رواية الراقصه والسلطان الفصل الحادي عشر 11 - بقلم hour writer 🐆

#الراقصه والسلطان
#حور حيدر
#الانستا:enghour98

*******

سمر صحيت من ذكرياتي على صوته من بين الهوسه لان صوته بلنسبه اليه مميز  الي بيوم جان بلنسبه لكلبي ادمان اووف يربي شكد جنت غبيه ...

لحد الان   ممستوعبه هو كدامي بعد هل سنين شجابه وشيريد مني بعد مكفاه السواه بيه ...دموعي كامت تنزل وحدهه واني اشوف الجامعه كلها ملتمه وتباوعلي انفضحت من وراه...

حسيت باحد ايده ع جتفي ...التفتت
مصدكت شفت اريج ...

وقبل لا تسئلني وبعيونها الف سوال كتلها واني صوتي كوه يطلع...

اريج فدوه طلعيني منا ما اكدر اتنفس ...
اريج وهيه ممفتهمه شي بس شافت وضعها ميسمح تبقى تسأل ويمهم عركه وصايره هوسه ...
لزمت ايدها وطلعن ...

سمر عفتهم وطلعت من الجامعه كلها راحت عيوني عليه وشلون معصب ويتعارك وعيونه اووف شكد جنت اخاف منهن وشكد جنت اعشكهن وشكد جنت اضعف كدامهن بس هسه عيونه يذكرني بغدره وبس فيصل بلنسبه اليه غدر ووجع ...

احس الدنيا ضاكت بيه وروحي تريد تطلع حاولت بهل سنين اجمع روحي الدمرها ببعده سنين واني افكر بأول لقاء شراح اكله وشراح اسوي تمنيت اسئله ليش سوه بيه هيج ...ردت  اشوف ندم بس ماكو رجع واقوه من قبل نفس التملك ونفس العصبيه ...

يصيح ولازم جاسم من ياخته باثنين اديه الي وجهه ينزف وشباب والامن كاعد يفاككوهم ...

فيصل بصياح صار مثل المخبل ميشوف كدامه يدفع ويضرب اي واحد كدامه بس يريد يلزم جاسم ...

شنو خطيبتك لك والله ولي اسمه الله اطرك اثنين هنا اذا جبت طاريها على لسانك ...

جاسم وهو يمسح الدم من خشمه والولد يبعدو عن فيصل ...ونته شكو بيها ابن عم ابن خال... اني رجال داخل من الباب وطالبها كدام الوادم وراح تصير اليه غصبا على شواربك ...

فيصل والنار تشتعل بكلبه ويه كل كلمه منه غافلهم وكفخه على حلكه...
وكله وهو رافع الاثنين بوجه ويصيح بخشونه ...

عجل انته رجال ومن ظهر رجال اكربلي هين وكلام الله لاخليهم يشيلوك محمل  لا تتختل مثل الحرمه  ...

واحد من الشباب من الامن عرف فيصل منو وهو يهدي بي ...شيخ استهدي بالله واذا غلطان وياك او ويه احد من الاهل احنه نتصرف ونبلغ هسه رئاسه الجامعه ...

جاسم بوجع وكوه يحجي حلكه ينزف دم بتهديد... هو اني منين اعرفه حتى اغلط وياه البنيه خطيبتي واجه اتهجم علينه ...بس والله اليوم انومك بلحبوس واخليك تبوس ايدي وما طلعك ...

فيصل وهو يلبس نضارته خله اصبعه ع شفته بمعنى اسكت  ...اواشك لك  صوتك ما اسمعه اسئل منو فيصل الفهد قبل لا تهذز  بكلمه وتكرب لاي شي يخصني ...

وخلي هذه الصار درس الك واذا ع الحبوس فهيه للزلم بس مع الاسف جيب الزلمه اليكدر يدخلني
والله ثم والله ثم والله اخليك تبوس مداسي وهو ياشر لحذائه اذا ...

اتدخل امن الجامعه وبصعوبه بعدو فيصل ولي هستوه انتبه لسمر ماكو ...

اتقدم منه جاسم رجع لوره والولد لزمو فيصل ..
كلهم بخبث ...لتخافون ما ضربه
صار كباله لزمه من ياخته وجره عليه وهو يهمس باذانه بعصبيه وتهديد ...

اذا كربت لو جبت طاري مرتي على لسانك والي يوصل لبيت ابو نمر من كرابتك  اليوم ارجعهه محمل  افتهمت بويه  وخلي جوادركم تلف ...
بعد وهو يرفع ايده ...اودعناكم ونعتذر ع الازعاج

ابتعد وعيونه تدور عليها ركب سيارته بسرعه ...وهو يهمس بعصبيه ...والله اموتج وما خلي غيري يكربلج
عجل تنخطبين وتتمعشكين يمعثوره وهو يضرب الستيرن بقوه اووف الله كله مني ...كله مني

شافها براس الشارع واكفه ويه وحده وتريد تصعد بلتكسي ...
مشيت بسرعه وصفيت السياره كبال السياره قبل لا تحرك ...
فتحت الباب من جهتها عيونها اجت بعيوني همست بدون وعي  اووف ربي بعد ما رايد شي من الدنيا مدام شفت عيونها هاا يكلبي انجويت بشوفتها  ...ومن دون مقدمات
كتلها بحده ... حدري

♤ 🍃

الخلل بيه عفتني وماعرفت انساك
لا والله امن الاول ماعرفت اهوى
ماترهملي صاحب مو حبيب تصير
بس ترهم ابن ادم يوگع ببلوة"💛"

#الراقصه والسلطان
#حور حيدر
#الانستا:enghour98