وحشه
بنات ترة اني لا حاذفه  ولا شي هو وحده نتي ضعيف ينشر انصاصه تعبني
هاي كله اني احاول انشر ومحد حاس بيه