رواية الراقصه والسلطان الفصل الحادي والعشرون 21 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

~~حسام ~~

عيونه دمعت من قره كلماتها وگفت عيونه على اخر كلمه ممصدك ...

واگف بمكانه وايده اللزم بيها الورقه ترجف گام ياخذ نفس سريع وخله ايده نفسها على گلبه وهو يتذكر اخر مره شافها ...

گال بوجع اذا تحبيني ليش عفتيني اووف يا وجع گلبي هسه وين الگاج واريح گلبي لا عندي رقم لا عنوان ...

رفع راسه وگال بتوسل وهمس ربي لا تحرمني منها، ربي اخذ روحي ولا تاخذها مني ربي طالبها منك هااي امنيتي الوحيده بحياتي ماا رايد شي حبها اذيتي جان من اول شبابي ...

اتاذيت بحياتي هوايه من وراها بس كل شي ولا بعدها ...

زينب تباوعله وعيونها مدمعه وكلها خوف على اخوها وهيه تشوف حالته على اخوها شنو ذنبه يتعذب هيج كل هل سنين ذنبه لان حب بصدگ لا غش ولا جذب ولا خان ...

خلت ايدها على جتفه وكالت بخوف وهيه تشوف وضعه اتخربط وكوه يجر النفس...حسام شبيك

حسام كللها بخنگه ...گولي شما بيه، وج جنت اتمنى منها النظره تعرفين شنو النظره وقابل رغم كل اسلوبها وتعاملها ويايه جنت راضي ما رايد بس توافق عليه
وتالي تگلي احبك وتعوفني وتروح وتريدني اتزوج بعد شيصير بيه، ربي هااي وين جانتلي من كل عقلها عبالها اعوفها ...

زينب وهيه تحاول تخفف وجعه وتهدي ...اهده انشالله نلكاهه مدام كلتلك احبك اكو امل ...
حسام بلهفه ...عندج رقمها زين عنوانها

زينب وهيه تذكر ...لا مو تدري حذرتني اكلك متدور عليها او تسئل احد خاف احد يكول لاهلها وتتاذه لان اهلها كلش شديدين وياها من رفضت تكلي عنوانها حتى تخطبها من اهلها لمن رفضت ...

حسام باستهزاء ووجع ...وين الامل لعد واني كل شي ما اعرف عنها ... لا رقم اعرف عنها لا عنوان بيت مو گدامج واني،

الغبي من خوفي عليها حتى محاولت ادور كلت خاف تتاذه واني ائاذي روحي وما ائاذيها
الله يأخذني شلون عفتها هيج، وما فكرت صارلها شي لو اهلها اذوها...

دخل الورقه بجيبه ومشه بسرعه وهو ميشوف گدامه شي بس قمر يريد يلكاهه وبس ...قبل لا تلحك زينب تسئله شافته دخل للمدرسه ...

حاول الحارس يوگفه دفعه ودخل لغرفه المديره
فتح الباب وكفت المديره بصدمه طلع الباج الها وگال بسرعه ...طالبه عدكم صف سادس اسمها قمر عدنان
اريد الفايل مالتها ...

المديره بعد ما استوعبت كلامه گالت باعتراض ...بس استاذ منگدر

قبل لا تكمل كلامها كللها بصرامه وعصبيه ما اله قابليه ياخذ وينطي وهو يريد بس خيط يوصله الها ... مجتف اديه لوره يحاول يخفي توتره وعصبيته ...

امي الملف اريده لتعبيني وطلعي اليه اخذ منه معلومات وارجعه ...

المديره شافت ماكو فايده من الاعتراض ...كلتله زين شنو الاسم الثلاثي ...

حسام بجمود ...ما اعرف بس قمر عدنان
صاحت للمعاونه بلغتها بالاسم وره كم دقيقه اجه الملف ...

اخذه بلهفه منها وهو يبتعد وينطيهم ضهره لاخر الغرفه ...اول مفتح الملف ابتسم بالم وهو يشوف صورتها من جانت صغيره ...

مگدر الا يشلعها وخلاها على شفته وهمس وهو يطبع بوسه عليها ...
اووف يا گلبج وجبروته

دخلها لجيبه ...و
اخذ صوره للملف وانطاه للمديره وطلع باستعجال

اول مطلع شاف زينب تنتضره بلسياره ...
صعد السياره گالتله بلهفه ...ها شسويت بشر

اشرلها انتظري حسام وهو يطلع التليفون يدگ على الرقم الي بلفايل ...
فجا كام يضرب لستيرن بقوه وهو يغلط على روحه وعلى حضه ...

زينب برعب ...شكو فدوه على كيفك

حسام بقهر وهو يضرب براحه ايده على گلبه ...كله مني الله ياخذني شلون ما انتبه، شلون ما عرفت شي عنها، حقها بعدت حقها متثق بيه لج طلع غير معرف لعد ، الله ياخذني ...اكيد صارلها شي

لتگول هيج، يجوز شالو والرقم هذه قديم ومغيري

حسام بضعف وراسه على الستيرن ...زين شسوي فهميني لخاطر محمد راح اضيع من اديه قمر ،

زينب وهيه تحاول تلكه امل اله ...زين اسمها متكدر تعرف شي عنها من الاسم ...

******

گاعده بصف الشيخه ويشربن جأي لازمه استكان الجاي وصافنه عليه وهيه تفكر بشاهين متغير صارله فتره،

مو مثل قبل وياها اغلب وكته بره واذا اجه لو تالي الليل من هيه نايمه ينام ويطلع قبل لا تكعد وباله شارد طول وكته واذا دگ تليفونه يرتبك ويگوم يحجي بعيد واذا فاتت من يمه ينصي صوته ...

گلبها ناار صاير وألف فكره اجت ابالها معقوله يعرف وحده واخذته منها...

تعرف شاهين اكثر من نفسها اكو شي اباله متگدر تتحمل تجاهله اكثر ممتعوده على جفا وبعده، ممعودها تنام بعيد عن حظنه ...

رباها على ايده من يوم ماتو اهلها جانت صغيره وهو صار كل شي بحياتها الاب والام والاخ والحبيب والزوج ...هدوئه وشهامته جبروها تعشگه ...

ببدايه زواجهم جانت تحسه مجبور على زواجهم وماله ذنب يتزوج وحده لان اهلها وصوه عليها تعرف رجولته متسمحله يرفضها لذلك،

ابتعدت عنه مخلته يلمحها گامت تطلع قليل وتنجبر مرات تاكل وياه ...

مرادت تحس روحها ثگيله عليه وقررت فتره وتطلب الطلاگ منه...

غرفتها جانت وحد طبعا طلبت هذه من الشيخه وضحه جانت خايفه منها بلبدايه بس بعدين...
صارت اقرب شخص جان الها الشيخه وضحه، احتضنتها وعاملتها مثل بتها ...

وبيوم مر على وفاه اهلها 5 اشهر وعلى زواجها 3 اشهر نزلت من غرفتها بلليل تتعشه تعرف بي رجع ونام متنزل الا هو يروح فتنزل يوميه بعد مينام ...

سميه نزلت وهيه تتلفت مشافت احد جان المطبخ اظلم،

هيه رادت تفتح الضوه حست باحد يكبل جسمها ويحظنها من وره بقوه وقبل لا تعيط خله ايده على شفايفها يكتم صوت صراخها وهو يتنفس يم نحرها ويهمس،باذنها وهيه تتنفس بسرعه من الخوف...

لتخافين ماكو احد بس اني،زوجج الشارده مني

من سمعت صوته هدأت بين اديه وخر ايده التفتت عليه صارت گباله وعيونها فاتحتهم بصدمه دائما تشوفه من شباك غرفتها او تلمحه من تنضف بس اول مره هيج تصير قريبه منه ...

نزلت عيونها بارتباك وحاولت تبعد عنه بس اديه مقابله تعوفه ...رفعت عينها باستفهام بعيونه ليباوعلها بوكاحه
همس بخشونه وبعتب ...يولو ليش حارمتني منج،

نزلت عيونها مجاوبته ...كمل وهو يرفع راسها باديه خله عيونه بعيونها ...جاوبيني ليش عازله فراشج عني ومالج خص بيه

سميه والكلام كوه يطلع منها ...ما بيه شي بس اريد اطلگني

قوه لزمته على خصرها وهمس بعصبيه
..بويه اعرف انه جبير عليج ونتي بعدج حديثه ،بس تحلمين اعوفج انتي صرتي مرت شاهين ومن الليله مالج مكان غير حظني ،ومالج احد غيري

سميه بعصبيه وباندفاع ...ممحتاجه شفقه منك، اعرف شهامتك جبرتك تتزوجني،

قاطعها بشفايفه وهيه تعض شفتها بقوه ...وره شويه ابتعد عنها وهمس بعصبيه وهو يباوع لعيونها المدمعه ...

تدرين شصار بيه كل هل فتره واني اشوفج گدامي مثل الغزال تفترين واني مثل الاسد الجوعان اريد اكلج بس لمانعني عنج و لمصبرني امي گالت عوفها خل تتعود عليك ...وتالي مبتعده عني كل هل مده وتكليلي طلگني ...

سميه بخجل ووجع وهيه لازمه شفتها ...وخر ارد اصعد لغرفتي ...

شاهين بهدوء وهو يبتسم بشر ...دللي راح اوديج باديه لغرفتج ...بعدها ممستوعبه كلامه صارت بين اديه وهو يصعد بيها لغرفته ...

حست بصوت الشيخه وضحه صحاهه من ذكرياتها وهيه تكللها ...شجاج يمه ليش تبجين

محست على دموعها تنزل وحدها مسحت دموعها وهيه تحاول تبتسم ...لا يمه ماكو شي دموعي وحدها نزلت

الشيخه وضحه وهيه حاسه بيهم هيه وشاهين ...خاف ابو عامر مخشن خاطرج بكلمه

سميه وهيه تلزم ايدها بحنيه وهيه متريد تضوجها بمشاكلهم...يمه شاهين انتي ادره بي مني كلامه مثل البلسم ما يجرح احد، بس هل فتره مشغول وما لحك اشوفه ...

وضحه ما رادت تضغط عليها...الله يهدي سركم يمه

بهل اثناء انفتح الباب دخلو منه الشيخ نمر وابو عامر
سلمو وگعدو ...

الشيخ نمر باس راس وضحه بعد ما كلتله الله يساعدك ابو ناصر و كعد يمها وهو يحاجيها بصوت ناصي ...
ويساعدج ابويه انتي،

بعده ممكمل سمع صوت ذياب وهو ينزل ويگول ...
اويلي يابه وانوب بنص الهول، وين نولي

ابو ناصر ...شمالك ولك تخبلت

ذياب وايده على گلبه ...جدي دراعي مشاعري مو اني عزابي گدامك ما اتحمل هيج مشاهد گدامي ...

وضحه وهيه تريد تاخذ عوجيه ابو ناصر ...نمر ما تنطينياها من يمك خل انعنعها على افاده

ذياب وهو يغمزلها ...ها عيني وضحه مترضين ع الحب مالج ...

ابو ناصر گامله بلعوجيه ...ولك هتلي شنو وضحه هازه كاروكك

ذياب ركض للدرج وهو يضحك وكف على الدرج ...تغار عليها متريد احد يگول اسمها بس انته لاا لاا لهنا وما اتحمل اني ...اريدلي مريه مثلها ماكو جدي

ابو ناصر وهو يحظنها لصدره ووضحه خجلت ...طبعا ماكو وضحه مريتي وبنيتي بس انه ...

ذياب وهو شبعان ضحك على بيبيته...يمه فدوه للخجلان ،

ابو عامر اول ما دخل عينه على سميه كعد بصفها وخله ايده على جتفها ...اول ما لمسها بعدت ايده وگامت وهيه تستاذن من عمها وعمتها ...
عافتهم وصعدت لغرفتها ...

دخلت للغرفه غرفتها عباره عن جناح غرفه وصاله ومطبخ صغير وحمام داخل الغرفه ...گامت تعزل بعصبيه الغرفه نظيفه بس تريد تلهي نفسها بشي حتى متفكر بي ...

سمعت صوت الباب انسد عرفته اجه ...
طلعت للصاله بدون متباوع اله ...

راح وراها وكف اباب الصاله وهو يباوعلها تفتر منا ومنا يعرف بيها معصبه ومقهوره ...
گال بهدوء ...سميه

مردت وعلى نفس حركتها
رجع گال ...سميه
هم مردت

اتقدم منها سحبها من ايدها اله على كيف ...وهو يحجي بنفس النبره ...سميه ليش تتجاهليني ومتردين عليه شبيج،

گالت بهمس وعيونها لجوه متباوعله ...ملابسك جاهزه والحمام جاهز اسبح بين ما يصعدولك الاكل ...

شاهين وهو يرفع وجهها بايده يريد يشوف عيونها نزلت نضرها لجوه ومباوعتله ...

ما رايد لا ملابس ولا حمام والاكل تدرين كلش زين اذا مو من ايدج ما يدخل الزاد حلگي ...

راد يحجي سمع صوت صياح ذياب يصيح باسمهم ...نزلو يركضون بسرعه

قبل كم ساعه ...

يسوق وعيونه كل ساع تروح عليها من اتحركو ما نطقت بحرف تباوع على الشارع وساكته ...

عمه كل نص ساعه يخابر يگله بس،اسمع صوتها اول مره يشوف عمه هيج يعرف گلبه نار على بنته ولحد هسه ممصدگ هيه عايشه ...

قمر بالها يم حسام تدري راح ينجرح هوايه بس مو بايدها هذه قدرهم الظاهر ممكتوب الهم ينجمعون ...
متعرف شلون حيكون لقائها باهلها تحس ابرود اتعودت تعتمد على نفسها بكل شي السبب الخلاها توافق تجي
لان هايه فرصتها الوحيده تخلص من عدنان ولميعه ...

سلطان ...اي شخص يسألج هناك وين جنتي عايشه وعد منو تكليلهم يم عائله محترمه ومتدرين شلون وصلتي الهم، اي گلام عن الحياه الحياه الجنتي عايشتها ما اريد حتى لامج ...

قمر مگدرت تصيطر على اعصابها من كلامه ومن تفكيرها بحسام محست بروحها بعد كلامه الا گالت وهيه تباوعله بنظرات كره ...

ما اگول الاحد تدلل،اهم شي رضاك ومكانتك تستعر مني ومن حياتي تريد اگلهم جنت عايشه حياه محترمه ومثاليه اب وام محترمين علموني الصلاه والدين مجان ناقصني شي حتى تتشرف بيه،متريد اكلهم جان ابويه عدنان وامي لميعه متريد اكلهم جنت عايشه ابيت دعا## متريد اكلهم جانو يعلموني الرگص حتى يبيعوني للي ينطي اعلى حتى لا تنجرح مشاعركم ...

سلطان بهدوء من بين سنونه وهو لازم نفسه كوه عنها عمه واگف بعينه اتعهد لنفسه يوصلها بايده لعمه وبعد ما اله دخل بيها ...
الي كلته يتنفذ بدون حجي زايد

بقو ساكتين الطريق كله لحد ما وصلو للبيت نزل واشرلها تنزل ...

مشه وهو يشمر السويج للحراس ...وهيه وراه وتباوع للبيت الي ابعد شي عن البيت العادي والحراس ابرود...الي استنتجته اهلها اغنياء وصاحبين نفوذ

فتح الباب واشرلها تدخل دخلت وياه اول موگعت عينها على اثنين كبار بلعمر ...

الشيخه وضحه اول مشافت سلطان يدخل او وراه وحده ...دكت على صدرلها وگالت دهر فرك يسلطان ازوج واجاني ...

مو كتلكم هسه تتعلگ وحده من بنات بغداد على جتافو ويجيبها وييجيني ...

بلعافيه عليج يوضحه

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

شاهين &سميه👆👀

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †
ولي ممصوت للبارتات السابقه يا ريت يصوت

#حور حيدر
#يفدوه