رواية الراقصه والسلطان الفصل الأربعون 40 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

ردت بس يخلص الدوام ...معقوله هيج جارم بي ومشوها ...
صح هو بلا اخلاق ويستاهل بس مو لهل درجه ملامحه متبين من الضرب الشي، من طلع من العماده مشفته بعد يمكن اخذ اجازه ...

مصدگت تخلص المحاظره واطلع گعدت بالحديقه بمكان منعزل محتاجه ابقه وحدي مشاعري مخربطه احس روحي تايها ... الدكتور يشرح واني بالي مو يمه، حر استولى على تفكيري كلامه البارحه مخلاني انام الليل ...
اني مو غبيه وافهم كلامه وتصرفاته واهتمامه بيه بس ماا اريد اتمادى بمشاعري اكثر خايفه،
خايفه منه ومن ابويه ومن الظروف ومن خديجه الي من اجيت لهسه حاده سنونها عليه وبصريح العباره تگلي حر اليه اني مو گدهم مو گد اواجه احد اني اضعف من هيج بهوايه اجيت هنا واقسى طموحي اكمل دراسه اريد احقق حلم جدي، بس وگعت بدوامه ما اتوقع راح اطلع منها سالمه ...

غمضت عيوني اجت صورته ابالي همست بقهر ... حر، واوف من حر
،اخذت نفس خليت ايدي على گلبي ...
خلي كل شي، يبقى سر بيك ...

باوعت للساعه، اتاخرت هوايه هسه اكيد صاير عصبي اخذت جنطتي وكتبي، وطلعت امشي بسرعه

وصلت اله وگفت دقيقه باوعتله ...شفته واگف منتجي على السياره ومجتف اديه لابس بنطرون اسود وقميص ابيض بارز عضلاته وضخامته شيلبس هيبه غريبه بي بداخلي ضجت من شفته واگف هيج گدام والبنات عيونهن عليه ...حاولت اشوف ملامحه معصب بس لابس نظارات ممبينه عيونه ...

اول مشافني اعتدل بوگفته اتقدم مني نزل لمستوايا اخذ الكتب من ايدي، باوعتله متفاجاه من حركته بس لو اعرف شعنده وشيقصد كل مره ياخذ كتبي ... مشيت من يمه
ردت اصعد وره بعد المعاناه مال الصبح ...

قبل لا افتح الباب حسيته صار ورايه فتح الباب الگدام وگال بصوت مگدرت اميز نبرته بس جانت هادئه ...
صعدي ...

نمارق رفعت عيني اله ملامحه جامده متبين شي، ما بيه حيل اعاند وما عندي طاقه لهل شي، صعدت بدون ما احجي كلمه ...
سد الباب ...وهو صعد

لا هو حجه شي ولا اني ...بس تليفونه كل ساع يدگ
وميشيله ...

مگدرت اصبر لازم اسئله مع انو 90 بلميه متاگده هو السبب ...
التفتت اله ردت احجي اجت عينها على ايده الملفوفه ، بعدين الخوف سيطر على گلبي سكتت ودرت وجهي ...

محسيت اله صوته الحااد يگلي بنبره بارده ...احجي

نمارق التفتت اله وگالت بارتباك ...هاا

حر الفتت الها وهو يباوع لعيونها بجرائه...شرايده تحجين گولي

نمارق حاولت تكون قويه وتحجي گالت بصوت خافت وهيه تباوع لملامحه وحركاته ...اا، انته، احم اقصد انته الضربته ...

حر بنفس ملامحه الجامده گال بخشونه ... اي انه

نمارق وهيه تحس بذنب گالت بنبره قهر ...ليش هيج سويت بي، اذاني اليه وربي ياخذلي حقي منه ليش اذيته ...

حر ملامحه اتغيرت وهو يضغط على فكه وبرز الويد برگبته ...باوعلها وهو يخزرها

عجل وحگ الله اذا طاريه ينجاب على لسانج بعد ، لو تفكرين بهل سربوت ،انهي خبره اليوم، افتهمتي

نمارق دارت وجهه بوجع عنه ...من غير ما ترد

حر راد يحجي رجع دگ التليفون ...
نفس الرقم الغريب ...جاوب وهو صاير ناار

حر بصياح .. انعل ابوك شعندك داگ كل ساع ابن الك

قبل لا يكمل اجاه صوت خديجه المرعوب ...
اني خديجه حر ...كملت ومنتظرتك

حر حاول يهدي نفسه وهو يباوع لنمارق الدايره وجهه عنه ...
عذرينه بويه ما عرفت رقمج اتاخرت عليج ...هسع جايج

سده وهو يشمر التليفون ويهمس بعصبيه ...الله يلعن ذيج الساعه

نمارق بضيگ وهيه تحس بروحها ثقل عليه تحسه يقصدها وبسببها اتاخر عليها ...

اريد ارجع بخطي ... ميحتاج توصلني وتتاخر

حر وگف السياوه وباوعلها وعض شفته بقهر گللها بعصبيه وقهر ...انتي ليش مصره اتسودنيني وتقهريني وانه وياج، ليش مصره اتخليني انزل دموعج وارجع اگره روحي الف مره واستحقر نفسي لان اذيتج،

اخذ نفس وسحب ايدها وحضنها بين اديه ...وحجه بخفوت وصراحه وهو يباوع لعيونها ... فهميني يبت الناس انه هاويج ، روحي بيج صارت، من يوم الشفتج بفاتحه جدج وانه مو انه،
گمت ما اعرف روحي ،اختنگت والدنيا ضاگت بيه
گمت اللوب اريد اسمع صوتج، گمت ادحج بلوجوه ادور عيونج السبني، وضيعن عگلي ...
هجيت من البيت، ما اتحملت ابقى وطاريج بكل مكان بي ...
حاولت اخفي مشاعري واسيطر على گليبي بس انه مفضوح، الكل شافني متغير مدوهن ...
ما عمر وحده سوت بيه هيج ...ما اگدر اكابر اكثر واتعب نفسج گدامج اكثر ...

ومن شفتج رد كل شي،اليه ...روحي وعگلي وگلبي وانتي ...

نمارق يحجي وهيه نزلت راسها صخنت من الخجل وگلبها تحس بي گام يرفرف ...تريد تسحب ايدها ميخليها ...متگدر تحجي شي،انخرست من اعترافه الصريح متوقعته جرئ،لهل درجه ...

حر ...ابويه انتي احجي مو وريتي لگليبي

نمارق وگوه يطلع منها الحجي تريد تسحب ايدها ...حرر هل كلام عيب، كافي عوفني، لو يدري ابويه ...
قبل لا تكمل صاح حر بضوجه وهو ملاحظ خوفها الزايد من ابوها ورعبها ... انه ما ناهبج انه رايدج حلالي خل يدري شيسوي،

حر راد يحجي رجع تليفونه دگ باوع ...اتذكر خديجه وتاخره عليها ...
ارتاحت من عاف ايدها اخذت نفس طويل ...

شغل السياره وحركها رجع حظن ايدها وخلاها على رجله ...
عجل عبالج خلصتي مني لتحلمين ...كلامنه ما خلص

نمارق باحراج وعتب...حرر

حر وهو يدخل اصابيعها بين فراغات اصابيعه ...اششش خليني احس بيج،

نمارق اني بين الفرح والخجل والخوف ما گدرت احدد مشاعري ...حاولت ابعد عنه مگدرت

وصلنه لخديجه هيه اداوم مدرسه بمدرسه ابتدائيه لكيناها واگفه گدام المدرسه ...شافتنه اجت تمشي وهيه تخزرني ...

قبل لا تصعد سحبت ايدي منه، ضغط بايده على اصابيعي باوعتله بتؤسل ...حرر فدوه وخر عيب

حر ابرود ...خلي تصعد مالي خص، ما وخر

نمارق برجاء ...عليك الله عوفني حر، راح تصعد عيب شتگول عليه

حر وهو يرفع حاجبه ...بشرط نمارق بتوتر وهيه تباوع اله وترجع تلتفت للجامه ...
شنو، شنو موافقه بس هد ايدي هسه

حر بنفس البرود وعلى طرف شفته ابتسامه مستمتع بخجلها وارتباكلها متدري هيه لو شافوها كل الناس،محد يهمه غيرها بس حب يستغل الفرصه ...

الساعه بلتسعه بلليل ...تلگيني بلسطح منتظرج

نمارق فتحت عينها بصدمه وگالت من غير تفكير باعتراض...
لاا طبعا مستحيل

حر ابرود وبنفس الابتسامه وهو يرفع ايده الحاظنه ايدها لصدره ...عجل بويه ابقي هيج شعدنه قابل

نمارق بتوسل وحيره ...حرر فدوه غير شي

حر بتاكيد...الساعه تسعه

نمارق شافت خديجه وصلت وراح تفتح الباب گالت باستسلام ... موافقه، والله عوفني بسرعه

حر عاف ايدها وهو يضحك ...

خديجه وهيه تباوع الهم بضوجه وحقد لان محاولتها بالتقرب من حر فشلت جانت مخططه يبقون هيه وياه وتستفرد بي ...بس،كل مخططاتها فشلت من شافت حر يضحك وياها ...شلونك حر

حر بخشونه ...هله بويه، واعذرينا على التاخير خليناج تنتظرين

خديجه بضوجه بس حاولت متبين... معذور ابن عمي،
نمارق شلونج اهلج شلونهم ما خابروج

نمارق بخفوت ...الحمدلله، اي خابرتهم

خديجه بخباثه ...وخطوبتج ويه ابن عمج شوكت لعد من تكملين لو بلعطله

حر دااس بريك فجاا من قوته انضرب راس نمارق بلدشبول ...
صاحت بوجع وهيه تلزم راسها ...

حر رغم عصبيته بس خوفه عليها جاان اكبر ...رفع راسها بايده وهو يباوعلها بلهفه وخوف وهو يگلها بخوف ...

بيج شي، اكو شي يوجعج

شاف احمرار بجبهتها ...خله اصبعه يتلمس جبهتها بقلق ...يوجعج

هزت راسها لا وهمس وهيه تحاول تبعد اديه عنها ...ما بيه شي

فجأ وخر عنها بقوه والجمود سيطر على ملامحه ...الطريق كله ما نطق وياها حرف واحد

يحجي ويه خديجه وهيه متجاهلها ...
جانت تحترگ وهيه تشوف الخبيثه تستغل الفرصه وتتقرب منه ...
بقت تباوع من الجامه والدمعه بطرف عينها من الخنگه ...بلحظه رفعها لعالي السما وبلحظه هدها للگاع

وصلو للبيت نزلت بدون متنطق وياه حرف واحد ...

سلمت على خالتها وصعدت لغرفتها ...وقفلتها

سمعت الباب تندگ دگه خفيفه وصوته يحذرها تفتح ...ما فتحت
تحس روحها مقهوره والدنيا خانگتها همست بوجع ...ربي وين اروح اني بشر شتحمل بعد  لشوكت ابقه هيج مليت من دنيتي، ...

ملگت مكان تلجاله غير النوم ...

راحت للجربابه غطت روحها بملابس الدوام ونامت
للمغرب گعدت ...
باوعت ساعه ثمانيه اتذكرت هيه ممصليه گامت تتعوذ من الشيطان ...فزت ركض للحمام اتوضت وصلت

غيرت ملابسها لبست دشداشه عريضه وشال ...اتمنت متشوفه ...
نزلت شافت رونق بلصاله ...لله حيو التنبل، دب مو بنيه

نمارق بابتسامه ...ولج بعدني مشبعانه نوم، نزلت اكل واساعدج بلعشا وارجع انام

رونق ...ولج شگد تنامين، دمشي للمطبخ اكلي سويت شلون كيكه ام الككو لتحبيها وامي مخدره جاي

نمارق ...اي والله جوعانه
رحت للمطبخ ...اكلت واني اتلفت لا ييجي حر

وره شويه اجت عمتي ...گالت يمه امج تخابر عليج تگول وينج ما تردين ...
نمارق بلهفه مشتاقه لامها ...يا عمه عفت تليفوني فوگ

صعدت لگيت امي داگه عليه خمس مرات ...
خابرت عليها حجيت شويه وياها ...
سديته منها ...
التفتت ردت اطلع منها ...فجاا دخل حر
بدون مقدمات سحبني من ايدي يصعد الدرج واني وراه ...
فتح باب السطح دفعني وسده ...

حر بعصبيه وهو يتقدم باتجاهي ...لج من الظهر لهسه وانه منعول والد والديه، مناطر گدام غرفتج وگلبي شااب ناار وانتي نايمه رغد، منو هذه ابن عمج وشنو خطيبج احجي بلعجل ...

نمارق شكد شايفته عصبي اول مره اشوفه هيج حسيته شويه ويضربني كلش خفت منه ...
ه ،هو دكتور و خطبني من ابويه وجدي قبل لا يتوفى ،وابويه قبل بس جدي گلهم تكمل دراسه يله

حر اتخبل من سمع هيج ...گام يكسر كل شي گدامه ...

end flashback ...

نايم على السديه الدم مغطي گدامها ...واگفه باخر الغرفه تباوعله وكل شي بيها يرجف ...

تسمع الممرضه تصيحلهاا ...دكتوره نمارق، نماارق راح يموت تعالي،
صاحت بصوت اعلى ...دكتوره نمارق المريض نبضه بده يقل بلتدريج ...دكتوره وگف گلبه

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

صباحكم سكر ...
باجر عندي محاظره ب 8:30 الصبح شلون راح اگعد ما ادري 💔👀...

بس ما گدرت ما انزل 😍...

وجاان نوصل 30k ✌️😍 ...

وبهل مناسبه بما انو الكل دا يدزلي يريد دعم حسويلكم دعم لفتره محدده للكاتبات المبتدئات ...

شروط الدعم ...

1-سوي متابعه لصفحتي وصوت لكل بارتات قصه "الراقصه والسلطان" واكتب تم، ولي يطبق يدزلي بلخاص هاي اهم خطوه حتى اعرفهم يكتبلي طبقت ...

2#-بكل بارت حنشر حسابين، بس بشرط الكل يتابع ليريد يزيد حسابه ...حتى الكل يستفاد يعني الانشر حسابه، يتابع البعده راح ينشر ...

3- والاهم يكون حسابك مفيد يعني الي يتابعك، يستفاد من محتواك الراقي والمفيد ❤️

بلبارت القادم حنشر اول حسابين انشالله ...

#يفدوه