رواية الراقصه والسلطان الفصل الثاني والعشرون 22 - بقلم hour writer 🐆

الراقصه والسلطان
#حور حيدر
#الانستغرام: enghour98
الواتباد: eng_hour

❤️ تابع الصفحه وصوت للبارت فضلا وليس امرا †

فتح الباب واشرلها تدخل دخلت وياه اول موگعت عينها على اثنين كبار بلعمر ...

الشيخه وضحه اول مشافت سلطان يدخل او وراه وحده ...دكت على صدرلها وگالت دهر فرك يسلطان ازوج واجاني ...

مو كتلكم هسه تتعلگ وحده من بنات بغداد على جتافو ويجيبها وييجيني ...

بلعافيه عليج يوضحه ...

ذياب بنذاله...اي وضحه هاي تالي لهياته ابغداد مو گتلج ماله امان...
ابو ناصر ...اگضب السانك انته وانجب،  تلگيتو لوليد دخل يأخذ نفس...

سلطان ابتسم بطرف شفته من گلام الشيخه وهو يباوع بطرف عينه لقمر الباقيه واكفه يم الباب وتباوع بصدمه مدري ليش ضحكت من اتخيلت قمر مرتي  ...

گلت للشيخه واني اتقدم لجدي ...افه يمه انه اتزوج من وراج اذا مو وضحه تختارلي مرتي ماا ريدها

ابو ناصر وهو يوگف وينتجي على عصاته كللها  ...الله حيو ابو شاهين وضيفه ابو شاهين ،هله بعضيدي ووليدي

سلطان وهو يبوس راسه وايده ...جدي هااي مو ضيفه هين هااي من اهل البيت ...

الشيخه وضحه وعيونها على قمر ...لا تلعب بعگلي بجلماتك وگلي هل حديثه منين ...

سلطان وهو يگعد من الشيخه ويحضن اديها بين اديه ويرفعهن لشفايفه يبوسهن وهو يباوع لعيونها ...
يمه هااي وضحه ...

صاح لقمر ...گربي قمر هين

الشيخه وضحه بعدم فهم وهيه تباوع لسلطان وترجع تباوع لقمر وتحجي،بعصبيه...منهي وضحه ومنهي قمر لا ادوخني يمه گول مرتي، من البدايه ...

سلطان بضحك وهو يباوع لقمر الوجهه گلب الوان من الاحراج ...عجل انتي مصره على زواجي اليوم

ابو ناصر ...يبه فهمنا منهي البت

سلطان ...بويه هأي وضحه بت عمي شاهين

لحظه سكون للجميع وصدمه يستوعبون كلامه،

قمر واگفه بمكانها وتباوع للوجوه، ركزت على وضحه رغم الكبر بس ملامحها حلوه وركزت اكثر شافت نفس لون عيونها ،

رجعت حولت عيونها لابو ناصر الي من اول مدخلت منزل عيونه منها يباوع الها بنظرات حنيه استغراب مگدرت تفسر شنو بيهن والاصح مهتمت ...

شافته بي شبه جبير من سلطان نفس الهيبه والحضور  الي تحسها من اول نظره، واگفخ ولازمه جنطتها بقوه مكان غريب ناس غريبه عليها،

اول مره تشوفهم شعورها مختلف بين تردد وخوف ورهبه بس بنفس الوقت عدها برود تجاه اي شي جديد متعودت من الدنيا تنطيها شي حلو بحياتها فما متوقعه منهم شي، علاقل تخلص من لميعه وعدنان هذه كل همها ميهمها منو همه وحتى لو اهلها او لا مامتلهفه الهم ...

كسرها صياح ذيااب وهو ممصدگ... ابو عامر، يمه
الشيخه وضحه وهيه تباوع لقمر تريد تگوم وترجع توگع بمكانها ويسندها سلطان بسرعه ...وضحه، وضحه ماتت يسلطان،

سلطان وعيونه على قمر ...لا جده وضحه ما ماتت جانت عد ناس اجاويد ربوها وكبروها وهل جبتها الكم،

ابو ناصر بانفعال ...شنهي الربوها وكبروها بويه بتنه قبل 17 سنه ماتت شلون

بهل لحظه نزلو ابو عامر وسميه ...اول مشافها شاهين ركض الها ودخلها لحظنه ...
وهو يبوس بيها ممصدك وعيونه تبحي ...

بنيتي وضحه، يأ گلب ابوج
بقه يشم بيها ويحظنها وهيه جامده بمكانها گلبها متعرف شصار بي من شاف دموعها وحنيته ومن گلها بنيتي بقت صافنه عليه ...

بعدها من حظنه وحاوط وجناتها باديه ويباوعلها بلهفه وحنيه وهو ممصدك يگلها بعبره والدمعه بعيونه ...
بويه خوما اتاذيتي خوما بيج شي ،يا بعد حيلي انتي

قمر لا اراديا هزت راسها بلا وهيه تباوع لعيونه تحس معقوله هذه ابوها، متريد تفارگ حظنه اول مره بحياتها تشوف هيج اب، هيه بنظرها الاب يختصر بكلمه وحده عدنان، مجانت تشوف غيرها ولي هو اسواء خلق الله

ابو عامر وهو بعده حاظنها اندار لسميه الواگفه بمكانها مفاهمه شي ...وهو يفتحلها ايده
گربي هين سميه، هاي بنتج، هاي وضحه الجنتي تبجين وانتي تحضنين ثيابها، وج بويه طلعت لنسويلها ثواب بكل خميس عايشه ...

سميه تمشي وخطواتها متردده ممستوعبه كلامه وعيونها عليها وهيه بحضن ابو عامر ...

وصلتلهم وشفايفها ترجف واديها رفعتها مهزوزه تريد تلمس وجهها ...قمر لا اراديا اول مشافتها عيونها وحدها گامت تبجي،
سميه بنبره مهزوزه بين دموعها ...ش،،شاهين ،شدا تحجي

ابو عامر (شاهين) ...بنتج وضحه عايشه، ما ماتت رجعها سلطان ...

سميه حضنتها بلهفه وهيه تبوس كل مكان بوجهها تبجي بحرگه وهيه تحضنها اكثر...
يمه اخذوج مني ونتي بلفه ما خلوني اشبع من ريحتج...

بعد فتره ...
قمر گاعده بين سميه والشيخه كل ساع وحده شابگتها لو بايستها ...

سميه وهيه تباوع لقمر من فوگ لجوه تريد تحفظ كل جزء بيها ممصدگه هيه كدامها ...يمه ليش ساكته من اجيتي ما نطقتي حرف، ريحي گلبي وسمعيني صوتج

سلطان من شاف وضع قمر عرف بيها تعبانه والوضع جديد عليها گال ...
ام عامر عذريها قمر مصدومه ،اخذيها فوك خليها ترتاح وتنام وباجر احجو على كيفكم ...

الشيخه وضحه باعتراض...اسمها وضحه شنو قمر گول وضحه ...

سلطان ...تدللين يمه كم يوم اشوف محامي وابدي بتجرائات تغيير الاسم ...

*******

بلمجلس الخارجي گاعدين ابو شاهين وابو ناصر وسلطان وهمه يشربون گهوه...

سلطان يحجي بلتيلفون ...يعني كل شي تم
والله وكفو ابو حرب

ذاك خلي شغلته مختلفه، ضامله غير شي
كم يوم واجيك انشالله ...

سلطان وهو ينهي المكالمه ينزل الفنجان وهو يجاوب على سوالهم...بويه السالفه بدت قبل شهر او اكثر بجم ليله ،جنت راد من بغداد اجاني اتصال من واحد غريب گلي بلحرف ...

بت عمك عايشه، وحاليا ابيت دعا## بمنطقه ###
عد وحده اسها لميعه ورجلها عدنان، ويردون يبوعونها ويسفروها للخارج الحگ الها ...

ما استوعبت الحجاه منو بت عمي وشنو ...

گتله منو بت عمي ...گلي بت الشيخ شاهين والخطفوها ناس تعرفوهم ...العليه كلته والباقي عليكم

كتله بسرعه زين منو انته وشنو غرضك من هذه الكلام ...

گلي فاعل خير وسده ...

مجذبت خبر، رجعت بنفس الليله لبغداد رحت للعنوان گبل ...البيت جان راقي وممبين عليه شي واكو حمايه گدام الباب ...

بقيت گبال الباب لحد ما گامت تجي سيارات لناس كبار لان وياهم حمايات يدخلون عرفت الشغله جبيره ومو بسهوله نگدر ادخل بينهم ...

بقينه وراهم لحد معرفنه شغلهم يخطفون البنات اكثر شي يستهدفون الناس الفقره لان مالهم احد يطالب بحقهم وبناتهم ويبيعونهم للتجار واهل المناصب واكو يشغلوهن وياهم ...

بقينه نراقبهم ودخلنا اكثر من واحد بينهم الجنت خايف خاف ماشيه بطريقهم وصايره مثلهم ...حجه وهو يباوع لگدام اخذ نفس،وكمل

بس العرفنا والحمد لله بنتك عمي طلعت ذيبه ومحد گدرلها منهم برغم جانو يضغطون عليها بس مرضخت الهم، وجانت تشرد البنات المخطوفات مناك ...

بقينه نراقبها طول ما تروح للمدرسه وترجع وحتى بينهم دخلت من جماعتي ...لحد ما عرفت الراس الجبير الباشا مالتهم
ولي طلع ابن عم سميه ...

گال وهو يباوع لابو عامر الي يحسه گاعد على جمر ويعصر بيده بحرگه ممتخيل بنته جانت كل هل سنين بين وحوش باي لجظه جان ضاعت لولا حفظ الله الها، 

ما حس بروحه الا وهو ينزل للگاع يسجد لربه ويبجي،بحرگه ...ربي الف لحمدالله والشكر ربي رجعتها بنتي، رجعتلي سالمه، ويشهگ

ابو ناصر يمسح دموعه بطرف شماغه ...گوم بويه ربك ما يترك عبده معجزه وحگ ربك معجزه مدري شگول غير الحمدلله ثم لابو شاهين النشمي،روح جيب 100 راس عجل جريان دم وكلهن يتوزعن للفقره ،مثل ما فرحنه ربك خل الفقره تفرح ...

سلطان ...تأمر جدي
نزل لعمه وهو يگومه ...عمي گوم، بنتك يمك صارت وهذاك الحقير وحگ الله وهو يلزم شاربه ما اتسمى زلمه وهذه مو عليه اذا ما شمرته بين رجليك، وبيدك اطفي نارك ...

ابو عامر وهو يحظن سلطان ...لك بويه لو افديك بروحي هم قليله ما اجازيك السويته،

سلطان باعتراض ...عمي قمر عرضي ومحسوبه عليه، بس هذه الكلام يبقى بينه محد اريده يعرف حتى الشيخه وعمتي ام عامر والولد لان اذا عرف احد من بره العشيره ،الناس مترحمها والبنيه جديده علينه وخاف تتعب وتنفر من العيشه اهنا.

ابو ناصر بعصبيه ...لسانو اكصو ليجيب طاري حفيدتي

سلطان ...جدي بدون متگول بس خلي كل شي مثل ما اتفقنا ...

*****

الساعه 12:00 ليلأ، بغداد
ابو حرب ...منتجي ع الشجره وهو گاعد رافع رجل والثانيه امدده ع الگال وبيده بطل الشرب، رافع راسه للسما ويهمس بوجع وهو يتنهد بقهر ،

اليوم عيد ميلادج نمارق ...اليوم صار عمرج 26 هسه انتي بحضنه مو هسه گاعد يحتفل بيج ونتي فرحانه،
وناسيتني بين اديه،محتاجلج احس روحي غريب من يوم رحتي ما عندي وطن، تايه مرت سنين وعيوني عاشگها السهر، مرت سنين وشوگي الج نفسه
شرب من البطل وهمس وصورتها متفارگ خياله  ...

يا من هــــواه أعــــزه وأذلـني
كيف السـبـيـل إلى وصـالك دلـنــي
أنت الذي حلفتني وحـلـفـت لي
وحـلـفـت أنك لا تـخـون فخـنـتـني
وحلفت أنك لا تميل مع الهـوى
أين اليـمـيـن وأين مـا عـاهـدتـنـي
تركـتـني حيـران صـباً هــائمــاً
أرعى النجوم وأنت في عيش هني

لأقعـدن على الطـريـق وأشتكي
وأقـول مـظـلــوم وأنت ظـلمـتـني
لأقعـدن على الطـريـق وأشتكي
وأقـول مـظـلــوم وأنت ظـلمـتـني
ولأدعون عليك في غسق الدجى
يـبـلـيـك ربي مـثـلـمــا أبلـيـتـنــي

وهو يتذكر اول مره شافها بي ...
جانو راحيحين للنجف، بعد قطيعه وفراق دامت سنين لان امه علويه من النجف وابو من الانبار اجه زياره لصديقه وشافها وحبها وبثاني زياره اجو مشايه عليها...
اتزوجو رغم رفض اخوها الجبير بس ابوها السيد جان رجال عادل ميفرق بالطوائف ما عنده سني وشيعي، رجال صاحب حظ وبخت بس ابنه الجبير جان واكف عقبه بينهم،

وگال الاخته اذا تزوجتي تنسين عندج اخ،
والبنيه رادت ترفض ، بس السيد مقبل گال الله ميرضى نرفض الرجال لان طائفته مختلفه، كلنه ولد حوا وادم، ماكو فرق بينه
واتزوجو بس بقه اخوها الجبير ميحجي وياها، لحد مصارو عدها

حر (ابو حرب) ،وجنيد واحمد ورونق
مجانو يرحون لبيت جدهم للنجف بس امهم تروح وجانت كل ما تروح تسمع حجي من اخوها وترجع مكسوره الخاطر، فهمه يعرفون غير مرحب بيهم، بعد سنين وبعد ما كبرو ...
بقه الحال الى ان اجه خبر وفاه السيد الجبير ابو امهم
راح ابو حر وحر واخوانه ...

*****

نمر $وضحه 👆

صباح الخير ...البارت الثاني حيكون بلليل انشالله نفس الموعد ❤️