رواية الراقصه والسلطان الفصل الحادي والأربعون 41 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

مو قصة عشك..
             سالفتي أنه وياك
   قصة روح تطلع من يمر  إسمك

دخلت واني احس بروحي مجروحه وجروحي رجعت انفتحت، موجوعه ودموعي تريد تنزل تعازي گلبي بماتمه بس حاولت امنعهن، ما ريده يشوف الييه واووف على البيه والوجع البگلبي يربي والله مقهوره على نفسي وعلى الصار بيه، خلاني احبه، خلاني ادمن وجوده ملكني وملك حياتي،اتزوجني وعاافني فجأ وهسه رجع ...
يمشي كل شي بامره، وبرضا واني لا شي من كل هذه ..وهيه رايد يرجعني لا والله ...ادفن گلبي بسابع گاع ولا اخليك تسيطر عليه مره ثانيه ...

وين جان واني،ليلي اتمنى الموت  حتى ما تعب نفسه ووضح السبب اليه ...هيج شافني رخيصه

من لميت جروحي وحاولت انسااه وانسى السواه بيه وابدي من جديد رجع ... احس بغضب وكره اله، من گلي سلطان سبب تركه اليه وحقدي عليه زاد، من
اتمنيت معرفت السبب، اتمنيت يطلع السبب مني عمري متخيلت فيصل ممكن يصدگ بيه هيج كلام،

للمره الثانيه اتمنيت الكاع تنشگ وتدفني،ولا اشوف نضرات نفسها الذكرتني بذاك اليوم، الذكريات تعدي عليه احس كل شي گاعد ينعاد وبسببه
خلاني تايها والدنيا تلف بيه وترجعني،اله

شرايد ،مني بعد السواه بيه شجابك وشذكرتك الدنيا بيا...

دخلت واني امنزله راسي حسيت بسلطان الي خله ايده على على جتفي وحضني اله، حسيته يگلي وياج احجي ولتخافين، ذكرني بحضنته من دخلني لفيصل اول مره،

اول مرفعت راسي صار گبالي گلبي ملخني من شفته، عيوني مگدرت تضم خوفها ورعبها من شفته مضروب والدم يحري من حلگه ولازم شماغه بيده يمسح بيها وجهها ودشداشته البيضه مدمره بدمه ...بس كابرت عرفت سلطان السوه بيه هيج مثل اخر مره التقو بيها ...ولان اعرف فيصل محد يگدر يضربه الا سلطان
جان مدنگ ومنتجي على ركبه ..اول مشافني رفع راسه بلهفه ...

نظراته نفسهم صحني عقلي نبه  گلبي همه ذوله النظرات الوگع گلبي بيهن ...

نزلت راسي واني اجمع روحي ...

سلطان بخشونه وايده نزلها حضن جفي  ...شيخنه هااي ام الشان، هاي سمر ال نمر

سمعت صوت رجال گال ...
الله حيو بنتي ...من رخصه الشيخ ناصر والشيخ شاهين ومنك سلطان عوفونا وحدنا انه هسع ابوها وانوب عنكم طبعا اذا معتبريني غريب امرأ اخر  ...
اني سمعت هيج لزمت ايد سلطان بقوه وهو حس بخوفي وگال باعتراض ...
ولا صغرا بيك شيخنا، بس الموضوع منتهي والبت جدامك، بس نعوفها وحدها لاع ما مقبوله ...
الشيخ بعشم ...عجل انه اگوم اذا مالي خاطر عدكم يبو ناصر وابوشاهين...

ابو ناصر ...اگعد، اگعد، شيخنا كلامك سيف، يله سلطان بويه امشي ...

سلطان وهو يعصر بايده بعصبيه ...بويه انتم طلعو انه ابقه هين، سمر متبقه وحدها هين ويااه ...
ابو عامر يباوع لسلطان ويرجع يباوع لفيصل وهو يفر سبحته گله بامر وحده ...
ابو شاهين امشنا ،والشيخ هين مو غريب يله نوگف بلباب بويه ما نبعد ...

سلطان وسمر تشد على ايده اكثر وميريد يتركها وحدها ...بس عمي
ابو ناصر وهو يسحب سلطان من ايده يگله بتنبيه...سلطان

سلطان ميريد يكسر كلام جده وعمه گدامهم واله مجان خلاها وحدها وياه ...شاورها قبل لا يطلع

بويه انه يم الباب لا تخافين صيحه وحده اطلعلج روحو بايدي...اخذي حيفج منه وانه بضهرج ...

عافها وطلع وسمر حست روحها تايها بدونهم بقت مدنگه بمكانها وهيه شاده طرف العبايه بايدها  ...الشيخ گال
بنيتي دحگيلي انه الشيخ محمد ال# جنت جاي اعقدلج ...
من گال هل گلمه، سمعت صوت حمحمه بعصبيه سكت الشيخ وراها وخله ايده على رجل فيصل الي يهزها بعصبيه وتوتر مباوعتله ...

كمل الشيخ ...بس الي صار ابنه فيصل طلع ممطلگج وانتي هسع مرته ...
رفعت نضري اله واني احاول ما اباوع لفيصل الي احس نظراته مشالهن عليه اول مدخلت ...گربي وگعدي بيني وبين زوجج ...وخلي نكمل الحجي

سمر بحده گالت وبصوت حاولت تخلي واثق...شيخنا انه ممزوجه، والگاعد يمك رجال غريب عليه

فيصل وهو يوگف گال بعصبيه وقهر وهو بده ياخذها ويروح من گدام الكل، ...سمر احجي كل شي الا هل كلمه انتي مرتي وانه زوجج،

سمر وهيه تتجاهله تماما حتى مباوعتله ...شيخ اني ممتزوجه ولا عندي اي شي يربطني بهذه الشخص ...
فيصل بقهر  ...سمرر
الشيخ ...فيصل اهده واگعد، سمر بنتي هذه الكلام ميجوز شرعا وقانونا فيصل صح غلط بحقج بس انتي مرته هسع، وهو راجع متندم يريد يلم شملكم

سمر باستهزاء ودموعها ما گدرت تسيطر عليهم وهيه تحجي بحرگه گلب ...لعد الي سواه يجوز ،الي سواه يقبل عليه الشرع والقانون ،طفله عمري 17 خلاني اتعلق بي وجبرني اوافق عليه، خلاني احبه اتحكم بحياتي ودراستي وتصرفاتي وحياتي كل شي يخصني بيده،
وبلاخير ضحك الكل عليه، حتى ما كلف نفسه ييجي وينهي ،الموضوع ويايه جنت رخيصه بلنسبه اله لدرجه دزلي خالته وبتها يتشمتون بيه  الي هوا اكثر الناس يعرف بيهم يكرهوني ...
بكل سهوله تركني بلا سبب، بلا عذر، رااح
هذه يقبل بي الشرع ...يعوفني سنين وهسع جايني والله عفتج لان دزولي صور الج،تدري على شنو اكل بروحي ندم على كل لحظه فكرت بيها بيك وكل دگه گلب جانت الك لو مراجع وباقي علاقل متصغر بعيني هيجي مثل ما اشوفك صغير لو صدگ جنت رجال وگد كلمتك وحبك ما صدگت بكلمه گالوها عليه،  يريد ارجعله لا والله ما ارجعلك، ومن باجر ارفع عليك قضيه طلاگ احنه انتهينا من زمان ...

فيصل كلامها جرحه بس رادها تحجي،ما همه كرامه ولا اي شي غيرها يعرف بيها مجروحه هوايه منها وطريقه وياها طويل گال بندم...اتقدم منها
سمر حذرته وهيه تباوعله بشراسه وتحذير...اياك تتقرب مني

فيصل وگف بمكانه ...سمر لا تحجين هيج، طلاگ ما اطلگ الا بحاله وحده تطلع روحي، بوكتها تاخذين حريتج ...

همس بندم وتوسل ...ول بويه سمره غلطت وانه انسان اعرف بروحي ما استاهلج بس شسوي ما اگدر اخليج اناني بيج،  حبنا يستاهل بداعت ايامنه لا تقسين گلبج عليه ...

سمر بعدت خطوه عنه وهيه تغمض عيونها بقوه وكلامه يلعب على اوتار گلبها ...
فتحت عيونها وباوعتله بحزن واستهزاء...لعد من دست على گلبي بمداسك، ما فكرت بحبنا ،من عفتني بلليله عرسي بلمستشفى بين الحياه والموت ما فكرت بحبنا ما ضل الك  بگلبي حب، مبقالك بس كره وهوايه هم ...

گالت كلامها وانطته ظهرها عن اذنك شيخ العندي كلته ...ويا ريت يتم الطلاگ هسع

الشيخ وهو ساكت من البدايه رادهم يحجون سوه ابتسم وهو يباوعلهم وخفه ابتسامته من وجهتله الكلام ...
گال بنبره حاول يبين الحزن بيها وهو يفتح الدفتر الگدامه...اذا گانت رغبتكم فيتم الامر الان

وجهه كلامه لسمر ...اگعدي بنتي هين
باوع الفيصل الي،واكف بمكانه يباوع لسمر بصمت ...تعال اگعد ابني كل شي قسمه وانتو ما بينكم قسمه ...

محسو الا فيصل يسحب المسدس ويخلي على راسه و و يتقدم السمر الي رفعت راسها ويه صوت سحب المسدس ...
باوع لعيونها المصدومه وهو يگللهاا بعشگ وخبال وهو يضحك بجنون...ول سمره الروح كتلج مراح تتحررين مني الا من تطلع روحي ،وهسع راح تخلصين مني
روحي العشگتج، راح اكتلها ...

سمر برعب گامت وجسمها يرجف عافت كل شي ضعفها بين عليها، وهيه تحذره ...فيصل نزله بلا خبال

فيصل وهو يلمس خدها ...عوفيني يبت گلبي، اذا ما سويتها مراح تخلصين مني ،اذا ما اخذتج هسع وياي اطلع منا جثه ،خلي اخذ حقج مني، اني خسيس وحقير ما استاهلج ...

سمر بدموع وهيه تحس الحياه وگفت بينهم بهل لحظه عقلها صورلها فيصل يكتل نفسه هيه شنو راح تسوي بعده معقوله كل شي ينتهي ...فيصل كاافي ،فدوه وخره

فيصل وهاي اخر فرصه گدامه اذا قبلت يعني بعدها تحبه وياخذها وياه واذا لا فهذه  اليوم اخر يوم بحياته مراح يعيش وهو يشوفها بحضن غيره  وهو باصبعه يضغط على الزناد ...
ماا اگدر ادحج الكره بعيونج ،انتي مرتي وبنتي وحبيبتي  ،لو يصلبوني هسع ما انطگ كلمه الطلاگ على لساني، لو ترحين هسع وياي لو يبت الناس احسن هل هذه النه انه اخلص من هل عذاب وانتي خلصتي مني وعيشي حياتج...
وحگ حبج اذا خذوج مني، انه كاتل روحي كاتلها

سمر اتخبلت بتوسل ودموعها ملت خدها ونست كل شي صار حست روحها رجعو سمر وفيصل القديمين گالت بدون وعي ...

فيصل اروح اروح ويااك ،وخره ...

*****
بره واگف وهو يروح ويرجع ميگدر يگعد من العصبيه ويضرب شيشوف گدامه، راح من جده وابو و گعد بخيمته بعد ما اتعارك وياهم ،
سلطان وهو يصبله فنجان گهوه ...شربها مره وحده
رغم حرارتها ...
اجااه صوت من وراه ...
على كيفك ويه روحك، شبيك معصب

سلطان باوعلها من فوگ لجوه دخلت للخيمه گعدت بعيد عنه صفن على شكلها وهو يشوفها لابسه دشداشه نمريه واكمام كامله مخصره على جسمها ورافعه شعرها ذيل حصان ونازل خصل عشوائيه منها ...

عض شفته وهو ينزل راسه ويشمر الفنجان من ايده ...
شمطلعج هسع، يمنه وادم لا يشوفوج مفرعه
قمر باستفزاز ... خيمتك بعيده عن المجلس، بعدين مجايه لسواد عيونك، ذياب دزني اشوفك خاف مسوي مصيبه هنا ...
باوعلها خزرها وما رد عليها ...يباوع للجمره العليها الدله وساكت

قمر وهيه ترفع حاجبها بمعنى ليش تخزر...صبلي فنجان گهوه

اخذ نفس وهو يغمض عيونه وهو گاعد على اعصابه ...صبلها فنجان ومده الها ...
قمر اشربي وروحي ما الي خلگج، هسع

قمر وهيه اجاهلت كلامه گلتله ...خايف،عليها من صاحبك وتحس بذنب

سلطان باوعلها مراد يحجي بلاخير استسلم وگال بصدق ...كله بسببي الا اطلگها واخذ حقها من عيونه ، بس،المشكله سمر متگدر بعد تعدي كسره فيصل

قمر بصدق ...بس هو يحبها وهيه بعدها تحبه بس تكابر ليش مننطيهم فرصه يتصالحون وقبل كل شي،فيصل صاحبك
سلطان بعصبيه ...ماكو فرص، الغدر مره يطلع من حياتي وفيصل،خاني وطعني بضهري،

قمر باعتراض ...ليش تدخل بقرارها اذا حبت هيه ترجعلها اتركها، هيه تحبه وصدگني واثقه مثل مگاعد اشوفك راح يرجعون الحب اذا دخل للقلب منگدر ننساه
ومهما صار راح نسامح ...وهل شي راح تسوي سمر

سلطان ومگدر يسيطر اكثر على اعصابه ...باوعلها وگللها ...طبعا بلحب محد يعرف اكثر منج

******
صباحكم ورد ❤️...
ورداتي اذا شفت التفاعل قوي باجر حنزل بارت، ولو عندي محاضرتين بس تدللون 🥰

بنات بلنسبه للدعم انشر بلتسلسل حسب اول حساب طبق وهكذا الكل حينشر لتخافون ...

حسابات الدعم  ...تابعوها واقرو قصصهم يا ريت الكل بتابع حتى يصير دعم قوي، والكل يستفاد

zahraa_Rk

NOOR_nahidh

#يفدوه